مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية عــروس الجبـــايــش الفصل الثالث والثلاثون 33 بــقلم يـــاســـة الموسوي 

رواية عــروس الجبـــايــش الفصل الثالث والثلاثون 33 بــقلم يـــاســـة الموسوي 

#عــروس_الچبـــايــش 🌼33

#بــقلم_يـــاســـة

#الحلقة_33)

حرب دم وتعب وآهات ودموع

وسلب راحه وسهر والنوم مسلوب

وكل موعد فرح وأعياد وياه

وأشوف الكون من يروح مگلوب

كل هذا وتگول نعوف ونساه؟ 

لا أيوب أنا ولا أنا يعقوب 

........................... 

يُـمن :- هيَ گالت هيج والطلاب كلها باوعت عليه بصدمه وانا إحس بروحي صخنت اكيد قصدها على بُـرهان لان وصلني عبالها أنا مثلها بسرعة رديت عليها

-- كل من يرى الناس بعين طبعه صح إسمي مثل إسمج بس انا وانتِ ما نتشابها لا بالاخلاق و لا بالتربية ولا بيوم من الأيام راح اصير مثلج ومثل طبعج و أسلوبج

 و إذا عبالج انا جاية هنا اتموع و اللعب

 و اتمعشك واركض وره هذا وذاك غلطانه كلش غلطانه انا بنت ابوي و تربات عرب واعرف الحرام  واحسب حسابة گبل العيب وحچيچ هذا راجع عليج ولا انتِ 

ولا الاكبر منج توصل السمعتي وتطعن بيه هيج طعن سمعتي لو لا 

گلت الهذا هذا الحچي و عفتها و مشيت

 و هيَ وراي تصيح وصوتها يوصل الاخر الدنيا ما عبالك بجامعة عبالك بسوك فضحتني فضيحة 

جسمي كله يرجف و عيوني گامت تحرگني اختنگت اريد ابچي ما اتحمل اصبر بعد 

ورود تمشي وياي وتغلط عليها وتسب بيها 

وانا ما ارد بس امشي لحد ما وصلت الغرفة الدكاترة  دگيت الباب وطبيت حتى قبل لا يگولون تفضل شفته گاعد هوَ وبعد ويا اثنين أساتذة وثالثهم دكتور بهاء اول

 ما فتت كلهم باوعوا عليه متفاجأين طبتي عليهم 

باوعتله وگلت أستاذ وبعد ما گدرت اكمل عيوني گامت تصب 

متمنيه الگاع تبلعني ولا انحط بهذا الموقف گـدام الطلاب والاساتذة هوَ بسرعة گـام من مكانه واجى عليه سريع ويسأل

-- شكو سلامات 

ما اگدر ارد بس ابچي منهارة جاوبته ورود بمكاني 

-- أستاذ يُـمن سلطان اللي بقاعتنا تجاوزت علينا گدام الطلاب و فضحتنا فضيحة وطعنت بشرف يُـمن وتهمتها عدها شي وياكم انتوا الأساتذة العفو منكم 

صفن مصدوم وراها دار وجهه بسرعة للباقين الگاعدين ورجع باوع عليه و گال 

-- شنو سبب المشكلة احچي بدون بچي حتى افهم  

مسحت دموعي ورديت

-- وره ما طلع كتور بهاء صارت سوالف بيني وبين ورود عن المشكلة اللي صايرة لان انا جنت غايبة وسألتها و جاوبتني ومن بين الحچي ذكرت يُـمن سلطان رايحة على الدكتور ومطردها وانا ما حچيت شي بس گلت شلون هيج جريئات وما يخافن وراها سكتنا من فاتت علينا ست انغام وهيَ وره محاضره ست أنغام تهجمت علينا وفضحتنا گدام الطلاب و تلفضت بشغلات صعب عليه اتقبلها گدام الطلاب 

-- شغلات شنو شگالت 

ما جاوبت اخجل احچي والدكاترة گاعدين ويسمعون ردت ورود بمكاني 

-- گالت الها تتختلين ويا الاساتذة وتطلعين وياهم بالسيارة وبعد كلام مو حلو 

رجع باوع عليه متفاجئ وراها گـال تعالي حچى هيج وطلع من الغرفـة وانا و ورود مشينا وراه اخذنا للعميد اول شي گال انتظري دقيقه هنا هسه ارجعلج 

فات للعميد وانا الدموع تصب شوية ورجع فتح الباب و گال تعالن فوتن ، طبينا انا ورود لگينا العميد گاعد على المكتب اول ما شافنا أشر النا نگعد ورود سلمت عليه وانا اجيت وگعدت وكل جسمي يرجف وعيوني عمت من گد ما بچيت  گال

-- شنو المشكلة

رادت تحچي ورود بُـرهان گالها 

-- لحظة بلا زحمه عليج خلي يُـمن تحچي المشكلة

حچى هيج وأشرلي احچي للعميد مسحت دموعي وسولفت للعميد كل الموضوع وراها من كملت كلامي هز راسه وسأل يُـمن سلطان مرحلة اولى ام شعر الأحمر 

-- نعم دكتور

-- تمام 

رجع وده عليها وعلى ممثل الشعبة مالتنا 

و بعدهي ما جاية واجوا قبلها دكتور بهاء

 و دكتور سمير وهذا دكتور سمير فد واحد نسونجي و طايح حظ ماكو هيج صح ما ياخذنا وياخذ المرحله الثانية بس صيته سابقة والظاهر يُـمن الصايعة مچطله وياه ومضبطه وضعها فد مره 

گعدوا اثنينهم و احنه نفس الشي گاعدين  بين ما اجت هيَ والممثل يوسف طبت تبچي ميته من البچي ومسويتها كلش متأثرة و هيَ المظلومة وانا الظالمة سألها العميد شنو سبب المشكلة ردتله

-- دكتور تجاوزت عليه وطعنت بيه وإني ما عندي مشكلة وياها و هيَ  اصلاً من بدأيت السنه تسمعني كلام وإني ساكته عنها وما ارد احتراماً الكم والنفسي بس هاي المره جاوبتها لان طعنت بشرفي تقبلها دكتور تطعن بيه و بشرفج 

العميد باوع البُـرهان وراها رد

-- إذا اكو مشكلة قديمة من بداية السنه ليش ما اجيتي واشتكيتي ليش ساكته عنها

-- ما ردت اكبر الموضوع و ازعجكم بس إني حچيت الدكتور سميـر وگال هوَ يتصرف وياها 

كلهم باوعوا الدكتور سمير وانا فتحت عيوني على وسعهن مصدومة رجع الدكتور يگول

سميـر :- صح شتكلي كذا مره وإني نبهت يُـمن وعبالي خلصت المشكلة ما توقعت بقت اكو مشاحنات بيناتهم وره التنبيه

بُـرهان :- اي يُـمن منهن اللي نبهتها يُـمن سلطان لو يُـمن غازي

اشر عليه انصدمت و إحس لزمتني رجفه شوكت نبهني انا وين شايفته شنو متفقين عليه وين حاجيه ويا وين منبهني بسرعة رديتله 

-- نبهتني انا ؟ 

-- نعم نبهتج وگلتي ياريت بعد ما تنعاد

-- مستحيل دكتور انا اصلاً ما شايفتك ولا حاچيه وياك متوهم بيه 

-- متوهم شنو حسني اللفاظج بابا

-- العفو منك دكتور أنا ما تجاوزة عليك حتى أحسن اللفاظي وما شايفتك ولا حاچيه وياك ولا منبهني ولا حتى ماره من يمك من اول يوم داومت لليوم ويُـمن سلطان بيني وبينها الله الشاهد لا عندي مشكلة وياها ولا مسمعتها كلمة ولا مأذيتها بتصرف من بدأ الدوام لليوم ومو بس هيَ لا كل الطلاب انا ما عندي مشكلة ولا اي كلام وياهم حدي بس السلام عليكم وعليكم السلام ما عدا ورود الوحيد الاگعد وياها واسولف وياها وإذا ما صدگني دكتور تگدر تسأل الطلاب وتشوفهم وهذا الممثل گدامك 

وجهت كلامي للعميـد رجع العميد سأل يوسف 

-- احچيلنا شلون بدأت المشكلة لان هيج تصرفات نهايتها الفصل احنه ما گاعدين بسوك هرج 

يوسف :- والله أستاذ ما نعرف شلون بدأت ولا شنو السبب كل اللي شفنا وشهدنا عليه وره ما خلصت محاضره ست انغام صار صوت عالي بين يُـمن سلطان ورود يعني اول المشكلة بدأت بين ورود ويُـمن سلطان اما يُـمن غازي جانت بس واگفه ما ترد ورود اللي جانت تجاوب وراها انگلبت من ورود ليُـمن غازي يعني يُـمن سلطان تركت ورورد وحولت يُـمن غازي هذا كل اللي شفته وشهدت عليه 

العميد :- صار تجاوز بالاعراض واتهام مباشر للأساتذة

سكت الولد ما رد رجع العميد عاد عليه نفس السؤال وطلب منه يجاوب رجع جاوبه

-- نعم دكتور 

رجع العميد باوع عليها وسألها بحديه 

العميد :- ممكن تشرحيلنا سبب اتهامج للأساتذة والدكاترة حتى نفهم احنه مفتحين جامعة لو شوارع غرامية بين الدكاترة والطالبات 

ما ترد ساكته رجع صاح بصوت عالي 

-- جااااي اسأل رديييي شفتي اكو علاقات محرمة بين الطالبة والدكاترة 

-- اي دكتور أهتمام أستاذ بُـرهان بـيُـمن مبالغ بيه و زايد عن اللزوم و هذاك الاسبوع طلعت بسيارته اثناء الدوام يعني ضربوا الدوام وطلعوا اثنينهم سوى 

إحس لزمني مغص من الحچي الچاي تحچي بيه شگد سهلة عدها طعم الأعراض جاوب بُـرهـان 

بُـرهـان :- من بعد إذنك دكتور بس اريد اوضح كم نقطة قبل لا ترد ، اولاً يُـمن من اقاربي ومعارفي من زمن طويل وهذا الشي حچيته للطلاب من اول يوم اخذتهم بيه محاضرة والممثل ورود شاهدين وثانياً ما عندي اي اهتمام مبالغ بيه وجاي اعاملهم حالها من حال كل الطلاب و حتى وان كان اكو أهتمام مبالغ هذا الشي ما يخص اي شخص ولا اي شخص اله حق يتدخل ما دام اعرف حدودي وما متجاوزهن وملتزم بالقوانين الجامعية وثالثاً هذاك الاسبوع الابنية جانت متخربطة و اخذتها وصلتها الاهلها وهذا من واجبي لان هيَ من اقاربي مثل ما گتلك والاهم ما اسمح الاي مخلوق يجيب سيرتها على للسانه لان الابنية محترمة ومؤدبة وخلوقة والكل يشهد بهذا الشي وسمعتها من سمعتي وبما انو حتى إني ما صارلي احترام وانجابت سيرتي وانذكرت بالسوء گدام الطلاب واتهمت بـ اخلاقي من هاي اللحظة وإني مستقيل 

العميد :- لحظة وحده آستاذ بُـرهـان الأمور ما تنحل هيج انتظروني بس احچيلكم شغله مهمه قبل اي قرار واي خطوة تخطونها جاي تشوفون الجامعة شگد بيها طلاب وشگد كبيرة بس كل طالباها اعرفهم شنو همَ وشنو أسلوبهم الموضوع هذا محسوم عندي من قبل لا تحچون بيه وتبررونه بس سألتكم اخاف

 اكو فد اضافة ما جنت اعرفه 

رجع دنگ وفتح وحده من جرارات المكتب وطلع ورقـه منها وما ادري شكتب بيها وراها وقعها وانطاها اليُـمن سلطان 

وگالها

-- تفضلي برى 

اخذت منه الورقه وقرأتها هيَ شافت شمكتوب بيها وهيَ ماتت من البچي 

تبچي بصوت عالي و تگول

-- هيج دا تظلمني أستاذ إني ما غلطت بشي كل المشكلة صارت بسببها هيَ

 دا تأذيني وتطعن بشرفي تالي إني انفصل وهيَ تبقى 

العميد :- تفضلي برى

طلعت تبچي و رجع باوع علينا أنا و ورود وگـال

-- وانتوا يا بنات ياريت ما يتكرر مثل هيج موقف بالأيام الجاية لأ كلش عيب عليكم انتوا بنات مرتبات وخلوقات وبنات عوائل عيب بحقكم يطلع صوتكم بالحرم الجامعي و تنسحبون الغرفة العمادة للتحقيق والاستجواب 

محد بينا ردت و راها طلعنا انا ورود

و يوسف والاساتذة بقوا يم العميد 

انا بوجهي نزلت طلعت برى و دگيت على عباس والحمدلله جان قريب على الجامعة گال شوية ويوصل  

وگفت برى الجامعة متانيته ودموعي ما بطلت من الفشلة گدام الناس و زراله العميد والتهم النشمرت عليه شلون بعد اداوم واشوف الطلاب ويشوفوني 

انوب هاي فصلوها بعد شلون اخلص من حچي الناس عليه بعدني واگفه بالشارع 

و شفت بُـرهان طلع واجى بتجاهي درت وجهي منه وصل يمي و گال

-- اعتذر صارتلج حچاية بسببي 

ما رديت رجع گال 

ليش واگفه بالشارع  

نفس الشي ما اجاوب بس دموعي تصب وكل شوية ارفع ايدي امسحهن رجع گال 

-- هذيج وحده طايحة حظ ومن زمان عليها اكس واكثر من طالبة قدمت شكوى عليها والعميد يعرفها عز المعرفه فـ لا تضوجين خليها تولي لا تفكرين بيها لان هنا الكل يعرفج انتِ شنو و هيَ شنو

-- دكتور سمير يگول أنا حذرتج وهوَ چذاب والله العظيم لا حاچي وياي ولا شايفته 

-- اعرف والعميد يعرف لا تخلين موضوعه بالج انسي 

ما رديت رجع گال 

-- هسه انتِ وين رايحه ليش واگفه هنا 

-- راجعه للبيت

-- وحدج ترجعين 

-- لا عباس جاي عليه

-- يا عباس

-- ابو الخط 

-- ماشي على راحتج واعتذر مره ثانية

بعده واگف واجى عباس طبگ وانا حتى بدون ما اسلم عفته وصعدت اول ما صعدت عباس سألني

-- سلامات خو ماكو شي

-- لا ماكو 

-- شعجب طالعة من وكت وتبچين 

-- راسي يوجعني

الولد سكت وانا ساكته لحد ما وصلني للبيت اول ما طبيت شبعت بچي وسولفت الامي كلشي وامي تخبلت شلون ما سحلتيها شلون سكتي شلون عفتيها تروح بدون كتله 

-- فصلوها

-- بنت الشوارع عبالها كلها مثلها

-- شلون اداوم بعد گدام الطلاب 

-- مو گتلج لا تختلطين ويا هذيج العائله ما من وراهم بس المشاكل 

-- هوَ أستاذي  وياخذني طول السنه وغصباً عليه كل يوم اشوفه ويشوفني شلون بعد ما اختلط 

-- اي صح أستاذج وغصباً عليج تشوفينه بس مو غصباً عليج تصعدين ويا ويوصلج للبيت  

-- غلطه وصارت 

-- مره ثانية الخطوة التخطينها فكري بيها الف مره لشوكت تبقين ثوووله 

ما جاوبتها ولليل خابرتني ورود گالت باچر ما تدرام وانا هم ما داومت إحس بروحي مالي عين اروح واشوف الناس باليوم الثالث امي ودتني غصباً عليه 

بيومها رحت وفد مره مقهورة وفشلانـة 

طبيت للقاعة إحس الكل يباوع عليه مع العلم الموضوع انتهى وكل واحد من الطلاب مشغول بحاجة بس انا هيج إحس

المحاضره الاولى اخذتنا ست أنغام ومن كملت مباشرتنا فات دكتور بهـاء اول ما طب عيونه صارت عليه وراها سلم على الكل وبدأ بالمحاضرة 

بيومها گومني اكثر من مره وخلاني شرحت اكثر من نقطه وحسيته كلش مركز وياي ويريد بس يحچيني ما ادري ليش هيج حسيت هاي اول مره يركز وياي على طول المحاضرة لحد ما طلعنا يلا اخذت نفس من گد ما ضغط عليه 

 مشينا انا و ورود وقبل لا نطلع من الممر اجانا دكتور سميـر صاح عليه يُـمن 

وگفت و اباوع عليه وگلبي يدگ اجى عليه سلم ردينا السلام وراها طلب من ورورد تعوفنا وحدنا راحت ورود وانا ويا ضلينا واگفين بالممر گال

-- يُـمن سلطان زميلتج الأسبوع الجاي راح ترجع تداوم اريد منج تتصافين وياها وتتركين المشاكل على جهه وتفكرين بمصلحتج وبدراستج وما دخلين وياها بسباق لان مبين عليج انتِ فاهمه وعاقلة وشاطرة وحرامات تروح عليج سنه دراسية مو صح 

طريقة كلامه وياي تبين هذيج هيَ جاي يهددني ويحذرني فهمت قصده كلش زين بس ما تجاوزت حدودي ويا و رديت عليه بهدوء

-- ان شاءالله دكتور 

-- عفيه بالشاطرة خليج حذره وانتبهي التصرفاتج لان الغلط هنا إذا انعادت ما تغتفر 

ما جاوبته ومن شافني ساكته ما جاوبت عافني وراح منا وعرفت يُـمن الصايعة ظهرها قوي ومستحيل يصير عليها شي 

وانا الراح اروح بيها وراح ترجع غصباً عليه وعلى الكل 

مشيت طلعت برى لگيت ورود متانيتني بنفس المكان النگعد بيه اول ما گعدت سألتني شراد الدكتور سوالفت الها عليه  ردت 

-- ديري بالج الظاهر من زمان هذيج الحقيرة حاطتج بالها وانتِ بعيدة عليها وما گدرت تحچي شي وياج والمشكلة هاي اجتها حجه من الله حتى تطلع حقدها 

-- لا اوصل يمها ولا توصل يمي منا وجاي حتى الصباح الخير والمساء الخير ويا القاعة راح اگطعها 

-- احسن والله إني هم 

بعدنا نحچي واجت ابنيـة إسمها هديل البارحه جايه نقل من القاعة الثانية القاعتنا 

سلمت وگعدت وراها گالت

-- اعتذر گعدت بدون إذن بس اني هنا ما اعرف احد جنت بقاعة باء والبارحه حولوني بقاعتكم وهسه طلعت ارتاح شوية وره المحاضرة وماكو احد اعرفه هنا وبنات قاعتي القديمة مو على وفاق اإني وياهن وقاعتكم اشو كلها كروبات كروبات صايرة باقيات بس انتن بدون گروب 

ورود :- احنه هم گروب بس مثنى 

هديل :- هههههه يصير انظم الكم لو فقط مثنى

-- والله يا عمري هلا بيج احنه ما عدنا مشكلة منو يجي هلا بيه وكلكم اخواتنا واخوانا المهم ندرس زين وما نلتهي هذا اهم شي عدنا اني ويُـمن 

هديل :- إني هم والله واصلاً فتت للجامعة واهلي معارضين دراستي ومنطيني فرصة وحده إذا ما استغلها وانجح من الدور الاول بعد ما يخلومي اكمل الهذا السبب ما اريد اي شي ثاني غير بس انجح واطلع من الاوائل وهذا هو

-- ان شاءالله بس شدي حيلج وانتِ تنجحين 

-- الشد على الله ان شاءالله

ورود -- إني إسمي ورود وهاي يُـمن 

-- عاشت الإسامي وإني هديل و بيتنا بالمحمودية 

-- حيل كلش بعيد الله يساعدج وهاي يوميه ترحين وترجعين بهذا الطريق

-- لا والله گاعدة ويا خالتي وبيبي ام امي بالحرية 

-- ها حلو جيرانه طلعتي

-- ليش انتِ بالحرية

-- اي 

-- اهلاً وسهلاً والله كلش فرحت عاد نروح ونرجع سوى

-- اي والله

-- اشو يُـمن گالبتها على الصامت بس لا ما تقبلين اصير صديقة الكم وانظم الگروبكم هههه

يُـمن :- لا بالعكس هلا بيج بس انا شوية مريضة اسم الله عليج راسي ومالي خلك 

-- عندج العافية

-- الله يسلمج 

ضلت گاعدة يمنا وتسولف وسوالفها حلوة يعني مبين عليها حبابة وما بيها اذية والاهم ثكيلة مو من هذني الخفه لحد ما رجعنا فتنا للمحاضرة وهيَ ويانا 

فات بُـرهان سلم و حط كتبه على الميز وباوع عليه بنضره أطمنان مثل للي يريد يشوفني زينه لو لا ورجع دار وجهه وبدأ يشرح 

لحد ما خلص المحاضرة لا هوَ حچى وياي ولا انا وحتى ما گومني ولا سألني شي بيومها سأل اغلب الطلاب بس انا لا ما وصل يمي

يمكن لان طلعت علينا هيج حچاية گدام الطلاب حاول يبعد الانظار علينا 

لحد مت خلص هذا الأسبوع وهوَ ابد ما يگومني ولا حتى يحچي وياي كلش متحذر رجعنا بلشنا أسبوع جديد واول يوم بيه داومت يُـمن سلطان وهاي المره جاية استايل جديد ولون شعر جديد والمياعة زايده والسوالف التعبانه زايده بحيث شكلها هذاك هوَ يصيح وحده تعبانة

وانوب و لا عبالك مفصوله ولا مترزله ولا صاير وياها شي بكل عين صلفه اجت وگعدت بيومها يا دكتور يطب علينا ويشوفها يتفاجئ لان الكل صار عنده علم هيَ نفصلت بس ابد محد سألها ولا احد فتح الموضوع وياها 

ومن طبت وفاتت من يمي شمرت شعرها 

وره ظهرها مثل اللي تشوفني روحها شلون رجعت وشلون هيَ قوية 

انا لا اهتميت ولا الي شغل بيها ولا عبالك اشوفها گلت حتى لو حچت عليه لو سوت شي اللبسها بس كون تعدي السنه على خير 

و هيَ نفس الشي ما تقرب مني بس تحاول تبرز روحها وتاكل الجو وانا اصلاً من اول يوم اللي ادوام ما عليه بـ احد اليبرز واليسكت كلهم معليه بيهم

يوم الداومت بُـرهان ما اجانه ما جان عدنا بالجدول واخر محاضره جانت الدكتور بهاء سلم وبلش محاضرته وهوَ جاي يشرحه شكله انتبه الوجودها بس ما علق على الموضوع وره ما خلص شرح سأل واجى عليه گومني يريدني اجاوب 

جاوبته بس مو الموضوع جديد وبالاصل انا ارتبك منك واخاف منه غلطت باللفظ ويا ما غلطت صار صوت ضحك درت وجهي شفتها هيَ تضحك بسرعة الدكتور باوع عليها و راح الها و حچى بصوت عالي الكل سمعه 

-- شنو سبب الضحك بلا زحمه 

-- العفو دكتور مو قصدي 

-- ما اعتقد اكو شي يضحك ولا حالياً والوقت وقت ضحك وبعدين الضحك بدون سبب من قله الأدب أحترمي المكان الانتِ بيه و اللزمي حدودج ماشييي

-- العفو دكتور بعد ما تنعاد

-- جربي تعيدينها مره ثانية 

رجع دار عليه و اشرلي اكمل جوابي جاوبت بس حتى صوتي يرجف من الموقف إحس ما راح نخلص وراح تسويلي مشاكل انا بغنى عنها

كملت وگعدت رجع گومها و سألها نفس السؤال اللي سألني بيه ما عرفت جوابه  بقت بس ساكته وصافنه بوجهه رد الها

-- بدل ما خلصتيها ضحك وكركره جان انتبهتي وجاوبتي حالج حال الطلاب 

ما ردت عليه دنگت رأسها عافها ومشى الباقي الطلاب يسأل بيهم ومن انتهت المحاضرة طلع والكل طلع وراه انا سلمت على البنات ورود وهديل و مشيت سريع تميم يخابر عليه اليوم هوَ جاي يرجعني للبيت لان عباس من البارحه انطانا خبر عنده ضرف ما يگدر يرجع علينا 

طلعت من الجامعة لگيت تميم طابگ بالباب ويخابر فتحت الباب وصعدت وره باوع عليه من الجام بدون ما يحچي ومن كمل اتصال دار عليه ويگول

-- السايق مال شهينار وهاشـم نزلييي لجج وجبح هسه هاي النسوان الجميلة تشوفني سايق عندج لا بارك الله بيج 

ضحكت ورديت

-- شكو بيها وإذا شافنك سايق

-- اي شكووو بيهااا وعايشة شعور الملكة براسي نزززليي

فشلت منه ونزلت صعدت يمه ضحك ورجع يگول

-- ايي هسه تمام التمام راح تبينين حبيبتي مدري مرتي 

-- ههههه لا تصير تافه وتاخذ وجهه مو شفتني گعدت يمك 

-- و لايگلج شو هم حباب وحلو مثلج 

-- هههههههه وعلي التحلف بيه اگول العبير عليك اسكت احسنلك 

-- ههههه امداج وامداها 

شغل ومشى بعده هسه تحرك طلع بُـرهان و دكتور بهاء من البناية يمشون مشي بدون سيارات ما ادري وين رايحين واثنينهم شافونا تميم بسرعة تميم  دگ هورن البُـرهان ورفع ايده يسلم عليه أبتسم بُـرهان و اجى علينا نزله تميم وتسالموا اثنينهم ورجع سلم على دكتور بهاء من بعيد 

ما طولوا بالسلام لان جان سلام رسمي ومن بعيد البعيد وراها همَ راحوا عبروا الشارع وتميم صعد شغل ومشى ويگول

-- شلونه الوضع ويا الأستاذ بُـرهان 

-- زين الولد حباب 

-- خو ما فتح وياج مواضيع من الماضي او حاول يصير واسطه وكذا 

-- لا ابد 

-- من يفتح موضوع وياج لطميه على حلگه 

-- لا الولد حباب ومحترم ابد ما عنده هيج سوالف 

-- امج عدنا گالت اجيبج علينا

-- لا شسوي يمكم وديني للبيت

-- زهراء مو هنا 

-- معليه بزهراء انا بس شوية تعبانه 

-- معليج لو من تشوفينها گلبج يبقى يدگ

سكتت ما رديت رجع گال

-- يُـمن إني اكثر واحد وگف وياج وعارض زواجج من شفت أسلوبه وتصرفاته وهسه وبعد وللموت ابقى وياج بأي قرار تاخذينه بس مرات الإنسان يغلط وما يحس بغلطه الإ بعد فوات الاوان واليحب يسامح 

-- شنو قصدك

-- بصراحة منـاف صار اكثر من مره يجي عليه ويريدني افوت بينكم واسطه خير وراح على ابوي اكثر من مره بس ما حچينا وياج لان امج ما تقبل ينفتح هذا الموضوع وإني هم جنت رافض افتح الموضوع وياج بس البارحه مر عليه للدوام وبصراحه من البارحه لليوم جاي افكر باللي حچى واشوف لو تنطينه فرصة اخيره لان كلش يحبج وكلش ندمان وخسرانج 

ما جاوبته بقيت ساكته وگلبي احسه طلع من صدري رجع گال

-- فكري بالموضوع واخذي القرار اللي تشوفينه يناسبج وإذا شفتي بعد بگلبج  اكو محبه اله حتى لو واحد بالميه انطي فرصه الخاطر هذا الواحد بالميه 

-- انا ادري بيه يحبني وانا هم مريت بفترة من الفترات حبيته وتعلقت بيه بس الحب وحده ما يفيد  صح منـاف طيب و حباب بس هذا كله ما يفيد 

-- المر بيه صعب وردات فعله مرات تصير بساعة عصبيه 

--  ادري بيه تعبان ومضغوط والمر بيه صعب بس كل هذا ما يشفع الحاله الهوَ بيها تميم انتَ اخوي الله شاهد عليه وادري بيك تفكر بيه وتريد مصلحتي بس منـاف كسرني اكثر من ما كسرني رائـف وما اگدر اسامحه واتقبله 

-- ماكو مقارنه بين الاثنين شجاب هذا على هذاك ترى رائـف حيوان مو إنسان

--  ومنـاف ما يفرق عنه انا ما اريد اتجاوز عليه لان احترمة واقدره بس صدگني صعب ينعاش ويا وصعب احد يتحمل الشك والغيرة والمرض البيه

-- يگول طول الوقت الفات هوَ يحاول يصلح من نفسه يُـمن لا تخليني احچي اللي حچى لان حلفني ما احچيلج شي بس جربي تنطينه فرصة اخيرة وشوفي 

سكتت ما رديت وهوَ هم رجع سكت لحد ما وصلنا البيت عمي بيومها بقينا يمهم لليل وراها رجعنا البيتنا 

وهيج بقت حياتنا مثل ما هيَ هادئه وطبيعية حالنا حال كل الناس أنا مخلصتها بين جامعتي والبيت وامي بين صالونها والبيت 

اما اللي تغير بهاي الأيام هديل صارت كلش قريبة مني ومن ورود وشوكت ما تجينا احنه سوى والشغله الثانية الصارت دكتور بهاء معاملته صارت بيها شوية لين وياي يعني مره وصلت متأخرة على المحاضرة فوتني ما بدون ما يحچي شي للعلم هوَ إذا فات بعد لو تتعلگ نخله براس الطالب ما يفوت وراه بس شعجب فوتني ما ادري ومره البحث مالتي ما كمل بالوكت المطلوب وسكت وگال ماكو مشكلة باجر اريده كامل هالمره سماح 

هنا الطلاب كلها منتبها للمعاملة هاي بس محد يگدر يحچي يخافون منه ويخافون لا تصير وياهم مثل ما صار ويا يُـمن سلطان من ذكرت بُـرهان ونفصلت بس اكيد بينهم اكو حچي وسمعت اكثر من تهمه عليه بس سلمت امري الربي وسكتت لان اعرف نفسي شنو 

مره سمعت على أساس معجب بيه ومره على أساس بينا علاقة ومره على أساس 

انا مستغله الأساتذة هم بُـرهان وهم بهاء

لان هذول الاثنين يعاملوني زين

 و معاملتهم تبين هذيج هيَ انا مميزة عدهم وللعلم محد بيهم اثنينهم حاچي وياي حچاية زايدة لو ناقصة ابد كله على گد المادة بس بعد حظي محزم العالم عليه 

عدى تقريباً شهر وشوية وتميم بعد ما فتح الموضوع وياي وانا من الاصل عفته لان كل ما اصفن الها اشوفها ما ترهم وكل واحد راح الحاله وكل الصار ماضي ما اريد ارجعله بيوم من الايام 

لحد ما بيـوم جنه گاعدين انا و البنات نراجع للإمتحان بعد ربع ساعة حسينا صارت حركة بالمكان وهوسة شوية رفعنا راسنا انشوف شكو 

شفت قوة مال جيش طبت للجامعة يمشون مشي بدون سيارات و كلهم گصه وحده وهذيج المشية وهذيج الهيبة بقيت اباوع عليهم مستغرب شكو اليوم ليش جاي الجيش هنا يا ستار 

العميد اجى من البناية يمشي سريع ويمشون وياه اكثر من دكتور طلعوا يستقبلونهم صارت عيوني على العميد شلون يرحب بيهم واجي سريع يستقبلهم  طولت بنظرتي عليهم وركزت بيهم بس ما شفتهم كلهم بصورة واضحة لان الطلاب كلها واگفه تباوع 

لحد ما صاروا قريبين من يمنا وفاتوا كلش من المكان الگاعدين بيه رفعت رأسي واباوع عليهم  واحد واحد بس وفتحت عيوني مصدومة وانا اشوف منـاف مترأسهم ويمشي صف بصف ويا العميد 

يتبع.... 

يــاســة 🌱

تكملة الرواية من هناااااااا 

لمتابعة  الرواية الجديدة زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا