رواية جحيم منى الفصل الثالث 3 بقلم وفاء الدرع حصريه في مدونة موسوعة القصص والروايات
رواية جحيم منى الفصل الثالث 3 بقلم وفاء الدرع حصريه في مدونة موسوعة القصص والروايات
🔥 جحيم منى 🔥✦ الجزء التالت ✦
في يوم، حصل شيء غريب جدًا خلا منى تتلخبط وتخاف.
كانت قاعدة في بيت جدها الكبير بعد العزا بأيام قليلة، وشافت زوجة عمها صلاح – "عايدة" – وهي بتحط حاجة غريبة في كوباية العصير اللي كانت رايحة لجدتها محاسن.
منى اتخضّت، وخافت تكون الحاجة دي سم أو حاجة مؤذية.
لما شافت عايدة ماشية بالعصير ناحية جدتها، قامت منى بسرعة، ووقعت الكوباية بالغصب وهي بتحاول تمنعها توصلها.
الكوباية وقعت، والعصير كبّ في الأرض.
عايدة اتنرفزت جدًا وقالت بعصبية:
– مش تحاسبي يا بت إنتي؟!
منى بدأت تعيط، لكن جدتها محاسن زعقت لعايدة وقالت:
– بتزعقي لها على إيه؟ على كوباية عصير؟! في داهية العصير!
وخدت منى في حضنها وقالت لها:
– معلش يا منى، ما تزعلوش، هي مش قصدها.
منى قالت بخوف:
– أنا آسفة يا جدتي، ماكانش قصدي.
محاسن ابتسمت وقالت:
– لا يا بنتي، ما حصلش حاجة. الحمد لله.
✦
أما عايدة، فدخلت المطبخ مرعوبة، حاسة إن منى شافتها وهي بتحط الحاجة في العصير.
كانت بتقول لنفسها بخوف:
– يا رب ما تكون شافتني... يا رب تكون صدفة!
لكن الحقيقة إنها كانت فعلاً ناوية تعمل مصيبة.
ليه؟ لأنها كانت بتحقد على حماتها محاسن، وبتتمنى تاخد اللي عندها من دهب وفلوس.
✦
فاطمة، مرات صفوان، دخلت تسأل:
– في إيه يا ماما؟ الصوت كان عالي قوي!
محاسن قالت بهدوء:
– لا يا فاطمة، ما فيش حاجة. كوباية العصير وقعت، وعايدة كانت متوترة شوية.
منى بصت لفاطمة وقالت:
– هي كانت بتزعقلي علشان العصير وقع مني.
فاطمة قالت لها بابتسامة:
– أنا قلتلك يا منى، قوليلي "يا ماما"، ماشي؟
منى بصت لها بحب وقالت:
– حاضر يا ماما ❤️
فاطمة فرحت بالكلمة جدًا، وخدت منى معاها الأوضة، وحسّستها بالحنان اللي اتحرمت منه.
✦
تاني يوم الصبح، الستات كلهم كانوا بيجهزوا الفطار.
فاطمة، وعايدة، والبنتين اللي بيشتغلوا في البيت.
عملوا سفرة كبيرة فيها كل أنواع الأكل.
الرجالة والولاد قعدوا يفطروا الأول كعادتهم، وبعد ما خلصوا، الستات قعدوا ياكلوا.
منى كانت قاعدة جنب جدتها محاسن.
وفجأة، عايدة بصتلها نظرة غريبة جدًا… نظرة فيها كره.
منى نزلت عينيها على الأكل، وسكتت.
بعد ما خلصوا أكل، قالت عايدة بسخرية:
– إوعي يا منى تكبي كوباية الشاي على جدتك زي ما كبيتي العصير!
منى قالت بهدوء:
– أنا ماكانش قصدي يا مرات عمي، وقلت الكلام ده امبارح.
عايدة رفعت صوتها وقالت:
– يعني أنا اللي ببالغ؟!
محاسن اتدخلت وقالت:
– كفاية بقى يا عايدة! عيب عليكِ تتخانقي مع طفلة.
لو حصل تاني، أنا اللي هتصرف معاكي.
عايدة حاولت تهدي الموقف وقالت:
– لا يا حاجة، أنا كنت بهزر معاها.
محاسن قالت بحزم:
– خلاص، قفلي على الموضوع.
وبصت لمنى وقالت:
– قومي يا منى، خدي ولاد وبنات عمك والعبوا في الجنينه شوية، الجو حلو النهارده.
منى قالت بابتسامة:
– حاضر يا جدتي ❤️
✦
نزلت منى تلعب مع سلمى وسماح ومروان في الجنينه، وكانت بتحاول تروق المكان كمان.
البيت كان كبير قوي، كله حياة وحركة.
لكن في نفس الوقت، الشر كان بيغلي في قلب عايدة.
هي كانت بتكره فاطمة جدًا، لإن زوجها صفوان راجل ناجح، وشغال على أرضه ومواشيه، وبيكسب كويس.
أما جوزها صلاح، فكان ضيّع فلوسه على الحشيش والدخان.
✦
محاسن، الجدة، كانت زمان قاسمة دهبها بين أولادها التلاتة:
جزء لصفوان، وجزء لصلاح، وجزء لممدوح (اللي دلوقتي المفروض يروح لبنته منى).
لكن عايدة كانت طماعة، عايزة تعمل عمل سحر لحماتها عشان تسيب لها الفلوس.
وفي نفس الليلة، راحت هدى، مرات أخوها، تزورها.
سألتها:
– عملتِ إيه يا عايدة؟ حماتك عاملة معاكي إيه دلوقتي؟
قالت عايدة وهي متنرفزة:
– لسه، البنت اللي ما تتسماش – منى – وقعت كوباية العصير اللي كنت حطاها فيها الحاجة، وحاسة إنها شافتني.
أنا عايزة أعمل للبنت دي عمل يخليها دايمًا مريضة وتنام كتير، عشان أعرف أتصرف براحة مع حماتي.
هدى قالت بخبث:
– ماشي يا أختي، سيبي الدنيا تهدى شوية، وبعد أسبوع هجيبلك اللي عايزاه، واللي اتنين هننول اللي في بالنا.
عايدة قالت بابتسامة شيطانية:
– ما ليش غيرك يا هدى، إنتِ اللي هتساعديني.
✦
عدّى أسبوع، وجه اليوم المنتظر.
هدى جت وجابت "العمل" اللي وعدت بيه، وسلمته لعايدة.
عايدة شكرِتها، وخبّت العمل في كوباية عصير مانجا، كانت رايحة تديها لحماتها.
لكن وهي خارجة، شافها زين (ابن صفوان الكبير) وقال:
– يا طنط، الكوباية دي لمين؟
قالت بسرعة:
– دي لجدتك، تعبانة شوية.
زين قال بابتسامة:
– طب أنا أديها لها بإيدي.
خد الكوباية ودخل بيها عند أمه فاطمة اللي كانت تعبانة فجأة في الوقت ده!
قالها:
– خدِي يا ماما، اشربي العصير ده، ده من طنط عايدة.
وهنا...
كانت الكارثة! 😱
يتبع...
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق