رواية قلوب تنزف عشقاً الفصل الرابع والخامس والسادس بقلم عبير سليم
رواية قلوب تنزف عشقاً الفصل الرابع والخامس والسادس بقلم عبير سليم
الحلقه الرابعه من رواية
♥️قلوب تنزف عشقاً♥️
بقلمي :عبير سليم
😰😰😰😰😰😰😰
إلى أين سياخذنا القدر وإلى أين ستهوى بنا الرياح
نحن لا نملك سوى السعي فى تلك الحياة مدركين أننا مهما فعلنا فلن ننال من الدنيا سوى ماكتبه الله لنا
تخرج من غرفتها بعد ان صلت فرضها وارتدت ملابسها ووضعت حجابها فوق راسها متوجهه لغرفة امها للاطمئنان عليها
أكلتي ياست الكل
هدى:ايوة ياخوخه
خلود :قلب خوخه ياناس ثم تحتضن امها وتضع عدة قبلات على وجهها بحبك بحبك ياست الحبايب
هدى:ههههه بالراحه شويه انا مش حملك يابت انتي
خلود :كده بردو طب انا زعلانه بقى يعني انتي مش بتحبيني زي مابحبك والا ايه ياست هدى
هدى:يالهوي ده انتي حياتي كلها ياقلب امك هو انا لية مين فى الدنيا دي كلها غيرك ياحبيبتى
ربنا يخليكي لية واشوفك متهنيه وعيالك يملوا علية البيت يارب
مع اني ميتهياليش اني حعيش لليوم ده
خلود :الف بعد الشر عنك يا ماما ربنا يطول فعمرك يارب
هدى:ويخليكي لية ياخوخة ياحبيبتى بس مقلتليش بقى متشيكه و رايحه على فين عالصبح كده
خلود :حروح مع ياسمين تقدم فى الشركه اللي حتشتغل فيها ومتقلقيش مش حتاخر
هدى:لا ياحبيبتي خدي راحتك انا اصلا حنام شويه والحمد لله ان ياسمين حتنزل تشوف حالها
خلود :ايوة ياماما انا نفسي تفك شويه احسن انا خايفه يحصللها حاجه والله ده انا اتجنن
هدى:ربنا يخليكم لبعض يارب خلود اوعي يابنتي مهما حصل حاجه تفرق بينكم انتوا من يوم ماوعيتوا عالدنيا وانتوا روحكم فبعض انتي عارفه وانتوا صغيرين الناس كانت بتفتكركم توأم
خلود :اطمني يا مامتي ياسمين دي حبيبتي واختي وصاحبتي ربنا يبعد عنها كل شر يارب
ياللا بقى انا حمشي مش عاوزة حاجه
هدى:عاوزاكي طيبه ياحبيبة امك ويبعد عنك شر ولاد الحرام ويجعلك فى كل خطوة سلامه يآرب
خلود :ايوة بقى هي دي الدعوات واللا بلاش
❤️بعد قليل يمشيان فى الشارع متجهين إلى الشركه
خلود :مش كنا ركبنا يابنتي بدل مانتاخر
ياسمين :عاوزة امشي من جمب البحر
خلود :على اساس انك محرومه منه ده انتي ناقص تفرشي ملايه وتنامي
ياسمين :ياريت والله لو ينفع ماكنت اتأخرت
خلود :هههههه مجنونه وربنا طب وده حينفعك بأيه
ياسمين :بحس ان حمزة قريب مني اوي ببقى شامه ريحته
خلود :حبيبتي ربنا يرجعهولك بالسلامه ويطمن قلبك عليه
ياسمين :يعني انتي مصدقه ان حمزة عايش ياخلود
خلود :مادمتي قلبك قالك انه عايش يبقى عايش ان شاء الله
ايه ده شوفي مين هناك
ياسمين :مين ياخلود
خلود :تعالي بسرعه نلحقها قبل ماتتوه
ياسمين :مين يابنتي مش تفهميني
خلود:عبير ياعبير
💙انا طبعاً :مين خلود ياسمين ازيكم ياحبايبي عاملين ايه رايحين فين عالصبح كده
خلود :هههههه بقى معقوله متعرفيش فكرتيني بفيلم محامي خلع لما قالله لو انت مبتعرفش انا اللي حعرف
علية النعمه انت اجدع واحد يعرف فمصر ههههههه
💙هههههه ضحكتيني والله دمك عسل ياخوخه
خلود :من بعض ماعندكم يابيرو ياعسل ادينا رايحين الشركه عشان ياسمين
💙ربنا معاكم قلبي معاكي والله ياياسمين ربنا يطمنك عالغايب يارب
ياسمين :والنبي ياعبير وغلاوة ادهم عندك طمنيني حمزة عايش صح
💙يادي النيله خلود هي البت دي هبله يعني انتي عاوزاني اقولك عايش واللا لاء وابوظ الروايه سيبيها على الله ياقلبي
خلود :وانتي رايحه فين عالصبح كده يابيرو
💙حكون رايحه فين بلا نيله رايحه مدرسة محمد ابني قطيعه تقطع المدارس عالامتحانات
رايحه اشوف الدنيا أخبارها ايه بعد ماالوزير المخفي بتاعنا قرر ان الولاد حينزلوا يمتحنوا داهيه تاخده هو وامك واخوكي ياياسمين فيوم واحد
متزعليش ياحبيبتى أصلي بصراحه مش طايقاهم
ياسمين :نصيبي حعمل إيه
💙وانا بتكلم بصوت واطي عشان ميسمعونيش:نصيبك انتي لسه شفتي حاجه
خلود :بتقولي حاجه يابيرو
💙ايه اه بقول ياللا بقى روحوا شوفوا اللي وراكم وخدوا بالكم من نفسكم وانا حبقى اطمن عليكم
ياسمين وخلود :مع السلامه يا عبير
💙مع السلامه ياحبايبي ربنا يستر عليكم ومن القراء اللي حيولعوا فية
افتح الباب ياخالد انت كمان
خالد ده البواب بتاع مدرسة ابني ياجماعه متخافوش
خالد:ايوة مين
💙انا ميس عبير مامت محمد احمد ياخالد
خالد :اهلا يااستاذه اتفضلي
شكرا ياخالد ياللا انا نشوف اخرتها ايه مع وزير الزفت ده كمان
😉فى داخل الشركه
منورانا ياياسمين والله
ياسمين :شكرا لحضرتك يابشمهندس
يامن:ميرا موصياني عليكي أوي واضح انها بتحبك جدا
ياسمين :ميرا إنسانه كويسه جدا وطيبه اوي ربنا يخليكم لبعض
يامن:وانتي ياخلود مش عاوزة تشتغلي
خلود :كان على عيني بس مينفعش
يامن:ليه بس كده
خلود :ظروف بقى حنعمل ايه المهم عندي ياسمين دلوقتى
يفتح الباب ويدخل :ايه يايامن عندك ضيوف واللا إيه
ايه ده مش انتي ام لسانين
خلود :اهلا هو حضرتك هنا
ياسمين :خلود عيب كده
راغب:شايفه الأدب نورتينا والله ياسكرة
خلود :سكرة ايه ياكابتن اسمها ياسمين حضرتك
راغب:كابتن على أساس انك شايفاني لابس فانله وشورت وبصفر بالكورة
ياسمين :هههههههه
راغب:إيه الضحكه العسل دي
يامن:آنسه خلود المكان هنا للشغل بس مافيش داعي للتهريج
خلود :طيب ماشي بس متقفش كده اصلي بحب اهزر
سوري بقى ياحضرت على اللي حصل يوم الفرح اوعى تكون زعلت
راغب:لاء خلاص حعتبره سوء تفاهم وراح لحاله
خلود :سوء على مهلك سوء بكرة الدنيا تروق
يامن:ههههههههه
خلود :عيب كده يابشمهندس احنا قلنا ايه المكان هنا للشغل مش للتهريج
راغب:اتفضلوا اقعدوا
وهو يوجه كلامه لياسمين :عرفت انك عاوزة تشتغلي معانا هنا
ياسمين :ياريت طبعا وان شاء الله حكون عند حسن ظنكم والله
راغب وهو يتفحصها جيدا :لا واضح انك حتكوني عند حسن ظني فعلا
بس سوري يعني محتاجك بس تغيري ستايلك شويه
ياسمين :هو انا لبسي شكله وحش
راغب:لا طبعا ده كفايه انك انتي اللي لابساه بس بردو المظهر الاجتماعي مهم فشغلنا
خلود :ممكن اعرف ده لو مكنش يضايق حضرتك يعني ياسمين حتشتغل إيه
راغب:حتكون سكرتيرة لية
خلود :يعني حضرتك كنت قاعد من غير سكرتيرة ومستني ياسمين لما تيجي عشان تبقى سكرتيرتك
راغب:استغفرالله العظيم وانتي مالك هو انتي ولي أمرها هي مش ليها لسان تتكلم بيه
ياسمين :اللي حضرتك تؤمرني بيه
راغب :ايوة كده احب اللي يسمع الكلام
خلود :طب ممكن نعرف مواعيد الشغل حضرتك
يامن:ممكن تسكتي شويه ياام لسانين انتي
راغب:مواعيد الشغل من تمانيه لاربعه ده الأساسي لكن طبعا لو فيه شغل ممكن نطول شويه
انسه ياسمين مش انسه بردو
ياسمين :ايوة انسه حضرتك
راغب:تمام اوي من بكرة تستلمي الشغل عاوز اجي الاقيكي على مكتبك مفهوم
ياسمين :حاضر يافندم
تستئذن الفتيات للانصراف بينما يتتبعهم راغب بعينيه
يامن:عينك ياراغب فى إيه
راغب:عجبتني اوي بنت الايه دي
يامن:مين فيهم ياسمين واللا خلود
راغب:خلود اعوذ بالله
يامن :ليه بس دي حتى ملفوفه كده وزي البطه قطه مخربشه بصراحه عاوزة تتاكل اكل تحسها نغشه بتفكرني بالأكل الحرش اللي مهما ناكل منه منشبعش
راغب :خليلك انت الأكل الحرش والقطه المخربشه انا بقى عجباني القطه السيامي الناعمه دي
يامن :لا ياعم اخليني ايه انت ناسي اني راجل متجوز واللا إيه
راغب:متجوز اه متجوز هههههههه على أساس اني مش عارف فضايحك كلها والله اقطع دراعي اما كانت البت عاجباك بس خايف منها لتفضحك ادام ميرا
يامن:يادي النيله بقولك إيه فضها سيرة وسيبك مني وركز فحالك واهي القطه السيامي حتكون تحت امرك من بكرة وعاوز اشوف الشطارة بقى
راغب:ليه وانت عندك شك فقدرات عمك واللا ايه
يامن :لو على قدراتك ابصم بالعشرة لكن انا عند رأيي وانك مش حتعرف توصل للي انت عاوزه بالسهوله دي
راغب:تراهني
يامن:وانا قبلت الرهان
راغب:مليون جنيه قصاد اللي كلمته تمشي
يامن:وانا موافق ياعمي
😉يخرجان من الشركه ويمشيان تجاه البحر
ياسمين :مالك ياخلود من وقت ماخرجنا من الشركه وانتي متكلمتيش
خلود :بفكر ياياسمين
ياسمين :بتفكري فايه فهميني
خلود :قلبي مش مستريح حسه ان فى حاجه غلط
ياسمين :لا الله يخليكي انا بخاف اوي من احساسك فهميني فى إيه
خلود :مش غريبه انهم يعينوكي سكرتيرة كده على طول ده حتى مسالش عن مؤهلاتك ولا حتعرفي تشوفي الشغل واللا لاء
ياسمين :مااكيد ميرا قالتلهم
خلود :ممكن بردو عالعموم عاوزاكي تخللي بالك من نفسك ياياسو كويس
انتي فاهمه احنا غلابه غلابه اوي ياياسمين والناس الاكابر اللي زي دول معندهمش عزيز ولا غالي ويوم مابيدوسو على حد بيدوسو عليه بكل قوه وجبروت مبيهمهش حاجه
لا قانون بيقف ادامهم ويجيب حق الغلابه منهم ولا هما بيخافوا من ربنا
ياسمين :ليه ياخلود بتقولي كده كلامك ده قلقني
خلود :مش عارفه بس نظرات الراجل اللي اسمه راغب ده ليكي قلقتني اوي نظرته شبه التعبان
ياسمين :متخافيش ياخلود علية ان شاء الله ربنا حيسترها معانا وعاوزاكي تطمني بنت خالتك بميت راجل
ثم تقف وعينيها على البحر والدموع تجري في عينيها :ياترى عامل ايه ياحبيبي وفين اراضيك ياحبيب عمري كله
😉😉😉😉😉😉😉
فى منزل اهل ميرا
نهله:طمنيني عليكي ياميرا عامله ايه مع جوزك
ميرا :الحمد لله يامامي كويسه
نهله:نفسي تفتحيلي قلبك زي زمان وتحكيلي على كل حاجه بدل مانتي بقيتي بتردي علية الكلمه بكلمتها
ميرا :زمان متفكرنيش يامامي الله يخليكي وهو انا لما حكتلك زمان اخدت ايه غير القهرة
نهله :وانتي كنتي عاوزاني اسكت وانا شايفاكي بتضيعي نفسك
ميرا :مامي عشان خاطري خلاص كل شئ انتهى وانا دلوقتى ست متجوزة مينفعش اجيب سيرة حد على لساني غير جوزي
تدخل مريم:حبيبة قلبي هنا وتحتضنها بشده وحشتينى اوى اوى اوى
ميرا :وانتي كمان وحشتيني اوي يامريومه
مريم وهي تسحبها من يدها:معلش بقى يامامي عاوزة اختي حبيبتي فكلمتين كده
فى غرفتها
طمنيني عامله ايه مع يامن
ميرا :مش عارفه اقولك ايه والله يامريم شويه احسه طيب وحنين وبيحبني اوي وشويه بلاقيه اسي ومتعجرف
اوقات بحس اني سعيده معاه واوقات تانيه بندم على اني اتجوزته
مريم :ميرا انتي لسه فشهر العسل ياحبيبتى
ميرا:عسل ايه بس يامن حياته كلها شغل فشغل وانا دايما اخر اهتماماته
مريم :حبيبتي بكرة تتعودوا على بعض هو كده عشان انتم فى الأول بس
ميرا :طمنينى انتي عليكي عامله ايه وايه اخبارك
مريم :انا زي القرده
قوليلي عمه عامل معاكي ايه بيتعامل معاكي كويس
ميرا :عمه ده انا مبقبلهوش امنية حياتي يتجوز بقى ويبعد عننا مدخل نفسه فكل تفاصيل حياتنا
مريم :هو عنده كام سنه
ميرا:حوالي تسعه وتلاتين اربعين بالكتير اوي
مريم :وده ايه اللي مقعده لحد دلوقتي بيكون نفسه
ميرا :لا يابنتي يامن قاللي انه بيتجوز كل فترة ويطلق مبيستقرش مع واحده
مريم:انا حساه عينه زايغه يوم فرحكم عينه كانت على كل واحده فالفرح
ميرا :شكله فعلا كده
مريم :اوعي يكون غلس عليكي واللا حاجه
ميرا:ههههههه لا اطمني مش للدرجه دي هو بيحب يامن وبيعتبرني اخته
بس انا مش عارفه ليه مبستريحش ليه
المهم بقى يابكاشه سيبك مني واحكيلي عنك وعن اخبارك
مريم :ماشي يااختي
😉😉😉😉😉😉😉
بعد مرور عدة أيام
تجلس ياسمين على مكتبها تمارس عملها أمام الكمبيوتر
فتجد راغب امامها:اخبار الشغل إيه ياياسمين
ياسمين :كله تمام حضرتك
فيقترب منها ويمسك ماوس الكمبيوتر فيخترق عطره القوي انفها فتشعر بالغثيان
راغب:فى حاجه
ياسمين :لا ابدا بس ريحة البرفان قويه اوي
راغب:ضايقتك
ياسمين وهي تقوم من على الكرسي :لا عادي هو حضرتك فى مقابله كمان نص ساعه مع عميل شركة الأغذية
راغب:ماشي اطلبيبي القهوة وهاتيها عالمكتب
ياسمين :حاضر
بعد مرور بعض الوقت
ياسمين تعالي
تدخل اليه :انتي وراكي حاجه النهارده بعد الشغل
ياسمين :انا لاء انا حخلص واروح حضرتك عاوز مني شغل تاني اعمله
راغب:لا شغل ايه تاني كفايه عليكي كده انا كنت عاوز اعزمك فأي مكان نتغدى سوا
ياسمين :لا غدا ايه شكرا لحضرتك
راغب :هو انا بعزم عليكي عشان تقوليلي شكرا احنا حنخرج من الشركه على فندق نتغدى سوا ونمشي على طول فيها حاجه دي
ياسمين :ايوة طبعا فيها حاجه انا مبخرجش مع حد ومبقعدش فمكان مع حد حضرتك عاوز مني حاجه تانيه
راغب:اتفضلي على مكتبك
ياسمين :عن اذنك
راغب:شكلك حتتعبيني ياياسمين بس مش مهم انا بموت فى الصيد الصعب عشان لما اجي اكله استطعم بيه
وانتي دخلتي دماغي خلاص وراغب لما يبقى عنده رغبه فحاجه لازم يوصلها
الصبر طيب ياياسمين
الحلقه الخامسة من رواية
قلوب تنزف عشقاً
بقلمي :عبير سليم
😰😰😰😰😰😰
هل للقلوب أن تتغافل عن عهدها وتصبح فى طي النسيان
ام ستظل على وعدها ولن يستطع الدهر تفريق القلوب مهما حدث
فى أحد محلات المجوهرات
تمسك بيديه وتتحرك جانبا لتتحدث إليه بصوت منخفض
حمزة انت إيه اللي عملته ده
حمزة:عملت ايه ياحبيبتي
ياسمين :مش احنا متفقين على دبله وخاتم ليه خلتني أقيس ده كله
دي حاجات غاليه يا حبيبي
حمزة :مفيش حاجه تغلى عليكي ياقلب حمزة
ياسمين :لا ياحبيبي احنا محتاجين الفلوس دي بص انا حاخد دبله وخاتم بس
حمزة: والله ماحيحصل دبلة إيه دي اللي اجيبهالك انتي مقامك المحل كله ياياسمين ولو علية انا كان نفسي اجيبلك شبكه الكل يحلف بيها بس حعمل ايه غصب عني والله لكن اوعدك أن شاء الله حجيبلك كل اللي نفسك فيه وربنا يقدرني واعشيك ملكه
ياسمين :انت طول مانت معايا انا مش عاوزة اي حاجه تانيه وجودك عندي كفايه وانت فحياتي حسه اني ملكه متوجه
والدبله دي حتبقى أغلى عندي من الدنيا كلها كفايه ان حيتكتب عليها اسم حبيبي
حمزة:انتي ملكه على عرش قلبي بس بردو لاء ياياسمين احنا حناخد الدبله والخاتم والاسورة وحجيبلك كمان السلسله دي
ياسمين :لاء كده كتير اوي حتدفع تمن ده كله منين
حمزة:معايا والله ياسمين ياللا بقى المحل بيتفرج علينا
ثم يضع الدبله والخاتم فى اصبعها ويلبسها الاسورة ويعلق لها السلسله
ثم ينظر لمن يتواجدون فى المحل ماتسمعونا زغروته ياجماعه
فتلقي إحدى النساء الزغاريد فى المحل ويبارك لهم الجميع
تنزل الدموع من عينيها لتفيق من هذه الذكريات الجميله وهي تقبل الدبله وتسحب السلسله من رقبتها وتحدث نفسها
ياااه ياحمزة وحشتني اوي يا حبيبي ياترى حشوفك تاني امتى وبعد مااكون بقيت فين يارب رجعهولي يارب
يارب أنا مش قادرة على بعاده أكتر من كده
انا قلبي واجعني أوي عليه مش قادرة خلاص استحمل أكتر من كده
😢تعود إلى البيت لتجد أمها وخلود يتحدثان سويا
خالتو ربنا يخليكي ممكن متكلمنيش تاني فى الموضوع ده
صفاء:ليه يا خلود هو اسامة وحش
خلود :وحش إيه وحلو إيه بس ياخالتو أسامه زي أخويا
صفاء :لا مش اخوكي بقولك إيه انا حروح لهدى واتفق معاها
خلود :خالتو من فضلك قفلي عالموضوع ده قلتلك مش حينفع
ياسمين :ماما هو احنا مش حنخلص من الكلام فى الموضوع ده بقى
صفاء :ملكيش دعوة انتي
ياسمين :خلود تعالي ندخل جوة
خلود :عن إذنك ياخالتو
صفاء:اذنك معاكي يااختي جتكم الهم انتوا الاتنين انااصلا مش عارفه ايه اللي عاجبه فيكي بلاهم ياللا ابخات
فى داخل غرفتها
خلود :عامله ايه فى الشغل طمنينى
ياسمين :مش عارفه ياخلود والله
خلود :مش عارفه امال مين اللي حيعرف
ياسمين :بصي انا بشتغل كل الشغل اللي انا بتكلف بيه بس اللي اسمه راغب ده غريب أوي
خلود :ازاي يعني
ياسمين :يعني ساعات احسه بيضغط علية فى الشغل جامد لدرجة اني بجد بحس إني حموت وأروح ولو قلتله عاوزة استئذن وامشي يقوللي احنا مش فبطابونه مفيش مشي غير لما الشغل يخلص
بحسه بيبقى عاوز يضغط علية زي مايكون عاوز يزهقني فى الدنيا ليه معرفش
واوقات تانيه يبقى رقيق وطيب والاقيه هو اللي من نفسه يطلب مني اسيب الشغل واقوم امشي
معرفش مجنون ده والا ايه حكايته
تفتكري ده معناه ايه يا خلود وتفسري ده بأيه
خلود :انا قلتلك ياياسمين من اول مرة شفت فيها الراجل ده ان قلبي مش مطمنله واللي بيعمله معاكي ده ونظام الشد والجذب ده مش هبل ولا عبط لا ده واحد عارف بيعمل إيه كويس وحاسب خطواته كويس اوي كمان
ياسمين :خلود انتي مالك بتتكلمي بالالغاز كده ليه متفهميني
خلود :هو بيقسى عليكي عشان يضغط على اعصابك وتتخنقي وبعد كده يحن وقلبه يلين عشان تقولي اني ظلمته وانه انسان كويس
ويوصل معاكي للي هو عاوزه
ياسمين :عاوزه عاوز ايه انتي ايه اللي بتقوليه ده
خلود :انا مقولتش انتي اللي قلتي انه عرض عليكي اكتر من مرة انكم تخرجوا سوا او يعزمك عالغدا مش ده اللي حصل
ياسمين :أيوة بس انا رفضت ومرضتش أبدا
خلود :وعشان كده بقى هو شويه يعاقبك برفضك ليه وشويه يحن عليكي عشان يضغط على اعصابك وتوافقي
يارب تكوني فهمتي
ياسمين :خلود انا حكمل الشهر واخد مرتبي وحسيبله الشركه باللي فيها
انا مش ناقصه كفايه اللي انا فيه
خلود :هو ده عين العقل ومادام ضميرك سليم تأكدي أن ربنا حيعوضك خير الراجل ده مش كويس ياياسمين ونيته ناحيتك مش سليمه وانا خايفه عليكي أوي
ياسمين :متخافيش علية ياخلود عالعموم خلاص هانت والشهر حيخلص وكفايه اوي كده انا كمان قلبي مش مستريحله
وربنا هو اللي بيرزق
فى اليوم التالي فى الشركه
فى داخل مكتب راغب
قوليلي بقى ياياسمين مبسوطه معانا فى الشغل
ياسمين :الحمد لله يافندم
راغب:ياسمين انتي ليه دايما حزينه وعيونك كلها دموع
ياسمين بجديه :وهو فى ايه ممكن يفرحني
راغب:الدنيا فيها حاجات كتير حلوه ممكن تفرحك وتبسطك وانتي صغيرة وحلوة وفعز شبابك يبقى ليه متفرحيش وتبسطي نفسك
ياسمين :حضرتك معاك حق بس انا مش حقدر اعيش الحياة ولا انبسط وحمزة بعيد عن عيني ومش عارفه جراله إيه
راغب:انتي قصدك خطيبك اللي غرق فى البحر
ياسمين :لاء حمزة عايش حمزة حيرجعلي حيرجع لحبيبته ياسمين
راغب :ياااه للدرجه دي بتحبيه
ياسمين :بحبه دي أقل حاجه ممكن توصف مشاعري ناحيته
راغب :وياترى بقى حتستنيه اد ايه سنه اتنين
ياسمين :العمر كله
راغب :يا بخته بجد انا بحسده على حبك ليه معقوله فى حب واخلاص بالشكل ده
ياسمين :الحب موجود عمره مابيختفي
راغب :تفتكري كده بس انا متأكد انك بكرة حتنسي وتقولي عاوزة اعيش حياتي وزهقت من الانتظار
ياسمين :استحاله ده يحصل انا ميته من غيره
راغب وهو يقف امامها:حتنسي ياياسمين ادي فرصه لنفسك وعيشي وانسي
ياسمين :لاء حضرتك مش فاهم انا بحب خطيبي ومش ممكن قلبي ينساه وحستناه وحيرجع
راغب:طب ماتديني فرصه وانا اساعدك تنسيه وتنسي ان في حد فى الدنيا دي كلها اسمه حمزة
ياسمين :إيه اللي بتقوله ده
راغب:بقول ايه رايك نتعشى الليلادي سوا
ونكمل الليله مع بعض واوعدك اني حعيشك اجمل أيام حياتك وانسيكي الدنيا كلها
ياسمين :ايه الكلام الفارغ ده حضرتك مستوعب للكلام اللي بتقوله ده
راغب :طب ولو قلتلك اني حامنلك مستقبلك بشقه وعربيه ورصيد في البنك مقابل الفترة اللي حنقضيها مع بعض تقولي ايه
ياسمين :اقول انك انسان مش محترم وانا اسفه اني قبلت اشتغل فمكان قذر زي ده وحضرتك ممكن تعتبرني مستقيله عن اذنك
راغب :استني هنا انتي اتجننتي والا إيه انتي مش عارفه انتي بتكلمي مين ده انا انسفك من على وش الأرض
ياسمين :حضرتك بتهددني
راغب:انتي غبيه مش عارفه مصلحتك عاجبك البيئه اللي انتي عايشه فيها دي ده انا حنقلك ناقله تانيه خالص حتركبي عربيه بدل شعبطتك فى الاتوبيسات وحتسكني فمنطقه راقيه بدل الزباله اللي انتي ساكنه فيها وحيبقى معاكي فلوس تشتري برندات بدل الهلاهيل اللي بتلبسيها دي
ياسمين :انا بقى مبسوطه اوي باللي انا فيه مادمت رافعه راسي ومحدش كاسر عيني انا اتعودت طول عمري اعيش وراسي مرفوعه وعمري ماحوطي راسي مهما كان التمن
راغب :ههههههه ده انتي طلعتي ذكيه اوي ياياسمين قولي بقى انك عاوزاني اتجوزك ماشي معنديش مانع بس بشرط جواز عرفي مش رسمي تمام كده ياقطه
ياسمين :هو انا ايه اللي موقفني لحد دلوقتي وبتكلم معاك ليه اساسا عن اذنك
يشدها من ذراعها:انا مسمحتلكيش تمشي
تشد ذراعها من قبضته:وانت مين عشان تسمحلي واللا متسمحليش اوعى تكون فاكر اني عشان فقيرة حبقى غلبانه بقى ولقمه طريه تقدر تعضها بسنانك وبعد كده ترميها
لاء فوق ده انا لحمي مر وعضمي ناشف واللي حيقرب مني اقسم بالي لاكله بسناني
فلوسك دي عالجذمه عمرها ماتغريني ولا تلوح عيني مهما حصل
تقدرتروح تشتري بيها اللي من عينتك لكن انا لاء فاهم انا لاء ياسمين مش للبيع عن اذنك
تتركه وتمشي وهي تسب وتلعن ذلك الحظ الذي اوقعها فى هذا المستنقع اخذت تحدث نفسها:كان عندك حق ياخلود قلبك عمره ماكدب عليكي انا ازاى مافهمتش انه انسان قذر لا انسان ايه ده حيوان جته الارف انا مش فاهمه ازاي ميرا بتتعامل مع انسان قذر زي ده
ربنا ينجيكي ياميرا من اي شر محاوطك وانتي مش حسه يارب يكون يامن مش زي عمه ويكون انسان كويس انتي طيبه وتستاهلي كل خير
يارب تكوني سعيده فحياتك
😢سعيدة وانا حبقى سعيده ازاي وانت على طول بعيد عني يايامن
يامن :انتي مبتشبعيش نكد هو انتي كل يوم تنكدي علية
ميرا :انا بنكد عليك يايامن هو انا لما ابقى عاوزاك جمبي ابقى بنكد عليك لما ابقى عاوزة اعرف جوزي بيروح فين وبييجي منين ابقى بنكد عليك
يامن :وانا مبحبش كده متعودتش عالخنقه دي محبش حد يحاسبني رايح فين ولا جاي منين
انتي عايشه ملكه طلباتك اوامر عايشه عيشه محدش يحلم بيها يبقى ترضي وتسكتي
ميرا :يامن هو انت ليه اتغيرت كده يامن مش انت كان كل كلامك لية قبل الجواز انك حتخليني اسعد انسانه فى الدنيا
يامن :وانتي ناقصك ايه عشان متكونيش اسعد انسانه فى الدنيا
ميرا :ناقصني حبك لية احساسك بية وجودك جنبي يامن انا مش عاوزة فلوس ولاعربيات ولامجوهرات انا عاوزاك انت
يامن :طيب ياستي ماشي الاسبوع الجاي حاخدك ونروح على تايلاند نقضي اسبوع هناك ايه رأيك
ميرا :بجد يايامن
يامن:وجد الجد كمان مبسوطه كده
ميرا :اه مبسوطه
يامن:تمام يبقى سببيني اخرج بقى ياللا سلام
ينزل لاسفل ليجده داخلا الفيلا
اهلا انت شرفت ياعمي
مالك شكلك مش مبسوط
راغب:البت اللي اسمها ياسمين دي انا لازم اجيب مناخيرها الأرض الزباله دي
يامن :هههههههه ياللا ايدك عالشيك ابو مليون جنيه
راغب:محدش يقدر يكسب الرهان غيري ومش حتفلت من ايدي الحشرة دي والله لتخليها تندم عاليوم اللي اتولدت فيه
يامن :ياعم فكك منها ده انت سيدات المجتمع تتمناك
راغب:بس انا بقى حطتها فدماغي ومش راغب اللي نفسه تروح لحاجه وميطولهاش وحتبقى لية سواء، بالذوق او بالعافيه
وبعد كده حمسح بيها البلاط وارجع لسيدات المجتمع اللي من مقامي
يامن :ايه حتخطفها واللا ايه
وبعدين ماهي عندك وقدامك بهدلها لغاية ماتقول حقي برقبتي
راغب:سابت الشركه ومشت
يامن:هههههه مش بقولك ايدك عالمليون جنيه
راغب :امشي غور من قدامي ماشي ياياسمين انا وانتي والزمن طويل
والشغل اللي سبتيه حتبوسي رجلي عشان ارجعك ليه تاني بس بعد مااكون حققت اللي انا عاوزه وتبقى الشارع
😢سيبتي الشغل انتي اتجننتي ياياسمين
ياسمين :ماما انتي ماسمعتيش اللي قلته
صفاء :لاء سمعته يافالحه بس الجدعه هي اللي تحافظ على نفسها ولو كانت فوسط مليون راجل مش تسيبى الشغل وتمشي وكمان من غير ماتقبضي المرتب
ياسمين :هو ده كل اللي هامك المرتب لكن بنتك تروح فداهيه مش مهم يعني يبقى كويس لو اتهجم علية والا عمل فية حاجه حتفرحي ياماما حتفرحي لو بنتك ضاعت
وحقول ايه لحمزة لما يرجع حقولله اني معرفتش احافظ على نفسي وخنته
صفاء :خلاص يا ياسمين ادخلى اوضتك
تدخل غرفتها وتتصل على حسين ولكن لاتوجد اية اخبار جديده
تقوم لتتوضا وتصلي وتدعو الله ان يفرج همها
تذهب عيناها فى سبات عميق وكأنها لم تنم من قبل ليله تمر عليها وحبيب قلبها يشاركها احلامها دنيا جميله تتمنى ان تعيشها معه
تفيق على صوت خلود وهي تطلب منها أن تاتيها لتجلس الى خالتها حتى تحضر لها الدكتور
وبعد ان ذهبت ياسمين اليها وتم احضار الدكتور وانصرافه واطمئنت على صحة امها جلسا سويا وحكت ياسمين لخلود كل شئ
خلود :يابن ال......... والله لو اشوفه لكنت مسحت بيه الأرض
ياسمين :فكك منه هو شكله متعود على كده😢😢😢😢😢😢😢
يعني الهانم سابت الشغل اللي كنت متعشم فيه
صفاء :ماهي اختك معذورة بردو يااسامه الراجل كان بيعاكسها افرض عمل فيها حاجه نتفضح فى الحته
اسامه:فقريه جتها الهم
يسمعون طرقا على الباب
يذهب ليفتحه:ايوه انت مين انت كمان
😢😢😢😢😢😢😢😢
الحلقه السادسه من رواية
❤️قلوب تنزف عشقاً❤️
بقلمي :عبير سليم
🌹🌹🌹🌹🌹🌹🌹
قبل بداية الحلقه حابه اقولكم حاجه بصراحه انا بعد ماكتبت رواية تضحيه بلاثمن وحياة اسرت قلبي وشمس تتحدى الغيوم وانا كنت بفكر جدياً اني مكتبش تاني
خصوصا ان الكتابه مرهقه جدآ وبتضيع الوقت وبتتعبلي عينيه اللي هي اصلا ضعيفه وتعباني من غير حاجه
لكن لما لقيت كتير من الفانز بيدخلولي خاص ويسألوني عن الكتابه قررت ارجع تاني للكتابه بس كنت حاسه ان شغفي للكتابه قل كتير وكان كل عشمي ان الفانز حيقدروا ده ويشجعوني اني اكمل الروايه
لكن اللي شايفاه ان المتابعه للروايه ضعيف جدا وخصوصا عالواتباد لا فى مشاهده ولافى كومنتات ولا تعليقات كويسه ترفع معنوياتي وتخليني اكتب بحماس
وده يمكن السبب الاساسي اللي مخليني اتأخر عليكم فى تنزيل الحلقه وانها كمان بتكون قصيرة بالمقارنة برواياتي اللي قبل كده
عشان كده انا بجد عاوزة اعرف رأيكم بصراحه فى الروايه عشان لو مش عجباكم اوقف كتابتها بدل مانا حسه اني بكتب حاجه ملهاش لازمه ولا فايده
لأني فى الأول وفى الاخر بكتب ليكم انتوا
ودلوقتى حقول بسم الله الرحمن الرحيم ونبدأ الحلقه الجديده
😢تفتح الباب فتتفاجا به جالسا أمامها
إيه ده ممكن أفهم حضرتك بتعمل إيه هنا
وازاي اصلا تتجرأ انك تيجي لحد هنا
أسامه :ياسمين احترمي نفسك الباشمهندس فبيتنا مينفعش كده دي مش أصول
ياسمين :اصول وهو اللي زي ده يعرف فى الأصول عشان نعامله بيها
نعم حضرتك عاوز ايه وجاي هنا ليه ايه جاي تاخد راي اهلي فى العرض الحقير اللي عرضته علية
راغب وهو يتحدث بمنتهى الهدوء:وهو لما واحد ييجي لحد بيت واحده عاجباه ويقرر انه يدخل البيت من بابه ويطلبها فحلال ربنا هل ده من وجهة نظرك يبقى عرض حقير
ياسمين :يطلب ايه انت بتقول ايه انت مجنون انا مخطوبه فاهم يعني ايه
راغب :قصدك كنتي مخطوبه واللي اعرفه ان خطيبك مات مش كده واللا انا غلطان
ياسمين :غلطان وستين غلطان انا خطيبي عايش مامتش واتفضل حضرتك من هنا
أسامه :انتي اتجننتي واللا ايه مالك طايحه فى الراجل من وقت مادخلتي فى إيه انتي محدش مالي عينك والا ايه
راغب :بالراحه عليها يااسامه هي بس متفاجئه من وجودي وطلبي لكن انا متأكد ان ياسمين ذكيه وحتفكر فى مصلحتها كويس
ياسمين :استغفر الله العظيم يارب
هو انت مبتفهمش بقولك اتفضل اخرج برة طلبك مرفوض
فلا تشعر سوى بصفعه قويه على خدها من اخيها
راغب وهو يبعد يده عنها:مش بالشكل ده يااسامه قلتلك هي
مكنتش متوقعه طلبي ولازم اديها فرصه تفكر وانا متأكد انها حتعقل وتوافق
أسامه :تعقل ايه وتنيل إيه على دماغها دي مخها ضرب خلاص وقعدتها عالبحر كل يوم جننتها اكتر وانا اللي حعرف حعقلها ازاي
كانت ياسمين تنتحب بشده
صفاء وهي تأخذها فحضنها:بالراحه على اختك يااسامه الله مش كده يابني
اسامه:خديها جوة واحده غبيه مش وش نعمه تموت فالفقر
راغب باشا احنا متاسفين وانا موافق على جوازك منها وحضرتك تقدر تيجي تخطبها وتلبسها الشبكه فأي وقت انت عاوزه
راغب :خطوبه إيه بس هو انا لسه حكون مستقبلي عشان اخطب انا عاوز كتب كتاب وجواز على طول
اسامه :تمام وانا موافق
راغب:بكرة حاجي اكتب كتابها واخدها
اسامه :لا ياباشا الأصول محدش يتعداها والكلام ده مينفعش
راغب :مش فاهم
أسامه :انا اختي ست البنات ودي اول فرحتها ولازم يتعملها فرح تتحاكى بيت المنطقه كلها والا الناس تاكل وشنا وتطلع الف اشاعه واشاعه عليها
وانا اللي يجيب سيرة اختي بكلمه اولع فيه وفأهله
راغب:يعني عاوز إيه
اسامه:تدينا فرصه اسبوع نجهز نفسنا واعزم كل شباب المنطقة واهلها واعمل لاختي فرح ماتعملش لحد وتاخدها من وسط اهلها
وقبل كل ده تدفع المهر اللي قلت عليه
راغب:ماشي يااسامه يبقى يوم الخميس الجاي كتب الكتاب والفرح وساعة كتب الكتاب حكتبلك شيك بالمهر
أسامه :لا ياباشا انا مفهمش فشيكات وكمبيالات انا عاوز اشوف ورق البنكنوت ادامي عالطربيزة
راغب :ماشي المهم اتجوز ياسمين
اسامه :حتتجوزها ياباشا مع السلامه ياابونسب شرفت ونورت
ينزل معه إلى الأسفل ليجد الأطفال يجلسون عليها :ياللا ياولد انت وهو من هنا
امرأة في الشارع :عربية مين دي يااسامه
أسامه :عربية راغب باشا خطيب أختي ياسمين
المرأة :هي ياسمين اتخطبت
أسامه :ايوة وفرحها الأسبوع الجاي والشارع كله معزوم
المرأه :لووووووووولي ألف مبروك ربنا يتمم بخير
يركب راغب السياره وينطلق بها وهو يسب ذاك الاسامه الذي لايهمه سوى ان يقبض الثمن الذي يبيع به اخته ولكنه ليس أقل منه حقارة وهو يرغم فتاه على الزواج منه بالقوة
يدخل لها الغرفه فيجدها تبكي بشده:بتعيطي على ايه ياغبيه يامتخلفه
ياسمين :بقولك ايه انا مش حتجوز الراجل ده انت فاهم واللا لاء
أسامه :لا مش فاهم ياياسمين واعملي حسابك انتي حتتجوزيه ورجلك فوق رقبتك
ياسمين :انت ايه يااخي معندكش نخوة الراجل ده كان عاوز يمشي مع اختك فى الحرام يعني المفروض بدل ماتحط ايدك فايده عشان تجوزني ليه المفروض تقتله انه كان يطعن شرفك بخنجر
صفاء :افهمي ياياسمين هو قاللنا انه قالك كده عشان بس يختبرك ويتأكد من اخلاقك كويس ولما انتي قلتيله انك حتسيبي الشغل اتاكد انك كويسه وجه يتقدملك رسمي
ياسمين :يتقدم لمين ياماما حرام عليكم وحمزة انتوا ناسيين انه خطيبي ودبلته فايدي
أسامه :حمزة مين وزفت مين على دماغك ال حمزة ال
وايه اللي يجيب الجربان ده اللي كان بيكمل عشاه نوم للباشا اللي جالك
ياسمين :وانا مش حتجوز غير حمزة مهما حصل
أسامة :حمزة مات وشبع موت خلاص انتهى زمان السمك أكله خلاص
ياسمين :لاء متقولش كده محدش يقول كده على حمزة حمزة مامتش حمزة عايش ايوه عايش وحيرجعلي انا متاكده
صفاء :وافرضي مارجعش ياياسمين
ياسمين :بردو حستناه حفضل مستنياه العمر كله لكن مش ممكن أكون لحد غيره انا اصلا مينفعش اكون لحد غير حمزة افهموني ياناس
اسامه وهو يشدها من شعرها بقسوة ويرميها فى الارض ويضربها بقدمه في كل انحاء جسمها:انتي بتقولي ايه بتقولي ايه يعني إيه مينفعش تكوني لحد غيره انتي ايه اللي حصل بينك وبينه ده انا حدفنك بالحيا حطيتي راسنا فى الطين ياياسمين ده انا حقتلك واشرب من دمك
سلمتيله نفسك عملتي إيه من ورانا كنتي بتغفلينا ياياسمين
ياسمين وهي تصرخ من شدة الضرب:والله ماعملت حاجه انا مفيش حد لمسني انا حمزة عمره مالمسني
صفاء وهي تحاول ابعاده عنها :اختك محترمه يااسامه اختك متربيه ومتعملش كده
أسامه :ليه متعملش كده ليه وهي كانت سارحه معاه ليل نهار
انا حخلص عليكي ياياسمين وديني لاقتلك
صفاء :وتقتلها ليه بس ماالراجل حيتجوزها اهوه
أسامه :اعملوا حسابكم كتب الكتاب والدخله يوم الخميس الجاي والبت دي متخرجش من البيت لحد مااغورها من هنا واعملي حسابك لو فتحتي بؤك بكلمه حجيب السكينه واغرزها فقلبك واغسل عارك بأيدي
صفاء :يعني عاوز تقتل اختك وتضيع نفسك يابني ده انا كنت اموت فيها لاء ياسمين عاقله مش حتعمل حاجه تضيع بيها نفسها وتضيعك
صح ياياسمين مش كده يابنتي
كانت ياسمين ترتجف من شدة البكاء ولا ترد بكلمه
أسامه :قلتي إيه سمعيني صوتك موافقه والا عندك اعتراض
ياسمين وهي تبكي بشده :والنبي يااسامه حرام عليك ده انا اختك اهون عليك تعمل فية كده اهون عليك ترميني لواحد معرفش ياخد مني اللي هو عاوزه فالحرام فجه يضحك عليكم بقرشين عشان ياخداللي عاوزه مني وبعد كده يرميني
اهون عليك تعمل فية كده هو انا للدرجه دي رخيصه اوي كده فنظركم للدرجه دي بايعني حرام عليكم تعملوا فية كده
ماما انتي طول عمرك قاسيه علية وعمري ماحسيت بحنانك مشفتش منك حنيه مشوفتش غير قسوة فى المعامله كأني مش بنتك ودلوقتى خلاص حتبيعيني للي حيدفعلكم التمن
حرام عليكي ياماما اقفي جمبي متسيبينيش لأسامة يعمل فية كده
صفاء:لا والله ياياسمين انا صحيح جامده عليكي بس مش عشان مبحبكيش ده انتي بنتي ياياسمين ضنايا انا بس مكنتش بتعجبني تصرفاتك ولاتفكيرك طول عمري شايفاكي بايعه الدنيا بتفكري فى اللي حواليكي ومبتفتكريش نفسك
ويوم ماحبيتي رحتي حبيتي واحد كحيان مش لاقي ياكل انا كان نفسي تكوني واعيه وعارفه مصلحتك تتجوزي جوازة حلوة ترفعك لفوق تعيشي الدنيا اللي طول عمرك محرومه منها مش تحكمي على نفسك تعيشي فالفقر والقرف طول العمر
عاجبك العيشه اللي احنا عايشينها دي انا طول عمري عايشه فى الفقر ودقت مرارة انك يبقى نفسك في الحاجه ومتقدريش تجيبيها عشان متحتكميش على حاجه
عيشي ياياسمين عيشي الحياة الحلوة دوقي طعم اللقمه الحلوة نامي على فرشه حلوة البسي اللبس اللي عمرك ماشفتيه غير على الممثلات فى التليفزيون
عاوزة تحرمي نفسك من كل ده ليه وعشان مين عشان واحد الله اعلم اذا كان حيرجع والا لاء
ياسمين :الواحد اللي بتتكلمي عنه ده حب عمري كله ياماما الحب اللي عينيه فتحت عليه
صفاء :الحب بيروح مع الفقر حيفضل يطلع من شغلانه على شغلانه حيرجعلك حيله مهدود من بهدلته فى الشغل ولا حيبقى في حب ولا اي حاجه وساعتها حتكرهيه وتكرهي نفسك وعيشتك كلها
ياسمين :لا ياماما انا لاعاوزة عيشه مرتاحه ولا عاوزة انام على حرير انا مش عاوزة غير حمزة وبس
أسامة :دي بني آدمه غبيه انتي بتتكلمي مع مين بت انتي انا اديت كلمه للراجل ومش حرجع فيها سامعه والا لاء جتك الهم بت فقر
يتركهم ويخرج
صفاء :ياسمين اسكتي خالص مش عاوزة اسمعلك صوت انتي عارفه اخوكي مش عاوزين فضايح
ياسمين :طب اعمل ايه انا دلوقتى يعني انتوا خلاص حكمتوا علية بالإعدام
صفاء :اعدام ايه بس ده انتي حتدخلي دنيا يابنتي
ياسمين :انتي بتكدبي وتصدقي نفسك ياماما دنيا ايه اللي حدخلها انتي مصدقه انه عاوز يتجوزني عشان اعيش معاه على طول انا وجودي معاه حيبقى فترة مؤقته ياماما حياخد مني اللي هو عاوزه ويرميني ياماما
صفاء :انتي وشطارتك بقى حببيه فيكي واعمليله كل اللي هو عاوزه ولو شاطرة اتجدعني وجيبيله عيل ساعتها مش حيقدر يستغنى عنك ابدا
بقولك ايه اعقلي كده وفوقي لنفسك واعرفي مصلحتك ياللا قومي غيري هدومك دي وكليلك لقمه واللي عاوزه ربنا هو اللي حيكون
😰😰😰😰😰😰😰
انتي بتعيطي ليه ياام حمزة بس هي البنت مش من حقها تتجوز وتفرح
واللا حنحكم عليها بالإعدام
فاطمه:وحمزة خلاص مش ده اللي كانت روحها فيه هو ايه اللي ضيعه مننا مش عشان خاطرها هيا ماالواد كان فحضننا ياحبيبي يابني
ياخسارة شبابك اللي راح هدر ياضنايا وفى الاخر اهيه اللي انت ضيعت نفسك عشانها نسيتك وبسرعه اوي هي ايه ماصدقت اتخطبت وحتتجوز وتفرح وانت رحت خلاص ياضنايا يابني
منى:بس ياماما بقى الله يخليكي كفاياكي عياط ياماما حتروحى مننا
فاطمه :مااروح وانا اقعد ليه وعشان مين بعد ماالغالي راح
محمد :خلاص بقى يافاطمه كفاكي الله جاب الله خد الله عليه العوض
انت الحنين يارب العوض من عندك انت يارب
منى: انتي متأكده ياماما من الكلام ده
فاطمه :بقولك اسامه بعضمة لسانه هو اللي قال لام السيد انه خطيبها لاء وايه بتقولك شكله بيه
عينك عليك ياحمزة رحت بلاش ياحبيبي
تعالى شوف حبيبتك اللي سيبت الدنيا كلها عشانها وهيا بتتجوز غيرك
فجأة يسمعون طرقا عنيفا على الباب
تقوم منى سريعا لترى من الطارق تفتحه لتجدها تدخل سريعا
فيتفاجا الجميع بوجودها
فاطمه:اهلا بالعروسه مبروك يا حبيبتي طب مش تعزمينا ده احنا بنعرف نعمل الواجب بردو واللا خلاص حمزة نسيتيه ونسيتي أهله كمان
ياسمين :لا لا والله ياطنط انا عمري مانسيت حمزة ولا قلبي يقدر ينساه ابدا
فاطمه :اه متقدريش تنسيه لكن تقدري تتخطبي وتتجوزي غيره مش كده
محمد :بس بقى يافاطمه الله يخليكي حرام عليكي البنت متعمليش فيها كده تعالي يابنتي
ياسمين وهي تبكي :والله العظيم ياعمي انا اتفاجئت بالراجل ده وانا موافقتش والله ماوافقت
انا هربت من البيت وحتى خفت اروح عند خالتي لأن ده أول مكان حيدوروا علية فيه
اول مكان فكرت فيه هنا عندكم قلت مليش مكان غير وسط اهل حمزة
حتقفوا جمبي وتخلوني فوسطكم واللا اروح للبحر انا كمان مانا خلاص مبقليش غيره ارمي فيه نفسي واروح انا كمان بس انا عايشه على أمل ان حمزة حيرجعلي خايفه عليه يحصلله حاجه لو رجع وملقانيش
محمد :لو الأرض ماشالتكيش نشيلك فوق راسنا يابنتي ده انتي تنورينا ياحبيبتى انتي عارفه غلاوتك عندي
بس يابنتي انتي ليه مش موافقه عليه اتجوزي يابنتي وافرحي والحي ابقى من الميت
ياسمين :لاء ميت لاء حمزة عايش وحيرجع وانا حستناه ولو مكنتش لحمزة مش حكون لحد غيره
فاطمه :ياحبيبتى ياياسمين وانا اللي قلت انك نسيتيه خلاص وبتدوري على مصلحتك ياحبيبتى يابنتي
ياسمين :انسى مين انسى حمزة ده روحي حد ينسى روحه قعدوني
فوسطكم وانا والله مش حتقل عليكم ومش حضايقكم
فاطمه :تضايقينا ده انتي حبيبة الغالي ربنا يرجعك بالسلامه ياضنايا ويطمن قلوبنا عليك يارب
محمد:لاحول ولا قوة الا بالله العلي العظيم
خليكي يابنتي معانا وربك ان شاء الله حيحلها
قومي ادخلى غيري هدومك خديها يامنى تستريح تبات نار تصبح رماد وليها رب يدبرها
ياترى ايه اللي حيحصل وياسمين حتتجوز راغب واللا لاء
ده اللي حنعرفه لو كان في نصيب وكملت ان شاء الله
😰😰😰😰😰😰😰😰😰
تكملة الرواية من هنااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق