رواية قصر البيه من الفصل الخامس عشر 15 بقلم اسماعيل موسي
رواية قصر البيه من الفصل الخامس عشر 15 بقلم اسماعيل موسي
#١٥
عندما عدت من المحكمه كان الخدم فى انتظارى تتقدمهم عيشه ، يتطلعون إلى ينتظرون اوامرى بينما احنت ليالى رأسها نحو الأرض وعلى غير توقعى كانت مبتسمه.
مالكم واقفين كده ؟ عاملين تجمهر ولا آيه ؟
أردت أن امازحهم لكنهم لم يفهمو كلامى ،إنهم مجرد فلاحات غبيات ومراهقات ماذا انتظر منهم ؟
عايز سطح البيت يكون نضيف ومقعدى مفروش وكوباية القهوه تكون جاهزه بعد خمس دقايق
انسحب الخدم من امامى بسرعه..
استنى انتى ! اشرت إلى ليالى ان تلحق بي إلى غرفتى
رمقت عيشه ليالى بنظرة غل وحقد لا مثيل لها قبل أن تقصد سطح البيت.
اوامرك يا بيه !! همست ليالى وانا اجلس على السرير
قلعينى الجزمه، يكون هكون عايز منك ايه !!
نزعت ليالى جزمتى وشرابى ،احضر ميه سخنه يا بيه ؟
بصيت فى ساعتى كان وقت مش ملائم
ماشى لكن بسرعه عايز الحق الغروب من سطح المنزل
بدلت ملابسى ونقعت ليالى قدمى فى المياه الدافئه وكانت كل حركه منها مدروسه حتى تسحب نحو ركبتى
كفايه كده قلت وانا انهض هاتى المنشفه
انحنت ليالى ونشفت قدمى ووضعت تحتى القبقاب
وليالى فتاه مرهفة الجسم نحيله لكن متناسقه احسها صفراء
ولديها نظره غريبه
شكرا يا ليالى
على سطح المنزل جلست اتابع الغروب وما تبقى من الفلاحين فى الحقول ووقعت عينى على علوان ،فتى القرية المدلل وهو يتضاحك مع البنات وامين المزرعه النائم فوق الطاوله ولمحنى علوان من بعيد فأرسل تحيته التى تجاهلتها
اعرف انه وغد، واعرف ان ما جرى بينه وبين عيشه لم يسر على نحو صحيح..
وقفت عيشه خلف ظهرى كأنها تحتمى بى وهو تعاين الحقل والبنات وعلوان
يا سيدى هو انا قصرت معاك فى حاجه؟
بتقولى كده ليه. يا. عيشه ؟
صمت عيشه لحظه، اصلك خليت البنت الجديده تغسلك رجليك
هو انتى هتعملى كل حاجه بمفردك يا عيشه ؟
امال انا عينت الخدم ليه ؟
مش تعبانه يا بيه والله، انا بحب اخدمك
القيت على عيشه نظرة ساحقه حتى احنت رأسها.... متزعلش منى والنبى يا بيه
مش زعلان يا عيشه لكن متتدخليش فى إلى مكليش فيه
خدى دول، ابقى اشتريلك توب جديد أو عبايه
وابعتيلى بقية البنات
بعد أن سألت عن أحوال بيوتهم منحت كل وأحده من البنات نقود تساعدهم فى المعيشه
كن ممتنات إلى أبعد حد وشكرن رحمتى وعطفى
إن هذة الحياه برمتها غريبه والاغرب منها ما قد يتقبله الإنسان على نفسه
ثم ظهرت ليالى فجأه ووقفت جوار عيشه وهمست مش ده علوان يا عيشه ولا ايه ؟
لم ترد عيشه اختارت آلصمت فتابعت ليالى تهمس دا ملوش سيره غيرك يا عيشه ثم اردفت بأستغراب هو انتى عملاله ايه
ولا هو عملك ايه؟
قلت ملوش سيره غيرها ازاى ؟ واحمر وجه عيشه فجأه
بينما همست ليالى مقدرش اقول يا بيه عيب
_اسكتى صرخت ليالى صرخه مكتومه
واسكت ليه ؟ هو فيه حاجه بتستخبى ؟ البية لازم يعرف مشغل عنده مين عشان سمعته برضك
تركت السيجاره وقد اعتلانى الغضب ،انطقى يابت فيه ايه ماله الزفت علوان بعيشه ؟
رفعت ليالى يدها، كلام ميتحكيش يا بيه اخاف اظن بيا حاجة وحشه
اسمعى يا ليالى انا غة حالة انسجام غريبه ومش عايز افقد أعصابى، قولى إلى تعرفيه من سكات وانا أقرر
بصت ليالى على عيشه بأحتقار وغل وقالت ،بيقول انه عمل معاها العيب يا بيه ،وبيقول انك مشغلها عندك عشان تدارى عليها.
انتفض جسدى وبصيت على عيشه التى احنت رأسها نحو الأرض
الكلام دا مظبوط يا عيشه ؟
انا مقدرش اكدب عليك يا سيدى لكن والله كان غصب عنى يا بيه، ابن الحرام ظلمنى واستقوى على ضعفى
ولم اشعر بنفسى الا وانا اصفع عيشه بالقلم على وجهها
لمى هدومك وامشى من هنا بسرعه والا هدخلك السجن
انحنت عيشه على قدمى، والنبى يا بيه بلاش انت كمان تيجى عليه دا انا غلبانه والناس هتقطع جتتى
صرخت فى عيشه انا مش ممكن اشغل عندى واحده خاطيه
قذره وركلتها بقدمى امشى من قدامى بسرعه
جمعت عيشه ملابسها الجديده التى لم ترتديها بعد وتابعتها وهى ترحل من القصر تجر أقدامها جر وعلى كتفها خرقه تحمل فيها ملابسها.
لم أشعر بأى رغبه للجلوس على سطح القصر ومتابعة الغروب
دلفت إلى غرفتى أغلقت على نفسى الباب.
تسللت ليالى الى خارج القصر حيث الحقل وهناك قابلت علوان الذى ركض نحوها، ها عملتى ايه يا بت؟
متقلقش يا علوان ،البية طردها من القصر
همس علوان بسعاده برافو عليكى يا ليالى تستاهلى إلى اتفقنا عليه ووضع فى يدها نصف جنيه
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق