رواية المشاغبه والظابط الفصل الثالث 3 بقلم سلوي عوض حصريه فى مدونة موسوعة القصص والروايات
رواية المشاغبه والظابط الفصل الثالث 3 بقلم سلوي عوض حصريه فى مدونة موسوعة القصص والروايات
#سلوي_عوض
#المشاغبه_والظابط
بارت 3
ياسمين: بخبث انا مستحيل ده انا حتي فرحانه جوي عشانها
عزيزه: والله ما مصدجه بس ربنا يهديكي روحي نامي عشان الليله الكبيره
لتتحدث عزيزه مع نفسها
عزيزه: انا اول ما الصبح يصبح هروح للشيخ حباش ومعايا جطر عيالي واخليه يشوف ريحتهم
وبعد أن مر الليل علي الجميع والساعه الان الثامنه
صباحا لتذهب عزيزه الي حباش دون أن يشعر بها احد
عزيزه: امانه عليك شوفلي عيالي مراضينش يتجوزو ليه
حباش: اسمعي ياام ياسين
عزيزه: وعرفت منين اسم ولدي
حباش: هو انا بلعب معاكي عيالك معمول لهم عمل بوجف الحال
عزيزه: انا جولت كده بردك
حباش: عايزه تفكيه
عزيزه: اه امال انا جيالك ليه
حباش: وهو يقذف البخور في منقد النار ويتفوه بكلام غير مفهوم طلباتكم ايه ليمثل أنه يستمع لاءحد
حباش: حاضر حاضر هجولها اسمعي عاوزين خروفين سود منجطين بابيض
عزيزه: وماله يا اخوي اجيبلك بس جوللي اجيبهم منين عشان احنا معنديناش النوع ده
حباش: مش هتعرف تجيبهم طاب ايه الحل يا سيدي الحل أنها تدفعلي تمنهم وانا اشتريهم
عزيزه: طاب هما تمنهم كام
حباش: عشرين ألف جنيه زي ما سمعتي جولتي ايه
عزيزه: حاضر عيني بس مين اللي عامل العمل لعيالي
حباش: هقولك واياكي تعرفي
عزيزه: قول متخافش
حباش: واحده من دمك هيا وامها اسمها رجاء بت حميده
عزيزه: انا كت عارفه حسبنا الله ونعم الوكيل فيهم
حباش: جهزي فلوسك وتعالي وبعد سبوع عجده عيالك هتتحل أو خدي نمرتي وحولي عليها الفلوس
عزيزه: تؤمر بحاجة تاني
حباش: ديك رومي وعشر بحات
عزيزه: حاضر ياسيدنا بعد فرح بت اختي هجيبلك كل طلباتك
حباش: جصدك ورده بت سنيه هما كمان اذينها
عزيزه: جصدك ايه
حباش: وجتك خلص مع السلامه
عزيزه: بس يا سيدنا
حباش: جولنا وجتك خلص متزعليش الاسياد منك ممكن ياءذوكي
لتذهب عزيزه الى المنزل لتجد ياسمين في انتظارها
ياسمين: كنتي فين علي اصبح كدا ياما
عزيزه: اقولك علي سر ومتجوليش
ياسمين: جولي سرك في بير
عزيزه: اصل انا روحت لشيخ حباش مش طلع معمولك عمل انتي واخوكي بوجف الحال
ياسمين: مين ود الحرام الى عملنا عمل
عزيزه: بعد ما خد مني الخلج اللي انتي واخوكي عرجانين فيه جاللي عيالك معمول لهم عمل من وواحده وبتها وبتها من دمي تعرفي طلعو مين حميده مرت خالك وبتها رجاء
ياسمين: بتمثيل يعني هما اللي وجفو حالي انا وأخوي وانا اجول انا برفض العرسان ليه
عزيزه: اه يا بتي شفتي ده حتي كمان جاللي أنهم عاملين عمل لورده بت اختي
ياسمين: ازاي وهيا هتتجوز
عزيزه: معرفش هو جاللي كده
ياسمين: منهم لله عرفتي بجا اني ماليش ذنب يعني لولاهم كان زماني متجوزه ومخلفه طاب هو جالك هيفك العمل
عزيزه: اه وطلب مني عشرين ألف جنيه بعد ليله بت خالتك هروحله بيهم وطلب شويت طيور ويفكلكم العمل انتي واخوكي وافرح بيكم
ياسمين: يعني هتجوز ياما
عزيزه: يارب يابتي نفسي اشوفك عروسه جار عريسك
ياسمين: لما تاجي تروحيله هروح معاكي
عزيزه: بجد
ياسمين: اه يا اما امال ايه
عزيزه: طاب ياله عشان نفطرو ونروحو لخالتك كفايه ف الحنه موجفناش معاها
ياسمين: له تعالي نفطرو هناك وأبوي وياسين لما يجومو بيجو ياجونا علي هناك
عزيزه: طاب جهزي حاجتك وخديلي معاكي العبايه الجديده اه والبسي دهبك كله
ياسمين: بس كده و بالمره عشان احرج دم حميده وبتها
عزيزه: ايوه افرسيهم زي مفرسوني
ياسمين: ماعاشو ولا كانو فرسه تفرسهم
وبعد ساعه
ياسمين: ياله ياوزتي نروحو لسنيه
عزيزه: الله اكبر جمر يا جلب امك
ياسمين: ده انتي اللي جمر وشهد مكرر
ليذهبو الي منزل سنيه ليقابلهم المعلم اسماعيل
اسماعيل: اهلا وسهلا مرحب بالغاليين الدكتوره ياسمين حبيبه عمها
ياسمين: كتر خيرك يا سمعه
عزيزه: يابت عمك عيب
اسماعيل: سيبها ديه حبيبتي خشو جوه
عزيزه: حد جاه من حريم العيله
اسماعيل: له لسه خشو انتو اغراب
لتدخل عزيزه وياسمين
ياسمين: خالتي يا خالتي
سنيه: نور عيون خالتك ولو اني زمجانه منك عشان مجيتيش الحنه
ياسمين: خلاص بجا جلبك ابيض
عزيزه: روحي شوفي بت خالتك وعدليها
ياسمين: لما افطر الاول
سنيه: من عيني حالا اجهز الفطور
وبعد الإفطار تصعد ياسمين الي غرفه ورده
ياسمين: جومي يا بت انتي خليني اعدلك
ورده: ياسلام لساكي فاكره
ياسمين: يابنتي راجعي نفسك
ورده: اراجع نفسي ف ايه
ياسمين: بجا ورده اجمل بنات البلد كلها اللي الكل بيحلفو بجمالها تتجوز بغل السرجه ده طاب والله انا خايفه عليكي
ورده: ليه يعني
ياسمين: ده مفجوع ممكن ياكلك
ورده: نصيبي يا بت خالتي
ياسمين: انتي ايه اللي مخليكي توافجي تتجوزيه
ورده: هو انتي فاكره ابويا زي ابوكي ما انتي عارفه أن ابوي شديد جوي وجاللي لو موافجتيش علي عواد يبجا هتتحبسي ف البيت غير كل شويه حد يجابل امي ويجولها بتك عانس انا جولت اوافج وخلاص اهي جوازه والسلام
ياسمين: انتي حماره يابت انتي هتجضي باجي عمرك مع واحد زي عواد ده عشان ترضي ابوكي وامك وعشان كلام الناس
ورده: خلاص بجا خلصي جومي عدليني
ياسمين: خلاص انتي حره اللهم بلغت اللهم فاشهد
وهنا تدخل عليهم سنيه
سنيه: عريسك تحت بيفطر مع خالتك وعايز يشوفك
ورده: حاضر
لتنزل ورده وياسمين
لتنظر ياسمين الي عواد وهو ياءكل بشراهه وبطريقه مقذذه
ياسمين: براحه يا عواد هتشرج
ليتحدث عواد وفمه مملوء بالطعام
عواد: عامله ايه يا عروستي
ورده: الحمدلله
عواد: ايه يا حماتي فين صنيه اللحم اللي جولتي عليها
سنيه: هخش اجيبهالك
ياسمين: هتفطر لحم
عواد: ايه مش عريس
لتخرج سنيه ومعها طاجن كبير مملوء باللحم
عواد: الله فين باجي الوكل
سنيه: حالا يا عريس بتي
ياسمين: ايه يا عريس امك مفطرتكش ولا ايه
عواد: والله يا بت خالتي مكلت غير بطايه وجوزين حمام
ياسمين: يخربيتك ولسه في مكان ف معدتك
عزيزه: بس يا بت مالك انتي معلش يا عريس بتهزر معاك
لكن عواد مستغرق ف التهام اللحم غير عابيء بكلام ياسمين
لتخرج عليهم سنيه مره اخري ومعها طاجن كبير اخر به اربعه اجواز من الحمام
عواد: هاتي يا حماتي الواحد هفتان
ياسمين: بعدي عنه يا اما ده ممكن ياكلك يا عيني عليكي يا ورده طاب اعزم علينا يا عريس
عواد: له الوكل يادوبك علي جدي بس مش عارف حماتي ليه بخيله كده فين راس العجل اللي جولتي أنك سويتيهالي
سنيه: دجايج بس وتستوي
عواد: شهلي بجا ياحماتي
ياسمين (في سرها): جاتك حمي تاخدك
---
ياسمين: عاوز ورده ف حاجه ولا نطلعو نشوفو ورانا ايه
عواد: اصبري طيب افطر واحلي الاول
ياسمين: ده انته جدامك شهر علي متخلص وانا معنديش مراره ليك
عواد: طيب بجولك يا عروسه امي بتجولك متنسيش تديها الخاتم الهديه واحنا جاعدين ف الكوشه
ورده: حاضر هبجا اديهولها
ياسمين: ربنا ياخدك انته وامك
ورده: حاجه تاني
عواد: له روحي بس متحطيش احمر كتير ف خلجتك عشان متبجيش زي العفريته
ياسمين: عفريت لما ينططك يا حلوف انته
لتصعد ياسمين ومعها ورده
ياسمين: ها يا عروسه لساكي برده عايزه تتجوزي سيد جشطه ده خلي بالك حياتك كلها معاه هتبجا عباره عن بغل بتعلفيه هو أمه
ورده: مش مشكله اهي جوازه وخلاص
ياسمين: انتي مش شايفه بياكل ازاي
ورده: يعني عايزاني ابوظ الجوازه والنهارده الدخله وبعد ما فرشنا البيت وخلصنا كل حاجه انتي عايزه ابوي وامي يروحو فيها والناس يمسكو سيرتي
ياسمين: جوللي انتي بس اه وانا اخلي العجل ده هو اللي يبوظ الجوازه
ورده: ازاي يعني
ياسمين: انتي مالك ده شغلي انا
بس بشرط تنفذي كل اللي هجولك عليه
ورده: بس اوعي تغرجيني معاكي
ياسمين: اغرجك ده انا هخلصك من الحلوف اللي جاعد تحت ده بس اول حاجه ف الخطه اخد محمول امي عشان اخد نمره حباش
ورده: حباش مين ده كمان
ياسمين: بس متجطعيش حبل أفكاري
ورده: اعملي اي حاجه بس اخلص منه
لتحك ياسمين رءسها
ياسمين: جومي البسي فستانك
ورده: البسه ليه مش الجوازه هتخرب
ياسمين: بت انتي اعملي اللي بجولك عليه
ورده: حاضر اديني هتنيل اهو
ياسمين: انا هنزل اجيب امي وخالتي عشان يشوفو الفستان عليكي
ورده: والله ما فاهمه حاجه
ياسمين: عشان بجره واجفلي حنكك ده شويه ايه بالعه راديو
لتتركها ياسمين وتنزل الي الاسفل وهيا تطلق الزغاريت لتجد عواد مستمر ف التهام الطعام
ياسمين: يحل عليك بصاروخ يفترك معاميعك لساك بتطفح
ليضحك عواد
عواد: متاجي يا بت اتجوزك انتي وافوت
أصلها نكديه
ياسمين: جاك جنازه تاخدك يا حلوف
لتصيح ياسمين بصوت عالي
ياسمين: اما يا خالتي تعالو اطلعو شوفو عروستنا الجمر وهيا لابسه فستان الفرح
لتزغرت سنيه
سنيه: عجبالك يا نور عيني
ليصعدو لتري سنيه ابنتها لتبكي من الفرحه
عزيزه: بس يا سنيه ده فال عفش
سنيه: خلاص اهو
ياسمين: لسه بجا هعدلها هاتي شنطتك يا اما عشان فيها حاجه المكياج
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق