رواية قلوب تنزف عشقاً الفصل العاشر والحادي عشر والثاني عشر بقلم عبير سليم
رواية قلوب تنزف عشقاً الفصل العاشر والحادي عشر والثاني عشر بقلم عبير سليم
الحلقه العاشرة من رواية
قلوب تنزف عشقاً
بقلمي :عبير سليم
😰😰😰😰😰😰😰
ام لهذا الليل من فجر جديد؟ يعلن فيه عن حريته من ذاك القيد الذي يفرض نفسه علينا ويتحكم فينا بكل سطوته وجبروته
ام انه لم يات الوقت بعد ولم تأذن الأقدار بأن تريح قلوبنا مما هي فيه
انا بكرهكم بكرهكم انتوا عاوزين مني ايه متسيبوني فحالي بقى ليه مستكترين علية حبي ليه
انت إيه يااخي إيه الجبروت اللي انت فيه ده انت فاكر نفسك إيه ملكت الكون كله بفلوسك وظلمك مالك بية عايز مني إيه ماتروح لحد غيري وتحل عني بقى
وانت يااخويا يالحمي ودمي خلاص بقى كل اللي بيربطك بية شوية الفلوس اللي حتموت عليهم تمن ماحتبيعني ليه
انا عمري ماحنسالك اللي بتعمله فية دي عمري ماحسامحك أبدا ابدا
وانتي ياأمي يااللي عمري ماحسيت بحبك لية ولا خوفك علية امتى حتحسي اني بنتك امتى حييجي الوقت اللي حتاخديني فيه فحضنك وتطبطبي علية وتحميني فيه من الدنيا امتى هاه لما اموت وابقى ملفوفه ادامك فى الكفن هل ساعتها حتحسي اني بنتك واللا حبقى عادي ياللا مع السلامه المهم ان حبيب القلب معاكي وممتعين نفسكم بالتمن اللي بعتوني بيه امتى امتى قولي
لم تشعر صفاء بنفسها إلا وهي تأخذها بين احضانها وتبكي على علانية ابنتها لكرهها الشديد لها :لا ياياسمين لا ياضنايا متقوليش كده ربنا يجعل يومي قبل يومك الف بعد الشر عنك يا بنتي حقك علية يابنتي حقك علية
ثم تخرجها من احضانها لتتحدث اليه :خلاص يابيه مفيش جواز خلاص بنتي مش حتتجوزك خلاص
راغب :لا وربنا تصدقي ضحكتيني هو انا مستني رأي سيادتك واللا ايه
بصوا بقى كلكم كتبي كتابي على ياسمين حيتم يعني حيتم وحتجوزها بس في تغيير صغير كده حيحصل
انك انتي ياياسمين اللي حتيجي لحد عندي وتقوليلي انك موافقه وجوازنا حيتم بس بموافقتك
ياسمين :على جثتي اني اوافق اتجوزك
راغب :على جثتك ممكن بس حترضي انه يكون على جثة الواد اللي كان مخبيكي عنده
ياسمين :حرام عليك يااخي انت إيه شيطان اذا كنت قوي فيه الاقوى منك
ذنبه ايه حسين تعمل فيه كده ذنبه إيه كل ده عشان وقف جمبي وحماني ليه ليه حرام عليك ربنا ينتقم منك
راغب :بت انتي لسانك ده يتخرص بدل مااقطعهولك والزمي حدودك معايا والا حنسفك من عالارض فاهمه واللا لاء
ياسمين :لاء مش فاهمه ووريني حتفهمني ازاي
راغب:وهو يلوي ذراعها بيديه:عندي مليون طريقه افهمك بيها
ياسمين :اه سيب ايدي
صفاء :سيب البت سيبها يا مفتري
راغب وهو يحررها من قبضته بعنف فترتمي بحضن أمها :اذا كنتي فاكرة نفسك حاجه لاء فوقي ده انا ادفنك مكانك وملكيش عدني دية
انا ماشي ومستنيكي ياياسمين وحتيجي والمرة دي برضاكي
😰😰😰😰😰😰
فى احدى المستشفيات تجلس وهي منهارةمن البكاء على ماوصل إليه ابنها
عيني عليك يابني وعلى شبابك اللي ضاع أروح فين ياربي واجي منين الواد اللي حيلتي اللي طلعت بيه من الدنيا حيروح مني ياناس
خلود وهي منهارة:بعد الشر عنه ياخالتي متقوليش كده ان شاء الله حيخف وحيبقى كويس
كريمه:حيخف حيخف ازاي انتي مسمعتيش الدكاترة قالوا إيه
اتشل ابني اتشل خلاص ابني راح مستقبله حسين اللي كان بيمشي على الارض تتهز من تحت رجله يتشل يالهوي يامصيبتك ياكريمه
حسين زينة الشباب يبقى ده حاله
ياريتني كنت مت ولا شفت اليوم ده بعيني ياحبيبي يابني ياضنايا يابني ياريتني انا وانت لاء ياحسين
كانت خلود حالتها لاتقل هلعا عن امه ولما لا وهو من ملك الفؤاد وامتلك قلبه كل حياتها كم تمنت وحلمت بأن يكون لها في يوم من الأيام
اهدي والنبي ياخالتي اهدي وان شاء الله ربنا حيقف جمبه ويطمنا عليه
كريمه :ونعمه بالله استغفرك واتوب اليك يا رب اقف جنبنا يارب ده احنا غلابه وملناش غيرك ربنا ينتقم من اللي كان السبب حسبي الله ونعم الوكيل فى كل ظالم
😰تدخل عليهم ياسمين وهي تلتقط أنفاسها بشده :حسين عامل ايه طمنوني عليه
كريمه :ابني اتشل ياياسمين ابني خلاص مستقبله راح عاجبك كده ارتحتي
انتي ايه اللي جابك عندنا احنا كنا عايشين فحالنا كافيين خيرنا شرنا طول عمرنا ماشيين جمب الحيط
بقى ده جزاته عشان قال يقف جمبك يبقى ده جزاته يحصلله كده
ياسمين وهي منهارةمن البكاء :حقك علية يا خالتي حقك علية والله لو كنت اعرف ان كل ده ممكن يحصل مكونتش دخلتكم فمشاكلي
انا والله ماكنت عاوزه حسين من الاول يساعدني خفت عليه بس هو اللي صمم
كريمه :عشان ابني طول عمره راجل وجدع عيني عليك يابني وعلى شبابك اللي راح
ياسمين :لا ياخالتي متقوليش كده حسين حيخف وحيتعالج وحيرجع بمشي تاني على رجليه
كريمه :يخف يتعالج منين ياحسرة منين ده الدكاترة بيقولوا لازم يسافر يتعالج فبلاد برة واحنا لا حيلتنا ابيض ولا اسود ده لو بيعت نفسي حته حته مش حعرف اجيبله حق اللي حيتعالج بيه
ابني راح ابني راح خلاص 😰😰
ياسمين :لو عالسفر حيسافر زج عملنا كل ده عشان تتجوزيه
حسين كان حيموت عشان تقولي دلوقتى حتتجوزيه انتي بتقولي إيه
ياسمين :بقول اللي لازم يحصل عندك حل تاني عاوزاني اشوف حسين وهو نايم على السرير والا قاعد على كرسي بعجل وانا فايدي الحل
خلود انا اذيت ناس كتير ملهمش ذنب الأول منى اللي كان ممكن مستقبلها يضيع
ودلوقتي حسين اللي لو موقفتش جمبه مستقبله حيضيع
خلود :لاء حسين لاء حسين مستقبله ميضيعش ابدا ده انا اضحي بعمري كله عشانه لكن ميحصلوش حاجه لاء لاء
ياسمين :خلود خلود انتي بتحبي حسين
خلود :حسين ده حب حياتي انا عمري ماقلبي دق لحد غيره فيوم من الأيام ياما حلمت واتمنيت باليوم اللي يحس فيه بحبي ليه يسمع صوت دقات قلبي وهي بتنادي بإسمه بحبه بحبه أوي يا ياسمين وحموت لو جراله حاجه انا مستعده افديه بروحي بعمري بس هو يخف ويبقى كويس
ياسمين :ياحبيبتى ياخلود معقوله الحب ده كله فقلبك ناحية حسين وانا معرفش طب ازاي محستش بيكي ازاي ماخدتش بالي ازاي
خلود :وهو تفكيرك فحمزة طول الوقت مديكي فرصه تفكري فحاجه واللا تشوفي حاجه
ياسمين :حمزة ياحبيبي ياحمزه ياترى انت فين ياحبيبي
خلود انا حمشي وحرجعلك تاني اطمني ياخلود حسين حيخف وحيقف على رجليه تاني وان شاء الله ربنا حيجمعكم ببعض
تجلس ارضا على ركبتها امام كريمه وتقبل يدها :حقك علية والله ماكنت اقصد ان حسين يحصلله حاجه
بس اطمني حسين حيسافر وحيخف وحيرجع أحسن من الأول
كريمه :حقك علية انتي يابنتي انا عارفه انك مكنتيش تعرفي اللي حيحصل انا بتكلم من حرقتي على ابني الضنا غالي يابنتي بكرة تتجوزي وتخلفي وتعرفي يعني ايه ضنا
تتركهم ياسمين وتغادر المكان وهي قد اخذت قرار بأنها لن تهداالا بسفر حسين لتلقي العلاج مهما كلفها الأمر
😰😰😰😰😰😰😰😰
فى شركة الشريف
تعلن السكرتيرة عن مجئ ياسمين لمقابلته
تدخل عليه وهي في حاله لا يرثى لها
😭أهلا بالبرنسيس ياسمين اقعدي
ياسمين :..........
_انتي جايه تسمعيني سكوتك خلصي أنا مش فاضيلك
ياسمين :انا انا
_انتي ايه ماتنطقي
ياسمين :انا موافقه
_موافقه على ايه
ياسمين :على اللي عاوزه مني
_أيوة كده انا احترم الست الذكيه
ياسمين :بس بشرط
_وانا محدش يتشرط عليةيا شاطرة
ياسمين :وانا مش حنفذلك طلبك غير لما حسين يتعالج حسين اتشل عارف يعني ايه يعني مش حيقدر يمشي تاني
راغب :يستاهل محدش قالله يتشطر ويعمل نفسه راجل يتحمل بقى
ياسمين :وانا موافقتي على طلبك مشروطه بسفره قلت إيه
_حيسافر تمام كده
بس كلمتي قصاد كلمتك واللي يرجع فكلامه يبقى كتب نهايته بايده انتي فاهمه
ياسمين :فاهمه
ياسمين :حتتكفل بكل مصاريف علاجه
راغب :ماشي بس خدي بالك انتي لحد دلوقتي مشفتيش غير حنيتي لكن لو فكرتي تلعبي من ورايا تاني حتتكوي بناري انا راغب واظن انك عارفه راغب ممكن يعمل ايه
ياسمين :كل ده ومشفتش نارك ليه عاوزني اشوف إيه اكتر من كده حرام عليك
راغب:ههههههه نار ايه بس اللي بتتكلمي عنها دي كانت لسعه خفيفه كده عشان تعرفي اللي بيهزر معايا بيحصلله ايه لكن لو شفتي ناري اللى بجد حتلعني اليوم اللي امك جابتك فيه للدنيا
انا حنفذ وعدي معاكي وروحك حتكون قصاد انك متنفذيش وعدك معايا
ياسمين :قلتلك حاضر حاضر خلاص ارتحت
راغب:لاء مارتحتش ومش حرتاح غير لما تبقي مراتي ياياسمين
ياسمين :لما اطمن بنفسي واشوف حسين بعنيه وهو بيركب الطياره
راغب :وبعد ماتشوفيه مفيش مرواح بيتكم تانى
ياسمين :امال حروح فين
راغب:بيتي ياماما بيتي فاهمه واللا مفهمتيش لسه
كتب الكتاب والفرح حيبقوا فنفس يوم السفر انتي فاهمه
ياسمين :حاضر
راغب وهو يلمس خدها:ايوة كده خليكي شاطرة كده واسمعي الكلام
تبعد يده عنها:ابعد ايدك عني
راغب :ابعد ايدي ده إيه ده كلها كام يوم وحتبقي كلك لية
ياسمين :لما يبقى ييجي وقتها
😰😰😰😰😰😰😰😰
تعود إلى البيت لتجد أمها فى انتظارها :اتاخرتي كده ليه ياياسمين كنت فين ده كله
ياسمين :اطمني ياماما مش حهرب تاني خلاص
صفاء :حسين عامل ايه
ياسمين :حسين اتشل ياماما
صفاء :اتشل يالهوي
ياسمين :ماما انا وافقت اتجوز راغب خلاص
صفاء :معقوله ياياسمين امال كل ده كان لزمته إيه من الأول
ياسمين :لازم اتجوزه ياماما والا حسين حيتحكم عليه انه يعيش مشلول العمر كله
حسين حيسافر ياماما يتعالج برة وانا اشترطت على راغب ان موافقتي بشرط انه يسفر حسين ويدفع تكاليف العلاج
صفاء :ماشي يا ياسمين اعملي اللي يريحك
تدخل ياسمين غرفتها لتنهار فى البكاء تاخذ صورة حمزة فى حضنها وتبكي بمرارة
حقك علية ياحبيبي والله غصب عني مش بأيدي انا لو علية كنت مستعده اموت قبل ما اكون لحد غيرك
لكن حسين ذنبه ايه يضيع مستقبلي بسببي سامحني ياحمزة سامحني ياحبيبي
😰😰😰😰😰😰😰
فى اليوم التالي
تجلس امامه تتحدث إليه :حسين انت حتسافر خلاص وان شاء الله حتخف وتقف على رجلك تاني
حسين وهو يتحامل على نفسه ليتحدث :انتي بتقولي إيه ياياسمين ازاي عاوزاني اقبل اني اسافر وتعالج بفلوس الحيوان ده اه اه
انا عندي افضل مشلول كده ولا اسافر بتمن بيعك نفسك ليه ياياسمين
ياسمين :حسين الله يخليك متتعبش قلبي انا قلبي موجوع بما فيه الكفايه
انت حتسافر ياحسين حتسافر وحتتعالج وحتخف وحترجع زي الأول وأحسن
حسين :وانا حتى لو وافقت تقدري تقوليلي حسافر ازاي لوحدي
ياسمين :مش حتسافر لوحدك ياحسين
حسين :أمي ست كبيرة يا ياسمين مش حمل سفر وبهدله
ياسمين :خلود ياحسين خلود هي اللي حتسافر معاك
حسين :خلود وايه اللي حيسفرها معايا وليه تسافر معايا
ياسمين :عشان حتبقى مراتك وطبيعي جدا ان مراتك تكون معاك
حسين:مراتي انتي بتقولي ايه يا ياسمين
ياسمين :حسين خلود بتحبك ومحدش حيخاف عليك ولا حيراعيك زيها اتجوز خلود ياحسين عشان خاطري اتجوزها وخدها معاك وسافروا سوا واكون حكون مطمنه عليك وهي معاك
حسين :بس ياياسمين انا طول عمري بعتبر خلود اختي وعمري ماتخيلت انها ممكن تبقى مراتي
خلود :تخيل ياسيدى ادي لنفسك الفرصه انك تشوفها بقلبك وقتها قلبك حيعشقها خلود جدعه ياحسين وبتحبك عارف ده معناه ايه
حسين :معناه اني لازم موافقش على كلامك ده حرام عليكي ازاي عاوزاني اقبل اني اخليها تعيش مع انسان عاجز مشلول
ياسمين :حتخف ياحسين
حسين :وافرضي ماحصلش مش حقدر ياياسمين مش حقدر وبعدين حنسيبك لمين
ياسمين :معايا ربنا ياحسين اقوى من كل قوي
حسين :ونعم بالله بس بردو انا مش موافق
ياسمين :حرام عليك بقى ياحسين هو انا حيفضل مكتوب علية وجع القلب
💙معلش بقى ياجماعه انا مضطرة ادخل انا عاوزة انام وشكلهم ليلتهم طويله يادي النيله انا حفتح الباب وادخل بقى
ايه فى ايه متقرفونيش بقى انا مش ناقصه قرف
ياسمين :عبير اهلا بيكى اتفضلي
حسين :اه كده تدخلي من غير سلام مش كفايه اللي عملتيه فية ده
💙قدرك يااخويا والنبي ماتزعل مني بس حظك كده
المهم بصوا بقى انا متسحبه بالراحه من غير ماحد يحس بية
وعاوزة ارجع بسرعه لأحسن جوزي يقتلني
حسين اسمع كلام ياسمين وخد خلود وبالسلامة
البت بتحبك يابني ادم هو البعيد مابيفهمش
حسين :وانتي عاوزاني استغل حبها مش كده
💙يالهوي شكلك حتشلني وانام عالسرير اللي جمبك افهم ياحسين الحب عمره ماكان استغلال الحب انك تقف جمب حبيبك ومتتخلاش عنه
والا يبقى ملوش لازمه
عارف انت لو شوية عضم فقفه بردو خلود حتفضل تحبك
خلصنا بقى ووافق خاظللي البت تسافر معاك عشان اشوف حعمل ايه فى اللي قاعده دي كمان
حسين :حرام عليكي ياعبير كفايه عليها كده
💙يادي النيله على عبير وسنين عبير مش كفايه القراء اللي حيولعوا فية حتبقوا انتوا كمان
استنى بص والله لاريحك :ياخلود انتي ياخلود تعالي
خلود :ايوة ياعبير
💙قوليلي ياخلود بتحبي حسين
خلود :..................
💙تمام السكوت علامة الرضا
موافقه تسافري معاه وتتحملي تعبه وتقفي جمبه لحد مايقف على رجله تاني
خلود :انا اشيله فرموش عينيه واقعد طول العمر تحت رجليه لحد مايخف ويقوم بألف سلامه
انا مستعده لأى حاجه فى الدنيا
بس اكون جمب حسين ومبعدش عنه
حسين :معقوله ياخلود بتحبيني كده وانا محستش
💙ومنين نجيب احساس للي مايحس
اديك سمعت اهوه بودانك ارتحت كده
خلصني بقى ووافق خلينا اشوف الباقيين حعمل معاهم ايه
حسين :خلاص يا عبير اللي انتوا عاوزينه
💙انا عاوزه انام وربنا خلاص التيرم التاني رجع وبدأنا القرف داهيه تاخد المدارس عالتعليم ياللا حسيبكم والحق ارجع قبل ماجوزي ياخد باله اني مشيت ويقلب علية ويحلف علية مانا كاتبه الروايه
وهو بيتلكك مش مقدر مواهب مراته
بزمتكم انا مش عسل
حسين :عسل والله يابيرو بس خفي علينا شويه وخصوصاً على ياسمين
ياسمين يالهوي تصبحوا على خير ياحلوين واشوفكم فى الطياره وانتوا مسافرين
ياسمين :بقى تسمع كلام عبير ومتسمعش كلامي
حسين :ماهي اللي بتكتب الروايه ووافقت او لاء حتنفذ اللي فدماغها
💙هههههههه جدع
💙💙💙💙💙💙💙💙💙
الحلقه الحاديه عشر من رواية
قلوب تنزف عشقاً
بقلمي :عبير سليم
😰😰😰😰😰😰😰
يعني إيه تتجوز حسين ده انا اقتلها خلود مش حتكون لحد غيري مهما حصل
ياسمين بمنتهى الهدوء:خلود حتتجوز حسين يااسامه وحتسافر معاه وانت مش حتقدر تيجي ناحيتهم ولا تلمس شعرة منهم لأن المرة دي انا اللي حقفلك مش حد تاني
الفلوس اللي انت عاوز تقبضها تمن ماحتبيعني حتاخدها
لو وقفت ادام جواز خلود وحسين مش حتجوز راغب حتى لو اضطريت أموت نفسي ووقتها حتخسر الفلوس اللي هيا كل أملك
وانت وانا والدنيا كلها عارفين ان الفلوس عندك أهم من اي شئ مانت بعتني عشان الفلوس مش حتيجي على خلود يعني
افتكر ان الفلوس عندك اهم واغلى من خلود مليون مرة واللا عندك رأي تاني
اسامه :إيه الهدوء اللي بتتكلمي بيه ده غريبه أوي اللي يشوف صويتك وجنانك الفترة اللي فاتت ميشوفكيش وانتي هاديه كده وعاقله
ياسمين :خلاص خلصت يااسامه معدش فية نفس لأي حاجه وانا بعد خسارتي لحمزة معنديش حاجه تانيه أخاف عليها
حتى خلود اللي كانت مرايتي اللي بشوف فيها نفسي حتسافر هي كمان وتسيبني وياعالم حنتقابل تاني واللا لاء
أسامه :وانا مش حسيبهم يتهنوا ببعض ياياسمين وخلود لية يعني لية انتي فاهمه
ياسمين بصوت عالي :انت اللي لازم تفهم كويس أوي انك لو لمست شعرة من حد فيهم المرة دي حخللي اللي اسمه راغب ده بنفسه هو اللي يقفلك انت فاهم
واسمع اللي حقوله ده كويس أوي بعد ماخلود وحسين ماحيسافروا حتنيل اتجوز راغب وانت حتاخد الفلوس ووقتها حتخرج من حياتي للأبد ولاحتبقى اخويا ولا اعرفك ودي حتكون اخر حاجه بيننا
صفاء :حتقاطعي اخوكي ياياسمين
ياسمين :اخويا ههههههه تصدقي ضحكتيني والله ضحكتيني
اخويا انتي عارفه مين هو اخويا
اخويا هو اللي يخاف علية
هو اللى يحميني هو اللي يكون سندي فى الدنيا اخويا هو اللي اتحامى فيه من غدر الزمن
لكن ابنك ده ملوش أي علاقه بالاخوة عمره ماكان ولاحيكون اخ لية
أنا حزينه بجد على أنه أخويا ياخسارة
أسامه :ياعيني تصدقي صعبتي علية والدمعه حتفر من عيني مع السلامه الحق علية كنت عاوز اامنلك مستقبلك واعيشك فى النعيم بدل الفقر اللي عيشنا فيه العمر كله
ياسمين وهي تنظر له بقرف :بقولك إيه انت مش كل اللي بهمك الفلوس اشبع بيها
ماما انا بكرة الصبح حروح المستشفى عشان كتب كتاب خلود وحسين وبعد كده حنطلع عالمطار عشان اطمن عليهم والزفت اللي اسمه راغب حيجيلي على هناك وحنروح الفيلا عنده عشان كتب الكتاب
حتيجي معايا واللا لاء
صفاء :يالهوي يابنتى وهو معقوله أسيبك فى حاجه زي دي وكمان عاوزة اكون جمب خلود دي بنت اختي اللي ماتت قبل ماتطمن عليها
😰😰😰😰😰😰😰
فى اليوم التالي
امام الغرفه تجلس وهي تبكي بشده
ياسمين :في واحده بردو تعيط وابنها بيتجوز ياخالتي
كريمه :غصب عني والله ياياسمين طول عمري وانا بحلم باليوم اللي حشوف فيه حسين عريس فى الكوشه وكل صحابه حواليه ويرقصوا معاه ويفرح ويبنسط ويعيش حياته ويحس بالسعاده
لكن اللي عمره ماجه فبالي ان اشوف ابني بيتجوز وهو نايم على ضهره مش قادر حتى يقعد حيبقى شايف مراته حلاله قدام عينيه ومش قادر يسعدها ولا يسعد نفسه وياعالم ربنا حياخد بايده واللا حيتحكم عليه طول العمر انه يبقى عاجز
ياسمين :حقك علية ياخالتي سامحيني عشان خاطر حسين انا عارفه اني السبب فى كل اللي حصل
كريمه:كله مقدر ومكتوب
والمكتوب عالجبين لازم تشوفه العين
ياسمين :ان شاء الله حيتعالج وحيرجع يقف على رجله تاني بأمر الله
كريمه :يارب ياياسمين يارب
ياسمين :طب قومي معايا عشان خاطري قومي اقعدي جمبه وهو بيكتب كتابه باركيله وباركي لخلود دي يتيمة الأب والأم
كريمه :حقوم الأول أصلي ركعتين أدعي ربنا انه يقف جمبه وادخلهم
فى داخل الغرفه
متاكده ياخلود من قرارك خلود متاكده انك مش حتندمي
خلود احنا لسه فايدنا نرجع فيه ووالله مش حزعل
خلود:ياااه اول مرة اسمع اسمي بالجمال ده عمر ماحد نطق اسمه كده تعرف اني حبيت اسمي اكتر لما سمعته منك يا خلود
حسين اللي عاوزاك تتأكد منه ان ده الحلم اللي كان نفسي طول عمري انه يتحقق
حسين انا بحبك من زمان أوي وكنت عايشه على أمل اننا نكون لبعض فيوم من الأيام
حسين :بس أكيد كنتي بتحلمي زي اي بنت بفرح وكوشه وراجل مش عاجز
خلود :ايوة حلمت بده وحبقى كدابه لو قلت غير كده بس كون حاجه من الحلم ده يتحقق ده يكفيني وكفايه انك انت اللي معايه
يااخي من الاخر كده انا اهم حاجه عندي انك حتبقى جوزي وانا مراتك قتقعد بقى نايم واقف في اي شكل انا راضيه انت مالك
على قلبك يا عريس قاعدين تلقيحه ومحنش ماشيين
حسين :ههههههه
خلود :ياختي على ضحكة امك والنبي عسل
تدخل ياسمين وكريمه وصفاء
صفاء وهي تحتضن خلود:ألف مبروك يا خلود ربنا يهنيكي يارب
خلود :الله يبارك فيكي يا خالتي
صفاء :مبروك يابني ربنا يهنيكم خد بالك من خلود دي طيبه وبنت حلال
حسين :اخد بالي منها إيه بس دي هيا اللي حتاخد بالها مني
كريمه:ان شاء الله حتخف ياضنايا وتبقى زي الفل
حسين:ان شاء الله يا أمي
يدخل المأذون بصحبة أحد أقارب حسين وبعض الجيران لعقد القران
حسين :خلود عمي اسماعيل حيبقى وكيلك
اسماعيل :ألف مبروك يا بنتي
خلود :الله يبارك فيك يا عمي
يبدأ المأذون فى اجراءات عقد القران
حتى يصل الى بارك الله لكما وبارك عليكما وجمع بينكما في خير
يباركون لهم الجميع ويتم الاستعداد للسفر حتى لايتاخرون عن ميعاد الطائرة
فى المطار
خلود:خدي بالك من نفسك ياياسمين وطمنيني عليكي باستمرار
ياسمين :حاضر يا حبيبتي وانتي كمان خدي بالك من نفسك ومن حسين
خلود :حسين ده فعنيه ياياسمين
يسلم على ياسمين وأمه
كريمه :مع السلامه يابني خدي بالك من حسين ياخلود حسين أمانه فرقبتك
خلود :متخافيش على حسين يا خالتي ده نور عينيه
كريمه :خللي بالك من نفسك ياضنايا وطمني عليك
حسين :حاضر يا أمي
كريمه :حتوحشني اوي ياحبيبي
حسين وهو يقبل يدها:انتي اللي حتوحشيني اكتر ياست الحبايب
تحرك خلود حسين على الكرسي المتحرك نحو الطائرة
بينما يخرج الآخرون من المطار فتجده أمامها
خلاص خلصنا واللا لسه فى حاجه تانيه
ياسمين :انا تحت أمرك
راغب:ياللا قدامي
يسحبها من يديها نحو السيارة لتركب بها حيث يبدأ مشوارها مع العذاب
😰😰😰😰😰😰😰😰
تدخل ذاك المكان الذي يعتبر بالنسبه لها بمثابة مقبرة ستدفن بها ليس أكثر
لم يبهرها المكان لم تتأثر بفخامته مكان لم تشاهده إلا عبر الشاشات التليفزيونيه فقط ولكنها لم تكن تتمنى هذا فى يوم من الأيام
كل ماكانت تتمناه فقط هو ان يكون حمزة هو من يشاركها فرحتها
كانت تحدث نفسها:اطمني ياياسمين اطمني انتي فكابوس أيوة كابوس وحتفوقي منه
وحترجعي تاني لحبيبك اللي عمر ماحيكون فى حبيب غيره أبدا فى حياتي
بينما كانت صفاء تحدث إبنها عبر الهاتف:انت فين يااسامه
أسامه :كنت بعلق نور عالبيت وجاي
صفاء :طب متتاخرش يا اسامه
أسامه :مش حتاخر حجيب كام واحد من صحابي وجايين بس ايه صيت لبتك فى الشارع والناس كلها متغاظه ان ياسمين حتتجوز رجل اعمال وصاحب شركه
صفاء :وده وقته يا اسامه
أسامه :امال لو مكنش ده وقته حيبقى امتى لازم الشارع كله يعرف احنا ناسبنا مين ياللا انا حخلص وجاي سلام
فى الأعلى تجلس وتتحدث اليها :انا مش عارفه اهنيكي واللا اعزيكي ياياسمين
ياسمين :ميرا انا محتاجاكي اوي جمبي متسيبينيش الله يخليكي
ميرا :انا معاكي ياحبيبتى شوفي انتي عاوزة إيه وانا حساعدك فى اللي انتي عاوزاه
ياسمين :انا مش عاوزة الزفت ده يقربلي ولا يلمسني
ساعديني شوفيلي اي حل انا استحاله اكون ليه مهما حصل والله لو حصل بيني وبينه حاجه لكون مموته نفسي
ميرا :ياحبيبتى ياياسمين للدرجه دي بتكرهيه مكنتيش وافقتي عالجواز ياحبيبتى
ياسمين :لو مكنتش وافقت كان حسين حيعيش مشلول العمر كله
ميرا :بس دي تضحيه تمنها غالي أوي يا قلبي
ياسمين :مكنش ينفع غير كده ياميرا انا فى ناس اتاذوا بسببي اهل حمزة كفايه انهم سابوا الحته اللي عاشوا فيها طول عمرهم
منى اخت حمزة اللي كان ممكن فثانيه يضيع مستقبلها
حمزة اللي اتشل كنتى عاوزاني اعمل إيه ياميرا
اسيبه واتخللى عنه اسيب الراجل اللي وقف جمبي ومدلي ايده وانا فعز خوفي وعجزي
وقف جمبي فى نفس الوقت اللي كان اخويا فيه بيحسب تمني حيبقى كام
اخويا اللي من لحمي ودمي
كانت تتحدث وهي منهارة من شدة البكاء
اخذتها ميرا فى احضانها لتنهار ياسمين فى البكاء
انا خاينه ياميرا انا خنت حمزة خنت روحي ياميرا انا حسه اني بموت لاء انا مش قادرة مش قادرة استحمل اني اكون على اسم حد غيره
يارب اقف جمبي يارب
يارب انتقملي من كل ظالم ومفتري جبرني على حاجه مش عاوزاها
كل حد استغل ضعفي وقلة حيلتي انا مليش غيرك انت يارب انا استنجدت بالبشر ومنفعش مليش غيرك يا رب
ثم رفعت يدها للسماء ودعت ربها
اللهم إني أشكو إليك ضعف قوتي وقلة حيلتي وهواني على الناس
ياأرحم الراحمين أنت رب المستضعفين وربي إلى من تكلني إلى بعيد يتجهمني ام الى عدو ملكته أمري
ظلت تدعو ربها وهي منفطر قلبها من البكاء بينما كانت ميرا تبكي على بكائها
ولكن ليس بيديها شئ تفعله لها
ميرا :خلاص اهدي ياحبيبتى اهدي بقى الدموع مش حتفيد بشئ
ياسمين :حتساعديني ياميرا ساعديني ارجوكي
ميرا :طب وده حنعمله ايه بس ياياسمين انا حتى لو جبتلك منوم واديتيهوله الليله طب وبكرة وبعده وبعدين راغب مش غبي وحيعرف ومش حيسيبك ياحبيبتى
ياسمين :لاء ماهو مش حيلمسني والله على جثتي انه يلمسني والله لقتله
ميرا :طب اهدي اهدي عشان خاطري
يفتح الباب ويدخل فجأة
ياسمين :مش تخبط قبل ماتدخل
راغب:اخبط ده إيه ده بيتي وكل مفاتيحه فايدي ومن حقي افتح اي مكان وادخله وبطلي عياط بقى بلاش هبل
باللا اجهزي كلهاشويه وكل شيء حيتم فاهمه واللا لاء
اسمعيني كويس واعقلي كده انا صحيح حطيت فى حساب المستشفى كل تكاليف العلاج بتاعة الواد ده وظبطله كل حاجه هناك
لكن وغلاوتك عندي لاقدر فثانيه الغي كل اللي عملته ويرجعوه على اول طيارة لو مااتلميتيش كده وعقلتي فهمتي
يخرج وهو يدفع الباب بقوة بينما هي:ربنا ياخدك يارب ويريحني منك
ياسمين :قومي معايا ياياسمين قومي حبيبتي
بعد مرور بعض الوقت وفى احتفال يضم الكثير من رجال الأعمال صور تلتقط لهما ليتم وضعها على مواقع التواصل الاجتماعي
زواج رجل الأعمال المصري مالك شركات الشريف لأعمال التجارة والاستيراد والتصدير راغب الشريف على الانسه ياسمين
اضحكي متبوزيش الناس بتصورنا
كانت لاترد عليه ممسكا بيديها بينما هي كالدميه فى يده يحركها كيف يشاء
يضغط على يديها لتبتسم فتبتسم ابتسامه باهته خاليه من الحياه
بينما كان اسامه يتنقل بين المدعوين وهو فخور بأن اصبح ينتسب لتلك العائله
ميرا وهي تبحث عن زوجها:يامن انت هنا بتعمل إيه
يامن:عاوزة إيه
ميرا :يامن انت سكران
يامن :ملكيش فيه وامشي من قدامي دلوقتى
ميرا :يامن ميصحش كده تعالى معايا بلاش فضايح
تأخذه من يده وتبتعد به بعيدا عن أعين الناس
فى ايه يايامن اول مرة اشوفك كده
يامن:وانا أول مرة اشوف راغب كده
كل حاجه حتروح من ايدي خلاص
ميرا :راغب بيحبك يايامن
يامن:ههههههه راغب عمره مابيحب غير راغب جواه سم لكل اللي حواليه
لو بلع ريقه حيتسم وانا حاسس اني نهايتي حتكون على ايده
ميرا :كل ده عشان حيتجوز
يامن :حتشوفي ووقتها حتصدقيني
ميرا انتي بتحبيني
ميرا :ايوة أكيد طبعا
يامن :يبقى لازم تساعديني نطلق ياسمين منه
ميرا :اصلا ياسمين مش طايقاه وقلبي متقطع عليها ومش عارفه اعملها إيه
راغب :حنساعدها تخلص منه ولازم ده يحصل فى اقرب وقت
ينتهي حفل الزفاف
صفاء :مبروك ياياسمين افرحي يابنتى وياعالم يمكن تفرحي معاه وتنسي اللي فات
ياسمين :مع السلامه يا ماما
تتفاجأ براغب وهو يحاول رفعها:
انت بتعمل إيه
راغب :حشيلك فيها حاجه دي
ياسمين :لاء انا حطلع لوحدي
يصعدان سويا إلى الأعلى بينما يغادر الجميع المكان
صفاء تدعو لها:ربنا يهنيكي ياياسمين ياللا يااسامه
أسامه :ياللا بينا خللي الواحد بقى يعيشله يومين
فى الأعلى
فى داخل جناحهم الخاص
أخيراً حلمي اتحقق وبقيتي معايا
ثم يقترب منها ليقبلها فتبتعد عنه سريعا
راغب :فى ايه
ياسمين :لاء
راغب :لاء، إيه.
ياسمين :لاء مش حتقرب مني ابعد عني
راغب :انتي اتجننتي والا إيه انا جوزك
ياسمين :الجواز رضا وقبول وانا مش راضيه
راغب :انتي وافقتي واللا نسيتي انك ماضية بإيدك
ياسمين :غصب عني قرار اخدته وانا مجبورة عليه
راغب:بقولك إيه شغل العيال ده مش علية انتي فاهمه انتي مراتي فاهمه يعني ايه يعني من حقي اخد منك اللي انا عاوزه وفي الوقت اللي يجيلي فيه مزاج سواء بقى كان بمزاجك او غصب عنك مش حتفرق معايا
ياسمين :مانت حيوان
فلا تشعر سوى بصفعه قويه على وجهها:انا حيوان يابت ال.......... انا بقى حوريكي شغل الحيوانات
ولكنها سريعا وبمجرد ان وقعت عيناها على طبق الفاكهةلم تشعر إلا وهي تلتقط السكين سريعا وتجرح به رقبتها لتتخلص من حياتها قبل أن يلمسها ولكنه يمسك منها السكين
وقد نزلت قطرات بسيطه من الدماء
مجنونه انتي مجنونه
ياسمين :متقربليش ابعد عني
راغب:ماشي ياياسمين بقى روحك عندك اهون من اني المسك انا حوريكي حعمل فيكي إيه
😰😰😰😰😰😰😰😰😰
الحلقه الثانية عشر من رواية
قلوب تنزف عشقاً
بقلمي :عبير سليم
😰😰😰😰😰😰
فى احدى الدول الاوروبيه
تجلس أمامه على الفراش تطعمه فى فمه:خلاص كفايه كده ياخلود شبعت والله
خلود :لاء لسه لازم تاكل دي كمان
حسين :مش قادر والله ياخلود انا شبعت بجد
خلود :طب يارب اموت لو ماكلتش دي من إيدي
حسين :ألف بعد الشر عنك اوعي تدعي على نفسك تاني انتي فاهمه
خلود :ايه افهم من كده انك خايف علية
حسين :يعني تخافي علية الخوف ده كله ومخافش عليكي
خلود :واحده قصاد واحده يعني ماشي ياسيدي مع اني كنت عاوزاها تبقى خالصه لوجه الله
حسين :لا والله ياخلود انا مقصدش انتي عارفه غلاوتك عندي
خلود معلش متزعليش مني انا مش بعرف ارتب الكلام وأوقات بقول الكلام من غير ماافكر فيه
خلود:لا ولا يهمك ياسيدي اي كلمه تطلع منك على قلبي زي العسل
حسين :ده انتي العسل كله ياخوخه
خلود :لاء بص انا قلبي ممكن يقف دلوقتي
حسين :ههههههه مجنونه وربنا
خلود:بقى أنا مجنونه طيب ماشي خف انت بس وانا حوريك شغل الجنان اللي على أصوله
حسين :تفتكري حرجع اقف تاني على رجلي ياخلود
خلود :ايوة طبعآ ياحسين خللي ثقتك فربنا كبيرة وخليك متأكد من ان ربنا مش حيخذلك
حسين :يارب ياخلود بس دول بيقولوا حنحتاج بعد العمليه نقعد هنا فترة طويله
خلود :وإيه المشكله واحنا ورانا إيه يعني براحتهم عالاخر
حسين :أيوة بس انتي إيه زنبك فكل ده بس
خلود :ذنبك ايه ذنبك بحبك
هو بعد الحب ذنب
علشانه اموت انا
حسين :مش بقولك مجنونه بس احلى مجنونه
خلود :مجنونه بحبك ياحسين
حسين :من امتى ياخلود
خلود :من أيام ماكنا قد كده هوه
من وقت ماكنا بنلعب فى الشارع
حسين :معقوله بس انا عمري مااخدت بالي من حاجه زي دي
خلود :عشان انا كنت بحاول دايما اسيطر على مشاعري
اذا كانت ياسمين نفسها عمرها مااخدت بالها يبقى انت كنت حتعرف ازاي
حسين :لا بس أمي فهمتك كويس وعرفت انك بتحبيني
خلود :قلب الأم بقى حتقول إيه
حسين :ياسمين عامله ايه يا خلود انا قلقان عليها أوي
خلود :بتقوللي انها كويسه بس قلبي مش مطمن تعرف ياحسين انا عمري ماخطر على بالي فيوم من الأيام اني ممكن ابعد عنها وابقى يادوب بعرف اخبارها بالتليفون
حسين :حقك علية ياخلود
خلود :ياربي عليك ياحسين متبقاش حساس اوي كده بص انا بحب اتكلم براحتي لكن والله ما بكونش اقصد حاجه
وبعدين ده الا انت ياحسين ده انا مستعده أروح معاك اخر الدنيا
يطرق الباب ويدخل :صباح الخير
حسين :صباح النور يادكتور شهاب
الدكتور شهاب :عامل ايه النهارده
حسين :الحمد لله بخير والله
ربنا يخليك يارب يادكتور حضرتك الوحيد هنا اللي بنفهم كلامه ونعرف نتعامل معاه
الدكتور :أنا معاك اطمن ومش حسيبك غير لما ترجع زي الأول وأحسن كمان
خلود :يارب يادكتور يارب
شهاب :النهارده ان شاء الله حتدخل العمليات مستعد يابطل
حسين :مستعد ان شاء الله
شهاب :مفيش اكل تاني خلاص وان شاء الله حتبقى زي الفل
حسين :يارب يادكتور حضرتك حتكون معايا فى العمليات مش كده
شهاب :ايوة طبعا ان شاء الله انا مبسيبش دكتور جاك فى اي عملية اطمن ان شاء الله خير
حسين :ان شاء الله
خلود :ان شاء الله يا حسين حتقوم بألف سلامه خللي ثقتك بربنا كبيرة
شهاب:ايوة كده اسمع كلام المدام
يخرج شهاب من الحجرة ليجد زميل له مصري يعمل معه فالمستشفى يتحدث إليه :
شايفك مهتم اوي بالحاله دي يعني
شهاب :مش ابن بلدنا ولازم ناخد بالنا منه
عادل:لا وبنت بلدنا كمان ناخد بالنا منها و الصراحه هي حلوة وتستاهل والا إيه
شريف :انت تقصد بالكلام ده انت عبيط
عادل :يانمس اطلع من دول يعني بزمتك اللي قاعده معاه دي مش عجباك امال لو مكنتش قلتلي بنفسك انك مشتاق لبنات مصر وهي الصراحه بطه بلدي عاوزة تتاكل أكل
شهاب وهو يمسكه من البالطو :عادل متنساش انت مين وانا مين وتحترم نفسك وانت بتتكلم معايا اصل القذر بيبقى فاكر كل الناس قذرة زيه
اللي جوة دي ست محترمه متغربه عن بلدها وجايه مع جوزها من اخر الدنيا عشان تقف جمب جوزها فشدته واللي زيها بنحطها تاج على راسنا
بتفكرنا ببنات البلد اللي اصلهم طيب فهمت والا افهمك
انا اصلي عارفك طول عمرك ديلك نجس وعمرك ماحتبقى عدل ابدا
وابعد عن طريقى احسنلك خليك فحالك يا عادل وشوف شغلك احسنلك
عادل:أعصابك حصل إيه عشان ده كله
كل ده عشان قلت كلمتين
خلاص بقى متكبرش الموضوع بقولك ايه شوفلنا سهرة حلوة نسهرها سوا
شهاب:انا داخل العمليات مع دكتور جاك مش فاضيلك عن اذنك
ويتركه ويتجه لتحضير نفسه للعمليات
عادل لنفسه :اترسم على راحتك ياشهاب عامللي نفسك مهم
بكرة نشوف مين حيضحك فى الاخر
♥️♥️♥️♥️♥️♥️♥️♥️
فى الشركه
أمال فين الشهر اللي قلت مش حتنزل فيه الشغل خالص هي العروسه معجبتش والا إيه معقوله طفشت منها بسرعه كده
الله مش بترد ليه فى إيه مالك يامعلم
والله شكلك مش شكل عريس خالص
هههههه انت مدبحتش القطه واللا إيه لا والله شكلك كده انت اللي اندبحت ههههههه
راغب :ملكش دعوة يايامن خليك فحالك
يامن:لا ده شكل السنيوريتا بتاعتك هي اللي دبحتلك القطه
راغب وهو يخبط بيديه على المكتب:قلت ملكش دعوه
يامن :فى إيه ياراغب مانا طول عمري بهزر معاك براحتي وانت بتتقبل ده عادي مالك
ثم من امتى وانت بتخبي عني حاجه ياراغب ماطول عمرنا اسرارنا مع بعض وعارفين عن بعض اللي ماحدش يعرفه
دلوقتي خلاص بقيت غريب عنك والمفروض ابقى فحالي
عمر ماخطر على بالي فيوم انك تكلمني بالطريقه دي
راغب وهو يمسح على جبهته:خلاص يايامن اقعد
يامن اعذرني انا مخنوق ومش طايق نفسي
يامن :ليه ده كله وعشان مين عشان حتة بت لا راحت ولا جت
متزعلش ياراغب بس انت اللي مديها حجم أكبر من حجمها وعملتلها مقام وخليتلها سعر من حقها تتنطط عليك
راغب :عمر مافى واحده رفضتني زي ماهي رفضاني
يامن :ليه يعني مين دي عشان ترفض راغب الشريف اللي زي دي كان آخر حلمها تعيش فاوضتين وصاله
يبقى لما تلاقي نفسها عايشه في فيللا وبقت هانم المفروض تبوس ايدها وش وضهر عالنعمه اللي بقت فيها
راغب :مش عارف اعمل معاها إيه
يامن :لا مش معقول انت ياراغب اللي بتقول كده بقى معقوله اللي قدامي ده راغب اللي الستات بتتمنى منه اشارة يبقى ضعيف كده ومهزوم ادام حتة بت
راغب :انا ممكن أكسر رقبتها وابهدلها بس انا عاوز كل حاجه تيجي بالتراضي
يامن :كل حاجه تيجي بالتراضي
انت قصدك إيه بالكلام ده ياراغب هو انت وهي محصلش بينكم حاجه واللا إيه
راغب :ملمستهاش من يوم فرحنا
يامن :نعم انت بتهزر امال انت كنت متجوزها ليه وإيه اللي مصبرك عليها ده كله ماتاخد حقك منها ان شاء الله تربطها فى السرير زي الكلاب
راغب :مش قلتلك عاوز كل حاجه تيجي بالتراضي مش بالغصب
يامن :راغب هو انت حبيت ياسمين
راغب :"" حبيتها اه حبيتها
حبيتها ده إيه انت أهبل انا بس مستخسر كل الفلوس اللي دفعتها دي والهانم تبقى مستعصيه علية والمفروض اني اكتفها او اضربها عشان اخد منها اللي انا عاوزه
انا عاوز اخد منها كل حاجه بمزاجها وبعد مااشبع منها وديني لحفرج عليها الدنيا وحجرجرها من شعرها وارميها برة الفيلا حرميها بهدومها المهلهله اللي دخلت بيها الفيلا وترجع للمستنقع اللي جت منه
يامن:وحتصبر لحد امتى ده انتوا بقالكم أسبوع متجوزين
راغب :الصبر طيب خليها تتدلعلها شويه قبل ماترجع للشارع اللي جت منه
فى داخل غرفة ميرا
حتفضلي تقاومي لحد امتى ياياسمين
ياسمين :لحد اخر نفس فية ياميرا
ميرا :ياسمين ممكن أسألك وتجاوبيني بصراحه
ياسمين :أكيد طبعا ياميرا
ميرا :"ممكن اعرف السبب الحقيقي لرفضك لراغب هل بسبب حمزة واللا بسبب الطريقه اللي اتجوزتي بيها
ياسمين :ميرا انا عمري ماتخيلت اني ممكن فيوم اكون لحد غير حمزة عمري ماجه فبالي ان حد غيره يلمسني او يتكتب اسمي على اسمه حمزة ده مش مجرد حبيبي انا عينية فتحت على حبه مشاعري اتربت على ايده ازاي بالسهوله دي اسلمها لحد غيره ازاي ازاي
ميرا :بس حمزة مات ياياسمين
ياسمين :لاء متقوليش كده انا متاكده انه عايش وحيرجع
ميرا :طب لو هو عايش زي مابتقولي هو فين
ياسمين :معرفش الله اعلم فيه ايه المهم ان قلبي بيقوللي انه عايش وانا لازم استناه مينفعش حد غيره يكون لية
ميرا :بس راغب هو الواقع اللي انتي عايشاه ياحبيبتى
ياسمين :واقع اتفرض علية اتغصبت عليه مش بأيدي اللي حصل لكن بايدي اني امنعه عني
ميرا :حتقدري ياياسمين
ياسمين :حقدر ان شاء الله انا متاكده ان ربنا حيقف معايا لانه عارف اني مظلومه وربنا ميرضاش بالظلم أبدا
تسمع ميرا صوت السيارة :ياسمين راغب جه
ياسمين :ماشي ياميرا انا حطلع اوضتي
تدخل الغرفه سريعا وتضع اللاب على رجلها وكأنها مشغوله
يدخل عليها الغرفه فيجدها جالسه وهي تضع اللاب على رجلها
فلا تجده سوى ملقى به على الأرض بقوة :ايه ده انت عملت إيه
راغب :أنا أعمل اللي انا عاوزه ده بيتي انتي فاهمه
وبعدين لما ادخل تقومي تساعديني اغير هدومي وتحضريلي الأكل واللا الهانم رأيها إيه
ياسمين :حاضر حنزل احضرلك الغدا
وتتحرك من امامه فيجذبها من ذراعها:ساعديني اغير هدومي
ياسمين :اسفه انا اللي اقدر اعمله احضرلك الاكل الحمام ان شالله حتى البسك الجذمه لكن غير كده لاء
راغب:انتي مش ناويه تتعدلي بقى واللا إيه
حتفضلي سايقه العوجان علية كده لحد امتى
خدي بالك انا صبري لو نفد حكرهك فى الدنيا ومافيها
ياسمين :انت عاوز مني إيه
راغب:سؤال غبي الصراحه حكون عاوز إيه غير مراتي حبيبتي
ياسمين :حبيبتك ههههههه اه ان شاء الله وده لحد امتى لحد ماتاخد اللي انت عاوزه مش كده
عالعموم ريح نفسك اللي انت عاوزه مش حيحصل ياراغب ونجوم السما اقربلك مني
راغب:ياااااسمين انا لو عاوز اخدك بالعافيه مفيش قوة في الكون حتقدر تقف قصادي لكن انا صابر عليكي عشان يبقى برضاكي عشان تبسطيني وابسطك لكن لو عاوزك دلوقتى مش حتقدري تقاوميني يانونه
ياسمين وهي تبعد يده عن وجهها:وانا قلتلك مش حيحصل على جثتي انك تقرب مني عاوزني اقتلني الأول
راغب :ليه وعشان مين ده كله
ياسمين :عشان بكرهك فاهم يعني إيه بكرهك
انت إيه يابني ادم انت أنا مش فاهمه انت جنسك إيه ازاي تقبل على كرامتك إنك تفرض نفسك على واحده مش عاوزاك بالشكل ده
كل ده عشان رغباتك بتذل نفسك بالشكل ده عشان شهواتك
انت بجد باللي انت بتعمله ده بتنزل من نظري أوي
وبتخليني اكرهك كل يوم اكتر من اليوم اللي قبله
راغب وهويخلع جاكته ويلقيه على الفراش:لا ماهو انا مادفعتش فيكي كل الفلوس دي عشان تعملي فية كده
فلوس للكلب اخوكي وفلوس لعلاج واحد ملوش اي تلاتين لزمه وبعد ده كله تقوليلي لاء مش عاوزاك
ياسمين :لو الموفلوس انا مستعده اشتغل واسددلك كل الفلوس اللي دفعتها بس سيبني فحالي
راغب :ههههههه تصدقي ضحكتيني انتي لو قعدتي عمرك كله تشتغلي مش حتقدري تدفعيلي نص البي دفعته فيكي
ياسمين :خلاص شوف الحل ايه عشان انا قرفت
راغب وهو يفك ازرار قميصه:انا بقى اللي ححل الموضوع دلوقتى عشان انا خلاص جبت اخري منك
يقذفها على الفراش محاولا التعدي عليها بكل قوته
كان يحاول ان يصل إليها يحاول أن يتمكن منها بأي وسيله
بينما هي كانت تحاول ابعاده عنها بكل الطرق كانت صرخاتها العاليه تجعل الطيور تطير من على اعشاشها
صرخات نابعه من قلب يرفض بشده ان يكون له
دموع تنهمر على وجهها كان يتذوق مرارتها فى فمه
طرقات عنيفه على الباب جعلته يفيق مما اقدم عليه
يقوم ليرى من على الباب:عاوزة ايه
تبعده عن الباب وتدخل إليها سريعا لتجدها ممزقة الملابس خدوش على رقبتها ويديها ووجهها ان دلت على شئ فانما تدل على مقاومتها الشديده له
تجري عليها لترتمي باحضانها وهي تبكي بشده
ميرا:حرام عليك مش كده الدنيا مش حتطير بالراحه عليها
ينظر إليها بغضب ويخرج من الغرفه بل من الفيلا كلها
ميرا :اهدي ياياسمين اهدي ياحبيبتى خلاص خرج
ياسمين :الحمد لله انك لحقتيني ياميرا كان حيضيعني
ميرا :لحد امتى بس ياحبيبتي مانا قلتلك مش حيصبر عليكي كتير المرة دي لحقتك المره الجايه الله اعلم
ياسمين حاولي تدي لنفسك الفرصه يمكن تحبيه
ياسمين :احب مين احب راغب ده اكتر واحد بكرهه فحياتي
ازاي عاوزاني احب واحد قلتله بدل المرة عشره اني بكرهه ومش عاوزاه ومفيش فايده معاه برضو
خلاني هربت مرة واتنين وكل مرة يؤذي الناس اللي بستنجد بيهم بكل قوه وجبروت
كان ذنبها ايه منى العيله الصغيرة عشان يحاول يضيع مستقبلها
حسين ذنبه ايه عشان يتشل وياعالم حيقدر يقف على رجليه تاني واللا لاء
ده مش ممكن يكون انسان أبدا انا اللي نفسي فيه ان ربنا يخلصني منه
نفسي افوق من الكابوس اللي انا فيه نفسي اغمض عيني وافتحها ملقيهوش فحياتي
ميرا :طب اهدي ياياسمين اهدي ياحبيبتي قومي ياحبيبتى خدي دش وغيري هدومك وصللي وادعي ربنا وان شاء الله حيقف جمبك ويساعدك
♥️♥️♥️♥️♥️♥️♥️
تجلس أمام غرفة العمليات تنتظر خروجه إليها
حبيبها الذي طالما حلمت ان يكون لها وتسعد به
يقترب منها:متقلقيش حيبقى كويس
خلود وهي تمسح دموعها:يارب يارب
عادل :شكلك بتحبيه أوي
خلود :حسين ده روحي
عادل :يابخته
يفتح الباب ويخرج إليها فتجري عليه:طمني يادكتور الله يخليك
شهاب :اطمني يامدام خلود العمليه نجحت الحمد لله بس
خلود :بس ايه فى ايه
شهاب :متقلقيش مفيش حاجه والله هو بس حيحتاج يقعد معانا فترة
خلود :يعني حسين حيرجع يقف على رجله تاني
شهاب :ايوة والله ان شاء الله
تتصل على ياسمين سريعا لتخبرها بنجاح العمليه
وتشكر الله على نجاة زوجها وحبيبها
♥️♥️♥️♥️♥️♥️♥️♥️♥️
فى منتصف الليل يدخل البيت وهو فى غير وعيه
فى إيه يااسامه انت ايه حكايتك يابني من يوم مااختك اتجوزت واخت الفلوس وانا لا بشوفك ولا بقعد معاك
لا عارفه انت بتروح فين ولا بتيجي منين
أسامه :وهو انا عيل صغير يعني عشان تحاسبيني
صفاء :انت سكران ياولا الله يخرببيتك انت حتضيع الفلوس اللي اخدتها عالسهر والخيبه اللي انت فيها بدل ماتعملك مشروع تبدأ بيه حياتك
اسامه :ييه ماما انا عامل دماغ ومش عاوزك تضيعيهالي انا داخل انام
يلقي بنفسه على الفراش بملابسه
فتتحسر على حال ابنها وماهو فيه
♥️♥️♥️♥️♥️♥️♥️
تدخل الغرفه فتجد الخادمه تحضر الحقيبه وتضع بها الملابس
يفتح الباب ويتحدث للخادمه دون ان يوجه لها كلاما:خلصتي
الخادمه :ايوة حضرتك
راغب :نزليها تحت
يتحدث إليها :مش عاوزة تعرفي رايح فين
ياسمين :ميهمنيش اعرف
راغب :ماشي ياياسمين عالعموم انا مسافر عندي صفقه فدبي ولازم اسافر بنفسي بس وحياتك عندي بعد ماارجعلك لحتشوفي وش غير اللي شوفتيه خالص ويانا يانتي ياياسمين
يخرج وينزل للسيارة فيتحرك السائق نحو المطار
ياسمين :يارب حلها من عندك انت يارب
😰😰😰😰😰😰😰
بعد مرور عدة ايام
البطل بتاعنا اخباره ايه النهارده
حسين :الحمد لله والله يادكتور
دكتور هو انا حبدا العلاج الطبيعي امتى
شهاب :قريب ان شاء الله وبعدين انت زهقت مننا واللا إيه
حسين :لا والله بس نفسي امشي على رجلي
شهاب :حمشي وتجري كمان ان شاء الله
حسين :عاوز كمان اريح خلود
خلود :ياسلام وهو انا اشتكتلك انا لو علية مستعده افضل تحت رجليك العمر كله
شهاب :ياسيدي ياسيدي لا انا كده حغير راعول مشاعر السناجل اللي زيي
حسين وخلود :ههههههههه
يفتح الباب:صوت الضحك برة فى ايه ياشهاب
شهاب :مفيش ياعادل ياللا بينا نسيب حسين يستريح
شهاب :حسين حبقى اعدي عليك عشان عاوز اكلمك فموضوع
حسين:حستناك
بعد مرور بعض الوقت يتحدث إليهم بصوا ياجماعه دلوقتى العلاج حيطول اوي والاقامه هنا عاليه اوي خصوصا انكم انتوا الاتنين محتاجين مكان خاص بيكم
صحيح فى مبلغ باسمك بس ممكن المبلغ يقصر معانا
حسين :طب والحل
شهاب :مفيش غير حل واحد ان خلود تشتغل وتساعدنا بأي مبلغ ممكن نحتاجه
حسين :لاء خلود مش حتشتغل انا حتعالج على اد الفلوس واما تخلص حنزل انا اشتغل واكمل علاجي
شهاب :لاء طبعا الكلام ده مينفعش كده حتضيع كل اللي حنعمله وممكن يحصلك مضاعفات
خلود :انا موافقه يادكتور بس انا حشتغل فين وايه انا معرفش هنا غير المستشفى بس
شهاب :سيبيها علية ان شاء الله حشوفلك وظيفه كويسه
خلود :ربنا يخليك لينا يارب يادكتور مش عارفين من غير مساعدتك لينا كنا حنعمل ايه
شهاب :متقوليش كده احنا مصريين زي بعض
ياللا حسيبكم عشان اشوف شغلي
حسين :خلود انا مش موافق
خلود :حسين عشان خاطري متعاندش فصحتك
حسين :كده كتير عليكي اوي ياخلود
خلود :مفيش حاجه تكتر عليك ياحسين
يقرب يديها من فمه ويقبلها :ربنا يخليكي لية
خلود :ربنا يخليك انت لية ياسيد الناس
😰😰😰😰😰😰😰
بعد مرور حوالي اسبوعين
كم كانت سعيدة بعدم رؤيتها له تتمنى لو ظلت لاتراه طيلة العمر
تعلن اصوات السيارة عن رجوعه من السفر
يصعد إليها يفتح أمامها حقيبه مملوءة بالملابس ويقدم لها عقدا من الماس والاحجار الكريمه فلا تعبأ بهم ولا تقيم لهم وزنا
فيقذفهم أرضا ويشدها من ذراعيها بقسوة:انتي عاوزة ايه عاوزاني اعملك إيه اكتر من كده
ياسمين :عاوزاك تسيبني فحالي تخرج من حياتي
راغب :مش حسيبك انا عملك الأسود ياياسمين واعملي حسابك من النهارده حتتعاملي المعامله اللي تستحقيها عشان اللي زيك خسارة فيهم المعامله الكويسة
اسمعي اللي حقوله انا صبرت عليكي كتير وخلاص الليله حتبقي مراتي انتي فاهمه
بالذوق بالعافية مش حتفرق معايا حتى لوموتي نفسك بردو حاخد منك اللي انا عاوزه وبعد كده حرميكي لكلاب السكك تاكل اللي حيبقى فاضل منك فهمتى
يخرج من الغرفه بل من الفيلا كلها متوجه الى احد أماكن السهر يشرب بجنون
كان يتوعد لها بأن يذيقها امر العذاب
انا حوريكي يا زباله مين راغب الشريف
كانت هي الاخرى قلقه بشده لاتعرف ماذا ستفعل معه
هل تهرب منه مجددا ولكن الى اين فسياتي بها اينما ذهبت
يأتيها تليفونا من خلود
ميرا :ياسمين انتي فين ياياسو
تدخل ياسمين إليها من الفرانده :انا اهوه ياميرو بكلم خلود بس ثواني وجايالك
ميرا :سلميلي عليها بصي أنا حروح عندي خلصي وتعاليلي
ياسمين :تمام ثواني وححصلك
تخرج من الغرفه وهي تغلق الباب خلفها معطية وجهها للباب وظهرها للسلم
فتتفاجا بمن يحتضنها من الخلف:حبيبتي اخيرا لابسالي ومنتظراني ياااه شعرك جميل أوي كده اول مرة اشوفه وهو على ضهرك
تشهق بقوة وتحاول تخليص نفسها من يديه
راغب سيبني انا ميرا مش ياسمين
راغب:ياسمين انا عاوزك وحشتيني اوي
ميرا وهي تحاول ابعاده عنها فلقد اخترقت رائحة الخمر الشديده انفها وتاكدت من انه ليس فى وعيه
ابعد عني انا مش ياسمين
كان مغيب بشده حتى انه كان يحاول التعدي عليها وتقبيلها
فماكان منها الا ان صرخت لتستنجد بأي شخص
الحقوني ياسمين الحقيني
بينما هو مصمم على انها ياسمين لم تعد عيناه ترى غيرها
انتبهت ياسمين للصوت خرجت سريعا فوجدته يتهجم على ميرا سيبها ياحيوان سيبها انت عاوز منها ايه
بقولك سيبها
كانت تحاول ان تمسكه وتبعده عنها بكل الوسائل
دفعها بذراعه لتسقط ارضا
قامت سريعا إليه جذبته بكل قوتها
ثواني معدوده لم تدرك فيها ماحدث غير وقوعه بشده على الدرج
دماء شديده تخرج من رأسه تملاء المكان حوله
لحظة ذهول لحظة توقف عن الزمن غير مدركين ماحدث
جرت كل منهما عليه
ليجداه لا يتحرك له ساكن
دماء لطخت أيدي ياسمين
ماهذا ماالذي يحدث
لا لا يمكن ان اكون قتلته لا بالتأكيد هو مازال على قيد الحياة
راغب راغب قوم قوم الله يخليك
انا مكنش قصدي والله
ميرا الحقيني انا قتلته راغب مات
لا انا مكنش قصدي هو مات لا مش معقولة
ميرا اتصلي على جوزك بسرعه
يتفاجئون بوجود يامن أمامهم وهو يجري عليه
راغب راغب فوق راغب رد علية
ينظر لياسمين ولتلك الدماء التي بيدها
قتلتيه ده انا حوديكي فداهيه
😰😰😰😰😰😰😰😰
تكملة الرواية من هنااااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق