رواية منتهى العشق الفصل الخاتمه بقلم نرمين
رواية منتهى العشق الفصل الخاتمه بقلم نرمين
الخــــاتمـــه
كانت العائلتين مجتمعين وبالطبع سلوى وزوجها احمد فى فيلا السعدي ويجلسون جميعم بحديقه المنزل والاطفال امامهم يلعبون ولكن لارا وحازم كانوا الغائبين عن الجلسه ...بعد قليل جاءت لارا والقت عليهم السلام وهى متجهمه الوجه ووراءها حازم يكتم ضحكته بصعوبه
فريده بتساؤل:مالك يا حببتى فيه ايه
نظرت لارا لحازم نظرة ناريه وهى تقول:اسأليه هو
حازم بضحك:والله ما عملت حاجه يا ماما كل الموضوع ان الدكتورة قالتلها انتى حامل ف توأم
مروة وهى تخبط على صدرها:ياللهوى ما تتهدى بقي انتى ايه عامله زى السمك بتجيبي العيال وخلاص
سلوى وهى تدعم مروة:ايوه صح ايه دول التوأم الرابع كفايه كده ده ادهم وادم لسه مكملوش خمس سنين حتى
احمد بهمس:نعم يا اختى وانتى فاكرة انه اللى ف بطنك ده ايلين وبس
سلوى:لا طبعا هجيب اتنين تانى ولا حاجه
احمد:اه عند ام لطفى اللى بتنور وتطفى
سلوى بدهشه:ايه اللى انت بتقوله ده فيه دكتور محترم يقول كده
احمد:اه انا هو ايه ده اللى اتنين ولا حاجه
يوسف:قولهم والنبي طب حازم ولارا كفايه كده انما مالك ولوجين بقي وكمان مش راضيه عن اللى هى حامل فيه
مروة بغضب:اسكت خالص انت السبب اساسا لازم بنت يا مروة لازم بنت يا مروة ارنبه انا بقي
لورين:توشكري يا بنت خالتى ما انا وانتى ف الهوا سوي اهو حامل ف اتنين انا كمان
مازن وهو يحتضن لورين:طب بتحسي بيها ف البيت
لورين بسخريه:لا خالص رنيم ديه مرهم حروق
رشوان بضحك:وهى هتجيبه من بره يعنى ما ابوها كان كده
هناء وهى تمسك بيد زوجها:عندك حق مازن ده مكانش بيقعد كان يعمل المصيبه واللى يشيلها عنه حازم
لارا بصوت باكي:طب انا كنت هاديه وحازم ماما بتقول كان هادى ادم وادهم يطلعوا عفاريت ليه
هناء بضحك:وهو لازم ابوها او امها يعنى عندك سلوى ونايا كانوا مطلعين عيني
مراد بدهشه:وكنتى مبهدله رودى و ديالا وانتى اللى كنتى عفريته ...بس اسر لاء عفرته على هواكى
نايا:ده ولد واكيد هيبقي شقي لكن هما بنات المفروض ان هما حلوين وهاديين كده
مراد بعبث:ان شاء الله اللى جاى بنت
نايا بصياح:والله ابدا هو واد زى ما الدكتورة قالت
مراد برخامه:ما هى قالت للارا ولد وبنت وطلعوا ولدين الله اعلم بقي
نايا:عمو محمد خليه يسكت وميقوليش كده ...عمو
محمد وهو يفيق من صدمته:عمو ايه يا بنتى انتى يا لارا مش هتبطلى انتى بتجيبي بالجوز يا بنتى حرام عليكي نفسك
لارا بصوت باكي:خلاص بقي يا بابا غلطه
محمد:يا بنتى انا من ساعه ادم وادهم وانا بسمع غلطه ديه كفايه كده
حازم بمشاكسه:لا يا عمى ان شاء الله هنقفلهم دسته
الجميع:هههههههههههههههههههههههه
يوسف:انت يا زفت يا للى اسمك حمزة ابعد عن البت
ليث بضحك:انا اللى وزيته عليها
غرام بضحك:ملكش حل هتجنن يوسف والله
ليث :لا بصي هيعمل ايه دلوقتى بيسمع الكلام حمزة اوى ف اي حاجه تخص لوجين
يوسف بصراخ:انت بتبوس بنتى يلا انت ايه مالك بيها انت ابعد عنها....ابعد ابنك يا ليث
حمزة بغضب طفولى وهو بجذب لوجين من يدها وهى تذهب معه:ابعد عنها انت بابا قالى ان لوجى بتاعتى
يوسف بدهشه:وانتى بتروحى معاه يا اختى انتى كمان ...
حازم مقاطعا:سليم ابعد ابنك عن رؤي
ليث بضحك:مش لما تبعد انت ايان عن نغم
حازم :هو حر براحته وانت مالك انت
مراد :حازم عيالك مش ساكتين ايهم واخد ديالا ومش ساكت وهى اكبر منه اساسا
حازم بفخر بأولاده:اللى هما عاوزينه يعملوه
هكذا انقضت حياتهم بعد اقتناع كل منهم بمفاهيم جديده بالحياه وعلمهم بأننا ما دمنا نتنفس على هذه الارض اننا سوف نتعلم كل يوم تجارب حياتيه
حازم:
مقدرتش اقف قدام سعاده امى وانا شايفها بتدبل قدامى من بعد رشوان عنها كفاياهم بعد بقي رغم رفضي ف الاول بس لارا حطتى ف مقارنه معاهم وايه كان هيبقي رد فعلى لو كانت انفصلت عنى واتجوزت قولتلها"هموتك وهموته واموت نفسي"وبعدها مردتش عليا ما هو ده اللى هى كانت عاوزاه اصلا انى ارد على نفسي...وبالنسبه لتجربتى مع لارا عرفت ان مفيش حاجه بتيجي غصب لازم المهاوده والمسايسه
لارا:
حازم كان عاوز اللى تفهمه ان الحياه الزوجيه غير انك تشيل مسؤليه اخواتك واهلك لازم مع مراتك تشاركها ومتأمرهاش هى مش صغيره ديه فتحت بيت ...عرفت كمان ان القسمه والنصيب بإيد ربنا مش بإيد حد انا كنت خلاص هتجوز ايمن بس كل حاجه خلصت عشان ربنا مأردش ....واتأكدت كمان ان حازم بيحبنى
لورين:
مقدرتش اشوف رشوان وهو بيقعد لوحده لما انا ومازن نخرج ...مستنتش لما عرفت ان حكايه هنا وتوفيق ورشاد كانت حكايته هو ومحمود اخوه وماما هناء غلطوا وظلموا محمود بس ربنا عاقبهم ببعدهم عن بعض وخوفهم من حازم بس ربنا دايما بيسبب الاسباب وانا كنت سبب ف جمع شملهم بعد اكتر من تلاتين سنه....وبطلت جنان لما ربنا رزقتى برنيم هى شيطانه واحيانا بنتجنن مع بعض بس هديت
مازن:
لما وعيت على الدنيا كنت بشوف ماما هناء هى اللى بتهتم بيا بسبب مرض والدتى وانا اللى قولتلها ماما من نفسي ومصدقتش لما عرفت ان هناء ورشوان كانوا بيحبوا بعض اصل ازاى هتعامل ابن اللى اخدت حبيبها بالحب ده وزى ابنها وهى بتحبه ديه كان المفروض تموته مش ترعاه ووقفت معاهم لما قالو هيتجوزوا رغم خوفى من حازم بس جازفت كفايه بعد....بطلت دبش وزلات لسان وبقيت بحافظ على كلامى اصلى عارف عقابي ايه وانا مقدرش عليه
ليث وغرام:
قدرت اعلمها ازاى تشاركنى ف كل حاجه بمشاركتى ليها مش بطلب منها اللى انا مبعملوش كده ابقي مجنون وكمان ساعدتها ف تربيه نغم زى ما وعدتها اصلها كانت غلطتى انا
عرفت الفرق بين المشاركه والتحكم وبطلت تصرفات اطفال وكمان بفكر ف ولد تانى اصل ليث مبيحبش الارقام الفرديه
نايا ومراد:
اقتنعت ان الناس مش زى بعضها زى صوابعك بالظبط مراد مش رامز هما الاتنين عكس بعض مراد بيحبنى بجد وعمره ما هيستغلنى عرفت ان غلط نوقف حياتنا على حاجه متستاهلش كمل حياتك وعيش ربنا خلقنا عشان نعيش مش نتمنى الموت
قدرت اقنعها انى مش زيه وانى مبحبش المقارنه رغم انى تعبت وكنت تقريبا لازم اقولها انى بحبها ومش هسبها يوميا ولو مقولتهاش بتبقي خناقه بس بصيت للجانب الايجابي هى انى اقنعتها
يوسف ومروة
علمتنى ازاى اشاركها حتى لو ف موقف حصلى ف الشارع ودايقنى مش ابعد عنها اصل عقابها صعب وهى انها تعاملنى بنفس معاملتى مكنتش بقدر لما احس بس ان فيها حاجه وهى متقوليش مكنتش بسكت لغايه ما اعرف
كنت دايما بقوله ان احساسي لما تخبي عنى حاجه بيبقي وحش وصعب وتبقي قاعد مش على بعضك كده ومكانش بيصدق لغايه ما عملتها فيه خصوصا لما خبيت عليه انى حامل ف بنت
احمد وسلوى:
فى الحب السن مش مهم ملهوش قيمه اساسا انا اكبر من سلوى بعشر سنين بس معاها رجعت مراهق مش ف العشرينات بس قدرت تقنعنى انى مش كبير وان احلى حاجه فيا شيب شعرى ....وان دول هما اللى مصغرنى اساسا!!
لما رفضته عشان موقف هايف وبعدها اتجوزته ولقيته بيعشق التراب اللى بمشي عليه شتمت نفسي وهو ده يترفض برده ...بس لما جبت ايلين لعنت الجواز قولت مالها الخطوبه ...بس اللى هيجننى انه بيقول بياض الشعر بيكبر ومسكتش فضلت وراه لحد ما اقنعته انه بيضغر كل ما بيكتروا ف شعره بحبهم فيه اعمل ايه طيب
هناء ورشوان:
ربنا كتبلنا انه يجمعنا مع بعض ف الدنيا وان شاء الله ف الاخره وبدعى ربنا انه يسامحنى على كل حاجه محمود كان بيعملها عشان يفرحنى وانا كنت بتمناها مش غيره
صدقت لورين مرات ابنى لما قالتلى ان كل واحد فينا موت نفسه بالبطئ لما هى عندت معايا ووافقت على اخويا وانا لما مشيت وراء كلام الناس اللى بيقول خد اللى يحبك ومتاخدش اللى بتحبه لما اتجوت ام مازن وبدعى ربنا كمان يسامحنى .....بنصح كل واحد او واحده انه ميتجوزش طالما ربنا مكتبلوش نصيب ف اللى بيحبه لانك هتبقي أله لتنفيذ رغبات دايما بتشحتى مشاعر ومش هتاخيها الحب مش بأدينا
محمد وفريده:
اتعلمنا كل حاجه من تجربتنا انا عشان عنيده رفضت انى ارجع لسالم اللى كنت بحبه اصله ضحك عليا وقالى هخطبك ومخطبنيش كلم بابا بس كان عاوز يفضل داخل خارج كده من غير خطوبه وانا مبحبش الكلام ده وعشان كده كنت ببص لمحمد على انه حاجه تانيه انه حبيبي مثلا لحد ما عشقته وعديت المرحله ديه كمان
حبيتها .....
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق