رواية احببته رغماً عنى الفصل الحادي عشر والثاني عشر بقلم ياسمين حسين
رواية احببته رغماً عنى الفصل الحادي عشر والثاني عشر بقلم ياسمين حسين
الفصل الحادى والثاني عشر
عمرو بعصبية: جرى ايه يا ماما حصل ايه لكل ده يعنى مينفعش الى بتعملية خالص
فريدة : لا كده كتير انت بتدافع عنها كمان يا عمرو البت ديه تمشى من البيت حالا ملكيش قاعدة هنا يلا برا
سلمى: انتى..
عمرو مقاطعا: لو طلعت سلمى من هنا انا همشى معاها ومش راجع تانى
فريدة بغضب هادر: مهو ده الى كان ناقص على اخر الزمن خدامة تلعب بعقل ابنى
سلمى ببكاء: انتى ايه حرام عليكى بقى انا ماشية من هنا مش هستنى اسمع كلام اكتر من كده
عمرو بعصبية بعد خروج سلمى : قلتلك مليون مرة مينفعش نعامل الناس كده مالها يعنى اهى احسن من بنات كتير ولا انتى مش بيعجبك غير سارة
وامثالها ولاد الحسب والنسب اووف العيشة تطهق هنا سلام
فريدة: استنى بس يا عمرو رايح فين؟!
عمرو: غاير فى ستين داهية
نزلت سلمى على الدرج وهى تكتم صوت بكائها بصعوبة ونظرات فريدة موجهه اليها بأحتقار شديد
خرجت سلمى من البوابة ووجدت سيارة عمرو تقف امامها
عمرو: اركبى يا سلمى
سلمى بتماسك: كتر خيرك يا استاذ عمرو بعد اذنك
عمرو: يا سلمى اسمعينى بس والله..
سلمى بعصبية ممزوجة ببكاء: متحلفش بس روح شوف الى وراك وملكش دعوه بيا سلام
عمرو بحزن: ليه كده بس يا ماما عملتى فيها كده
اسرعت سلمى متجهه ناحيه بيتها وصعدت على الدرج مسرعة وهى تبكى بشدة الى انا قابلتها جارتها زينات وهتفت صائحة : ست سلمى ازيك يا حببتى عاملة ايه؟!
سلمى بتأفف: الحمد لله يا طنط كويسة
زينات بخبث: مالك يا حببتى شكلك معيطة فى حد زعلك ولا حاجة
سلمى: لأ يا طنط مفيش حاجة وعن اذنك بقى
زينات : اه طبعا يا حببتى اتفضلى . لما اشوف اخرتها معاكى يا بت كريمة
دخلت سلمى الى شقتها واتجهت مسرعة نحو غرفتها وهى تبكى بشدة
سلمى: حاضر يا كرمله
كريمة : الا صحيح يا بت يا سلمى عارفة مين اتصل بيكى من مده
سلمى وهى تمضغ الطعام: هيكون مين يعنى ما انتى عارفة ان مفيش حد بيعبرنى
كريمة : اهو فى حد عبرك اهو فاكرة فرح يا بت
سلمى: فرح مين ديه يا ماما ثم اتسعت عيناه وقالت بصياح : قصدك فرح احمد صاحبتى من ايام ثانوى
كريمة: ايوا يا حببتى هى فرح احمد
سلمى: لا مش معقول ديه وحشتنى اوى مدتكيش نمرتها ولا حاجة يا ماما
كريمة اه ادتنى نمرتها هبقى اشوفهالك يا حببتى
سلمى : تمام
فى فيلا الكيلانى
استيقظت منة بتثاقل وهى تدنن بسعادة ثم اتجهت نحو الحمام واخذت حماما دافء خرجت من الحمام متجهه نحو الدولاب لكى تنتقى ملابس انيقة ثم
نزلت على الدرج
منة: يا سلمى انتى يا بنتى فينك.. يوه مش بترد ليه البت المتخلفة ديه يا دادا سميحة
سميحة مسرعة: نعم يا حببتى فى حاجة حصلت
منة بعصبية: فين الزفته الى اسمها سلمى ديه
سميحة: ديه الست هانم فريدة طردتها من البيت
منة: وطردتها ليه انا شايفة انها كويسة اوى عن
البنت الى فاتت يعنى
سميحة : والله ما اعرف يا بنتى بس الى سمعته ان الموضوع كده فى استاذ عمرو
منة: عمرو اووبا دي شكل الحكاية كبيرة بقى ماشى
يا دادا سميحة روحى شوفى انتى وراكى ايه
سميحة : ماشى يا حببتى
فى شركة الكيلانى
تلقى كريم اتصال من منة
كريم : الو خير يا منة عايزة ايه
منة : ايه يا كريم الطريقة الى انت بتكلمنى بيها ديه
كريم بتأفف : يا منة اخلصى عشان انا صراحة مش
حابب اتكلم معاكى خالص على فكرة
منة: اوك براحتك بص انا كلمت يوسف قبل كده على ان مروان خطيبى هيجى يشتغل فى الشركة عندكم
كريم : مروان خطيبك انتى اتخطبتى امتى يا منة؟!!
منة بتلعثم: اصل احنا كنا عاملين حفلة الخطوبة على الديق
كريم: اها قولتيلى طب ماشى انا هبقى اكلم يوسف بخصوص الموضوع ده
منة: استنى بس تكلم يوسف ايه ده يوسف كان محدد معاه معاد ان يجيله النهاردة
كريم: ماشى يا منة خليه يجيلى وانا هشوف كده سلام
منة : سلام
..............................................................
بعد مرور اسبوعان
خرجت سلمى من المنزل لكى تبحث عن عمل
سلمى فى نفسها: اعمل ايه بس ياربى حلاقى فين بس شغل دلوقتى :/
سمعت فجأة صوت سيارة خلفها
سلمى بصياح: ايه يا بنى ادم انت بتذمر كدن ليه
عمرو: اصلى معجب اعمل ايه!
سلمى بأبتسامة: ايه ده عمرو ازيك
عمرو بحب: انا الحمد لله تمام انا مش عارف اقولك ايه صراحة عن الفصل البايخ الى حصل ده
سلمى: ولا يهمك حصل خير يا عمرو
عمرو: طب الحمد لله انتى كنتى رايحة فين
سلمى : بدور على شغل
عمرو بأستغراب: بدورى على شغل انتى لسة مكانك موجود يلا اركبى
سلمى: لا مش هركب انا اتهزقت جامد اوى
عمرو: معلش امسحيها فيها انا هخليها تعتذرلك والله يلا بقى اركبى
سلمى: امرى لله هركب حاضر
فى شرم الشيخ
كريم: ايه يا جو يعنى محدش سامع صوتك
يوسف: اسكت يا كريم حتت سفرية انما ايه تحفة
كريم: انت هتقلى هتلاقى المزز كانت مرمية فى كل
حته وانا الى قاعد متنيل على عين امى فى الشغل هنا
يوسف: معلش بقى يا كيمو هبقى اعوضهالك ان شاء الله بقلك صحيح شفت يا اخويا ابويا عمل بارتى كبير اوى هنا عشان راجع مصر لا والمفجأة
الكبيرة انه اتجوز
كريم: لا لا بتهزر ديه فريدة هانم هطين عشته
يوسف: ههههههه ما انا بقول كده بردو يلا بقى اقفل عشان مشغول اووى
كريم: مشغول..! ماشى يا عم يوسف لما نشوف اخرتها معاك ايه
سها: استاذ كريم فى واحد برا عايز يقابل حضرتك اسمه مروان
كريم: مروان مين ده...اه اه دخليه ماشى
سها: حاضر.. اتفضل يا استاذ مروان
مروان : شكرا
كريم بتفحص: اتفضل يا استاذ مروان ها انت جاى بقى من طرف منة خطيبتك
مروان بتوتر : اه هى قالتلى انها كلمتك وانى اجى عشان الوظيفة
كريم: ماشى يا مروان احنا هنعمل انترفيو فى الاول عشان نشوفك اوك
مروان : ماشى تمام
امام فيلا الكيلانى وقف عمرو وسلمى يتحدثون
عمرو: بصى يا سلمى انتى هتدخلى عادى اوى
ومتخافيش خالص وهى صدقينى هتعتزرلك ديه ماما طيبة اووى
سلمى: امرى لله
عمرو: ربنا يستىر
..................................................
الفصل الثانى عشر
*************
صافىى: بجد يا مصطفى مش مصدقة اننا اخيرا راجعين مصر تانى احنا بقالنا كتير اووى قاعدين هنا
مصطفى: شفتى بقى يا حببتى انا اد كلمتى ازاى
صافى: طبعا يا حبيبى
فى فيلا الكيلانى بدأت سلمى من جديد
بالعمل بالبيت بعدما اعتذرت لها فريدة هانم بعد ألحاح واصراره على ارجاعها الى البيت
عمرو: الا قوليلى يا سلمى انتى مرتبطة
سلمى وهى تضيق عينها: ليه السؤال ده؟!
عمرو : لا عادى بس حبيبت استفسر مش اكتر
سلمى وهى تهز كتفيها: لا مش مخطوبة
عمرو بأبتسامة: طب والله حلو بقلك ايه رأيك تيجى تشتغلى معايا فى الشركة انتى خريجة ايه؟
سلمى بأستغراب: خريجة تجارة انجلش و شركة ايه ديه الى انت بتتكلم عليها
عمرو: ديه شركتى انا واخويا وانتى اهو خريجة كليه كويسة انتى ايه رأيك
سلمى: مش عارفة والله هفكر
عمرو: تمام ماشى
فى منزل سلمى
كريمة: ايه الى رجعك فى نص الأسبوع كده مش عوايدك يعنى
سلمى: جيت اقعد معاك يا جميل اصلك وحشتينى
كريمة : اه يا بكاشة كلى بعقلى حلاوة هعدهالك المرادى
سلمى : هاتيلى نمرة بقى فرح عشان اكلمها البت ديه وحشتنى اوى
كريمة: النمرة عندك هنا على التلفزيون روحى خديها
سلمى : ماشى يا ست الكل اخذت سماى الرقم وبدأت بكتابته على هاتفها ووضعته على اذنها وانتظرت ان تجيب عليها : الو فرح معايا
فرح: ايوا انا مين معايا؟!!
سلمى : انا سلمى يا بنتى صاحبتك
فرح: لا لا مش معقول ازيك يا بت يا سوسو
سلمى: ههههه سوسو ايه بقى دا انتى الى سوسو انا عرفت ان انتى بتشتغلى فى شركة حلوة كده والدنيا لعبت معاكى اووى
فرح: الله اكبر يا شيخة فى عينكى وانتى بقى بتشتغلى ايه
سلمى بملل: اشتغلت فى الاول فى محل ملابس بس حصلت مشاكل فيه و مشيت ودلوقتى بشتغل عند ست كبيرة كده ومستريحة فى شغلى معاها
فرح: يا خرابى بتشتغلى خدامة يا سلمى
سلمى: لا لا يا بنتى خدامة ايه بقلك ست كبيرة وبراعها وماما موافقة فيها ايه بقى
فرح: غلطانة بردو يا سلمى مينفعش تمرمطى نفسك كده فى البيوت بصى انا عندى ليكى شغلانة كويسة اوى فى شركة محترمة هسألك صاحب الشغل واشوف لو ينفع تيجى
سلمى بفرح: بجد يا فرح انا مش مصدقة نفسى اخيرا هرتاح بقى
فرح: ان شاء الله هشوفلك بكرا الشغل واتصل بيكى سلام يا حبى
سلمى: سلام ❤
.........ً...................ً......................................
ذهب مروان الى فيلا التى تسكن بها منة لكى يتقدم لخطبتها واتفق مع فريدة هانم ان الخطوبة ستكون الخميس المقبل
استعدت فريدة هانم ومنة استعدادا غير عاديا قامت فريدة هانم بدعوة صديقاتها نازلى وشاهى وقامت
منة بدعوة اصدقائها كلهم وقامت بالتسوق مع صديقتها المقربة يارا لكى تشترى فستانا مناسبا لحفلة الخطوبة لأنها تريد ان تفاجأ مروان بفستانها
او بالأخص تريد اغاظة صديقاتها وكانت الأستعدادات على قدم وساق
فى احد الشاليهات بشرم الشيخ
يوسف بتثاقل: يا خبر انا شكلى تقلت فى الشرب ليلة امبارح وبعدين لازم اشوف هرجع امتى من هنا
اوووف ديه الدنيا متلغبطة على الاخر..
تلقى يوسف اتصالا من كريم واحضر التلفون من جيب بنطاله
كريم: صباح الخير على ااحلى جو اخبارك ايه يا برنسايه
وسف بعصبية: مش ناقصة رخمتك على الصبح الدنيا متطربقة على دماغ امى هنا ومش عارف اعمل ايه
كريم بأستغراب: ليه يا ابنى انت موقعتش العقد مع
الوفد الألمانى ولا ايه
يوسف بتأفف: مش عجبهم السعر الى اتفقنا عليه ولاد ال*** ناوين يزودوا على السعر مليون جنية
كريم: يا خبر مليون جنيه مرة واحدة طب يا ابنى
متشوف حد فيهم كده تخلىه ينزلك السعر انت فاهم قصدى يا جو
يوسف: هو انا لو كنت لاقى كنت هستنى كل ده انا هتصرف يا كريم اقفل انت دلوقتى عشان مش فاضى
كريم: ماشى يا جو سلام
......................................................
فى فيلا الكيلانى
استعدت منة للذهاب الى الكوافير فى صباح يوم الخميس اصطحبت معها صديقتها يارا وانطلقوا مسرعين بسيارتها الخاصة
فريدة : سميحه انتى يا سميحة
سميحة : نعم يا فريدة هانم فى حاجة
فريدة: انا مش عايزة اى غلطة النهاردة ديه خطوبة منوش حببتى ومش عايزة اى غلطة فيها ده كل الناس هتتكلم على الحدث المهم ده
سماح: طبعا يا ست هانم متقلقيش احنا عاملين كل الأستعدادات والتجهيزات للحفلة ديه
فريدة: اوك روحى انتى كملى الى وراكى
سماح: حاضر يا هانم بعد اذنك
سها: كريم بيه فى واحدة اسمها فرح كانت عايزة تكلم حضرتك
كريم : ديه الى شغالة فى الحسابات دخليها ماشى
فرح: السلام عليكم يا استاذ كريم
كريم: وعليكم السلام اتفضلى يا انسه فرح اقعدى
فرح: شكرا يا فندم
كريم: ها كنتى عايزانى فى ايه بقى؟!
فرح بتوتر: صراحة يا استاذ كريم انا صاحبتى كانت عايزة تشتغل فى الشركة هنا وهى خريجة تجارة
انجلش ومن ساعة متخرجت ملقتش وظيفة مناسبه
فا انا بستسمح حضرتك لو كان فى مكان فى الشركة مناسب انها تشتغل فيه
كريم بتفكير : والله يا فرح انا مش عارف انتى عارفة طبعا ان استاذ يوسف هو صاحب الشركة مش انا بس انا مقدرش ارفضلك طلب هاتيها نعملها انترفيو ولو لقتها مناسبة هشغلها
فرح بسعادة: بجد متشكرة اووى اووى يا استاذ كريم انت متعرفش هىا محتاجة الشغل ده اد ايه
كريم بأبتسامة: على ايه يا انسه فرح انا معملتش حاجة تستاهل كل ده كل الى فى الموضوع ان انتى انسانة محترمه وبتشتغلى بأتقان فمينفعش ارفضلك طلب انت
فرح بخجل: شكرا يا..يا استاذ ..كريم
كريم : بس انا كنت عايز نمرتها عشان لما نيجى نتفق على معاد المقابلة عشان يتعملها انترفيو
فرح: اه طبعا نمرتها اهى......
كريم : اها تمام ماشى
فرح : بعد اذن حضرتك
كريم: اتفضلى يا انسه فرح
فى فيلا الكيلانى
ذهب مروان لاصطحاب منة من عند الكوافير وعند خروج منة انبهر مروان بجمالها وقبلها من يدها واتجهوا نحو السيارة للأنطلاق الى حفلة الخطوبة
فى احد الأسواق
تلقت سلمى اتصالا من رقم غريب فاجابت بسرعة
سلمى : الو..؟!
عمرو: ازيك يا سلمى عاملة ايه!
سلمى بعصبية: مين معايا يا حضرت
عمرو: انتى علطول قافشة كده انا عمرو يا بنتى
سلمى : عمرو انت جبت نمرتى منين
عمرو: انا ليا اساليبى الخاصة انتى متعرفنيش اصلك بصى بقى بدون اى مقدمات او رفض انا عارف انك اخدا اجازة بس انا عايزة تيجى حفلة الخطوبة بتاعت منة
سلمى: حفلة خطوبة منة مين؟!
عمرو بأستنكار وهو يلوى فمه: خطوبة منه اختى يا حاجة ايه فقدتى الذاكرة
سلمى : ولا فقدت الذاكرة انا مش عارفة انها هتتخطب وبعدين انت مين الى قالك انى اخدت
اجازة ديه فريدة هانم هى الى ادتنى اجازة مكنتش اعرف ليه وانا مصدقت صراحة واستريحت
عمرو: غريبة الى مقالتلكيش او مخلتكيش تساعدى فى التجهيزات بصى انا هاجى كمان نص ساعة هاخدك.بالعربية انتى ساكنة فين
سلمى : هتاخدنى فين انا مش هروح فى حته يا عمرو
عمرو: انتى ليه فقرية ولا لازم تأوحى وخلاص
سلمى بتأفف: انت زنان ليه كده وبعدين مدام مامتك ادتنى اجازة يبقى اكيد هى مش عايزانى هناك
عمرو : يا ستى ملكيش دعوة انتى اجهزى بس وانا هاجى اخدك انتى ساكنة فين صحيح؟!
سلمى : ساكنة عند شارع ال......
عمرو: تمام عارفة ساعة بالكتير وهاجى سلام
سلمى : سلام
وصل منة ومروان الى الفيلا وفور دخولهم صفق لهم الجميع وقاموا بتشغيل الموسيقى هادئة وبدأ بالرقص السلو
مروان بحب: انا مهما قلتلك. انا فرحان اد ايه النهاردة مش هتصدقى
منة وهى تقوم بأحتضانة اثناء الرقص: لا طبعا هصدقك عشان انت متعرفش انا اد ايه كنت مستنية
اليوم ده بفارغ الصبر.. بحبك يا مروان اووى
مروان : وانا بمووت فيكى يا حبيبت مروان
وصل كلا من سلمى وعمرو الى الفيلا خرج عمرو من السيارة بسرعة واتجه الى ناحية سلمى وفتح لها الباب وانحنى لها
عمرو: اتفضلى يا انسه سلمى
سلمى: هههههه ايه جو الأفلام ده
عمرو : ده لزوم الأتكيت بقى انتى عارفة جو الحفلات لازم يكون كده
سلمى بمزاح : طيب يا اخويا
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق