رواية المشاغبه والظابط الفصل الثاني وعشرون 22بقلم سلوي عوض حصريه فى مدونة موسوعة القصص والروايات
رواية المشاغبه والظابط الفصل الثاني وعشرون 22بقلم سلوي عوض حصريه فى مدونة موسوعة القصص والروايات
#سلوي_عوض
#المشاغبه_والظابط
بارت 22
---
ياسين: طاب ياله تعالو معايا عشان ترتاحو
عواد بخوف: له انا هسافر البلد وخلاص لا اعرفكم ولا تعرفوني
ياسين: ياراجل عيب تعالي علي الاقل كلك لقمه معانا
عواد: انا لازم اسافر وتوبه مصر ديه اجيها تاني
لتقترب منه ياسمين لتهمس في أذنه: ايوه كده خليك جدع المره الجايه محدش هينجدك
عواد: هتاجي معاي ياشوجي
شوقي: اه راجع معاك
ياسمين: ابجا سلم علي خالي ياشوجي واكيد الدرس اللي خدته هيحرمك تعمل كده تاني
شوقي: حرمت والله
ياسين: انا مش فاهم حاجه
ياسمين: جصدي يعني بعد كده يبجو ياخدو بالهم بعد كده من نمره الشجه وميلعبوش ف الاسانسير اه صح ياشوجي ابجا سلملي علي ميدو
شوقي: ميدو
ياسمين: جصدي خالي مرسي اصلي بحب اجلعه
شوقي بعد أن فهم ما تريده ياسمين: حاضر عن اذنكم
ليتركوهم ويذهبو
ياسين: اركبي يا فردوس جنب ياسمين
فردوس: حاضر يا استاذ
ليستقلو السياره ويذهبو الي العماره
ليصعد ياسين الي شقته ومعه ياسمين
ليدخلو الشقه ليجدو ورده جالسه ف الصاله
ورده: حمدالله على سلامتك عن اذنكم انا داخله جوه
ياسين: ادخلي جوه يا ياسمين استني يا ورده انا عاوزك
ياسمين: انا داخله
لتتركهم ياسمين وتدخل غرفتها
اما ورده: خير في حاجه
ياسين: اه فيه كتير
ورده: مش فاهمه
ياسين: وحشتيني
ورده: متشوفش وحش ابدا
ياسين: انا بتكلم جد انا فعلا ابتديت احبك انتي شغلتي كل تفكيري
ورده: وبعدين
ياسين: اديني فرصه اعبرلك عن مشاعري اقولك البسي وتعالي نخرج
ورده بفرحه: هنخرج
ياسين: اه هفسحك ياستي
ورده: طاب
ياسين: انا وانتي وبس وخلي ياسمين بعدين
ورده: طاب هيا ممكن تزعل
ياسين: ادخلي البسي وغطي شعرك ده ولا عشان جيتي مصر خلاص مبقاش في حجاب
ورده: لاء والله هيا مره واحده بس بعد ماصبغت شعري وفرحت بيه
ياسين: طاب بعد كده شعرك ده محدش يشوفه غيري
ورده: اشمعنه انته
ياسين: عشان انا جوزك ويحقلي اني اشوفه اما الباقي اجانب بالنسبه لك وبعدين حرام وغير كده انا بغير عليكي انا هروح اشوف ياسمين
وهنا يدخل ياسين الغرفه علي ياسمين
ياسين: بجولك ايه انا ها اخد ورده ونخرج معلش خليكي انتي المره ديه
ياسمين: وماله بس امانه عليك اوعا تزعلها ولا تضايجها ورده غلبانه جوي وبتحبك
ياسين: وانا كمان بدءت احبها
ياسمين: طاب بما انك هادي وعاجل كده احنا هنعملو مشروع
ياسين: انتو مين
ياسمين: انا وورده وفردوس مشروع كوافير ف المعادي أصحابه عارضينه للايجار واحنا هناءجروه ونشتغلو فيه
ياسين: ماشي مافيش مشكله بس ورده هتشتغل معايا ف المكتب اجولك هما أصحابه عاوزين كام
ياسمين: تلت ميت الف جنيه شهر وشهر
ياسين: طيب انا هدفعلك نصيبك وورده ليها عندي مبلغ هدفعلها نصيبها منه وكمان ياستي هديكي عربيتي بس تتعلمي السواجه الاول والعربيه الجديده ديه شرك بيني انا وورده
وهنا تقفز ياسمين لتقبل أخيها
ياسمين: اخويا حبيبي ربنا يخليك لينا ومنتحرموش منك ابدا
ياسين: بس عاوزك عاجله وبلاش مجالب ف خلج الله
ياسمين: له خلاص ياسين مع اني مش مصدجك بس هانشوف
ياسمين: انا هتصل علي فردوس عشان تطلع تجعد معايا أصلها غلبانه جوي
ياسين: مافيش مشكله ولو عاوزاها تجعد معاكم هنا وتخدمكم وتبيت كمان مافيش مشكله
ياسمين: هو انته طبيعي يا اخوي ولا فيك حاجه
ليضحك ياسين
ياسين: له طبيعي يا اختي خلي بالك احنا هنتاءخرو يعني لو عاوزه تنامي نامي
ياسمين: ابجا هاتلي حاجه حلوه وانته جاي
ياسين: حاضر
وهنا تدخل عليهم ورده
ياسمين: ايه الحلاوه ديه فينك ياسنيه تيجي تشوفي بتك
ورده بكسوف: خلاص بجا
ياسين: ياله بينا
ليخرجو ويتركو ياسمين بمفردها
لتتصل ياسمين علي والدتها عزيزه
ياسمين: بتي وحشتيني
ياسمين: اصبري اجيب خالتي معانا علي المكالمه
عزيزه: خير
ياسمين: اصبري بس
لتتصل علي سنيه
سنيه: خير يا بت اختي في حاجه طمنيني
ياسمين: خير جوي سامعاني كده يا اما
عزيزه: يابت فيه ايه
ياسمين: اختك معانا علي المكالمه اسمعو بجا الاخبار الحلوه
ياسين خد ورده وخرجوا عشان يتفسحو
سنيه: بجد يا ياسمين
ياسمين: اه والله بجد وكمان هيشغلها معاه ف المكتب ويروحو وياجو مع بعض
عزيزه: الله ايه الاخبار الجميله ديه
لتزغرت عزيزه
عزيزه: شحته مالك فيه ايه
عزيزه: خد كلم بتك
شحته: ياسمين جلب ابوكي وحشتيني جوي جوي
ياسمين: انته اكتر يا أبا
شحته: ايه الاخبار الحلوه اللي خلت امك تزغرت
سنيه: اصل ياسين وورده خرجو يتفسحو
شحته: انتي معانا علي المكالمه يا ام ورده
سنيه: اه يا جوز اختي
ياسمين: انتو جايين تتعرفو علي بعض دلوك
شحته: وايه موضوع واد خالك ده
ياسمين: هجولكم كل حاجه
لتقص عليهم ياسمين كل ما حدث حتي موضوع حنتيره
شحته بفرحه: الله اكبر عليكي بت ابوكي
سنيه: أخص عليهم الناجصين كانو عاوزين ياءذو العيال والله براوه عليكي جدعه يا بت اختي
ياسمين: كده خلاص هما تابو مش هيعملو حاجه تاني
ياسمين: بس اسمع يا ابوي انا هشتغل
شحته: تشتغلي ايه
لتقص عليهم ياسمين موضوع الكوافير
شحته: وماله يا بتي ربنا يكرمكم
ياسمين: حبيبي انته انا هجفل بجا معاكم عشان اتصل علي فردوس تاجي تجعد معايا
شحته: اسمعي لو محتاجه اي فلوس ولا حاجه جوللي
علي طول خير ربنا كتير والحمد لله
لتضحك ياسمين
ياسمين: هما بجرتين وجاموسه كل اللي حيلتك
ليضحك شحته
شحته: وانتي موتي بجره منيهم
ياسمين: كده بردك
شحته: جيبتيه لنفسك
ياسمين: خلاص خلاص بهزر معاك
لتغلق ياسمين الهاتف مع والدها وخالتها
لتتصل علي فردوس
ياسمين: فينك
فردوس: ف المحل
ياسمين: طاب جفلي حسابك معاهم وتعالي عشان عاوزاكي
فردوس: خير
ياسمين: لما تيجي هتعرفي
ياسمين: اجفلي بجا حماتي بتتصل اهي
ياسمين: بوسي حبيبتي
ابتسام: ياسلام لو كنت حبيبتك كنتي اتصلتي عليا مش كل مره انا اللي اتصل بيكي
ياسمين: اصلي عندي اخبار حلوه جوي
ابتسام: خير
ياسمين: اصلي كت عند سيف ف الجسم يخربيت جمال وحلاوه أمه
ابتسام: بنت
ياسمين: اجول ايه بس تجوللي بطل من ابطال السيما الواد لوز اللوز وياسلام عليه وهو بيتكلم بكل وقار كده تجوليش اسد الداخليه
ابتسام: ابني حبيبي
ياسمين: المهم هحكيلك اللي حصل
ابتسام: بالتفصيل الممل
ياسمين: هو انتي موراكيش حاجه موراكيش جوز تحضريله العشا ولا حتي فومين غسيل طاب حتي صبني المعاوين اعملي اي حاجه
ابتسام: بنت انا عندي شغالين للكلام ده
ياسمين: ايوه يا اختي تجيبو شغالين وتجعد و موراكمش غير الرغي ف التلافونات والجعده تحطو الاحمر والأخضر والواحده فيكم متعرفش تنضف سجط البهائم
ابتسام: ايه ده
ياسمين: يعني الكرشه والفشه والممبار ايه مبتاكليهمش
ابتسام: بحبهم اوي بس معرفش بيتعملو ازاي وكمان سيف بيعشقهم انتي بتعرفي تعملي الحاجات ديه
ياسمين: اكيد طبعا
ابتسام: احكي بقا
لنتركهم ونذهب الي ورده وياسين
ياسين: عجبك المكان
ورده: المكان مش مهم المهم احنا قاعدين مع مين ف المكان لاءن الصحبه هيا اللي بتفرج
ياسين: اسمعي انا مش جد الشعر بتاعك
ورده: مش شعر ولا حاجه ديه احاسيس
ياسين: طاب تحبي تشربي ايه لغيت ما العشا يجهز
ورده: مانجه
ياسين: ايه ده بتحبي المانجه زييي
ورده: انته كمان بتحبها
ياسين: جدا
ليشاور ياسين للنادل
ياسين: اتنين عصير مانجه لو سمحت
ياسين: جوليلي انتي جيبتي الحلاوه ديه كلها منين
ورده: يمكن عشان اول مره تشوفني بجلبك
ياسين: فعلا تعرفي اني قلبي اول مره يدق الله عيونك جميله اوي
ورده: شكرا
ياسين: بحبك
ورده: ايه
ياسين: والله بحبك مش مجرد كلام
ورده: سبحان مغير الأحوال، شوف من كام يوم مكنتش طايج تبص في وشي.
ياسين: ودلوك بتجوللي؟
ورده: بحبك يا ياسين.
ياسين: عشان كنت مضايج من اللي عملتوه انتي والمجنونة اختي فجولت أربيكم شويه.
ورده: ولما هديت وجعدت أفكر حسيت حالي معجب بيكي، لكن لما ساعدتني وكسبت القضية فرحت جوي. حسيتك خايفة عليا وبتحبيني وكمان دخلت صفحة الفيس بتاعتك وجريت كلامك وحسيته لأني كتباه عشاني.
ولما سافرت مع ناجي لجيتك وحشتيني جوي.
ورده: بكسوف، أنا مش جد.
ياسين: الكلام الحلو ده، انتي تستاهلي أحلى حاجة في الدنيا. بكره إن شاء الله هننزل نحطلك فلوسك في البنك ونشتريلك كام طقم حلوين عشان هتنزلي معايا المكتب.
ورده: بصراحة أنا عاوزه بس مبلغ عشان، ياسين، عارف، ياسمين جالتلي وخلاص انتي هتيجي معايا وياسمين وفردوس يشغلو الكوافير.
ورده: أنا عاوزه أجولك على حاجة.
ياسين: خير.
وره: بس توعدني أنه يبقى سر ما بينا عشان مينفعش نبدأ حياتنا غير على نور.
ياسين: جوللي، أنا سامعك.
---
ورده: لتقص عليه كل ما حدث أثناء سفره ليضحك.
ياسين: يخرب عجلك يا ياسمين، بنت مش معجوله بس جدعة أنها اتصرفت كده. ولا أم سيف كمان ولا أبوه دول طلعوا أجن منها.
ورده: يعني انته مش زعلان؟
ياسين: بالعكس، أنا فرحان وفخور بأختي وبيكي طبعا.
ورده: بس أوعى تجول لياسمين حاجة ديه، ممكن تخلص على حياة أمك وأبوك.
ياسين: ابدا، وحياتك انتي عندي. شوفي، أنا عندي شوية حاجات هخلصها بكره بعد ما نرجع من البنك، وخلي الملابس يوم تاني.
ورده: ما أنا عندي كتير. مش مشكلة.
ياسين: طيب عن إذنك، أنا داخل الحمام.
---
ياسين يتركها ويذهب لدورة المياه ليتصل على والده.
ياسين: أبا، عامل ايه وأخبارك ايه؟
شحته: بخير يا ولدي.
ياسين: طاب، أنا عاوزك تجيب أمي وخالتي وجوزها وتاجو مصر عشان عاوزكم ضروري.
شحته: خير يا ولدي.
ياسين: خير جوي، بس أوعى تعرف ياسمين ولا وردة إنكم جايين، عاوزها تبقى مفاجأة للكل.
شحته: حاضر يا ولدي، هات العواجب سليمة يارب.
ياسين: ياله بجا عشان تلحجو تتحركو
شحته: طيب يا ولدي اجفل انته وانا هتصل علي عمك اسماعيل
ليغلق شحته الهاتف مع ياسين ليتصل علي اسماعيل
اسماعيل: خير ابو ياسين في حاجه
شحته: مش عارف ياسين ولدي اتصل علي وجاللي اننا لازم نسافرو مصر حالا ولما سألته ليه جاللي خير إنشاءالله
اسماعيل: تكون ورده فيها حاجه
شحته: له كلهم بخير
أسماعيل: طاب احنا هنجهزو وانتو عدو علينا هاتها جمايل يارب
اما ياسمين فكانت تجلس مع فردوس بفرحه
ياسمين: انا جولت لياسين علي مشروعنا ووافج وكمان خد ورده وخرجوا
فردوس: بفرحه الله اخبار جميله اوي
وهنا تتصل ابتسام علي ياسمين
ابتسام: ياسمين طاب بدل المكالمات ديه كلها تعالي عيشي معانا
ياسمين: كنت جايبه لك خبر حلو خلاص براحتك
ابتسام: بهزر معاكي يا بوسي
ابتسام: هقولك بس خليه سر ولما يحصل كاءنك متفاجاءه
ياسمين: ماشي بس جوللي
ابتسام: سيف لسه قافل معايا وهنيجي بكره نخطبك من باباكي
ياسمين: تاجو فين ابويا ف الصعيد
ابتسام: لاء ياسين اتصل عليهم وهما زمانهم ف الطريق كلهم عشان ياسين هيطلب ورده من باباها
ياسمين: يطلب مرته
ابتسام: انتي بقيتي غبيه كده ليه هيطلبها عشان حبها فهمتي
ياسمين: اه خلاص فهمت
ابتسام: اخوكي بقي كلم سيف وقاله هات والدك ووالدتك وتعالو بعد المغرب عشان نقرا الفاتحه
ياسمين: بفرحه الله انا بجيت عروسه
ابتسام: هيا فردوس فين
ياسمين: جاعده جاري اهي
ابتسام: طاب خليها تبقا موجوده بكره معاكم ضروري
ياسمين: ما هيا هتجعد معانا وبعدين انا كلمت ياسين علي الكوافير ووافج بس طبعا مجولتوش انك هتبجي معانا
ابتسام: خلاص بكره افتحي الموضوع وانا هقول اني هشارككم
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله 1اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق