رواية قلوب تنزف عشقاً الفصل الأول والثاني والثالث بقلم عبير سليم
رواية قلوب تنزف عشقاً الفصل الأول والثاني والثالث بقلم عبير سليم
الحلقه الأولى من رواية
�قلوب تنزف عشقاً�
بقلمي :عبير سليم
�������
لماذا تأتي علينا الحياة دائما ولاتتركنا وشاننا؟
لماذا تعذبنا وتحرق قلوبنا على من عشقهم الفؤاد وذابت لهم الأرواح؟
لماذا تأمر سهام العشق أن تصوب تجاه قلوبنا وتمزقها فتصبح أشلاء
وتجعلها تنزف على من نتنفس حبهم؟
لماذا تقسو علينا ولا تذيقنا سوى مرارة الأحزان؟
أيعقل ان يكون هناك حكمه فى ذاك ام هي الحياة التي اقسمت الا تذيق المحب حلاوة حبه
�ما زالت جالسه أمامه نفس تلك الجلسه التي اعتادت عليها منذ رحيل من هواه القلب وذاب الفؤاد شوقاً له.
لا يتحدث لسانها ولا ينطق فاها بكلمه.
تنطر إليه بعينين دامعتين تتحدث إليه بقلبها.قلب عاشقه، واعين دامعه. قلب منفطر على عشقه الأول والأخير. قلب ينزف بحب من هتف القلب بإسمه وذاق العذاب من أجل ابقاء الود له.
تحدثه بقلبها وهي تظن أنه سيجيبها وسيستجيب لدعائها.
دموعها تسبق كلامها تترجاه ان يخبرها بمكنونه الذي لا يعلمه سواه
نعم فمن غيره بمقدرته أن يخبرها بما تتمنى سماعه ومعرفته.
وهو من احتواه فى جوفه وسار به إلى حيث لا تدري
أحاديث من القلب لم تجد لها ردا ولا صدى. فتعلو بصوتها وشهقاتها المتتابعه التي تقطع الافئده من الحزن على حالها.
رد علية بقى الله يخليك ريح قلبي بقى محدش غيرك هو اللي حيريحني ويريح قلبى من النار اللي بتاكل فيه
كده بردو بقى احنا نهون عليك تعمل فينا كده
رد قللي بقى اخدته ورحت بيه فين وديته فين رد علية جاوبني كفايه سكوت لحد كده محدش حيقدر يجاوبني غيرك محدش يقدر يبرد ناري غيرك ليه بتعمل فية كده وانت عارف اني مليش غيره رد علية ريح قلبي
ياترى رحت لحد فين انت فين يا حبيبي ياترى فين اراضيك
وحشتني اوي معقوله دي انا عمري ماكنت اقدر أصدق ان ممكن ييجي يوم ومعرفش فيه اللي حصل معاك فيه
كام يوم دلوقتى مر وعدى وانا مش عارفه انت فين ولا وصلت لفين
يارب اقف معاه و انقذه لية وطمن قلبي عليه
قلبي اللي بيتقطع من خوفه وقلقه عليه انت عالم انه غلبان واني من غيره يتيمه طمني عليه يارب
ده روحي وقلبي وحياتي وعمري كله
ياسمين
تلتفت للصوت فتجد ابنة خالتها وصديقتها الوحيده هي من تهمس باسمها
خلود
خلود وهي تجلس بجوارها:تفتكري قعدتك كده هي اللي حتطمنك عليه يعني
ياسمين وهي تمسح دموعها :أعمل ايه بس ياريت فى ايدي حاجه مفيش فايدي حاجه اعملها اطمن قلبي عليه اهئ اهئ اهئ
خلود :ياسمين ياحبيبتي عشان خاطري ممكن تهدي شويه مش كده
وبعدين انا عاوزة اعرف يعني انتي خلاص مبقيتيش تحبيني وبقيتي بتيجى تشكي للبحر همك يعني بقيتي بتحبي البحر اكتر مني خلاص
ياسمين :انا عمري ماكان عندي حد بحبه اكتر منك ياخلود لكن محدش حيجاوبني غيره مش هو اللي اخده مني
خلود :بس هو مااخدهوش ياحبيبتي حمزة هو اللي راحله بنفسه ورمى نفسه فاحضانه واداله الامان مع اننا طول عمرنا نسمع ان البحر غدار ومالوش امان
ياسمين :لاء ياخلود لاء الا البحر ده.
من يوم ماوعينا عالدنيا انا وحمزة وهو اماننا الوحيد هو الشاهد على حبنا هو اللي عارف كل اسرارنا وانا متاكده ان هو اللي حيطمني عليه
انا خايفه عليه اوي ياخلود خايفه يكون حصلله حاجه
خلود :طب قومي معايا ياياسمين قومي عشان خاطري خالتو لو اتاخرتي عليها اكتر من كده حتعمل معاكي مشكله
ياسمين :هي ليه ماما مش زي مامتك انا كان نفسي خالتو هدى تكون هي ماما
خلود :ليه بس كده يا حبيبتي ربنا يخليلك خالتو ده انتي بنتها حبيبتها
ياسمين :بنتها والله انا شاكه اني بنتها اصلا انتي مش شايفاها بتعاملني ازاي
خلود :معلش ياياسمين هي بتحبك اوي والله بس للاسف مشاعرها جافه اوي لكن بتحبك
ياسمين :ماما مبتعرفش تحب غير واحد بس أسامه مفيش غيره عالحجر وهو اللي ليه الحب كله انما انا
خلود :ياسمين انا عارفه انك زعلانه منها عشان هي السبب فسفر حمزة
ياسمين :هي السبب أيوه هي السبب لولا انها كل شويه كانت تزعله بالكلام وتحسسه بعجزه وقلة حيلته مكنش سابني وسافر ياخلود كان زماننا دلوقتي مع بعض
انا خايفه خايفه اوي خايفه مشوفهوش تاني قلبي حاسس ان غيابه حيطول انا حسه اني بموت فبعده عني
خلود وهي تحتضنها:حنطمن عليه ياياسمين انا لسه مقابله حسين وانا جايه وهو اكدلي انه حيحاول يطمننا عليه ويعرفلنا اخباره
ياسمين :يارب يارب ياخلود انا كل اللي عاوزاه اني اطمن انه بخير خايفه يكون البحر أخده مني
بس لاء مش ممكن يغدر بينا أبدا ده شاهد على حبنا من أول يوم ومش ممكن يضيعنا أبدا
خلود :أكيد ياحبيبتى بقولك إيه ياللا بقى الله يخليكي
�بعد قليل فى المنزل
أهلا انتي هليتي حمد الله على السلامة يا ست ياسمين هانم ماكنتي تفضلي قاعده متلقحه عالبحر شويه كمان جايه بدري كده ليه
ياسمين :ماما الله يخليكي أنا على اخري ومش ناقصه تريقه
خلود :ياسمين ادخلي انتي اوضتك دلوقتى الله يخليكي
خالتوا صفاء من فضلك خفي شويه عليها كفايه اللي هي فيه
صفاء:أخف عليها ليه واناكنت عملتلها إيه إن شاء الله جتها خيبه فخيبتها بدل ماتتخطب لحد كويس يرفعها لفوق رايحه قال تحبلي واحد كحيان لا وراه ولا قدامه خليها الموكوسه قاعده كده والعمر بيجري بيها لحد ماتعنس ومحدش يبص فوشها بعد كده
خلود :ايه اللي بتقوليه ده بس ياخالتو وهو حمزة ايه اللي سفره وغربه مش عشان يكون نفسه ويرجعلها ويتجوزوا
صفاء :يكون نفسه اه ان شاء الله ابقي تعالي قابليني هو اصلا يااما حيروح زى اللي راحوا يااما حيلوفله على واحده من الخواجات ياحبيبتي ويدي للهبله دي استماره سته
عقلي بنت خالتك ياخلود قوليلها تسيبها منه وتفكر فى مستقبلها صح خليها تصحصح لنفسها قبل ماالعمر يجري بيها
خلود :خالتو حرام عليكي تفكر في ايه وتسيب مين انتي بتقولي ايه انتي مش عارفه انهم بيحبوا بعض من اول ماعنيهم فتحت عالدنيا ليه عاوزه تفرقي بينهم ليه
صفاء :عشان انا عاوزة مصلحتها
خلود :خالتو انتي مفيش فايده من الكلام معاكي عن اذنك ياخالتو انا داخلالها
صفاء :ادخليلها ياحبيبتي جتكم خيبه انتوا الاتنين فخيبتكم ماجمع الا اما وفق
تفتح عليها الغرفه فتجدها ممسكه بصورهم سويا وهي تتحدث اليها وتبكي
سمسم ياقلبي بطلي عياط بقى حرام العيون الحلوة دي تعيط كده بقولك إيه أنا جعانه اوي انا حخللي خالتو تجيبلنا الأكل وناكل سوا
ياسمين :مليش نفس ياخلود
خلود :طب لو مااكلتيش مش حاكل وحيجيلي هبوط وحموت ويبقى ذنبي فرقبتك
ياسمين :يالهوي كل ده خلاص يخرببيت سنينك حاكل حاضر
خلود وهي تحتضنها:أيوة كده اضحكي وان شاء الله ربنا حيطمنك عليه
ياسمين :يارب ياخلود يارب
�������
فى إحدى الاماكن الراقيه بمنزل يبدو على ساكنيه الثراء والغنى تتحدث إلى اختها
أخيراً خلصت قايمة المدعوين
مريم:وريني كده
ايه ده مش ياسمين وخلود دول اللي كانوا زمايلك فى الجامعه
ميرا :يخرب عقلك انتي لسه فاكراهم
مريم :أيوة فاكراهم لأنك وقتها كنتي بتجيبى سيرتهم كتير بس هو انتي لسه فاكراهم وبعدين انتي حتعرفي توصليلهم وتعزميهم أساساً
ميرا :عيب عليكي يابنتي ده انا ميرا طبعا حعرف اوصلهم وان شاء الله حييجوا انتي عارفه ياروما برغم اني عرفت ناس كتير اوي فى الجامعه وكتير كانوا يتمنوا اني اصاحبهم لكن ياسمين وخلود دول بالذات كانت ليهم معزة كبيرة اوي عندي كنت بحسهم مختلفين لا حقوديين ولا طماعين ولا حتى تشوفي غيره فعيونهم
مريم :بس انتي أكيد متعرفيش حاجه عنهم يعني ممكن يكونوا اتجوزوا
ميرا :لا انا اللي وصللي عنهم ان ياسمين مخطوبه لحمزة اللي كانت بتحبه من أيام الجامعه وخلود لسه ماارتبطتش
مريم :بيحبوا بعض من أيام الجامعه
ميرا :وحياتك من وهما اطفال كمان
يااه لو كنتي شفتيهم وهما مع بعض تحبي الحب من حبهم لبعض
مريم :معقوله ده هو لسه في حد بيحب كده
ميرا :اه طبعا ياروما الحب موجود فى كل زمان ومكان العيب مش فيه العيب في اللي شوهوا معناه الحقيقي
مريم :معاكي حق بس تصدقي انك شوقتيني اشوف ياسمين وحبيبها أوي
ميرا :انا حتصل اعزمهم ويارب بقى ييجوا نفسي أجمع كل صحابي
مريم :مبسوطه ياميرو
ميرا :مش عارفه
مريم :نعم معناه ايه بقى الكلام ده يعني انتي بتحبي يامن واللا لاء
ميرا : مانتي عارفه يا مريم اني محبتش فحياتي غير واحد بس
مريم :مين اونكل أكمل
ميرا :مريم من فضلك
مريم :خلاص ياستي متزعليش بس مش هي دي الحقيقه مش اكبر منك باكتر من خمستاشر سنه نفسي اعرف حبيتي فيه إيه
ميرا:اكمل ده اكتر انسان حبيته فحياتي وكان امنية عمري اني ارتبط بيه
مريم:ترتبطي بيه ازاي بس وبعدين انتي نسيتي اللي حصل وقتها
ميرا :انسى وهو انا عمري اقدر انسى دي جاجه محفورة فقلبي العمر كله
مريم :سوري يا ميرو مقصدش افكرك والله
ميرا :تفكريني وهو انا كنت عمري نسيت عشان افتكر
مريم :ويامن ياميرا
ميرا :يامن انسان كويس وشخص مناسب
مريم :ان شاء الله حتنسي ياميرا وبكرة يامن ينسيكي
ميرا:يارب يامريم
صدقيني أنا نفسي أوي ابقى مبسوطه مع يامن واقدر انسى
مريم:حتنبسطي وتفرحي وتعيشي فتبات ونبات وتخلفي صبيان وبنات
ميرا:ههههههههه
مريم:ايوة بقى حبيبة قلبي يا ناس
ميرا :انتي اللي حبيبة قلبي يامريومه ربنا يخليكي لية
مريم:ويخليكي لية ياعروستنا الحلوة
���������
فى صباح اليوم التالي
باحدى البيوت القديمه يابنتي اهدي بقى شويه خلينا نعرف نفكر
ياسمين :غصب عني والله ياعمي انا خايفه على حمزة يكون حصلله حاجه
فاطمه :الف بعد الشر عنه فال الله ولا فالك ان شاء الله ربنا حينصره ويقف جمبه ويطمنا عليه
ياسمين :يارب ياطنط يارب
هو حسين أتأخر كده ليه ده قاللي انه جاي ورايا على طول
محمد:الغايب حجته معاه يابنتي ان شاء الله خير
ياسمين :يارب ياعمي يارب
يعلن جرس الباب عن قدوم شخص
محمد:افتحي الباب يامنى
منى:ده حسين يابابا ادخل ياحسين
حسين :سلام عليكم
الجميع :وعليكم السلام ورحمة الله وبركاته
ياسمين :طمني ياحسين الله يخليك وصلت لحاجه
حسين :للأسف لسه مفيش اي اخبار
والمركب اللي حمزة طلع عليها مفيش عنها اي اخبارلسه
ياسمين :طب وبعدين حنفضل ساكتين كده
محمد:جيب العواقب سليمه يارب
حمزة:اطمنوا ياجماعه انا والله ماحسكت غير لما اوصله
فاطمه:ياحبيبي ياحمزة ياترى فين اراضيك يابني ربنا يطمنا عليك يارب
تعود ياسمين الى المنزل وهي باكية العينين فتجد والدتها جالسه فى انتظارها
حمدلله على السلامه يا ست هانم ماكنتي تباتي عندهم احسن
ياسمين :ماما الله يخليكي سببيني فى اللي انا فيه انا مش ناقصاكي
صفاء:انا مش عارفه انتي عامله فنفسك كده ليه مايغور فداهيه تاخده يعني من عدالته
ياسمين :ماما من فضلك بقى كفايه لحد كده انا خلاص تعبت
صفاء :تعبتي من ايه ياياسمين بقولك ايه اتعدلي بقى بدل مااعدلك
ياسمين :وانا عملت إيه بس ياماما
صفاء :عملك اسود ومنيل ياهانم ياختي بدل مانتي من البحر لبيت خالتك لبيت المعدول روحي شوفيلك شغلانه عدله تشتغليها بدل قعدتك عالبحر اللي لا حتودي ولا حتجيب
ياسمين :اطمن على حمزة الأول وبعد كده حروح اسأل فى الشركات اللي قدمت فيها
صفاء :انا نفسي افهم ماله المحل اللي كنتي واقفه فيه تسيبيه ليه هاه ده الراجل كان بيديكي مرتب كويس
ياسمين :انتي كنتي عاوزاني افضل فى المحل بعد اللي قلتهولك
صفاء :قلتيلي ايه يافالحه قلتيلي ان الراجل كان عاوزك تقلعي الطرحه وايه المشكله ماتقلعيها
ياسمين :ماما انتي بتقولي ايه انتي عاوزاني اغضب ربنا واقلع حجابي عشان خاطر حتة شغلانه ياخي فستين داهيه
لا طاعة لمخلوق فى معصية الخالق
صفاء :يالهوي عليكي حتشيلليني امشي انجري من قدامي طالعه فقريه شبه اللي مخلفك محدش فاهمني غير ابني حبيبي
يدخل ابنها حبيبها عالصوت:مالكم صوتكم عالي ليه
صفاء :وهو في حد بيعللي صوتي غير اختك
أسامه :سيبيها بكرة تفوق وترجع لعقلها
صفاء :ترجع لعقلها وهو اللي اسمه حمزة ده طول ماهو فحياتها اختك حتفوق ابدا
أسامه :بكرة ميبقاش في حد اسمه حمزة أصلا وحتنساه
صفاء :مش فاهمه يااسامه تقصد إيه
أسامه :ياماما عمرك سمعتي عن حد راح للبحر برجليه ورجع تاني
هو حمزة سافر سفريه عاديه ده مهاجر هجرة غير شرعية عارفه يعني إيه
��يعني ممكن يحصلك حاجه ياحمزة وتضيع مني
حمزة:مفيش قدامي حل تاني ياياسمين اديكي شفتي الأبواب هنا كلها متقفله وكل شغلانه بشتغلها بتبقى العن من اللي قبليها حنفضل مخطوبين لحد امتى
وانا خايف تضيعي مني ياحبيبتى
ياسمين وهي تبكي:اضيع منك ليه بتقول كده
حمزة:خايف تزهقي من الانتظار
ياسمين :حمزة انت بتقول انا لو قعدت جمبك العمر كله عمري ماازهق ابدا ده انت حبيبي وحياتي وعمري كله انت النفس اللي بتنفسه
حمزة انت لو مش فحياتي يبقى ملهاش لازمه اني اعيشها
حمزة:وانتي مش خطيبتي وبس انتي بنت عمري كله انتي الحب اللي عيني فتحت عليه ياسمين انا مستعد مش اهاجر هجرة غير شرعيه لاء ده انا مستعد اطلع الفضاء بس متروحيش من ايدي
ياسمين :طب وانت مطمن ياحمزة انا طول عمري اعرف اللي بيهاجر بالشكل ده مبيوصلش وممكن المركب تغرق
حمزة :لاء اطمني انا سألت كويس وعرفت ان الراجل ده سفر ناس كتير اوي قبل كده ووصلوا واشتغلوا وحياتهم اتغيرت
ادعيلي انتي بس ياحبيبتي
ياسمين :ربنا معاك ياحبيبي وميوجعش قلبي عليك يارب
حمزة:طب وليه الدموع دي بقى
ياسمين :مش قادره اتصور ان يعدي علية يوم واحد وعيني متشوفكش فيه
حمزة:لو عينك مش حتشوفني اكيد انا هنا وكان يضع يده محل قلبها
ياسمين :انت هنا انت مش هنا بس انت فكل كياني
حمزة:وانا كل اللي نفسي فيه اني اجيبلك الدنيا تحت رجليكي
ياسمين :وانا مش عاوزة من الدنيا دي كلها غيرك انت
حمزة:ابنيلك قصر عالي واخطف نجم الليالي واشغلك عقد غالي يضويه احلى الصبايا
ياسمين :انا الهوى هوايا هوايا
حمزة وياسمين :ههههههههه
حمزة:ايوة كده ده هي الضحكه الحلوه دي اللي مصبراني عالغربه اللي حتغربها
ياسمين :ربنا يصبرني على بعادك يارب ويطمن قلبي عليك ياحبيبي
تفيق من ذكرياتها على صوت تليفونها:ايوة ياخلود
خلود :في اخبار جديده
ياسمين :لسه ياخلود ادعيله
خلود :ربنا يطمن قلبك يارب
ياسمين :يارب ياخلود يارب
انتهت الحلقه الأولى صغيرة عارفه ماهي دي البدايه زي مانتوا عارفين شخصيات كتيرة لسه ماظهرتش اهم حاجه تتفاعلوا معايه عشان اتشجع واكملها وتقولولي رايكم بصراحه واشوفكم الحلقه الجايه ان شاء الله
�������
@الجميع
الحلقه الثانيه من رواية
♥️قلوب تنزف عشقاً♥️
بقلمي :عبير سليم
🌹🌹🌹🌹🌹🌹🌹
كيف لعقلك أن يفكر ويشغل باله بأي أمر وهو فى هذه الحيرة وذلك القلق
تتجول بين الشركات التي قد تقدمت إليها للعمل باحداهن ولكن لا من جديد
ياربي ياياسمين انا رجلي وجعتني من كتر المشي
ياسمين :مانا قلتلك ياخلود خليكي انتي
خلود :ياسلام واسيبك لوحدك ده انتي ماشيه معايا وفالتوهان امال لو لوحدك
ياسمين :غصب عني والله ياخلود عقلي مش فية قلبي ميت من القلق عليه
خلود :ان شاء الله خير ياقلبي
ياسمين :انا اصلا لاكنت عاوزة اسأل ولا ادور انا نزلت دلوقتى
خلود :عارفه من غير ماتقولي ياحبيبتى عشان تخلصي من زن خالتو وكلامها الكتير المهم بقولك ايه ماتيجي ناكل اي حاجه انا جعانه اوي انتي مجعتيش
ياسمين :انا مليش نفس لأي حاجه فى الدنيا
خلود :بطلي غلاسه بقى تعالي بس وانا اللي عزماكي المحل ده لسه فاتح جديد وبيعمل أكل حلو أوي ياللا وانا حفتح نفسك عالاكل
ياسمين :خلود انتي مش فاتحه نفسي عالاكل انتي اللي فاتحه نفسي عالدنيا كلها انا مش عارفه لو انتي مش فحياتي كنت عملت ايه ربنا يخليكي ليا يا رب
خلود:ربنا يخلينا لبعض ياسوسو
ياللا بقى حرام عليكي عصافير بطني بتزقزق
يسمعون صوتا ينادي عليهم من خلفهم فينتبهون للصوت
إيه يابنات اللي جايبكم هنا
ياسمين :حسين إزيك لاابدا كنت مقدمه على شغل وكنت بسأل عن الأخبار طمني مفيش اخبار لسه
حسين :لسه والله ان شاء الله خير
ثم يلتفت لتلك التائهه :ازيك ياخلود عامله ايه
خلود وعينيها معلقه عليه:الحمد لله ياحسين انت عامل إيه
حسين :انا كويس الحمد لله
طب انتوا مروحين اوصلكم
ياسمين :المفروض نروح بس الاستاذه خلود فضحاني وعاوزة تاكل حناكل الاول وبعد كده نروح
خلود :ماتيجي تاكل معانا ده انا اللي عازمه
حسين :هههههههه وانا موافق انا اصلا كنت جعان ورايح اتغدى
ياللا بينا ندخل
يدخلون المطعم ويطلبون الطعام ويتحدثون سويا وخاصة فى موضوع حمزة الكي يشغل بال وعقل ياسمين بينما كانت خلود معظم الوقت منشغله فى النظر إليه خلسة دون أن يشعر بذلك
خير ان شاء الله خلاص كلها يومين ان شاء الله ويكون وصل وأكيد حيتصل بينا ويطمنا عليه
ياسمين :يارب ياحسين يارب
حسين :الحساب لو سمحت
خلود :استنى ده انا اللي عازماكم
حسين :ياسلام على اساس انكم مش قاعدين مع راجل
خلود :ياخبر لا والله مقصدش ده انت سيد الرجاله
حسين :ربنا يخليكي يا خلود
ياسمين :حقك علية ياحسين انا عارفه اني تعبتك معايا
حسين :لا والله شوف ازاي على اساس ان حمزة مش صاحبي وعاوز اطمن عليه زيك بالظبط
يدفعون الحساب وبخرجون من المطعم ويقوم بتوصيلهم لبيت ياسمين ثم ينصرف
ياسمين :خلود حتطلعي معايا واللا حتروحي
خلود خلود
خلود:ايه بتقولي حاجه
ياسمين :بقولك حتطلعي معايا
خلود :لاء انا حروح رجلي وجعتني وعاوزة اروح ارتاح
ياسمين :حقك علية تعبتك معايا ربنا يخليكي ليا يا رب
خلود :تعبك راحه يامزتي ياللا سلام
تمشي خلود وهي تائهه فى ذاك الذي ينبض القلب بحبه ولكنه لا يشعر بحبها له
وتحدث نفسها:ياترى ممكن ييجي اليوم اللي تحس فيه بحبي ليك ياحسين
تفتح ياسمين الباب لتجد اخاها وامها جالسين :مساء الخير
صفاء :مساء الخير يا ياسمين
طمنيني ايه الأخبار
ياسمين :مفيش والله ياماما
صفاء :طيب الأكل عندك فى المطبخ ادخلي سخني وكلي
ياسمين :اكلت ياماما وانا برة
اسامه:هي خلود كانت معاكي
ياسمين :ايوة فى حاجه
اسامه :كلمتيها فى اللي قلتلك عليه
ياسمين :لاء يااسامه مكلمتهاش ومش حكلمها
أسامه :مش عايز منك حاجه انا حكلم خالتي
ياسمين :انت متخيل ان خلود حتوافق على انها ترتبط بيك
أسامه :ومتوافقش ليه ان شاء الله
صفاء :ماتتكلمي مع اخوكي كويس ياياسمين ماله اخوكي ناقصه ايه
عشان خلود مترضاش بيه
ياسمين :ناقصه حاجات كتير لاكمل تعليمه ولا شغال شغلانه كويسه ولاعنده شقه ايه اللي يخللي خلود توافق عليه
صفاء :اذا كان عالتعليم هو مش جاهل معاه دبلوم وحش
واذا كان عالشغل ماكل الشباب مش لاقيين
والشقه اهيه موجوده يتجوزوا ويقعدوا معايا
وبعدين هو انا بتكلم معاكي ليه اساسا انا حكلم هدى
ياسمين :انتوا حرين عن اذنكم
تدخل غرفتها وتغلق على نفسها الباب😒
بعد مرور القليل من الوقت
تجد اتصالا من خلود
ياسمين ياحبيبتي بصي بقى احنا جاتلنا خروجه من السما واوعي تقولي لاء
ياسمين :خروجة إيه بس ياخلود ماحنا كنا لسه بره
خلود:لا ياروحي دي حاجه تانيه خالص حاجه فرفشه كده
ياسمين :وده وقته
خلود :ده هو ده عز وقته انتي مش شايفه نفسك بقيتي عامله ازاي يابنتي حرام عليكي نفسك عينيكي حلقت بالسواد وخسيتي وبقى شكلك شبه الأموات
ياسمين :مانا من غيره شبه الاموات فعلا
خلود :يعني تفتكري باللي عاملاه فنفسك ده حتعرفي اخباره طب والله حنطمن عليه وحتلاقيه بيكلمك ويقولك انا وصلت ايطاليا بالسلامه ياياسمينتي
ياسمين :يارب ياخوخه يارب
خلود :بس هو ده مادام قلتيلي خوخه تبقي فكيتي
بصي بقى ياستي اسمعيني كده وركزي فاكرة ميرا الوكيل
ياسمين :ميرا الوكيل مين
خلود :يخرب عقلك ودي تتنسى بردو
ياسمين :استني انتي قصدك ميرا اللي كانت معانا في الجامعه
خلود :ايوه بالظبط كده
ياسمين :طب وانتي ايه اللي فكرك بيها بعد السنين دي كلها
خلود :وحياتك هي اللي افتكرتنا ولقيتها بتتصل علية دلوقتى وبتعزمنا انا وانتي على فرحها بعد بكرة ايه رأيك
ياسمين :رأيي فأيه واحنا مالنا ياخلود بيها
يارا :مالنا ازاي بس يابنتي هي مش كانت دفعتنا
ياسمين :وانتي لسه فاكرة انتي ناسيه اننا متخرجين من اربع سنين
وكل واحد مننا بقى فطريق وهي اصلا مكنتش من شلتنا
خلود :ايوة هي ماكنتش من شلتنا بس هي كانت علاقتها حلوة بينا وكانت بتحبنا وبتعتبرنا غير الناس اللي كانت مصاحباهم وبعدين هي اللي دورت علينا وجابت رقمي وهي اللي عزمتنا على فرحها واكدت علية اني انا وانتي نروح هاه ايه رايك
ياسمين :تصدقي انك فايقة ورايقه على اساس انك شايفاني لية نفس اعمل حاجه
خلود الله يخليكي عاوزة تروحي روحي وانا سيبيني فى اللي انا فيه
خلود :وهو انا من امتى بروح مكان انتي مش معايا فيه ياسوسو
ياسمين عشان خاطري تعالي نروح نغير جو يابنتي ده عالم تاني خالص غير اللي تعرفيه وعالاقل تنسي شويه اللي انتي فيه
وحياتي عندك ياياسمينتي توافقي عشان خاطري وحياة حمزة عندك
ياسمين :طب حتى لو طاوعتك ووافقت هو احنا عندنا حاجه تليق بمكان زي ده انتي مش فاكره اللي كانت ميرا بتلبسه واحنا فى الجامعه
خلود :فاكرةالا فاكرة يالهوي ده انا كنت كل يوم بستناها لما تيجي عشان اتفرج على لبسها حاجه شياكه شياكه يعني بس كنت بحبها تحسيها كده طيبه ومحترمه وعمرها مااتكبرت علينا بالعكس كانت بتعاملنا كاننا من نفس مستواها
ياسمين :وطبعا اكيد حتكون الحفله دي فيها ناس هاي حنروح احنا فين بقى فوسطهم خلينا فحالنا والنبي ياخلود خلينا ماشيين جمب الحيط زي مااحنا مش ناقصين كفايه علينا اللي احنا فيه
خلود :حيط ايه بس اللي ماشيين جمبه احنا جوة الحيط ياقلب اختك بقولك ايه انا طول عمري حلم حياتي أروح فرح شبه اللي بشوفهم فى الافلام والمسلسلات انا شبعت من افراح خالتك ام محمد وام احمد اللي تلاقي اهل العريس بيتخانقوا مع اهل العروسه عشان فرقوا الجاتوه على معازيمهم الأول وممكن تقلب بخناقه والجوازة تبوظ
ياسمين :ايوة ايوة فاكرة خطوبة كوثر اللي اهل خطيبها زعلوا عشان مااخدوش من الملبس والشكولاته اللي كانوا فعلبة الشبكه وحماتها اتخانقت مع امها ويعيني الخطوبه باظت
خلود وياسمين :هههههههههه
خلود :عشان خاطري بقى توافقي
ياسمين :انا عارفاكي زنانه ومش حتسيبيني غير لما تاخديني بالعافيه
ياسمين :ايوة بقى هو ده الكلام حبيبة قلبي ياياسو
ياسمين :ماشي ياخلود مش حقدر ازعلك بس بشرط منطولش حبه صغيرين ونمشي
خلود :اوامرك يابرنسيسه المهم اننا نروح
ياسمين :طب حنروح بأيه يخرببيتك
خلود :سيبي الطلعه دي علية انا
ياسمين :ربنا يستر
خلود :استر ياللي بتستر
🌹🌹🌹🌹🌹🌹🌹🌹
الجميع يستعد على قدم وساق للاحتفال بتلك الليله
تدخل على أختها حيث كانت قد انتهت من الاستعداد لتلك الليله التي تحلم بها كل فتاه
تطلق صفاره عاليه لتعلن بها عن مدى إعجابها باختها
ميرا :هههههههه مجنونه وربنا
مريم :وهو في حد يشوف الجمال ده كله وميتجننش قمر ياناس اختي حبيبتي أجمل عروسه في الدنيا كلها
ميرا :حبيبتي يا مريومه انتي اللي أجمل اخت فى الدنيا
تدخل عليهم الام
مريم :اهلا بنهله هانم اتفضلي يامولاتي
نهله :عقبالك ياحبيبتي
مريم :يارب يامامتي يارب
نهله وهي تمسك وجه ابنتها بيديها:ألف مبروك يا حبيبتي ربنا يكمل فرحتنا على خير يا رب
ميرا :الله يبارك فيكي يا مامي
نهله:مبسوطه ياميرا
ميرا :حبقى مبسوطه يامامي
نهله:يامن عاوز يطلعلك
ميرا :وانا جاهزة يامامي
بعد قليل يقف الجميع وعينيهم مسلطه على تلك الأميرة التي تهبط على الدرج بفستانها الأبيض الطويل وجمالها الهادئ الذي يشع براءه
كانت متابطه ذلك الشاب الذي يحتضن يديها وهو فى قمة سعادته لامتلاكه لتلك الفتاه التى سعى وراءها ليفوز بها وها هي اليوم ستكون ملكا له
كان الجميع يصفق لهما ويسلمون عليهما ويدعون لهما بالسعاده
يخرجون جميعا للحديقه التي تزينت للاحتفال بتلك الليله
يقف العروسان لافتتاح الليله برقصه بينهما على انغام هادئه
يامن :انا حاسس الليلادي اني اسعد انسان في الدنيا
ميرا:ربنا يقدرني واسعدك
يامن:وجودك فحياتي هى السعاده اللي كنت بدور عليها
ميرا :بتحبني يايامن
يامن:بحبك اوي ياميرا ونفسي تحبيني اد مابحبك
تعرفي ياميرا كان نفسي اوي اعملك فرح يبقى ولا الف ليله وليله
ميرا :انا اسفه يايامن اني محققتش لك الامنيه دي بس صدقني انا لو علية مكنتش عاوزة فرح نهائي
يامن :حبيبتي انا عارف انتي كنتي بتحبي باباكي اد إيه بس الموت علينا حق وزي مابيقولوا الحي ابقى من الميت واحنا من حقنا نفرح ونعيش
1
وبعدين الحفله بسيطه ومفيهاش غير الاهل والأصحاب
ميرا :ميرسي يايامن على انك تقبلت وضعي وقدرت ظروفي
يامن وهو يقبل يدها:انا اللي بشكرك على انك سمحتيلي اكون فحياتك ياميرا
يدخلان الحفل وهما لا يعرفان اين يتجهان فهما لا يعرفان احدا فى الحفل
يتجهون نحو الكوشه للسلام على ميرا
لم تصدق ميرا عينيها فلقد احتضنتهما بشده وسألتهم عن احوالهما
كان يامن يتجول بين اصدقائه للسلام عليهم بينما هي اخذت تتحدث اليهما
ميرا:ان شاء الله تطمني عليه ياحبيبتي انا والله لو كنت اعرف كنت قلت ليامن كان شغله معاه فى الشركه من غير مايحتاج يسافر
خلود :خلاص احنا فيها بس حنغير الشخصيه ياريت لو تقوليله يشغل ياسمين في الشركه
ياسمين :خلود
ميرا :انتي عاوزة شغل ياياسمين
ياسمين :هو فى الحقيقه انا قدمت فى اكتر من شركه بس للاسف مفيش حد محتاج موظفين
ميرا :دي حاجه سهله اوي ياحبيبتي بصي انتي تاخدي اوراقك وتوديها الشركه عندنا انا حقولك عليها ويامن حيعمل اللازم كله وان شاء الله تشتغلي معانا
ياسمين :بجد ياميرا
ميرا:وجد الجد كمان
وانتي ياخلود بتشتغلي
خلود:لا انا دلوقتى طموحاتي حاجه تانيه خالص ركزيلنا انتي بس فياسمين
يأتي يامن فتعرفه عليهما ويسلمان عليه ويذهبان للجلوس بين الناس ولكن الاصوات العاليه جعلت من الصعب التحدث مع اي شخص
وبدأت ياسمين ينتابها القلق مرة اخرى وعاودها التفكير فقامت وتحركت من مكانها للتنفس الهواء
ولكنها عادت سريعا تنادي على خلود
خلود ياخلود انتي يازفته
خلود :في إيه ياياسمين مالك
ياسمين :حسين
خلود :ماله حسين فى حاجه
ياسمين :مش عارفه ياخلود بس انا بطلع الموبيل من الشنطه أشوف الساعه كام لقيته رانن علية اكتر من مرة يبقى أكيد فى حاجه
خلود :يمكن يكون عرف اخبار عن حمزة
ياسمين :خلود انا حمشي مش حستنى عاوزة تقعدي انتي خليكي
خلود :طب استني يامجنونه اصبري يخرببيتك
كانت ياسمين تتحرك بين المدعوين وقلبها يكاد ان يخرج من بين ضلوعه قلقا وخوفا من الهدف من ذلك الاتصال أسئله كثيرة دارت فى عقلها لم تسمع حتى لصوت ابنة خالتها لها كان كل هدفها أن تخرج سريعا من ذلك المكان ذا الأصوات الصاخبه لتستطيع الاتصال بحسين وفهم مايحدث
وبينما هي تتحرك سريعا فإذا بها تنصدم بشخص ما حتى أنها اصابته فى كتفه
إيه ده مش تحاسبي انتي عاميه
ياسمين :انا آسفه والله مااخدتش بالي عن إذنك
_إيه الأشكال البيئه دي حاجه مقرفه
بتعمل ايه هنا دي
_طب وليه الغلط بس حضرتك هي مش اعتذرتلك وقالتلك متقصدش بتغلط فيها ليه بقى
_وانتي مين انتي كمان وإيه دخلك أساسا فى الموضوع
_انا مين ملكش فيه واللي دخلني فى الموضوع اني بيئه بردو زي اللي قلت عليها كده
_ههههههه ده انتي زعلانه بقى عشان قلت عليها بيئه لابس تصدقي انتي شكلك احلى منها واشيك منها
فممكن متبقيش بيئه ممكن تبقي لوكال
خلود :حضرتك بتتريق علينا تصدق انك انسان مش محترم
ياسمين :خلود الله يخليكي ياللابينا مش وقته
_اسمعي كلام صاحبتك وورينا جمال خطوتك يا قطه
خلود :طب مش ماشيه بقى وورينا حتعمل إيه
ياسمين :خلود كفايه بقى انا اللي فية مكفيني انا ماشيه
تاتي اليهم ميرا بعد أن سمعت اصواتهم العاليه:مالكم فى ايه حصل حاجه
ياسمين :مفيش حاجه ياميرا سوء تفاهم وألف مبروك يا حبيبتي ربنا يكمل فرحتك
خلود :لاء في ان الاستاذ ده بيتريق علينا وبيقول علينا بيئه يرضيكي نتهزء عندك
ميرا :ياخبر أبيض لاء طبعا اكيد البشمهندس ميقصدش
انا طبعامش فاهمه اللي حصل بس ايا كان انا بعتذرلكم وانتم شرفتوني الليلادي
وتسمحولي بقى نشيل سوء التفاهم ده واعرفكم ببعض
البشمهندس راغب الشريف عم خطيبي وصاحب شركات الشريف للاستيراد والتصدير
أعرف حضرتك باصحابي القمرات القمردي ياسمين والعسل دي خلود
راغب:ياسمين فعلا اسم على مسمى هاديه وزي الياسمينه
ثم يمد يده لها:اهلا ياياسمينه
ياسمين بإحراج:اهلا وسهلا بحضرتك
ثم يتجه بالحديث لخلود:اما انتي بقى فخلود مين بقى انتي اللي زيك المفروض يبقى اسمه فناء او زوال مش خلود خالص
خلود :استغفر الله العظيم ياربي
ماشي عالعموم شكرا لذوق حضرتك
راغب:ههههههه طب اقعدوا بقى شويه خللوا السهره تحلى
خلود :ليه اراجوزات احنا حنحللي السهرا
ياسمين :خلود اسكتي بقى شويه معلش والله انا بعتذر من حضرتك احنا لازم نمشي دلوقتى وفرصه سعيده
ثم تسلم على ياسمين وتسحب خلود من يديها :انا اللي غلطانه اني سمعت كلامك احنا مالنا ومال الحفلات اللي زي دي عجبك التهزئ اللي اتهزاناه ده
خلود :تهزئ مين ده انا اللي هزاته
ياسمين وهي تحاول الإتصال على حسين
رد بقى ياحسين الله يخليك
مبيردش ياخلود انا خايفه اوي قلبي مش مطمن
ياتيها صوت مختنق بالدموع
ياسمين :حسين فى إيه
حمزة جراله حاجه
#يتبع
الحلقه الثالثه من رواية
😢 قلوب تنزف عشقاً 😢
بقلمي :عبير سليم
😰😰😰😰😰😰
لا لن تكن تلك النهايه لن يسمح قلبي بأن يقبل بشئ سوى بلقائك
لن تتركني ولن تتخللى عن حبي مهما بلغت الأمور ومهما فقدنا التحكم فى زمام أمرنا
لن نعطي للقدر الفرصه لكي يفعل فعلته معنا ويضحك علينا
لقد تعاهدت القلوب أن تتمسك بالحب لا بالعشق الذي تكنه القلوب فى داخل صدورنا
😰تمسك بيديها تحاول ان تستمد منها القوة لتقوى على ماهي فيه
يكاد قلبها أن يخرج من بين ضلوعه معلنا ذعره وقلقه وشدة خوفه على حبيب العمر
يتحركون جميعهم بين من تملاء الخدوش وجهه وبين من لا تتضح معالمه مما لحق به من أذى وبين من قطعت أجزاء من جسده
اصوات بكاء عاليه وصراخ شديد تنبعث ممن عثروا على اشلاء ابنائهم وهم يحاولون السعي لتحصيل رزقهم
كانت تضع اصابعهافى اذانها لا تحتمل اذناها اكثر من ذلك
يرفعون الغطاء عن كل وجه وهم يدعون الله الا يكون احد فيهم
حسين:الحمد لله اطمني ياياسمين حمزة مش بينهم
ياسمين :يعني حمزة عايش صح ايوة هو اكيد عايش انا متاكده حمزة مش ممكن يسيبني أبدا
حسين وهو يتحدث لأحد فرق الإنقاذ :لو سمحت هو اللي مش موجود يبقى ده معناه أنه عايش مش كده
الرجل :لاء طبعا ده احتمال ضعيف جدا ومعدوم كمان
حسين:ازاي حضرتك بس هو مش بين الموجودين
الرجل :ممكن جدا يكون السمك أكله او جثته بين الصخور وبقى صعب انها تتحرك وممكن تكون الجثه الموج بعدها لمكان بعيد
والد حسين :لا يابني قلبي بيقوللي ان ابني ماماتش وان شاء الله عايش
الرجل :ياحاج متعشمش نفسك عالفاضي
المركب غرقت فنص البحر وكل اللي فيها ماتوا محدش نجا منهم
لو ابنك عايش هو فين
ابسط شئ، كانت شرطة البحر حيمسكوه ويبلغونا لكن الشرطه مبلغتناش بأي حد فى البحر
وبعدين مش انتم قلتوا انكم لقيتوا صورته بين الأوراق اللي كانت عايمه على المياه
ياسمين بانهيار:ايوة دي صورتنا مع بعض بس عادي ممكن تكون وقعت منه لما المركب غرقت
لكن لاء لاء مش ممكن اصدق ان حمزة راح مني لاء استحاله يسيبني حمزة وعدني انه مش حيسيبني
فهمهم ياحسين قللهم ان فى حاجه غلط
حسين :اهدي ياياسمين اهدي الله يخليكي
خلود :ياسمين تعالي ياحبيبتى الله يخليكي
ياسمين :أجي فين ياخلود لاء انا مش حمشي من هنا غير لما حمزة يرجعلي
ثم توجه كلامها لذاك الذي أخذه منها:قللهم عرفهم فهمهم دول مش فاهمين حاجه بيقولوا ان حمزة راح محدش يقدر يفهمهم غيرك
انت بس اللي شاهد على وعدنا لبعض واننا مش حنسيب حاجه تفرق بيننا وان حتى الموت مش حيقدر يفرق بيننا
حسين :ياللا ياياسمين ياللا نمشي
ياسمين :امشي لاء انا مش حتحرك من هنا قبل ماحمزة يرجعلي
حمزة انت فين ياحبيبي ارجعلي ياحمزة ارجعلي انا مليش غيرك ياحبيبي
اخذتها خلود فى احضانها حيث كانت تبكي بمرارة على فقدان حبيبها
😢😢😢😢😢😢😢😢
بعد مرور عدة أيام
يتحدث الى صديقه عبر الهاتف:لا حول ولا قوة الا بالله لا مش ممكن يعني حمزة مات ياحسين
حسين :صدقني لو قلتلك اننا منعرفش ولا متأكدين اذا كان عايش واللا لاء لحد دلوقتي
انا كل يوم بروح واسأل ومفيش أي جديد
حازم:وياسمين خطيبته عامله ايه
حسين :اهي دي اللي هم تاني لوحدها حالتها صعبه جدا كل يوم تفضل قاعده قدام البحر بالساعات وتقعد تنادي عليه والله لما بشوفها قلبي بيتقطع عليها
حازم:لا حول ولا قوة الا بالله بس ياحسين بالعقل كده لو كان حمزة عايش لحد دلوقتي طب هو فين ده المفروض يكون وصل ايطاليا خلاص وأكيد كان حيتصل بيكم من أي مكان
وبعدين انتوا بتقولوا لقيتوا صورة ليه مع ياسمين وسط الاوراق
انتوا متأكدين انها صورتهم مش صورة حد تاني
حسين :ايوة ياحازم اصل الصورة دي بالذات انا اللي عاملهالهم بنفسي وقتها حمزة قاللي عاوزني اعملها زي البلاستيك كده عشان لا تتقطع ولا يجرالها حاجه
حازم:طب واهله أخبارهم ايه
حسين :هما كمان حالتهم صعبه أوي متنساش انهم معندهمش غيره هو واخته منى امه حتموت من القهرة
حازم:معلش ياحمزة خليك جمبهم مبقاش ليهم حد فى الدنيا غيرك
حسين :من غير ماتقول والله ياحازم انت عارف حمزة ايه عندي وكمان هو موصيني قبل السفر عليهم وعلى ياسمين
حازم:معلش والله حقك علية ياصاحبي اني مش قادر اساعدك فى الوضع ده واكون جمبك
حسين :انت بتقول ايه بس ياحازم مانت مسافر ومتغرب انت كمان الله يعينك يارب
حازم:انت أصيل ياحسين وان شاء الله ربنا حيجازيك كل خير وحتصل بيك تاني ويارب تكون فيه اخبار جديده
حسين:يارب ياحازم يارب
😰😰😰😰😰😰😰😰
تدخل البيت وهي مغيبه عن الواقع
فتجد من يستقبلها:اهلا وسهلا بالست الهانم ايه خلاص اتجننتي طب لو كده بقى نتصل بمستشفى المجانين وييجوا يلبسوكى القميص الأبيض بتاعهم وياخدوكي على هناك
ياسمين:............
صفاء :ياسمين يابنتي مينفعش اللي بتعمليه فنفسك ده كفايه بقى كده شوفي مصلحتك الحي ابقى من الميت
ياسمين بصراخ:لاء متقوليش ميت لاء حمزة ماماتش حمزة عايش ايوه عايش وحيرجعلي
أسامه :بقولك ايه يا ياسمين لو ماتعدلتيش انا حعرف اعدلك ازاي ايه عاوزانا نسيبك لما تتجنني واللا ايه ماتفوقي بأه
ياسمين :محدش ليه دعوه بية سيبوني فحالي انتوا السبب ايوة انتوا السبب انا بكرهكم
كان معايا حمزة كان معايا انتوا اللي خليتوه يسافر انتوا اللي كرهتوه فعيشته لغاية ماراح راح مني
صفاء :لا ياياسمين انا صحيح كلمته لكن مقولتلوش يسافر ياياسمين بالطريقه دي
تتركهم ياسمين وتدخل غرفتها وترتمي على فراشها وتبكي بحرقه ثم تضع صورهما سويا وتحتضنهما
انت عايش ياحمزة انا متاكده انك عايش ومهما كلهم قالوا انك مت انا عمري ماحصدق ابدا
حمزة انا مستنياك ياحبيبي وحفضل مستنياك العمر كله بحبك ياحمزة بحبك اوي ياترى انت فين دلوقتي اكيد تعبان أنا عارفه مفيش حاجه تقدر تبعدنا عن بعض أكيد انت حتموت من الزعل عشان مش عارف توصلي تطمني عليك
بس اطمن ياحبيبي اطمن وطمن قلبك حترجعلي
انت عارف انا كل يوم بقعد عند البحر وبفضل انادي عليك انا متاكده انك حتسمع صوتي وحترجعلي متأكده ان اللي اخدك مني هو اللي حيرجعك لية ياحبيبي
تاخذ الصور فى احضانها وتغفو عيناها ودموعها تنهمر على تلك الوساده التي تضع عليها رأسها
😰😰😰😰😰😰😰
جالسه مع والدتها بجوار فراشها بعد ان قدمت لها الدواء
ماما عاوزة حاجه تاني ياحبيبتى
هدى:اعوزك فرحانه يابنتي يارب واشوفك متهنيه وسعيده فبيت عدلك يارب مع ابن الحلال اللي يريح قلبك
خلود :يارب ياماما يارب
ربنا يخليكي لية ياست الكل
هدى:ربنا يخليكي انتي لية ياحبيبتى انا نفسي اطمن عليكي قبل مااموت نفسي اشوفك فبيت جوزك
خلود :الف بعد الشر عنك يا ست الحبايب انا مليش غيرك فى الدنيا ياماما
هدى:بس انا تقلت عليكي اوي ياحبيبتي بقالك اد ايه بتخدميني ومبترضيش تخلليني اعمل اي حاجه اساعدك بيها
خلود :ماما انا تحت رجليكي ياروح قلبي وان شاء الله حتخفي وتبقي زي الحصان
هدى:يارب ياحبيبتي يارب
ياللا روحي بقى نامي انا خلاص حنام
خلود وهي تقبلها:تصبحي على خير ياماما
هدى :وانتي من اهل الخير ياخلود
تدخل غرفتها وهي مازالت تفكر فيه فهي تحبه من صغرها وكل يوم يزداد حبه في قلبها ولكنه لم يشعر بها ولا بمشاعرها تجاهه يوم من الأيام
فجأة يخرجها من هذه الأفكار هاتفها الذي يعلن عن مكالمه
تفتح الخط سريعا:عروستنا الحلوة مش معقول
ميرا :بس يابكاشه انا زعلانه منكم اوي
خلود :ليه بس يامزة
ميرا:وعدتوني حتيجوا تزوروني ولا يمعت صوتكم حتى
خلود :معلش والله ياميرا غصب عننا الظروف اللي احنا فيها هي السبب
ميرا :خير يا خلود في ايه صوتك بيقول فى حاجه
خلود :يوم فرحك بعد مامشينا عرفنا ان المركب اللي كان حمزة مسافر عليها غرقت وطلعوا الجثث كلها ورحنا كلنا عشان نتعرف على جثة حمزة بينهم وكان يوم صعب أوي
ميرا :ولقيتوا جثته
خلود :لا ملقينهاش
ميرا :طيب الحمد لله يعني عايش
خلود :مش اكيد الكل بيأكد انه مات هو كمان بس الجثه هي اللي مظهرتش
ميرا :ياعيني اكيد ياسمين حالتها صعبه اوي
خلود :صعبه بس انا خايفه عليها والله انا حسه ان حيجرالها حاجه
ميرا :خلود انا عاوزة اشوف ياسمين ممكن تاخديني ليها
خلود :ياحبيبتى ده انتي تنورينا حاضر شوفي عاوزة تجيلها امتى وانا استناكي ونروحلها
ميرا :بكرة ان شاء الله الصبح يكون يامن فى الشركه واجيلك
خلود:تمام وانا حستناكي
تغلق الهاتف لتتفاجا بمن يحتضنها من الخلف:حبيبي بيتكلم مع مين
ميرا:مع خلود
يامن:خلود متهيألي سمعت الاسم ده قبل كده
ميرا :كانت فى الفرح بتاعنا
يامن:اه افتكرت مش دي اللي اتخانقت مع راغب بصراحه انا مش عارف انتي ازاي بتعرفي اشكال زي دي
ميرا :إيه الكلام اللي بتقوله ده يايامن خلود وياسمين دول اصحابي وانا مقبلش ان حد يهينهم ولا يزعلهم بكلمه وكرامتهم من كرامتي
يامن:الله حبيبي ماله قفش كده ليه
ميرا :خلاص يايامن مفيش حاجه
يامن وهو يحتضن خصرها بين يديه:مفيش لا في بقى وانا لازم اصالحك
ليل يمر على الجميع يمر على أحدهم كلمح البصر حيث يتنعم كل حبيب باحضان حبيبه ولا يود ان يأتي الصباح حتى لا يتنزع فرحتهما
ويمر على البعض طويل كطوال السنين العجاف التي تمتلئ بالاهات والاحزان والاشتياق الى الأحبه
ولكن مهما طال الليل لا بد ان يأتي النهار ليعلن عن ميلاد يوم جديد تشرق الشمس بنور ربها تفتح عينيها لتجد نفسها نائمه بملابسها التي جاءت بها من الخارج ليلة الأمس
تجد دموعها قد اغرقت تلك الصور التي جمعت بينها وبين حبيب القلب وعشق الفؤاد
تقوم لتتوضا وتصلي وتدعو الله أن يعيد لها حبيبها وان يسلم من كل شر
كانت دموعها تسبق كلامها انتهت من الصلاه ثم رتبت حجرتها وجلست على الفراش تعيد ذكرياتها الجميله تائهه فى بحور ذكرياتها التي لن تنساها مهما طال الزمان
ولكنها تتفاجأ بمن يفتح عليها الباب
قلبي عامله إيه النهارده
ياسمين :تعالي ياخلود ادخلي
خلود :انا حدخل بس مش لوحدي
ياسمين :مش فاهمه
خلود :فى حد معايا جاي يشوفك ويطمن عليكي
ياسمين وهي تعتدل فى جلستها:مين يابنتي
فتطل ميرا بوجهها الجميل:انا ياياسمين
ياسمين وهي تبتسم لها:ميرا اهلا وسهلاً ياحبيبتى نورتي والله
تقوم وتسلم عليها
يجلسون جميعهم على الفراش
ياسمين :ده كان واجب علينا والله
ميرا:متقوليش كده احنا واحد المهم اني اطمن عليكي
ياسمين :الحمد لله والله
ميرا :انا مش عارفه اقول ايه مش عارفه اقولك ان شاء الله يرجع بالسلامه ويطمن قلبك عليه واللا اقولك البقاء لله وربنا يعوضك خير
ياسمين :لاء متقوليش كده حمزة عايش حمزة مامتش انا متاكده انه عايش حمزة مش ممكن يسيبني ويمشي ابدا ده وعد بيننا اننا مش حنخللي قوه فى الكون تفرق بيننا مهما حصل
انتوا مش فاهمين اللي بيننا انا وحمزة اكبر من أي شئ
ميرا :ياحبيبتى ياياسمين انافخورة بيكم وبحبكم لبعض بالشكل ده
ومادمتي واثقه من مشاعرك يبقى لازم تصدقيها
بس ينفع بردو نسيب نفسنا بالشكل ده يعني حمزة لما يرجع بالسلامه ويلاقيكي تعبانه كده تفتكري حيفرح
قومي واخرجي وعيشي الحياه لحد ما يرجعلك بالسلامه
ياسمين :معنديش نفس أعمل اي حاجه والله
ميرا :طب والشغل مش احنا كنا متفقين انك حتشتغلي واللا ايه ده انا كلمت يامن والله وهو مستنيكي تروحيله الشركه عشان تبدئي الشغل
ياسمين :شكرا يا ميرا ربنا يخليكي يا رب بس انا مش قادرة والله اعمل اي حاجه
ميرا:لاء حتقدري
تدخل عليهم صفاء بالعصائر التى تحملها:اتفضلي ياحبيبتي البيت نور والله بس معلش بقى مش اد المقام
ميرا :لا ياطنط متقوليش كده انا المهم عندي دلوقتى ان ياسمين تخرج من الحاله اللي هي فيها دي
صفاء :ومين سمعك ياحبيبتى وهو انا يعني عاجبني حالها ده بقى دي ياسمين اللي كانت زي الورده المفتحه عياط عياط لما نظرها حيروح وحيركبها المرض
ميرا :ماما عندها حق ياياسمين الزعل ياحبيبتى بيجيب المرض وبيموت بابا لما زعل عشان خسر شوية فلوس فصفقه مستحملش ياحبيبى ومات برغم انه كان ممكن يعوض اللي خسره لكن قلبه مستحملش عشان خاطر حمزة لو بتحبيه لازم تبقي قويه وتستنيه وانتي فقمة تالقك
صفاء :اسم الله عليكي ياحبيبتي كلامك زي العسل والله
تتركهم وتخرج فتجد من يخرج من غرفته:ايه ياماما هو احنا عندنا حد واللا إيه
صفاء :خلود ومعاها واحده بس ايه شكلها هاي اوي تحسها برنسيسه كده جايه تطمن على اختك عارف مين
اسامه:مين وهي بنتك تعرف حد عليه القيمه
صفاء:اللي اختك راحت تحضر فرحها فاليوم اياه
اسامه:اوعي تكون العربيه الفخمه اللي تحت البيت دي بتاعتها
صفاء :ايوة هي انا شفتها وانا بنشر الغسيل وهي نازله منها ومعاها خلود
ياسمين :طيب كويس على الله بتك الهبله تعرف تستنفع منها بحاجه بدل ماهي خيبه كده
صفاء :انا سمعتها وهي بتقول لاختك انها كلمتلها حد يشغلها فى الشركه بتاعتهم وانا بقى مش حسيبها غير لما تروح
تخرج ميرا بعد ان اخذت وعدا من ياسمين انها ستفكر فى امر العمل تخرج ومعها خلود وياسمين حيث تسلم عليهم وتسلم على صفاء وتنزل معها خلود لتوصيلها والرجوع الى ياسمين
اسامه :ياللا ياست ياسمين باضتلك فى القفص اهوه وحتشتغلي فشركه محترمه بدل المحلات اللي كنتي متبهدله فيها
ياسمين :انت ايه عرفك بحاجه زي دي ومين قالك اصلا اني حشتغل
صفاء :ياسمين ياحبيبتى ممكن بقى تهدي شويه كده وتسمعيني هو انتي يابنتي مش شايفه الحال اخوكي كل يوم والتاني يشتغل شغلانه ويسيبها ومعاش ابوكي مبيقضيناش عيش حاف والدنيا بقت غاليه اوي
فيها ايه لما تسمعي كلام صاحبتك ويمكن تعرفي تشوفي لاخوكي هو كمان شغلانه معاكي
تدخل خلود وتوافقهم الكلام:خالتو معاها حق ياياسمين قاعدتك لاحتقدم ولا حتاخر سيبيها على الله وسلمي امرك لربنا وقولي يارب وانا حكلم ميرا اطمن عليها انها روحت بالسلامه واخليها تدينا عنوان الشركه وانا حروح معاكي ومش حسيبك غير لما اطمن ان كله تمام
ياسمين :حاضر ياخلود طب قوليلها تشتغلي معاياانتي كمان
خلود :ياسلام على اساس انك مش عارفه اني قاعده بماما ومقدرش اسيبها وهي تعبانه كده
ياسمين :خلاص ياخلود اعملي اللي انتي عاوزاه
تعود ميرا إلى المنزل لتجد زوجها وراغب عمه فى انتظارها
يامن:اهي ميرا جت
راغب:حمد الله على السلامة يا ميرا
ميرا :الله يسلمك يابشمهندس
بعتذر عن التأخير
يامن :اه مانا قلت لراغب عن المشوار اللي كنتي فيه
يعلن هاتف ميرا عن اتصال من خلود:ايوة ياحبيبتى انا وصلت
بجد يعني ياسمين اخيرا وافقت خلاص تمام انا حرتب كل شئ مع يامن وتقدروا تروحوا بكرة الصبح وكل شئ، حيكون فى انتظاركم
يامن :بكرة ياسمين حتروحلك الشركه زى مااتفقنا
فينظر يامن لراغب منتظرا رده
راغب:افتكر ياميرا من الاصول انك تستأذنيني انا فحاجه زي دي انتي ناسيه اني صاحب الشركه واللا ايه
ميرا :سوري يابشمهندس انا مقصدتش اتجاهل حضرتك بس انا عارفه ان يامن المدير المسئول عشان كده وجهتله كلامي
راغب:ومين دول بقى اللي عاوزة تشغليهم فى الشركه
ميرا :لاء هي واحده بس
راغب:اللي خبطت فية واللا التانيه ام لسان عاوزة قطعه
ميرا وهي تنظر ليامن :هو يامن بلغك بسرعه كده
ياسمين اللي خبطت فيك
خلود مش عاوزة تشتغل
راغب:تمام هي بنت شكلها هادي وكويس
حجربها اشوفها تنفع سكرتيرة عندي واللا مش حتنفع
يامن:سكرتيرة ليك طب وهايدي
راغب :لا انا زهقت منها مبقتش بتعمل شغلها كويس بقت ممله
فينظر له يامن وهو على علم بمغزى كلامه
تمام ياراغب اهي جايه بكرة وحنشوف
ميرا :يامن عشان خاطري خللي بالك منها ياسمين حالتها النفسيه سيئه ومش مستحمله اي ضغط نفسي عليها
يامن :لا اطمني عالاخر راغب حيظبطلها نفسيتها عالاخر
ميرا :مش فاهمه
يامن :سيبك بقولك ايه عندنا عشا عمل بالليل تحبي تيجي معانا واللا حتقعدي هنا تستنيني لحد ماارجع
ميرا :ييه بقى هو كل يوم عشا عمل انا زهقت بقى يامن احنا من يوم مااتجوزنا واحنا طول الوقت عشا عمل وشغل حتى شهر العسل اتحول لكام يوم بسبب شغلك ده
يامن:جرا ايه ياميرا هو انتي عاوزاني اسيب شغلي واقعد جمبك واللا ايه
راغب:مش كده يايامن عروستك من حقها تتمتع بردو بالراحه عليها
يامن :ماهي لازم تفهم وتقدر طببعة شغلي
تقوم ميرا من بينهم وتصعد لغرفتها
يامن:دلع ستات
راغب:سيبك منها هما كلهم كده عاوزين اللي فمزاجهم بس
يامن :وانت بقى عاوز ايه من البنت اللي اسمها ياسمين دي خللي بالك اللي من الحواري زي دي مبتقبلش غير بالحلال يامعلم
راغب:طب وانت ليه جه فبالك كده انت تفكيرك دايماً شمال كده
يامن:هههههههه لا يامعلم عشان اللي ربى خير من اللي اشترى يا ياعمي
راغب:ماشي يابن اخويا
😰😰😰😰😰😰😰
تكملة الرواية من هناااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق