رواية عونى الفصل الرابع 4 بقلم اسماعيل موسي حصريه
رواية عونى الفصل الرابع 4 بقلم اسماعيل موسي حصريه
#عونى
٤
أمانة إيه إلى ممكن تجمعنى بدكتور نرجسى متعجرف قابلته لمره واحده داخل مصح نفسى ؟
ثم فهمت ، انه نفس الموضوع الذى حضرت بسبببه
زهره تلك الطفله التى رأيتها أمس ثم إختفت اليوم
أمعقول ان يكون متبنيها شخض سيئ ؟ وكيف استطاع دكتور صبحى ان يعرف الحقيقه فى ظرف ساعات ؟
اشعلت سيجاره وابتسمت فى سخريه ،هو دكتور صبحى عرف إلى حصل إزاى ؟
هل لدية مخبر سرى خارج المشفى ؟
هناك شخص ما تبعنى من لحظة خروجى من زيارة صبحى حتى ذهابى إلى الملجاء وخروجى منه
هذا الشخص بكل الحالات لا يمت لصبحى بصله وهذا يبرر سبب انفعاله وتواصلة السريع بعد أن كان يغلق فمه مثل ضب.
أنا بريء من كل المأساى التى تحصل للبشريه ومدان بكل الأفعال الشخصيه التى تسببت فى أذى الأخرين
انا الذى افسدت العالم
عونى ؟ اترك فلسفتك خلف ظهرك ،واذهب هناك طفله تنتظر منك ان تنقذها
أخرجت العنوان من جيب بنطالى واستقليت سيارة أجره قادتنى نحو مبنى متهالك من ثلاثة طوابق
سألت طفل قابلنى على الدرج عن الاسم اخبرنى انها الشقه التى فى الطابق الثالث..
طرقت الباب بطريقه شرطيه حتى فتح لى رجل أربعينى بملامح ارجوازيه يرتدى تيشرت ابيض وسروال طويل
رمقنى بعيون غاضبه. عايز مين ؟
دفعت الباب بقدمى، انت المدعو أسامه عبد الرؤوف ؟
ايوه انا، انت مين؟ شرطه ؟
قلت لا
دفعنى الرجل بيده اومال داخل بيوت الناس عافيه ليه؟
نفخت دخان سيجارتى فى وجه المدعو اسامه ،اصل إلى زيك ميعرفش غير لغة القوه وانا هوديك فى داهيه
فين البنت إلى اخدتها من الملجاء امس؟
ودلفت داخل الشقه بلا مبلاه...
وجدت زهره جالسه قرب الجدار متقوقعه على نفسها، حاضنه جسدها بيديها تبكى
صرخ اسامه دى بنتى وكل الأوراق الرسميه معايا
الأوراق الرسميه دى تحطها فى مكان انت تعرفه كويس
همست وانا اجلس على الأريكه
فين مراتك ؟
مراتى مش هنا ، بتسأل عن مراتى ليه؟ انت ايه حكايتك يا جدع انت؟
خدت كام يا اسامه؟
صرخ اسامه هو انت جاى ترمى بلاك عليه ولا ايه؟ امشى غور اطلع بره وإلا ورحمة امى هقتلك
___بلاش هجص يا اسامة السبب انك لسه واقف على رجليك إلى الان ان رغبة القتل لدى قبل الساعه العاشره صباحآ بتكون منعدمه...
ادول كام عشان تعمل كده؟
__قولتلك يا جدع محدش ادانى حاجه ،انا هتصل بالشرطه تيجى تاخدك من هنا
فكره حلوه يا اسامه، على الاقل هتوفر عليه مكالمه
اسمع ياد انت......!
انا هاخد زهره معايا، وانت هتقفل بقك بالضبه والمفتاح
ولو لمحت وشك صدفه فى الشارع حتى فى لوحة رسم هقطعه بالمنجل..
لا بقا دا انت جاى ناوى على شر يا استاذ ،هو فيه حد قالك ان اسامه عبد الرؤوف عيل خيخه ؟
كل إلى اسمهم اسامه ذى بعض للأسف لا يشكلون اى تهديد
وغير مؤثرين فى التاريخ وعلى المستوى الانسانى معفنين
يا اسامه.
أنا مش هدخلك السجن، هديك فرصه تانيه للحياه
انت مش متجوز، والأوراق بتاعت امس مزوره
والقانون لا يسمح بتبنى طفله من قبل شخص شهوانى زيك
انت لازم تشكرنى يا اسامه، لأنى هسمح لقذارتك ان تستمر فى الحياه....... يلا يا زهره
نهضت زهره من فورها والتصقت بى ،دكتور نشأت ميعرفش حاجه عن إلى حصل فاهم ؟
وإلا ورحمة الست الوالده امك هخليك تقعد ورا قضبان حديديه فى سجن بشع مع رفقة بالغين يتناوبون الاعتداء عليك.
أخذت زهره ومشينا ايدها المرتعشه فى ايدى ،انا اسف مره تانيه يا زهره إلى حصل ده كان المفروض ميحصلش حقك عليه.
مفيش شخص غير دكتور صبحى ليه مصلحه يراقبني غير دكتور نشأت
كنت متأكد ان اسامه مش متجوز ،لمعرفتى استحالة ان تترك امرأه حرمت من الإنجاب لسنين طويله وحلمت بطفله تحضنها ابنتها المتبناه فى اول يوم لها فى شقتها وتذهب للعمل.
هو الكل_ب ده عمل فيكى حاجه وحشه؟
احنت زهره رأسها بتردد وشك قبل أن تهز كتفيها
لم تكن لدى رغبة عميقه فى معرفة الحقيقه الان، لا امتلك رد فعل يناسبها
هو انا يا زهره مش عارف هقول للجيران ايه
لو قلت بنتى مش هيصدقونى، عارفين انى مش متجوز
انتى بنت اختى إلى ماتت من فتره قريبه وابوكى اتجوز واحده تانيه، والست التانيه، ست عنيفه وقاسية بتضربك
عشان كده انا جبتك تعيشى معايا
تمام يا زهره؟
لازم القصه تكون محكمه ما بين اقوالى واقوالك دا إذا قررتى تتكلمى يوم ما
زهره؟ قلت واحنا طالعين السلم
انا وضعت نفسى فى ورطه وارجو انك تنقذينى منها وتساعدينى ان محدش يشك فينا
تكملة الرواية من هناااااااا
لمتابعة الرواية الجديدة زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق