رواية جحيم منى الفصل السادس 6 بقلم وفاء الدرع حصريه في مدونة موسوعة القصص والروايات
رواية جحيم منى الفصل السادس 6 بقلم وفاء الدرع حصريه في مدونة موسوعة القصص والروايات
🔥 جحيم منى 🔥الجزء السادس
محمد: سامحيني يا منى... سامحوني كلكم على اللي عملته.
أنا آسف بجد، وربنا يسامحني كمان.
أنا من بعد اللي حصل... ما بقاش ليا حد غير ربنا.
منى: سامحك على إيه يا عمي؟
حضرتك كنت كويس معايا وبتراعيني.
وازاي لوحدك كده؟ فين خالتي فردوس وأولادك؟
محمد: اللي أنا عملته... ربنا بيعاقبني عليه عقاب شديد جدًا.
فعلاً... حق اليتيم لازم يرجع لأصحابه تاني.
الحاج عبد الحميد: إحنا مش فاهمين منك حاجة يا محمد يا ابني!
مالك؟ وأكلت حق مين؟
ربنا ورسوله موصينا على اليتيم، واللي ياكل حقه... النار مصيره!
محمد: ما أنا جاي علشان تسامحوني... وإنتِ بالذات يا منى.
منى: طب فهمني يا عمي... في إيه؟
محمد (بيبكي): شقتي ومراتي وأولادي... ولعوا كلهم، وتوفوا إلى رحمة الله.
كل ده بسبب إني أكلت حقك يا بنتي، وحطيته في بطني.
وربنا عاقبني عقاب قاسي قوي... سامحيني بالله عليك يا منى.
إنتي ليكي حق عندي يا بنتي.
منى (بدهشة): حق إيه بس يا عم محمد؟ حضرتك وجعت قلبي!
محمد: الشقة اللي كنتوا قاعدين فيها...
أنا قلتلك إنها إيجار، لكنها كانت ملك باباكي، وكان كاتبها باسمك قبل ما يدخل السجن.
وأنا كنت معايا ورقها... لكن طمعت فيها، وأجّرتها مفروشة.
(بدأ يبكي بحرقة)
صفوان: بص يا أستاذ محمد... ربنا هو اللي بيسامح.
استغفر ربك واطلب منه السماح، وربنا إن شاء الله يسامحك على اللي عملته.
منى (بعطف): أنا مسامحاك يا عم محمد...
وربنا يصبّر قلبك على فراقهم.
محمد فرح بكلام منى، ومدّ إيده ليها بالمفتاح والعقد،
وقال لها: "ده حقك يا بنتي... استودعك الله."
واستأذن ورجع على القاهرة.
---
دخلت الحريم وقعدوا يتكلموا عن اللي حصل.
بس الغيرة كانت مولّعة في قلب عايدة،
اللي عمرها ما حبت الخير لحد...
طمعها وجشعها عَمى عينيها.
---
عند زين
زين كان عنده مهمة جديدة،
جاله استدعاء من العميد حسام،
وراح له المكتب.
زين: إزي حضرتك يا حسام بيه؟
العميد: الحمد لله بخير يا زين.
بص، في مهمة صعبة جدًا... وإنت الوحيد اللي أقدر أعتمد عليه فيها.
العملية دي هتحدد مصيرك في الشغل،
ولو نجحت، هتتنقل تشتغل في بلدك إن شاء الله.
زين: إن شاء الله يا فندم، أكون عند حسن ظن حضرتك.
العميد سلّمه دوسيه فيه كل المعلومات عن العصابة،
وقال له: "ده أكبر تاجر مخدرات في الصعيد، مش بيقع بسهولة.
لكن أنا واثق إنك قدّ المسؤولية."
زين: تمام يا فندم، بعد إذن حضرتك.
خرج زين وراح مكتبه،
وكان معاه صديق عمره الظابط أسامة،
وقعدوا يراجعوا الأوراق ويخططوا للعملية.
بعد فترة مراقبة طويلة،
عرفوا ميعاد تسليم البضاعة.
وجهّزوا حملة كبيرة،
وخرجوا في مهمة القبض على العصابة.
حصل تبادل نار عنيف...
ضحايا من هنا وهناك...
لكن في الآخر قدروا يوقفوا العصابة.
أسامة: يا زين، سيبهم بقى! كفاية اللي حصل، الناس ماتت!
زين (بعصبية): لأ، خلاص! دلوقتي لازم يتحاسبوا.
اللي بيبيعوا الموت ده مش هيفلتوا.
أسامة: إنت بتعمل كده علشان عايز تتنقل وبس؟
زين اتنرفز وقال له:
– أنا مش بعمل كده علشان نفسي يا أسامة!
أنا بعمل كده علشان الشباب اللي بتضيع بسببهم...
المدمنين اللي حياتهم بتبوظ عشان تجارة حرام.
أسامة (بهدوء): أنا آسف يا زين...
بس ثلاثة من العساكر ماتوا.
زين (بحزن): دول ماتوا شهداء...
وهم بيقوموا بواجبهم، ربنا يرحمهم.
وبالفعل قبضوا على العصابة متلبسين،
لكن زين خد رصاصة في كتفه الشمال،
كانت قريبة من القلب باتنين سمّ،
وربنا سترها.
اتنقل المستشفى،
وأسامة فضل معاه، رفض يسيبه لحظة.
العميد حسام راح له بنفسه،
وقال له:
– ألف مبروك يا بطل!
ما يجيبها غير رجالة زيك.
أنا كنت واثق إنك قدها،
وببشّرك... تم نقلك رسمي لمركز سوهاج،
وحمد لله على سلامتك.
زين: الله يسلمك يا فندم، ده كله من توجيه حضرتك.
---
عند منى
كانت منى قلقانة جدًا على زين،
قاطع الاتصال ومحدش عارف عنه حاجة.
كانت كل ليلة تدعي:
– "يا رب يرجع لنا بالسلامة."
وفي يوم، وهي نازلة من على السلم،
شافت زين داخل من باب البيت.
صرخت بفرحة:
– زين!!
نزلت عليه جري وهي ملهوفة:
– مالك؟ إيه اللي في كتفك ده؟
زين ضحك وقال:
– الحمد لله يا منى، قبضنا على أكبر عصابة مخدرات في الصعيد...
وسابولي رصاصة تذكارية 😄
ضحكت وهي دموعها نازلة من الفرح،
وكانت حاسة إنها خلاص...
ارتاحت لما شافته بخير ❤️
---🔸 يتبع...
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق