رواية لاجل الحب الفصل الرابع وعشرون 24بقلم منال كريم حصريه
رواية لاجل الحب الفصل الرابع وعشرون 24بقلم منال كريم حصريه
: بقولك متجوزة،اتجوزك ازاي.
رد عليا بهدوء: اطلبي من محمود الطلاق، أو ارفعي قضية خلع.
قعدت على الكرسي بهدوء و قولت: محمود مش يقبل يطلقني، و أنا مش معي فلوس أرفع قضية
أتحرك خطوتين، وقف قصادي و قال: فلوس ايه اللي بتفكري فيها يا نور، كل فلوسي تحت أمرك.
أبتسمت و قولت: بجد، يعني لو طلبت منك تكتب لي الشركة دي تقبل.
رد من غير تفكير : الشركة و صاحب الشركة تحت أمرك.
كنت ببص عليه بذهول و أنا مش مصدقة أنه ممكن يحبني لدرجة دي.
كان هو بينه و بين نفسه، مستعد يعمل اي حاجة علشان نور توافق، هي بالنسبة له هوس و جنون مش حب طبيعي ، علشان كده مستعد يعمل اي حاجة علشان تكون ملكه ، و هو متأكد أن نور فترة في حياته و تعدي و اتعلق بيها بس لانه رفضته ،فكانت تحدي بالنسبة له.
أخذت نفس عميق و قولت: بص يا أستاذ رمزي أنا بحب جوزي، هو الراجل الوحيد في حياتي، و كل فلوسك و كلامك مش فارق معي.
قومت من مكاني و كنت خارجة من مكتبه ،قال بصوت عالي: و تسيبي إبنك يموت علشان جوزك الفقير.
بصت و قولت بنبرة حادة: الاعمار في أيد ربنا.
اتغيرت نظرة الحب لنظرة غضب و قال: يبقي دمار حياتك على أيدي يا نور، إبنك هيموت بسبب الفقر، و اعتبري نفسك أنتِ و جوزك خارج شركتي.
و كمل بتهديد: للآخر مرة أقولك ، حياة إبنك مقابل أن تكوني لي.
: لا استنا، استنا بس، لما اضحك.
انفجرت من الضحك بعد الجملة دي و جيت اتكلم ، ضحكت اكتر و قولت: مش قادرة أبطل ضحك،ايه كلامك الغريب ده، و جو الروايات الها،بطة اللي عمري ما حبيته ، يجي البطل ،بس بالنسبة لي يكون شرير، بس الكاتبات عقلها تعبان، علشان تخلي واحد زيك كده بطل.
و ضحكت بصوت عالي و أنا بقول: و البطلة بس برضو هي معدومة الكرامة،تكون أمها أو أختها أو أي حد محتاج علاج و هي بقا البطلة تضحي بنفسها ،و القارئ يعيط و يقول بطلة و المفروض نتعلم منها التضحية.
رسمت الهدوء على ملامحي و كملت : بس الكاتبات و الأبطال اللي زيك كده نسيان حاجة مهمة اوي.
سكتت ،انتظرت يسأل ايه هي ،لكن واضح أنه اخرس
كملت أنا: أن الموت و الحياة و الرزق كل ده بايد ربنا، خليني وافقت على عرضك و اتطلقت من محمود و اتجوزتك، و مش أقولك محمد المريض ،اقولك أحمد السليم ما،ت تقدر تعمل حاجة, قولى فلوسك الكتير تقدر تعمل ايه.
مردش عليا كملت بهدوء : أنا شخص مؤمن بالله ، عارف ده يعني ايه، يعني لو أبني بيموت قدمي عمري ما أقبل طلبك، لأن ربي و رب العالمين قادر على كل شيء.
و اتجهت علشان أخرج و هو يضرح : مش اسيبك يا نور فاهمة مش اسيبك.
خرجت و أنا بضحك.
كانت السكرتيرة تبص لي بغيرة و قالت: مش عارفه عجبه فيكي ايه، و رغم كده غبية و ترفضي كل الفلوس دي.
بصيت لها باحتقار من طريقة لبسها ، هي زي البنات اللي فاكرة أن الحجاب حتة طرحة صغيرة تغطي نص الشعر، و عادي الرقبة و الايد و الراجل تبان و اللبس الضيق، كل ده عادي.
قولت: اللي فيا مش فيكي.
و مشيت و هي دخلت ل رمزي.
خرجت من الشركة قررت اني اسيب الشغل، أنا غلطت أني فضلت في الشركة.
روحت على المستشفى ، وصلت و اتخضيت لما لقيت محمود وافق قدم اوضة محمد ،جريت عليه و بقول: محمد ، أبني ماله.
مسك أيدي و قال بابتسامة: اهدي ،اهدي، بيجهزوا للعملية.
سألت باستغراب: ازاي، و هما طلبوا مننا مبلغ علشان يدخل العمليات.
رد عليا : الحمد لله المبلغ ادفع.
للحظة توقعت أنه رمزي علشان يكسر عيني، سألت: مين.
= أنا.
بصيت وراء و قولت: استاذ سامح حضرتك بتعمل ايه هنا.
زعق لي و قال: أنتِ اخرسي خالص، إبنك تعبان و أنا آخر من بعلم، مش عشرة سنين دي.
: حضرتك عرفت منين.
قالت مرات سامح: أنا يا نور، شوفتك هنا امبارح بليل و لما سالت الممرضة قالت لي على حالة إبنك، بلغت سامح و زعل جدا منك لانه يعتبرك اخته، و الاخت لو محتاجة مساعدة تروح لمين يانور.
سامح بصوت عالي: تقولي لمين، الهانم شايفة أن العلاقات تكون بالدم بس، أنا عارفة أني علاقتنا كانت مجرد موظفة و مدير، بس سبحان الله اعتبرته أختي الصغيرة و مش لوحدك اي حد يشتغل معي هو من اهلي، على العموم أنا هنا علشان محمود اخوي و إبن اخوي، أما أنتِ قلبي مش مسامحك.
معرفتش ارد ،انفجرت من العياط، ربنا عادل معنا، احنا اللي ظالمين نفسنا بحجة أصل أنا مضطر ،مفيش حاجة تخليك تغضب ربنا، لو وقفت على عرض رمزي ،من وجهه نظري يكون جواز حرام لانه مبني على التهديد و الضغط و قلة الحيلة.
كل حاجة تحصل لينا اختبار من ربنا.
في نفس الوقت اللي كنت برفض أغضب ربي و أخون جوزي، ربنا بعت لابني ملاك رحمة في هيئة بشر
كنت أبكي في حضن محمود و رحمة مرات سامح ماسكة أيدي بحنان..
كنت بهمس لنفسي: الحمد لله ،الحمد لله، اللهم قوي أيماني، الحمد لله و الشكر لله.
دخل أبني العمليات، و عدي ساعة اتنين، خمس ساعات و هو في العمليات، كنت قاعدة و رحمة جنبي بقرا قران كريم.
و محمود وقف قدم اوضة العمليات و يصلي على الحبيب المصطفى صلى الله عليه وسلم بنية شفاء أبني و سامح جنبه محمود كان داعم لمحمود.
و بعد ساعات طويلة كما نمو،ت فيها، خرج الدكتور و بيان عليه الإرهاق و التعب، و ابتسامة بسيطة.
كنت مش قادرة أتحرك من مكاني، سأل محمود بتوتر: طمني يا دكتور.
رد الدكتور بابتسامة: الحمد لله العملية نجحت.
سجد محمود و سامح سجدة شكر لله.
و رحمة خدتني في حضنها و قالت بدموع فرحة: الحمد لله يا نور، الحمدلله.
كان لساني عاجز عن الكلام، مفيش كلام يتقال، نعُم ربنا علينا كتير ، و قليل من يحمد ربنا.
في الليل
قاعدة أنا و محمود مع أبني إلا لسه تحت تاثير البنج.
و قولت بهدوء: محمود أنا مش مرتاحة في الشغل و قررت اسيب الشركة.
أبتسم و قال: اللي يريحك يا حبيبتي.
: و أنت
= حتي أنا مش مرتاح بعد ما رمزي مسك الشركة و بفكر اسيبه من زمان، ازاي نشتغل عند واحد زي دي كل يوم فض،حية شكل، علشان كده عملت ايه.
: عملت ايه يا حودة.
= كنت بدور على شغل في شركات تاني لي و ليكِ، و المشاريع اللي كانت تحت اشرفنا أنا و أنتِ في الشركة الكل سمع عنها.
و كمل بصوت عالي: و بناء علينا تم تعيين أنا و أنتِ في شركة كبيرة و كمان ضعف المرتب.
تنهدت و قولت: يا حبيبي يارب.
بصت له بحب و قولت : أنا بحبك اوي يا حودة.
= و أنا بعشقك يا قلب حودة من جوة.
مرت الشهور الحمد لله محمد حالتها اتحسنت، و أنا و محمود أثبتنا نفسنا في الشركة الجديدة.
و حياتنا مستقرة.
الحمد لله ربنا كرمنا أكتر و صاحب العمارة لما اشتري مننا الشقة مفكرش يبعها ،علشان كده طلبنا منه نشتريها بالقسط و هو وافق،وورجعنا شقتنا و حياتنا مستقرة و هادية.
كنت رجعة أنا و محمود من الشركة
كنا ماشين أيدينا في أيد بعض ، فجأة عربية ظهرت قدمنا و فى لحظة تم التخدير و خطوفنا.
فوقت لقيت نفسي مرمية على الأرض في مكان زي مستودع ،حطيت أيدي على راسي بتعب، حاولت أقوم بالعافية.
و انصدمت لما لقيت محمود مربوط و هو واقف ،و قدمه رمزي.
بص و قال: صباح الخير يا نور، معلش على الازعاج.
كانت عيوني على محمود اللي يبص عليا بضعف، و يحاول يقول حاجة ،بس مش عارف لان في لاصق على فمه.
سألت بغضب: أنت عايز ايه يا حيو،ان.
ضحك بصوت عالي ، و مسك سكي،نه من مجموعة سكا،كين محطوطة جنبه و قال: أنتِ مش عارفه أني محترفة في اللعبة النشان.
خلص جملته، رمي السك،ينة في إتجاه محمود.
صرخت و أنا بقول: محمود , محمود.
و للحديث بقية
رايكم يا حلوين ♥️ 🥰
#لأجل_الحب
#الفصل_الرابع_والعشرون
#نور
#روايات_بقلم_منال_كريم
❤️❤️❤️❤️❤️❤️
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل وسلم وبارك على سيدنا محمد
لا حول ولا قوه الا بالله العلي العظيم
لا اله الا انت سبحانك اني كنت من الظالمين
❤️❤️❤️❤️❤️❤️❤️
تكملة الرواية من هنااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق