رواية نوح الباشا (سفر كرياتور)الفصل الخامس والعشرون 25بقلم ندا الشرقاوي حصريه
رواية نوح الباشا (سفر كرياتور)الفصل الخامس والعشرون 25بقلم ندا الشرقاوي حصريه
#الفصل_الخامس_والعشرون
تجمّد في مكانه، صوته خرج متلعثمًا
— لـــيـــلـــى!!
ابتسمت هي بعفويةٍ ودفءٍ اشتاقهما قلبه منذ زمن، وقالت بصوتٍ مفعمٍ بالشوق
— نـــــوح… حبيبي، وحشتني!
-ليلى ؟أنتِ رجعتي من سويسرا امته
همت بالحديث لكن قاطعهما موج وهى تُنادي
-مين يا نوح ؟؟
نظرت إليه ليلى بصدمة ،فهى لم تكن على معرفك بزواج نوح نهائيًا ، تقدمت خطوة قائلة
-أنت بعد ما فلست بقيت تجيب نسوان البيت يا نوح !
صاح بها قائلًا
-ايه فلست ونسوان دي يا متخلفة ، حسني ملافظك،ادخلي
ثم استطرد موجهه حديثه بصوتٍ عالٍ حتى تستمع موج
-دقيقة يا حبيبي جاي .
دلفت ليلى لتجلس على أقرب مقعد يُقابلها ،وهو أغلق الباب ،ولج إلى الداخل ،فتح باب الغُرفة وجدها تجلس على طرف الفراش ،تضع قدم على الأخرى ،تهزها بقوة .
بلع ريقه بصعوبة من هيئتها ،مُثيرة وفي نفس الحال غاضبة ،وما أدراك عندما يجتمع الصفتان في موج .
هبت واقفه عن الفراش عندما رأته ،اقتربت تقبض على ذراعه قائلة
-مين اللي جت دي. ؟؟؟ ماتنكرش،أنا سمعاها وهيا بتقولك حبيبي ووحشتني ،انطق يا نوح ؟؟
وضع كفه على كتفيها مُحاولًا تهدئتها وهو سعيد برؤية غيرتها الظاهرة بوضوح ،هتف بهدوء
-مش هنكر هيا فعلًا قالت كده
دفعته ليصتدم بالحائط ،صُدم من فعلتها ليقول
-في ايه يابت ؟؟ اعملي حساب إني جوزك طيب ، عيب الهيبة تروح
-أنا هستنى تبرر ،أنا هطلع بنفسي
همت بالخروج وأمسكت مقبض الباب لكن وضع كفه على كفيها ،قائلا وهو يتفحصها بنظره من رأسها إلى قدميها
-هتخرجي كده ؟؟؟؟
ثم استطرد
-اهدي واسمعي ،دي ليلى صديقة لينا أنا ومعتصم في سويسرا ،من ساعة ما روحنا سويسرا واحنا سوا ،وأنا بعتبرها زي أختي بالظبط،وغير كده لو بينا حاجة ما هيا قدامي ٨ سنين ،وبعدين مُعتصم بيحبها .
كأنه لم يتحدث ولم تسمع منه شيء ،هتفت مُتسائله وهى تضيق عينها بغضب
-وهيا ؟؟؟ بتحبه ولا بتحبك ؟؟؟ انطق يا بن وفاء .
ضرب كف على كف وهى يكبت ضحكته ، لا خوفًا منها لكن احترامًا لمشاعرها .
مد يده يلتقط كفها مُقربًا ياه من فاه ليُقبله قُبلة رقيقة ،ثم تحدث
-نخرج للبنت وتاخد كرمها ولا اي يا موجتي ،وبعدين احكيلك قصتها معانا .
هدأت قليلًا وهى ترى حديثه المليئ بالحنو لها ،في كُل مرة يمتص غضبها ،يُعجبها فيه هدوءه ليس مثل بعض الرجال يغضب في أقل من ثانية .
اكتفت بنظرة فقط واتجهت ناحية الدولاب ،أخرجت عباءة منزلية باللون الرصاصي ،مطرزة بخيوط ذهبية لامعة ،أخذتها واتجهت إلى المرحاض الخاص بالغُرفة .
وقفت أمام باب المرحاض والتفتت له قائلة
-استر نفسك يا حبيبي ،بدل عضلاتك اللي رايح واللي جاي شايفها دي .
قهقة على حديثها ومشاكستها له ،مد يده التقط كنزته عن الأرض ،ارتداها ثم توجة إلى المطبخ .
اخرج كأس فارغ ،وقام بإملاء عصيرة برتقال،خرج مُتجه ناحية الصالون ،وجدها تجلس منتظراه ،عندما وجدته جاء همت بالحديث لكن قاطعها قائلًا بتحذير
-اهدي كده ،علشان متدخليش زي القطر ،أنا اتجوزك من كام يوم ،واسمها موج وو….
قاطعته قائلة
-اتجوزت يا نوح من غير ما تديني خبر حتى ،أنت لغتني من حياتكم من ساعة ما نزلتوا مصر ،وبعدين أنا عرفت كُل حاجة من بره ،لو كنتوا اعتبرتوني شخص منكم مكنتوش عملتوا كده ،أنا ماشيه
وقفت عن المقعد وامسكت بحقيبتها الصغيرة وتوجهت ناحية الباب ،جاء نوح ليتحدث ،لكن خرجت موج هى تقول
-لا في دي عندك حق بس حقك عليا أنا.
وقفت ليلى عند مُقدمة الباب ،وابتسم نوح على حديث موج .
نظرت لها ليلى دون حديث ،وتحدثت موج مرة ثانية
-أنتِ عندك حق بس عيبة تكوني في بيت نوح الباشا وتمشي زعلانة ،ولا ايه ،تعالي بس دا أنا كُنت هاكل دراعه لما سمعت صوتك.
ابتسمت ليلى ابتسامه واسعه ،حتى ظهرت غمازتها بوضوح ،واستدارت لتدخل مره ثانية .
وقف مربّعًا يديه أمام صدره متأمّلًا المشهد،في كُل مره يرى موج تتحدث ،يقف يستمع إليها ،ليرى قوة حديثها في الأقناع،تكبر في نظره في كُل مرة .
جلست ليلى وهى مازلت صامته وموج تتحدث
-بصي أنتِ مش غريبة ،نوح هينزل يجيب شوية طلبات وأنا وأنتِ هندخل المطبخ نجهز الغدا ونحكي سوا ،ايه رايك !!؟؟؟
كان نوح يُطالعها بصدمة ،كانت تتحدث كانها تعرف ليلى مُنذ زمن ،لا لا سوف أجن .
تحدثت ليلى أخيرًا
-أنتِ إزاي كده ؟؟؟ أنا خلاص عرفت اتجوزك ليه ،ما شاء الله مجانين زي بعض
اقترب نوح ورفع يده كأنه سول يُضربها وقال
-يابت ما تلمي لسانك بدل ما امد ايدي عليكِ.
ثم استطرد
-أنا هدخل أغير وأنزل اجيب غداء جاهز بلاش تتعبي نفسك أعملي سلطة بس لو حابة .
اومات له موج ،ثم دلف إلى غُرفة النوم .
تحدثت موج ضاحكة
-هدخد اطرده واجيلك يا عسل أنتِ .
وتوجهت إلى الداخل ،ابتسمت ليلى واطمأنت بداخلها عندما رأت السعادة والفرح يجتمعان على وجه نوح .
في الداخل
قامت بفتح الباب بهدوء، فوجدته واقفًا أمام خزانة الملابس، يُخرج ما سيرتديه.
تقدّمت نحوه بخطواتٍ مترددة، واحتضنته من الخلف، تُلقي بذراعيها حول خصره.
توقّف لوهلة، أخذ نفسًا عميقًا، وكأن أنفاسها الدافئة على ظهره أعادته إلى سكينةٍ يعرفها فقط معها.
رفع يده ببطء، يضم كفّها المستقرة على صدره، يمرر أصابعه بين أصابعها في صمتٍ مليء بالحنين.
أمال رأسه قليلًا للخلف نحوها، وقال بصوتٍ خافتٍ كأنّه يهمس للقلب
-وجودك ورايا كده،دا كُل راحتي .
هتفت بهدوء
-نوح أنا زعلانة .
استدار لها سريعًا وكوب وجهها بين يده ليقول
-عارف وكان لازم اعرفك لكن أنتِ عارفة مكنش في وقت ،لكن هكملك القصه والله ،طريقك التعارف بينا أكيد الابله هتقولها ليكِ لما أنزل ،بس ليلى طيبة ،ملهاش حد نهائي يا موج ،وساعدتني كتير ليلى وقفت جمبي أنا ومعتصم لحد ما وصلنا اللي أحنا فيه
-حاضر يا نوح ،أكيد مش هعاملها وحش يعني كفاية إنها من طرفك،وبعدين أنا أغير كده وحده قعدت معاك ٧ سنين وأنا مكملتش سنة حتى .
ابتسم ابتسامة واسعة، ثم مال برفق وقبّل خدها الأيمن قائلاً بصوتٍ دافئ
-حبيبي الغيران ،وبعدين أنا هعيش معاكِ العُمر كُله
ابتسمت بخجل، ثم عانقته عناقًا سريعًا قبل أن تبتعد بخطواتٍ هادئة نحو الدولاب.
فتحت بابه وأخذت تُخرج له بنطالًا وقميصًا، ثم ناولتهما بابتسامة صغيرة قبل أن تغادر الغرفة، بينما هو بدأ يرتدي ملابسه سريعًا .
………………
في مقر شركة نوح الباشا سابقًا …..
تحديدًا في غُرفة الإجتماعات ،كان يجلس مُعتصم على مقعد رئيس الإدارة ،على يمينه مؤسس الشركات العالمية للتصميم والتسويق ،على يساره سُليمان وما ادراك من سُليمان .
أغلق رامي القلم قبل الإمضاء وهذا أثار الجدل،نظر الجميع إلى بعضهم بغرابة ،وتحدث مُعتصم بكُل رسمية
-خير يا رامي بيه !
في حاجة في العقود مش مظبوطة !؟؟
وقف رامي عن مقعده وضع يداه في جيبه وقال
-اسف مُعتصم بيه أنا جاي هنا علشان امضي ،مع شركة نوح الباشا،فين نوح بيه يا مُعتصم بيه ؟؟
تحدث سُليمان بود مُزيف
-يا رامي بيه ،حضرتك شوفت العقد إن نوح باشا بنفسه عامل توكيل لمعتصم بيه يعني كانك بتتعامل مع نوح الباشا بالظبط .
هزّ رامي رأسه بقوة، ونبرة صوته امتزجت بالغضب المكبوت
-لأ يا سليمان بيه، أنا مش همضي غير قدّام نوح باشا بنفسه. أنا اتفقت معاه مش مع حد تاني، ومش هغير كلامي.
حاول معتصم يتدخل بابتسامة متوترة
-يا رامي بيه، نوح باشا واثق فيا، والتوكيل رسمي ومختوم، مفيش داعي للتوتر.
نظر له رامي نظرة حادة، وقال ببرودٍ حاسم
-أنا مش بتعامل مع توكيلات، أنا بتعامل مع رجالة بتواجهني وش بوش.
ثم أشار بيده لسكرتيره الواقف خلفه وقال بصرامة
-يلا يا أحمد، لِمّ الأوراق دي كلها.
بدأ السكرتير يجمع الأغراض سريعًا ، بينما التوتر خيّم على الغرفة، عدّل رامي جاكته، وبصّ لمعتصم وسليمان نظرة كلها غضب وتحدّي
-لما نوح باشا يحب يقابلني، يعرف يوصلني.
ثم خرج بخطواتٍ ثابتة، والباب أغلق خلفه بقوة، تاركًا صمتًا ثقيلاً في القاعة ونظرات متبادلة بين معتصم وسليمان مليئة بالضيق والارتباك.
تحدث سُليمان بغضب
-وبعدين ؟ رامي هو الوحيد اللي يعرف يسوق كويس جدًا للتصاميم جوة وبره مصر ومحدش بيفتش وراه .
كان مُعتصم ينشغل عقله بالتفكير ماذا يفعل ،كُل شيء يُريد نوح ،لا يُريد مُعتصم .
تحدث بنفس ثقيل
-معرفش بس خلينا نجرب معاه تاني ونعرض عليه اكتر ،ولو مش كده يبقا نشوف شركة تانية .
هز الأخر راسه بالرفض وقال
-لا لا مينفعش حد تاني ،رامي هو اللي يقدر يعمل اللي احنا عاوزينه .
-هحاول معاه تاني .
…………….
كانت تقطع الموز إلى قطع صغيرة، وفعلت الشيءَ نفسه مع المانجا والكيوي، ثم بدأت تضعها في إناءٍ كبير.
بعد ذلك أخرجت عصير البرتقال وسكبته عليهم، وزيّنت الخليط بالقليل من التوت البري
-هتفضلي ساكتة كده كتير؟ اتكلمي يا بنتي، خدي على الجو!
أكيد مستغرباني، صح؟ ما هو طبيعي، بس بصي… الست الذكية هي اللي تكسب جوزها.
أولًا، إنتِ تعرفي نوح أكتر مني، وثانيًا، أنا مستحيل أزعلك وإنتِ في بيتي.
وبعدين أنا هستفاد إيه لو زعلت أو اتقمصت؟
هو بنفسه قالي إنك زي اخته بالظبط.
وبصراحة، حتى قبل ما أعرفه أنتِ تعرفيه ، الغيرة دي حاجة ربانية، غصب عن الواحد.
بس صدقيني، أنا حبيتك، ووشّك باين عليه الطيبة.
وكلامك مع نوح حسّسني إنك فعلًا بتعزيه هو ومعتصم من قلبك.
شعرت ليلى بحديثها وأنها تليق بنوح قولًا وفعلًا،اقتربت مدت يدها لتأخذ حبة توت بري وقالت
-أنا بجد مبهورة بيكِ أنتِ جميلة أوي وعقلة أوي ،ليه حق نوح ميسبكيش، بس أنتوا اتعرفتوا على بعض إزاي ؟؟
قهقت موج بصوتٍ عالٍ وقالت
-لا دي حكاية كبيرة أوي بدأت بغيبوبة وعقد جواز مُزيف .
عقدت ليلى حاجبيها بغرابة وتمتمت
-إزاي؟
ابتسمت موج ابتسامة باهتة وقالت
-هحكيلك ،تعالي نعمل حاجة نشربها الأول.
وبينما كانت موج تملأ الغلاية بالمياه، كان صوت غليان أفكارها أعلى من صوت الماء.
وضعت الأكواب على الطاولة وجلست، تتنفس بعمق قبل أن تبدأ الحكاية.
– أول ما فُقت من الغيبوبة… كان أول وش شُفته هو وشه،نوح.
قال لي إنه خطيبي، وإننا كنا هنكتب الكتاب قبل الحادث، وإنه لازم نكمّل ونكتب الكتاب قريب.
رفعت ليلى حاجبيها بدهشة أكبر
– وإنتِ كنتِ متأكدة من كده؟
هزّت موج رأسها ببطء
– لأ… مكنتش فاكرة أي حاجة،بس كنت حاسة بحاجة غريبة… كأن في بينا حاجة فعلاً مش عارفة، يمكن راحتي معاه، يمكن طريقته… بس صدقته.
توقفت لحظة، تنظر إلى بخار الكوب المتصاعد، ثم تابعت
– وفعلاً كتبنا الكتاب.
في الأول كان كله غريب، مش فاهمة إزاي أبقى مراته وأنا مش فاكرة ولا لحظة من حياتنا سوا،بس مع الوقت بقينا نتقرب… وابتديت أحس إن في مشاعر حقيقية.
ليلى بصوت خافت
– وبعد كده؟
ابتسمت موج ابتسامة موجوعة
– بعد فترة… الذكريات رجعت كلها.
ساعتها اكتشفت إن اللي حصل ملوش أساس… إن الجواز باطل، وإن اللي ربطنا كان كذبة، حتى لو هو عملها بنيّة إنه يحميني.
ثم استطردت
– حصلت كوارث بعدها، مشاكل ومواجهات ومشاعر متلخبطة… بس في الآخر، لما كل حاجة اتكشفت واتصلحت… اتجوزناه بجد.
المرة دي وأنا فاكراه، وأنا مختاراه.
سادت لحظة صمت بينهما، لا يُسمع فيها سوى خرير الغلاية الباقي في الخلفية.
ليلى مدت إيدها لموج وقالت بابتسامة دافئة
– شكلها كانت رحلة طويلة أوي يا موج.
ضحكت موج بخفة، وقالت
– أيوه… طويلة، بس تستاهل.
أكملت حديثها قائلة
-وأنتِ بقا نظامك ايه مع معتصم؟ عرفت انه بيحبك وعاوز يتجوزك
غضبت ليلى وظهرت علامات الغضب عليها وهتفت
-متجبيش سيرته الخاين الخسيس عد"يم الشرف
وبعدين اتجوزه إزاي وأنا
مــســيــحــية……….
يَتبع……………..
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
الفصل الخامس والعشرون 25بقلم ندا الشرقاوي حصريه رواية نوح الباشا (سفر كرياتور)الفصل الخامس والعشرون 25بقلم ن…){kind=link}
تعليقات
إرسال تعليق