رواية قدر ربنا ليه الفصل الثالث عشر 13 بقلم وفاء الدرع حصريه
رواية قدر ربنا ليه الفصل الثالث عشر 13 بقلم وفاء الدرع حصريه
الجزء الثالث عشر ( 💥 قدر ربنا ليه 💥)
في ميعاد تنفيذ تسليم البضاعة، استلم سليمان البضاعة، ووضعها في العربية النقل من تحت، ثم غطّاها بصاجه. ومافيش أي شخص لاحظ حاجة، كأنها عربية عادية، وحطّ فوقها أقفاص فاكهة من جميع الأنواع.
كان سليمان واضع خطة محكمة: فتح تانك البنزين، والعربية هتصطدم في سور على الطريق بجوار البحر، بعيد عن منطقة سكنية. السواق كان تبعهم.
سليمان بصّ للعربية من الشباك وقال للسواق:
سليمان: العربية بتنزل بنزين. انزل وقول للي قاعدين فوق ينزلوا هم كمان.
وهي العربية دايرة، الكل نزل. والعربية ماشية لوحدها، دخلت في السور، وولعت!
السواق والناس اللي كانوا في العربية خافوا، لأن تجار المخدرات دول ناس مفتريين ما بيرحموش.
سليمان: إحنا كنا هنضيع، وزماننا كنا مع الأموات دلوقتي... وكنا لازم نفعل كده.
السواق كان معه ساعة فيها جهاز متابعة، وشافوا كل حاجة بعينيهم وهم قاعدين. انصدموا من اللي حصل، كل شيء ضاع... البضاعة ولعت... قالوا:
واحد منهم: لازم نرجع بلدنا في أول طيارة!
سليمان قال لنفسه: دلوقتي شافوا كل حاجة، لأن جهاز المتابعة معاهم... وخطتنا ماشية على أكمل وجه.
الحمد لله إننا بخير، وكل واحد رجع بيته.
كان وحيد والمحامي مستنيين سليمان في الفيلا.
سليمان: إيه رأيكم؟ دلوقتي هيرجعوا بلدهم وهم لا حول لهم ولا قوة. عشان يعرفوا إن المصريين بيعرفوا يفكروا، ومحدش يقدر عليهم.
المحامي: اللي انت عملته... ما يعملوش إبليس نفسه!
سليمان (ضاحكًا): هو أنا كنت عارف أخلّص منهم؟! دول لبّسوني قضية عمري ما عملتها، ولا كنت هعملها. أنا عمري ما أحب أضيع شباب بلدي اللي زي الورد... ربنا يحميهم ويبعد عنهم الشر.
وحيد: يعني كده... العربية ولعت باللي فيها؟
سليمان: أيوه، فعلاً ولعت باللي فيها... وكانت أقفاص فاكهة فقط لا غير. لكن البضاعة الحقيقة... أنا هولّع فيها قدام الكل.
وحيد: إزاي؟ وحضرتك كنت قايل إن المخدرات من تحت، والصاجه فوقها، وفوقها الفاكهة؟
سليمان: ده فعلاً اللي عملته قدامهم... لكن اللي هم خدوه ماكانش المخدرات. أنا هقولكم أنا عملت إيه:
اللي اتنين اللي تبعي، ما بيسيبونيش. اديتهم كلمة السر، وفي مكان تاني، أخدوا منهم البضاعة، وخبّوها في مكان آمن. واللي حضروا مكانهم كانوا مخبّيين وشهم، وعيونهم بس باينة. وكانت الأكياس اللي خدها الأجانب كلها سكر بودرة.
المحامي: مش أنا قلت لك قبل كده إنك بتعمل حاجات إبليس نفسه ما يعرفش يعملها؟! اللي عملته ده هيفيدك جدًا في التحقيق، وهتطلع براءة.
سليمان: ياه... هطلع براءة، وآخد بنتي، وأروح أقعد جنب أختي حورية.
وحيد: لا يا أستاذ سليمان، لو هتروح، تروح لوحدك. بنتك دي هتكون قاعدة معايا هنا في القاهرة.
سليمان: يعني إيه؟ بنتي تقعد معاك؟!
وحيد: أنا بطلب إيد فتحيه من حضرتك... ويا ريت توافق.
التوأم.. كانوا قاعدين مع فتحيه وحوريه بيلعبوا معهم
وكانوا فرحانين وسعداء بوجود وحيد معهم كان بالنسبه ليهم اخ وأب في نفس الوقت
فتحيه: أنتم بتحبه وحيد
التوأم: ياريت إنت تحبيه أدناه
فتحيه: هههههه ده هو كل شيء في حياتي
عند سليمان
...... يتبع ❤️ ❤️
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق