رواية اسيره الوحش الفصل الحادى والثلاثون 31بقلم سجده محمد حصريه
رواية اسيره الوحش الفصل الحادى والثلاثون 31بقلم سجده محمد حصريه
#اسيرة _الوحش
بتقوله بغضب: اياك ثم اياك تقرب مني تاني ومتنساش انك طليقي مش جوزي.. ها ومينفعش تقرب مني كده انت فاهم
فهد: اهدي... ياسجده
سجده بغضب: متقوليش اهدي
فهد: انا بحبك
سجده بدموع: اوعي تقول الكلمه دي... انت مش كدها فمتقلهاش
فهد بيحضنها بضعف: سامحيني ياسجده
سجده كانت لسه هتبادله الحضن بس بتضغط علي ايدها وبتبعده وبتاخد بعضها.. وبتروح علي غرفتها
فهد: صدقيني يا سجده هخليكي تسامحيني وترجعي تحبيني زي الاول
سجده بتدخل اوضتها وبتعيط وبتقول: انا هفضل كده لغاية امتي هفضل في وجع القلب دا كتير يارب الفرح يخلص بقي علشان.... ابعد عن الوجع دا مش قادره اشوفه في الحاله.... دي ومش قادره اسامحه
______________
تاني يوم العيله بيكونوا متجمعين علي الفطار
سجده: جدو
الجد: نعم يا قلب جدو
سجده: انا عايزه اشتغل في الشركه
الجد: يا حبيبتي انتي تشتغلي في المكان الي يريحك في شركتك الي هنا في القاهره او في الشركات الي هنا براحتك بس ادي لنفسك راحه من الشغل
سجده: مش هينفع اروح القاهره... لاني جايه علشان فرح حور وهرجع علطول بعده... فكنت بقول الوقت الي انا فاضيه فيه اشتغل هنا وخلاص
الجد: متعرفيش انا فخور بيكي قد ايه يا سجده بالرغم من سنك الصغير قدرتي تاسسي نفسك كويس
سجده: كله بفضل ربنا وبفضلك انت وبابا ياجدو
الجد: حبيبتي اشتغلي براحتك بس متجيش علي نفسك
سجده: حاضر ياجدو انا هقوم اروح الاسطبل شويه
الجد: ماشي ياحبيبتي
____________________
سجده بتروح الاسطبل واول ما بتشوف الحصان الي فهد اداهولها بتجري.... عليه وهيا فرحانه لانو غالي عليها اوي وبتفتكر لما كانت بتقول لفهد... انا بحب الحصان دا اوي يا فهد وهو قلها علشان بتحبيه اوي كده هيكون هديه مني ليكي.... وهيا فرحت اوي وقتها
سجده بتدخل تاكل الاحصنة وبعدين بتروح لحصانها المفضل وبتقعد تأكله:ياه انت كنت اغلي... هديه من اغلي شخص كان في حياتي تعرف ان هو السبب في اني ابعد عنو.... كل البعد وعنك انت كمان لاني سافرت بسببه وجع قلبي اوي لما ظلمني انا فقدت الثقه في اي حد في حياتي... بابا لما خذلني... مزعلتش اوي كده وسلمت أمري لله بس لما هو خذلني وظلمني اتكسرت اوي من جوه ومن بره ومش عارفه انساه... تعبت اوي بس عمري ما اسامحه لانو خذلني وتعبني نفسيا هو في حد يعمل كده مع حد بيحبه عارف... انسب حل عملته اني سافرت اتحسنت شويه بس في جزء جوايا لسه... مكسورة منه
فهد بيروح الاسطبل علشان سجده بيلقيها واقفه وجنبها الحصان الي... كان هو عطيهولها بيفرح اوي وبتيجي فكره مجنونه في دماغه بيدخل الاسطبل من غير ما سجده تشوفه وبيطلع الحصان بتاعه وبيخلي سجده واقفه ساهيه بيرفعها علي الحصان بتاعه وبيجري بيه.... وهيا من الخوف بتحضنه جامد وبتغمض عيونها.... وبعد فترة قليله بتفتح عيونها وبتلاقيه بيبصلها بحب وفرحه شديده
سجده بهدوء: بعد اذنك يا فهد نزلني
فهد: مش هنزلك
سجده: فهد متعصبنيش ونزلني
فهد: وانا عايز اشوف عصبيتك.. عايزك تزعقيلي تعاتبيني اعملي اي حاجه بس سكوتك لما بتشوفيني... دا بيجنني
سجده: يافهد لو منزلتنيش دلوقت صدقني هعمل حاجه هتاذيني انا وانت
فهد: هتعملي ايه
سجده: هعفرتلك حصانك... دا لغايه مخليه يوقع بيا انا وانت ان شاء الله يكسرنا حتي
فهد بضحك: كل ده
سجده: اه كل دا انا ممكن اعمل اي حاجه علشان متقربش منك
فهد: للدرجه دي مش بتحبي تتقربي مني
سجده: ايوه.... ونزلني بقي
فهد: ميهمنيش المهم انك قريبه مني
سجده: فهد انت فاهم انت بتعمل ايه احنا دلوقت متطلقين يعني حرام انك تتقرب مني ولا تمسك ايدي حتي
فهد بيهدي نفسه علشان ميتعصبش انها كل شويه احنا مطلقين.... ويقولها انو مطلقهاش: طب انا يا ست اهو عايزك ترجعيلي وتسامحيني
سجده: دا في احلامك
فهد: في احلامي طب.... ماشي وبيجري بسرعه واحتراف بالحصان وبيكون حاسس انو طاير من الفرحه وبعد فترة... بيرجع بالحصان بينزل من علي الحصان ولسه هيشيل سجده ينزلها هيا بتنط بتكون هتقع بس هو بيلحقها بايديه
فهد بضحك: انتي تخنتي اوي
سجده: بجد طب نزلني بقي علشان انا كده تقيله اوي عليك.... زي ما كنت تقيله علي قلبك
فهد بعصبيه خفيفه: عمرك ما كنتي تقيله علي قلبي يا سجده.. علشان تكوني فاهمه وعمري مابطلت احبك
سجده: طب نزلني
فهد: حاضر يا سجده هنزلك وبينزلها وهيا بتطلع تجري علي القصر
فهد لنفسه: هتعب اوي علي ما اخليكي تسامحيني بس مش مهم... انا الي غبي وضيعتك من ايدي واستاهل اي حاجه تعمليها فيا
سجده بتدخل البيت... وبتجري علي اوضتها وبتقفل وبتقول لنفسها: دا عايز ايه بقي هو مش هيسكت غير لما اضربه بحاجه... في دماغه تفقده الذاكره وبتلاقي الباب بيخبط
سجده: اتفضل
حور: سجده ممكن اتكلم معاكي شويه
سجده: طبعا ياحور تتكلم... ي وتقعدي وتعملي الي انتي عيزاه يا حبيبتي من غير متستاذني
حور بتدخل وبتقعد
حور: سجده
سجده: نعم يا حوري
حور: مش ناويه تسامحي فهد بقي
سجده: صدقيني ياحور مش هقدر فهد دلوقت ابن خالي وبس... واستحاله اسامحه
حور: طب ليه ياسجده
سجده: صدقيني ياحور انتي مشوفتيش لما وقعتي قلبي كان عامل ازاي وهو بكل قسوه بعدني عنك وكمان لما كنت هموت من الخوف عليكي وعايزه اطمن عليكي منعني... وقالي استحاله ادخلك ليها وكان قاسي معايا اوي والي كسرني بزياده انو كان مصدق فعلا الي انا الي عملت فيكي كده
حور بحزن: يعني يرضيكي اعيش... طول عمري حاسه بالذنب اني السبب في فراقك.. انتي وفهد
سجده بحنيه: لا يحور اوعي تفكري في كده انتي ملكيش ذنب ياحبيبتي..... اخوكي السبب في كل حاجه ومش هسامحه علي كسرت قلبي ابدا
حور بحزن علي حالها: براحتك يا سجده بس اتمني انك تفكري كويس
سجده بابتسامه: ماشي يحبيبت قلبي.. متفكريش في حاجه انتي بس غير فرحك انتي وحبيب القلب
&&&&&&&&&&&&&&&&&&&&
سجده بتكون واقفه في الجنينه بتلاقي الي بيسحبها للعربيه وبيقفل الباب
سجده بغضب: انت ازاي تعمل كده
فهد: علشان بحبك
سجده: فهد انت مجنون
فهد: مجنون بيكي ياسجده
سجده: طب وقف العربيه يافهد
فهد: مش موقف العربيه ياسجده ولازم تسمعيني
سجده: وانا مش عايزه اسمع منك حاجه ولا عايزه اشوفك حتي
فهد: وانا بقي عايز اشوفك وبحبك وعايزك تسمعيني ومش هسيبك غير لما تسمعيني
سجده بتحاول توقف العربيه بغضب
فهد: اهدي يا سجده هنعمل حادثه
سجده بصراخ : اهدي ازاي ها نزلني يافهد بقي وقف العربيه... انا بكرهك... بكرهك من قلبي يفهد... كلماتها بتنزل خنجر في قلبه.. ويمسك ايدها جامد وبيقولها: اسمعيني
سجده بتشيل ايدها وبتقوله: قولتلك ميت مره اياك تمسك ايدي ولا تقرب مني وللمره المليون بقولك متنساش انك طليقي
فهد بيتعصب من الكلمه وبيوقف العربيه بغضب شديد
وبيقولها بصوت عالي: بس كفايه انا مش طليقك ومتطلقتقيش انتي لسه مراتي وانا زوجك
سجده بصدمه كبيره: انت بتقول ايه... فهد بغضب: ايوه ياسجده انا... متلقطقيش ومش هطلقك لو اخر يوم في حياتي.... وبيبدا يحكيلها ايه الي حصل من ساعة ما حور فاقت
سجده: يعني انا جدو خدعني... كل دا وانا مش عارفه
فهد: جدو مخدعكيش جدو خايف علي مصلحتك
سجده بغضب مصلحتي هو جدو شايف ان مصلختي اعيش معاك.. مصلحتي اعيش مع شخص زيك
فهد: ايوه ياسجده
سجده: تمام وبتفتح العرييه علشان تنزل بس طبعا مش بترضي تفتح علشان... فهد قافلها الكترونين
سجده: نزلني يافهد
فهد:العربيه عندك اهي... عرفتي تفتحيها افتحيها
سجده بتخبط رجلها في العربيه بغضب وفهد بيسوق العربيه وبيطلع علي الكوخ الي هو اعترفلها في بحبه
سجده بصدمه: انت ايه الي خلاك تجيبنا هنا
فهد: جاي علشان تسمعيني واسمعك ونعيد الذكريات
سجده بضحك: ذكريات طب ياتري هنستعيد انك كسرت قلبي... ولا انك صدقت اني قاتله ولا ايه
فهد: بلاش بقي ياسجده الكلام دا
سجده بدموع: مش انت الي عايز تستعيد الذكريات
فهد بيفتح العربيه: طب يلا انزلي ياسجده
سجده: مش نازله
فهد: ماشي وبينزل من العربيه بيلف وبيفتح الباب وبيشيلها علشان يدخلها الكوخ.. وهيا بتقعد تضرب علي كتفه علشان ينزلها
فهد بصوت عالي: اسكتي بقي
سجده بعند: مش هسكت ومتفكرش اني سجده بتاعت زمان... وهخاف منك لو زعقتلي
فهد بصبر: طب اهدي ياسجده
سجده: هو انتي شايفني بشد في شعري
فهد: طب ههدي.. انا ياحبيبتي
سجده: متقولش حبيبتي
فهد بيفتح الباب وبيدخل هو وهيا وبيقفل الباب بالمفتاح وبينزلها علي الارض
سجده: انت عايز... ايه دلوقت
فهد: عايزك تسمعيني
سجده: اسمع ايه يافهد
فهد: تسمعي اني بحبك ياسجده
سجده: وبعدين
فهد: سامحيني بقي
سجده بتقرر انها تطلع كل الي في قلبها وبتقوله: اسامحك علي ايه بقي علي انك صدقت اني قاتله وانا الي قتلت حور لا كمان ووقعتها حور... يافهد انا اقتل حور دا انت عارف اني مقدرش ااذي.. نمله وبعدين حور دي انا بعتبرها اختي وحبيبتي وصحبتي
فهد: طب كنتي عيزاني اعمل ايه وانا شايف السكينه في ايدك
سجده: منا قولت خوفه علي اخته كان متعصب زقني... ونا بجري عليها وقولت هيهدي مرضتش تخليني اشوفها وقولت هيهدي.... الاكبر بقي ان انت بعد مروحتلها طردتتي من هناك
فهد يدموع: غصب عني والله سامحيني... والله منظر حور قطع قلبي... دا حور الذكري الوحيده لامي يسجده.. بشوفها بشوف امي.. منظرها عماني وقطع قلبي والله... عارف اني غلطان ومسمعتكيش واذيتك بس حاولي تديني فرصه واحده بس.. سامحيني
سجده بتتاثر بكلامه علي امه بس بتقول : مش كل شويه سامحيني سامحيني ربنا هو الي بيسامح يافهد
فهد: طب طلعي الي جواكي انا سامعك
سجده: انت الي اختارت انك تسمع بس عيزاك تعرف ان عمري مهسامحك يافهد قسوتك ونظراتك القاسيه ليه الي مكنش فيها اي حنيه عمري ما انساها دخلتلك الاوضه... علشان تسامحني وهبدتني في الحيطه ومتهزلقش رمش مع انك لو كان الدبوس شكني... كنت بتترعب عليا نفسيتي الي ادمرت بسببك وبتتكمل بوجع ودموع وقطعت للاكل لمده اسبوع علشان... بس اتلاشي وجع قلبي لما اقبلك وتقولي كلمه تجرحني... او تقوم من المكان الي اقعد فيه او تسيب الفطار لاني مكنش يهون عليا انك تسيب فطارك علشاني كان وقتها نفسي تسمعني زي ماانت دلوقت بتطلب مني ان اسمعك ومشيت وسبت مصر كلها وسبت وراها اهلي الي لولا اني اتجوزتك مكنتش عرفتهم.. جمعتني بيهم... وانت برضو نفس الشخص الي فرقتني عنهم وجامعتي وكل حاجه علشان اقدر اكمل واعيش واريحك مني... نظراتك ليا وانا ماشيه كانت خاليه من اي تعبير كان نفسي تمسك فيا وتقولي متمشيش انا مصدقك... بس للاسف معملتش كده وسافرت ومتفكرش اني سافرت واتعافيت بسهوله لا ابدا انا قعدت اكتر من خمس شهور مكسورة وفي قلبي شرخ كبير اوي وكان بسببك... وجاهدت كتير يافهد والحمد لله قدرت اوفق بين جامعتي وشغلي ودلوقت انا قدامك اهو متخرجه من الجامعه بقالي سنه الحمد لله وبقيت من ناجحه في حياتي وحابه اشكرك لان يمكن لو مكنتش كسرتني وخذلتني مكنتش هبقي ناجحه دلوقت بس بالرغم من كل ده قلبي موجوع اوي يافهد ومكسور بسببك
فهد بيقرب منها علشان يواسيها
سجده بصراخ ودموع: ابعد عني اوعي تقرب ابعد يافهد علشان معملش تصرف مش هيعجبك
فهد بدموع وضعف: سجده انا اشتقت ليكي والله... تعبت في بعدك
سجده: وانا مش مشتقالك يافهد ولا كنت عايزه اشوفك اصلا
فهد: عارف انك بتقولي كل دا لانك زعلانه مني
سجده: لا يافهد انا بقول دا بقصد ومش عيزاك تنتظر مني اني احبك... او اسامحك او اي حاجه
فهد بيقرب منها وبيحضنها جامد وبيقول بدموع: انا اسف عارف انك شايله مني وشايله اوي كمان بس صدقيني انا غلطان وغلطان اوي كمان لاني مصدقتقيش وزعلتك مني وكسرتك
سجده: طب ابعد
فهد: مش هبعد يا سجده
سجده بدموع وبتضربه بكف ايدها الصغير في صدره: ابعد يافهد كفايه كده بقي عايز تكسرني اكتر من كده ايه
فهد بوهن: صدقيني ياسجده انا مش عايز اكسرك انا بحبك ومقدرش اعملها... اتعلمت الدرس انا عشت معزب نفسي تلت سنين في بعدك رجعت القاهره كنت من الشغل للنوم جدي اتحايل عليا كتير اني ارجع الصعيد مكنتش بوافق علشان مفتقرش اني كنت سبب في خروجك منه ومكنتش بدخل اوضتنا علشان انتي مكنتيش فيها زي مكنت سبب في انك متكليش قطعت اكل وعارف انك اتعذبتي كتير انا اسف ياسجده اسف
سجده ببرود: تمام انا همشي
فهد: لا ياسجده مش هتمشي
سجده: همشي
فهد: سجده انا عايزك معايا مش هقدر ابعد عنك تاني انا بحبك
سجده: وانا مش بحبك
فهد: بصي في عيني وقولي انك بتكرهيني ياسجده
سجده:..........
فهد: يلا ياسجده وبيمسك وشها بايديه بصيلي في عيني وقولي انك بتكرهيني وانا هبعد عنك
سجده بتلف وشها ومش بترضي انها تعمل زي مقلها لانها مش هتقدر وهو بينبسط لانو بيعرف انها برضو انها لسه بتحبه
سجده: هات المفتاح يافهد
فهد: لا يا سجده انهارده مش هنطلع من الكوخ
سجده بصدمه : ايه انا اقعد معاك ليل كامل.. هات المفتاح
فهد بعناد: لاء وبيروح علي الباب وبيفتح فتحه الباب وبيرمي منها المفتاح
سجده بشهقه: ايه الي انت عملته دا
فهد: هو كده مفيش خروج من هنا انهارده
سجده: ياربي عليك... وبتروح علي ركن في الارض وبتقعد وبتسند دماغها علي الحيطه ودموعها بتنزل فهد بيروح عندها وبيقعد هو كمان جنبها علي الارض وبيكون موجوع عليها اوي... ودموعه بتنزل بيحط ايده علي ايدها هيا بتشيل ايدها
سجده: ابعد بقي
فهد: لو مسمحتنيش ياسجده هفضل طول عمري اعمل اي حاجه علشان... اخليكي تسامحيني برضو
سجده: انا قايمه احسن... وبتقوم تقف وبتقعد تهبد رجلها في الارض
بتلاقي فهد بيقولها: بصي
سجده: ايه
فهد: شوفي انتي شديتي الزرار بتاع القميص ازاي
سجده بتبص ولما بتلاقي ان صدره باين من القميص بتلف وشها وبتقول: مش عيب كده
فهد بيحاول يفك الجو: عيب ايه انتي مراتي
سجده: دا بالنسبه ليك
فهد: لا يا سجده دا بالنسبه لربنا وليا وليكي وللعالم كله
سجده: طب انت عايز ايه دلوقت
فهد: خيطيلي الزار
سجده: مستحيل
فهد: براحتك هقعد كده.. وبيبتدي يقلع القميص
سجده بتتذكر ان هيا وهو هيفضلوا اليل كله مع بعض في نفس المكان ف بتقرر تخيطه
سجده: فين الخيط
فهد: في الدرج الي هناك
سجده بتروح تجيب الخيط وبتقرب منه علشان تخيط القميص وهو بيكون فرحان... لان خطته نجحت لان هو الي قطع الزرار وبتبدا سجده تخيطه وهو بيكون مبسوط من قربها وبيبصلها بنظرات كلها حب وعشق وهيا بتكون متوتره من نظراته
سجده بتخلص القميص وبتقول براحه: خلاص خلصت
فهد: ياخساره
سجده: ايه
فهد: بقولك شكرا
سجده: دا مش علشان سواد عيونك.. بس طبعا مش هخليك تقعد قدامي كده
فهد: مش مهم السبب المهم انك عملتيه ياحبيبتي
سجده: متقولش حبيبتي
فهد: خلاص يانجمتي القطبيه
سجده بتفتكر لما اعترفلها بحبه في نفس المكان وقلها تقبلي تكوني نجمتي القطبيه وبتروح تقعد علي الكنبه
سجده: ايه الملل ده
فهد: تعالي نتفرج علي افلام مع بعض زي زمان
سجده: انا وانت استحاله
فهد: طب تاكلي
سجده: لا برضو مش هاكل حاجه من فلوسك
فهد: طب ابقي ادفعي فلوسها بعدين
سجده: برضو مش هاكل حاجه انت الي جيبها
فهد: عنديه
سجده: مش اكتر منك
فهد: طب مش هتنامي
سجده: انام وانت موجود هنا اكيد لا انا هفضل صاحيه لغايه من لاقي حد يفتحلنا الباب بكره
فهد بغموض: براحتك انا هدخل انام جوه بقي براحتك
سجده: احسن
سجده بتتاكد ان فهد دخل وقفل الاوضه وبتقلع الطرحه لانها كانت حرانه وكل شويه تكون عايزه تنام بس بتقلق وتقوم... علشان خايفه الا فهد يطلع من الاوضه ومره واحده بتنام بعمق
في الصباح:
سجده بتفوق من النوم..... وبتتصدم وووووووو
ياتري سجده اتصدمت من ايه!!
وهل عايزينها تسامح فهد ولا؟
تكملة الرواية من هناااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق