رواية عالمي معك انت( الجزء الثاني من خلف الأقنعة) الفصل الأول1 بقلم منة الله الجزار حصريه
رواية عالمي معك انت( الجزء الثاني من خلف الأقنعة) الفصل الأول1 بقلم منة الله الجزار حصريه
"خلف الاقنعة"
نبدا بسم الله الرحمن الرحيم
❤❤❤❤
صافيه بحزن
ــــــــــــــــفلاش
كانت قاعده في المكتب بتاعها وجالها مكالمه من رقم مجهول.
استغربت وبعدين ردت.. الو.
... ما قولتيش ليا موافقه او لا شكلك مش مهتمه بالموضوع.
صافيه بغضب.. هتقول انت مين ولا..
.. انتى مش فى وضع يستحمل التهديد وبعدين انا سايب الكوره في ملعبك اللى انتى عاوزه عاوزه تعرفي مين هو حفيدك الحقيقي ومين هو المزيف؟
صافيه بصدمه.. مزيف.
.. هههههههه طبعا اللى في حضنك ده مفكره الحقيقي بس ما هو اللى واحد منتحل شخصيه حفيدك الحقيقي.
صافيه قامت من علي الكرسي بصدمه.. انت يتقول اي انت خابر معني الحديت ده؟
.. طبعاً عارف معني الكلام ده بس خلاص ادام مش عايزه تعرفي فين الحقيقي وخلي في حضنك المزيف سلام.
قفل مع صافيه وصافيه مكنتش عارفه تعمل اي عقله مشتت معقوله معقوله اللى بقالها كتير مستنياه يطلع مش الحقيقي.
خرجت من المكتب زي المجنونه وطلعت علي اوضة طارق مكنش موجود فتحت الباب ودخلت وقفلت الباب تاني وراها وفضلت تدور في كل مكان علي ورقه تثبت ليها ان ده حفيده الحقيقي فتحت الدولاب وبقت تدور في قلب هدومه بس ملقتش حاجه شالت المرتبه بتاعت السرير ليكون مخبي حاجه تحتها بس مكنش في حاجه برضو دخلت الحمام تدور علي امل انها تالقي حاجه برضو ملقتش بس وهي خارجه جات ليها فكره انها تدور في علبه الشامبو بتاعته هي مكنتش تعرف بتعمل اي وليه جات ليها الفكره دي دورت فيهم كلهم بس كان في واحده محطوطه في جنب كدا وباين عليها انها فاضيه.
راحت مسكتها وكانت هترميها في السله بس استغربت حاجه فيها كانت بتشخشخ فتحتها واتصدمت لما لقت جواها سلسله فضت السلسله في ايديها وكانت سلسله من اللى بيتحفظ جواها صور.
كانت لطارق ومعاه واحده ست وهو حاضنها اكنها امه.
صافيه شكت.. مين دي؟ دي مش داليا انا خابره زين وش داليا لع دي مش هي؟
اخدت السلسلة وقفلت علبه الشامبو تاني وحطتها مكانها ونزلت تحت في مكتبها تاني و صورت الصوره وبعتتها لحد في رساله
"اعرفلي كل المعلومات عن اللى في الصوره دول بسرعه"
صافيه بشر.. ده لو طلع اللى في بالى صوح تبقي حفرة قبر'ك بيدك.
❤❤❤❤❤
ده كان يوم اللى ياسر رابط فيه نديم.
❤❤❤❤
طارق كان طالع اوضته دخل وقفل الاوضه ولقى ورقه هو كان حاشرها بين الحيطه والباب عشان يعرف حد بيدخل الاوضه من وراه او لا
لقى الورقه دي وقعه في الارض اتصدم ودخل فتش كل حاجه لقى كله زي ماهو بس لقى برضو الورقه اللى حاططها في قلب الحمام وقعه راح علي العلبه فتحها ولقها فاضيه اتصدم.
طارق بصدمه.. مين اللى دخل؟ والسلسله راحت فين؟
رزع العلبه في الارض وخرج بره ومسك دماغه وقعد علي السرير بحيره ومكنش عارف يعمل ايه؟
حط ايده علي بؤقه بتفكير.. هتعمل ايه دلوقتي لازم تلقي حل كويس ولا هتمو'ت؟
طارق يحيره.. ساعدني ياربي دانا عبدك الغلبان.
وقعد يفكر لحد ماجات ليه فكرة انه يتجوز نديم.
قام وقف بفرحه وشر.. هي دي الوسيله الوحيده انى افضل بخير.. حتي لو اتكشفت.
قام ونزل وراح لنديم.
❤❤❤❤
شويه وجه لصافيه معلومات عن طارق.
صافيه اتصدمت لما عرفت اسمه ومين اللى معاه دي وانها كانت بتربي حيه معاها في قلب البيت.
رنت علي الرقم تاني.
صافيه.. عاوزه اشوفك؟
... ببتسامه.. هبعتلك العنوان بس تيجي لوحدك.
صافيه.. ماشي.
.. بعت ليها العنوان وصافيه راحت عليه من غير تردد راحت هناك واتصدمت من اللى شافته لقت شاب واقف ومديها ضهره...
.. اهلا بيكي.
صافيه بشك.. قولي مين هو حفيدي الحقيقي؟
لف ليها الشاب وكانت الصدمه... سامر.
صافيه بصدمه.. انت؟
سامر.. ايون انا انا الوحيد اللى عارف فين مكان حفيدك الحقيقي.
صافيه بشك.. وانا اي يثبت ليا ان كلامك حقيقي؟
سامر.. مش انتى عرفتي ان اللى حضنك ده مش الحقيقي وانه اسمه طارق.
صافيه بصدمه.. وانت عرفت منين؟
سامر بضحك.. مانا اللى بعت ليكي الرساله اللى فيها المعلومات.. وخابر زين انك كنتي شاكه فيه.
صافيه بشك.. والمقابل..؟
سامر بضحك.. احبك وانتى دايما فاهمني... هقولك علي المقابل...........................
صافيه بصدمه.. استحاله.
سامر رفع كتافه.. خلاص يبقي انسي انك تعرفي فين حفيدك الحقيقي.. وكان رايح يركب عربيته بس ابتسم لما وقفته..
صافيه.. موافقه.
سامر.. لف ليها كدا يحلي الكلام بصي يستي امضي هنا عشان لو فكرتي انك تغدري بيا.
صافيه بقرف ومضت ليه... وسامر حط العقد في جيب البدله.. ببتسامه.
سامر.. حفيدك الحقيقي هو اللى انتي شاكه انه يكون حفيدك الحقيقي.
صافيه بغضب.. هي فزوره ماتنجز تقول مين هو؟
سامر.. مالك أنس المنشاوي اوبس نسيت مالك انس الشافعي.
صافيه فتحت عيونها من الصدمه... ورجعت لورا خطوتين وسامر كان بيبص عليها وبيبتسم.
صافيه.. انت متاكد من الحديت ده؟
سامر.. زي مانا شايفك دلوقتي.
صافيه راحت ركبت عربيتها ومشيت وسامر فضل واقف يبص عليها ببتسامه شر.. راجع ليكم من تاني.
❤❤❤❤❤❤❤
صافيه وصلت البيت وراحت الاوضه اللى عملتها لمالك في البيت بتاعهم ودخلت وقفلت الباب..
دخلت وطلعت تشيرت ليه ومسكته وقعدت تشم فيه وتعيط.. ياحبيبي يعني انت قدام عيني طول الوقت وانى كنت زي العبيطه مصدقه ان اللى اسمه طارق ده هو انت وقعدت علي السرير تعيط يا ترا فينك دلوقت يارب تكون مليكه لحقتك عرفت دلوقت ليه عيطت لما عمك جاب سيرة ابوك ياحبيبي يابني.. هعوضك عن كل حاجه حصلتلك قبل اكديه وهترجع لحضني من تاني.
وفضلت تحضن في التشيرت وتعيط.
لحد ما سمعت صوت ياسر بيزعق تحت مسحت دموعها و دخلت الحمام وغسلت وشها ونزلت.
نزلت علي صوت ياسر العالي لما لقى نديم اتجوزت طارق وهي كانت عارفه ان سعديه بتخطط من زمان انها تاخد كل الاملاك واستخدمت نديم عشان طمعها عشان كدا متكلمتش ولا قالت حاجه لانهم الاتنين زي بعض ويستاهلو اللى بيجرى فيهم.
لما هي مثلت انها تعبانه ومالك راح مسكها بصتله بحب وربطت علي ايده وكانت مراقبه كل تفصيله هو بيعملها وكانت بتاكد اكتر واكتر انه هو ابن ابنها بجد.
ولما مالك ومليكه خدوها يطلعهوها فوق.
❤❤❤❤❤
في اوضتها
قعدوها علي السرير وهي مسكت ايده وهو نزل لمستوها وهي ملست علي وشه بحب وحنان..
صافيه بحب.. عامل ايه؟
مالك استغرب.. بس رد عليها بحب.. الحمدلله ادام انتى بخير.
مليكه كانت واقفه وحاسه ان ستها كشفتهم عشان اول مره تتكلم معاه كدا.
صافيه مسكت ايده وبستها ومالك اتصدم هو ومليكه وراح هو كمان مسك ايديها وبسها راحت حضنته اوووووي وهو بص لمليكه ورفع ليها حاجبه.. بمعني في ايه؟
مليكه مطت شفتها.. بمعني معرفش.
مالك بضحك.. هو انا همو'ت ولا ايه؟
صافيه ضر'بته بالقلم براحه.. لو قولت اكديه تاني انى اللى همو'تك ماتقولش اكديه تاني ياحبيبي.. بعد الشر عنيك ربنا يحفظك لشبابك واشوفك اجمل عريس في الدنيا دي كلها.
مالك باس ايديها تاني بحب.. ويخليكي ليا يارب.
❤❤❤❤❤❤
ــــــــــــــــبااك.
كان الكل مصدومين وهما بيسمعو ومره واحده نطق ياسر خرج عن صمته وصدمته.
ياسر بغموض.. انتى مضيتي علي اي ياما؟
صافيه بتوتر وويتبع
❤❤❤❤❤❤❤
عاوزه تفاااعل حلو عشان نكمل برايكم صافيه مضت علي ايه وياترا اي نهاية طارق وطارق طلع اخبث بكتير من اللى كان عليه؟
"عالمي معك انت ج 2" خلف الاقنعة "
للكاتبة منة الله الجزار
اشوفكم بخير
باي
تكملة الرواية من هناااااااا
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كاملة الجزء الاول من هناااااااااا
الرواية كامل الجزء الثاني من هنااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هناااااا
 الفصل الأول1 بقلم منة الله الجزار حصريه رواية عالمي معك انت( الجزء الثاني من خلف الأقن…){kind=link}
تعليقات
إرسال تعليق