رواية منتهى العشق الفصل الحادى والثلاثون والثانى والثلاثون بقلم نرمين
رواية منتهى العشق الفصل الحادى والثلاثون والثانى والثلاثون بقلم نرمين
الفصل الحادى والثاني والثلاثون
بعد رجوعهم الى بيتهم بعد حفله عقد القران دلفت الى غرفتها وبدأت فى نزع ملابسها لتبدلها بأخرى بيتيه مريحه دلف هو وراءها وابدل ملابسه كما انها عندما شاهدته حتى اخذت ملابسها من الخزانه ودلفت الى المرحاض بعد بضع دقائق كان يجلس على الفراش ينتظر خروجها من المرحاض خرجت من المرحاض وهى ترتدى قميص نوم احمر ومثير كان قصير يصل الى اول الفخذ كان ينظر اليها برغبه من هيأتها وكانت هى تري نظراته لها لكنها تظاهرت بعدم رؤيتها وتوجهت نحو الفراش ونامت واعطته ظهرها وقامت باغلاق النور الموجود بجانبها ...شعرت بيده تتجول على خصرها بحريه لم تبالى به وتركته ولكنه عندما شرع فى نزع ملابسها عنها حتى قالت له
لورين بهدوء:مازن انا تعبانه
مازن برغبه:تعالى وانا هريحك من تعبك ده
لورين وهى تبتعد عنه:تعبانه يا مازن بقولك... وبسخريه لم ينتبه لها:لما نصحي بقي نبقي نشوف موضوع تريحني ولا متريحنيش ده
بعد جملتها تلك ابتعد مازن عنها وقد فهم ما ترمي اليه مما قالته وعلم عندها ان اثارته وابتعادها عنه من تخطيطها
مازن:اه قولتيلي ده بقي عقابي على رفضي انك تروحى لمروة صح
لورين وهى تدثر نفسها بالغطاء:والله افهمها زى ما تفهمها
وتركته وتظاهرت بالنوم ولم يطيق هو التواجد معها بالغرفه فخرج صافقا الباب خلفه بعنف
****************************************
بعد مرور بضعه ايام كان موعد ظهر نتيجه تحاليل يوسف وكالعاده كان لا يبالى بها فهو قد تزوج مروة واصبحت حلاله وهذا يكفيه ذهب اليه حازم فى مكتبه فقد رفض يوسف ان يعامل معامله المريض ولم يرد حازم الضغط عليه
حازم بأمر:يلا يا يوسف عشان نتيجه التحاليل هتظهر النهارده
يوسف بمرح:فكك يا زوما
حازم بنظرة ناريه:قولت يلا يا يوسف مش وقت الضحك بتاعك ده
يوسف بجديه:طيب يلا
خرجا من الشركه وذهبا الى معمل التحاليل حتى يأخذوها اولا وبعدها يذهبوا الى الطبيب بعد ان اخذوها ذهبوا الى الطبيب وجلسوا منتظرين دورهم فى الدخول بعد وقت ليس بقصير دلفوا الى الطبيب الذي حياهم منذ ان دخلوا مد حازم يده بالتحاليل للطبيب ظل فترة يقرأهم وبعدها تركهم ونظر اليهم
حازم بقلق:ايه فيه حاجه خطيرة التحاليل فيها ايه
ممدوح بابتسامه:متقلقش يا استاذ حازم الموضوع سهل جدا الورم خامل حميد يعنى الموضوع كله جراحه عشان نشيل الورم ده وف الوقت اللى تحددوه كمان بس اهم حاجه يمشي ع العلاج
حازم بعدم تصديق:انت بتتكلم بجد
ممدوح بضحك:اه والله بتكلم جد ..ها ناويين على امتى ان شاء الله
هم حازم بالكلام وبالطبع كان سيقول للطبيب بأسرع وقت ولكن يوسف سبقه
يوسف:بعد تلت اسابيع من دلوقتى ان شاء الله
ممدوح:تمام اللى هيساعدنا ع المده ديه كلها انه ورم حميد بس اهم حاجه العلاج
يوسف بتفهم:اكيد طبعا متقلقش حضرتك
بعد خروجهم من عند الطبيب التفت حازم ليوسف وهو يقول بحده
حازم بحده:ايه اللى انت قولته ده ليه تلت اسابيع يعنى
يوسف:عشان اكون اتجوزت مروة وقعدتلى معاها شويه وبعدها اروح بقي للعمليه والجراحه واعملكوا اللى انتوا عاوزينو
ربت حازم على كتفه حتى يوصل له انه يفهم شعوره فهو مكانه كان سيرفض اجراء اى جراحه الى حين ان يملى عينيه من رؤيه احبابه
********************************
يوم الزفاف كانت الاستعدادات على قدم وساق عند فريده فقد كانت تشرف على تجهيزات الطابق الخاص بمراد فقد وافقت نايا على مكوثهم مع اهله دون الضغط عليها فقد شعرت انها والدتها الثانيه كما ان شعرت لارا ولورين ومروة اخوتها التى لم تنجبهم امها
محمد:اقعدى بقي يا فرى انتى مقعدتيش بقالك اسبوع
فريده بابتسامه حانيه:لو متعبتش عشان مراد اتعب عشان مين يعنى ده ابني الوحيد
محمد بابتسامه:ربنا يخليكي ليهم يا حببتى...امال مراد فين
"انا اهو يا بوب"قالها مراد الذى كان يهبط من السلالم بمرح وفرحه فاليوم سيجتمع بمحبوبته الى الابد
فريده:صباح الخير يا حبيبي
مراد وهو يضمها:صباح النور يا قلبي
فريده:انت هتجهز هنا يا حبيبي ولا هتروح ليوسف وتجهزو مع بعض
مراد بغمزة:يوسف مين هجهز هنا طبعا يا قمر انت وبعدين نروحله هناك كلنا مع بعض
فريده بفرح:ماشي يا حبيبي ...يلا بقي عشان تفطروا
محمد\مراد:يلا يا فرى
********************************
عند نايا دلفت اليها والدتها حتى توقظها فوجدتها مستيقظه بالفعل وتجلس بالشرفه ومعها سلوى
هناء:الحمد لله انك لما بتتوترى مبتعرفيش تنامى كان زمانى متعذبه دلوقتى وانا بحاول اصحيكي
نايا:صباح الخير يا ماما
هناء بابتسامه:صباح النور يا قلب ماما....البت الكوافيرة تحت هى ولاميس اطلعهم
نايا:طلعيهم يا حببتى...سوسو روحى اندهى لارا
سلوى وهى تشير لعينيها:من عنيا يا نونه
بعد قليل دق الباب معلنا عن قدوم لاميس والكوافيرة سمحت لهم نايا بالدخول وجلست معهم وبعد قليل من التحدث مع بعضهم بدأت الكوافيره بوضع المسكات على وجه نايا
*******************************
لارا بضجر:يا سلوى يا مزعجه بطلى خبط بالطريقه ديه
سلوى بمشاكسه:مش هبطل يا لولو ...يلا خشي غيري هدومك ديه
دلفت لارا الى غرفتها وابدلت ملابسها فقد دلفت بالامس لغرفتها حتى تنام بها وتترك لنايا الحريه لتتحدث الى مراد دون ان تقيدها بعد اغلاقها الباب خلف سلوى التفت حتى تذهب لتبديل ملابسها لكنها وجدت حازم قد استيقظ لم تعيره انتباها كما تجاهلها هو ايضا ولم يلقي عليها تحيه الصباح حتى دبت الارض بقدمها بطفوليه من فعلته وذهبت حتى تبدل ملابسها ابدلت ملابسها وذهبت الى نايا مكثت معها بضع ساعات وبعدها قامت بالذهاب لمروة ابنه خالتها ببيتها لرفضها المجئ الى بيت يوسف واصرارها على تجهيز نفسها ببيت والدها وتحت عيون والدتها
لارا بفرح:مبروك يا رورو هتودعى العزوبيه خلاص
مروة وهى تحتضنها:اه هودعها خلاص واروح ليوسف
غرام :يا عيني يا عيني اشعري فيه يا بت
مروة بمشاكسه:بس ببطنك ديه وانتى شبه الكورة الكفر كده
غرام بغيظ:بقي انا كورة كفر بكرة نشوفك يا اختى لما تبقي مدورة زيي كده بس انا طويله انتى بقي هتبقي كورة بجد
لارا:بس انتوا الاتنين ....لورين فين يا رورو
مروة:لورين مشيت راحت لنايا عشان طلبتها لما انتى اتصلتى وقولتى جايه بتناوب يعنى
لارا:طب كويس شغل المناوبات ده
مروة:يلا بقي اتكلمنا كتير يلا عشان اكمل واجهز نفسي
لارا\غرام:يلا
*******************************
عند نايا دلفت اليهم لورين
لورين:ازيك يا نونه
نايا بعبوس:ازيك يا نونه لسه فاكرة يا هانم
لورين بغيظ:بت انتى انا لا طيقاكى ولا طايقه الزفته التانيه عشان الشحططه اللى انا واختى فيها بسببكوا
نايا بتصحيح:انتى واخواتك
لورين بذهول:اخواتى مين هى غرام هتيجي
نايا :فعلا هتيجي بعتلها السواق كمان عشان يجبها
لورين:انتى ملكيش حل مشحططانا كلنا ليه عملنالك ايه احنا ايه
نايا بلامبالاه:وانتوا تقدروا تعملولى اصلا وبعدين انتى عمرك شوفتى واحده بتجهز يوم فرحها من غير اخوتها
لورين بضحكه:هبطيني والله اقول ايه انا طيب بعد الكلام الجميل ده
نايا :ولا تقولى حاجه خشي بس ساعدى اختك ف اي حاجه كده
*************************************************
فى غرفه تجهيز يوسف كان يجلس معه حازم ومازن وجاء اليهم منذ قليل مراد بعد ان تجهز ببيت والده
مراد بمرح:ازيكوا يا شباب
الجميع:الحمد لله
مراد ليوسف:احنا عاوزين حد يقولنا قصيده رثاء ع الخطوة اللى هناخدها ديه والغلطه اللى هنرتكبها ف حقنا وحق البشريه
يوسف بضحك:اه والله انت واخد الشعنونه بتاعتنا ربك بقى بيدى كاش دبستوا الواد مازن ف الشعنونه بتاعتكوا وربك دبسك ف نايا بس انا عملت ايه ف حياتى مش عارف
حازم بمرح:لاء عملت من ناحيه العمايل عملت كنت بطلع عيني اهو ربنا هيطلع عينك بحاجه انت عاوزها بيدى كاش فعلا زى ما قولت
مازن:والله انا ما عارف ايه اللى صابهم ما كانوا عاقلين نايا انا عارفها وعارف جنانها ايه اللى وقعك فيها بس
مراد بضحك:والله اللى و قعني الحته الشمال وتقريبا هى اللى وقعت كل اللى ف الاوضه هنا بما فيهم ليث اللى واقف برة رافض يخش ويشوفكوا وانتوا رايحين لحبل المشنقه برجليكوا
حازم بشرود:هى فعلا الحته الشمال اللى بتجبنا ورا وبتجبنا على ملا وشنا!!
انقضي الوقت الذي جلسوا فيه مع بعضهم فى مرح خاصه بعد ان خرج مازن حتى يدخل ليث الى الغرفه بعنوة مرحه ظلوا هكذا حتى اخبرتهم هناء ان العرائس قد تجهزوا ومنتظرين قدومهم
****************************************
ذهب يوسف حتى يأخذ مروة من بيت والدتها صعد السلالم وقام بالدق على الباب ففتحت له والدتها
منيرة وهى تحتضنه:مبروك يا جو
يوسف بابتسامه:الله يبارك فيكي يا حببتى
منيرة وهى تبتعد عنه:البت مروة جوة اندهلها ولا تدخلها انت
يوسف بفرح:لا ادخلها انا طبعا بس هى عندها حد
منيرة بنفي:لا معندهاش اللى موجوده لارا وصاحبتها بس وهما قاعدين جوة وهى ف الاوضه لوحده
يوسف وهو يذهب باتجاه غرفتها:طيب انا داخلها بقي
منيره بضحك:ادخل يا جو
سمعت صوت فتح الباب وهى تقف امام المرأه لتشاهد هيأتها ربما للمرة المليون
مروة:ادخلى يا لولو
يوسف بخبث:لا انا مش لولو
مروة بشهقه:ايه ده انت ايه اللى جابك وبتعمل ايه هنا
يوسف باستنكار:ايه ايه اللى جبنى ديه مش انا اللى هاجى اجيبك ولا انتى هتتجوزى غيري
مروة :احم اه انت اللى هتتجوزنى طب يلا بقي
لم يكن يوسف معها اطلاقا فكانت تبدو ملائكيه بهيأتها بفستانها الابيض المحتشم وما زادها جمالا حجابها فهى اجمل بكثير بالحجاب كانت تضع مساحيق تجميل خفيفه ليست صارخه
مروة:يوسف انت معايا
يوسف بشرود:لا مش معاكى ايه يا بت الجمال ده
مروة بضحك وهى تضربه على كتفه وتهتف بغرور مصطنع:طول عمرى يا بابا بس انت اللى مش عارف بس انك واخد واحده مزة
يوسف وهو يجذبها من يدها:لا عرفت خلاص
هم بتقبيلها كما نست هى نفسها معه ولكن قاطعهم صوت طرق على الباب ووالدتها وهى تهتف
منيرة:يلا يا ولاد هنتأخر كلهم جهزوا
مروة بتوتر:حـ..حاضر يا ماما..بس يا يوسف ابعد
يوسف:خلاص هبعد اهو ينفع كده امك فصلتنى
مروة باستنكار:ايه امك ديه امها مامتك
يوسف:اسمها منيره حلو كده
مروة برضا:اه حلو
يوسف وهو يمسك بيدها:طب يلا
***************************************
عند مراد ونايا عندما شاهدها حتى غاب عنهم جميعا رغم انه هو من جلب الفستان لها لكنه لم يتخيل ان تكون جميله فيه الى هذا الحد عندما اقتربت منه نايا هزته برفق حتى بنتبه لوجودها
مراد وهو يفيق من شروده :ايه قولتى ايه
نايا بضحك:قولت ايه ده انا قولت حاجات يا ريس وانت مش هنا
مراد بعبوس:لا مش هتروحي الفرح كده
نايا بصدمه:نعم
مراد باصرار:مش هتروحى كده بقولك
نايا بمهاوده:هو مش انت اللى جايبه يا مراد بعدين ايه اللى مش عاجبك فيه ما هو حلو اهو
مراد:ما هو مش عاجبني عشان حلو
نايا بعد استيعاب:نعم!!
مراد:اه انا مكنتش اعرف انه هيطلع حلو كده لو كنت اعرف كنت جبتلك حاجه وحشه!!
نايا:يلا يا مراد الله يهديك هنتأخر
مراد باضطرار:يلا ما انا اللى جبته لنفسي اصلا وجبتهولك
وقام بامساك يدها وسار بها نحو باب الفيلا وهى بجانبه تحاول منع نفسها من الضحك
الفصل الثانى والثلاثون
طوال ساعات الفرح لم يجلس يوسف او مروة كانوا يرقصون بأخر ذاتهم اما مراد ونايا كانوا يرقصون ايضا ولكن ليس مثل يوسف ومروة وبالرغم من ذلك كان مراد يجد صعوبه فى السيطرة عليها حتى تجلس بعد قليل جاء موعد رقصه العروسين وغيرهم من الجالسين ذهبت لورين نحو مازن وهى تمسك بيده
مازن ببرود:افندم
لورين:مش عاوزه منك حاجه عاوزة ارقص بس
مازن بتهكم:والله هو كده مش عاوزة
لورين وهى تجذبه من يده:اه كده مش عاوزة ويلا عشان نرقص
قام مازن من مجلسه وذهب معها حتى يرقصوا عندما شاهدتهم لارا كانت تجلس بجانب غرام وشاهدت نظرة لارا لمازن ولورين
غرام بابتسامه:روحى وقوليله يرقص معاكي مش عيب
لارا بانتباه:ها كنتي بتقولى ايه
غرام:بقولك روحي قوليله تعالى ارقص معايا مش عيب
لارا:تفتكرى هيحرجنى
غرام بضحك:انا قولتلك روحى قوليه تعالى ارقص معايا مش تستأذنيه
لارا بمرح:والله عندك حق انا اروح اشده كده وارقص معاه
وذهبت تشيعها ضحكات غرام عليها ذهبت اليه وهزته برفق تطلع اليها وجذبها من يدها واعتذر لمن يقف معهم
حازم:نعم فيه حاجه
لارا :اه فيه كنت عاوزاك ترقص معايا
حازم بدهشه اجاد مدارتها:ترقصى معايا ليه ان شاء الله فيه مين موجود عاوزة تخدعيه وتفهميه اننا مبسوطين مع بعض
لارا وهى تهم بالذهاب:مش عاوزه افهم حد وانا غلط انى جتلك
وذهبت وتركته كان رشوان على مقربه منهم واستمع الى حديثهم بالصدفه وانتظرالى ان جلست لارا على طاولتها مع والدتها و غرام وليث الذي مع الحاح غرام على ان يرقص معها اخذها حتى يقي نفسه منها ذهب رشوان الى لارا وامد يده لها بحركه مسرحيه
رشوان:تقبلي ترقصي معايا
لارا بابتسامه وهى تمد يدها له:طبعا يا رشوان وانا اطول
اخذها رشوان من يدها وتوجه لساحه الرقص وقام بارقص معها التفت حازم حتى يرى سلوى ولكن وقع بصره عليها وهى ترقص وتتمايل مع رشوان وابتسامتها لا تفارق شفتيها شعر بالغيره من قربه الشديد منها واحس بالدماء تغلى بأوردته فتوجه اليها وهز رشوان برفق وهو يقول
حازم:هات مراتى شويه يا رشوان كفايه عليك كده
رشوان:ما كانت قدامك ولا هى بقت حلوة دلوقتى
حازم بمرح:مراتى يا رشوان وبعدين انت شايفها حلوة ازاى بلون عنيها ده
رشوان وهو يبتعد عن لارا ويسلمها لحازم:اهى معاك اهى
حازم:متشكرين يا رشوان....اياكى تعمليها تانى وترقصي مع حد غيري
لارا وهى تحيط عنقه بيدها:ما انا قولتلك وانت مردتش
حازم بقسوة وابتسامه ساخرة تزين وجهه: ما انا اخدت بالى برضو انك مبضيعيش وقت انا رفضت يجي غيرى طبع بقي
اغرورقت عينا لارا بالدموع من كلامه فهو يوصل لها بكلامه انها لا تبكي على من يرحل من حياتها ايا كانت اهميته فيها كانت الموسيقي انتهت فتركته وذهبت نحو الطاوله دون ان تتحدث معه بشئ
بعد انتهاء رحل الجميع الى بيوتهم ذهب يوسف الى فندق كان قد حجز به حتى يقضون ليلتهم فيه اما مراد فذهب الى بيت والده وصعد للطابق المخصص له على اتفاق انه سوف يسافر غدا لقضاء شهر العسل بدوله بالخارج رفض ان يقول لنايا اسمها وتركها مفاجأه
***************************************************
فى غرفه نايا ومراد دلفت الى الغرفه وانبهرت بها فقد طلبت منها فريده ان تنظمها هى لهم ووافقت نايا فهى تعتبر فريده والدتها الثانيه
نايا بانبهار:الاوضه جميله اوى ماما فريده ديه ذوقها فظيع متوقعتش ان الاوضه تطلع كده
مراد وهو يعبث بسحاب فستانها:اه فعلا ماما ديه ملهاش حل ذوقها فظيع انا عارف
نايا وهى تبتعد عنه:ايه اللى انت بتعمله ده يا مراد
مراد :بعمل ايه مش انتى مراتى برضو
نايا:ايوة مراتك بس خلينا نصلى الاول طيب
مراد بغيظ:طيب يا نايا يلا نصلي
ذهبت نايا ومراد حتى يتوضأوا ويصلوا ركعتان ليبدأوا حياتهم بعد الصلاه التفت مراد لنايا وهو يقول
مراد:نايا قومى غير هدومك وانا كمان هروح اغير يلا
قامت نايا حتى تبدل ملابسها بتوتر ورهبه من وجودها مع مراد بمكان واحد بمفردهم وبابا مغلق عليهم دلفت الى المرحاض متناسيه امر حجابها بعد بضع دقائق من وجودها بالمرحاض تذكرت امر حجابها فخرجت اليه لتطلب مساعدته
نايا بتوتر:مراد الطرحه انا مش عارفه اخلعها لوحدى
مراد بضحك:والله عارف انا اصلا مغيرتش واستنيتك تخرجي تعالى يا اخرة صبري
بعد ان ساعدها فى خلع حجابها دلفت الى المرحاض حتى تكمل تبديل ملابسها بعد قليل خرجت من المرحاض وهى ترتدى عباءه بيتيه عاديه نظر لها مراد واستطاع كتم ضحكته بصعوبه
مراد بجديه زائفه:تعالى يا نونه عشان تنامى
نايا بارتباك:احم حاضر هاجى اهو
ذهبت نايا الى الفراش واستلقت عليه واغلقت النور الموجود بجانبها فزعت وشهقت بعنف عندما اطل مراد عليها بجسده العريض
مراد مهدأ اياها:ايه يا نونه ده انا مالك
نايا بخوف:ااايه يا مراد عاوز ايه
مراد بغمزة:اكيد عاوزك انتى
نايا وهى تدفعه: لالا ابعد يا مراد
مراد بعد ان فهم خوفها وخجلها منه:حببتى انتى خايفه منى...لم ترد عليه نايا واكتفت بادارة وجهها للجهة الاخري
مراد وهو يمرر يده برقه على وجهها:نايا متخافيش منى انا مش هأذيكي واستحاله اعمل حاجه غصب عنك
نايا بدموع:انا خايفه
مراد بلطف وقد فهم ان خوفها نابع من تأثير تجربتها السابقه عليها:حببتى انا بتنفسك انا مقدرش اعيش من غيرك صدقيني
نايا بخفوت:اوعدنى انك مش هتسبنى
مراد وهو يقترب منها ويقبلها على وجنتها:وعد يا حببتى
همت نايا بالكلام ولكن مراد لم يمهلها الفرصه
*****************************
عند يوسف ومروة
مروة بهدوء:يعنى ايه؟
يوسف بهدوء مماثل:يعنى زى ما سمعتي انا استحاله اجى جنبك او المسك الا لما اعمل العمليه واخرج منها سليم كمان غير كده لا وكفايه عليا اوى ان اسمك ارتبط باسمي ف يوم م الايام
مروة بغموض:لاء عندك حق صح ...طيب انا هروح اكل وبعدين انام عاوز حاجه
يوسف بابتسامه:هاجى اكل معاكي وبعدين انام زيك برضو يلا
مروة:يلا
ذهبوا الى طاوله الطعام الموجوده بغرفتهم بالفندق وبعد ان اكلت طعامها ذهبت حتى تخلد للنوم وتبعها يوسف
***************************
عند حازم ولارا بمجرد دلوفهم الى غرفتهم حتى اسرعت بدخول المرحاض حتى تكمل وصله بكاؤها بعد وقت ليس بقليل خرجت من المرحاض وعيناها متورمه وحمراء من البكاء وذهبت الى الاريكه حتى تنام عليها عندما شاهدها حازم وهى تتمدد على الاريكه حتى قال لها
حازم بامر:قومى نامى ع السرير الكنبه مش مريحه
لارا بهدوء:من هنا ورايح ده هيبقي مكانى لغايه ما كل واحد مننا يروح لحاله
جن جنون حازم مما هتفت به فتوجه اليها وجذبها من ذراعها بقسوة وهو يهتف من بين اسنانه:الكلمه ديه لو سمعتها تانى هتبقي اخر حاجه تقوليها قبل موتك على ايدى ان شاء الله
لارا بعند:هقولها تانى وتالت ورابع انا مش هعيش مع واحد شاكك فيا وطول الوقت بيسمم بدنى بكلام زى الزفت انا مش مجبرة
حازم بعند مماثل:وانا كمان مش هبطل اشك فيكي لانك واحده كدابه
لارا بتوتر وخوف من معرفه حازم بما تفعله:قصدك ايه بانى كدابه ديه
حازم بابتسامه ساخرة:اقصد زى ما اقصد بقي واللى على راسه بطحه
وتركها وذهب الى المرحاض حتى يبدل ملابسه وينام
***********************************
فى الصباح فتح عينيه وتطلع بجانبه حتى يراها ولكنه لم يجدها كاد ان يقوم من مكانه حتى يبحث عنها لكنه وجد باب المرحاض يفتح ووجدها تخرج منه وهى ترتدى فستان بيتي قصير وتدندن ببعض الاغانى القديمه
مراد بخبث:صباح الخير يا عروسه
نايا بخجل:صباح النور
مراد بابتسامه:مصحتنيش ليه لما قومتى
نايا بارتباك:مـ..مفيش لقيتك عاوز تنام ف سبتك لما تصحى براحتك خصوصا انك قولتلى طيارتنا الساعه5 يعنى
مراد بضحك:طيب يا نونه هعمل نفسي مصدقك..المهم انا جعان اوي مكلناش من امبارح
نايا:اه وانا كمان
مراد: بس كده من عنيا اقوم بس اخد شاور واتصل بماما تبعتلنا الاكل حالا
دلف مراد الى المرحاض حتى يأخذ شاور ويرتدى ملابسه وبعد قليل خرج من المرحاض وطلب الطعام من المطبخ
مراد بابتسامه:اهو طلبنا الاكل يا ستى
نايا:متشكرين يا سيدى
********************************************
كان حازم يخرج من المرحاض عندما استمع لصوت لارا وكانها تتحدث فى الهاتف لم يستمع الا جمله واحده وبعدها اغلقت الخط
لارا:اكيد هجيلك طيب سلام دلوقتى
التفتت لارا لتري حازم فهى قد شعرت به خلفها كما سمعت صوت باب المرحاض وهو يفتح التفتت وذهبت الى المرحاض ولم تعيره انتباها كان حازم يغلى من داخله من برودها وعدم مبالاتها بوجوده وعندما تطرق تفكيره لنقطه اخرى كاد ان يجن فما الذي من الممكن ان يفعله بها اذا ذهبت لمن تحادثه كما قالت وهى تتحدث في الهاتف عندما وصل لهذه النقطه امسك رأسه بشده
خرجت من المرحاض ولم تتحدث اليه بحرف حتى توجهت الى الباب حتى تهبط للاسفل لتتناول افطارها ومنه الى عملها بعد خروجها كان ينظر فى اثرها بذهول ومن ثم انتبه لنفسه وتبعها للاسفل
****************************************
فى المساء عند نايا ومراد كانا يتجهزا حتى يذهبا للمطار حيث موعد طائرتهم وكانت هناء موجوده حتى تودعها هى واخواتها ومعهم يوسف ومروة
نايا وهى تحتضن يوسف:حبيبي يا جو جتلى وانت لسه عريس
يوسف بضحك:يارب يطمر بس
نايا بغيظ:عمرك ما تكمل حاجه عدله لاخرها ابدا الله يكون ف عون مروة
مروة بابتسامه مصطنعه:تروحى وتيجي بالسلامه يا حببتى
نايا:الله يسلمك يا حببتى
هناء بدموع:تروحى وتيجي بالسلامه يا حببتى
نايا وهى تحتضنها:يا حببتى بطلى عياط بقي والله اقعد معاكى
لورين بضحك:بمزاجك هو اصله صح
مراد :قوللها يا لورى يا حببتى اتجننت اصلها احنا ممكن ناد طنط معانا
هناء بضحك من بين دموعها:لا يا حبيبي خلاص مبحبش ابقي عزول انا
مراد وهو يقرص لارا من وجنتيها:اتكلمى يا حببتى اتكلمى ولا اقولك بطلى تاكلى سد الحنك وانتى خارجه
لارا وهى تفرك وجنتيها بألم:مش هتبطل بقي الحركه ديه خدودى باظت منك
محمد بضحك:عمره ما هبيطلها قعدتى معانا هنا اد ايه شوفتيه بطلها
مراد وهو يعيد ما فعله مرة اخرى :قولها يا بابا ديه اتجننت
لم يستطع حازم تحمل قربه منها الى هذا الحد ووضع يده عليها اكثر من ذلك فتوجه اليهم وجذبها من يدها واحتضنها وهو يردف بمرح
حازم بمرح:خليك ف مراتك يا عم مراد وسيب مراتى ف حالها بدل ما اقولك انا كمان كنت بعمل فيها ايه
مراد بمرح وهويبتعد عن لارا ويرفع يده الى اعلى:لا خلاص يا عم لا اجى جنب ممتلكاتك ولا انت كمان
نايا بغضب:ايه ممتلكات ديه كمان
مراد وهو يقربها منه:ممتلكات اه عندك مانع
نايا بخجل من فعلته فهو قد احتضنها امامهم جميعا دون خجل:معنديش خلاص بس ابعد واحترم نفسك
مراد بضحك:ايوه كده اتعدلى...يلا سلام يا جماعه احنا بقي
هناء بضيق:مش كنا جينا معاكوا لحد المطار
نايا:انتى يا ماما تيجي معايا لحد المطار بس يا حببتى ده اقتراحى اصلا ان محدش ييجي معانا المطار عشان خاطرك انتى وسوسو بالذات
سلوى بحزن:ماشي بس افتكريها
نايا وهى تخرج لسانها لها بطفوليه:هفتكرها حاضر يا سو..يلا سلام
الجميع:سلام
بعد رحيل مراد ونايا اصر محمد عليهم جميعا ان يجلسوا معهم ويتناولوا معهم العشاء وامام اصرار محمد لم يستطع احد منهم الرفض بعد تناولهم للعشاء اختلت لورين بلارا حتى تسألها عما ستفعله
لورين بصدمه:ايه اللى انتى بتقوليه ده
لارا بابتسامه الم:زى ما سمعتى حازم بقي شكاك وانا اصلا مكنتش ناويه اقولوا ع اللى بعمله ده خالص انا قولت هخلصه وابدأ مع حازم من جديد وصح بس مع الاسف بقي بيشك فيا وطالما دخل الشك بينا يبقي لازم الانفصال
لورين بحذر:خلاص يا لارا قوليله على كل حاجه وهو ميشكش ويبقي عارف الموضوع كله
لارا بسخريه:اروح اقول لجوزى اللى متجوزاه غصب ولحد دلوقتى ملمسنيش انى على علاقه بخطيبي السابق اللى بحبه واللى كان الحاجز بينى وبينه ولحد دلوقتى حاجز
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق