رواية القرية من الفصل الثالث عشر13 بقلم اسماعيل موسى حصريه
رواية القرية من الفصل الثالث عشر13 بقلم اسماعيل موسى حصريه
#القرية13
استيقظت القريه فى صباح اليوم التالى على فاجعة ،موت اربع عائلات مرة واحده ،وجدت اجسادهم ممزقه داخل بيوتهم رغم وجود التميمة على كل باب..
سار الرعب بين الأهالى وارتفعت أصوات الصراخ فى كل مكان ،ركض الفلاحين بمواشيهم نحو بيوتهم وخلت الطرقات من الماره وأغلق البقال دكانه والحانه لم تفتح أبوابها واغلق مدير مكتب البريد مكتب البريد لحين اشعار اخر ،حتى خرج الرجل المسن إلى الطريق وقد علق فوق صدره مجموعة تمائم الموتى التى نزعها من على بيوتهم يبكى ينوح ،طائفآ على الأبواب المغلقه ان القربان لم يقبل واننا إذآ لم نقدم قربان اخر سيغضبون علينا ويقتلونا جميعآ..
رفض بعض أهل القريه كلام الرجل العجوز، لماذا يقدمون أطفالهم قربان بلا فائده ؟
جلس الرجل على الأرض يندب، انهم جائعون، انه جائع لقد زارنى فى الحلم ،اذا لم نقدم قربان اخر سيقتلونا جميعآ
وصل إلى كلام الرجل العجوز عن طريق مليكه، لم اتمالك نفسى خرجت غاضبا، صارخآ فيه انت مجنون؟
عايز تمارس طقوس الجهل مره تانيه ؟
مفيش حاجه اسمها هما وهو مفيش وحوش ولا أشباح ولا اى حاجه تانيه انت انسان جاهل متخلف
وكأن ما قلته كان خروج عن النص او هرطقه لأن الناس خافت وسمعت همسات
دا بيتكلم عليهم ويذكر اسمهم عادى ودا محرم، سوف تحل عليه لعنتهم
لكن بعض الناس سمعو كلامى ورفضو يقدمو أطفالهم اضحيه
والرجل العجوز حذرهم ان سماع كلام الغريب مش هيجر عليهم غير الموت والفناء
وان كل بيت مش هيكون مطيع ليهم هيموت الليله قبل ما الشمس تطلع....
تسارعت السحب فوق القريه تقذفها رياح شماليه عنيفه وبعد نصف ساعه اغرقت القريه بغيمات رماديه منذرة بالمطر
مش قولتلكم ؟،صرخ الرجل العجوز وهو يشير تجاه الضباب
هذا بيتهم المتنقل
قلت بتحدى دا مجرد مطر
بصلى الراجل بغيظ وكره ،بتصدقو راجل غريب وتكدبو أكبر شخص فيكم ؟
انا الوحيد إلى شاهدت المدبحه الأولى ،انا الى حفظت الأسرار وكتبتها فى كتاب العهد ،انا ادرى شخص بشوؤنكم
خرج بعض الاهالى يجرون أطفالهم ،صرخ الشيخ معدش ينفع
كل واحد يلزم بيته وابقو خلو الغريب ينفعكم
رحل الرجل العجوز يضرب بعصاة الأرض واغلقت أبواب بيوت القريه رغم ان الوقت عصر.
رجعت على بيتى لقيت مليكة مشيت ورغم شعورى بالوحده
الا انى فرحت لأنها كانت بتسأل اسأله كتير محرجه
قطعت شجره يابسه وولعت الحطب فى المدفأه ،كنت عارف انها ليله طويله لما المطر بداء ينزل على من السما
كانت مطر كثيف حباته ضخمه يضرب الشرفات مثل الحصا
اغرق اسطح المنازل والحقول وحديقة بيتى.
بعد العشا حسيت ان من واجبى ان اخرج لاتفقد بيوت القريه
كانت البيوت مغلقه ومفيش إى أثر لهجوم ،ولعت سيجاره وانا ماشى فى طرقات القريه ذى غفير الدرك فى أحياء القاهره ،مفيش حاجه همست فى سرى، الراجل العجوز كان بيهزى، لما حسيت بالبرد قلت ارجع البيت انام
وانا راجع سمعت صرخه فى اخر بيت فى القريه، جريت بكل سرعتى تجاه صوت الصراخ وقبل ما اوصل سمعت صرخه فى بيت تانى ومفيش دقايق الا وصوت الصراخ كان طالع من معظم البيوت
كنت بحاول اوصل البيوت لكن الأبواب كانت مغلقه وكل ما المس باب واخبط الصراخ كان بيتوقف
وقضيت معظم الليله أجرى من بيت لبيت وانا حاسس بالضياع وقلة الحيله.
لما الشمس طلعت والضباب انقشر اكتشفت حجم الدمار إلى حل بأهل القريه
معظم البيوت فقدت شخص أو اتنين، فى كل بيت كان فيه جنازه الا بعض البيوت القليله جدا.
انتشرت الناس فى الطرقات مفزوعين ومواسين ،بس انا مقدرتش ابص فى وش اى شخص فى القريه
انعزلت فى بيتى وقفلت على نفسى الباب، مقدرتش انفى عن نفسى انى كنت السبب فى كل الى حصل الليله إلى فاتت
ناس كتير ماتت بسسبى، لمن جوايا كان فيه حاجه أكبر بتقول يعنى كنت عايزهم يقتلو اطفال تانيه ؟
وسمعت صوت تجمهر خارج بيتى فى الحديقه ،الراجل العجوز ومعاه كام شخص بيتهمونى انى السبب فى قتل عائلتهم وبينادو بالقصاص
قصاص ايه ؟سألتهم اول ما خرجت من البيت
بص الراجل العجوز ناحيتى وقال، انت كنت سبب فى قتل عائلتهم ولازم تموت..
إحنا هنرميك فى البير تكفر عن دم الناس إلى اتقتلت ظلم بسببك...
امشى يا راجل يا مجنون انت !! صرخت بغل وتحدى الى هيقرب منى هوديه فى داهيه
بأشاره من ايده ركضو تجاهى، كانو اكتر من شخص ومقدرتش اهرب منهم.
كتفونى بالحبال وجرونى من بيتى وسط فرحة الاهالى وتصفيقهم ،جرونى عند البير الملعون واتفقوا يضحو بيا اول ما يسمعو صوت النحيب داخل البير او قبل غروب الشمس
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق