رواية أمل مابين الحياة والموت الفصل التاسع عشر 19بقلم منال كربم حصريه
رواية أمل مابين الحياة والموت الفصل التاسع عشر 19بقلم منال كربم حصريه
رجعت سلسبيل بيتها، انتظرت عماد كتير بلا فايدة،ندمت أنها وافقت تقابله،بصت على أركان بيتها المظلم،هي عايشه وحيده ملهاش حد وطول عمرها قافله على نفسها مش عايزه تتدخل حد في حياتها لأن من وجهه نظرها كل اللي تتعلق بيه يروح.
كان أول شخص تقبل تكسر معه القاعده دي هو عماد لانها حسيت معه براحه لكن حتى هو خذلها لانها هي متعرفش اللي هو بيمر بيه حالياً.
أمل قاعده في اوضتها على السرير ضم رجليها على صدرها ولفه ايديها حوالينا رجليها، و تبكي بانهيار وهي سامعه الصرخات اللي جايه من شقه أم حمزه.
افتكرت وفاه امها و أن أمها رحلت بدون وداع،الوقت ده كانت محتاجه حازم معها هو اللي يقدر يهون عليها ،كل ما تقول أكلمه ،ترجع تقول بلاش لأن دلوقتي اهله محتاجين اكتر منها..
و كان طوق النجاة ليها، رن التليفون ،ابتسمت بسعاده لان الرقم رقم بسمة مسحت دموعها و ردت بحماس :الو.
بسمة: اوعى يكون صحيتك يا اموله.
: لا يا حبيبتي أنا صاحيه، عاملة ايه؟
=الحمد لله كويسة، عايزه أقول لك على حاجه لما جيت من بره اتكلمت مع بابا ،و كنت مبسوطه قوي و أنا بتكلم معه بقوله كل اللي جوايا.
: ربنا يسعدك يا قلبي، المهم نكمل جلسات الدكتوره صح
=ايوه صح على فكره يا اموله بابا هو اللي قاللي اكلمك.
: ليه؟
=عشان أشكرك، دي رساله من بابا بيقولك شكرا على اللي أنت عملتي معايا وأن من غيرك كنت هفضل زي مانا، بابي بيقول لو في اي وقت محتاجه مساعده هو موجود.
: أنا معملتش حاجه، حتى أنا كنت محتاجك وجودك معي و هونتي عليا كتير ،سواء الصبح أو دلوقتي شكرا لكي يا بسمه.
=العفو أنا عندي جلسه بكره
: وأنا كمان لاني جلستك قبل جلستي فانا كل مره كنت بشوفك و أنتِ خارجه من عند الدكتور ، انا جلستي المره دي جلسة جماعية.
=أنا كمان الدكتورة قالت إنها تبقى جلسه جماعيه مع أطفال كثير قريبين من سني.
اتكلمت أمل مع بسمة لمدة ساعه في حاجات كتير ،حكيت لها بسمه هي بتحب ايه و بتكره ايه ، ايه الاكلات المفضله لها كلام كثير و الاتنين كانوا في قمة السعادة حتي طارق اللي كان سامع صوت بنته و هو في اوضته، و يحمد ربنا أن بسمة قابلت أمل...
صباح بعد ما ضربت حازم،خدوا محمد وعماد وسمر معاهم المستشفى.
دخلت اوضة حازم و قالت: يلا.
حازم الأكل جاهز.
دخلت اوضة عماد و بعدين سماح و قالت نفس الجملة.
وبعدين قعدت على السفره في مكانها شالت من الاكل المعمول بقيت تحط في الاطباق، حطت في ثلاث اطباق،وهي بتقول يلا يا ولاد الاكل سخن.
سكتت شوية و بعدين قالت: الله يسلمك يا حازم بالهنا والشفاء يا جابر خاطري.
سكتت شوية كمان وبعدين قالت: ايه يا سماح مش هنفرح بيكي بقى مش ناويه تقبلي باي عريس من اللي يتقدموا ليكي.
ضحكت بصوت عالي وبعدين قالت: دمك خفيف يا عماد
كانت قاعده و بتتكلم وبتاكل كانهم موجودين وكانهم حواليها يمكن دلوقتي بدات تدرك أن هي لوحدها محدش معها ولادها اتفرقوا أو بمعني اصح ضاعوا ، كل واحد فيهم ضياع في مكان و مش عارفين يرجعوا.
بدات تحس أنها السبب وكل اللي بيحصل هي المذنبة الوحيدة.
دخل عماد لقها قاعدة على السفرة قدامها أكل كتير ابتسم بسخرية وقال:
ايه يا ماما عامله العزومه دي على روحنا ولا ايه؟ على روح ولادك اللي ضاعوا...
وأول ما ظهر قدامها وسمعت صوته، رجعت زي ما هي ، صباح الجبارة اللي عمرها ما تغلط هي شايفه كده أنها مش بتغلط وأن اي حاجه بتعملها في مصلحتهم كانت صدمته لما قالت:
_ ما تقولي يا عماد أنت سبت البيت و زعلان اوي كده ليه؟
قعد قصادها وسال:
تفتكري ليه يا ماما؟
ابتسمت باستهزاء وقالت :
علشان نورا صح.
فتح عيونه صدمه و ذهول، هي معقول تكون عارفه حقيقة مشاعره و مع ذلك قبلت أنها تجوز نوار لحازم.
أكدت كلامه لما حركت راسها بالموافقه وقالت :
ايوه يا عماد ،كنت عارفه أنك بتحب نورا،بس كان الاهم أن أشوف عروسة لحازم علشان يخلف بدل مراته اللي أرض بور،اوعى تفتكر أني شريره او فضلت حازم عليك بس أنا كنت عارفة أن نوار بتحب حازم من زمان.
سال بهدوء :
وده سبب, طالما نورا بتحب حازم يبقى تكسري قلبي،حتى لو ازاي تقبلي تعملي كده كنت فرحانه وأنت شايفه ابنك الثاني متعذب لان حبيبته بقت مرات أخوه أنت طبيعيه
: هتقول نفس كلام اخوك الغبي أني مش طبيعيه وأني مجنونة وإني دمرت حياتكم صح..
خبط على الطاوله وقال بصوت عالي:
هو أنت لسه مش شايفه بجد.
قام مكانه ويمشي في البيت ويقول:
بصي حواليك كده هي فين سماح؟ فين حازم؟ فين أنا؟ أنا فين؟ ازاي قلبك يطوعك تعملي فيا كده؟ أنا كنت بموت في الدقيقة ألف مره وأنا بفكر في مرات أخويا ،وأنتِ عارفه وساكته وقبلتي و سعيتي أن نورا تتجوز حازم.
حازم مش بيحب نورا ليه غصبتي عليه؟
قامت من مكانها ،وقفت قدامه و صرخت :
عشان مصلحته ، كل حاجه بعملها عشانكم.
صرخ باعلى صوت:
كفايه بقى،تقولي نفس الاسطوانه اللي تقولها من زمان من يوم ما أبويا توفى وأحنا أطفال صغيرين،كل لحظه وكل ثانيه وكل دقيقه وكل يوم يمر لازم تقولي نفس الجمله، محدش طلب منك تضحي عشاننا.
شاورت على نفسها و قالت بحزن: تصدق أنا غلطانه، أبوك مات وانا لسه شابه مكملتش 25 سنه، أكبر واحد فيكم كان حازم اللي عمره خمس سنين،دفنت شبابي و شقيت عليكم،بقيت الاب والام ، بحارب بره وجوه علشانكم، والآخر عايز تنسي كل السنين دي.
رد بهدوء شديد:
عارفه يا ماما أنتي عملتي كل ده ليه عشان الكل يشاور عليكي و يقولوا شوفوا الست دي جوزها مات وهي لسه صغيره و سايب لها ثلاث عيال صغيرين سهرت عليهم لحد ما بقوا شباب زي الورد،كنت بتيجي علينا علشان خاطر صورتنا تكون حلوه قدام الناس بس،مش مهم احنا بنحس بايه او محتاجين ايه كل ده مش مهم، المهم الصوره الحلوة قدم الناس ، على فكره يا ماما احنا كنا اوقات كتير نبقى بنعيط و خايفين وعايزين نجري عليكي ،بس مينفعش طبعا ، علشان الناس تقول صباح ربت اولادها يعتمدوا على نفسهم و هما لسه أطفال، أنتِ لو كنتي ركزتي معنا شوية زي تركيزك مع كلام الناس و ده بيقول ايه عنك و دي غيرانه منك لانك احلي منها، و دي تحسدك لأن ولادك هادين و مؤدبين، اللي محدش يعرفوا أننا بنفذ تعليماتك لأننا خايفين منك،محدش فينا كان عنده شخصيه مستقلة بسبب افعالك و قسوتك علينا،تعملي كده علشان نفسك مش علشان حد فين ..
صقف و قال: علشان الكل يقول شفته صباح عملت ايه بصوا صباح العيله الصغيره لما جوزها مات وساب لها ثلاث عيال عملت ايه شوفوا حازم اللي متخرج من كليه تجاره واشتغل في شركه كبيره في الحسابات ولا عماد اللي خلص كليه حقوق ولقى الشغل مستنيه في شركة كبيره، وسماح اللي دخلت كليه اعلام و هتبقى مذيعه قد الدنيا، سماح كان نفسها تبقى مشهوره والحمد اللي حصل بنتك مشهوره وحديث السوشيال ميديا، حديث من نوع خاص، طع،ن في شرفها وعرضها، شوفتي وصلنا لفين بسببك.
صرخت بصوت عالي: أنا عملت كل ده، انا اللي عملت في سماح كده قولتلها تمشي في الحرام.
عملت كل حاجه علشان خاطركم، جت على نفسي عشان خاطركم ،و أنت قلتها بص لنفسك وبص لاخوك حازم وصلته لفين ، أنا السبب في كل ده مش حد ثاني جاي دلوقتي تقول أني ضيعتكم .
نزلت دموعه بحزن على أخوه و أخته و نفسه و أمه و البيت اللي شايف أنه اتهد، قال بحزن:
أنتِ عارفه المشاكل بدات من امتى؟ من يوم ما قرر حازم أنه يخرج على الطريق اللي أنت رسمه لكل واحد فينا، أنتِ رسمة لكل واحد طريق و لازم يلتزم بيه، لما اعترض انه يسيب أمل يتمسك بيها ،هنا بدات كل حاجه تبوظ و بقا كل تركيزك مع حازم وأمل ونسيتي سماح ونسيتيني،سيبك مني أنا بحمد ربنا أن ده حصل عشان أعرف حقيقه نور أنها رخيصة.
لكن سماح يا أمي صدقيني لو كان كل تزكيتك فيها زي زمان عمرها ما كانت وصلت لكده، أنا مش بقول انها مش غلطانه و أن كل الغلط عليكِ، للاسف الغلط غلطك وغلطي وغلط حازم والغلط الاكبر هو غلط سماح في حق نفسها، بعدنا عن بعض بعدنا قوي، مش جيب اللوم على حازم لأنه بعد لما لقي بيته يتخرب بسببك و بسبب افعالك، انا اللي غلطت المفروض حتى لو كنت بعدت، أكون دايما باتصال بيكم انا عارف اني غلطان كلنا غلطانين وحصل اللي حصل دلوقتي الندم مش هيفيد ،انا مش عارف هنعمل ايه؟
متخيله نظرات الناس ليا وانا جاي دلوقتي اهل المنطقه شايفين أننا عيلة معنديش أخلاق واحترام نعمل ايه في المصيبه دي لو كان الموضوع مش معروف كنا جبنا الواد ده وبوسنا رجله عشان يقبل يستر عليها قولي لي نعمل ايه طول عمرك عايز شكلنا حلوة قدم الناس عندك حل.
كل الكلام اللي قاله هي مش مستوعبه منه غير حاجه واحده إن كل حاجه في حياتهم باظت من وقت ما حازم قرر ان هو يتمسك بامل وهنا تيجي لنفس النقطه اللي هي مش شايفه غيرها قالت بهدوء :
عندك حق يا عماد،كل حاجه باظت في حياتنا من وقت دخول أمل ، حياتنا كانت هاديه وجميله و كنا دايما مع بعض من وقت ما هي دخلت و خربت البيت وخربت حياتنا.
ضرب كف بكف و حط ايده على راسه بتعب وقال :
أنتِ مش معقوله ،لا بجد نفسي أعرف سبب الكراهيه الشديده دي ل أمل، أنتِ في نقطه كده غايبة عنك ، كرهتي امل و رفضتي وجودها هنا لمجرد أنها مش هتقدر تجيب أطفال تخيلي أن بنتك عمرها ما هتكون عمرها ما هتكون زوجه لراجل محترم زي حازم.
طلع على أيده ثلاث صوابع وقال: اقفي قدام نفسك و أعرفي الفرق بين أمل و سماح ونورا، وقته هتعرفي حازم متمسك بها كده ليه، افهمي بقى خلاص مبقاش في وقت بنتك ضاعت و أنتِ لسه مش شايفه اي حاجه كل اللي شايفه أمل ،عندك هوس إسمه أمل.
و كان خارج من البيت بص و لف تاني و قال:
أنتِ حتى ما سالتيش على ابنك اللي قتلتي بيدك،اه عندك حق اكيد أمل السبب.
وكان ماشي لكن لف للمرة الثانيه وقال:
عارفه ايه سبب كرهك ل أمل مش أنها مش بتخلف ، السبب ده جالك على طبق من ذهب ، حاولتي في البدايه تكوني كويسه معها و تقربي منها عشان تسمع كلامك في كل كبيره وصغيره،و فعلا هي عملت كده ، كنتي عايزة تسيطري عليها زي ما أنتِ مسيطره علينا، بس كنت شايفه أن حازم بدأ يخرج من سيطرتك عليه، و ده مش على كيفك، و عرفتي بمرض أمل لكن حازم طلع راجل و اتمسك بيها،جنونك بيزيد كل ما تشوفي تمسك حازم بها اكثر وأنها قادره تسيطر عليه ،عارفه سيطرت عليه ازاي لانها ملكه قلبه الحاجه اللي انت معرفتيش تعمليها..
و خرج عماد من البيت ومش عارف هيروح فين...
بصت على طيفه وقالت : حتى أنت يا عماد أمل مسيطره عليكِ....
في عربيه محمد كانت قعده سمر جمبه وعماله تعيط، وهو يسوق بيقول لها :
كفايه بقى يا سمر.
بصيت في الكرسي اللي ورا وقالت للمره المليون: أنا اسفه يا حازم.
ضحك حازم و محمد عليها وقال حازم :
يا سمر خلاص بقى اعتذرتي كتير ،أنتِ ذنبك ايه أنا اللي آسف على اللي حصل لماما فاطمه الله يرحمها و آسف على اي فعل ماما عملته ضرتكم بيه.
مسحت دموعها وقالت:
أنت ذنبك ايه حازم تفتكر أنا لو كنت شايفه أن أختي مش مبسوطه معاك كنت فضلت ساكتة السنين دي كلها.
قال محمد : كفايه عياط يا سمر، والحمد لله الجرح سطحي، و زي القرد قدامك اهو.
حط ايده على كتفه المجروح وقال: اخص عليك يا محمد ده أنا متخيط عشر غرز، عايز ايه اكتر من كده.
قال بمزح:خلاص يعني ابقى اجيب لك 2 كيلو موز.
قالت سمر بهدوء : حازم أنا مش عايزه أمل تعرف حاجه عن اللي حصل قبل كده، مش عايزه تعرف أن ماما ماتت مقهوره.
قال بحزن:
حاضر يا سمر وشكرا ليكم، لأن لو كان الكلام ده اتقال وقتها أنا متاكد أن أمل كانت سابتني وده بالنسبه ليا موت.
سأل محمد : ولو سألت على الجرح.
كان الجرح في ايده الشمال،لما شد سمر رفع أيده حاول ياخد السكينه من صباح جت في منطقة الكتف و من رحمة ربنا كانت بعيد عن الأوعية الدموية و العضلات و تم الخياط.
: مش هقول حاجة , انتوا عارفينها تخاف من أقل حاجه،اللي حصل النهارده، زي اللي حصل من زمان ،امل ما تعرفش عنه حاجه.
نزل حازم من عربيه محمد بعيد عن البيت ، لتكون أمل قاعده في البلكونه وتشوفهم مع بعض وتبدا تسال،أول ما قرب من البيت، قلبه وقع في رجله، لما لقى ناس كتير قدام العماره وافتكر شكلها انها كانت تعبانه قبل ما ترجع من المستشفى بسرعه وسال البواب، و عرف اللي حصل لحمزة.
قبل ما يدخل شقته دخل شقتها، كان بيتم تجهيز الطفل علشان الدفن.
فتح الباب ودخل الشقه، دخل على الاوضة، كانت قاعده زي ما هي من بعد ما قفلت مع بسمة وهي كل ما تسمع صوت صرخه تبكي معهم..
قعد جنبه حط أيده على رأسها ، انتفضت من الخوف لأنها كانت مغمضة عيونها و مش حست بيه من صوت الصراخ.
قال بهدوء: ده أنا يا حبيبتي مالك.
رمت نفسها في حضنه و هي تبكي و تصرخ، نفس الحالة اللي كانت عندها يوم وفاة فاطمة.
يحاول يهديها و يفهم منها سبب الحالة دي ايه.
: كفاية يا أمل، في ايه لكل ده، أنتِ زعلانة علشان حمزة.
حركت رأسها بنعم وهي لسه تبكي في حضنه، كمل: اهدي عمره انتهى لحد كده، ربنا يرحمه و يصبر اهله ، أنتِ عمالة كده يبقي أمه عمالة ازي.
بعدت عنه و قالت:
صعبانة عليا اوي يا حازم، كل ما أسمع صوت صرختها قلبي يوجعني، الله يكون في عونها و يصبر قلبها، و افتكرت ماما الله يرحمها ، مشيت من غير وداع.
غمض عيونه بندم و حزن و قال: ربنا يرحم الجميع، مينفعش نكون هنا دلوقتي كل الجيران واقفين معاهم يلا قومي نروح عندهم و أنا أروح معهم المقابر.
قامت من مكانها علشان تغير هدومها ، وقفت و سألت: أنت جيت ليه؟
: مش عايزني اجي.
= لا طبعا أنا بس مستغربة ليه سبتت طنط لوحدها.
: مقتدرش ابعد عنك.
ابتسمت ابتسامه صغيرة و قالت: كدب اوي، اليوم النهاردة بالنسبة لي غريب و عجيب، ابقي اقولك بعدين.
قام من مكانه باس راسها و بعدين أيدها و قال: أنا آسف.
سألت بعدم فهم: على ايه؟
: على كل حاجه.
= مش فاهمة .
: مفيش حاجه يلا بسرعة.
كان حاسس بالندم والذنب أن أمه السبب في موت فاطمة..
حازم رح مع الرجالة الدفنه و أمل قعدت مع الستات.
كانت أم حمزة جوة و رفضها تشوف حد، لكن كل دقيقة تسأل على أمل، لحد ما عرفت انها برة.
أمل قاعدة و قدمها صورة حمزة و دموعها تنزل بصمت و هي تفتكر لقائهم النهاردة و تلوم نفسها و تقول ياريت كنت اعتذرت له و حضنته زي العادة.
كل أطفال العمارة بيحبوا حازم و أمل ، ربنا ارد يزرع حبهم في قلب كل طفل يشوفهم كعوض عن حرمانهم من شئ غالي.
خرجت من الاوضة و هي تقول بصوت عالي: أمل ، أمل.
وقفت أمل و رحت عندها و قالت بحزن: البقاء لله يا...
كانت هتقول زي المعتادة يا ام حمزة لكن سكتت شوية و كملت : شيماء.
مسكت أيدها و قالت بدموع:
قصدك يا أم حمزة صح، حمزة رح يا أمل، حقك عليا ،سامحني.
بصت بعدم فهم و سألت: اسامحك ليه؟
: ربنا خد حقك مني ، بسبب كلامي ليكي الصبح ابني رح علشان اعرف أن الأطفال رزق بايد ربنا مش بايد حد، أنا عمري جرحتك بكلمة.
حركت رأسها بالنفي ،كملت شيماء: كنت زهقانة و مخنوقة و ده مش مبرر أنا غلطانة وخدت عقابي، سامحني.
ردت عليها: مفيش حاجه صدقني و أنا مش زعلانة منك، و ربنا يرحمه ده عمره أنا زعلانة عليه ، يعلم ربنا بحب كل أطفال العمارة.
حضنتها شيماء و هي تبكي بانهيار و تستغفر ربها ، كان الدرس قوي ليها و في اغلى حاجة على قلبها علشان تفوق و يروح منها أبنها الوحيد، و تكون زي أمل من غير أطفال ،الفرق أنها تقدر تخلف تاني أما أمل لا.، و شيماء عرفت معاناة أمل و اللي زيها...
اما نورا من وقت ما رجعت البيت وهي قاعده في اوضتها وقافله على نفسها ورفضه تتكلم مع أمها.
وللأسف مش قاعده بتفكر في الماضي و ندمانة على اللي عملته او بتحاول تغير من نفسها لا دي بتفكر ازاي تنتقم من أمل لانها زيها زي صباح شايفه ان أمل السبب أن حازم مش بيحبها ولو مش موجوده هتبقى سعيدة مع حازم.
كل فكره تخطر على دماغك عشان تنتقم من أمل اسوء من الفكره اللي قبلها اللي زي نورا مش محتاجه الشيطان يوسوس لها لانها الشيطان بذات نفسه يمكن يكون الشيطان واقف يسقف له أفكار شيطانية ، مش عملت حساب دين و لا ربنا في حساباتها وأنا شايفه أن في موت وفي حساب وفي قبر وفي نار كل اللي شايفه قدامها ان حازم لازم يبقى ليها،تقتل امل او تتكلم في عرضها و شرفها مش مشكلة الطريقة المهم أنها تخلص منها...
ولما اختارت فكره مسكت تليفونها و رنت على حد وهي بتقول عايزك في خدمه وعندي إستعداد ادفعلك كل اللي أنت عايزه،بس الاهم كل حاجة تنفذ زي ما أنا عايزه...
قفلت الموبايل و عدي وقت، وصلت الرسالة اللي مستنيها.
وقامت عشان تخرج كانت الساعة ٣ الفجر بليل ، صابرين نايمة،خرجت من غير ما تحس بيها
كان في تاكسي مستنيها تحت،ركبت التاكسي بعد شويه وصلت المقابر.
ابتسمت و قالت : منورة يا امولة.
و للحديث بقية
تعالي يا جميلة اسم و صفة بلاش تنسي لايك👍و التعليق الجميل زي قلبك ❤️ و متابعة للصفحة يا حلوة🥰🥰
بصوا يا جماعة نسيت اقول في فصل امبارح عن موضوع الشاحن اكيد الكل شاف كمية الحوادث اللي حصلت منه ، و الحادثة الأخيرة اللي رحت عيلة كاملة بسب الشاحن.
ياريت الكل ينتبه قبل النوم نشيل كل الشواحن و ربنا يستر على الجميع......
#أمل
#مابين_الحياة_والموت
#الفصل_التاسع_عشر
#روايات_بقلم_منال_كريم
❤️❤️❤️❤️❤️❤️
سبحان الله وبحمده سبحان الله العظيم
استغفر الله العظيم و اتوب اليه لا اله الا الله وحده لا شريك له له الملك وله الحمد وهو على كل شيء قدير
لا حول ولا قوه الا بالله العلي العظيم
لا اله الا انت سبحانك اني كنت من الظالمين
حسبي الله عليه توكلت وهو رب العرش العظيم
اللهم احفظ مصر وشعبها وارضها من كل سوء
اللهم انصر فلسطين والسودان وكل البلاد العربيه والاسلاميه
♥️♥️♥️♥️♥️
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملةمن هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
تعليقات
إرسال تعليق