رواية قلوب تنزف عشقاً الفصل الثالث عشر والرابع عشر بقلم عبير سليم
رواية قلوب تنزف عشقاً الفصل الثالث عشر والرابع عشر بقلم عبير سليم
الحلقه الثالثة عشر من رواية
قلوب تنزف عشقاً
بقلمي :عبير سليم
😰😰😰😰😰😰😰
تبكي بشده فهي لم تتعمد ماحدث ولم يمر على خاطرها يوما ما ان تكون سببا فى أذى أحد حتى وإن كان بالخطأ
قتل أيعقل أن أكون قاتله واتلقى ذاك الاتهام لا لا انا لما اقصد بعد بل كنت أحاول الدفاع عن عرض امرأة مثلي
حاولت ابعاده عنها فقط ليس إلا
لم أكن أعلم انه ليس في وعيه أو أنه لايملك الاتزان
سقط على الدرج انصدمت راسه لا فتهشمت تدفقت منها الدماء وكأنها تعلن الحرب عليه وتخبره بأنه فارق الحياة
ولكن بيدي انا لا بالتأكيد هذا كابوس وسافيق منه
ماهذا القدر ماذا جنيت فى حياتي لاحصد كل ذاك العذاب
أين انت ياحبيبي لما تركتني هكذا لماذا تركتني في أيدي من لايرحم
يوجه لها التهمه دون محاوله منه لسماع ايا منهم
انتي عاوزاني ازاي اصدق انك مكونتيش تقصدى وانا متأكد من كرهك ليه وانك اتجوزتيه وانتي مجبرة
وطبعا ماصدقتي انك تلاقيه مش فوعيه عشان تقتليه مش كده
ياسمين :لا لا والله انا كنت بحاول بس ابعده عن ميرا كنت خايفه عليها منه
يامن :ياسلام وانتي عاوزاني اصدق الكلام الاهبل ده عاوزاني أصدق ان عمى كان بيحاول يعتدي على مراتي مش كده وحضرتك بقى اللي كنتي بتدافعي عنها
ميرا :انت ازاي مش مصدق كلامي وكلامها ازاي مش عاوز تفهم ولا تعقل اللي بنقوله
يامن عمك كان بيحاول يعتدي علية انت ازاي بتكدبنا ازاي
انا مش قادرة استوعب اللي بيحصل
يامن :وانا مش مصدق غير انها قتلته
ولازم تتعاقب على قتله وعلى انها السبب فيه اصلا هو ايه اللي خلاه يسكر وعقله يغيب مش انتي مش عمايلك فيه
حرمتيه من حقه فيكي تنكري ده كمان
ياسمين :غصب عني مش بأيدي
يامن :تمام اوي ابقي قولي الكلام ده للبوليس
ولما البوليس ييجي انا حطلب انك تتعرضي على الطب الشرعي وقتها حيتاكدوا انك فرجن وان راغب ملمسكيش وانك قتلتيه عشان ميقربلكيش
واللا تكوني اصلا ولا فرجن ولاغيره وعشان كده كنتي خايفه ان عمي يقربلك ويفضحك
ياسمين :اخرس قطع لسانك انا أشرف منك ومن عشرة زيك
انا منكرش اني كنت رافضه عمك ورافضاه يقربلي بس مش عشان القذارة اللي فدماغك لكن عشان انت اكتر واحد عارف اني اتجبرت على الجواز منه
لكن عمري مافكرت اعمل حاجه زي دي
يامن :خلاص تمام يبقى نشوف دلوقتى لما البوليس ييجى الكلام حيبقى على ايه
ميرا :لاء يايامن انا مش حسمحلك انك تؤذيها انت فاهم
يعني بدل ماتقف جمبها وانت اللي تدافع عنها وهي كانت بتدافع عن شرفك تقوم انت اللي تبقى الجلاد انا مش عارفه اقولك ايه
يامن :انتي متتكلميش خالص انتي فاهمه خرجي نفسك من الموضوع ده خالص
ميرا :اخرج نفسي من إيه وانا السبب في اللي حصل انت ايه حرام عليك انت ليه بتعمل كده ليه انت عارف لو كانت هي محاولتش تبعده عني كان زمانك دخلت وشفته بعينك والا كنت حتنكر وتقول لا مش معقول اكيد انتي اللي كنتي بتعتدي عليه مش العكس
فوق يايامن فوق واياك تتهمها بحاجه حرام عليك كفايه ظلم بقى انتوا عاوزين منها ايه مش كفايه انها انجبرت عالجواز منه بالعافيه
وعمك ده لا عاوز يرحمها وهو حي ولا وهو ميت
يامن :عاوزة تخرجي من هنا على بيتكم
ياسمين :اخرج ازاي مش فاهمه
يامن :دلوقتي حتفهمي
يدخل سريعا للمكتب ويخرج منه
امسكي
ياسمين :امسك إيه انا مش حعترف بحاجه معملتهاش
يامن:حتكتبي تنازل عن حقك فالميراث
ياسمين :حاضر بس سيبني امشي والنبي
ميرا :لاء ياياسمين متمضيش على حاجه بقى هو كده يعني الموضوع مش عمك وزعلك عليه والفرح اللي انت عامله ده كله عشان خاطر تخليها تتنازل عن حقها
يامن :قلتلك ملكيش فيه
ميرا :ياااه ده انت طلعت زيه متفرقش عنه حاجه انا مش قادرة اصدق انك حقير بالشكل ده
يامن :ميرااااا متخلنيش اتغابى عليكي وتشوفي مني وش عمرك ماشوفتيه
وانتي عاوزة تخرجي من هنا على بيتكم تكتبي تنازل عن حقك فالميراث و تمضي وماشوفش وشك تاني يااما كده يااما
ياسمين بخوف شديد :حمضي حمضي
تمسك القلم سريعاً وتكتب مايمليه عليها بالحرف
يامن وهو يأخذ منها الورقه :تمام كده ياللا بالسلامه شايفه الباب ده تخرجي منه واياكي اشوفك ادامي تاني
ميرا :ليه كده ياياسمين تتنازلي عن حقك ليه
ياسمين :حق ايه اللي انتي عاوزاني اتمسك بيه ياميرا هو انا كنت اديتله حقه عشان ادور على حقي
كده احنا خالصين لاهو اخد حاجه ولا انا عاوزة منه حاجه
وكفايه عليه حسابه اللي مستنيه عند ربنا اللي مفيهوش مساومات
ميرا انا ماشيه وممكن مانتقابلش تاني خدي بالك من نفسك ياميرا انتي معاكي النسخه التانيه من راغب
يحتضنان بعضهما وتجري ياسمين سريعا دون الالتفات خلفها
تريد أن تطوي هذه الصفحه السوداء من حياتها
بينما هو يتصل على الطبيب الخاص للانتهاء من كل شئ دون علم أحد حتى لا تتأثر سمعة الشركات
ميرا :انا ماشيه يايامن
يامن :ماشيه رايحه فين
ميرا :راجعه بيت أهلي
يامن :عاوزة تمشي وتسيبيني فظرف زي ده عاوزة تتخلي عن جوزك فوقت هو فيه محتاجك
ميرا :انت مش محتاجني يايامن انت محتاج فلوس عمك واخدتها خلاص عاوز مني ايه
يامن :انتي صعبان عليكي اني حرمتها من حقها اللي هي ماتستاهلهوش اصلا ميرا اعقلي الفيلا حتتملى ناس جاية تعزي مينفعش متكونيش جمبي ياميرا انا محتاجك اوي
ميرا :حاضر يا يامن انا حعمل بأصلي واستنى معاك بس بعد كده حيكون فيه كلام تاني
بعد مرور القليل من الوقت
يامن ده اشتباه فقتل ولازم نبلغ الشرطه
يامن :امال انا جايبك ليه يادكتور انت عاوزنا نتفضح عمي كان سكران ووقع على السلم محدش لمسه ومات
الطب الشرعي حيثبت ده والشركات سمعتها تنهار
مينفعش اللي انت عاوز تعمله
سيرة عمي حتبقى على كل لسان
ووسائل الإعلام مبترحمش والناس مبتنساش
شوف عاوز كام وتخلص الموضوع دلوقتى عاوزين نعلن عن خبر وفاته ومعاد الدفن
إكرام الميت دفنه يادكتور
الدكتور :ايوة بس
يامن وهو يخرج دفتر الشيكات:ادي شيك اكتب المبلغ اللي انت عاوزه وخلص بقى مفيش وقت
بعد مرور بعض الوقت كل وسائل الإعلام تعلن عن خبر وفاة رجل الأعمال راغب الشريف عقب أزمه قلبيه اودت بحياته
😰😰😰😰😰😰😰😰
فى الخارج
صباح الخير يا خوخه
خلود :صباح الفل يا دكتور
شهاب :طمنيني مبسوطه فى الشغل هنا
خلود :الحمد لله المهم اني جمب حسين ربنا يكمل شفاه على خير يا رب
شهاب :ان شاء الله حيبقى كويس جدا
خلود :يارب يا دكتور يارب
شهاب :بس انتي مالك ياخلود انتي في حاجه مضايقاكي
خلود :ايه حاجه مضايقاني لا ابدا مفيش
شهاب :خلود مش احنا اتفقنا انك تعتبريني اخوكي
خلود :ده شرف لية والله يا دكتور
شهاب :يبقى تفهميني مالك انا احساسي بيقوللي ان في حاجه ومتقوليش حسين
ياللا اعترفي بسرعه قبل مااعاقبك واخليكي ترفعي ايدك لفوق ووشك للحيطه
خلود :ههههههه
فجأة يسمعون من خلفهم:صباح الخير
خلود وهي تدير وجهها للكمبيوتر :صباح النور
شهاب :صباح النور يا عادل
عادل :انت هنا ياشهاب ودكتور جاك بيسأل عنك
شهاب :دكتور جاك ياربي نسيت حروحله عديني
عادل وهو ينظر لخلود:اللي واخد عقلك
ولكن شهاب كان قد غادر المكان سريعا ولم بنتبه لما قاله عادل
يسحب الكرسي ويجلس
بجوارها
منورة المستشفى ياخلود
خلود :النور نورك يادكتور والفضل يرجع لدكتور شهاب اللي وفرلي شغل فى المستشفى عشان ابقى جمب حسين
عادل :اه انتي حتقوليلي على شهاب اصله طول عمره قلبه حنين وخصوصا مع الجنس الآخر بيضعف اوي ادامهم
خلود :هو حضرتك عاوز حاجه اصلي عندي وحضرتك معطلني
عادل :غريبه انك معندكيش وقت على اساس ان واحده تانيه غيرك اللي كانت بتضحك دلوقتى مع شهاب
خلود :دكتور عادل بعد اذنك انا عندي شغل ومش فاضيه
عادل :مش فاضيه تتكلمي معايا لكن فاضيه تضحكي وتهزري مع غيري مش كده
خلود :من فضلك يادكتورة انا مسمحلكش انك تتعدى حدودك معايا انا بتعامل معاك باحترام ومفتكرش اني اتعديت حدودي معاك عشان حضرتك تتكلم معايا بالشكل ده
اناست متجوزة وميصحش كده
عادل :اه صح تصدقي نسيت انك متجوزة حسين اللي نايم جوة فى الأوضة مش كده ياللا ربنا يشفيه
يقوم ويترك لها المكان الذي تعمل به
خلود :ده ايه البلاوي دي عالصبح جتك الهم انسان بارد وسمج
😰😰😰😰😰😰😰
بعد مرور عدة أيام
تدخل عليها غرفتها لتجدها كماهي تجلس وحدها كعادتها من يوم عادت إلى البيت
ايه ياياسمين حتفضلي كده على طول
ياسمين :عاوزاني أعمل إيه بس ياماما
صفاء :عاوزاكي تخرجي تفكي عن نفسك شويه بصي مش مهم الشغل اهو معاش ابوكي مقضينا انا وانتي بس انا زعلانه على قعدتك دي
ياسمين :حروح فين بس ياماما وحخرج مع مين
هو انا كنت بخرج غير مع خلود المكان الوحيد اللي اقدر اروحه هوالبحر
صفاء :لاء ياياسمين لو عالبحر مش عاوزاكي تروحي انا عاوزاكي تنسي بقى وتعيشي حياتك
ياسمين :حياتي وهي فين حياتي دي ماحياتي انتهت خلاص
صفاء :حقك علية ياياسمين سامحيني يابنتي انا عارفه اني سبب فاللي حصلك ولو مكنتش طمعت مكنش حصل اللي حصل
ياسمين :ماما انتي امي اللي مقدرش مسامحهاش مهما عملت فية وبعدين انا لية مين غيرك
صفاء :خلاص ياياسمين الدنيا فضت علينا مبقاش لينا غير بعض خصوصا بعد مااسامه الله يسامحه ماطفش
ياسمين :وانتي كنتي متوقعه منه ايه غير كده ياماما
اسامه طول عمره اناني طماع مبيفكرش غير فنفسه وبس
صفاء :اخد الفلوس وراح وياريتني اعرف هو فين ده نسى امه اللي كانت بتفضله عالدنيا كلها لا بيسأل عننا ولا يعرف عننا حاجه
ياسمين :مش انتي ياماما اللي كنتي مدلعاه دايما وسايباه يعمل اللي عاوزه عمرك ماقلتيله ده صح وده غلط اتعود ياخد ميديش واهوه خد الفلوس اللي قبضها تمن ماباعني ومشى
صفاء :الله يسامحك يااسامه
طب إيه رأيك تقومي نقعد مع بعض شويه نتفرج عالتليفزيون ونعمل حاجه حلوة انا وحشتني الكيكه اللي كنتي بتعمليها دايما ايه رايك تقومي ونعملها سوا
ياسمين :الكيكه اللي كان حمزة بيحبها من ايدي
صفاء :انسيه بقى ياياسمين انسيه وانسي اللي فات كله وفكري فى اللي جاي
ياسمين :انساه انسى روحي
صفاء :بقولك ايه ياللا انا مش حسيبك غير لما تقومي معايا
ياسمين :حاضر يا ماما انا حقوم وحبقى كويسه وانسى اي حاجه وحشه حصلتلي لازم مفتكرش غير حمزة وبس عاوزاه لما يرجع يلاقيني ياسمين حبيبته زي مانا
بس تفتكري حيزعل مني لما يعرف اللي حصل واني اتجوزت
لا اكيد حيقدر وحيفهمني ايوة حمزة مش ممكن يزعل مني ابدا ده انا روحه حد يزعل من روحه
😰😰😰😰😰😰😰😰
انتي بتقولي إيه ياميرا معناه ايه الكلام ده
ميرا :معناه اني عاوزه اطلق يامامي
نهله :تطلقي ميرا انتي مستوعبه اللي بتقوليه عارفه ده معناه ايه عارفه واللا اعرفك
ميرا :مامي ارجوكي افهميني
نهله :افهمي انتي ياميرا مع انك فاهمه وعارفه كل حاجه واكيد منسيتيش
ولو كنتي ناسيه افكرك ياميرا افكرك ان باباكي مات بعد ماخسر كل فلوسه ماسابش غير الفيلا دي
ناسيه ان لولا يامن كان زماننا مش لاقيبن ناكل
ناسيه انه تقريبا هو اللي بيصرف علينا وعلى تعليم اختك ناسيه ياميرا
ميرا :مش مهم يا مامي انا هشتغل وحصرف على تعليم مريم
نهله:وايه الشغل اللي حتشتغليه يخليكي تقدري تدفعي الالوفات اللي بتندفع كل تيرم لمريم
ميرا اعقلي ياميرا انتي عاوزه ايه اكتر من اللي انتي فيه
ده مفيش واحده متتمناش تعيش العيشه اللي انتي عايشاها
فيلا وعربيه احدث موديل وشاب تتمناه كل بنت
في عيب ومين فينا مفيهوش عيوب اعقلي ياميرا اعقلي متضيعيش جوزك من ايدك وبدل ماتفكري تتطلقي منه فكري ازاي تربطيه بيكي اكتر وتجيبي بيبي يملى عليكي حياتك
ميرا :مامي انا مش مطمنه معاه مش حسه معاه بالأمان مامي انا احيانا بحس اني مش طايقه اشوفه
ده انسان وحش أوي طماع واناني
مفيش حاجه تهمه غير الفلوس ومصلحته وبس
انا اخر واحده ممكن يهتم بيها عمره ماحس بية ولا قدر مشاعري
نهله :ميرا بلاش هبل انتي بتخرجي وتروحي فأي مكان براحتك زهقانه اخرجي اعملي شوبينج روحي النادي عندك صحابك اتقابلي معاهم لكن طلاق لاء فاهمه يعني ايه لاء
اياكي تجيبي سيرة الطلاق دي على لسانك مرة تانيه انتي فاهمه
ميرا :لاء يامامي لاء انا لازم البني آدم ده يخرج من حياتي ده انسان وحش انا بكرهه وبكره كل تصرفاته
نهله :متبقيش انانيه ياميرا قبل ماتفكري فنفسك فكري فينا فكري فاختك
ميرا انتي عاقله وانا متاكده انك حتعقلي وتشيلي الهبل ده من تفكيرك
😰😰😰😰😰😰😰
تتحدث إليها عبر الهاتف :طب اهدي ياخلود مش كده ياحبيبتى
خلود :مش عارفه أعمل إيه ياياسمين مع الزفت ده
ياسمين :قولي لحسين
خلود :لا ياياسمين مينفعش اقوله حاجه الدكتور مانع عنه اي انفعال
ياسمين :خلود بصي ياحبيبتى مش احنا طول عمرنا بنسمع اهلنا بيقولوا الباب اللي يجيلك منه الريح سده واستريح
بصي متتكلميش مع حد خالص لامع شهاب ولاعادل ولاحد خالص
خلود :والله انا مابتكلم مع حد ياياسمين ده انا بيبقى كل اللي فدماغي حسين وبس ببقى عاوزة الوقت يطير عشان اروحله بسرعه
الدكتور شهاب فعلا بيجيلي المكتب لكن والله بيتكلم معايا بكل احترام وعمره مااتعدى حدوده معايا
يادوب بيطمن عالشغل لو محتاج حاجه من على الكمبيوتر
وبيمشي على طول لكن التاني ده عاوز يلزق عاوز يغلس وانا زهقت
انا ممكن اقول لدكتور شهاب وانا متأكده انه حيعرف يتصرف معاه لكن انا مش عاوزة أوصل الامور للدرجه دي خايفه تحصل مشكله بسببي
ياسمين بصي انا مضطرة اقفل دلوقتى الشحن حيخلص واتاخرت على حسين حكلمك تاني
ياسمين :ماشي حبيبتى وسلميلي على حسين
يفتح عليه الباب فيجده جالسا يشاهد التلفاز:ازيك ياحسين عامل ايه دلوقتي
حسين :الحمد لله بخير والله
عادل :طيب تمام أكيد زهقان طبعا من القعده لوحدك
حسين :حعمل إيه بس
عادل:طب امال خلود فين مش المفروض تكون قاعده جمبك دلوقتى
حسين :دلوقتى تخلص شغلها وتجي
عادل :ماهي مخلصه شغلها من بدري تلاقيها بس قاعده مع شهاب
شويه زي عادتها وجايه دلوقتى
حسين :دكتور شهاب
عادل :اه اصلهم متعودين يقعدوا يتكلموا مع بعض دايما
هو طبعا عارف انها متضايقه عشانك وبيخفف عنها ودايما يسيب شغله ودكتور جاك بقى يقلب عليه المستشفى وانا بقى افضل ادورله عليه ههههههه
دايما تاعبني معاه ومجريني وراه بروحله الاقيه كل مرة قاعد مع خلود
بس هو بصراحه مبيسيبهاش غير لما يخليها مبسوطه وتبقى ضحكتها واصله لآخر الطرقه اصله بيعزها اوي
تفتح الباب فتجده جالسا :مساء الخير
عادل:مساء النور ازيك ياخلود ياللا حسيبكم انا بقى
تتجه خلود نحو حسين لتقبله من جبهته كعادتها وتطمئن عليه
حبيبي عامل ايه دلوقتي
حسين وهو يبعد جبهته عنها:كنتي فين ده كله وبتتكلمي مع مين ياخلود
خلود :انا كنت بتكلم مع ياسمين وبتسلم عليك بس انت بقى عرفت منين اني كنت بتكلم مع حد
حسين :كنتي بتتكلمي مع ياسمين واللا مع الدكتور شهاب ياخلود
خلود :حسين فى ايه مالك بتكلمني كده ليه
حسين :انا اتكلم زي مانا عاوز والا عشان قاعد هنا فاكراني مش حعرف إيه اللي بيحصل من ورا ضهري
خلود :حسين انت بتقول ايه
حسين :انتي اللي حتقولي فى ايه ياخلود مش انا
الحلقه خلصت النهارده اسفه اتاخرت عليكم معلش حقكم علية بس بقالي كام يوم تعبانه اوي عندي دوخه فظيعه بتخليني مش حسه بالدنيا واللي فيها وماصدقت اتلم على نفسي شويه واكتبلكم الحلقه اعذروني لو فى اي تقصير
😰😰😰😰😰😰😰😰
الحلقه الرابعه من رواية
♥️قلوب تنزف عشقاً♥️
بقلمي :عبير سليم
😰😰😰😰😰😰😰
إلى أين سياخذنا القدر وإلى أين ستهوى بنا الرياح
نحن لا نملك سوى السعي فى تلك الحياة مدركين أننا مهما فعلنا فلن ننال من الدنيا سوى ماكتبه الله لنا
تخرج من غرفتها بعد ان صلت فرضها وارتدت ملابسها ووضعت حجابها فوق راسها متوجهه لغرفة امها للاطمئنان عليها
أكلتي ياست الكل
هدى:ايوة ياخوخه
خلود :قلب خوخه ياناس ثم تحتضن امها وتضع عدة قبلات على وجهها بحبك بحبك ياست الحبايب
هدى:ههههه بالراحه شويه انا مش حملك يابت انتي
خلود :كده بردو طب انا زعلانه بقى يعني انتي مش بتحبيني زي مابحبك والا ايه ياست هدى
هدى:يالهوي ده انتي حياتي كلها ياقلب امك هو انا لية مين فى الدنيا دي كلها غيرك ياحبيبتى
ربنا يخليكي لية واشوفك متهنيه وعيالك يملوا علية البيت يارب
مع اني ميتهياليش اني حعيش لليوم ده
خلود :الف بعد الشر عنك يا ماما ربنا يطول فعمرك يارب
هدى:ويخليكي لية ياخوخة ياحبيبتى بس مقلتليش بقى متشيكه و رايحه على فين عالصبح كده
خلود :حروح مع ياسمين تقدم فى الشركه اللي حتشتغل فيها ومتقلقيش مش حتاخر
هدى:لا ياحبيبتي خدي راحتك انا اصلا حنام شويه والحمد لله ان ياسمين حتنزل تشوف حالها
خلود :ايوة ياماما انا نفسي تفك شويه احسن انا خايفه يحصللها حاجه والله ده انا اتجنن
هدى:ربنا يخليكم لبعض يارب خلود اوعي يابنتي مهما حصل حاجه تفرق بينكم انتوا من يوم ماوعيتوا عالدنيا وانتوا روحكم فبعض انتي عارفه وانتوا صغيرين الناس كانت بتفتكركم توأم
خلود :اطمني يا مامتي ياسمين دي حبيبتي واختي وصاحبتي ربنا يبعد عنها كل شر يارب
ياللا بقى انا حمشي مش عاوزة حاجه
هدى:عاوزاكي طيبه ياحبيبة امك ويبعد عنك شر ولاد الحرام ويجعلك فى كل خطوة سلامه يآرب
خلود :ايوة بقى هي دي الدعوات واللا بلاش
❤️بعد قليل يمشيان فى الشارع متجهين إلى الشركه
خلود :مش كنا ركبنا يابنتي بدل مانتاخر
ياسمين :عاوزة امشي من جمب البحر
خلود :على اساس انك محرومه منه ده انتي ناقص تفرشي ملايه وتنامي
ياسمين :ياريت والله لو ينفع ماكنت اتأخرت
خلود :هههههه مجنونه وربنا طب وده حينفعك بأيه
ياسمين :بحس ان حمزة قريب مني اوي ببقى شامه ريحته
خلود :حبيبتي ربنا يرجعهولك بالسلامه ويطمن قلبك عليه
ياسمين :يعني انتي مصدقه ان حمزة عايش ياخلود
خلود :مادمتي قلبك قالك انه عايش يبقى عايش ان شاء الله
ايه ده شوفي مين هناك
ياسمين :مين ياخلود
خلود :تعالي بسرعه نلحقها قبل ماتتوه
ياسمين :مين يابنتي مش تفهميني
خلود:عبير ياعبير
💙انا طبعاً :مين خلود ياسمين ازيكم ياحبايبي عاملين ايه رايحين فين عالصبح كده
خلود :هههههه بقى معقوله متعرفيش فكرتيني بفيلم محامي خلع لما قالله لو انت مبتعرفش انا اللي حعرف
علية النعمه انت اجدع واحد يعرف فمصر ههههههه
💙هههههه ضحكتيني والله دمك عسل ياخوخه
خلود :من بعض ماعندكم يابيرو ياعسل ادينا رايحين الشركه عشان ياسمين
💙ربنا معاكم قلبي معاكي والله ياياسمين ربنا يطمنك عالغايب يارب
ياسمين :والنبي ياعبير وغلاوة ادهم عندك طمنيني حمزة عايش صح
💙يادي النيله خلود هي البت دي هبله يعني انتي عاوزاني اقولك عايش واللا لاء وابوظ الروايه سيبيها على الله ياقلبي
خلود :وانتي رايحه فين عالصبح كده يابيرو
💙حكون رايحه فين بلا نيله رايحه مدرسة محمد ابني قطيعه تقطع المدارس عالامتحانات
رايحه اشوف الدنيا أخبارها ايه بعد ماالوزير المخفي بتاعنا قرر ان الولاد حينزلوا يمتحنوا داهيه تاخده هو وامك واخوكي ياياسمين فيوم واحد
متزعليش ياحبيبتى أصلي بصراحه مش طايقاهم
ياسمين :نصيبي حعمل إيه
💙وانا بتكلم بصوت واطي عشان ميسمعونيش:نصيبك انتي لسه شفتي حاجه
خلود :بتقولي حاجه يابيرو
💙ايه اه بقول ياللا بقى روحوا شوفوا اللي وراكم وخدوا بالكم من نفسكم وانا حبقى اطمن عليكم
ياسمين وخلود :مع السلامه يا عبير
💙مع السلامه ياحبايبي ربنا يستر عليكم ومن القراء اللي حيولعوا فية
افتح الباب ياخالد انت كمان
خالد ده البواب بتاع مدرسة ابني ياجماعه متخافوش
خالد:ايوة مين
💙انا ميس عبير مامت محمد احمد ياخالد
خالد :اهلا يااستاذه اتفضلي
شكرا ياخالد ياللا انا نشوف اخرتها ايه مع وزير الزفت ده كمان
😉فى داخل الشركه
منورانا ياياسمين والله
ياسمين :شكرا لحضرتك يابشمهندس
يامن:ميرا موصياني عليكي أوي واضح انها بتحبك جدا
ياسمين :ميرا إنسانه كويسه جدا وطيبه اوي ربنا يخليكم لبعض
يامن:وانتي ياخلود مش عاوزة تشتغلي
خلود :كان على عيني بس مينفعش
يامن:ليه بس كده
خلود :ظروف بقى حنعمل ايه المهم عندي ياسمين دلوقتى
يفتح الباب ويدخل :ايه يايامن عندك ضيوف واللا إيه
ايه ده مش انتي ام لسانين
خلود :اهلا هو حضرتك هنا
ياسمين :خلود عيب كده
راغب:شايفه الأدب نورتينا والله ياسكرة
خلود :سكرة ايه ياكابتن اسمها ياسمين حضرتك
راغب:كابتن على أساس انك شايفاني لابس فانله وشورت وبصفر بالكورة
ياسمين :هههههههه
راغب:إيه الضحكه العسل دي
يامن:آنسه خلود المكان هنا للشغل بس مافيش داعي للتهريج
خلود :طيب ماشي بس متقفش كده اصلي بحب اهزر
سوري بقى ياحضرت على اللي حصل يوم الفرح اوعى تكون زعلت
راغب:لاء خلاص حعتبره سوء تفاهم وراح لحاله
خلود :سوء على مهلك سوء بكرة الدنيا تروق
يامن:ههههههههه
خلود :عيب كده يابشمهندس احنا قلنا ايه المكان هنا للشغل مش للتهريج
راغب:اتفضلوا اقعدوا
وهو يوجه كلامه لياسمين :عرفت انك عاوزة تشتغلي معانا هنا
ياسمين :ياريت طبعا وان شاء الله حكون عند حسن ظنكم والله
راغب وهو يتفحصها جيدا :لا واضح انك حتكوني عند حسن ظني فعلا
بس سوري يعني محتاجك بس تغيري ستايلك شويه
ياسمين :هو انا لبسي شكله وحش
راغب:لا طبعا ده كفايه انك انتي اللي لابساه بس بردو المظهر الاجتماعي مهم فشغلنا
خلود :ممكن اعرف ده لو مكنش يضايق حضرتك يعني ياسمين حتشتغل إيه
راغب:حتكون سكرتيرة لية
خلود :يعني حضرتك كنت قاعد من غير سكرتيرة ومستني ياسمين لما تيجي عشان تبقى سكرتيرتك
راغب:استغفرالله العظيم وانتي مالك هو انتي ولي أمرها هي مش ليها لسان تتكلم بيه
ياسمين :اللي حضرتك تؤمرني بيه
راغب :ايوة كده احب اللي يسمع الكلام
خلود :طب ممكن نعرف مواعيد الشغل حضرتك
يامن:ممكن تسكتي شويه ياام لسانين انتي
راغب:مواعيد الشغل من تمانيه لاربعه ده الأساسي لكن طبعا لو فيه شغل ممكن نطول شويه
انسه ياسمين مش انسه بردو
ياسمين :ايوة انسه حضرتك
راغب:تمام اوي من بكرة تستلمي الشغل عاوز اجي الاقيكي على مكتبك مفهوم
ياسمين :حاضر يافندم
تستئذن الفتيات للانصراف بينما يتتبعهم راغب بعينيه
يامن:عينك ياراغب فى إيه
راغب:عجبتني اوي بنت الايه دي
يامن:مين فيهم ياسمين واللا خلود
راغب:خلود اعوذ بالله
يامن :ليه بس دي حتى ملفوفه كده وزي البطه قطه مخربشه بصراحه عاوزة تتاكل اكل تحسها نغشه بتفكرني بالأكل الحرش اللي مهما ناكل منه منشبعش
راغب :خليلك انت الأكل الحرش والقطه المخربشه انا بقى عجباني القطه السيامي الناعمه دي
يامن :لا ياعم اخليني ايه انت ناسي اني راجل متجوز واللا إيه
راغب:متجوز اه متجوز هههههههه على أساس اني مش عارف فضايحك كلها والله اقطع دراعي اما كانت البت عاجباك بس خايف منها لتفضحك ادام ميرا
يامن:يادي النيله بقولك إيه فضها سيرة وسيبك مني وركز فحالك واهي القطه السيامي حتكون تحت امرك من بكرة وعاوز اشوف الشطارة بقى
راغب:ليه وانت عندك شك فقدرات عمك واللا ايه
يامن :لو على قدراتك ابصم بالعشرة لكن انا عند رأيي وانك مش حتعرف توصل للي انت عاوزه بالسهوله دي
راغب:تراهني
يامن:وانا قبلت الرهان
راغب:مليون جنيه قصاد اللي كلمته تمشي
يامن:وانا موافق ياعمي
😉يخرجان من الشركه ويمشيان تجاه البحر
ياسمين :مالك ياخلود من وقت ماخرجنا من الشركه وانتي متكلمتيش
خلود :بفكر ياياسمين
ياسمين :بتفكري فايه فهميني
خلود :قلبي مش مستريح حسه ان فى حاجه غلط
ياسمين :لا الله يخليكي انا بخاف اوي من احساسك فهميني فى إيه
خلود :مش غريبه انهم يعينوكي سكرتيرة كده على طول ده حتى مسالش عن مؤهلاتك ولا حتعرفي تشوفي الشغل واللا لاء
ياسمين :مااكيد ميرا قالتلهم
خلود :ممكن بردو عالعموم عاوزاكي تخللي بالك من نفسك ياياسو كويس
انتي فاهمه احنا غلابه غلابه اوي ياياسمين والناس الاكابر اللي زي دول معندهمش عزيز ولا غالي ويوم مابيدوسو على حد بيدوسو عليه بكل قوه وجبروت مبيهمهش حاجه
لا قانون بيقف ادامهم ويجيب حق الغلابه منهم ولا هما بيخافوا من ربنا
ياسمين :ليه ياخلود بتقولي كده كلامك ده قلقني
خلود :مش عارفه بس نظرات الراجل اللي اسمه راغب ده ليكي قلقتني اوي نظرته شبه التعبان
ياسمين :متخافيش ياخلود علية ان شاء الله ربنا حيسترها معانا وعاوزاكي تطمني بنت خالتك بميت راجل
ثم تقف وعينيها على البحر والدموع تجري في عينيها :ياترى عامل ايه ياحبيبي وفين اراضيك ياحبيب عمري كله
😉😉😉😉😉😉😉
فى منزل اهل ميرا
نهله:طمنيني عليكي ياميرا عامله ايه مع جوزك
ميرا :الحمد لله يامامي كويسه
نهله:نفسي تفتحيلي قلبك زي زمان وتحكيلي على كل حاجه بدل مانتي بقيتي بتردي علية الكلمه بكلمتها
ميرا :زمان متفكرنيش يامامي الله يخليكي وهو انا لما حكتلك زمان اخدت ايه غير القهرة
نهله :وانتي كنتي عاوزاني اسكت وانا شايفاكي بتضيعي نفسك
ميرا :مامي عشان خاطري خلاص كل شئ انتهى وانا دلوقتى ست متجوزة مينفعش اجيب سيرة حد على لساني غير جوزي
تدخل مريم:حبيبة قلبي هنا وتحتضنها بشده وحشتينى اوى اوى اوى
ميرا :وانتي كمان وحشتيني اوي يامريومه
مريم وهي تسحبها من يدها:معلش بقى يامامي عاوزة اختي حبيبتي فكلمتين كده
فى غرفتها
طمنيني عامله ايه مع يامن
ميرا :مش عارفه اقولك ايه والله يامريم شويه احسه طيب وحنين وبيحبني اوي وشويه بلاقيه اسي ومتعجرف
اوقات بحس اني سعيده معاه واوقات تانيه بندم على اني اتجوزته
مريم :ميرا انتي لسه فشهر العسل ياحبيبتى
ميرا:عسل ايه بس يامن حياته كلها شغل فشغل وانا دايما اخر اهتماماته
مريم :حبيبتي بكرة تتعودوا على بعض هو كده عشان انتم فى الأول بس
ميرا :طمنينى انتي عليكي عامله ايه وايه اخبارك
مريم :انا زي القرده
قوليلي عمه عامل معاكي ايه بيتعامل معاكي كويس
ميرا :عمه ده انا مبقبلهوش امنية حياتي يتجوز بقى ويبعد عننا مدخل نفسه فكل تفاصيل حياتنا
مريم :هو عنده كام سنه
ميرا:حوالي تسعه وتلاتين اربعين بالكتير اوي
مريم :وده ايه اللي مقعده لحد دلوقتي بيكون نفسه
ميرا :لا يابنتي يامن قاللي انه بيتجوز كل فترة ويطلق مبيستقرش مع واحده
مريم:انا حساه عينه زايغه يوم فرحكم عينه كانت على كل واحده فالفرح
ميرا :شكله فعلا كده
مريم :اوعي يكون غلس عليكي واللا حاجه
ميرا:ههههههه لا اطمني مش للدرجه دي هو بيحب يامن وبيعتبرني اخته
بس انا مش عارفه ليه مبستريحش ليه
المهم بقى يابكاشه سيبك مني واحكيلي عنك وعن اخبارك
مريم :ماشي يااختي
😉😉😉😉😉😉😉
بعد مرور عدة أيام
تجلس ياسمين على مكتبها تمارس عملها أمام الكمبيوتر
فتجد راغب امامها:اخبار الشغل إيه ياياسمين
ياسمين :كله تمام حضرتك
فيقترب منها ويمسك ماوس الكمبيوتر فيخترق عطره القوي انفها فتشعر بالغثيان
راغب:فى حاجه
ياسمين :لا ابدا بس ريحة البرفان قويه اوي
راغب:ضايقتك
ياسمين وهي تقوم من على الكرسي :لا عادي هو حضرتك فى مقابله كمان نص ساعه مع عميل شركة الأغذية
راغب:ماشي اطلبيبي القهوة وهاتيها عالمكتب
ياسمين :حاضر
بعد مرور بعض الوقت
ياسمين تعالي
تدخل اليه :انتي وراكي حاجه النهارده بعد الشغل
ياسمين :انا لاء انا حخلص واروح حضرتك عاوز مني شغل تاني اعمله
راغب:لا شغل ايه تاني كفايه عليكي كده انا كنت عاوز اعزمك فأي مكان نتغدى سوا
ياسمين :لا غدا ايه شكرا لحضرتك
راغب :هو انا بعزم عليكي عشان تقوليلي شكرا احنا حنخرج من الشركه على فندق نتغدى سوا ونمشي على طول فيها حاجه دي
ياسمين :ايوة طبعا فيها حاجه انا مبخرجش مع حد ومبقعدش فمكان مع حد حضرتك عاوز مني حاجه تانيه
راغب:اتفضلي على مكتبك
ياسمين :عن اذنك
راغب:شكلك حتتعبيني ياياسمين بس مش مهم انا بموت فى الصيد الصعب عشان لما اجي اكله استطعم بيه
وانتي دخلتي دماغي خلاص وراغب لما يبقى عنده رغبه فحاجه لازم يوصلها
الصبر طيب ياياسمين
يارب تكون حلقة النهارده عجبتكم ومعلش بقى على مداخلتي انا مكنتش حبه ادخل دلوقتى لسه بدري بس لقيت نفسي جوة الروايه من غير مااحس يارب اكون كنت ضيفه خفيفه عليكم
ياللا بقى مستنيين ايه كفاياكم ايموشنات ولايكات عاوزة تعليقات توقعات وباي باي
😒😒😒😒😒😒😒😒
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق