مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية عشق ابيض واسود الفصل الثالث عشر والرابع عشر والخامس عشر بقلم عائشة الكيلاني حصريه في مدونة موسوعة القصص والروايات

رواية عشق ابيض واسود الفصل الثالث عشر والرابع عشر والخامس عشر بقلم عائشة الكيلاني حصريه في مدونة موسوعة القصص والروايات

اسر بصلها بصدمة من كلامها و قال ببرود:- اتفضلي ادخلي بس حطى الجزمة برا لانى بكنس زى ما انتي شايفة كدا اقفلي الباب يا نور و روحي على اوضك 

نور راحت على اوضتها و سمر قعدت و مصدومة:- دا انت مكنتش بتشيل كوبية تقوم تخدم المحروسة مرة واحدة اي اتشلت ولا عجزت ، مانا كنت حامل فيك و مكنتش قعدة و عادي اي الدلع الماسخ دا و 

لسه هتكمل كلامها كان اسر مربع ايديه:- والله بيتنا و احنا احرار فيه مش شغل حضرتك تاني حاجة انتي جاية لاحفادك تشوفيهم و تقعدي معاهم شوية و تمشي غير كدا شكرا و من هنا لحد ما شاهين ما يخف ملكيش دعوة بى العيال ليكي عندى تزريهم غير كدا ملكيش اى دعوة بمراتي ، ثم انتي عرفتي مكان شقتي ازاي و ازاي تجي من غير معاد افرد مكنش موجودين 

سمر بغيظ:- مش هكلها يعني ، عرفت من عاصم اخوك خد بالك من نفسك لا تندم و ترجع تعيط في الاخر 

لبنى فتحت الباب :- ازاى حضرتك يا طنط نورتيني 

سمر بصت ليها من فوق لتحت:- ما تتكلمي عدل ياختي ولا محدش ملي عينيك و اي الى عمله في نفسك دا مسيبة شعرك و سلفتك ميتة اخص عليكي و على امثالك 

اسر بعصبية:- كلمة كمان هنسا انكي امى ثم انتي مالك سايبة شعرها ولا ربطه مش شغلك و بعدين هو حرام تكون بحرية في بيتها هتتحكمي

 فيها هنا كمان ليه موت و انا مش عارف 

سمر بعصبية و زعيق:- بسس انت هتحسبني يا اسر هتحسبني يا ابنى سندي اشحال انى مضيعة عمري عليك و على اخواتك دى اخرتها مش دخلك بيت تاني خليها تنفعك يلا يا نور هاتي اخوكي و يلا ملناش مكان هنا 

نور سمعت كدا جريت وقفت وراء عمها و مسكت فيه بقوة دموعها نزلت:- ا انا مش عايزة اروح معاها يا عمو ارجوك متخلهاش تخدني 

سمر بصتلها بغضب:- هو انا هخاف منه يا بت منى صحيح طالع لامك 

سمر لسه هتمسكها من ايديها لبنى بعدت ايد سمر عن نور بغضب:- ما بتقولك مش عايزة اي هتخديها غصب عنها اذا كان ابوها بيقول خليها انتي مالك اي علشان امها ماتت ف هتمشيها على كيفك جاية تشوفي ابنك اهلا وسهلا غير كدا مفيش تعالي يا نور نشوف سليم صحي ولا لسه 

لبنى اخدت نور من وراء اسر و دخلت اوضة الاطفال و قفلت الباب سمر:- يا ميلة بختك يا سمر في اكبر عيالك روح يا شيخ ربنا يهديك و يخدها الى مقسي قلبك عليا 

سمر خرجت بسرعة لبست الجزمة و خرجت جري اسر قفل الباب اما في شقة شاهين 

شاهين كان بيبصلهم بتراقب 

نورا:- الله يرحمها و ربنا يحزي الى عمل كدا يارب ما يشوف فرح في حياته  انا 

والله العظيم ما اعرف اي الى حصل 

شهد:- و انا والله العظيم زايى زيها معرفش حاجة 

هنا :- منى كانت تعرف واحد و لم تابت و فاقت قتلها انا ك

كنت طالعة على السلم و هو نازل بيجري حتي سماح شافته 

شهد:- صح و انا قبل كدا سمعتها بتكلمه 

شاهين بغضب و جنون:- اخرررسي منك ليها منى اشرف منكم و اياك اسمع واحدة فيكم بتتكلم عنها وحش فاهمين 

سماح:- والله العظيم انا بقول الحقيقة 

شاهين:- والله العظيم انتي كدابة و هتتحرقي بسبب الكدب دا انا عارف عماد متجوزك على اي لا شكل ولا منظر ولا حتي اسلوب اطلعوا برا برررا مش عايز اشوف وش حد منكم حتي لو بالصدفة 

نزلو و هما متعصبين معادة نورا كانت عادية بس طبعا زعلانة على منى 

نورا قعدت على الكنبة:- هى منى ماتت ازاي 

هنا:- ما قولنا قضاء و قدر اي مش بتسمعي 

شهد:- طب بذمتك انتي مصدقة نفسك البت مرمية في الارض و عينيها مفتوحة على اخرها و اكنها مخنوقة قولي حاجة تتعقل دا مستحيل يكون حرامي ولا اي يا نورا 

نورا قامت و طالعت شقتها بغضب فتحت الفون بتاعها و هى بتبص على صورتها مع منى و اد اي وحشها الكلام معاها و الضحك قالت بصوت مرتعش و وجع:- انا اسفة حقك عليا ، سامحيني يا منى سامحيني 

أما تحت سمر قامت :- والله العظيم ما انا ساكته انا اروح لأهلها يشوفو حل في دلع بنتهم الماسخ دا سلام 

بعد وقت وصلت بيت اهل لبنى 

رنا فتحت الباب بابتسامة:- اتفضلي يا خالتي 

ابتهال من المطبخ:- مين يا رنا 

رنا:- ام اسر يا امى ، اتفضلي يا خالتي واقفة ليه تعالي اتفضلي 

سمر دخلت و رنا قفلت الباب :- تشربي اي 

سمر:- ربنا يخليكي يا بنتي ، انا شاربة شاربة اوى اخت جوزك مشربني المرار بعيد عنك 

ابتهال خرجت من المطبخ سلمت على سمر 

ابتهال:- خير يا ام اسر 

سمر:- يرضكي يا ام خالد اروح ازور ابني يطردني بسبب مراته يرضيكي اروح ازورهم اول مرة القيه بيكنس و لم اكلمه يرد عليا يرضيكي 

ابتهال بهدوء و احراج:- عموما مش عيب لم الواحد يساعد مراته ، طب خالد ابنى وقت ما مراته كانت حامل كان بيعمل شغل البيت كله و لم خلفت بقا بيساعدها في شغل البيت و مروان كمان علشان مراته تعبانة بيساعدها هما مش بيعملوا حاجة غلط ولا حرام دا بيته زى ما هو بيتها اما بالنسبه لي طريقة اسر معاكي ف انا مليش دعوة ولا بنتي كمان ليها دعوة 

سمر كانت هتتكلم لكن سكتت على صوت رنا و ياسمين و هما في المطبخ 

رنا :- بقولك هاتي بقا بطلي رخامة 

ياسمين و هى مسكة الطبق:- بقولك سيبي و بطلي انتي رخامة 

رنا:- يا بنتي انتي تعبانة و الدكتورة قالت متتحركيش لحد ما الفترة دى تعدي بطلي ذن بقا لابنك يطلع ذنان زيك 

ياسمين:- لا مقالتش كدا هنادي ماما سيبي بقا 

سمر:- هما بيتخنقو 

ابتهال:- تلقيهم بيتخنقو على مين اللي هتغسل المواعين أو مين الى هيعمل العشاء 

سمر بصدمة:- بيتخنقو على مين الى هتطبخ و تعمل البيت ربنا يخليهم لبعض 

فلاش 

سماح:- هو انا خدامة هنا ولا اي و بعدين انتي مش مشلولة علشان انا اعمل و انتي تقعدي 

منى:- والله ما قادرة و بعدين انا حامل 

سماح:- يعني اي حامل بت اشتغلي و اخرسي 

باك 

سمر لنفسها:- بقا هى زوجات عيالها مرياحناها و انا بنات الكلاب مطالعين عيني و في الاخر البت هنا الى تعمل المواعين اخص عليهم 

بعد وقت سمر قامت روحت اما في بيت اسر لبنى بعدت عن حضنه و قامت دخلت تطمن على سليم و اسر رد على الفون كانت سمر و بتقول ان ادهم عايزهم 

لبنى:- في اي يا اسر و انت رايح فين كدا 

اسر:- معلش يا حبيبتي بس امى اتصلت و طلبت انى ارحلهم لان ادهم عايزين هروح اشوف اكيد علشان موضوع الفرح بس اكيد هيتاجل خدى بالك من نفسك يا حبيبتي 

لبنى:- خد بالك من نفسك و متتاخرش 

اسر قبل راسها:- حاضر يا حبيبتي مش هتاخر 

اسر مشي بعد وقت وصل البيت 

عاصم:- خير يا ادهم 

ادهم:- بصو انا مقدر حزنكم و ان مينفعش اعمل فرح دلوقتي لكن الحكاية مش جاي لموضوع الفرح 

اسر:- اومال اي الى حصل اتخنقتو 

سمر:- في اي يا ابنى 

ادهم قام وقف قدام هنا:- يعلم ربنا ان من ساعة ما شوفتك و انا حبيتك و اوى  انا اسف 

عماد:- يا ابنى ما تفهمنا مالك 

ادهم شال الدبلة من صباعه و حطها في ايديها:-ا انا اسف بس مش أنا الى يفضل مراته على امه 

ادهم :- انا بشوفك اخويا الكبير ، يرضيك ان هنا تغلط في امى و تشتمني باهلي 

اسر كور ايديه و هو بيبصلها بغضب 

ادهم :- شكلي تسرعت لم كتبت الكتاب عليها بدري ، انتي طالق يا هنا طالق بالتلاتة ؤ انا اسف ليكم كلكم يا جماعة حقكم عليا عن اذنكم  

ادهم مشى سمر قعدت على الكرسي بصدمة هنا وقعت على الارض اغمو عليها 

نورا و البنات فوقوها لكن مكنتش بتتكلم تقربيا فقدت النطق سمر اتجهت ليها رغم انها مش قادرة تقف من الصدمة:- هنا حبيبتي انتي كويسة ردي عليا يا قلب امك اي الى حصلك  غار في داهية بكرا هجوزك الاحسن منه 

عماد:- من دلعك فيها هى قلت ادبك توصل لكدا انتي ازاي كدا 

نورا:- عماد يلا نطلع يلا ارجوك 

نورا مسكت ايديه و طالعت على شقتهم و سماح نفس الكلام هنا دخلت اوضتها و هى مصدومة و مش مصدقه الى حصلها ادهم طلاقها بعد ما خلاص ما حضروا كل حاجة و الفرح كانوا محددينو قعدت على السرير ضمة رجليها و دموعها بتنزل بوجع و قهرة حتي الصوت مش عارفه تطلعوا 

تاني يوم 

شهد بابتسامة :- مش هتقوليلي مبروك يا نورا اتجوزت 

نورا حست بغصة بقلبها:- ا انت اتجوزت عليا يا عماد هى حصلت تتجوز عليا يا واطي 

عماد ببرود:-  ما الى تتهم سلفتها في السرقة و شرافها تستاهل الاعدام لكن جدعنة مني اتجوزت عليكي 

اسر:- ااانت اتجننت يا عماد انت بتقول اي 

عماد:- بقول انى عملت حلال ربنا و الشرع محلال اربع و بعدين انت زعلان ليه هى اختك و انا معرفش 

سمر من اوضة هنا :- الحقونييي 

اسر و الجميع جري على الأوضة كانت هنا وقعة على الارض و السكينة مرمية جانبها و مليانة دم و شريين ايديها مقطوعة وووووو 

يتبع 

الحلقة 13

رايكم في الى حصل لهنا 

ادى اخرة الى ياذي الناس رايكم في الحلقة بصراحة 

عشق ابيض واسود 🤍 🖤

سمر وقفت بتجمدة مكانها كل واحد حقيقي واقف رجليه مش شيله لكن اسر فاق قرب منها مسك ايديها اتفجا ان مفيش نبض لانها كانت ماتت لكن كدب نفسه اتصل بالدكتورة وهو قفل الفون بيبصلها بصدمة و قلق بيبص حواليه سمر كانت قعدة على الارض و واخدة هنا في حضنها:- قومي يا هنا قومي يا قلب امك ، قومي و اوعدك انى هصلح كل حاجة حصلت ، هعتذر لام ادهم و احب على راسها بس قومي يا بنتي متكسرنيش يا هنا انا عايشة علشانك 

نورا كانت واقفة حطه ايديها على راسها و بتعيط شهد بتبص لهنا بدموع و حزن و هى بتضغط على ايد عماد عاصم وشه خلي من التعبير لا هو زعلان ولا مضايق مش فارق معاه حيات اخته أما عند لبنى كانت بتسرح لنور شعرها بحنان 

عملت ليها ذيل حصان و لفتها ليها :- مالك يا حبيبتي بتعيطي ليه يا نور اي الدموع دى حد مننا زعلك 

نور هزت راسها بنفي و مذلة بتعيط :- انا خ خايفة لتيته تجبر بابا انه يتجوز و مراته تبعده عننا و تخليه يضربني و يخرجني من المدرسة ، زى ما بشوف في المسلسلات و الافلام بابا اخر فترة كان قاسي على ماما اوى مكنش بيقعد معايا كل الى عليه شغل شغل و احنا برا حساباته انا مش عايزة حد ياخد مكان مامي لا عندي ولا عند بابا 

قالتها بارتعاش و انهيار خوف خوف من سيطرة سمر على ابوها انه يتجوز لبنى مسحت دموعها و خدتها في حضنها بتحاول تطمنها. :- لا عاش ولا كان الى يفكر ياذيكي و انا و عمو اسر موجودين بابا بيحبك يا نور و مستحيل يسيبك أو يسمع كلام حد بابا كبير و عاقل و بعدين مين قالك انه مش بيحب ماما أو انتي و اخوكي 

لبنى طالعت نور من حضنها و مسحت دموعها تاني و قبلت راسها قعدتها على قدميها و حضنتها :- بابا كان بيحب ماما اوى ممم بس مكنش بيحب يعبر عن حبه ليها أو مكنش عارف يعبر عن دا 

نور بوجع:- حتي لو طردها بالبس البيت و يقول ليها كلام وحش ويضربها قدام تيته و طنط نورا و سماح و شهد و عمتو ، قال ليها يا حرامية و الكل قعد يقول انها سرقتهم مع ان ماما مش كدا ، امى عمرها ما بصت على الى في ايد غيرها 

لبنى بصتلها بصدمة :- نور انتي بتقولي اي عيب كدا 

نور بدموع و انهيار:- لو حضرتك مش مصدقني اساليه أو اسالي تيته الى فضحتها في الشارع و قالت انها حرامية انا مكنتش نايمة سمعت كل حاجة لانى صحيت على صوت بابا و هو بيضرب ماما و بيجرها في الارض ، انا مش عايزة اروح لبابا تاني ارجوكي يا خالتو بلاش تسبيني معاهم ابوس ايدك 

لبنى بعدت ايديها بسرعة و حضنتها بقوة و دموع من كلامها خوف عليها إزاي طفلة تشوف كل دا لا دا شافت و سمعت كمان كانت بطبطب عليها و بعد ما اخدت عهد على نفسها قدام ربنا انها مش هتسيبها غير و هى في حياة افضل لكن كمان قلبها اتوجع على منى الى كانت عايشة و مستحملة و ساكته بس علشان عيالها اما في بيت سمر في شقة شاهين 

شاهين واقف قدام الدولاب :- منى هو فين التشيرت الاسود الى جايبو جديد 

منى :- عندك في الرف الى تحت لتاني مرة اقولك مكانه 

كانت بتقولها و هى بطبق الهدوم 

شاهين قعد قدامها اخد الهدوم منها مسك ايديها:- تعرفي انكي احلي حاجة في حياتي 

منى بصتله بابتسامة:- دا بجد ولا تريقة 

شاهين:- والله العظيم منى انتي كل حاجة في حياتي 

منى ابتسمت بمرارة بصتله بعتاب:- اومال ليه يا شاهين ليه عملت فيا كدا ، ا انا اترجيتك و كنت هبوس ايدك انك تسمعني ، انت طالعتني من بيتي بطريقة إبليس نفسه ميرضهاش ، كسرتني من جويا مع ان انا قولت ليك انى مليش غيرك بلاش تكسرني يا شاهين 

شاهين بدموع:- مكنش قصدى يا منى حطي نفسك مكاني الدهب و حاجاتهم في دولابك و غير كدا غلطي في امى 

منى نفضت ايديها من ايديه و قامت لفت وشها الناحية التانية:- لانها ست ظالمة لانها بتستنا اقرب فرصة و تذليني اتجوزتني ليه يا شاهين علشان امك تبيع و تشتري فيا ولا علشان ابقا خدامة ليك و لى العيلة انت عمرك ما حبتني انت اصلا مش بتحب نفسك يا ابنى هتحبني ازاى 

شاهين :- لا يا منى انا بحبك والله العظيم انا عايش علشانك انتي و 

كان هيكمل كلامه بس منى اختفت ايوة شاهين بيتخيلها و بيقعد يتكلم معاها بالساعات لانه بقا مريضي نفسي كل الى عليه انه يكلمها و يشوفها فين ما يروح ( هو انا بعيط ليه دلوقتي) 

شاهين حط ايديه على راسه 

 بوجع و عينيه بدور عليها خرج من اوضته كانت قعدة على الروكنة و مسكة الريموت:- مش وقت ماتش خالص المسلسل هيبدا و انا بحبه بقولك اي ما تفكك من الماتش و تعال اقعد معايا نتفرج عليه مع بعض زى زمان يووو يا شاهين دائما بتنسي حاطط المفاتيح فين ، المفاتيح على الجزامة يا سيدى بتقولك انا اهو ، الى واخد عقلك 

شاهين بحب و ابتسامة:- مفيش حد واخد عقلي ولا قلبي غيرك يا حبيبتي 

منى بابتسامة:- والله 

شاهين:- والله 

منى:- و انا كمان بحبك اوى 

شاهين بص على مكانها بوجع و على الشبشب بتاعها مسح دموعه لكن نزل بسرعة على صويت و انهيار سمر نزل جري دخل اوضة هنا كانت الدكتورة خارجة من الاوضة و كلهم متجمعين حواليها 

سمر بتصرخ بانهيار :- بنتييي لا لا بنتي عايشة اااه يا بنتي بنتي لا لا 

فضلت تصوت لحد ما صوتها راح و اغمو عليها في بيت اهل لبنى 

ياسمين مستخبية وراء ابتهال :- اوعي تتحركي يا ماما 

مروان بعصبية:- ابوس ايدك يا امي بلاش تدخلي بينا ولا تدفعي عنها هي عارفه عملت اي 

ياسمين بعفوية و هى مستخبية وراء ابتهال:- اوعى تتحركي يا ماما و بعدين عملت الى محدش عملوا ربنا جعلي سبب في رجوعهم لبعض و هى مبسوطة و انا قولت نسبت احكيلك متبقش خنيق بقا اي الارف دا دى مش عيشة 

مروان:- يعني غلطانة و لسانك طويل و بتبجحي يا ماشاء الله عموما لينا بيت نتكلم فيه والله ما هسيبك و حيات امي مانا سيبك 

ابتهال بصتله:- وحيات امك و ابوك ما  هى مروحة معاك اطلع برا و خد الباب في ايدك ياسمين ها تبات هنا 

مروان:- بتقفي في وشي علشانها يا امى 

ابتهال:- و اقف قدام الجن لو ها ياذيها اي هتتجن على امك يا مروان يا خسارة تربيتي فيك يا خسارة و مية خسارة اطلع برا و لو تعقل ابقا تعال خدها متخفيش يا سمسم ولا يقدر يقربلك ، ابقا بقا يا موكوس روح اشتكيها في المحاكم علشان اربيك يلا اطلع برا يلا من هنا 

مروان بعصبية:- طب  والله العظيم ما هسيبك يا ياسمين الكلب ولا هسيب حقي و يانا يا انتي 

مروان خرج من الشقة و رزع الباب ابتهال بعدت ياسمين عنها و بصت ليها بغيظ:- مش كنتي تفهمني الاول علشان ادافع بقوة عجبك كدا و انا زى الاطرش في الزفة ماشي يا ياسمين على اوضك 

ياسمين كانت ها تتكلم:- ب 

ابتهال:- هشش ولا كلمة و يلا اتصلي بى التانية لحد ما اروح اجيب العيال من المدرسة كفاية عليها الى بتعملو في بيتها نشيل عنها شوية انتي رتبي بس اوضك لحد ما ارجع و هى تكون جت ماشي خدي بالك من نفسك و بلاش حركة كتير اقولك روحي نامي لحد ما نجي ماشي و بالليل ابقا اروح لى لبنى اطمن عليها و اشوفها لو في حاجة هتتعمل اعملها ليها و ارجع هقفل من برا بدال ما تقومي سلام 

عند اسر في المستشفى 

الدكتورة خرجت بهدوء:- للاسف يا استاذ اسر 

اسر بخوف:- اوعي تقوليها ماما 

الدكتورة:- مامتك عايشة بس للاسف جلها جلطة أثرت على الكلام و المشي للاسف مش هتقدر تمشي ولا تتكلم 

اسر بصلها بصدمة ووووو 

يتبع 

الحلقه 14

رايكم في الحلقة و ابتهال و ياسمين و شاهين و نور 

عشق ابيض واسود 🤍🖤 

عائشة الكيلاني

اسر بصلها بصدمة :- اي 

الدكتورة :- للاسف مفيش علاج عن اذنك 

الدكتورة مشيت اسر سند راسه على الحيط و هو حاسس بوجع و انكسار كله وراء بعض منى و بعدين هنا و دلوقتي امو و يعلم الدور الجاي على مين فاق على صوت الفون كانت لبنى اتنهد بوجع و حزن:- الو يا لبنى 

لبنى رايحة جاية بقلق و عصبية شوية:- انت فين يا اسر اتاخرت ليه كل دا من امبارح و انا معرفش حاجة عنك هو لدرجة دى انا اخر اهتماماتك قعد مع اهلك و سيبني انا على نار من قلقي عليك 

اسر اتنهد:- هنا ماتت يا لبنى 

لبنى بعدم فهم:- هنا مين 

اسر:- اختي ماتت و امى مش هقدر تتكلم ولا تمشي تاني 

لبنى قعدت على الكرسي بصدمة و خضة:- ط طب انت فين  انا جيالك حالا 

اسر:- لا انتي تخدي العيال و تطلعي على البيت و ياريت متتحركيش تقعدي مع العيال مش اكتر مفهوم يا لبنى 

لبنى بهدوء:- حاضر يا حبيبي 

لبنى قفلت مع اسر و جهزت نفسها و اخدت العيال و خرجوا بعد وقت وصلوا البيت 

و طالعت شقة نورا تقعد مع العيال بالليل كان العزاء خلص الكل راح على بيته طبعا اهل لبنى كانوا موجودين معادة ياسمين 

شاهين طالع شقة عماد و نورا كانت لبنى واقفة و خرجة من البيت نور استخبت في لبنى مش بتكره لكن مشهد و هو بيطرد امها محفور في بالها 

شاهين بصدمة:- نور انتي خايفة مني 

نور هزت راسها بنفي :- انا مش عايزة اقعد هنا ارجوكي يا طنط 

لبنى بصتله بهدوء :- بنتك محتاجة وقت يا شاهين علشان تنسي الى حصل و الى شافته عن اذنك لازم امشي 

لبنى مسكت ايد نور و سليم في الايد التانية و نزلت شاهين بيبص على بنته بصدمة :- معقول تكون شافتني 

في شقة سمر لبنى اطمنت انها بخير قبلت راسها و مشيت نورا طبعا اطلقت و اخدت شنطة هدومها و مشيت و هى حاسه بقهرة و وجع عماد اتجوز عليها و طلقها بكل سهولة ا

اسر مسك فون هنا كانت مسجلة بصوتها و احتفظت بالتسجيل دا 

انا عارفه انك هتكرهني و مستحيل تطقني بس انا هسجل الكلام دا لو حصلي حاجة منى بريئه مسرقتش حاجة ولا عملت اى حاجة من الى قولنا عليها ، امى امى هى الى سرقت الفلوس الى في الورشة علشان متعملش فرح ولا اى حاجة لى لبنى ، سامحني يا اسر وحيات ربنا سامحني والله ما كان قصدي كل دا صحيح منى مماتتش عادي ، سماح خنقت منى لانها كشفت سري و كانت هتفضحني في سماح خنقتها بالطرحة الى كانت في رقبتها و شهد هى الى ولعت في لبنى لو تلفوني وقع في ايدك يبقا انا روحت لى الى احسن مني و منك امانة عليك تسامحني ياخويا 

اسر قفل الفون بصدمة كور ايديه بغضب حط ايديه على راسه بجنون و ضياع مش عارف يعمل اي لكن نزل بسرعة راح القسم و قدم التسجيل لى الشرطة و بعد ما اتاكدو ان التسجيل حقيقي قرروا يقبضو على سماح 

بعد وقت في البيت في شقة سمر 

سماح واقفة قدامها و ايديها على خصرها:- مالك يا حبيبتي 

سمر بصتلها 

سماح :- يا منى يا هنا تعالوا حماتي عايزاكم 

قالتها بضحك و سخرية بصتله ببرود:- لا يا حبيبتي انا عايزكي تهدي كدا علشان نعمر مع بعض بعد ما كلهم غارو و انا الى اتبست فيكي بعد ما بقيت عاجزة و خارسة ما شاء الله قرفني و انتي بصحتك و هتقرفني و انت عاجزة اي بتبصلي كدا ليه مش عجبك كلامي نادي و عيطي زى ما انتي عايزة محدش هيعرف بى الى هعملو اسر و مشغول بحياته و شاهين يعيني اتجنن بعد ما قتلت مراته 

قالتها و هى بتقرب من سمر بابتسامة شماته :- تستاهلي انت المفروض تخدي اعدام على مصايبك دى مش هتهدي بقا يا سمورة قوليلي بقا صندوق دهبك فين بيم ان هخدمك اخد اتعابي 

سماح فتحت الدولاب و قلبت الهدوم و كل الى في الدولاب بجنون سمر بتحاول تصرخ أو تتكلم بس ازاى سماح بغضب قربت و بقت بتهزها بقوة و غضب:- وديتي الدهب فين يا سمر وديته فين انطقي انتي فاكرة نفسك انكي هتصعبي عليا بى الشويتين دول لا يا مامااا فوقي

 و قولي فين دهبك 

طبعا سماح كانت نسية تقفل باب الشقة و الأوضة طبعا الشرطة جت و كانوا سامعين صوتها و شايفين كل حاجة 

عاصم مكنش مصدق لكن لم شافها اتصدم 

سماح بغل:- هقتلك يا سمر هقتلك زى ما قتلتها هرتاح منك و منهم ساامعة 

سماح لفت وشها شالت ايديها من على سمر بارتعاش :- ع عاصم 

عاصم شدها و ضربها كف سماح حطت ايديها على خدها بصدمة عاصم بصلها بصدمة و احتقار:- مكنتش اعرف انكي كدا ، انتي طالق يا سماح طالق بالتلاتة انا بكرهك 

الظابط:- اقبضو عليها ، انتي مطلوب القبض عليكي كل الادلة ضدك هتوتها 

العسكري حط الاساور في ايديها و مشيو سماح كانت بتحاول تحرر نفسها منهم و هى بتصرخ بانهيار و تبص على ابنها الى كان بيبص لاسر و ابوه بكره خبة وشها في حضن شهد الى بطبطب عليه بحزن و فرح 

عدت ايام مكنش في جديد غير ان شاهين اتصلح مع نور و اسر بين امه و لبنى شهد الى بتمثل دور الملاك لكن هى بحالات مع سمر و اوقات لبنى بتروح لم بتكون كويسة طبعا شاهين لسه في نفس حالته عاصم بقا اتجوز على طول سماح اتحكم عليها بى الاعدام طبعا سماح وصت شهد انها تربي ابنها 

بالليل عند اسر و لبنى 

لبنى مسكت ايديه :- مالك يا حبيبي حاسك غريب بقلك فترة 

اسر باحراج:- انا عارف ان لو فضلت عمري كله اعتذر مش هعرف اوفيلك حقي حقك عليا يا حبيبتي 

لبنى بابتسامة و حب:- يا حبيبي و انت ذنبك اي و تعرف منين انه فخ احنا الحمدلله بخير حياتنا اتظبطت ابننا كويس و يارب يجي بخير 

اسر قبل ايديها بحب:- ان شاء الله يا روحي 

لبنى:- يا تري هتفضل تحبني زى دلوقتي ولا هتتجوز عليا زى ما اخواتك عملو 

اسر :- مفيش ست في الدنيا تملي مكانك ولا عيني و بعدين هما يستاهلو الصراحة لبنى انتي مش بنادمة 

لبنى بصتلها بصدمة مزيفة:- قصدك انى عفريت جينية يعني 

اسر بحب:- و احلي جينية و احلي نجمة كنت هموت و اطولها و لو فضلت اقولها عمري كله مش هزهق بحبك 

لبنى:- بس انا مش بحبك 

اسر بصلها بزعل 

لبنى:- انا بموت فيك 

اسر قبل راسها و حضنها 

عشق ابيض واسود 🤍 🖤 

عائشة الكيلاني

تكملة الرواية من هناااااااا 

لمتابعة باقى الرواية زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملة من هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا