مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 رواية عــروس الجبـــايــش الفصل السادس والسابع والثامن والتاسع والعاشر  بــقلم يـــاســـة الموسوي 

رواية عــروس الجبـــايــش الفصل السادس والسابع والثامن والتاسع والعاشر  بــقلم يـــاســـة الموسوي 

#عــروس_الچبـــايــش🌼

بــقلم يـــاســـة الحلقة (6)

في بداية الامر أظنك شخصاً عادياً

شخصاً يذهب في أي يوم 

ظننت أنك مثل بقية الناس  

ولكني الآن أدركت أنني وقعت بك بشدة

لم يعـد بمقداري تصور غيابك عني ولو لدقائق ، فـأنا أبحرت بك بعمق 

تباً لغروري الذي يمنعني من الآعتراف

لقد أصبح الخلاص منك شبة مستحيل 

........................ 

يُـمن :- طبيت للبيت لگيت عمتي گاعدة 

و شادة راسها بس شافتني گامت من مكانها و گالت

بديعـة :- شعندج جاية مو وليتي و خلصت منج

ما جاوبتها  عفتها ومشيت للغرفه جرتني من ايدي و تصيح بعصبيه

-- مو احچي وياااج شعندج راجعه امشي برى

رائـف :- وين برى وين تروح يعني 

-- الاهلها ترجع مجبورة بيها خو ممجبورة

بيتي انهجم من دخلته لليوم انتَ واخوك تتعاركون اني وابوك نتعارك انتَ وابوك تتعارك ما اريدها خليها ترجع للچبايش

-- يوم الله يخليك راسي يوجعني

و روحي مالي خلگها لا تزيدها عليه 

-- شنو ازيدها عليك ما اريدها هنااا تعبت نفسيتي بسببها رجعها الاهلها

-- واني هم تعبت نفسيتي الله يخليج سكتي كافي وانتِ روحي الغرفتج يلااا تحركـي

عفتهم ورحت للغرفه سديت الباب 

و گعدت اريد ابچي اريد ارتاح ماكو يامعزتج يا دمعتي ولج طيحي وبردي گلبي خليني ارتاح ماكو ما اگدر ابچي 

نمت بجبتي وربطتي حتى الضوه ما طفيته لليل كلش فزيت البيت هدوء يمكن نايمين گمت نزعت جبتي و ربطتي و طفيت الضوه وره ما طفيته بشوية سمعت صوت نقال دگ بالحديقة و بسرعـة انگطع رجع دگ مره ثانية وهم انگطع بسرعـة گمت اشوف ياهو هذا عبالي واثـق گاعد گلت اذا واثـق احچي وياه يساعدني بضيمي هذا بلكي لگى حل 

رفعت البردة انصدمت و انا اشوف رائـف گاعد گبال الشباك و جكارته بيده بسرعـة سديت البردة ورجعت الجربايتي بعدني ما گعدت عليها واندگ الشباك عليه دگات خفيفه لزمت گلبي و انا اگول هذا هو شيريد ليش يدگ بالشباك ما گمت بقيت بمكاني رجع دگه مره ثانية واجاني صوته يگول يُـمـن

گمت من مكاني رفعت البردة شفته واگفه فتحت الشباك گـال

-- ما متسمم اريد سم اتسمم إذا ما ازعج حظرتج يعني تسويلي سـم 

-- تعذرني والله المطعم عزل و اريد انطمر وراي كراب من صباحية الله

رفع حاجبه متفاجأة ردي گبل لا يرد عليه  سديت الشباك ونزلت البردة بوجهه

و رجعت المكاني شايفه روحه شوفه عليه شحاسب روحه هذا اشتغل عنده والله

يا الله 

بقيت گاعدة و احچي عليه واسب بحظي وبقسمتي واللوم بـ امي  انوب ما ادري شلون انقهرت عليه وگلبي الاغم قشمرني وگومني للمطبخ 

فتحت الضوء وهو بس شاف ضوه المطبخ اشتغل اجى طب جر الكرسي و گعد عليه ما اهتميتله فتحت الثلاجة وطلعت كبه

و طماطة گليتهن و سويت زلاطه و حطيت الاكل گباله اجيت اروح گـال

-- وين سوي جاي

ادري بيه يدور مشاكل وياي و جاي يسوي هيج يريد يذلني و يطفرني بدون ما ارد حطيت الجاي على النار و مشيت للصاله گعدت بين ما يكمل اكله اصبله حطيت ايدي على التخم وثبتت عليها وجهي

و مدري شلون غفيت شوية وحسيت عليه قريب عليه و يحچي على كيفه ويگول

-- يُـمـن گومي بغرفتج نامي

فتحت عيوني و فزيت من مكاني و گمت سريع الغرفتي طبيت وسديت الباب حطيت راسي على المخدة و نمت والصبح من گعدت لگيت الامور تبشر بخير لدرجة أديان جايه قبل لا نگعد من النوم 

لا حچيت ولا انطيت اي ردت فعل صبحت عليهم عمو رد عليه و عمتـي و أديان محد ردت  والباقين بعدهم نايمين رحت للحمام غسلت و بوجهي للمطبخ حطيت الجاي على النار و سلگت بيض اجى عمـي باسني براسي و گـال 

حاكـم :- اني كلش اعتذر منج 

يُـمـن :- لا عمي العفو منك ليش تعتذر مابيك اي قصور 

-- من اجيتي لليوم تعبانه بالبيت و شغل البيت و رائـف واسلوبة الزفت وياج 

و عمتج و تصرفاتها وعصبيتها الزايدة وداعتج عمو ما رايدلج الاذية جبتج هنا ردت اخلصج من عمامج و بيبيتج لو باقية يمهم بعد يوم واحد جان كتلوج ودفنوج ومحد يدري بيهم 

-- الشغل ما يتعب وانا متعلمه على الشغل مو جديدة عليه و عمتي طيبة بس شوية اعصاب ما تتحمل و حقها انا ما اللومها من اجيتكم لليوم بس المشاكل من وراي و رائـف رجال تورط وخربت حياته وياه خطيبته انا لا اللومهم ولا زعلانه منهم  لا تنقهر وتفكر بيـه  

-- ادري بيج گلبج ابيض ما تزعلين من أحـد ولا تضوجين من أحـد وعمتج و رائـف راح يجيهم يوم و يتعلمون عليج و يتقبلون وجودج و راح تصيرين عدهم الكل بالكل بس يراد شوية صبـر 

-- عمي انا اريد ارجع هناك للچبايش ما اريد اتعلم ويتعلمون عليه گعدتي هنا مالها اي معنى ولا اي مبرر تعبتكم وياي 

-- شلون ترجعين حبيبتي عمو إذا رجعتي معناها ما سوينا شي خو من الاول وما جبناج و لا دخلنا بهذا الموضوع اساساً

يا حبيبتي يا بابا اعرف أني بيج تعبانه من هذا الوضع وتعبانه من تصرفات عمتج

و تصرفات رائـف بس كل هذا اهون من عيشتج هناك يم عمامج وداعتج هذا الوضع ما يبقى على حالـه راح يتغير و راح ترتاحين و اذا ما تغير اني اروح وادور امج 

لحد ما الگاها و اخذج الها تعيشين يمها بس يحتاج شوية صبـر 

من جاب طاري امي و گال يدورها احس گلبي انقبض هيج وارجع اشوفها و تشوفني 

وانام بحظنها و اشم ريحتها نزلت راسي

و طاحت دموعـي ليش هو هذا حالي مو بسببها بهذلتي هاي مو بسببها شلون تنام ليلها شلون تاكل تشرب تگعد تمشي شلون انطاها گلبها وهي شامرتني وما فكرت بيه

باس راسي و رجع طب للصاله و انا مسحت دموعـي و گمت حظرت صينية الريوك

و الگلاصات و جبت البيض و الجبن حطيته بالصينية واخذتها الهم للصاله گعدوا بالصاله يتريگون 

وانا صبيت كلاص جاي و سويت لفه جبن 

و گعدت بالمطبخ اتريگ عمي صاحني اجي يمهم ما رحت بعدهم يتريگون و گعدن البنات و واثـق اجت هالـه يمي صبحت عليه و اخذت اكلاصات و طلعت كاسة كيمر واخذتهن وراحت 

بين ما كملوا اكلهم رحت اشيل الصينية ما لگيت أديـان ما ادري وين رايحـه عفتها شعلية بيها التهيت اسوي بالغده و هاله غسلت المواعين وراها طلعنا انا وياها غسلنا الحوش ومن كملنا و طبينا شفت رائـف نازل من غرفته و أديان لازمته من ايده وتنزل وياه صارت عيني عليهم و گلبي مثل البزه صارت بيه عفتهم وطبيت الغرفـتي

گعدت وصافنه ويا روحي بقيت فوك الساعه هيج بس صافنه لا افكر ولا اتحرك ولا اي شي اسوي ما ادري بيـا عالم رحـت

لحد إذان الظهر انا بالغرفة والبيت هدوء ماكو لا صوت عالي و لا اي شي مزعج يمكن أديان راحت طلعت اريد اتوضى لگيتها بعدهي گاعدة ما رايحة و الكل منجمع بالصاله ما جني اشوفهم گبل بوجهي للحمام توضيت ورجعت 

فرشت السجادة و وگفت اصلي وراها طلعت حظرت الزلاطه و حميت الاكل

و صبيت على الميز و رجعت للغرفه 

وهم تغدوا بدوني بقى عمي يصيح عليها يريدني اتغده گتله ما اشتهي من اجوع اكل 

بيومها ما تغديت ولا طلعت بعد ما اريد اطلع واشوفها وتروح تسمعني كلمة تقهرني بيها خليها براحتها و انا مشترية راحة بالي  لليل كلش واجت هاله گالت

-- دا اريد اسوي حلاوة الجسمي بس عذبتني متساعديني بيها

-- اي تعاي

-- إذا تردين تنامين عوفيها غير يوم 

-- لا ما انعس تعاي خلينا نتونس شوية

جابت الشيرة واجت گعدت سويت جسمها وهي جلبت بيه اله اسوي وياها ما قبلت اسوي بس بعد قشمرتني وسوتلي واهس

و سويت وياها التگول عرسنا باجر زلغنا روحنا زلغ  وكل شوية نضحك على روحنه شلونه هيج گاعدين الليل كله نسوي شيره

وراها هي سبحت وانا سبحت وكل وحده نامت بغرفتها 

خلص هذا اليوم و ثانـي يوم هدوء ماكو شي يذكر بس عمتـي خلصت نهارها كله بيت أختها رجعت بالليل كلش ومن رجعت سمعت عمـي يصيح عليها و هي ترد معليه  انـي هذاك أبنه و روح عليـه 

ما اهتميت گلت شعليه عائله بيت بيناتهم شوف شكو عفتهم و نمت والصبح فزيت عمـتي گاعدة من وكت واسمعها مخبوصه و گعدت البنات وتصيح على رائـف تريده يگعد و ترجع تصيح على  واثـق لبست حجابي و گمت طلعت لگيتها بالصاله صبحت عليها ردت 

بديعـة :- صباح النور همي نفسج كملي الريوك 

تفاجأت بردها عليه اليوم هادئه الله يهديها دائماً وابداً ، رحت للمطبخ حضرت الريوك و البنات گعدن و واثـق وياهن يحچي على امه ما شبعان نوم اجوا كلهم گعدوا على الميز بالمطبخ گعدت وياها بعدني هسه صبيت الجاي و اجى رائـف بدون ما يحچي شي جر الكرسي و گعد

واثـق :- صباح النور 

رائـف :- مالي خلگك كلش اسكت من عندي احسلك

بديعـة :- بس واثـق مو بدأت رحمة الله 

واثـق :- شكووو حچيت شي يضوج  

غـادة :- اليوم نحتاج سكوتك لان رائـف عريس ولازم يبقى هادى رجاءً لا تعكر مزاجه بعد ساعه مهره هدوء رجاءً

رفعت راسي متفاجأة و واثـق نفس الوضع صفن عليهم وراها رد 

-- شنو مهر منو 

-- مهر رائـف على أديان 

اريد ابلع الگمه ماكو ما اگدر احسها وگفت بلعومي اختنكت و واثـق مصدوم و رائـف منزل راسه ياكل بدون صوت 

واثـق :- شوكت قررتوا

-- البارحه قرروا و اليوم تصير حلاله من بعد كل هذا الحب ههههه

جانت تحچي بحقارة تتقصد تضوجني بس انا بقيت ثابته ولا اهتميت الكلامها صدگ 

اختنكت و روحي احسها طلعت بس كابرت ودست على روحي 

واثـق عاف الاكل وگام ما قابل و عمي ساكت ما يحچي وعمتي رجعت تستعجلنا نخلص اكلنا حتى نگوم على شغلنا 

گمت من مكاني بدون صوت رحت للاستقبال انظف بيها طب وراي واثـق ويگول 

-- يمـن انتِ زينه 

باوعتله وابتسمت واگول

-- زينه 

-- والله ما ادري هسه سمعت 

ما جاوبت رجعت امسح بالطبلات رجع يگول

-- ما حچيت وياج من رجعتي من بيت خالتي لان شفتهم ساكتين وشفتج طبيعية ما ضايجة گلت انجرت إذنهم خصوصاً 

من عرفت رائـف هو اللي مرجعج گلت خلص هذا هو ما يگدر يستغني عنهم الهذا السبب سكتت و بعد ما فتحت اي موضوع وياج أطمنت من ناحيته بس هسه انصدمت والله ما ادري علمي من علمج

-- ليش تنصدم من الاول هاي مرته و هذا نصيبه عقده عليه هو الصدمه لا يضل بالك انا ما ضايجه ولامقهورة لان ادري من الاول بكل هذا يعني من الاول معروف هو رجال يحب ابنية خالته وجاي يتزوجها و حجالي كل شيء و حطني گدام الامر الواقع من اول يوم 

-- والله حاير ما ادري شأسوي ما اعرف اتصرف انتِ ما تستاهلين تمنيت يتقبلج زوجة و تعيشون سوى حاولت بكل الطرق 

اقربكم بس ما صارت الأسـف 

-- ما قصرت رحم الله والديك اخوي الما جابته امي اشكرك على كل شي سويتلياه ولا تتأسـف بالعكـس كفيـت وفيـت 

-- ما سويت شي والله لو مسوي ما وصلنا الهذا الحال

حچى هيج وطلع وانا رجعت اشتغل الجان الحايط يحچي و يحس حچيت وحسيت 

كملت الاستقبال طلعت للصاله نظفتها على حسب الاصول ورجعت للمطبخ غادة  تغسل بالمواعين اليوم عدها نشاط يوميه روحها ما تشربها ماي  و عمتي تطبخ بكل حيلها متحزمه 

بديعـة :- اذا كملتي البيت طلعي للطرمه 

بدون ما ارد طلعت للطرمه غسلتها ومسحتها و رجعت للحديقة رشيتها ورتبتها بعدني انظف بالحديقة و اجوا بيت خالتهم لميعة المره والابنية وحتى الولد ضايجين ما شفت هذيج الفرحه بوجهم بس شـ يسون بعد هي اقرب الهم مني ومتقبلين الموضوع

شويه واجن بعد اثنين صاحبات عمتي وانا كملت شغلي ورحت الغرفتي طبيت وسديت الباب بعد ما طلعت 

وره ما طبيت بشوية سمعت الاغاني اشتغلت و صوت الهلاهل بالبيت هنا يلا حسيت و اهتزت مشاعري و گعدت دمعتي بسرعه رفعت ايدي مسحتها وحطيت راسي جوى المخده ما اريد اسمع اصوات الفرح حتى لو معروفه من البداية بس صعبه عليه حتى لو ما يحبني ولا احبه بس ما اتحمل مو بـ ايدي 

اسمع صوتهم وفرحتهم و حركتهم وراها اندگ باب الغرفـة گمت فتحته طلع عمي بس شافني ابتسم بقهر وطب وسد الباب وراه 

حاكـم :- من الاول جان رافض و ما قابل

و اني الغلط مني وصلتج الهذا الحال بس والله العظيم جنت رايد مصلحتج ومن خوفي عليج خليته يعقد عليج ويجيبج هنا 

گلت انتِ حلوة و حبابة و طيبة راح يتعود عليج و يحبج ويتقبلج بـ مرور الايام بس مع الاسف طلعت غلطان 

يُـمـن :- حشاك من الغلط عمي أنتَ ما قصرت و صرتلي اهل بوقت ما اهلي عذبوني خلصتني من الموت و بسببك انكتبلي عمر جديد صدگ رائـف ما يحبني 

و ما قابل بيه و اليوم راح يخطب غيري بس هو ما مأذيني ولا متقرب عليه و من البداية جان صريح وياي و گال انا ما اريدج وانا ادري راح يجي يوم و يروح ياخذ الهاويها گلبه لا يضل بالك عليه انا زينه ولا تلوم روحك انتَ مابيك كل قصور ومهما صار تبقى عيشتي يمكم اهون من عيشتي هناك

باسني براسي وطلع الرجال ما بيده شي الشور الاول والاخير الأبنه وهذا اتفاق بينهم من اول ما جابني و الولد من اول ما جابني ما راضي بس انجبر يعني الزلمه

شـ طالع بـ ايده ضال بيني وبين ابنه حاير 

بقيت گاعدة بغرفتي و روحي تفور انفتح الباب وطبن ريـام وهالـه ونفس الحچي ونفـس التبريرات وانا ارد نفس الرد الناس شعليهم واختاض منهم انعم الله عليهـم اجوا وطيبوا خاطري وبروا موقفهـم العتب لا عليهـم ولا على رائـف العتب على امـي الخلتني ضحية من وره سوالفها العتب على جدادي الشمروني شمره الچلب وما سألو بيه 

سمعتهم صبوا الغده و تغدوا و وراها بساعه البيت فرغ و صار هدوء يعني راحوا يخطبون فتحت الباب وطلعت الدنيا مگلوبه المواعين تارسة المطبخ الاستقبال كلها نفاضات و جكاير و الكوشات مطشرة الصاله مگلوبه كلاب 

عفت كلشي ورحت توضيت وطبيت للغرفه مديت سجادتي و صليت الظهر والعصر ومن كملت سجدت و بچيت بصوت عالي

و بحرگه گلب ما حچيت شي بس ابچي واناشغ ما اگدر احچي بس متأكدة ربي يدري شبيه و شني يوجعني ساعه كامله ساجدة و ابچي وما احچي غير بس كلمة الالهي  الالهي لحد ما حسيت بروحي ارتاحيت و انزاح كل همي و برد گلبي گمت طبگت سجادتي وطلعت للبيت 

غسلت المواعين و نظفت الديوانيـة والصاله وعزلت الحوش إذن المغرب وانا بعدني اشتغل عفت من ايدي ورحت صليت ونفس الشي بچيت بچيت لحد ما ارتاحيت يله رجعت اكمل شغلي وين يله خلصت الشغل 

فتت سبحت و مشطت ورجعت للمطبخ گليت بيتنجان و سويت جاي جوعانه وجسمي يرجف بسرعه اكلت و غسلت ورجعت للصاله اباوع على الساعه بثمانيـة ونص بالليل وبعدهم ما جاين

طبيت للغرفه واگول بيني وبين روحـي اضن مسوين حفله هناك يله هم زين من احتفلوا هناك مو هنا لو محتفلين هنا چا متت من القهر 

تمددت بمكاني وايدي على عيوني وگلبي هاگد محمل هم بس المن يشكي والشكوه الغير الله مذله ، سمعت صوت الباب انفتح و السيارة طبت بنص البيت ما تحركت من مكاني بقيت على نومتي گلت اجوا وراها صوت باب المطبخ والخطوات صارت بالبيت وانفتح باب غرفتي 

رفعت ايدي من عيوني عبالي هـاله بس انصدمت من شفت رائـف بلبس المهر ماله 

القاط والرباط و هذيج الكشخه لتخبل 

فزيت من مكاني ادور علي حجابي وهو طب وسد الباب و تقدم عليه ويگول

رائـف :- شدورين شبيج خايفه 

يُـمـن :- حجابي عفيه بس شوية اطلع 

-- مرتي ما يحتاج للحجاب

رفعت راسي باوعتله شبيه هذا تقدم عليه اكثر رجعت ليورة بسرعه جرني من ايدي 

صرت قريبة من عنده كلش طگتني ريحته 

تكتل درت وجهي معدتي گلبت شني هاي الريحة 

رجع دار وجهي عليه و باسني دفعته من عندي قوي رجع ليورة ما متوازن وراها سحبني عليه اكثر اريد اوخره اريد افرغ روحي منه ماكو ضربته بـبطنه وركضت للباب مال الغرفه اريد اطلع صار اسرع مني

و لزمني ما يخليني اطلع قفل الباب بقيت ابچي و اتوسل بيه 

يُـمـن :- وخر مني وخر شبيك وخر الله يخليك عوفني الله عليك عوفني 

رائـف :- اشش ولا صوت ولا نفس ابقي خرسة مثل ما تعودت عليج ابقي هادئة مثل ما اعرفج بسس لا تحچين بسس 

-- شبيييييك وخر وخرررر مو صاحيي انتَ موووو صاحي دوخررو

-- اييي مو صاحي من جبتج هنا لليوم واني مو صاحي اريدج و اريد شكلج و اريد صوتج و اريد هدوئج گلبي يدك عليج بعد ما اتحمل اسكت اكثر اريدج انتِ ما اريد غيرج ليش ما مهتمه لمهري ليش ما ضجتي ليش ما انقهرتي ليش كارهتني ليش ما ترديني اني اريدج ما اريدها اريدج انتِ 

ضربته على وجهه رجع ضربني راشدي

و عضني برگبتي و راها شگگ ملابسي 

صرخت بكل صوتي وبچيت من كل گلبي 

ما اهتم ولا عافني ولا جنه يسمعني لحد ما صرت مرته من كل النواحي 

واگعه بالگاع وابچي منتهيه و هو اصلاً مو صاحي سكران اعوذ بالله شالني لفراشي

و تمدد بصفي حظني حط راسي بصدره

و يبوس بوجهي و يگول 

رائـف :- فدوة شگد حلوة صدقـه لله 

ما ارد بس ميته بچي 

رائـف :- ليش تبچين لا تبچين كافي شنو ما ترديني 

نفس الشي ما ارد بطني موتتني و الوجع عبالك سجاجين احاول اگوم ما يخليني حاضني بـ اثنين اديه ورجله حاطها عليه مطوقني تعبت من گد ما حاولت اخر شي استسلمت بعد شكو ادفع بيه وهو ما ضل شي ما سواه ما يفيد المدافع والحچي شو  انتهى وخلص كل شيء

غمضت عيوني ودموعي تنزل ايدي على بطني موتتني وجهي بصدرة تعبت من الوجع والبچي و منا گاعدة من الصبح

و الشغل المشتغلته والقهر استسلمت

و غفيت بدون ما احس على روحي

ساعه يمكن و صوتهم اجوا و حركتهم بالبيت وعمتي تصيح عليه تريده ينزل عبالها بغرفته لان شافت السيارة بالبيت 

فز من نومه على صوتهم و صفن بوجهي مثل الصحه على روحه گعد گعده مفزوع ويباوع الروحه ويرجع يباوع عليه غمض عيونه و فرك وجه وشعره سريع گام من عندي و جر هدومه لبسهن باوع للگاع مدمره رجع رفع راسه عليه و حچى 

-- ما ادري بنفسي مأذيج هيج 

تقرب عليه و رفع الغطا جلبت بيه ما اقبل 

رجع يگول

-- بس اشوف شلون متأذاية الگاع مليانه دم بس اشوف الفراش 

غطيت وجهي بالغطا ومتت بچي ما حچى شي سمعته فتح الباب و طلع ويا ما طلع من غرفتي بثواني و صار صوت صياح عمتي 

رجت البيت رج من كل گلبها تصيح وتلطم 

تخبلت وهي تشوفه طالع من غرفتي هجمت على غرفتي فتحت الباب و طبت سريع و تصيح 

-- يا عايقة يا دايحة لججج شيسوووي يمج 

طب وراها و يگول

-- معليهااا هيَ

-- عزااا بعيني عزاااا بعيني يبووو لك شنووو هاااي شمسوي يبوووووو 

-- فضحتينااااا شبيييييج 

-- عزااا بعينك لك شمسوووي شمسوووي

-- يوووم كافي عادي فهمتي شمسوي طلعي برى يلاااا كافي 

اجت عليه تريد تضربني و گف بوجهها وسحبها وانا لامه روحي بالغطا و الدموع تصب وكل جسمي يرجف من الموقف الانا بيه البنات طبن وياها وشافن الحال وعمي و واثـق بالصاله وسمعوا كل شي 

اخذها طلعها من الغرفـه و غادة تقدمت عليه ضربتني راشدي و تگول

-- لاااا يا دايحة سويتيهاااا حقيرة 

هاله :- شسوووت اشو متعرفون تحجون زوجهاا هذا عيب عليكم يلا طلعي منا لا اصيحه يطيح حظج 

عافتنا وطلعت و هالـه راحت للكنتور طلعت هدوم و انطتنياهن لبستهن و انا ناطه من البچي لميت شعري ادور على القراصة ماكو مدري وين شامرها جابتها هاله لگتها طايحة يم الباب اخذتها و شلت شعري بيها الفراش بيه دم قليل و الگاع متروسة والوجع ذابحني ذبح 

هالـه :- شلون هيج صار شوكت رجع شلون انفتح الموضوع بينكم ترى دخت قبل كم ساعه عقد على أديان وراها اختفى نتصل عليه ميرد ومن نرجع نلگه هذا الوضع شلون هيج 

ما اجاوب بس ابچي من شافتني ساكته گامت طلعت شوية و رجعت بيدها وصله

و مي گمت انا اخذتها من ايدها و نظفت الگاع وشلت الشرشف و هذا كله وعمتي بعدهي تلطم برى و صوت عمي يحچي عليها يريدها تسكت 

نظفت الغرفه وهالـه تساعدني وراها طلعت وانا اجيت لفراشي تمددت عبالك اليوم مات ابوي اذا هو يريدني ليش هيج يتعامل وياي وليش راح خطب 

وين وانا ابچي واحچي وحدي لحد ما صار هدوء بالبيت و الاضوية طفت گمت طفيت الگلوب ورجعت المكاني و دموعي ما بطلت ما ادري شلون غفيت و نمت بهذا اليوم 

و الصبح الباب تفلش عليه تفلش ما لحگت اگوم و افتحه وبس فتحته هجمن عليه عمتي وغادة جرني من شعري گطعنه بـ اديهن و طگني طگ من كل گلبهن بحيث متت بيدهن اريد احمي روحي منهن ماكو البيت فارغ محد بيه 

هاله بالمدرسة و الولد بدوامتهم وعمي نفس الشي بالدوام بس غادة ما رايحة اليوم باقية وياه امها حتى يكتلني متفقات عليه  

اخذني سحل من غرفتي لحد باب الشارع 

الدنية باردة بس مو هذاك البرد لا زين يعني طلعني بالشارع و عمتي تگول

بديعـة :- منين ما اجيتي ترجعين و اتمنى من الله بس تگولين اني وغادة سوينا بيج هيج وطلعنج اذبحج والله يللااااا مناااا ما بقت عليه غير (....) بنت (....) 

سدن الباب وطبن و انا بقيت واگعه بالشارع حتى حجاب ماكو على راسي وين اروح بروحي متت من البچي محد طالع ولا اندل ولا عندي فلوس ولا عندي اهل وين اروح حطيت ادية على شعري احاول استر روحـي 

بقيت بالعشر دقايق گاعدة و ادية على شعري والشارع فارغ عبالك الناس موته ولا بشر طالع گمت من مكاني و مشيت خلصت الفرع امشي وحدي وايدي على شعري من كل عقلي عبالي ايدي راح تسترني ، فتت للفرع الثاني اريد اتذكر بيت خالتهم لميعـة يا بيت ما تذكر رفعت راسي للسماء و گعت دمعتي مسحتها و رجعت اباوع للبيوت اتذكرت عدهم شجرة طالعه من الستارة نازله على الشارع بسرعه رحت للبيت البيه الشجرة 

دگيته محد يفتح مره مرتين ثلاثة ماكو محد يفتح نايمين ميتين مهاجرين على حظي گعدت بالگاع و نزلت راسي بين رجليه وين امشي وين اروحي ربي دخيلك ربي دخيلك 

بقيت اردد ربي دخيلك ربي دخيلك استرني بسترك ربي استرني بسترك بعدني ادعي بيني وبين روحي و سمعت سيارة فاتت للفرغ رفعت راسي شفتها صارت قريبة عليه گمت و گفت و گفه وانا اشوف بُـرهان

جاي بيها بس شافنـي نزل سريع متفاجئ حالتي تقـرب عليه ويگول 

برهان :- شنو الموضوع شبيج ليش هيج طالعه شنو هذا حالج 

ما ارد بس ابچي فتح الولد الباب عنده مفتاح و طببني وانا ميته من البجي طب ويصيح

-- يوم يووم وينج 

طلعت المره من الغرفه جانت نايمة شافتني وگفت بمكانه مصدومة وراها گالت 

-- يا ستار شكو 

هي گالت هيج وانا نطيت من البچي يردون يفتهمون شبيه ماكو ما اگدر احچي رفع نقاله يريد يخابر بسرعه كتله

-- لاا لاا تخابر لا فدوة

-- غير افتهم شنو الموضوع ليش هيج طالعه منو وياج رائـف 

-- لا

-- لعد منو 

-- عمتي وغادة طرني و گالن لا تگولين احنه اذا گلتي نذبحج 

الولد باوع الامه مصدوم والام صدمتها ما تقل عن صدمة ابنها سألتني 

-- ليش سون هيج شنو السبب

نزلت راسي ما اگدر ارد شگول يعني لان ابنها تمم زواجه مني لو شگول بالضبط 

بُـرهان :- بس فهميني ليش بعدين رائـف وينه 

-- ما ادري 

-- يعني محد موجود بالبيت غيرهن

-- اي 

الولد طلع ما ادري وين راح والمره راحت جابت مي واجت تشربني و غسلت وجهي وتگول

-- شجاها بديعة تخبلت خو ما تخبلت احچيلي يوم ليش هيج سون وياج شكو 

-- والله خاله ما محاجيتهن والله 

-- لا تحلفين حبيبتي اعرفج ما تحچين بس ليش شنو السبب غير اكو سبب گولي حبيبتي ابنيتي فهميني الموضوع

-- لان رائـف 

حچيت هيج وسكتت استحي اكمل رجعت تگول

-- شبيه رائـف گولي يوم احچي فهميني 

-- اخذني مره اله 

-- شنو اخذج مره قصدج تمم العلاقة الزوجيه 

هزيت راسـي و المره شكلها تفاجأت وداخت بحالتنا وره شوية و گالت

-- شوكت تمت العلاقة بينكم 

-- البارحه من جنتوا بالخطبه اجى ضربني واعتداء عليه والله خاله انا ما قبلت هو ضربني واخذني غصباً عليه

ما جاوبتني بقت ساكته وتباوع للباب وراها  گالت 

-- گومي بغرفة ريـام ارتاحي يلا حبيبتي

-- لا اريد ارجع الاهلي فدوة خاله رجعوني البيت جدي 

-- هسه گومي ارتاحي و اني اشوف بُـرهان يرجعج 

-- الله عليج خاله صدگ تحچين 

-- اي صدگ هذول مو اوادم بعد متبقين يمهم گومي امي حبيبتي واني اتصرف 

گمت صعدت فوك ادور على غرفه ريام نسيت ياهي منهن هنَ ثلاث غرف فوك فتحتهن كلهن لحد ما لگيتها طببت وجريت المخده و الغطا حطيتهن بالگاع 

و نمت عليهن والدموع ما فاركت عيوني ساعه تقريباً و سمعت صوته يگول 

رائـف :- وينهاااا 

يتبع.... 

#عــروس_الچبـــايــش🌼

بــقلم يـــاســـة الحلقة (7)

كل ما في الأمـر أننـي أنزف منـذ أعوام

اصـارعُ وحـدي ثكـلاتّ لم أكن مُسببها

اهـرولُ أصرخُ أضحكُ أمـوتُ وحـدي 

لا قريباً يعـلم ولا بعيـداً يحـن 

................................. 

يُـمـن :- سمعت صوته اجى بسرعة غمضت عيوني ما اريد انزل ولا اريد اروح كافي الهنا وبس بعد ما اگدر اتحمل ولا اگدر اتقبلهم تحملت فوگ طاقتي قبلت اصير خدامة 

و اطيع واسكت بس الوضع زاد عن حده

و بعد ما اگدر والله تعبت 

اسمع خالتي تصيح عليه تريدني انزل ما نزلت ولا رديت شوية و فتح الباب و طب

غمضت عيوني قوي حسيته صار قريب عليه وراها سحب الغطا من عندي و يگول

-- يُمــن يُمــن

ما جاوبت ايده صارت على وجهي فزيت مخروعه خفت لا يرجع يعتدي عليه طفرت من مكاني للزاوية و گف متفاجئ ويگول

-- شبيج اني هذا

-- اطلع من عندي اطلع

-- بس فهميني الموضوع ليش امي ضربتج

و طردتج 

-- روووح مناا روووح

گمت ايچي بقوة تقدم عليه و لزم ايدي ويگول

-- اعتذر والله مو قصدي أأذيج و لا ناوي افوتج وافوت نفسي بهيج موقف بلغط صارت اسـف 

ما اجاوب بس دموعي تصب رجع يگول

-- بعد ما اتقرب منج ولا تشوفيني و امي راح احل الموضوع وياها بس كافي لا تبچين سكتي 

-- رجعني الاهلي

-- لا ما اگدر

-- ليش ما تگدر مو مجبور بيه و متورط ليش ما تگدر رجعني كـافـي 

-- يكتلونج بس ارجعج

-- انا اريد اموت معليك بيه خليهم يكتلوني

سكت ما رد عليه رجعت ابچي واحچي وياه 

-- الله عليك كافي والله تعبت انا وبعد ما اگدر رجعني البيت جدي خلينهم يكتلوني ميخالف 

بقى ساكت ما يرد بس يباوع عليه وانا ابچي وامسح بدموعي سريع رجع گال 

-- يله ميخالف راح ارجعج بس اول نروح البيتنا وكافي تبچين سكتي 

-- لا ما ارجع البيتكم 

-- إذا على امي بعد ما تتقرب منج وعد

-- ما اريد ما اريد

-- گتلج محد يتقرب عليج لا اني ولا امي ميصير تبقين بيت الناس عيب 

-- ما ابقى بيت احد ولا ارجع البيتكم اريد ارجع البيت جدي عوفنيي  

-- لا تصيرين متعبه سمعي الكلام حبابه يلااا 

حچى بعصبيـه رديت 

-- يا كلام اللي اسمعه شبيك انتَ

شـ حاسب روحك جاي وبكل صلافه تحچي و عبالك ما مسوي شي جاي تريدني ارجع من بعد كل الصار 

-- ليش شنو الصار ؟  صار شي غلط واني ما ادري ؟  سويت شي غلط و عيب واني ما ادري  ؟ انتِ مرتي وهذا الشي من حقي

-- يا حق هذا ويا مره انا مو مرتك ولا اريدك و لا الك شي يمي مو خطبت مو تحب بنت خالتك مو ذليتني و هنتني

و كرهتني بروحي لان ابوك جبرك عليه شكو جاي هسه تحچي بحق وحقوق روح وعوفني معليك بيه 

-- صوتج الناس منا لا تصيحين

-- عووفني ما اريدك ما اريدك هي گوه 

-- ويطبج مرض ميت عليج شنو لا عبالج حابج ورايدج و شفتي نفسج عليه ترى ما معترف بيج ولا شايفج اصلاً وكل اللي صار بالغلط و ما ادري بنفسي فـ عرفي قيمتج ومكانتج و أحترمي حدودج ولا تبقين تاخذين وتنطين ويلاااا بسرعه لبسي شي على شعرج خلينااا نرجع

-- ما ارجع

سحبني من راسي و يگول

-- نفس واحد ما اسمع ولا صوووت تلبسين و تنزلييين مثل الشاطرة گدامي يلاا لا تخليني اتصرف تصرف يأذيج اشو طالعلج اللسان اليـوم 

بقيت ابچي و هو واگف على راسي يريدني ارجع ما عندي حجاب اللبسه شلون اطلع

رجع يصيح يلاااا رديت 

يُـمـن :- ما عندي حجاب شلون اطلع

-- شنو ما عندج حجاب شلون اجيتي يعني

-- بدون حجاب

-- شنووو

-- عمتي طردتني بلايه ربطه 

-- هاي صدك تحچين ؟

-- اي 

عافني ونزل وانا متت من البچي واگفه ودموعي تجري على خدي ثواني ورجع صعد فتح الباب بـ ايده شيله بيضه مالت خالتي شمرها عليه قوي ويگول

-- يلاا فضيهاااا

حطيتها على راسي والدموع تصب اتمنى اموت واخلص من هاي العيشة، طلع وانا وراه نزلت من الدرج خالتي جانت واگفه بالصاله وتباوعلي مقهورة على حالي من وصلت يمها تقربت عليه وحطيت ايدها على جتفي وتگول

-- روحي ويا زوجج واني شوية واجي الخالتج اتفاهم وياها وإذا حچت شي لا تردين عليها دخلي الغرفتج وقفلي بابج حبيبتي ماما 

ما رديت ولا جاوبت كملت طريقي لحد ما طلعنا من البيت بُـرهـان ماكو ما شفته بس خالتي باقيه بالبيت 

السيارة مالته بالباب صعدني بيها وشغل ومشى صح بعد فرع بيناتنا بس احسه صار شطوله عليه من الخوف الف فكرة خطرت على بالي لحد ما وصلنا ما نزلت بقيت گاعدة بالسيارة وابچي هوَ باوعلي وگال

رائـف :- نزلي

يُـمـن :- وين انزل يموتني 

-- بسس انزلي خرب حتى العرفني بيج نزززززلي اريد اشوف شلون يموتنج نززلي

حچى هيج و نزل قبلي واجه عليه فتح الباب وجرني قوي نزلني طببني للبيت غصباً عليه اول ما فتنا لگينا أديان جاية يمهم وگاعدات غادة و عمتـي بديعة وياها بالصاله بس شافنا طبينا كلهن گامن وگفن 

بديعـة :- وين لگيتها هالعاق هذي فوك ممهزومة من البيت مرجعها تريد تفضحني 

رائـف :- هاا مهزومة گلتي 

-- من يا شارع جبتها اسأل نفسك وانتَ تعرف مهزومة لو لا 

-- شگد شفت ناس بلا مستحى بس مثلج ما شفت لا والله 

ضربت على خدها وتگول 

-- عزه العزاني تتجاوز على امك 

افتر ودفر الطبله المقابيله وصاح بصوت عالي

-- المربطني عن عملتج هاااي لان انتِ أميييي المسكتني امممممييي خرب الگـ... العرفني بيج وصرتي أمي 

-- يبووووو عزا بعيني يبووووو تعزيتي بديعة ابنج كبيرج يتجاوز عليج ويكسر الطبله بوجهج يبووو

بقت اضرب على وجهها و تصيح بصوت عالي وأديان وغادة لازماتها حچت غادة 

غـادة :- صحتج ماما اهدأي لا تأذين نفسج من وره وحده قذرة مثل هاي 

رائـف :- تتعالي انتِ الله نطقج 

حچه هيج وراح عليه جرها من شعرها واشتغلها راشديدات على جلاليق موتها موت أديان بس وصلت يمها تريد تحميها طبگها وياها امه طبت بنصهن تريد بس تحميهن ماكو نهاهن نهيان اخر شي ما ادري شلون فلتت من ايده غادة وركضت فوگ رجع هو دفع اديان على باب الصاله ويگول 

-- يلااا البيت الخلفوج و ديري بالج المحج هناا يلاااااا 

طلعت تركض و امه وگعت بالگاع وتصرخ كل صوت ولا الثاني، رجع اندار عليه و اجه سريع رجعت ليورة اريد اشرد ما الحگت بسرعه رفع رجله ودفرني وگعت بالگاع جرني من شعري وگومني ويا ما گمت ضربني جلاق احس روحي طلعت من الضربه وانا منا مجروحه والظيم يا حالي طببني للغرفه وسد الباب و يگول

-- مره ثانية لو يشكنج بالنص ما تعتبين الباب وتطلعين بدون إذني لو يذبن نفط بيج ويحرگنج ما اطلعين و جري عدل ولا تشوفين روحج عليه ابوج احركه إذا تعززتي فهمتي وشوكت ما اجيج تكولين تم وتبوسين رجلي وانتِ حامدة ربج وشاكرته

طايحـه الحظ طالع الها اللسان بنت الكلب  

حچى هيج وطلع گعدت بالگاع و يا عين 

بطلي دمع بس خل اشوف دربي ماكو 

احس عميت من گد ما طاحت مني دموع 

و قبل حلت الدوم انفتح الباب ورجع طب عليه لگاني على گعدتي وناطه من البچي 

وهو واگف گال

-- ابوي و واثـق ممنوع تحچيلهم لو  يعرفون باللي صار فهمتي 

لا رفعت عيني عليه ولا رديت اجه عليه وجرني من فكي ورفع راسي عليه ويگول

-- من احچي وياج ردي وصيري آدميه وسوالف الخرسان بطليهااا

ما ارد بس عيونه تصب واباوع عليه قرب وجه مني وباسني دفعته انا دفعتي لو تخبل خبال رجع جرني للجربايـة وشبگ إديه 

و اغتصبني اغتصاب و كل اساليب اساليب عمي القذر شفتها بيه اليوم، صرخت بچيت ولا بشر اجى وشافني و گال شبيها 

عمي و واثـق وهاله بعدهم بالدوام وبس عمتي وغادة بالبيت لا اجن ولا سألن سد حلگي يريدني اسكت عضيته ضربني راشدي 

صرخت رجع عضني بـ شفتي لحد ما انتهيت بـ ايده 

عافني و گام طلع من الغرفه بيومها بقيت بالغرفه لا طلعت ولا تحركت من مكاني 

لا اكل لا شرب لا غسل گاعدة بالگاع وابچي

اجت هـالـه من الدوام وفاتت عليه شافت حالتي تخبلت بقت تسأل ما ارد عليها حاولت تگومني اغسل ابدل اكل ماكو ما اتحرك و عمي من اجه وما شافني سأل عليه جاوبته عمتي نايمة بطنها توجعها شغله نسائية عدها، ولا عبالك مسوين جريمة بيه هي وابنها وبنتها و الرجال خطيه من سمع هيج ما اجاني يستحي 

ثاني يوم هدوء ماكو اي شي لا شفت احد ولا احد شافني ومن اجه عمي انجبرت اطلع اشوفه روحي لان يسأل عليه طول الوكت 

بس ما خليته يحس بشي لبست ربطتي وطلعت وحچيت وياه ولا عبالك صاير شي هو أبتسم و گال بهدوء 

-- الف مبروك حبيبتي عمو كلش فرحت من عرفت بزواجكم تم اني متأكد راح يتغير كل الوضع وراح تصيرين الاولى والأخير بس يراد وقت والعافية درجات بعدين حتى لو ما فركش الخطبة راح يجي يوم وأديان تتقبل الأمر الواقع وتتعرف بيج انتِ زوجته حالج من حالها ومتأكد رائـف گلبه يمج بس يراد شوية وقت 

ما جاوبت شي بقيت ساكته وبس اهز براسي لحد ما رجعت طبيت الغرفتي 

مشت و مرت الأيام محد متقرب مني وهو ما ادري وينه حتى صوته ما اسمعه بالبيت لحد ما عدت خمس ايام على المشكلة وهو ماكو صوته بالبيت و عمـي و واثـق سمعتهم طلعوا من الفجر ما ادري وين راحوا وراهم بالسبعه ونص طلعت هالـه للدوام 

صار البيت صنطه رجعت غفيت من جديدي ماكو دقايق  و سمعت صوت أديان و غادة قريب على غرفتي وراها انفتح الباب عليه قوي فزيت مرعوبه 

شفت عمتي و غادة وياهن و أديان طبن للغرفه وسدن الباب وراهن طفرت للجهه الثانية خايفة منهن اجن عليه و هنا شكو حقد وكره و خبث طلعنها بيه بحيث صوتي وصل للشارع من گد ما وجعني لا بقت ايد لا رجل لا شعر منين ما تجيني الطگه تجي عمتي لازمه صوندة وأديان و غادة دفرات على راشديات انتهيت بيدهن ذكرني بـ ايام عمي غازي نفس الطگ ونفس الآهانه والوجع 

وراها جرني من الغرفه للمطبخ من شعري و أديان لزمتني من أديه و غادة من رجليه و عمتي جابت المقص وجرت خصله كامله من شعري وگصتها ورجعت على الباقي تكص بيه بحركات سريعة صرخت صريخ وبچيت بچي الله وحده يعلم بيه لحد ما ترسن الگاع بشعري وذرته توذر  

انوب گامت للطباخ وهذن الاثنين مشبگاتني ورافعات هدومي بقيت ادفر برجليه اريد استر روحي گعدت غادة فوك رجليه و أديان لزمت ادية قوي وعمتي جابت الخاشوكة من الطباخ لونها صاير أحمر نار و لزگتها فوك منطقتي الحساسة 

فقدت بساعتها و روحي احسها طلعت مني 

رجعن سحلني وشمرني بالغرفه 

بديعـة :- هذا تربية للـ (...) حتى مره ثانية متفلكحيله وتخبلينه عليه هذا مصير

 الـ (..) امثالج اليخبل الرجال على امه واخواته 

طلعن وسدن الباب وانا بقيت انكز للسكف من الحرك من الوجع من القهر من الظالم 

مر وكت طويل وانا هذا حالي وراها نمت 

من الوجع نمت وانا حالتي تصعب على الكافر نمت وانا اتمنى ما اگعد نمت وانا اردد حسبي الله ونعم الوكيل بيكم كلكم 

ساعة ساعتين ثلاثة مر النهار بطوله والمغرب خلص وانا نايمة محد اجاني ولا احد شافني مر هذا اليوم بكل عذابة و طلع صبح جديد البيت هدوء ماكو صوت وحتى البارحه ما سمعت صوتهم لا عمي ولا الولد 

اريد حمام اريد اكل اريد اشرب الحرك موتني جسمي كله يوجعني لا اگدر اگوم لا اگدر اگعد للظهر وسمعت صوت هاله تتعارك وياه امها تريد اطب تشوفي وامها ترد 

--عوفيها تولي مرض ميضربها وممنوع تتدخلين فهمتي 

وهي تجاوبها

-- حرام عليج من البارحه لليوم ماكو صوت الها بس اشوفها خاف بيها شي 

-- سرطان ميضربها گتلج ممنوع تتدخلين بيهااا 

سكتت ما ردت عليها وراها بساعه اجت قريب يم الباب وتحچي بصوت ناصي

هالـه :- يُـمن انتِ زينه بس ردي طمنيني بالي يمج 

سحفت ورحت على الباب ما اگدر اگوم رجلي وايدي احسهن مكسرات و رديت

يُـمـن :- اريد اروح للحمام اريد مي الحرك موتني طلعيني منا اريد ارجع البيت جدي راح اموت 

حچيتها ونطيت من البچي 

هالـه :- يا حرك شـسون بيج عزا بعينهن شبيج شكو

-- موتني موتني 

حچيت هيج و ايدي صارت على شعري 

و ابچي بحرگه گلب رجعت هالـه تصيح على امها تريدها تفتح الباب و عمتي ما تقبل و غادة وگفت تسب وتغلط وتفشر عليه وتدعي عليه بالموت لحد ما صار هدوء ورها ربع ساعه سمعت خالتي لميعـة و بُـرهان اثنينهم يمنا بالبيت وصوت خالتي لميعـة عالي تحچي على عمتي تريدها تفتح الباب وعمتي ما تقبل 

صارت بيناتهن هوسة وراها انفتح الباب وطبن خالتي لميعـة و هالـه بس شافن حالي بقن بالباب مصدومات من منظري وراها اجت هالـه عليه تركض من يا مكان تلزمني اصرخ كل جسمي مكسر رجعت تلزم بشعري ما مستوعبه الاجرام الجارماته بيه شعري جان طويـل كلش هسه مسوياته لحد رگبتي وصفحه طويله وصفحه گصيره وموذر توذر 

لميعـة :- حسبي الله بيكم وين مخافة ربكم يا ظالمين طفلة يتيمة هيج تسون بيها الله اكبر على راسج يا بـديعـة تخبلتي 

صاحت ابنها طب الولد وجمد بمكانه حتى ما يرمش وراها باوع الامه وگال بصدمة

-- هاي صدك اللي جاي اشوفه لو اتخايل 

-- اي يوم صدك شيلها ناخذها الاهلها وانعل ابو اليسكت عليهم بعد طغوا فد نوب

حاولت هالـه تگومني ما اگدر اوگف على رجلي لزمتني من ايدي صرخت 

لميعة :- لا حول الله لبسيها حجاب يوم ناخذها للمستشفى مجرميين حسبي الله بيكم وينكم عنها ليش هيج ما معقوله محد حس محد شاف 

-- بابا و واثـق طلعوا البارحه الفجر للناصرية على مود الگاع و رائـف مسافر واني بالدوام والله خاله ما ندري بيها 

-- لبسيها ساعديها الله لا ينطيج يا بديعـة

لبستني هالـه الحجاب و الجبه و سندتني هي وخالتي منا وحده ومنا وحده غير اريد اخطي غير اريد اتحرك ماكو رجلي ذبحتني ماكو هيج وجع ماله مثيل متت والدموع ما فارگتني 

الولد من شافني ما اگدر فد مره تقدم  عليه وگـال بس العفو منج ماكو غير طريقة اطلعج بيها حچى هيج وشالني وطلع بيه 

بديعة :- إذا عتبت باب الشارع بعد مالها رجعه هنا

بُـرهـان :- وعمرها ما رجعت البيت الكفره هذا 

حچى هيج وكمل طريقة و هي ترد بصوت عالي 

-- اييي عيني بعد وبعد قابل بقت عليك هو انتَ وصديقك هذا صنفكم الحياية يضحكن عليكم بالتمسكن والدموع 

صعدني بالسيارة وامه صعدت ويانا 

مشى بيه للمستشفى ونقاله على طول الطريق يدگ بس ما يجاوب گالتله أمه

-- مترد انصرعت واني منا مصروعه من اعمال بديعـة

-- هذا رائـف 

-- جاوبه احچيله على الاجرام الصاير 

-- خل يولي طايح الحظ لو بيه حظ ما صار بزوجته هيج 

-- مسافر ما يدري بينهن

-- لو رجال محد يتجرأ على زوجته ويسوي بيها هيج لو مو مسافـر

المره سكتت والنقال مستمر يدگ لحد ما وصلنا راح جاب كرسي متحرك گعدن بيه ودفعني جثه بلا روح جثه مكسرة اعظامي كلها 

اجت الطبيبة تفحص بيه وتسأل مستغربة حالي وجهي ازرك جسمي ازرك منين ما اطخني اصرخ گالت

-- منو ضاربج هيج 

بـُـرهان :- عمتها ام زوجها دكتورة سويلي تقرير كامل حتى اشتكي عليهم

باوعتله خايفة وكل حيل مابيه وامه نفس حالي تباوعله 

الدكتورة :- الله اكبر اجرام هذا شنو غابة خو مغابة اخوها انتَ 

-- لا أبن خالة زوجها 

هزت راسها متأسفه وردت 

-- اهلها وين زوجها وين

-- اهلها ميتين ما عدها اهل و زوجها ناقص 

-- لا حول الله، صاير عدها تمزق برجلها قوي و بكتفها شد بسيط الافضل اصب رجلها حتى تتشافه اسرع 

-- سوي اللي تشوفينه مناسب الحالتها

كملت الدكتورة فحص وطلعت تصيحهم يجون يصبون رجلي خاله لميعة بسرعه گالتله

-- شلون تشتكي على خالتك عيب ماما

-- العيب عليها مو علينا لا ادافعين الها ولا تصيرين مثلها خليني ساكت الله يخليج 

-- ممدافعه عليها يوم بس ما لازم نصير مثلها ونرد الها بالمثل شنگول الاهلنا للناس ميصير ماما عيب تشتكي عليها

-- وشنگول الله لو سألنه شسويتوا من شفتوا طفله يتيمة مظلومة بين ادين الظلام يووم سكتي عنـي الله يخليج 

-- الله يجازيها وياخذ حقها منهم احنه منعوفها يمهم بعد نرجعها الاهلها و ننطي خبر الرائـف هو يتصرف وياه أمه بُـرهـان يـوم بس صلِ على النبي 

-- اللهم صل عليك يا رسول الله 

-- اتصل بـ رائـف وهـو يتصرف ويا أمه

ضحك مستهزء و رد

-- والله يا امـي على أساس رائـف شريف وجان حاطها بعيـونه اشو اسكتي يا امي لا تجرديني من اخلاقـي بدفاعج عنهم

-- ما ادافع بس زوجها مسافر و اخته اتصلت عليه انطته خبر وهو بعيد اتصل عليك تجي تشوف الموضوع لازم ننطي عذر وما نتتصرف بشي بدون علمه من يرجع هو يتصرف وياه اهله 

اجوا الممرضين يصبون رجلي ويلفون جتفي بُـرهان بسرعة طلع و خالتي بقت وياهم تساعدهم لليل و انا بالمستشفى ينطوني بالمسكنات ويرجعون ليورة بحيث سطروني سطر 

وره صلاة المغرب طلعوني وموضوع الشكوة ما انفتح بعد وانا ما سألت عليه

و لا حاولت اشتكي وافكر بهذا الموضوع 

طلعوني البيتهم بچيت مهظومه مذلوله وايدي على حلگي ما اريد صوتي يطلع ويسمعوني 

وين اروح وين امشي بحالي منو الي وين اعيش منو يتحملني جدتي جنت بنت بيوت 

ما رحمتني هسه ارجع الها مطلگه غير تصلخ جلدي وما ترتاح 

حطيت راسي على الجامه وابچي واگول ليش هيج يمه ليش عفتيني و ما فكرتي بيه و ما فكرتي بحالي بس وين تفكرين لو عندج ذرة تفكير ما تزوجتي ابوي بالسر وشردتي وياه وخلفتيني للعذاب هذا 

طبيت البيتهم عدهم غرفه جوه صغيرة مسويها ابنهم مكتب بيها ميز وكرسي

و كرويته و رفوف كلها كتب حطتلي ريام مخده على الكرويته وغطتني 

شوية واجت جايبه شوربة دجاج شربتني 

راحت ورجعت جايبه معلاك شوي وگامت تسويلي لفات تترسهن معلاك وكرفس وتوكلني لحد ما شبعت ساعدتني رحت للحمام غسلت و عيوني على المراية 

وجهي كله ازرك وخراميش حمر يابس بيهن الدم اديه طگع زرك الحرك يلجمني 

حجابي ما نزعته ما اريد انرعب من منظر شعري خليه ساتر مصيبتي 

رجعت للغرفه و حاجيت ريام على شي للحرك لحد الان ما يدرون بيه ولا گلت للدكتورة عليه استحيت 

ريام :- شنو بس لا حاركاتج همات

نزلت راسي بدون ما ارد 

ريام :- عزا بعينهن حارگاتج فوك هذا كله

نفس الشي ما ارد بس ابچي 

ريام :- بله وينه اشوفه خاف التهب

يُـمـن :- لا بس اريد شي احطه عليه متت من الوجع ياكل بروحي احسه 

-- وين بيا مكان بـ ايدج برجلج صخام بعينهن شجاهن 

ما جاوبت شي راحت شوية واجت بيدها عصارة وتگـول

-- خلي من هذه العصارة بيها نسبه مسكن همات 

اخذتها منها وهي طلعت حطيت المكان الحرك و دموعي ما واگفه لحد ما هديت وتعبت ونمت 

ثاني يوم الظهر اجه واثـق جنت گاعدة وحدي و ايدي على خدي ودمعتي بعيني 

اندگ باب الغرفه وراها طب ما حچى شي بس ابتسم وهو مقهور على حالتي اجـه گعد بصفـي و گال

واثـق :- وداعت شبابي ونظر عيني ما ابقيج بهذا الحال راح ادور امج من جوه الگاع 

واخذج وارجعج الها واخلصج من كل هذا العذاب 

بقيت ساكته ما ارد بس بيني وبين روحـي اگول وين تلگه امي وين تاخذني الها إذا هـي عافتني بـ ارادتها واختارت روحها وراحتها على حسابـي

گاعد بصفي ويباوع على وجهي ، سكت وشكلة مقهور وهو يشوف حالتي وراها گال

-- اني وأبوي جنه يم بيت جدج بالچبايش 

صار يومين و رائـف ماخذ اجازة وطالع برى العراق عنده شغل امي والبنات استغلن غيابنا و هيج سون بيج اني اعتذر منج لان ما گدرنا نحافظ عليج ونحميج وانتِ امانه عدنا 

يُـمـن :- ليش رحتوا البيت جدي شبيهم صاير بيهم شي 

-- لا مابيهم بس على مود الگاع مالتنا كملنا اجراءات البيع والتحويل ومرينا عليهم بطريقنا 

رجعت سكتت ما عندي الجرءه اسأله عليهم لان ادري رده شني اكيد محد سأل عليه ومحد مهتم الحالي 

واثـق :- ابوي ما يدري بالموضوع وإني بُـرهان خابرني وحچالي وما ردت احچيله لحد ما اجي واشوفج 

-- عمي وينه هسه لا تحچيله خطيه ينقهر

-- بالبيت هسه وصلنا وهو فات يرتاح واني اجيت عليكم گبل

-- انا ما اريد اسويلكم مشاكل ولا اريد علاقتكم بـعمتي تخرب كل اللي اريده 

بعد ما تطگني وهذا هو 

ما جاوبني گام وگف يريد يطلع وصل الباب الغرفه ورجع عليه يگول

-- إذا اجه رائـف لا ترجعين وياه خاف يجي واني ما موجود ابقي هنا يم خالتي واني هذا الأسبوع  آن شاءالله اطلع امج من جوه الگاع وارجعج يمها بس ابقي هنا هالايام 

طلع من يمي و انا كملت باقي اليوم بالغرفه لا اگدر اگوم ولا اگدر اگعد جسمي كله يوجعني راسي عيوني حلگي صفاحي 

كل شي بيه يون عليه ريـام و خالتي يرحن ويرجعن عليه لحد وره المغرب اجه عمي 

طب عليه ملهوف صفن على حالتي وراها 

دنك عليه باس راسي وگعد يمي مصدوم من منظري ايدي ملفوفه رجلي مجبسه 

وجهي خرايط من الضرب گـال

حاكـم :- جبتج حتى احميج من جدتج وعمج تالي شمرتج بجهنم واني ما ادري 

ساكته ما ارد بس راسي للگاع ودموعي تجري 

حاكـم :- هسه اني شأسوي اعتذر لو اخذج دكتور لو ارجعلج حقج لو ارجعج البيت جدج لو شأسوي والله متربط والله فشلان من روحـي 

-- ما قصرت وياي والف رحمه على والديك 

صرتلي سند بوگت ما اهلي رادوا يكتلوتي بفضلك انا عايش لليوم 

-- و شنو الفايدة بهيج عيشة متعذبه مضروبه و مكسورة شنو فايدة بهاي العيشة وانتِ تنامين تبچين وتگعدين تبچين 

-- قسمتي من الدنيا هاي 

-- واثـق وبُـرهـان راح يدورن امج وبس يلگونها ناخذج الها واخلصي من عدنا كل احنه عذبناج وشاركنا بعذابج و داعتج بديعـة بعد مالها گعده بالبيت 

-- لا عمـي الله يخليك لا تهجم بيتك من وراي 

سكت ما يرد بس يهز بـ راسه رجعت سألته

-- وين تلگون أمي وهـي راح يصير الها بالست اشهر شارده ومالها أثر 

-- الله كريم ، راح ندورها ونلگاها وتخلصين من كل هاي الأذيـة

-- رائـف خاف ما يرضا وانوب يرجع عليه 

-- سكتت عليه بما في الكفاية انتظرته يصير رجال ويعترف بيج ويحميج بس طلع مو گدها ماله شي يمج بعد لا هو ولا اكبر واحد تركي رائـف ولا تفكرين بيه  

بقى گاعد يمي ويعتذر و يحچي ويبرر ويتوعد العمتـي وراها گام طلع وانا تمددت

و غطيت روحي بالغطا ومتت من البچي 

لحد ما تعبت ونمت اربع ايام كامله انا بيت خالتـي لميعـة معززه مكرمة ريـام 

صارتلي اخت وكل شي اريده گبل لا اطلبه الگاه گدامي  وخالتـي ماكو مثل گلبها وحنيتها كل شوية اصفن وياه روحي يعني ما معقوله هي وبديعـة اخوات سبحان الله صدك فرق من السماء للگاع بيناتهن 

بُـرهـان ما شفته غير مرتين مره اجه سأل عليه و هو واگف بالباب و المره الثانيـة 

طلعت للحمام و تلاگه وياي نازل من الدرجة نفس الشي سأل على حالتي وهذا هو الولد الله يحفظه الامه ذهب صافي 

اخلاقـة واحترامة وتقديرة ماكو منهن 

وأبوهـم ماكو مثله فـد أنسان طيب وخلوق وكل يوم يجي يـدك الباب يسأل عليه 

اما واثـق وعمي يوميـة يجون عليـه يشوفوني ويگعدون شوية ويرحون لحد ما خلص الأسبوع وانا بعدني عدهم و رائـف بعده ما راجع و مره سمعت الولد بُـرهان

 و واثـق يسولفون بيناتهم على أساس ماكو حجز ما ادري شني وضال هو هناك ما يگدر يرجع 

واليوم صادف احد و ريـام و بُـرهان بالدوام وبس انا خالتـي بالبيت اندك الباب راحت خالتي تفتحه شوية واجت وياها واثـق لگاني گاعدة بالصالة بس شافنـي گال

-- بسرعة لبسي وتعاي 

لميعة :- ليش وين تريد تاخذها 

-- لگيت بيت امها 

انا سمعته وانا جسمي كله بقى يرجف وگلبي يدك بكل سرعته ما ادري من الفرح ما ادري من الخوف ما ادري من القهر دخيلك يا ربي ما اصدگ رجع يگول 

واثـق :- لا تصفنين بسرعه لبسي وتعاي 

لزمت العكازة ورحت سانده روحي عليها 

طبيت للغرفـه و وگفت شألبس هو انا بطرك هاي البجامة مال ريام حتى هدوم ما عندي بعدني صافنه و سمعت بُـرهان اجه وراه ويحچي على كيف ويا واثـق ، و واثـق يرد عليه

-- تبقى امها ارحم منا عليها ما شفتها شلون عوزها بس تبوس ادينه من عرفت بيها يمنا 

رجعت على الباب وحطيت إذاني عليه شكو شني هذا الحچي اجاني صوت بُـرهان بس جان كلش ناصي يادوب أسمع الكلام ماله جان يگول 

-- وضعها يم امك واخوك افضل من وضعها يم أمها افهمني إذا راحت هناك تضيع بالرجلين 

-- اكثر من هذا الضياع ما اعتقد

-- واثـق شغل عقلك ضياع عن ضياع يختلف افهم الوضع هناك يم امها يلعب النفس والطفله هذي تنتهي إذا راحت يمها

-- امها احن من عدنا عليها بُـرهان لا تسويلك سالفه خلينا ناخذها الأمه ونخلصها 

-- شـ تـخلصها و يا سالفه اللي اسويها شبيك يا اخي ليش  ما جاي  تفهم وضع أمها يلعب النفس و الطفله هاي تنتهي هناك والله تضيع عوفها هنا واليرحم أمك وابوك 

-- لا ما تبقى ارجعها الأمها لو اعرف اموت 

-- عوف أمها واني هسه اخذها و رجعها البيت جدها 

يتبع....

#عروس_الچبايش 🌼

بقــلــم يــاســة الحلقة (8)

لا شيء أجمل من الصمت

عندمــا تخــيب الظنــون 

يُـمن :- بُـرهان جان ما قابل اروح و يحجي همس ما يريدني اسمع و واثـق يجاوبة

-- يا بيت جدها صدك تحچي انتَ شايف الوضع هناك شايف أسلوب عمامها وجدها إذا رجعت يمهم يموتونها حلال بعد لو مهما صار ويا أمها تبقى تخاف عليها وتحميها يعني تريدني ابقيها هنا بذمة رائـف وهوَ ما معترف بيها وما يريدها وفوگ هذا  امـي وخطيبنه مسوياتها چيس ملاكمه

بُـرهان :- نرجعها البيت جدها يا أخي هنا أأمن الها

-- ليش مجاي تفهم هذولاك وحوش بعدين همَ ميردونها رحت وشفتهم وشفت حقدهم الها والامها مستحيل يتقبلونها إذا رجعت الله يخليك اترك بيت جدها على جهه

لميعة :- ليش شبيها امها متفهموني الموضوع 

بـرهان :- استغفرالله

واثـق :- ما بيها شيء خاله و رجاءً بُـرهـان هذا الموضوع ما ينفتح خلينا ناخذ الابنية الامها ونخلصها من الحزب هذا

ما سمعت صوته بعد وانا بقيت على وگفتي وصافنه شبيها امي ليش ما يقبل اروح الها شني الموضوع شوية وطلعت لگيتهم واگفين اثنينهم وخالتي گاعدة بس شافوني خالتي گامت من مكانها و واثـق اجه عليه ويگول

-- كملتي

-- اي

-- يلا لعد امشينا

اجيت على خالتي سلمت عليها وتشكرتها

وهي تبوس بيه وتدعيلي و بُـرهان عافنا وطلع بين ما خلصت سلام ساعدني واثـق

وصلني للسيارة اول ما طلعنا لگينا بُـرهان

واگف منتظرنا

واثـق :- شنو تروح ويانا

بُـرهان :- اي صعدو بسيارتي نروح

ساعدني واثـق صعدت بالسيارة و راح گعد ليگدام وراها انطلقنا الأمي الطريق كله

ايدي على خدي وصافنه على الجام

عود صدگ راح اشوفها راح احظنها مثل قبل راح انام بين اديها راح اكل من اكلها الطيب راح اشكيلها من العشته راح تعوضني هسه مشتاقتلي مثل ما انا مشتاقتلها راح ارتاح وبعد ماكو ضرب ولا ذله ولا قهر ما اصدك يارب دخيلك جاي ارجف ما اصدگ

وگعت دموعي بقهر بسرعه مسحتهم وغمضت عيوني وتأمله خير بقيت هيج لحد ما فززني من صفنتي وتفكير صوت نقال واثـق يدگ فتحت عيوني واسمعه يرد على عمي 

-- شوية ونوصل الأمها

وراها انطاني النقال گال ابوي يريد يحچي وياج اخذته من عنده ورديت

-- شلونج بابا

-- هلا عمي شلونك

--  صار مده طويله أندور على امج والحمدلله حصلنا مكانها وهسه منتظرتج وفرحانه لأن راح ترجعين الها 

-- رحم الله والديك ما قصرت وياي ربي يجازيك الخير

-- اني مذنب وما اعرف شلون اكفر عن ذنبي ردت اخلصج من مصيبة جدتج تالي وگعتج بمصيبة رائـف وامـه

-- لا والله ما قصرت رحم الله والديك

-- هسه اوصلي بسلامة وخير ومن يرجع رائـف اگعد وياه گعده طويله نقرر وراها بقرار يفيدج ويفيد مصلحتج 

-- الله كريـم

قفله وانا رجعت النقال الواثـق شوية وصلنا للمنطقـة الگاعدة امي بيها منطقـة زراعيـة وترابـة البيوت متوزعه مو ناس بصف ناس لا اكثرها قطع فارغـة طسات وحفر و زباله والمكان بيه شبه من مكان بيت جدي

لحد ما وصلنا البيت صغير اول ما طفى بُـرهـان السيارة باوع الواثـق ضايج واثـق گال يلا رجع بُـرهان رد

-- لا حول ولا قوة الا بالله

نزلنا وانا جسمي كله يرجف من الفرح والخوف والقلق دگ واثـق الباب وگلبي يدگ اقوى من دگت الباب ثواني واجاني صوتها

شهيناز :- منووو

حطيت ايدي على گلبي يدگ بكل سرعته

والايد الثانية مثبته روحي عليها

فتحت الباب وشافتني شهگت وطلعت

عليه سريع حظنتني وتبچي بصوت عالي

وانا شكو قهر عشته شكو عذاب تعذبته شكو ذله مرت عليه شكو أذيه شفتها

طلعتها بين اديها وبحظنها ابچي بحرگه وقهر ساعه كامله نبچي وراها باستني ومسحت دموعي وساعدتني اطب للبيت

فتت للبيت بنيان جديد ديوانية ( استقبال) 

و الصاله بيها كاونتر وسنك وطباخ يعني هي صاله وهي مطبخ و غرفه ، البيت صغير ومأثث من كل شيء حتى غرفه اخشاب موجودة

گعدتني بالدوانية والولد ويانا طبوا

تبوس بيه وتحظن بيه وتسأل شلونج وشلون صحتج

ما ارد بس ابچي مده طويله هذا وضعنا

وراهـا بُــرهان حچى

-- ام يوسف هذه بنتج واكيد انتِ احرص عليها من عدنا احنه حچينالج حالها والوضع المرت بيه وهسه جبناها وشفتي وضعها بعينج بنتج طفلـه و الدنيا تعبتها وظلمتها اتمنى تعوضينها ودارينها واكيد ما اوصيج عليها ولا احچي شي ثاني كل اللي اگوله واتمنى تحافظين عليهـا وتعوضينها وبس 

شهيناز :- بروحي احطها بروحي اضمها

بنتي وقطعي من گلبي هاي تعبت واني ابچي على فراگها ما اصدگ والله ما اصدگ رجعت الحظني

-- خير آن شاءالله نترخص احنه وقبل لا اروح حبيت اذكرج ترى بنتج بذمة رجال واكيد فهمج كفاية

امي سكتت و  واثـق باوع البُـرهان وباوعلي ورجع گال

-- وهذا الرجال خبل ولحد الان ما يدري بمرته رجعت الامها يعني خالتي العزيزة

ديري بالج على امانة اخوي

شهيناز :- ماكو داعي الهذا الكلام هيَ بنتي قبل لا تصير مرت اخوك

بُـرهـان :- خير آن شاءالله من رخصتكم

يُـمـن :- شكراً ما قصرتوا وياي ربي يحفظكم ويستر عليكم

بُٓرهـان باوع عليه مقهور ونظره شفقه واضحه بعيونه وراها طلع و واثـق تقرب عليه وضربني خفيف على راسي ويگول

-- الشكراً هاي نگعيها وحطيها بالتانكي مالكم اختي انتِ ومرت اخوي الكبير وبنت عمومتي يعني عرضي وهذا واجبي مو هيج خاله

شهيناز :- اي اكيد

-- يلا اروح اني وإذا احتاجيتوا شيء رقمي يمج خاله بس دگيلي

-- اريدك سالم حبيبي امي ما تقصر

راح طلع وامي وراهم بقت برى يمهم قرابة العشر دقايق ما ادري شيحجون وراها رجعت طبت عليه بس شفتها انهاريت من جديد ومتت من البچي وهي حاظنتني وتبچي وياي

يُـمـن :- ليش عفتيني ليشش مو تدرين بيهم ما يرحمون ليش هيج سويتي بيه دمروني دمروني

شهيناز :- حسبي الله ونعم الوكيل بيهم

-- ربطوني بالشباك لا اكل لا شرب لا حمام يطبون ويطلعون يكتلون بيه جسمي صبغوه من الصونده تالي زوجوني الواحد

حقير شايف روحه شوفه ما يشتريني بنعال

حسبني خدامه وبنت ليل عنده هاني وكسر بختي وامي لعبت بحالي موتتني لج يما موتتني شوفي شسوت بيه شوفي حتى حرك حرگتني

-- الله لا ينطيهم ان شاءالله ، كافي يروحي سكتي يرحولج فدوة اله اندمهم وداعتج

وخرت من حظنها ومسحت دموعي وسألتها

-- بيتمن هذا

-- بيتي

-- منيلج

-- اهل الحلال هواي ما قصروا وياي

-- يعني شني الناس اشترته الج

-- اي 

-- منو هذول الناس وليش ما اجيتي عليه اخذتيني إذا صار عندج بيت 

-- ما اگدر اجي عليج بهذا الوقت لو اجيت يذبحوني ردت اضبط وضعي يلا 

-- وانا ما فكرتي بيه يذبحوني يموتوني

-- ما رحتي من بالي لحظة وحده 

-- شلون نمتي ليلج وانا تحت رحمتهم شلون تاكلين وشربتي وتدرين بيهم حارمين من الاكل والشرب 

-- وداعتج ليلي ما انامه وسويت المستحيل بس حتى ارتب وضعي وارجعج الحظني شمرت روحي بنص النار الخاطر يصير عندي بيت اجيبج تگعدين بيه 

ما جاوبتها سكتت وعيوني كل شويه تروح على حاجه بيها متغيره صايرة وحده ثانية

هي من الاصل حلوة كلش بس هسه صايرة حيل حيل حلوة مسوية شعرها خصل و حواجبها داگتهن تاتو وايدها بيها وشم ومن دارت هدومها دلعه وظهرها

هم شفت مسوية بيه وشم وتلمع لمع ولابسه تراجي ثلاث ازواج وكلاده وسوار 

ساعدتني اروح للغرفه انام وانا امشي عيوني على البيت اشكال الغراض اشكال الترتيب وريحته طيبة متروس معطر وهي ريحتها تخبل تمددت على جربايتها 

فراش الجرباية عبالك مال عرايس

 و الترتيب اخر مديل هيَ طلعت للمطبخ وانا عيوني على الغرفه والغراض 

باوعت للميز متروس عطور ومكياج 

منين هذا كله البيت الغراض الذهب 

والتغير هذا كله الهيَ بيه شو طلعت بطرك الثوب من بيت جدي واهلها متبرين منها 

طلع الها ورث باليا نصيب لو منين اجاها هذا الخير 

شوية واجت جايبة صينية الاكل وگعدت يمي توكل بيه وكل شوية تبوسني فرحانه بچيتي وراها گالت 

-- نامي شوية واني راح اروح للسوك اجيبلج ملابس وغراض ابد لا تفتحين الباب إذا اندگ اني عندي مفتاح من ارجع افتحه 

ما جاوبتها بس صافنه عليها فتحت الكنتور 

طلعت جبه و شال لبستهن و الشحاطه ام الاصبع بلا جواريب واضافرها مصبغه 

ورجليها تلمع والمكياج والعطر يوصل للشارع والجيزدان ترسته فلوس حمر وخضر من الكنتور وباستني وطلعت 

بس سمعت باب الشارع انسد سندت روحي وگمت للكنتور مالها فتحته 

اشكال الهدوم اشكال التريب اشكال 

الملابس الداخليه وسيتات النوم 

لزمتهن وصفنت بيهن 

شني هذن ؟؟ ليش هيج عدها شأسوي بيهن ؟؟ الكنتور بيه جراره صغيرة فتحتها 

بيها فلوس حتى ورق 

بسرعه سديتها ورجعت گعدت على الجرباية شني الموضوع منين جابت هاي الفلوس اكثر من ورقه عدها وخضر وحمر 

وزرگ فوك المليونين عدها منين هذني

البيت الغراض الترتيب الهدوم شني جاي تشتغل لو شني سالفه بالضبط 

شگد ردت انام بس ماكو ما اگدر القلق والتفكير موتني طلعت افتر بالبيت والعكازة بـ ايدي صار المغرب وهي ماكو 

وانا گاعدة وحدي متانيتها خلصت الصلاة وراها بساعه تقريباً سمعت صوت سيارة قريبة يم الباب انوب انفتح الباب بالمفتاح وطبت بيدها علاليگ هواي 

شهيناز :- گعدتي حبيبتي 

يُـمـن :- ما نمت ابد

-- تأخرت عليج السوك ازدحام وبعيد علينا منا لازم اروح بسيارة وارجع بسيارة 

فتحت حجابها و نزعت الجبه دنگت تفتح بالعلاليگ عيني صارت على صدها بيه اثر 

خفيف حاولت اركز وصفنت بيها خايفه شنو هذا بس لا هذا اللي بالي ،  خاف هذا  تاتو رجعت اباوع اريد اتأكد بس ما لحگت رفعت راسها بسرعه لگتني صافنه عليها گالت

-- بله شوفيهن يعجبنج لو لا باعي حتى ملابس طلعه جبتلج باجر نروح بيهن للدكتور يشوف رجلج

-- شني شغلج شجاي تشتغلين 

-- ها

-- منيلج هذا البيت والذهب والغراض والفلوس شجاي تشتغلين يماا

-- صالون عندي صالون 

-- وين صالونج

-- بغداد الجديدة 

-- هاا ومنين جبتي فلوس الصالون هم الناس ساعدتج بيه

-- لا عامله اشتغل بيه  ، بلا شوفيهن حلوات لو لا

-- حلوات 

-- قيسيهن خاف صغار لو كبار 

-- مابيه حيل بعدين عود 

-- جبت عشه وياي خليني احضره 

شالت العلاكه مال العشه وگامت شوية واجت جايبة لفات همبركر وببسي حاطتهن بصينيه 

-- اكلي 

-- ما اشتهي

-- شنو ما تشتهين اكلي تعشي شوفي حالج شصاير بيج

-- قبل شوية اكلت ما اشتهي 

-- براحتج راح اضملج لفتج من تجوعين تاكلين 

-- وين لگوج الولد شلون تعرفوا عليج 

-- اني الگيتهم مو همَ لگوني

-- شلون 

-- من اول يوم انهزمت واني ادور على بيت حاكـم ردته يدخل واسطه خير بيني وبين بيت جدج ما ادري بيه ماخذج الابنه ، كل يوم والثاني اروح ادور عليهم بالمنطقة مالتهم الجانوا عايشين بيها قبل لا يسافرون بس ماكو ما اندلهم كل اللي اندله واعرفه گاعدين بالدورة والمنطقة جبيرة ولا بيت ولا بيتين بيها اروح اسأل وارجع محد يعرفهم اخر شي سألت واحد يشتغل بفرن مال صمون كال سافروا من فترة طويله ومن رجعوا من السفر قبل اربع سنين باعوا بيتهم و شالوا بس وين شالوا ما يعرف ، من سمعت شايلين بچيت الولد گال 

-- خاله ابنهم الصغير بين فترة وفترة اشوفه هنا المنطقة يمكن يجي الاصدقائه

-- ما تعرف اصدقائه

-- لا والله ما اعرفهم بس شفته اكثر من مره هنا بسيارته أذا تردين عوفي رقمج

 و عنوانج وإذا يجي مره ثانية اگوله عليج 

عفت الرقم والعنوان يم الولد وبعد ما رجعت للمنطقه بقيت منتطرته بلكي يدگلي راحت ايام واجت ايام وهو ماكو 

أيست وما مخابرني بعد لحد اول البارحه الصبح دگلي رقم غريب گال 

-- سأله علينه وعايفه رقمج وعنوانج يم ابو الفرن منو انتِ 

هنا ما صدگت من خابرني ، وهوَ من عرف بيه اني أمج عبالك وگعت عليه من السماء طار الولد من الفرح ساعه يمكن هوَ و أبن خالته اجو علينا حجوالي حالج واللي صار وياج بست اديهم بس اجي وياهم للبيت اخذج بس ابن خالته ما قبل گال باجر هو يجيبج لليل ورجعوا اجوا وياهم حاكـم ونفس الشي گالوا باجر احنه نجيبها  وللصبح ما نمت منتظرتج والصبح  خابرني حاكـم گال صار عدنا ضرف ما نگدر نجي اليوم ياجر نجي كتله اني اجيكم ما قبل اله همَ يجيبونج وهيج بقيت منتظرتهم لحد ما اليوم جابوج واجوا

 و الحمدلله من شفتج ورجعتج الحظني

-- زين إذا عمامي دروا انا يمج خاف يجون عليه وياخذوني مره ثانية

-- لا تخافين بس هاليومين ارتب وضعي وإني الهم حتى هذا زوجج الناقص اني اعلمه 

-- شلون 

-- هاي عوفيها عليه وارتاحي و معليج بالباقي

-- بس رائـف شلون بيه كلش عصبي 

-- كتلج هذاا اني اعلمه إذا ما عدت تربيته من جديدة ما اطلع امج بس صبريلي

-- لا خلي ما اريد الطلايب وياه بس خل يطلگني وهذا هـو 

-- سهله كل شيء سهل بس اول شيء گومي نامي وارتاحي وكل شيء سهل لا تخافين

-- هنا راح انام 

-- ليش هنا گومي هناك على الجرباية 

-- لا ما اريد هنا احسن 

-- راح اجيبلج فراش تمددي عليه واني راح ارتب ملابسج بالكنتور 

گامت جابت فراش ومخده فرشتهن ورجعت تعزل بالهدوم مالاتي تمددت وصافنه بزمانـي حايرة بروحـي و بحالي 

وبحال أمي الغريب لحد ما تعبت ونمت 

ثاني يوم اخذتني للدكتور شاف رجلي ورجع مره ثانيه صباها وگال أسبوع و جعوا نفتحها

 خلصت يومين كاملات بيت امي ما اسوي شي غير بس اكل وانام وهي گاعدة يمي 

وحايرة بيه تجيب وتحط حايرة شلون ترتبلي وتعوضني حتى تتحسن صحتي

باليوم الثالث اندگ الباب طلعت امي من الحمام الخاولي براسها والدشداشة مالتها الگصيفه ربع ردن رتحت فتحت باب الشارع دقيقة ورجع انفتح باب الاستقبال عليه وفات رائـف

جريت حجابي لبسته و هو صفن على حالي بقى واگف وأمي واگفه يمه هو صافن على حالي وانا صافنه على امي شبيها هاي شو وضعها ما جاي يعجبني 

شلون هيج باقية بهذا للبس گدام الولد گالتله

شهيناز :- اگعد استريح 

باوع الها و دار وجهه وانا صافنه بيها وراها تقدم عليه گعد قريب من عندي وهيَ راحت وسدت الباب 

رائـف :- الحمدلله على سلامتج

ما جاوبت رجع گال

-- ادري مقهورة وزعلانه من الصار بس حقج عليه بعد ما تنعاد 

نفس الشي ساكته ما اجاوب

رائـف :- تفاهمت وياه امي و بعد ما تتقرب منج 

نفس الشي ما اجاوب رجع گال

-- ليش ساكته ما تردين 

باوعتله ميته من قهر على روحي وهاي اول مره احط عيني بعينه من بعد اللي صار بيناتنا گتله   

-- شتريد ارد شـ اجاوب يعني اكو شي ينحچي اكو سالفه تتسولف رحم الله والديكم جبتوني عدكم وخلصتوني من الموت وما قصرتوا الله يجازيكم الخير وهسه اجت امي و راح ترتاحون من مسؤوليتي وحملي الثكيل وانا الاسفه واعتذر وحقكم عليه طبيت بحياتكم وخربتك وياه خطيبتك وخربت امك وياك ويا اهلها 

-- شنو يعني 

-- طلگني وارتاح وارجع الحياتك واخلص مني

-- هسه انتِ تعبانه من تصيرين زينه وراها نحچي 

طبت امي بيدها جاي باقية بنفس اللبس بس شايله الخاولي و مشطه شعرها 

بس فاتت هو بسرعه نزل راسه للگاع وانا 

إذا الحايط فتح حلگه وحچه فتحت حلگي وحچيت بقت بس عيوني معلگه عليها 

حطت الچاي گدامه وتربعت وگعدت  وتباوعله وتگول 

-- طلعت امك ملاكمه ما شاءالله عليها 

-- ساعه شيطان وغلطت بحقها وبحقي 

-- يُمـن سولفتلي شلون جبتوها وحميتوها من عمامهم رحم الله والديكم مشكورين 

سكت ما رد رجعت گالتله 

-- ابوك انسان طيب واخوك وردة وانتَ عين الله عليك مبين شلون مرتب ياريت بدون هوسه وتعب ترمي اليمين عليها وتخلصنا وتخلص نفسك من المشاكل 

باوعلها بنظره استهزاء وراها شال باكيت الجاكير مالته والنقال وگام ضمهن بجيه 

وگال 

-- اطلگها واگعدها يمج مو

-- شنو تگعدها يمي احچي عدل امها اني

-- والله والنعم 

-- ينعم الله اصلك وفصلك تستهزء حضرتك 

سوالها بحلگه حركه بمعنى لا و باوعلي وگال 

-- يله عيني ست خلصت الاجازة گومي نروح البيتنا

شهيناز :- وين تروح الامك لو الخطيبتك

و اختك 

-- وشبيهن امي وخطيبتي واختي بس لا مو گد المقام 

-- لا والله مو گد الثقه والآمانه واني بنتي ما مستغنيه عنها حتى ارجعها للموت بيدي 

-- وليش استغنيني عنها قبل و عفتيها 

-- قبل مجبورة 

-- ام يوسف رجاءً اني هسه واصل من السفر وتعبان والدنيا طالعه من خشمي 

ليش ما تتكفين شري مو احسن 

-- لا والله وتهدد فوكاها والك عين تجي وتحچي وتهدد 

-- ليش يابة مالي عين شنو بس لا طلعت من الطريق ونكسرت عيني واني ما ادري

-- امشي اطلع برى 

ما جاوبها بس باوعلي و گال

-- گومي يلااا

-- متروح المكان وما الك مره يمي امشي اطلع برى 

-- اخر مره اكول گومي 

يُـمـن :- ما اروح 

-- مو بمزاجج گـووووومي گلت 

شهيناز :- ولاااا بمزاجككك برى يلااااا

بحركه سريعة من عنده دنگ عليه وجرني من ايدي گومني احس ايدي انخلعت وهي منا منتهيه بيها تمزق من الكتله مالتهن اجه كملها عليه و جرني حيل  هي جره وهي عيطه 

اجت امي جرتني من عنده وحجت وياه بصوت عالي 

-- لك بنص بيتي و هيج تتعامل وياهااا الله اعلم هناك شلون حالهااا اخر مره اگول اطلعععع برى لا تخليني اتصرف تصرف ما يعجبك

-- ههه شـتسوين بلااا شرحيلي 

-- اسوي شي ما يعجبك ولا يعجب احد 

باوعلي بنفاذ صبر وگال 

-- فضيها يُـمن 

-- شوف بنتي مالها طالعه منا ورجعه الك ما ترجع ولا انتَ ولا اكبر مخلوق بالدنيا ياخذها من عندي فهمت لو لا 

صار قريب من عدها كلش بحيث فرق بينهم مسافه بسيطه باوعلها من فوك ليجوه وراها گــال بصوت هادى 

-- وين تردين تبقينها ست 

-- هناا بيتي يعني وين 

-- هاا خوش حجي وبيش تبيعين ليلتها 

رفعت ايدها رادت تضربه بسرعه لزم ايدها قوي ورد بعصبيه عليها 

-- شوفي اني الهسه محترمج لان اكبر مني لا تخليني اتصرف تصرف ما احبه يُمـن مرتي غصباً عليج وعليها مرتي وبذمتي وبيتج هذاا ما يشرفني تبقى بي فـ سكتي من عندي احسلج 

-- منين اجت مرتك هااا منين بس لاااا مصدك روحك وين عقدها وين شهودك 

شوف لك انجوم السماء اقربلك تحلم تلوح اضفرها منا وجاي واليطلع بيدك سويي 

دار من يمها وباوعلي جنت ماخذه الزارية وجسمي يرجف مثل السعفه ودموعي على خدي 

رائـف :- راح اروح اليوم اعوفج هنا يم هاي 

واني ادري بيج شنوو بسس هااا و الكعبة الشريفة إذا تخايلت بيني وبين روحي مسوية شي غلط لو جارتج هاي الدربها 

اصلبج واعلگج باب الشارع 

عافنه وطلع وامي وراه انهدت بالغلط والنعايل رجعت گعدت وصافنه بـ الكلام 

شنو يعني قصده امي مو زينه و استهزاءة 

واسلوبة وياها ابد مو طبيعي وهي امي من الاصل مو طبيعية ما جاي ارتاح الها 

لا وفوگاها هسه شلون جاي تغلط وتتجاوز

وللبسها گدامه وكلام بُـرهان و واثـق كلشي يثبت امي مو زينه بس من اجيت لليوم ما شفت منها شي غلط و الليل ونهار گاعدة يمي وحتى نقالها مشمور لا تخابر ولا واحد يخابرها 

رجعت طبت امي و گالت 

-- ابن الكلب والله والله إذا ما ندمته ما اطلع شهيناز بس خل يصبرلي 

-- انتِ شني سالفتج 

-- يعني شنو سالفتي شقصدج 

-- ليش هيج لابسه گدامه وليش هيج ما مستورة وبعدين حتى بُـرهان ما جان راضي على جيتي هنا و الفلوس والذهب والبيت منين جبتيهم شني الموضوع احچيلي

-- اشو متعرفين تحچين 

-- ما حچيت غلط وضعج مو طبيعي من اجيت لليوم الف علامة على وضعج 

-- وشبيه وضعي شفتيني شادة الخصر واتمركص احترمي نفسج واحچي عدل لا تخليني اعيد تربيتج 

سكتت من عدها وهي عافتني وراحت الغرفتها ضايجة ما عاجبها الحچي 

بقيت گاعدة وحدي ايدي على خدي هسه انا عليمن اضوج على روحي على قسمتي على حالي لو على وضع امي المو قانوني لو على الحچي الگاله رائــف 

بقيت ساعه كامله وحدي وبس صافنه ودمعتي بعيني رجعت اجت عليه گعدت مقابيلي و سكتت ما تحچي بقت مده ساكته وانا نفس حالتها ساكته بدون صوت 

وراها گالـت 

-- من رجعت من بيت جدج خفت وين اروح وين امشي ومنو يحميني وصلت البغداد واني روحي ترجف من الخوف 

وين اگعد وين امشي مرت عليه ايام نوم ما انام اكل ما اكل افتر من مكان المكان 

ومن شارع الشارع بلكي الگه سگف اضم روحي جواه لحد ما بيوم من الأيام تعرفت على هاشـم هذا الرجال الله ذراه الي من السماء شالني من وطلعني من الظلمات للنور وياه يله عشت و انحييت

ساعدني و تعب وياي اول شي أجرلي بيت  المده شهرين وبعدين رجع ساعدني

 و فتحت صالون وبقى وياي بكل خطوه لحد ما الله سهل عليه وخلصت من الأيجار و اخذلي هذا البيت و گعدني بيه ومن هذاك اليوم الهذا اليوم اني بهذا البيت معززة مكرمه ما ناقصني شي مدلله دلال 

اروح الشغلي وارجع وكلشي متوفلي من الخيط للأبرة صح البيت زراعي والمنطقة تعبانه بس العافية درجات 

-- ومنين هذا هاشم وين عرفتيه وين شفتيه وين عشتي من رجعتي من بيت جدي حقي اعرف حياتج حقي الگه اجوبه للاسئله مو صدك لو اني غلطانه

-- اي حقج ما غلطانه بشي بس اكو مواضيع 

لو حچيتهن ما راح تفهمينهن وراح يتعبنج 

بس خلي بالج اني ما غلطت بشي وكل الايام الفاتت اني باقيه نفسي ما تغيرت ولا غيرتني الايام 

-- رحتي بطرك الثوب والربطه فجأة بين ليلة ويوم صار عندج بيت وصالون وذهب وفلوس وانتِ لا عندك اهل ولا طالعج ورث منين اجنج كلهن هذني گالتي من هاشم بس يا هاشم هذا وشني البينج وبينه حتى هيج يجيبلج ويحطلج بعتي روحج اله 

-- هواي تجاوزتي واني ساكته اگول متفهم وجاهله والحچي السمعته أثر بيها بس اخر مره اگولج احترمي نفسج 

-- يمااا فهميني منينننن هذاااا وشعندج وياااه احچي حتى احترم وما اتجاوز احچي حتى من اتعير بيج ارد وادفعلج وادافع الروحي 

ما جاوبتني بقت ساكته من شفتها ساكته

عفتها و گمت رحت للغرفه طلعت جبتي وربطتي لبستهن و مشيت الباب الشارع اريد اطلع لزمتني ما تخليني اطلع 

-- عوفيني اروووح 

-- وين ترحين 

-- البيت رجلي 

-- هاا والله زين وهذا هم محسوب رجال هم حاسبة نفسج متزوجة وعندج بيت 

-- عاد عايشة تحت جناحة مستورة احسن ما ابقى هنا وترحين تبعيني بعد يومين مثل ما بعتي روحج

بسرعه ضربتني راشدي وگالت  

-- طايحه الحظ اللسانج اطول منج بس عليمن اطلعين إذا جدتج سعدية 

-- سعدية الما عاجبتج كل كتلها وضيمها اهون عليه من فضيحتي هاي گدام الناس

-- يااا فضيحه هاااي گتلج ما مسويه شييي غلط

-- إذا ما مسوية منين جبتي كل هذا الخيرر وشني المناسبة حتى هذا هاشم يوزع عليج  بيوت ومحال وذهب 

-- ماكو مناسبة وما موزع شي عليه هذا حقي مو تفضيل من عنده

-- حقيششش ابن عمج ابن خالج اخوج ابوج حقيشش لا تموتيني ولج يما شيصير منج حتى تحچين بهاي الثقـه والبرود 

-- يصير زوجي على سنه الله ورسوله وبعد لا تسألين شيء منا وتسدين الموضوع 

يتبع.... 

#عــروس_الچبـــايــش 🌼

بــقلم يـــاســـة الحلقة (9)

ليست كل العواصف تأتي لتدمر 

حياتك ، فالبعض منها يأتي ليوضح لك الطريق 

 

............................. 

يُـمـن :- شني رجلج شلون تزوجتيه شني لا تتدخلين يماا شني هذا اللعب 

شهيناز :- احترمي واحچي عدل 

-- چا فهميني شني رجلج شلون 

شهيناز :- حالي حال الناس شلون يعني 

-- وعمي ؟ 

-- شبيه عمج

-- مو هو رجلج وشردتي منه بدون ما يطلگج

-- لاا

-- شني لا يعني مو مرته

-- مرته بس مو دائمي

-- شني مو دائمي يمه لا تخبليني

-- الكلب أبن الكلب جان يعقد عليه فتره بس وانتهى يعني مو زواج دائمي 

-- وين اكو هيج شني تضحكين عليه

-- لا ما اضحك واكوو هيج واكثر واكثر مو اگلج مو كل شي لازم تعرفين إذا عرفتي راح تعبين وتتأذين

-- ههه على اساس هسه انا ما تعبانه وبهذا حچيج ما تعبت اكثر يما شني هذا الفلم 

-- طبي خليني افهمج جوه الناس منا احنه  بالشارع لا واحد يسمعنا

طبيت جوه و رجليه غدت خيوط بعد شأسمع وشأشوف گعدت بالديوانية وهيَ گاعدة گبالي گالت الها 

-- احچي يما فهميني

-- عمج چان ماخذني زواج منقطع كل شهرين ثلاثة يخلص عقدنا و يجدده 

-- ويصير هيج زواج 

-- اي يصير

-- وجدتي تدري 

-- اي تدري وهي الفرضت عليه هذا الزواج هو بالاول راد ياخذني مره حالي حال كل الناس بس هيَ ما تخليه ومن شافته مصر اله يتزوجني گالتله اخذها اتمتع بيها بس لا تحسبها مره گدام العالم وهو نذل ونكس كسر ظهري واستغلكم و جبرني تحملت كل هاي الاشهر وكل هاي الايام الخاطركم 

بس من مات اخوج بعد خلص صبري

و هجيت من كل الظيم 

ضليت ساكته وما احچي ولا ارد بس صافنه وين يله رديت الها وگلت 

-- يما اني بيا مستنقع عايشة ليش الهاي الدرجة احنه قذرين الاخ ما يتأمن الاخت ما تتأمن العم الخال الأجداد يما كل الناس هيج لو بس اهلي 

-- اكو مثلهم واكو الاحسن واكو الاتعس منهم هاي الدنيا بيها كل الانواع بس بيت جدج من انكس واخس البشر العرفتهم والشفتهم والسمعت بيهم 

-- وانا شني ذنبي ما فكرتوا بيه ما خفتي ينكسر خاطري وبختي بعملتكم هاي انا انتم اهلي شني ذنبي اعيش هيج عيشه موش مثل الوادم 

ما ردت عليه وجنها ما همها حالي 

كل الحچته وردت بيه عليه 

-- هسه عرفتي بيه متزوجة وعرفتي بعمج شلون جان ماخذني بعد ماكو شي مضموم عليج وماكو شي اخاف بعد لا تسأليني شيء عوفي البگلب بلگلب تعبت منه وما اريد اذكرى

-- وهذا رجلج الجديد من اخذتيه مثل ما اخذتي عمي بالسر شني التغير

-- لا مو سر هذا عاقد عليه بشرع الله وسنه نبيه و ولده اثنينهم يعرفون و رجال عنده خير من الله مقدرني ومعيشني عيشة كريمة ومدلله وين هذا وين عمج الفكر أبن الفكور

ضليت ساكته ما ادري شـگول و شني احچي رجعت هيَ تباوع عليه وراها گالت

-- يُــمن ما دام عرفتي كل شيء بعد منه من اليوم تتقبلين الرجال وتحسبيه بحسبه ابوج وتحترمينه وتقدرينه وخليه ساتر علينه ومعيشنه احسن من ما ناخذ الشوارع اني وياج  ويرحون عمامج يذبحونه عاد هذا نسايرة ونقبل بيه الخاطر مصلحتنا

ما ارد ولا انطق احس جبال على گلبي حاطه ولا بيه ازيحهن عني ولا بيه احمل ثكلهن ، رجعت گالت

-- هاشم واصل واله اسمه وسمعته ومكانته بالمجتمع وعنده خير من الله والهذا السبب اني مجلبه بيه أذا اعوفه اخسر كل الخير الاني بيه صح هاي المنطقـة مو شي و بعدهي ما كامله بس احسن من الماكو احسن من الشارع

بيتي كله سيراميك وكاشي واثاث كامل وذهب وفلوس وشغل و واعدني ياخذلي بيت قريب على بيته بس اول مره يرتب وضعه وياه مرته و ولاده

-- صار مرتين تگولين اولادة يعني متزوج ومرته عايشة 

-- اي

-- عاشت ايدج

عفتها وگمت طلعت گعدت بالحوش يربي ضاكت بيه الدنيه الوسيعه دخيلك وين اروح وين اولي ضليت گاعده لحد ما مليت

اخر شي گمت طبيت جريت الغطاه وتغطيت ونمت

ثاني يوم العصر واجه عمـي حاكم تلگته أمي تهلي وترحب بيه وهو يباوع عليه

و مقهور جابت امي الجاي وگعدت يمنا شوية وگال

حاكم :- اني اجيت عليج عمو حبيبتي وما اعرف شلون افتح الموضوع وياج خجلان والله مالي عين احطها بعينج من بعد اللي صار وياج

يُـمـن :- لا تحچي هيج والله ما قصرت وياي كفيت وفيت بس بعد كل بشر وقسمته 

-- رائـف يريدج وما يقبل بالطلاق البارحه يله اجه من السفر تدرين بيه جان مسافر بشغل وگبل اجه عليكم حتى يشوفج ويرجعج وياه للبيت تالي متصايح وياه امج و امج طاردته وما قابلة ترجعين ومن البارحه لليوم الولد متهستر علينا

خرب وياه امه ويا اخته ويا اخو وحتى وياي

يريدج يگول مرتي واريدها

-- عمي رائـف ما يريدني كل الرايده مره خدامة اله والخطيبته والامه مره ما تفتح حلگها وتشكي وتحچي مره مثلي مطيعه لا وراها اهل ولا عمام الليل نهار يدمغ عليها

-- لا ما اقبل هيج لعد تگولين أني وين رحت أني ابوج واهلج وكل عمامج صح صارت وياج هاي المشكلة بس أني ما جنت موجود واستغلن غيابي ومن رجعت و عرفت باللي صار اخذت حقج منهن وزيادة وداعتج كلهن تحاسبن 

-- بيك الخير والبركة عمي رحم الله والديك 

-- شوفي بابا حبيبتي رائـف صح ما چان قابل بكل الموضوع وغلط بحقج هواي واستعجل وخطب بس بالأخير عرف بنفسه يحبج ويريدج وهسه ندمان ودازني عليج 

شهيناز :- يا حب هذا ابو رائـف شوف حال الأبنية شوف وضعها مرتك وبنتك وخطيبة ابنك جارمات بيها وابنك ما اعرف شنو وضعه عبالك واحد مضيع دربه ما يدري شيريد يحبها ويروح يخطب فوگاها يحبها ويكتلها يگطعها تگطع يحبها وياخذها اختصاب حتى مو حاله حال الزلم وين اكو هيج حب

-- هذا قبل هسه تغير الوضع وجاي يعترف يگول مرتي اريدها وغلطت بحقها واريد اصحح غلطي ام يوسف سبحان الما يغلط البشر مو معصوم لا عبالج اني قابل على تصرفات رائـف وامه لا بالله العظيم كل شيء صار ما قابل عليه وحاسبتهم واحد واحد بس بنفس الوقت المشاكل هاي تصير وسوء الفهم يصير بكل العوائل خلينا ننطيهم فرصه يصححون غلطهم ويرجعون سوه و الابنية صغيرة وحرام ينكسر ظهرها بالطلاق وهي بهذا العمر ومجتمعنا ما يرحم وانتِ ما دايمتلها مو گتيلي

تزوجتي و اكيد شفتي حياتج ويا زوجج 

وزوجج رجال غريب خو ما يحير بيها خليها ترجع الزوجها والله يهدي سرهم  ويسعدهم ويرزقهم بالذرية الصالحة

-- وخطيبته  

-- فركش الخطوبة وكلشي انتهى من اول ما رجع من السفر 

-- وامه ابو رائـف مستحيل تسكت عنها من بعد ما خربت خطبه بنت اختها

-- الوضع قبل يختلف عن هسه قبل جان ما يريدها هسه يريدها ومشتريها ومعترف بيها زوجه وشريكـة الحياته امه مستحيل تتجرئ عليها مره ثانية وصدگيني البارحه من رجع من يمكم سولنا مسرحية بالبيت بحيث امه صاحت التوبة واستغفر الله 

امي سكتت شكلها اقتنعت بالحچي رجع هو باوع عليه وسألني

-- ها بابا شگلتي

-- ما ادري عمي

-- فكري براحتج اليوم وباجر وعگبه لحد ما تشوفين نفسج اخذتي قرار ردي خبر واجي اخذج 

شهيناز :- خل تفتح رجلها اول مره وبعدين الله يكتب البيه الخير

-- ما دام هيج بعد اني اترخص من عدكم

-- ابقى للعشه

-- الله يديمكم مشكورة

گام عمي و حط بيدي 100 الف گال هذا مصرف شگد توسلت بيه واتعذرت منه ما اخذهن بس ما قبل لحد ما سلم علينا وراح اول ما راح اجت امي گعدت يمي وگالت 

-- ها امي حبيبتي شنو رأيج

-- ما ادري 

-- عوفي هسه لا تاخذين قرار ارتاحي وفكري براحتج وإذا هو يحبج صدك ويريدج ينتظرج لحد ما تقررين 

-- الله كريـم 

خلص هذا اليوم وأنا الف فكرة وفكرة اجت على بالي ساعه اريد ارجع ساعه لا ابقى هنا يم امي ساعه اخاف من عمتي ساعه اگول لا بعد ما تحچي لحد ما تعبت ونمت والصبح فزيت على صوت زلمه بالبيت لبست ربطتي وگمت اشوف ياهو

اول ما طلعت صار بوجهي زلمه لاهو

سمين ولاهو ضعيف عده كرش بس مو كلش جبير وسط  شعره خفيف عبالك اصلع وجهه محسس يلمع لمع وبطرك الشورت والفانيله ام التعلاگه دنكت ميته من المستحه هو بسرعه گال

هـاشم :- هلا بابا صباح الخير 

يُـمـن :- ياهو انتَ

طلعت امي من الغرفه لابسه برمودة والفانيله دلعه والشعر محلول والمكياج على اخر حباية ورحيتها گبلها تمشي تگول جنها العافية ضحكت وردت 

-- هذا عمج هاشـم 

-- هلا اهلاً وسهلاً 

حچيت هيج و عفتهم وافتريت وطلعت للحوش امشي على العكازة واحس رجليه صارن ياثكلهن هسه هذا رجلها وانا اعيش وياهم وهمَ هيج لابسين گدامي 

وصلت للمغسله اللي بالحوش غسلت وگعدت على الشمس وايدي على خدي وصفنه تاخذني وصفنه تجيبني لحد ما طلعت امي صاحت عليه اجي اتريك طبيت للديوانية لگيت رجل أمي گاعد بس لابس تراكسود نعمه من ستر روحه متربع وگاعد على القنفه والحاسبة گباله فاتحها ويشتغل بيها والنركيله بصفه 

جابت امي صينية الريوك وگعدت يمي 

صبتله جاي وانطته اله وتگله

-- تفضل حبي 

-- عاشت إيدج يا حلوة 

ديله بله هذول صدگ يحجون وعايشين اللحظه تهي بهي  

رجعت گعدت يمي وبدأت تاكل وانا بس گاعدة و صافنه بروحي الغريبة وين اروح وين امشي حتى بحظن أمي صرت غريبة 

شهيناز :- متاكلين 

شلت الجاي شربت منه شافتني ما اكل سوتلي لفه وحطتها بيدي دگ نقاله رد 

هاشم :-  بعد وكت 

-- لشوكت تبقى مهمل مو تدري الشغل كله واگف يعني تعاند لو شنو فلمك فهمنيي 

-- يلاااا برر اسمعك اسمعك 

-- اي حقك شلون انتَ رجال ما عندك  وقت وما فارغ  وزير واني ما ادري 

-- اي بيت ام يوسف جيب الفايلات وتعال 

سد النقال ورجع يشتغل بين ما كملنا اكل شالت امي الصينية وراحت للمطبخ وأنا گمت للحوش گعدت بالشمس استحي ابقى گاعدة يمه وبنفس الوكت هذا الزلمه 

شايف روحه وما عاجبه العجب 

ضليت گاعدة برى وهمَ جوه ساعه واندگ الباب لا گمت ولا تحركت ولا جني اسمعه طلعت امي تگول 

-- مو تسمعين الباب ما فتحين

ما جاوبته بقيت على سكتي هزت راسها ما راضيه عليه واجت للباب فتحته وهي بهذا اللبس طب ولد بعمر رائـف بس هذا عنده شوارب بلايه لحيه جنه ضابط مدري شني  امي باسته وترحب بيه وهو يرد عليها السلام 

صفنت صفنه عمري على الوضع هذا هاي

شلابسة گدامه وانوب تبوسه شني هاي وين گاعدين هيج الوضع خرط وانا ما ادري وين العيب وين الحرام 

طب يمشي بيده جنطه وامي تمشي وراه 

وصل يمي باوع الأمي و غمز الها وضحك 

وأشر الها بنفس الوقت براسه هي ضحكت وجاوبته

-- بنتي يُـمـن

تميم :- هلا والله وأخيراً اجيتي وشفنه هذا الوجه الحلو شلونج عيني 

ما جاوبت بس باوعت الأمي مستغربـة بسرعه فهمتني وردت 

-- هذا أبن عمج هاشـم

تميم :- گرايبج يعني 

ما رديت بقيت على گعدتي جانا صوت ابو يصيح عليه عافنا و فات الابو وامي اجت يمي وتگول 

-- شنو تبقين هيج عيب ترى عمج صار بخاطره منج وسألني ليش ضجتي من شفتيه 

-- هاي انتِ هيج تلبسين گدام كل الولد لو شني سالفتج بعد ماكو حلال وحرام تطورتي 

-- وإذا عادي ترى هذول من محارمي وبعدين شبيه لبسي قابل متصلخه هي بجامه وقميص 

-- مو جنج عشاية اللحظة ومصدگه بروحج بغدادية گايمة تتبغددين حتى بحچيج 

-- وليش ما اعيش واصدك من حقي ادلل واعيش عيشة خير مليت من الفكر والظيم

-- اي حقج بس هسه انا وين اگعد إذا رجلج وأبنه بالديوانية

-- رجلج شنو عيب عليج گولي عمو البيت شگده وشكبره قابل بس الاستقبال عدنا 

-- وينه البيت هو ديوانية ومطبخ وغرفتكم 

-- گومي بغرفتنا 

-- لا عوفيني هنا بالشمس 

صاح عليها رجلها راحت تركض تشوفه وانا بقيت گاعدة وعيوني على باب الديوانية 

الولد گاعد بالكرسي الگبال الباب ويلعب بنقاله والاب بالحاسبة يشتغل درت وجهي على باب الشارع ورجعت رفعت راسي للسماء واگول

-- يارب ضاكت الدنيه عليه وين اروح بروحي 

بسرعه طاحت دموعي مسحتهن وحطيت راسي على الحايط وغمضت واگول امي مو نفسها القديمة صايرة وحده ثانية الاشكلها لا للبسها لا تصرفاتها و فوگها متزوجة

و الزلمه يجي و يروح و عنده ولد و ولده يجون شلون اعيش هنا واخذ راحتي كلش صعبه عليه ما اگدر 

سندت روحـي و گمت طبيت من الممر للمطبخ لگيت أمي تطبخ گعدت على باية الدرج بسرعة گالت 

-- سويت تبسي دجاج يلوك الهذا الحلك الحلو

-- عاشت ايدج 

-- عمج يحب هاي الاكله وياها خضره وطرشي همزين سويت هواي عيب من الولد وقت غده مصير يروح بدون غده 

-- عادي ولده متقبلينج بحياة ابوهم 

-- اي عادي كلش حبابين ويحبوني 

-- و بناته

-- بناته ما يعرفن واكيد راح يجي يوم ويعرفن ويتقبلني مثل الولد 

-- شگد عنده ولد وبنات 

-- اثنين ولد تميم الچبير ومراد على راسه و بنات ثلاثة اصغر وحده مواليدج 

-- متزوجات البنات 

-- بس وحده متزوجة الباقيات يدرسن 

تميـم متزوج وعنده ولد و مـراد طالب جامعي مرحله ثالثة 

-- شلون عرفتيه وين شفتيه شلون تزوجتوا

-- عرفته وخلص ماكو داعي للتفاصيل 

-- شوكت ناوي يعترف بيج گدام مرته

نصت العين و رفعت روحها بهدوء

و باوعتلي و گالت 

-- ميهمني إذا اعترف او ما اعترف المهم گلبه وجيبه الي وهذا اهم من مرته والاعتراف گدامها 

-- هههه

-- على شنو الضحك بله

-- الگلب ما يحب اثنين ولا يهوى اثنين 

بنفس الوكت هو لا يحبج ولا يحب مرته 

يحب روحه وبس 

-- ولا يحبني يطبه طوب المهم معيشني ومدللني والباقي وهو وگلبه ومرته وعشيرته طزز بيهم جميعاً 

بقيت اباوع عليه ما مصدگه شلون هيج تغيرت دگ نقالها جاوبت اكيد العاملة مال الصالون هي تخابر عليها لان من اجيت لليوم محد يخابرها غيرها وهي تحچي وياها تغسل بالخضره وتحضر بالصينية 

بعدهي تسولف وياها وسمعنا عمـي هاشم يصيح بصوت عـالي 

هاشم :- لو أبوي يطلع من الكبر ويگلك اختملي على هاي الاوراق ما تختم 

تميم :- ما بيهن شي ليش هيج معاند وياهم وموگف شغلهم خطيه والله 

--  صار الف مره اگلك لا تسألني ليش ولا تفتح موضوعهم گدامي

-- يابة الناس خوش ناس وشغلهم كله قانوني ليش واگف بيه خليهم يشتغلون  يعني منين يجيبولك هيج مبلغ حرام عليك

-- انتَ گلتها حرام عليه بعد معليك بالباقي وبعدين هذا المبلغ عدهم اضعافه واليريد يشتغل يدفع و يمشي اموره 

-- نزل شوية من عنده خطيه والله مساعدة ساعدهم 

-- ولا ربع وسد السالفه بعد لا تعيدها

الولد سكت  بعد ما سمعنا صوتهم وأمي صاحت عليه رد

-- هااا خالتـي اسمعج 

-- متروح تجيب لبن وخبز حار حتى اصبلكم تتغدون 

-- والله يا خالتـي العزيزة أني تعذريني ما اگدر اتغده راح اروح 

-- ياا وين تروح غير سويت غده 

-- شسويتي بله اغريني حتى ابقى

-- تبسي دجاج 

-- لا ما اريد شكراً

-- غير يجنن تتعال ضوگه تاكل اصابعك وراه

اجه للمطبخ انا على الدرج گاعدة باوع عليه و كمل طريقه راح يم الطباخ شال القبق و شمه الاكل بسرعه وجهه انعقج 

ورفع روحه من الاكل ويگول

تميم :- دجاج مصلحه فلوس رجلج وين خرب بيكم المن ضامينهن للگبور 

-- يااا ولك والله دجاج ذبح هذا البارحه اشتريتها من السوك حتى اسئل يُـمـن 

باوع عليه و رد 

-- منو يشهد للعروس 

-- عوف السوالف هاي وروح من راس الشارع جيب خبز ولبن 

اجه عليه و اگف ويباوعلي ويگول

-- ترحين وياي 

فتحت عيوني على وسعهن مصدومة شني هالميانه وامي واگفه بكل هدوء تباوع رجع گال

-- يمه شوف العيون تگول عيون ريم تسحن الروح 

امي ضحكت وعمي مناك صاح 

-- بدله اكلان الخـ... هذا امشي جيب الخبززز

ضحك و طلع من باب الممر و أنا باوعت الأمي الامر عدها طبيعي كلش صفنت بيها وبروحي الوضع ما يصرفلي و هذا مبين واحد تعبان وامي اتعب منه والعائله كلها خارطه ما اگدر ابقى هنا ما جاي ارتاح الحاله امي هناك مهما صار بيه احسن من وضعي هنا عاد هناك عندي غرفه اگعد بيها و عمي و واثـق و يحبوني وحتى رائف بكل سيئاته يبقى رجلي ستر وغطاه عليه مو هذا الغريب وحچيه الطايح حظه گمت و گلت الأمي 

-- خابري عمـي خلي يجي ياخذني 

-- ليش 

-- احسلي 

-- شنو الأحسن ابقي هنا منا لمن يتأدب زوجج 

-- عركتي مو وياه حتى يتأدب

-- والضرب والاغتصاب والخطبه هذا كله وما وياه مشكلة 

-- وضع گبل مو مثل هسه

-- ميخالف ابقي هنا كم يوم خليهم يرحون ويرجعون عليج مره واثنين واربعه خليهم يعرفون بيج غالية مو بسهولة ترجعين 

-- كتلج اريدد ارجع كاافي حسي بوضعي

-- شبيييه وضعج اشو مدللتج وحايرة بيج من الصبح الليل 

-- كثر الله خيرج 

عافتني وفاتت يم رجلها رجعت گعدت على الدرج وايدي على خدي خمس دقايق وطلعت 

شهيناز :- راح اخابره بس اول يقبل بشروطي يلا ارجعج

يُـمـن :- شني شروطج

-- ميرجع الخطيبته ويعزلج من امه 

-- ما يگدر يعزل من امه يحبها

-- ويحبج انتِ حسب ما يگول وانتِ بالوقت الحالي وضعج اهم من وضع أمه لان وياج راح يأسس عائله وبيت وامه عدها عائله وبيت ما واگفه عليه 

-- شتردين تحطين حطي بس خابريهم يجون 

-- تفتحين رجلج يلا ترجعين 

-- يماا 

-- وغممممه خلي النفس كرامه مو هذا إذا شافج هيج راح يطيح حظج اكثر واكثر 

-- بس

-- ولاااا صوووت گلت تفتحين رجلج يلااا ارجعج غير هيج ما عندي لو ترگعين راسج بالحايط

عافتني ورجعت تحضر بالغده سكتت منها وهي سكتت بس ضاجت بين ما اجه الولد 

جاب الخبز وگعد بالديوانية اخذت امي الصينية و راحت يمهم ودتها ورجعت حضرتلي غداي وحدي بالمطبخ تدري بيه ما اگعد يمهم 

الولد تغده وطلع بعد ما شفته و عمي غسل وطب الغرفته وامي راحت وراه 

گمت انا المكاني لعبانه روحي من روحي

للعصر وراح عمي بس وجهه ثكيل عليه وشكله ما عجبته شلون عازلي روحي منهم يريدني اگعد يمهم و دگ سوالف  وحتى أمي ضايجه من شفتها ضايجه ما فتحت سالفه الرجعه بعد 

مرت يومين و بهاي اليومين عمي حاكم كل شوية يخابر و واثـق نفس الشي يسألون عليه ويحجون وياي من نقال امي لحد ما رحنا فتحنا رجلي ورجعت امشي عليها طبيعي

من الدكتور ومرينا على الصالون مال أمي

وهنا استلمتني غسل وتبديل من فوك ليجوه طلعتني جديدة گصت شعري كله وساوته ويا المگصوص صار لحد رگبتي  وحفت وجهي وجسمي وسوتلي تنظيف وتقشير هي والعامله ومن بقت شغلات بسيطه عافت العامله تكمل الباقي وراحت گالت شوية وارجع 

ساعه ورجعت گالت يلا التكسي واگفه 

رجعنا للبيت واول ما وصلنا نزلت غراض من الصندوك جايبتهن اليَ

اول ما گعدنا فتحتهن اشوفهن داخليات وسيتات مال عرسان و هدوم بيت اشكال والوان 

شهيناز :- شوفي هذول يطيحن اكبر شارب 

بيج خير وطلعي كيدج واكسبي رجلج 

وخليه ما يشوف غيرج 

-- شلون يعني ترى عيب

-- شنوو العيب هاا ومنين عيب من رجلج 

حلالج شوفي يُـمـن سالفه الثول والبراءه تنسينهن و تصيرين وحده ثانية رجلج حلو 

ولوتي و مشيطن وطاكه كلها جوه رجليه يعني يرادله تعب شويه وبهاي الفهاوه ما تحصلين شي تعبي وفكري عدل و حطيه بالجيب غير هيج تبقين مدكه جره ايده وايد امه و مو مره وحده يحط على راسج لا ثلاثه يجيب عليج وعيونح تشوف شغلي عقلي و فهمي اليتعب بالاول يلعب بالأخير وانتِ تعبي حتى تلعبين وتنفتحلج الدنيه 

بقيت ساكته وعيوني على الهدوم المطشره رجعت صاحت 

-- فهمتتتي لو اشرح بالقلم العريض 

-- فهمت 

-- عفيه صيري بطله وحطي بـ اصابع مثل المحبس 

-- ان شاءالله 

-- يلا هسه حضري ملابسج وغراضج واني راح اخابر عمج يجون ياخذونج 

راحت هي تخابر وانا حضرت غراضي وگلبي يدك مثل الدمام عبالك اليوم زفتي 

مدري شبيه ارجف ساعه وشوية واجى 

عمـي و واثـق

شهيناز :- رائـف وين شو بس انتوا

حاكم :- هو دازنا ما جينه من كيفنا

-- حتى لو دازكم اني اريد احچي وياه

-- ام يوسف اذا ما تعرفين بطبع رائـف فهاي مشكلة رائـف نحس وإذا طنكر من واحد للموت ما يفك منه و بيتكم بعد ما يطبله لان طردتيه و أني واخوه اجينا ناخذ يُـمـن ما يحتاج نسويها سالفه ونكبر الموضوع من جديد

-- بس اني عندي شروط اريده يسمعهن

-- گولي واني اسمع والتردونا يصير 

-- واذا ما قبل 

واثـق :- يقبل يقبل هاي يمي وعد  

-- ماشي اول شي بعد ميمد ايده عليها ولا يضربها وثاني شي ما يرجع الخطيبته ويكسر بخاطرها ويعزل بيها من امه 

حاكم :- وين يعزل وهي طفله والدنيا تخوف مو أمان

-- عزلوله بنفس بيتكم مو مشكلة بس كون امه ما توصل يمها 

عمي سكت وباوع الواثـق شوية وگال

-- سهله اني بيدي اعزللها بس مو هسه لازم ارتب الها المشتمل الفوك اول مره يعني تنتظرني فد شهر شهرين و شتريد يُـمـن تأمر وتدلل و اني حاضر

ابتسمت وعيوني انترست دموع ورديت عليه

-- الله يحفظك ويطول بعمرك ان شاءالله

-- ويحفظج بابا حبيبتي الطيبة الهادئه 

شهيناز :- انتَ الكافل ابو رائـف يُمـن امانه يمك 

-- ان شاءالله بعيوني الاثنين احطها والصار قبل ما ينعاد 

--ما دام هيج بعد ما عندي كل كلام اخذوها والله يسعدها و يوفقها 

-- وانتِ بابا ما عندج كلام تحچينه تردين شي بنفسج شي گولي 

-- لا عمي اريدك سالم 

-- لعد يلا گومي نروح 

گمت لبست جبتي وعدلت حجابي و طلعت وياهم وامي توصي بيه ادير بالي على روحي واخابرها يوميه لحد ما صعدنا بالسيارة وهي وياي بس مشت السيارة بچيت 

صح تحبني بس حياتها غير عن حياتي 

وطبعها صاير غير طبع ما اگدر اتقبله 

وفوگاها متزوجة ورجلها غريب 

و مستثگلني وعنده ولد يجون وياه وصعبه ابقى بنصهم واخذ وانطي وياهم 

لو باقيه امي مثل قبل شكلها حچيها لبسها تصرفاتها ما متزوجة چا عشت يمها وانا مرتاحه وما انجبرت ارجع العمتي وضيمها 

طول الطريق عمي يوصي بيه على رائـف 

وعلى روحي و واثـق يضحك ويرد 

-- إذا تصير مثل امها تسحله من ياخته وإذا تبقى بهاي الفطارية يسحلها من شعرها واحنه ننتظر النهائي بيناتهم

-- هههه لا يُمـن حبابة ومؤدبة وان شاءالله تكون اسره وعائله كلها حب واحترام مو هيج بابا 

يُـمن :- ان شاءالله 

وصلنا للبيت البنات وعمتي بالصاله اول ما طبيت وانا الخوفه ما كلتني اكل گامت هاله فرحانه برجعتي باستني و غادة وگفت سلمت عليه من وره خشمها ما راضيه برجعتي بس شكلها مجبورة تسلم عليه اكيد صايرتلها مشكلة چبيرة خلتها تگوم وتسلم وراها اعتذرت وتگول

-- اني اسفه غلطت بحقج بعد ما تنعاد 

وان شاءالله نصير اخوات العفو منج تجاوزت عليج وأذيتج

-- الله يسامج انا ما شايلة بگلبي عليج 

رجعت گعدت بس شني ضايجة ضوجه الله وحده يعلم بيها باوعت العمتي دايره وجهها وتهز برجلها سريع من خلصن البنات سلام گالت وهي گاعده

لميعة :- عود عذرينا ست يُـمـن بعد ما نتقرب على طولج الحلو والحمدلله على سلامتج 

باوعت العمي وانا ساكته وعمي رد بمكاني

-- شحچينااا 

لميعة :- ليش سويت شي أني 

واثـق :- ما انصحج تسوين لان ابنج جايته الحاله وهاي المره مو بس تكسر وتفلش وغلط ونعايل لاااا هااي المره يذب نفط وحرگكم 

-- والله يسويهاا ابن بطني قابل بعيده عليه

واثـق :- لعد يا حبيبتي يا امي تكفي شره وخلينا عاشين بسلام 

حاكـم :- صعدي بابا الغرفتج 

يُـمـن :- وين اصعد 

-- الغرفه رائـف بعد متنامين هنا غرفته هيَ غرفتج من اليوم يلا حبيبتي هاله بابا ساعدي اختج صعدي الغراض وياها 

اجت هاله صعدت وياي الغراض والضحكه ما فاركت وجهها طبينا للغرفه تلمع من النظافه وفارشين فراش جديد والريحه تخبل ريحه عرس بيها

هاله :- نظفتها وجهزتها الكم ومن اليوم بعد انتِ زوجته غصباً على اليعجبه والما يعجبه بس فدوة طولي خلكج وياه شويه ترى والله تعبان ومتشتت وضايع احتويه ولمي من الضياع لا تخسرينه والله كلبه طيب صح عصبي وعقده ومرات يصير شويه مكروه بس گلبه طيب 

-- هههه  

-- ههه خلينا نرتب ملابسج هنا بالخانه قبل لا يرجع 

رتبنا الهدوم بالكنتور و شالت العلالگيك 

نزلتهن وياها ونزلت گمت انا نزعت 

جبتي و حجابي ومشطت شعري و گفت گبال الامرايه اباوع الروحي 

-- شني الجايني وشلون راح اعيش

شـ مكتوب عليه و شلونه دربي الجاي

رفعت ايدي للسماء و ادعي 

-- ربي سهل امر واكتبلي الخير لا تعوفني وحدي ساعدني ابدي من جديد وحنن گلبه عليه بربي ما اريد شي بس السلام والآمان 

بعدني واگفه وانفتح الباب و طب شكله 

طبيعي لا فرحان ولا ضايج وحتى جنه 

ما شايفني شي مهم بحياته ، طب وسد الباب وراه واجه عليه و گال

رائـف :- شلونج 

يُـمـن :- الحمدلله 

-- رجلج صارت زينه

-- اي زينه

-- تعاي گعدي اريد احچي وياج 

رحنا گعدنا على الجرباية وهوَ قريب من عندي اخذ نفس طويل و راها گال

-- كلشي فات مات ومن اليوم نبدي حياة جديدة ماشي 

هزيت راسي بدون ما ارد رجع يگول

رائـف :- خلينا نتفق على كل شي من هسه حتى بعد يومين ما نتزاعل 

ساكته ما ارد بس اباوع عليه رجع گال

-- اول شي لازم تخلين بالج شنو يصير بيناتنا ما يطلع باب هاي الغرفه زعل فرح سوالف ضحك مشاكل حرف واحد ما يطلع ماشي

-- آن شاءالله

-- إذا احد حچى وياج لو تجاوز عليج ما تردين نهائياً تجين وتحچيلي واني اتصرف 

-- ان شاءالله 

-- هسه نجي للفقرة الاهم امج

بلعت ريگي و رديت 

-- شبيها امي 

-- تنسينها وتحسبينها ضايعة مثل اول يوم اجيتي هنا وإذا تحسبينها ميته يكون افضل

يتبع...

#عــروس_الچبـــايــش 🌼

بــقلم يـــاســـة الحلقة (10)

الحياة تشبة لوحة فنية تحتاج إلى الصبر

لرسمها ، وإلى التفاؤل الرؤية جمالها 

الصبر والتفاؤل ليس مجرد صفات 

بلـ هما حبال النجاة التي تنقذنا من الغرق 

في بحــر الأحباط 

............................... 

يُـمـن :- شني ماتت هاي أمي وانا ما صدگت لگيتها شلون تريدني انساها واعوفها

رائـف :- العندي حچيته وكلش ما احب اعيد 

-- بس هيَ أمي و مو من حقك تمنعني منها 

-- اني زوجج واجبج عليج اطيعين زوجج صح لو غلطان

-- غلطان لا طاعه للمخلوق في معصية الخالق وهاي امي يعني والدين ما اگدر اعوفها على مودك الله يغضب عليه  

رفع حاجبه وراها ابتسم مستهزء ورد 

-- والله وطلعتي تعرفين تحچين وتضربين امثال وتقرين احاديث والله زين تطورات

ما رديت عليه بقيت ساكته بس احس اختنكت فد مره رجع گال

-- امج من تصير مثل الامهات بهذاك الوقت عود الله يعاقبج

-- وشبيها شمسويه حتى مو مثل الامهات

-- هههه 

-- عليمن تضحك 

-- عليج وعلى الست الوالده 

عفته وگمت اريد اطلع من الغرفه روحي گامت تفور بسرعه گام وراي لزمني من ايدي ودفعني على الباب  و وگف گبالي ويگول

-- ايي ست بله شوفينا شتعلمتي من الوالده بس كون علمتج وانطتنج من خبرتها لو بقتح بزون مغمضه 

-- ليش هيج تحچي على امي شمسويتلك

ما جاوبني بس جر القراصه من شعري

و نثره بيده بحركات سريعـة واخذ خصله شمهم ويگول

-- صايرة حلوة وهاي الگصه ليگتلج اكثر من قبل صح قبل جان حلو بس هسه لا صاير احلى  و ريحتج كلش طيبه وانـي اخرب على النظافه والعطر الطيب  

............. 

غمضت عيوني وراسي على ايده حظني قوي وهمس بـ إذني 

-- شنو هذا الاثر

سكتت ما رديت استحي احچي رجع گال 

-- هذا جديد ما جان موجود شلون صار شنو السبب شكله حرك محتركه ؟ 

-- اي  

-- شلون هيج احتركتي 

-- امك حرگتني 

جر ايده مني بسرعه وگعد گعده متفاجئ 

ويگـول 

-- شنو

-- بيوم المشكلة البنات لزمني الها وهيَ حرگتني 

گام سريع لبس وطلع عرفته راح الامه وراح تصير هوسه وتعال يا عمي شيلني گمت للحمام وادعي ربي تخلص هاي الايام الصعبه وتعدي بسلامه فتحت الماي

و اسمع صوتهم عالي جوه ما جنت اسمع التفاصيل كامله لان صوت الماي قوي جنت اسمع بس الهوسه لحد ما كملت وطلعت بعد ما سمعت اي شيء من عركتهم طلعت خلصانه العركه ورايحه وباقي بس صوت عمتي تبچي وتدعي عليه من كل كلبها جانت تگول 

-- الله لا يوفقها يارب يلوعها ويعلعلها الله يوجع گلبها ويبهذله وما تشوف الراحه بيوم من الايام 

حاكـم :- وتاااالي وتااااالي شلوون وياج خجلي على نفسج فوك كل هاي الاعمال المسويتها تدعين عليها عبالك صاحبه حق وانظلمتي اشووو كافي تعبتيناا حتى نستحي يومية مرزلينج خلي عندج إحساس وكرامه 

سويت روحي ما سمعت ضميتها دعاويها  بگلبي وكملت دربي للغرفه فتحت الباب وطبيت لگيته صاعد و گاعد على الجرباية يدخن 

ذبيت الخاولي و وگفت گبال المرايه امشط وهو يباوع عليـه لا هو يحچي ولا انا 

لحد ما كملت تمشيط گـال تعاي شويه

اجيت يمه لزمني من ايدي و گعدني 

يمه ويباوع عليه شكله ما اعرف افسره 

مقهور لان يحبني لو مقهور عليه لان مالي احد و جنت بركبته امانه وما حافظ عليها 

بس يباوع عليه وساكت شويه وگال 

رائـف :- باجر راح يطلعون العمال يرتبون المشتمل ونحول بيه 

-- الله كـريـم 

-- اريدج تتحملين امي هاليومين إذا حچت لو غلطت ما اريدج تردين عليها منا لحد ما نحول 

-- انا اصلاً ما ارد والله أحبها وأحترمها بس هيَ ما تحبني 

-- ميخالف تبقى امي ومكانتها من مكاني سكتي عنها الخاطري 

نزلت راسي وانا اگول بيني وبين روحي 

اي هيَ امك لازم اتحملها و أحترمها حتى لو ادوس على راسي بالقندرة بس امي انا تريدني ما احچي وياها هيج بلاية سبب والله وضعي وضع بس الله يعلم بيه رجع گال 

-- انتِ متعشيه لو لا 

-- اي اكلت قبل لا اجي

-- اني جوعان گومي سويلي شي خفيف وسريع 

-- صار 

لبست حجابي ونزلت اول ما وصلت للصاله لگيتهم گاعدين وعمتي بعدهي تبچي بس شافتني نزلت مسحت دموعها 

و دارت وجهها ما تريدني اشوفها تبچي 

كملت طريقي كبل للمطبخ فتحت الثلاجة طلعت بتيته سويتها اصابع و كليت طماطه وياها هو كال سوي خفيف و ماكو شي اخف من هذا بالثلاجة 

بين ما يستوي الاكل حضرت الزلاطه بعدني احضر بيها و اجه واثـق يضحك ويگول

-- يصير اكل من هذا الاكل لو هذا بس للعريس 

ابتسمت ورديت 

-- كله گدامك بالعافيه 

-- يا يابة ام نفس الطيبة لو عشرة مثلج بـبغداد افيشش جان الناس بخير 

-- الله يسلمك ويحفظك هاي لأن انتَ طيب تشوف الناس طيبه مثلك 

ابتسم و گعد على الكرسي بين ما كملت الاكل صعدت اصيح رائـف ينزل ياكل وياه جان باب الغرفه مفتوح شويه بعدني ما طابه سمعته يخابر ويگول

-- گتلج لا تخابرين لو ما گلت 

-- لا تتنعوصين لا وانعل والديج انجبي وروحي يلااا

--  شبيه موو تسألين ما تعرفين شبيه ما مسويه شي فقيرة 

-- بيج بخت بعيده عليه اليوم جان عرفت شلون اعلمج بحدودج ادب سزز

--  ديلاا ولي وبعد لا تخابري 

بسرعه فتحت الباب وطبيت عليه رفع راسه و سد الخط ونزل النقال من اذنه 

حطه على الجربايه 

يُـمـن :- كمل العشه و واثـق يريد ياكل وياك حضرته بالمطبخ الكم 

گام من مكانه و يسأل 

-- وانتِ ما تاكلين

-- لا بالعافيه متعشيه 

عافني ونزل اجيت للنقال شلته اريد افتحه ما عرفتله بيه رمز خفت لا يخرب رجعته بمكانه بس شني متت من القهر على روحي هاي أديان متأكدة هيَ ماكو غيرها وهوَ لا مخرب خطبته ولا عايفها بس چذبوا عليه وجابوني هيج چذب بچذب 

رجع دك النقال مره ثانية باوعت عليه المتصل ( أم أوس) ما رديت ولا شلته بس اباوع عليه وعيوني گامت تحرگني انوب مسميها ام أوس وراسم وياها حياة وجهال و عائله زين إذا هيج رايدها ومخطط الحياته وياها شكو رجعني ليش ما طلگنـي وخلاني رحت الحال سبيلي ليش رجعني ما كمل حياته وياها وخلص مني 

زين هسه انا شأسوي اسكت لو احچي اخاف احچي و يسوي عليه سالفه ويطلعني غلطانه واخاف اسكت واطگ واموت من القهر 

جريت المخده و حطيت راسي عليها وشبعت بچي لحد ما تعبت وغفيت 

شويه وحسيت عليه يگعد بيه فتحت اباوعله بلا ما احچي گـال 

رائـف :- بعد لو لابسه قبوط و جواريب ونايمه بيهن مو احسن 

ما حچيت ولا جني سمعت درت وجهي للصفحه الثانية وغمضت عيوني سمعته يتأفف و يگول خرب حظي اي والله وراها جر المخده بحرگه و نام عليها وكل شوية ورجع يتأفف لحد ما رجعت انا غفيت مره ثانية

 و ثاني يوم گعدني الصبح قبل لا يروح الدوامه گال العمال راح يجون گومي حظري الريوك 

گمت غسلت ونزلت كلهم گاعدين بس  عمتـي ماكو حظرت ريوكهم تريگو وكل واحد راح الدوامه بس هوَ تأخر يلا طلع 

جان متانيني لحد ما كملت الاكل والماي والجاي اخذهن للعمال ورجع عليه لگاني انظف بالمطبخ 

رائـف :- الولد برى مو اطلعين 

يُـمـن :- لا ما اطلع 

-- كملي البيدج وصعدي الغرفتج سمعتي

-- اي 

-- معليج بـ امي لو تغلط تنعل تگلب الدنيا ما تفتحين حلگج وتردين عليها ماشي

ما جاوبت رجع گـال 

-- سمعتي 

-- اي 

-- ساعتين وارجع بس اسجل حظور راح امر بطريقي للسوك شتردين اجيبلهم تسويلهم للغده

-- ما ادري بكيفك

-- ماشي راح اشوف شنو اجيب يلا رايح 

-- الله وياك 

طلع وسد باب المطبخ وراه وأنا رجعت اغسل بالمواعين واعزل بالمطبخ كملت 

وطلعت لگيت عمتي گاعدة بالصاله بس شافتني گـالت 

-- فرحانه مطلعين عمال للمشتمل

و تحضرين وترتبين اكل الهم عبالج اخليج تنامين بيه ليلة وحده والله يا ربي بحلامج 

ما رديت عليها كملت طريقي اريد اصعد بعدني هسه حطيت رجلي على بايت الدرج گالت

-- لا مفركش خطبته ولا عايف خطيبته 

كله چذب ولعلمج رجعج بس حتى تخدمينه وتخدميني وتخدمين زوجته بالمستقبل 

درت باوعت عليها واحس حروره تطلع من عيوني من گد القهر بقيت اباوعلها وهيَ ابتسمت وهزت ايدها وتگول

-- ما بقت عليه غير الهمج ولد الهمج فرحانه تريد تصيح چنتي وام احفادي ههه والله يربي  

لا جاوبت ولا نطقت بحرف واحد صعدت للغرفه وقفلت الباب ونطيت بچي والله

ادري بيه ما مخرب خطبته وادري بيه ما يريدني ولا يهواني ورجعني  بس حتى اخدمهم رجعني لان شافني على گد ايده گال اعوفها للخدمه والتعب وهذيج تصير ام أوس بنت الاصل والفصل وهاي الخدامه الما الها قدر وقيمه 

ساعه كامله ابچي وراها سمعتها تصيح عليه مسحت وجهي و مديت راسي من المحجر ورديت عليها 

-- ها عمه

-- وعمه العماج متسمعين طرشه لو تسوين نفسج مطرشه 

-- تردين شي 

-- تعالي نزلي جابوا المسوك سوي الغده للعمال ورتبي البيت وياج 

بعدني اريد نزل وسمعت صوت بُـرهان يحچي وياه

-- صلِ على النبي عمه مو هيج تحچين وياها خطيه 

-- محد خطيه بهذا البيت غيري  

-- شلون يعني ما نخلص من هاي المشكلة رجعنا من جديد غير التفقتوا و تراضت النفوس بينكم ورجعتوا الابنية شنو معنى هذا الحچي بعد

-- لا تراضت النفوس ولا هم يحزنون

 و رجعوها غصباً عليه وشوفت عينك صبحت العمال تارسه البيت الخاطر ست الحسن والجمال 

-- ترى اول واخر يطلع ويستقر وحده تركي الولد يعيش لا تخربين حياته بسوالفج هاي ما تحصلين غير بس يباس راسه وتعرفين ابنج طگه ونص وشلون عناد شايل ويباس راس دخيل الله مخبل 

-- هو لان اعرفه عنودي وراسه يابس 

و طگه ونص ساكته على هاي المهزله اريد اشوف تاليها وين تصفه 

يُـمـن :- رجعت للغرفه لبست حجابي 

و نزلت بـعدهم يحجون بس شافوني نزلت سكتوا سلمت على بُـرهان أبتسم ورد السلام وأنا كملت طريقي للمطبخ لگيت المسواك على ميز الطعام 

عزلته و بديت احضر بالغده و عزلت البيت الداخلي وكنسته وراها رجعت للمطبخ وگفت احمس بالجدر اجه بُـرهـان يمي وگف مبتسم و يگول

بُـرهـان :-  رائـف ما گدر يطلع من الدوام واتصل عليه حتى اجيب المسواك بمكانه وانطيج خبر تحضرينه بس ما شاءالله عليج حضرتي بدون ما اگولج 

-- مو رائـف قبل لا يروح گال راح يتسوك للعمال 

-- عاشت ايدج 

-- وايدك الله يسلمك 

-- شلون صارت رجلج 

يُـمـن :- الحمدلله 

-- اريد احچي وياج كلمتين 

-- تفضل 

-- والله ما اعرف شنو اگلج بوية مدري خوية المهم اريـد تشوفيني واحد من اهلج وتحسبيني بمثابه اب أو اخ  أو عم  أو خال بكيفج المهم واحد منهم ويريد ينصحج نصيحه تقبلين بيها لو لا 

-- اي تفضل 

-- شوفي يابـة ماكو واحد بهاي الدنيا كامل الكمال بس لله عزه وجل وكل بشر بهاي الدنيا عنده مشكلة معينه ، وبيت جدي خوالي يعني  الله يسلمهم مشكلتهم الانا وشوفت الحال على الناس يعني خالتي ام رائـف وامي و خالاتي الباقيات واخوالي يعانون من الغرور والتكبر وانتِ حظج جابج و وگعج بنصهم فــ نصيحتي الج لا تتأثرين بكلامهم وبنظرتهم الج يعني إذا شافوج بعين وحده انتِ لا تشوفينهم وإذا تكبروا عليج انتِ لا تعبرينهم اصلاً ولا تشيلنهم من گاعهم لان التكبر على المتكبر هو التواضع بعينه، صح انتِ أبنية من گاعج متواضعه وعايشة على الفطرة بس بهاي الفطرة ما تگدرين تعيشين وياهم راح تتعبين اهلي اعرفهم كلش زين إذا وگع بيدهم واحد فقير مثلج يمرضونه نفسينا ما اكلج تعاركي وياهم أو تجاوزي عليهم أو غيري اطباعج لا بالعكس خليج مثل ما انتِ طيبة حبابة مؤدبة خلوقة بس عامليهم بالمثل و طبقي القاعدة التگول ( تشوفني بعين وحده اني ما اشوفك اصلاً) هيج يلا تگدرين تعيشين بنصهم فهمتي قصدي

بقيت ساكته رجع أبتسم و گـال

-- اما رائـف فـ هذا اخوي وماكو واحد بالعالم يعرفه اكثر من عندي هو صح طبعه شوية بيه صعوبه بس تگدرين تلينين هاي الصعوبه وراح انطيج سر عليه 

حچى هيج وضحك وراها كمل حچيه وگال 

-- شوفي هو يحب يستلم بس ما يسلم 

بقيت ساكته واباوع عليه رجع هوَ هم سكت وراها ضحك وهز راسه وكمل كلامه 

-- يعني ما يحب ينطي مدري شلون افهمج الموضوع  والله حرت بس شوفي هو يحب اللي ينطيه ويحسسه هو وبس يعني شنو يگول يتنفذ بصار وتأمر ومن عيوني يحب المقابيله يصير مثل الأخرس والاطرش

 و الأعمى وهوَ الكل بالكل وانتِ سبحان اجيتي على مرامه الهذا السبب تمسك بيج هسه انتِ شأسوين تستغلين هذا طبعج

و تخلينه بصفج صدگيني راح تشوفينه شلون تغير بس صبري وياه شوية 

-- اصلاً انا من اول يوم اجيت هنا عرفت طبعه

-- عفيه عليج عاشت ايدج ابقي هيج فطنه وحفظيهم وحفظي اطباعهم والاهم منهم كلهم زوجج ديري بالج عليه وكسبيه  وحافظي على حياتج الزوجيه وياه وبنفس الوقت حافظي نفسج وعلى صحتج

والله يوفقج و يهدي النفوس بينكم 

-- رحم الله والديك شكراً على نصيحتك ربي يوفقك

-- والديج الرحمه واي شي تحتاجين اني موجود ومثل ما گتلج واحد من اهلج وما يردج غير اللسانج

-- ريتك سالم 

-- الله يسلمج، هسه اني راح اروح ومن يكمل الغده خلي خالتي تتصل عليه اجي اخذه للعمال

-- ان شاءالله 

راح وانا كملت طبخ و رجعت مسحت البيت الجوه و طبيت للديوانيه من باب الصاله عزلتها ومسحتها بين ما كمل الغده كملت تنظيف البيت كله اجيت العمتي دگيت باب غرفتها صاحت

-- خيررر

-- بُـرهان گال من يستوي الغده تخابرينه يجي ياخذه 

ما جاوبتني عفتها ورجعت للمطبخ گعدت ايدي على خدي هسه يجي هسه يفوت ماكو ساعتين كاملات گاعده وايدي على خدي إذن الظهر صعدت توضيت وصليت 

خلصت صلاتي وسجدت ما احچي شي بس ابچي بدموع بدون صوت لحد ما حسيت بروحي ارتاحيت والخنكه البصدري راحت يلا رفعت راسي 

شلت التربه بستها وطبگت المصلاية وتمددت على الجربايه بس غمضت عيوني بعدني ما نمت انفتح الباب وطب رائـف گعدت گعده و گتله

يُـمـن :- الله يساعدك

رائـف :- ويساعدج ، كملتي الغده

-- اي من زمان 

-- نزلي صبي بس ابدل وانزل اخذه

نزلت صبيته وحضرت الصينيه نزل هوَ وراي مبدل هدومه شال الصينية وطلع بيها وانا ضليت گاعده بالمطبخ اجت عمتـي باوعت عليه و گالت

-- حضري الزلاطه ورتبي الميز عمج راح يوصل 

گمت بلاية صوت حضرت الزلاطه والطرشي ورتبت المواعين على الميز طب عمي 

حاكـم :- السلام عليكم 

يُـمـن :- وعليكم السلام الله يساعدك 

-- ويساعدج بابا شلونج

-- الحمدلله 

-- رائـف ويـن 

-- يم العمال 

-- خير ان شاءالله 

طب الغرفته وعمتـي وراه بين ما بدل وغسل اجوا الباقين من دواماتهم و رائـف من العمال غسلوا والتموا بسفـره وحـده 

جبت الخواشيـك وگعـدت گـالت عمتـي

-- شگد راح تبقى هاي الهوسـه والصوت مال العمال

رائـف :- أحتمال أسبوع 

-- زين لعـد اني العصر اروح البيت اهلي لحد ما تخلص الهـوسه يله ارجع 

غـادة :- وتبقين أسبوع بيت جدو 

-- اي ما اتحمل الصوت العالي

رائـف :- بس الصبح يشتغلون ما يحتاج الهاي الدراما 

-- مدا تلاحظ هوايه جاي تتجاوز عليه 

-- بشنـو تجاوزت 

-- حقك متحس بعد بالغلط تعايشت وياه وصار أمر طبيعي عندك

ذب الخاشوكه من ايده وگـام صعد فوط

حاكـم :- البيت مسويته جحيم علينا يعني نبقى هيج حـرب ماكو گعده مثل الاوادم 

-- اي حقكم إني اللي گلبت حياتكم جحيم 

حقكم إني اللي خليت الأبن يتجاوز على امه والزوج ينفر من زوجته والأخ يضرب اخته كُله منـي 

انا من سمعت حچيها و البسامير مالتها بسرعة الاكل وگمت كلش لعبت روحي من هذا الوضع العيشه جحيم وما تنطاق وياها حرب نفسـيه مدخله البيت كله 

صعدت لگيته بالحمام حضرت هدومي كلت بين ما يطلع هو افوت انا اسبح 

حليت شعري و گعدت الهدوم بيدي 

دگ نقاله باوعت ( أم أوس) لزمته اريـد ارد 

فتح الباب وطب شاف النقال بيدي 

تفاجئ بسرعه گـال

-- منو يتصل 

-- أم أوس 

اخذه مني و لغه الاتصال وانا شلت غراضي ورحت للحمام سبحت و المي احسه ينزل 

على اعصابي مثل التيزاب ويحرك بيهن 

روحي شايطه الموتني الكتمان ما احچي وضاله اضم بگلبي وراح انفجر واموت 

طلعت لگيته مجطول على ظهره و النقال بيده مدري شيكتب بيه حتى من طبيت ما عافه بقى يكتب مشطت و لميت شعري 

واجيت جريت الغطه و نمت 

بسرعه غفيت وهو اصلاً ما عبالك شافني 

ملتهي يتراسل ومن گعدت العصر لگيته طالع من البيت كله وعمتـي رايحه الاهلها 

البيت هدوء ماكو صوت ولا اكو حركه 

كل واحد بغرفته رجعت انا گعدت بغرفتي 

ثواني وصاح عليه عمي نـزلت 

حاكم :- امج تتصل عليج تعالي شوفيها خطيه 

اخذت منه النقال ورحت گعدت بالمطبخ ورديت

يُـمـن :- الو 

شهينـاز :- الو شلـونج يمه حبيبتي 

-- الحمدلله زينـه، انتِ شلونج 

-- بالي يمج شلونج شنو الاخبار طمنيني

-- زينه لا يضل بالج 

-- زوحج هم حچه شي ضوجج زعلج لو فرحان برجعتج 

-- لا زين حباب ما حچه شي

-- والمشتمل 

-- طلعوا العمال يعدلون بيه 

-- زين هاي الأخبار الحلوة عمتج خو ما حچت 

-- لا وأنا ما اگعد يمها ومعليه بيها

-- عفيه عليج عاشت ايدج إذا حچت لو ضوجتج عوفيها وحدها تلغي منا لمن تكملين بيتج 

-- ان شاءالله 

-- اتصلي عليه مو تعوفين بالي يمج 

-- ان شاءالله 

-- احچي وياه زوجح ياخذلج موبايل حتى نحچي براحتنا 

-- خاف ما يرضا

-- ليش ما يرضا اكو احد ما عنده موبايل بعد 

-- ما ادري اشوفه بله 

-- ماشي ، بعد شكو ماكو

-- ماكو شي 

-- زين اروح هسه وانتِ ديري بالج على نفسج 

--ان شاءالله ، الله وياج 

قفلته من أمي واگول تريده يجيبلي نقال ما تدري حاط شروط عليه حتى حچي ما احچي وياها ، اخذت النقال رجعته العمي وصعدت صليت ونزلت احظر بالعشه هم ياله ابدي بيه كلهم ينامون من وكت حتى يگعدون للدوام من وكت 

اجت هاله وياي حظرت الزلاطه وانا واگفه على الطباخ اگلـي طب رائـف بدون ما  يحجي وياي ولا انا احچي وياه تعدانا وطب گعد بالصاله 

كملنا العشه اجوا گعدوا كلهم بس عمتي ماكو بـبيت اهلها وانا گعدت حالي من حالهم تعشينا وكل واحد راح الغرفته 

غسلت المواعين و اخذت الجاي وصعدت وراه للغرفه 

اخذ الجاي مني بدون صوت حتى شكراً انعم الله عليج ماكو اجيت تمددت على الجربايه شرب جايه و كمل و طلع من الغرفه 

ضليت متمدده وصافنه بالسكف كل شي ما اسوي ربع ساعه و رجع اجه قفل الباب وبدون ما يحچي شي وياي تمم علاقة المزوجين وياي و دار وجهه ونام 

مرت الايام هذا حالنا ماكو اي سالفه تجمعنا الصبح يطلع للدوام ويرجع يتغده وينام و بالليل حالنا حال الناس المتزوجين اتم علاقتنا لا كلمه حلوة لا ضحكة لا شي حلو حتى ضنيت وحسبت كل الناس هيج 

علاقتهم 

شغلي بالبيت طبخ تنظيف غسل والعمال 

والزايده والناقصه كلها انا حتى هدوم عمي و واثـق اگويهن حالهن من حال هدوم رائـف أمي ما اخابرها يومية كل يومين لو بين يوم ويوم من عمي ومن احچي وياها اضل متحذره خاف رائـف يجي ويشوفني وتصيرلي سالفه لان ما يرضا اخابرها 

وهيَ من تسأل شلونج وشلون وضعج 

ارد بخير والحمدلله اسبوع ورجعت عمتي 

للبيت لان العمال طولوا والبنات كل شويه يخابرنها يردنها تجي رجعت على مودهن 

لا تحچي وياي ولا اطيقني بس بوكت من تريد حاجه تصيح عليه اسويها شغل البيت مشمور كله براسه وحتى خبز رجعت اعجن واخبز كل هذا ما اشكي واكول تعبت عود

مرات هاله تساعدني لو تواكف وياي بالعشة لو بيوم الجمعه تمسح الديوانيه والصاله 

جنت اموت من التعب وظهري احسه ينفتح بالنص لان عمتي الشغله تسويها عليه بشغلتين بس ساكته وما اشكي 

واگول ميخالف هي هاي العيال تريد شغل وتريد وگفه كل الناس هيج مو بس انا

رائـف يوم وره يوم يبعد و العلاقة بيناتنا 

عبارة عن غسلي هذا اكوي هذا سوي هذا جيبي هذا حطي هذا لا سالفه لا گعده ولا 

حتى يباوع بوجهي 

لحد ما عده شهر و فوكاه يومين عدل 

يلا كمل المشتمل و راحوا العمال وده عليه رحت انظفه 

المشتمل يصير بالحديقه مال البيت بس نصعدله بدرج طبيت اباعله فرحانه راح يصير عندي بيت صغير واعيش بيه واستقر وتصير عندي عائله الف الحمدلله 

البنيان جان اول ما اطب مطبخ وبيه شباك جبير اشوف منه الحديقه الجوه وراها صاله صغيره كلش وبيها صحيات

و غرفه نوم جبيره الفهمته عايد ترتيب المشتمل من جديد الجام والصبغ والكاشي والسگف كله مسويه جديد 

استلمته غسل من الساعه بالثنتين الظهر لحد وره صلاه المغرب اني منگعه بالماي 

اغسل ولا خليت شي يعتب عليه حكيته حك كملت كل شي ودنكت امسح بالگاع 

رجع طب عليه 

رائـف :- الله يساعدج 

رفعت روحـي من الگاع و رديت والوصله بيدي 

-- ويساعدك 

-- عاشت ايدج خوش غاسلته غسله قبل شويه حرت شلون راح ينظف نسيت ماكو شي يصعب عليج 

أبتسمت ورديت 

-- ماكو احلى من النظافه وانا احب انظف وارتب مو عاد بيتي 

-- اجن البنات وياج لو وحدج نظفتيه صار عندي شغل وطلعت و وصيتهن يجن وياج

سكتت ما رديت رجع گال

-- عوفي بعـد على باجر كملي

-- كملت ما بقى شي بس امسح الماي

-- وليش بالوصله مو هاي ماسحه 

-- ما اعرف امسح بالمساحه 

-- براحتج سوي اللي يريحج اني رايح للبيت كملي وتعاي 

طلع وانا كملت مسحت البيت و عفت الشبابيك مفتوحه حتى تطلع ريحه الصبغ  وسديت الباب وطلعت راجعه البيت عمي بعدني هسه طبيت واسمع صوت عمي يصيح 

حاكـم :- لعبتج هاي روحي لعبيها على غير واحد حرام عليج طفله يتيمه لعبتي بحالها لعب ما كفاج الليل ونهار مشغلتها خدامه جوه ايدج هسه تردين تكسرينها هالكسره 

بديعـة :- ابو رائـف الله يخليك مو يوميه عايدين الموضوع احنه متفقين شكو بعد هسه تعيط وما قابل 

حاكم :- شوكت التفقناا لا تخبليني هذا البيت بيتها ترى امها رجعتها بهذا الشرط

-- والله زين ويحطن شروط الهوانم 

-- سكتي وسدي الموضوع وعوفي الابنيه تعيش بالمشتمل 

-- والله لو اخر يوم بعمري ما اخليها تنام بيه ليله وحده 

يُـمـن :- سمعت كل الحچي و گلبي احسه بقى يفرفح يعني شتريد مني شو لا حاجيه وياها ولا واصله صوبها وكافية خيري شري ليش هيج تكرهني وتريدلي الأذيه والقهر 

طبيت للصاله كلهم گاعدين بس واثـق ماكو 

اول ما شافوني طبيت عمـي سكت وباوع الرائـف و رائـف گام من مكانه و گالهم 

-- تصبحون على خير 

صعد وانا إذا الحايط حچه انا حچيت وسألت گبل صعدت وراه بعدني بنص الدرج وصاحت عمتي 

-- وين ان شاءالله اليوم انام بدون عشه شنو

يُـمـن :- بس اصلي واجي

-- اي قبل الله عود

عفتها وصعدت بوجهي للحمام توضيت وطبيت للغرفـه شفته متمدد على الجربايه و يلعب بنقاله 

فرشت سجادتي صليت المغرب والعشة 

ومن كملت سجدت وغمضت عيوني فوك التربه كل شي ما احچي بس ساجدة ودموعي تنزل بلاية صوت ما اگدري ادعي بصوت لان گاعد ويسمعني بس متأكدة 

ربي يدري بگلبي وحسرتي وتعبي وأذيتي جنت احچي وياه واگول ، شكيتلك بلايه ما احچي وانتَ ربي السامع متأكدة جاي سمعت شكواي 

بقيت مده طويله ساجدة ودموعي تصب وفاصلة من الدنيا كلها احس رحت بغير عالم عالم كله رحمة و حب وحنان 

وسكينة 

لحد ما اجه وحط ايده عليه و طلعني من السكينة والرحمة و رجعني العالم الدنيا المره 

رائـف :- بيج شـي 

رفعت روحي من المصلاية ومسحت وجهي بسرعه بجادر الصلاة ورديت 

-- لا مابيه

-- ليش تبچين 

-- هيج 

-- شنو الهيج يعني بدون سبب 

رجعت امسح بوجهي بدون ما احچي 

رائـف :- ادري بيج سمعتي كلام امي بس معليج بيها تحچي وحدها هذا الاسبوع نحول هناك بس اكمل تأثيثه 

-- الله عليك 

-- اي يلا گومي كافي بچي مسحي دموعج ما احب اشوفج تبچين اضوج 

طبگت سجادتي و گمت اجيت انزل گال 

-- ويـن رايحه 

-- اسوي عشة 

-- عوفي العشة اكو غيرج يسوي تعاي نامي تعبتي 

-- خاف عمتـي ما ترضا گالت سوي عشة گلت الها بس اصلي

-- ولا ترضا مشكلتها هاي 

بقيت واگفه بمكانه حايره اخاف تسويلي سالفه وانا مابيه على الطلايب گال

رائـف :- لا تحيرين گتلج معليج بعشاهم 

-- وإذا حچت عليه وعاركتني 

-- عود من تحچي اني هنا واجاوبها 

يتبع .....

تكملة الرواية من هناااااااا 

لمتابعة  الرواية الجديدة زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كاملةمن هناااااااااا

مجمع الروايات الكامله 1اضغط هناااااااا

 مجمع الروايات الكاملة 2 اضغط هناااااا