رواية اسيره الوحش الفصل الثلاثون 30بقلم سجده محمد حصريه
رواية اسيره الوحش الفصل الثلاثون 30بقلم سجده محمد حصريه
اسيرة_الوحش
#اسيرة _الوحش
بيقوم من النوم وقلبه هيقف من الرعب.... لانو كان بيحلم ان سجده... اتضربت برصاصه بيصب المايه في الكوبايه.... وبيشربها وبيستغفر ربنا وبيرجع ينام تاني
عند سجده في فرنسا:-
بتكون قاعده علي المكتب بتسمع صوت زعيق بره ف بتطلع تشوف في ايه بتلاقي واحده واقفه بغرور وبتزعق للسكرتيرة
بتقول بصوت غاضب: بس في ايه
السكرتيرة: والله يا استاذه سجده... معماتلها حاجه بتسالني علي حضرتك... قولتلها انك مش هتقابلي حد انهارده راحت زقاني وكنت جايبه لحضرتك قهوة وقعتها عليا وعايزه تتدخل بالعافيه
سجده بغضب: انتي مين وازاي تتجراي تزقيها كده وتوقعي عليها القهوة
سالي بتعجرف: انتي بتكلميني كده ليه انتي مش عارفه انا مين.. وبنت مين
سجده بتقعد علي كرسي وبتحط رجل علي رجل وبتقولها: عرفيني كده بنفسك
سالي بتعجرف: انا سالي الدمنهوري بنت حاتم الدمنهوري
سجده بتمثيل: بجد
سالي بتفكر ان سجده خافت وبتبتسم وبتقولها: عرفتي
سجده ببرود: ايوه مين برضو
سالي بصدمه: انتي متعرفيش... بابا يبقي مين
سجده: اعرفه طبعا بس دا يديكي مبرر انك تتكبري علي خلق الله.. ويلا معنديش مقابلات
سالي: انا سالي حاتم تكلميني كده طب ايه رايك اني هخليكي تتحايلي.. علي بابا علشان يرضي يعمل... معاكي الصفقه ومش هيرضي
سجده بثقه: طب تيجي نشوف مين هيتحايل علي التاني
سالي بتوتر: هنشوف... وبتمشي
السكرتيرة بتروح علي سجده وبتقولها: شكرا
سجده بطيبه: لا شكر علي واجب انتو كلكم هنا اخواتي فاهمه
السكرتيرة ببسمه: فهمه
______________
بتكون سجده قاعده هيا وندي وبيضحكوا علي الموقف وبتلاقي... تليفونها بيرن برقم حاتم الدمنهوري
سجده: الو
حاتم: الو ازيك يا استاذه سجده معاكي حامد الدمنهوري
سجده: اهلا بيك يا استاذ حاتم
حاتم: انا بعتذر عن الي بنتي... عملته هيا حكتلي وعارف انها غلطانه وطايشه
سجده: طايشه دا ميديهاش الحق انها تتكبر علي خلق الله وانا مبتهددش... ولا بتحايل علي حد ومش هقبل بالصفقه دي
حاتم: طب خلاص حقك عليا.. بس انا عايز الصفقه تكمل
سجده: تمام هفكر وبتنهي المكالمه
ندي: بيتحايل
سجده: انتي شايفه ايه
ندي بضحك: يا جبروتك يا شيخه بقي انتي حتة طفله... عندها 23 سنه اكبر رجال الاعمال بيعملولها الف حساب
سجده: طفله..طفله ايه يبت..دا انا اخلف قدك.. انا مش صغيرة ولو صغيرة ف الكبير كبير مقام
ندي بضحك: طبعا
تليفون سجده بيرن تاني
سجده: عامل ايه يا حبيبي
الجد: كويس يا حبيبتي انتي عامله ايه
سجده: انا الحمد لله كويسه
الجد: حاتم الدمنهوري رن عليا وبيترجاني انك تكملي الصفقه معاه
سجده: مش هقدر يا جدو
الجد: ليه بس يا حبيبتي
سجده: علشان نازله مصر بكره
الجد بفرحه: بجد يا سجده
سجده: بجد يا حبيب قلبي
الجد: طب هتعملي ايه
سجده: بما انو مُصر... انا هسيب الصفقه لندي وانا واثقه انها قدها
الجد: ماشي يا حبيبتي يارب ترجعيلنا بالسلامه
سجده: يارب ياجدو
_______________
تاني يوم بتكون سجده في المطار بتودع ندي وبعدين بتركب الطيارة وبعد وقت قليل بتعلن الطائرة وصولها مصر.... بتلاقي خالها واقف مستنيها بتركب العربيه... وبتحضنه بحب وبتقوله: وحشتني يابابا اوي ودموعها بتنزل من الفرحه وهو بيكون فرحان جدا بيها وبعدين... بيطلعوا علي القصر وكل ميقربوا من القصر قلبها يدق بعنف وبتكون متوتره وسليم... بيلاحظ عليها
سليم: خايفه تشوفيه
سجده بتوتر: هو مين
سليم بابتسامه: فهد يا سجده
سجده: لا... لا ابدا
بيوصلوا القصر وسجده اول مبتشوف البوابه كل الذكريات القديمه.... بتتجمع في دماغها من اول مره جات فيها هيا وفهد وكانت علاقتهم.. مش احسن حاجه لتاني مره وهما احسن زوجين في العالم ومره تالته.... وهيا ماشيه من هنا... وبتفتكر الخذلان الي اتعرضتله ونظرة القسوة الي كانت... في عيون فهد ونظرتها الي كانت بتترجاه انو يصدقها... ووجعها من اقرب حد ليها وخذلها كل ده.. اتجمع في دماغها وكانت بتقدم خطوة وبترجع خطوة دموعها بتنزل وبتفوق علي صوت خالها
سليم: سجده
سجده: نعم يا بابا
سليم: انتي كويسه
سجده بتمسح دموعها وبتقوله: ايوه يا بابا انا كويسه وميه ميه وبتدخل بثقه في نفسها... اول مبتشوف جدها بتجري عليه: جدو حبيبي وحشتني اوي اوي اوي
الجد بحب: انتي اكتر يانور عيني بس انتي بكاشه
سجده: ليه بس
الجد: علشان لو كنت وحشتك مكنتيش طولتي في الغيبه كده
سجده: مش بايدي والله ياجدو والجد مش بيرضي يتقل عليها وحور بتكون نازله من السلم اول ما بتشوفها بتطلع تجري عليها وهيا مبسوطه جدا وبتحضنها: سجده وحشتيني اوي اوي وحشتيني جدا
سجده: انتي اكتر يا حوري... وحشتيني اوي والله وفي حجات كتير اوي عايزه احكيهالك
حور: هنقعد كتير مع بعض خلاص براحتنا
وباقي العيله بينزلوا وبيسلموا عليها بترحاب وميرا ومراد بيسلموا عليها وسجده بتقوله: تعالي يا مراد انت مكسوف تجري عليا زي الاول دا انا اختك الكبيرة ولا علشان بقيت.... في اولي ثانوي هتفضل في نظري مراد الصغنن العيله كلها بيضحكوا وبيكونوا فرحانين انها اتحسنت بس ده الي هيا مبيناه.... لان ذكرايتها مش مفارقاها
سجده: خلي حد يطلعلي الشنط دي في اوضتي اقصد اوضه الضيوف
الجد: حاضر اطلعي ارتاحي
سجده: لا انا هطلع بره شويه في الجنينه اشوف الزرع
الجد بيحس بيها: ماشي يا حبيبتي
_______________
بيكون واقف في شباك الاوضه وبيشرب قهوة ونفسيته مدمره.... شخص تاني...تايه حيران... ومش قادر يبطل تفكير في معشوقته وفجاة بيشوف حاجه بتصدمه جدا ومش بيكون.... مصدق.... بيفوق من صدمته وبيبص من الشباك بتركيز ولهفه..واشتياق.. وبيقول لنفسه: لاء اكيد لاء مش هيا اكيد مجاتش مصر... مش قادر ابطل اتخيلها بس قلبي حاسس.... ان هيا قلبي بينبض جامد...وقلبه بيدق بشده.... انا متاكد انها معشوقة قلبي...وعنيه بتلمع من الفرحه..... وبيبقي عايز ينط علشان ينزل يشوف هيا ولا لاء ورجله بتاخده علي تحت... يتاكد هيا ولا لاء
________________
بتكون واقفه بتسقي الزرع.... ومره وحده بتحس بنسمات الهوا بارده وتشعر بالبرودة في اطراف رجلها وقلبها بيدق... بعنف شديد وبتقول لنفسها: هو... هو ورايا انا حاسه بيه.... اهدي ياسجده وبتلف راسها ببطء وفجاة عنيهم بيتقابلو الاتنين قلبهم بيدق اكتر وعنيهم هيا الي بتحكي كل حاجه وكان الزمن...... توقف في اللحظه دي
وهيا عنيها بتكون لامعه بفرحه انها شافته
فهد من الفرحه ببجري عليها بفرح... ه وحب واشتياق العالم كله ومره واحده بيحضنه بقوة واشتياق دموعه بتنزل وكانه بيتاكد... انها هيا الي واقفه قدامه وبيشدد علي الحضن.. اكتر ومش بيكون عايز يطلعها من حضنه.... ابدا و هيا بتطلع من حضنه بقوة وبتحاول تثبت.. ودموعها متنزلش
هو بينصدم من ردة فعلها
سجده بضعف وبتحاول تبين قوتها وثقتها بنفسها بتردف بعمليه: اهلا يا.. يا.. يفهد... عامل ايه
فهد بدموع: مكنتش كويس من عشر دقايق.. يا سجده انما لما شوفتك بقيت... احسن واحد في الدنيا كلها
سجده بتتوتر من كلامه وبتحاول تتهرب: بعد اذنك هدخل اشوف حاجه جوه.... واجي بتمشي وقلبها بيتقطع عليه... عيونه بتكون دبلانه وشعره بيكةن كثيف جدا ودقنه كذلك... ملامحه الرجوليه بتكون باهته
فهد لنفسه: عارف يا سجده انك اتهربتي مني بس مش مهم.. مش مهم اي... حاجه المهم انك رجعتي ورجعتيلي حياتي من اول وجديد معاكي عارف انك مكسوره من جوه انا بفهمك من عيونك.... بس بتحاولي تبيني انك قويه انا اسف اسف يا سجده علي اي حاجه عملتها معاكي
____________________
هيا بتطلع علي اوضتها... جري واول مبتدخل الاوضه بتفقد قواها وبتقع علي الارض... بضعف ودموعها بتنزل بوجع اه يارب مش قادرة يارب انا مصدقت اني بقيت كويسه.. وكل ذكريات الماضي بتطارد عقلها القسوة الي كانت في عيون وفهد وان مصدقهاش وخذلها وولا فرقت معاه... مش قادره استحمل ازاي... هقدر اقف قدامه وابقي قويه وواثقه في نفسي مش هقدر هضعف... من اول كلمتين وبعدين بتمسح دموعها وبتقول: اجمدي يا سجده ومتضعفيش وافتكري دايما انو وجعك اكبر.. وجع في حياتك لدرجه انك سبتي.. عيلتك الي عرفتيها مؤخرا وسبتي بلدك.. وكل حاجه هنا علشان مقدرتيش تستحملي قسوته ومعاملته الجافه ليكي.
_______________________
تاني يوم العيله بيكونوا قاعدين في الصالون ما عدا سجده تحججت... بالشغل علشان متتقابلش معاه بيلاقو حبيبه وجوزها داخلين عليهم... العيله بيسلموا عليهم بفرحه وطبعا حبيبه بتكون عارفه الي حصل مع امها. بس بتقول دا جزاة اي مجرم
حبيبه: وحشتوني اوي اوي اوي... وسجده كمان وحشتني نفسي... تيجي بقي هيا مش هتيجي انا كل مببقي عايزه اشوفها اشوف صورها
سجده من علي السلم: طب انا قدامك بنفسي اهو
حبيبه بتجري عليها وبتحضنها بحب: وحشتيني اوي يا سجده
سجده: انتي اكتر يا حبيبتي وحشتيني اوي
احمد بيسلم علي اسر وبيقوله بضحك: كتبين كتابنا مع بعض.... واديني متجوز بقالي تلت سنين ولسه جاي احضر فرحك
اسر بضحك: يعم انت بتذلني... شوفت النصيب بقي وبيبص علي حور بحب وبيقول: وانا مستعد استني حور.... لاخر لحظه في حياتي
احمد: الله يسهلك يعم
اسر: بطل حسد
احمد: دا انت اكتر واحد قريت علينا... وفهد يشهد علي الكلام دا ولا ايه يا فهد
فهد بضحك: حصل
العيله كلها بيستغربوا.... وبيفرحوا لما بيلاقو فهد بيضحك بعد كل الوقت ده وبيعرفوا ان السبب رجوع سجده
الجد: طب يلا بقي علشان... الغدا جهز واقعدوا احسدوا في بعض براحتكم
الجميع: حاضر يلا بينا
_____________________
علي الغدا العيله كلها بتتجمع والكل بيسيب الكرسي الي في وش فهد عمدا علشان سجده تقعد فيه وبالفعل بتقعد وبتفتكر حنيه فهد عليها.. وخناقتهم مع بعض وكذلك فهد والاتنين بيرفعوا عنيهم يبصوا علي بعض وبعدين الاتنين بينزلوا عنيهم بسرعه والعيله بتلاحظ دا وبيبتسموا في سرهم
_________________
البنات بيكونوا قاعدين مع بعض في الجنينه بيستعيدو الذكريات بيلاقو فهد واسر واحمد داخلين عليهم
الشباب: احنا زهقانين
البنات: نعملكم.. ايه يعني
الشباب بمرح: تعالو نلعب
البنات: نلعب ايه
الشباب في صوت واحد: الصراحه
البنات: موافقين
بيبداو في اللعب وبيجي الدور علي اسر يسال فهد
اسر: عايز سؤال ولا طلب
فهد: طلب
اسر: اشطا هات بوسه
فهد: متنشف ياض
اسر بخوف: خلاص ياعم خليها سؤال
فهد: اتفضل اسال
اسر: انت ليه عصبي اوي كده كده يعم دا انا بخاف منك
فهد: دي طبيعه فيا يزكي... وكانت بتختفي مع حد واحد بس وبيبص علي سجده
اسر: امممم فهمت
فهد: انت طلعت.. بتفهم يعني
حور بضحك: فهد بيقصف ولا يبالي
الدور علي حور.... تسال حبيبه
حور: ايه اكتر مكسب كسبتيه في حياتي
حبيبه بتبص علي احمد بحب وبتقول: احمد اكتر شخص كسبته وعرفت اني محظوظه بيه
اسر: يا بختك يا احمد
فهد: يا ابني هتبطل الخصله السودا دي امتي
بتتوالي الادوار وبيجي الدور علي سجده تسال فهد بتتوتر ومش بتكون عارف تقول ايه
سجده بتوتر: ايه اقصي طموحاتك
فهد بيبص عليها بحب وبيردف بثقه: انك تسامحيني
الجميع بيبتسم وهو شايف الحب... في عيونهم هما الاتنين
سجده بتتوتر وبتقو تقف وبتقول: بعد اذنكم هطلع انام علشان تعبانه شويه
حور: تمام
اسر بضحك : كنت اود ان اقول لك ايوه يا عم روميو
فهد بيدي لاسر بوكس في وشه بيقع علي الارض والجميع بيضحك
فهد: دلوقت بقي اقدر انا اقولك ايوه يا عم روميو عليك حتت راميه علي الارض وانت مضروب خطيره
_______________
بتكون طالعه اوضتها وبتحس بايد بتشدها لمكان اخر
سجده: ايه دا
فهد: سجده... انا
سجده: انت ازاي تشدني كده
فهد:سجده
بيقرب منها وهيا بتزقه بعيد عنها بعصبيه.... ووووووووووو
يتبع
تكملة الرواية من هنااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق