رواية احببت متمرده الفصل الخامس 5 بقلم اسماء السيد حصريه
رواية احببت متمرده الفصل الخامس 5 بقلم اسماء السيد حصريه
#احببت_متمرده
فجأه الباب بيخبط جامد لدرجة انهم اتخضو
مروان:ياترا مين
ملاك:هشش اسكت خالص
رعد بصوت واطي :في ايه
ملاك:انا هدخل الحمام ويونس معايا لو اتطريت قول انه هوا في الحمام
ملاك جريت علي الحمام وأخدت يونس معاها وهما اتوترو معادا رعد الي اتجه للباب وفتح ولاقا اتنين رجاله ضخمين
رعد بغضب:في حد بيخبط كدا
الراجل بتوتر:عاوزين نعرف في بنت بندور عليها مجتش هنا
رعد برفعه حاجب:وايه الي هيجيب بنت هنا ياحيوان انتا وهوا يلا من هنا
الراجل بخوف:تمام ياباشا بس ممكن نفتش
رعد بتحذير:تفتش فين منك ليه يلا من هنا لقتلكم يلا
جريو من قدامه بخوف ورعد اتأكد انهم مشيو وقفل الباب
ملاك طلعت واتنهدت براحه
رعد بغضب:انا لازم اعرف حالا ايه الي حصل حالا
ملاك بضيق:اولا وطي صوتك ثانيا مينفعش هنا
رعد برفعه حاجب:ودا ليه ان شاء الله
ملاك:عموما انا رايحه اغير ونازله القاهره دلوقتي وفي القاهره هقولك
رعد:روحي غيري واحنا كمان رايحين القاهره
ملاك بتنهيده:ماشي ... وخرجت ويونس وراها
@@@@@@@@@@@@@@@@@@@@@@
في قصر النجار
بيكون الجميع متجمع علي الفطار
قاسم :صباح الخير
الجميع:صباح النور
قاسم: اومال محمود فين
نرمين:بيلبس ونازل
بينزل محمود وباين عليه الغضب
محمود بضيق:صباح الخير
الجميع:صباح النور
قاسم:مالك يا محمود
محمود:مفيش يابابا
قاسم بجمود:محمود في ايه مش كل مسألك تقولي مفيش
محمود بغضب:ملاك انا زهقت من البنت دي قال ايه عاوزه تطلب نقل لقطاع تاني
حسين:اهدا يامحمود اكيد بتهدد بس
قاسم:بنتك مش صغيره يامحمود دي ظابط وانتا السبب الرئيسي في الي حصل
محمود:انا عارف اني انا الي زفت غلط بس مش كل شويه اما اجي اكلمها تقولي ياحضرت الزفت
قاسم:اهدي بس يامحمود وان شاء الله خير
حسين:انا شايف ان ملاك مش غلطانه مش انتا الي قلتلها متقوليش بابا ولا انتا نسيت
محمود:انا عارف اني غلطت بس قاسية اوي
نرمين:سيبك منها ملاك دماغها ناشفه
قاسم بصلها بضيق :نرمين لاحظي انها بنتك الي انتي مبتسأليش عليها اصلا
نرمين بتوتر:ازاي وهيا عاقه بوالديها
قاسم :لا انتو مجانين... وقام وخرج من القصر وحسين وراه
@@@@@@@@@@@@@@@@@@@@@@
عند ملاك
كانت لمت حاجتها ولبست ويونس اخد الشنطه ونزلو والشباب كانت سبقتهم تحت
....... تحت قدام الفندق
كان رعد واقف ولابس نضاره شمسيه ومولع سيجاره وساند علي العربيه والشباب بتحط الشنط
مروان:احنا مكملناش أسبوع
حسام:متزعليش يانوغا هجيبك تاني ههههه
زياد بضحك :لما تعملها في البوتي ههههه
مروان بغيظ:زياد ... وبدأو يتخانقو
رعد بغضب:اقسم بالله لو سمعت نفس ليكم لهكون دافنكو في شرم فاهممين
سكتو بخوف وملاك نزلت هيا ويونس وراها وكانت لابسه بنطلون جينز وتيشرت ابيض بنص كم وكوتش ابيض وعامله شعرها ديل حصان ولابسه نضاره سوده وحاطه دراعها في سناده زرقا
يونس اتجه للعربيه وهيا وقفت قدام رعد
رعد:هنوصل علي طول نتجمع في القطاع تمام
ملاك بضيق:ماشي
رعد بتفكير :بقولك ايه اركبي معايا
ملاك برفعه حاجب:ودا ليه ان شاء الله
رعد بغضب:لمي لسانك انا عاوزك في حاجه ومينفعش غير في الطريق
ملاك بضيق:يلا
يونس:يلا ياملاك
رعد:لاء ملاك هتركب معايا انا عشان عربيه زياد الزجاج بتاعه اسود وهيا عليها خطر
يونس بضيق:هتركبي معاه
ملاك:خلاص اركب انتا ونتقابل هناك
يونس:هستناكي في الشقة
ملاك بضحك:تمام بس اعمل اكل عشان اخوك جعان اوي
يونس بضحك:ماشي هستناكي خلي بالك من نفسك ياحبيبتي
ملاك بتنهيده:سيبها لله يا اوسه يلا سلام
وركبت العربيه ورعد بصله بقرف وضيق
وركبت ملاك مع رعد في عربيه زياد وحسام وزياد في عربيه مروان ويونس ومروان في عربيه يونس ومشيو
.......... في الطريق عند رعد
رعد:احكيلي بقا ايه الي حصل
ملاك بضيق:انتا بقا مركبني عشان احكيلك
رعد بغضب:لازم تحكي ياحضرت الظابط انا وانتي الي مكلفين بلمهمه والباقي معانا لكن احنا الي قائدين يبقا لازم اعرف
ملاك بتنهيده:اولا وطي صوتك ثانيا هحكيلك
رعد بستماع:سامعك احكي
ملاك بضيق:الي حصل .............. ووبس
رعد بدهشة:انتي بتتكلمي جد
ملاك :زي مابحكيلك كدا
رعد:وانتي عرفتي الراجل ازاي
ملاك بضيق:عرفته من الصور الي مع سياده اللواء
رعد بغضب:علي كدا بقا هما منتشرين مش في امريكا بس
ملاك:انا معايا فيديو لكل حاجه
رعد:وريني كدا
ملاك مدت ايدها في جيبها ملقتش موبايلها
ملاك بتوتر:الموبايل فيين اكون نسيته مع يونس
رعد بحده:حاجه زي دي تسيبها في الموبايل كدا
ملاك بغضب:متكلمنيش كدا واعطيني تليفونك اكلمه
رعد مدلها موبايله بعدم اهتمام وملاك رنت علي يونس
يونس:الوو مين
ملاك:دا انا يا يونس
يونس بخوف:ملاك انتي كويسه
ملاك:تمام المهم دلوقتي موبايلي معاك
يونس:اه في جيبي اهو انا وراكي اصلا
ملاك :تب هوقف استناك واخده منك
يونس:تمام... وقفل
ملاك حطت التليفون قدامه ومتكلمتش
رعد بحده:اقف ولا ايه
ملاك بغضب مكتوم :اقف
وقف رعد ونزلت ملاك بضيق واستنت يونس وبعد دقايق جه يونس واخدت موبايلها وركبو تاني ومشيو
رعد:وريني الفيديو
ملاك بتحدي:لاء في القطاع ياحضرت الظابط
وهوا اتعصب وهيا سرحت في الطريق قاطع سرحانها رن تليفونها وكان قاسم وفرحت انه كلمها لانها بتحبه
ملاك بفرحه:الوو
قاسم بحده مصطنعه:اهلا ياهانم انتي فين
ملاك:موجوده ياحبيبي
قاسم بإبتسامه:حبيبك اه وفي حد بينسي حبيبه كدا
ملاك بمرح:والله انتي حبيبي دا انتا الحته الي في القلب يا قاسم ياعسل انتا
قاسم بغضب مصطنع:اسمعي بقا انا زعلان منك ولا هكلمك يا واطيه انا كلمتك عشان اسألك علي يونس بس
ملاك بخبث:يونس ااه قولتلي من حقك ياعم قاسم من حقك ماهيا ملاك خلاص بقت في السله علي فكره انا الي زعلانه
قاسم بسرعه:مش القصد انتي حبيبتي اكتر واحده.. استوعب واضايق
ملاك بضحك:الله عليك يا قاسم والله انتا سكر دا انتا الحبيب العمر ياقاسم
قاسم:اسمعي بقا انا في الشركه بكرا في عشا في القصر
ملاك بضيق:اعفيني انا ياقاسم انتا عارف اني مش هاجي
قاسم:تب عشاني مع اني مش طايقك يا بنت الكل*ب
ملاك بحزن بس بتداري:من ورا قلبك انا عارفه
قاسم بتنهيده:هتيجي
ملاك بعند:لاء انا هبعت يونس انا مش هاجي سامحني
قاسم بعصبيه :تب تعالي حتي شوفي أمك
ملاك انفجرت:مش عاوزه مش عاوزاهم انا بشوف وشه هوا بلعافيه انما الست دي عمرها محسستني اني عايشه اصلا ولو علي القصر انا مش هدخله تاني سلام ياقاسم سامحني لو عليت صوتي انا أسفه
قاسم بجمود:انتهت يا ملاك.... وقفل وهيا اتنهدت بغضب
كل دا ورعد باصصلها بغضب واستغراب من البنت دي
@@@@@@@@@@@@@@@@@@@@@@
في قصر الهواري
في الصالون بيكون قاعد ريم وجميله وميرفت بيتفرجو علي التليفزيون
جميله:انتو عارفيين انا عاوزه اعمل ايه
ميرفت بفضول:ايه
جميله:عاوزه اجوز رعد ابني
ميرفت:انتي عارفه ان رعد مش هيرضي يتجوز غير بمزاجه
جميله:ما هوا انا لازم اشوف عياله قبل ما اموت بردو
ريم بتنهيده:ماما انتي عارفه ان رعد مش بيفكر في البنات اصلا من بعد الي حصل
جميله بحزن:انا عارفه ان الي حصل معاه زمان شيء مش كويس بس الحياة موقفتش عليها يعني
ميرفت:انتي عارفه ياجميله ان رعد قاسي وعصبي جدا مع اي بنت وان هوا مكنش عاوز غيرها وبس
جميله بعند:ولو لما يجي هفاتحه في الموضوع لازم يتجوز اومال هسيبه كدا لما يعجز وانا مشفتش عياله لسا
ريم بملل:لاء ياماما انتي مصممه وانتي عارفه ان رعد محدش بيمشي كلمته عليه حتي لو مين
جميله بتفكير:بس كلمت عمي سالم بتمشي عليه
ميرفت بتنهيده:حاكم انتي راسك ناشفه بلاش تزعلي الواد من جده عشان احلامك جوزي مروان اسهل ماهوا بتاع بنات أهوا
ريم بضحك:فعلا اهو مروان جوزيه اربعه مش هيقول لاء
جميله بتفكير:سيبوني بس انا مش هرتاح غير اما اجوز رعد
@@@@@@@@@@@@@@@@@@@@@
في القطاع
كان وصل رعد وملاك ووراهم حسام وزياد
رعد وهو حاطط ايده في جيبه ببرود:احنا هنعلن اجتماع مع سياده اللواء عشان نحط. خطه تانيه
ملاك بضيق:عموما انا عملت الي عليا خلصني بقا عشان مش فاضيه... ونفخت ودخلت القطاع
حسام:هوا في ايه يا رعد
رعد بصله ومتكلمش وراح وراها
زياد :يلا يعم ندخل ونريح نفسنا وهنعرف
حسام:عندك حق... وراحو وراهم
............في مكتب اللواء محمود
دخلت ملاك ومعاها رعد محمود شافها واتصدم وخاف عليها جدا وقام جري عليها
محمود بخوف:مالك ياملاك ايه الي حصل
ملاك ببرود:كويسه
محمود:ايه الي حصلك
ملاك بضيق:انا كويسه ممكن بقا نتكلم في الي جايه عشانه
محمود اضايق من اسلوبها ورعد بصلها بستغراب وضيق وصل حسام وزياد
رعد بجديه:حضرتك احنا جايين بخصوص المهمه الجايه
محمود بإهتمام :تمام اتفضلو
اتجهو لتربيزه الاجتماعات ورعد قعد قصاد ملاك وعلي يمين محمود وملاك علي شماله وكل شويه محمود يبص عليها وهيا تبصله بضيق
محمود بضيق:اتفضلو
رعد بحده:احكي ياحضرت الظابط
ملاك بغضب :انا مش شغاله عندك عشان تأمرني فاهم
رعد بصلها وسكت بغضب وزياد وحسام مصدومين
ان رعد ساكتلها وخايفين من سكوته
محمود بهدوء:احكي ياملاك اتفضلي
ملاك ببرود:الي حصل................ وخلصت
محمود بخوف:شافوكي
ملاك:لاء كنت لافه الشال علي وشي
محمود بعصبيه:وانتي ازاي تخاطري بحياتك كدا انتي مجنونه مأخدتيش اي حد منهم معاكي ليه
ملاك بغضب:لوسمحت ياسياده اللواء انا عملت الي عليا تمام فخلصنا
محمود بتنهيده:ملاك فين الفيديو والي صورتيه
ملاك بضيق:بعته لحضرت الظابط خليه يوريهولك عن اذنكم
محمود بغضب:راحه فين
ملاك :في داهيه حضرتك في حاجه تاني
رعد راح وقف قدامها بغضب وضيق وهيا بصتله بحده
رعد بغضب:علي فكره انتي مش محترمه ولا عندك اخلاق انك تكلمي سياده اللواء كدا وعماله تتشرطي من الصبح اييه انا هتوقع من واحده زيك ايه ماشيه مع واحد وعماله تتفسح وتتمرقع وتدخلي اوضته عادي
فجأه ملاك ضربته بالقلم هز الغرفه كلها والجميع اتصدم وملاك شدت سلاحها من جمبها ورعد شد سلاحه ورفعو اسلحتهم علي بعض
ملاك بغضب جحيمي :وديني ماهرحمك علي كلامك دا وهعرفك مين هيا ملاك النجار يا ابن ال
رعد بغضب:انا هعرفك ازاي تمدي ايدك علي سيدك يابت انتي وهوريكي مين انا ياشما*ل
ملاك بحده :انا مش هرد عليك عشانك كلب ولا تسوي وديتك طلقه بس اقولك خساره فيك يا رخيص وهات اخرك عشان موتك علي ايدي
رعد بنفاذ صبر وغضب:انا هعرفك ازاي ترفعي ايدك علي رعد الدمنهوري يابت ياشوارعيه بتقوليله اسبقني علي الشقه يارخي*صه
ملاك اتعصبت لحد جنوني وضربت طلقه عدت من جمب وش رعد وهوا متحركش من مكانه وعلي وشه ملامح الجمود والجميع اتصدم
محمود وقف في وش رعد:ملاك خلاص اتفضلي اطلعي
علطول ملاك نزلت سلاحها من غير تفكير
ملاك بضيق:هخرج بس صدقني انا هنهيه وعرفه انا ابقا مين ...... وحطت سلاحها في جمبها وخرجت بغضب
محمود لف لرعد بغضب:انتا ازاي تتجراء وتكلمها كدا ياحضرت الظابط
رعد بصله بغضب وضيق شديد:انا بعتذر ياسياده اللواء عن اذنك...... وخرج ومحمود اتعصب
@@@@@@@@@@@@@@@@@@@@@@
في شركه النجار
كان قاعد قاسم في مكتبه بيشتغل فجأه الباب خبط
قاسم وهوا باصص في الورق:ادخل
ملاك دخلت وبصتله بحب وقاسم رفع نظره وبصلها وقلبه اتقبض وقام جري عليها
قاسم بخوف :مالك يا ملاك انتي كويسه ياحبيبتي
ملاك بهدوء:انا تمام ياحبيبي انتا عامل ايه
قاسم:تمام ايه تعالي نروح نكشف
ملاك راحت قعدت علي المكتب:انا شايفه انها مش مستاهله دي طلقه بسيطه ياقاسم ياعسل
قاسم اتجه لمكتبه واستوعب وقلب وشه تاني
قاسم :اه انتي بقا لسا فاكره ان ليكي جد ياست هانم
ملاك بمرح:يالهوي دول كلهم ست شهور ولا حاجه الي مشوفتكش فيهم ياقاسم ياعسل
قاسم بعصبيه:ست شهور قليل مش كدا معلش اصلي مكنتش عاوز اشوف وشك اصلا
ملاك قامت ولفت ليه وحضنته:والله انتا وحشني كتير اوي ياجدو
قاسم حضنها بحنيه:وانتي اكتر ياحبيبه جدو
ملاك بمرح:ايوا كدا خليك قاسم العسل الي انا اعرفه
قاسم:هتيجي العشا بكرا ياملاك
ملاك بتوتر:لاء لاسف مش هقدر
قاسم بحده:ملاك انتي لازم تواجهي هتفضلي تهربي لحد امتا انتي بقالك اربع سنين سايبه القصر وانا معديهالك انما اطلب منك لاء ياملاك لو مجتيش لا انتي حفيدتي ولا اعرفك فاهمه
ملاك اتنهدت بضيق:ياجدو ليه كدا انا مش عاوزه ادخل القصر دا
قاسم بهدوء:ملاك ياحبيبتي انتي مش هتفضلي عمرك كله كدا وبعدين امك نفسها تشوفك
ملاك بسخرية:مين نرمين هانم ااه عمرها ماهتفكر فيا هل هيا بتفكر انا كلت ايه ولا شربت ايه ولا عايشه ولا ميته لاء ياجدي كفايه الي حصل ولو علي العشا ممكن يكون برا القصر وانا هحضر غير كدا لاء لاء
قاسم بتنهيده:حاضر ياملاك العشا هيكون برا القصر وهيكون فيه عيله الدمنهوري
ملاك بملل:الي يريحك ياجدي عن اذنك
وخرجت وقاسم اتنهد بحزن وسكت
@@@@@@@@@@@@@@@@@@@@@@
في مكتب رعد
بيكون رايح جاي متعصب لحد جنوني وبيتوعد لملاك
رعد بغضب:بقا انا رعد الدمنهوري حتت بنت زي دي تعمل فيا كدا وتمد ايدها عليا
بيمسك سيجارته وبيولعها وبيقعد علي الكنبه
رعد بحده وتوعد:انا مش هسكت لاء بس ماشي والله لهندمك علي اليوم الي فكرتي تتدخلي فيه الشرطه يابنت النجار اصبري عليا انا هوريكي الي عمرك ماشوفتيه
قاطع تفكيره دخول حسام وزياد
حسام:رعد انتا كويس
رعد بغضب:انا متزفت اهو شايفني بلعب
زياد :اهدي يا رعد اهدي الحكايه مش مستاهله
رعد بعصبيه:اهدي شايفني بشد في شعري
حسام بتوتر:رعد علي فكره انت غلطان
رعد بصله بضيق وغضب
زياد:ايوا يارعد انت غلطت انت ملكش الحق تكلمها كدا ولا تقلها الي قولته دا
رعد بغضب:انا حر واقول الي يعجبني فاهمين اتفضلو يلا
حسام بتنهيده:احنا هنخرج بس حبيت اقولك انها في الاول والآخر بنت وانتا جرحتها بكلامك بس عموما البت دي مش شما*ل يارعد
رعد طفي السيجاره في ايده من الغضب وقام وبصلهم نظره غريبه واخد الجاكت بتاعه وطلع من المكتب والقطاع كله وحسام اتنهد بضيق
@@@@@@@@@@@@@@@@@@@@@@
في شقة يونس
كان روح واخد شاور وطلب الاكل الي ملاك بتحبه وعمل قهوه وراح قعد في الصاله قدام الشاشة
يونس في نفسه:هيا اتأخرت كدا ليه ياترا ياملاك انتي فين ولا بتعملي ايه وتليفونك مقفول ليه
قاطع تفكيره رنت تليفونه وكان رقم لبنت واسمها رحاب
يونس:الوو
رحاب:الوو يونس بيه
يونس:ايوا مين انتي
رحاب:انا رحاب يا يونس نسيتني
يونس بضيق:رحاب مين انجزي مش فاضي
رحاب بدلع:انا رحاب عود البطل ياباشا مش انتا الي مسميني كدا هيييهي
يونس :ااه افتكرتك عاوزه ايه وجبتي رقمي منين
رحاب بدلع:عاوزاك انتا ياباشا بقالك فتره مختفي ومبتجيش النايت كلا*ب
يونس بزهق:معلش بس مش فاضي الايام دي
رحاب:انتا وحشتني اوي انا بحبك وانتا عارف اجيلك
يونس افتكر ملاك والي قالته وابتسم
يونس بضيق:لاء متجيش انا بطلت
رحاب بعصبيه:يعني ايه بطلت أسمه ايه دا يا بيه
يونس بغضب:صوتك يوطي انا بطلت الصنف الوسخ دا ابعدي عن طريقي وشوفيلك زبون غيري.... وقفل الخط
....... عند رحاب
رحاب بغضب:وبتقفل السكه في وشي كمان ماشي
المجهول:انا بقول تروحيله البيت
رحاب بتفكير:والله فكره بس انا بحبه هوا ازاي مش مقدرني
المجهول بخبث:اه فعلا دا غبي في حد يسيب البط*ل دا
رحاب بغرور:ميرسي ياكبير دا من ذوقك
المجهول بضحكه خبيثه:قربي اقولك تعالي...... قربت رحاب وفعلو ما حرمه الله....
.............. عند يونس
كان قاعد مضايق وبيفكر قاطع تفكيره رنه جرس الباب
قام فتح وكانت ملاك
يونس بضيق:كل دا ياملاك بقالك سنه
ملاك:معلش كنت عند قاسم
يونس بدهشه:رحتي لجدي وكلمك
ملاك اتجهت للكنبه وقعدت عليها بتعب :ايوا يابني كلمني انتا عارف ان قاسم العسل بيضعف قدامي
يونس:تب ما حلو دا ان هوا كلمك هتروحي
ملاك برفعه حاجب:انتا عارف بقا
يونس:طبعا يابنتي جدي مكلمني من امبارح
ملاك بضيق:مش عارفه يايونس اروح ولا لاء
يونس بحزن:ملاك انتي لازم تتقبلي امك وابوكي غصب عنهم
ملاك انفجرت:انا مش ذنبي اي حاجه انا شخص وهيا شخص ليه دايما كدا انا مش بني ادمه مبحسش انا تعبت يايونس تعبت ومعتش قادره أتحمل بقا هوا انا مش زي البنات ليه عايشين جمب ابوهم وامهم وانا لاء ازاي نرمين هانم دايما شايفاني البنت العاقه لوالديها
يونس:اهدي ياملاك اهدي ياحبيبتي كله خير ان شاء الله وكل حاجه هتتصلح
ملاك بتداري حزنها وبتضحك:ها جبت أكل ولا نيلت ايه
يونس:اه جبت الاكل الي انتي بتحبيه ومحطوط علي السفره يلا
قاطعهم رنه جرس الباب وراح يونس يفتح فتح الباب واتصدم من والي شافه من وجود وووووووووو..............
@@@@@@@@@@@@@@@@@@@@@@
استووووب
ياترا ملاك هتعمل ايه مع رعد وهل ملاك هتسيب حقها وياترا يونس شاف ايه
تكملة الرواية من هنااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق