سكريبت اخوانى سندى الصالح كامله بقلم أمل بكر
سكريبت اخوانى سندى الصالح كامله بقلم أمل بكر
-بقولك اي ياانس اطلع بره اوضي
-لا والله اوضك مين ياام اوضه دي اوضه اختك الكبيره خديخه
بسخريه ،
-اخت مين يازفت انت ماهي اوضي انا كمان
-انتي مين اصلاً انتي مش اختنا
دخل اخونا الكبير نوح
-في اي صوتكو عالي لي خفو شويه
اتكلم انس بمرازيه،
-قولها يانوح مش احنا لاقينها علي باب جامع
ضحك نوح وانا اتعصبت ،
-فعلاً ياعائشة هنضحك عليكي يعني
بصتلهم بغيظ،
-والله العظيم باردين اوي هزاركم بايخ
طلعت بره الاوضه وانا بقعد علي الركنه
قعد نوح جمبي واتكلم بمواسا وهو بيضبطب علي ضهري ،
-معلش ياعائشة هي الحقيقه بتنزعل كده
بصيت علي الي قعد جمبي من الناحيه التانيه انس ،
-للدرجه متأثره ياعائشة خلاص يانوح معتش تجيب السيره
صوت بغيظ وانا بنده علي بابا
-في اي عملتولها اي
وجه كلامه لاخواتي
انس وهو بيرفع ايده لفوق ،
-معرفش يابابا شكلها تعبانه مالك ياعائشة ياحبيبتي
بصيتله برفعه حاجب وعلي التاني الي عمل نفسه بيتفرج علي التلفيزيون
بابا دخل لماما في المطبخ ده فكرني هبله بجد
بصتلهم بغيظ وروحت ارتب مع خديجه
-بقولك ياخديجة
-اي
-هو انا يعني لو لبست بنطلون علي بلوزه طويله طويله اوي عادي صح يعني مش حرام
وقفت ترتيب السرير وهي بتبصلي وبتتكلم بهدوء،
-لا حرام طبعاً البنطلون بشكل عمومي حرام ياعائشة
-حتي لو علي حاجه طويله؟!
-حتي لو علي حاجه طويله البنطلون للرجاله وبس وانتي بنوته لازم تلبسي اللبس الشرعي الي ربنا امرنا بيه
-طب البس اي دلوقتي وانا نازله الدرس
-البسي الفستان الزيتي خطير عليكي ورقيق
بتحجج ،
-لا مش بحبه بصي انا هلبس البنطلون الاسود الواسع علي البلوزه البيضه وخلاص
-براحتك بس خليكي عارفه انك لو لبستي بنطلون بعد ماعرفتي انه حرام انتي كده اخدي ذنب
كملت كلامها وهي بتحذرني،
-وشوفي بقي كل خطوه وكل شخص بيشوفك هتاخدي ذنب
اتكلمت بضيق وانا حاسه بالخوف ،
-خلاص بقي ياخديجة انا لسه صغيره
-ياحبيبتي انتي كبرتي مفيش حاجه انا لسه صغيره بقي ليكي كتاب دلوقتي وبيتكتب فيه كل حاجه
كملت وهي بتحاول تقنعني بهدوء ،
-يعني دلوقتي لو مدرس اداكي واجب ولازم تعملي ولو معملتهوش هتسقطي هتقوليله انا لسه صغيره !!
نفخت بضيق ،
-هو انتي كده لازم تعقدي كل حاجه بجد انا ماشيه
دخلت فتحت الدولاب وانا مضايقه لاني حاسه بالذنب وفي الاخر عملت الي في دماغي ولبست البنطلون الي قولت عليه
خلصت لبس وطلعت لقيت اخواتي وبابا بيتفرجو علي التلفيزيون بس وقفت علي صوت انس
-اي ده ياعائشة!؟؟
بصتله باستغراب ،
-اي
اتكلم نوح ،
-عائشه خشي البسي فستان
بضيق وانا خلاص هعيط،
-اي ماله الي لابسه البلوزه طويله
انس بضيق،
-لا البلوزه مش طويله والبنطلون ضيق
بابا كمل ،
-وغير كل ده البنطلون حرام ياعائشة ياحبيبتي
ماما اتكلمت وهي بتقطع البطاطس وبتحاول تقنعني،
-تعرفي ياعائشة الفساتين عليكي احلا
نفخت بضيق،
-بس انا لسه صغيره علي الفساتين ياماما
نوح اتكلم وهو بيحاول يتحكم في نفسه ،
-صغيره ازاي ياماما انتي في تانيه ثانوي حضرتك!!!
اتكلمت بثبات،
-ايوا لسه صغيره برده
خديجه بهدوء ،
-ياحبيبتي الحلال والحرام مش بالسن وزي ماقولتلك انتي دلوقتي ليكي كتاب بيتكتب فيه كل حاجه
انس اتكلم وهو بيطبطب علي كتفي ،
-ادخلي ياحبيبتي غيري علشان متتأخريش
بعد ايده من عليا بعصبيه عمت علي عيوني ،
-شيل ايدك وانا مش هغير وهنزل كده
بابا زعق،
-مفيش نزول خالص باللبس ده وانا اتكلمت باحترام وكلنا بنتتكلم معاكي بالهدوء بس انتي مصره تعصبيني
عيط بضيق وانا بدخل الاوضه وبقلع الهدوم
دخلت خديجه وهي بتقعد جمبي
-البسي حاجه تانيه علشان متتأخريش علي الدرس
بعند وغيظ،
-مش راحه في حته سيبني
-ماشي براحتك بس اكيد يعني مش هتفضلي قاعده في البيت علشان البنطلون
بعصبيه ،
-اسكتي بقي وسيبني
طلعت وانا نمت من كتر العياط وصحيت بليل خالص دخلت المطبخ وعملت ليا سندوتش
كان اخواتي قاعدين بره علي الركنه بيتفرجو علي كرتون حازوقا الجزء التالت ومكنتش اتفرجت عليه
قعد بعيد عنهم وانا مش ضايقهم
اتكلم انس ،
-شوفو القعده حلوه ازاي واحنا التلاته مع بعض بس
قال كلامه وانا لامحه عيونه الي بتبصلي اهبل والله مفكرني هتغاظ يعني
انا متغاااااظه اوي وعايزه اضربهم في بعض بس طبعاً مش هابين
اتكلم نوح ،
-احنا مش بيقعد معانا غير المؤديين
ضحكت بسخريه وبصوت عالي
خديجه اتكلمت ،
-شكراً يانووووح علي الشكولاته الي جبتهالنا انا وانس
كنت هبص لنوح بعصبيه انه ماجبليش زيهم ولكني مسكت نفسي علشان كرامتي
اتكلمت وكأني بكلم نفسي،
-عايزه اسمع الكرتون بقي يارب الدبان يخف
انس،
-الدبان لسه جاي من خمس دقايق بالظبط
اخد قضمه بغيظ وانا بحاول اسمع الكرتون
بعد ساعه من الكرتون
دموعي نزلت وانا ابو حازوقا مات
اتكلمت بزعل ،
-خديجه هو مات بجد!!
انس بسخريه وهو بيهمس،
-لاء هيصحي الحلقه الجايه
نوح وخديجه ضحكو وانا بصتله بضيق
-خديجه هو كده خلص؟؟
انس ،
-هي مش بتشوف ولا اي ياخديجه؟!
تجاهلت انس وانا بقوم اقعد جمب خديجه وبتغطي بالبطانيه معاهم ،
-خديجه بكلمك
اتكلمت وهي باصه علي الشاشه،
-مش علي اساس مش بتكلميني
-انا!!! مش بكلمك ازاي يعني
-هتقلبي التربيزه بقي
-لا بصراحه مش قادره اشيلها
ضحكت
اتكلمت ،
-ضحكت يبقي سامحتني
-ياعائشة انا عايزاكي تفكري صح ياحبيبتي
بنفاذ صبر من الموضوع ده،
-مع علينا دلوقتي ياخديجه خلينا نتكلم عادي بقي وسيبك
غمضت عيونها باستغراب واتكلمت ،
-هو انتي لي محسساني ان كلامي من كوكب تاني ماهو كلام طبيعي وعادي هو كل ده علشان بعرفك انه حرام!!
نفيت براسي علشان اريح دماغي ،
-لا انتي صح خلاص
انس اتكلم،
-المهم دلوقتي ياخديجه اقلبي هاتي حاجه تانيه
بعند اتكلمت ،
-انا عايزه اتفرج علي الكرتون الي بعده
انس،
-هاتي الريموت ده كده
ولسه بيسحبه من خديجه مسكت في الريموت انا كمان
بصلي بعصبيه،
-سيبييي
-لاء انا عايزه اتفرج علي سيمبا
-ماحنا اتفرجنا عليه مليون مره وبعدين متتكلميش معايا
نوح اتكلم ،
-هاتو كده الريموت ده انا هقلب
بغيظ ،
-وانا عايزه اتفرج عليه
انس،
-لا مش هاتتفرجي علي حاجه
-وانت مالك اصلاً خليك في حالك
-لا ليه وادخلي اوضك مش هتتفرجي
-لا هتفرج وانت ملكش فيه
-طب وريني هتعملي اي
شديت الريموت وهو يشده ويشد شعري وانا اعوضه وفضلنا حبه علي كده ونوح وخديجه بيحاولو يفصلو بينا وانا اضربهم وهما يضربو فيا
لغيت لما دخلت الاوضه وانا بعيط
لان بابا صحي وزعق واخد الريموت وقال محدش
هيتفرج ودخل ينام وانا متفرجتش
ونمت لغيت الصبح
انا عارفه انه بارت صغنون بس قصه مختلفه بالنسبالي وقولولي رائيكم
"1”
يتبع،،،
صحيت وبعدين دخلت المطبخ لقيت ماما بتعمل الفطار
اخد خياره اكلتها من غير مااتكلم وطلعت لقيت خديجه بتصلي في اوضتنا
واتس قاعد علي الموبايل ونوح كان بيصلي برده وبابا اكيد في الشغل
دخلت المطبخ تاني وانا بسألها
-اشيل الاكل ؟!
ردت بهدوء ،
-ماشي
شيلت الصنيه وحطتها علي السفره وقعد استني لما يقعدو كلهم واخيرا قعدو بس محدش كان بيكلمني وده بيعصبني اكتر مانا متعصبه
خلصنا اكل ونوح وانس نزلو الشغل وخديجه كانت قاعده النهارده من الكليه وانا قررت اني مش هنزل النهارده الدروس لاني مليش مزاج
قعد جمب ماما علي الركنه
اتكلمت متصنعه الضيق،
-يعني انتي مش بتكلميني
-وانا مش هكلمك لي انتي عملتي حاجه امبارح ولا حاجه
-ماما الموضوع تافه اوي وانتو بتحبو تكبرو كل حاجه
بصتلي وهي بستنكر الي قولتو،
-تاافه!!! اخواتك الولاد خايفين عليكي وهما ادري كمان طالما قالولك ضيق يبقي فعلاً هو ضيق
-واشمعنا بقي طالما قالو كده يبقي صح!!!
—علشان البنطلون حرام عموماً ياعائشة واحنا غلطنا في الاول اننا سيبناكي علي راحتك ولكن اظاهر انتي نسيتي ان ده مينفعش
-ياماما ماكل صحابي بيلبسو كده حتي فيه اوحش كمان
-يعني علشان الناس كلها بتلبس كده يبقي مش حرام 'و
اتكلمت خديجه وهي بتقعد علي الكرسي الي قدامنا،
-ادعيلهم ربنا يهديهم ولو عرفتي تنصحي انصحي
يمكن هما معندهمش حد ينصحهم زيك
-يعني اي معتش بينفع البس البنطلون الاسود الجديد حتي!!!
خديجة،
-لو انتي شايفه ان البنطلون اغلا من الجنه البسي ياعائشة
اتكلمت وانا حاسه بالذنب ووجع قلبي وانا حاسه اني غلط،
-اكيد مش اغلا من الجنه بس ربنا هيهديني اكيد بعدين
خديجة،
-مفيش كده اكيد ربنا هيهديكي بس لما انتي تسعي وتجتهدي
-مانا بجتهد اهو وفي دماغي هغير لبسي
-في دماغك وبس انتي معملتيش ده فعلاً ياعائشة متخليش الشيطان بضحك عليكي
-المفروض اعمل اي
-انك توسعي لبسك فعلياً مش نقول بقي انا في دماغي والكلام ده
باقتناع،
-اممم صح
-هتنزلي النهارده
-لا مليش مزاج
ماما،
-لي كده ؟!
-هنزل بكره وخلاص
ماما دخلت المطبخ وانا روحت قعد جمب خديجة
خديجة بصتلي ،
-قولي عايزه تقولي اي؟!
ضحكت علشان فهمت،
-هو انا كده اخد ذنوب علي كل الايام الي لبست فيها لبس مش كويس؟!
-هو اه خصوصاً لو كنتي عارفه بس انتي لو توبتي توبه صادقه ربنا هيتقبل منك ان شاء الله وهيغفرلك ذنوبك
-تقصدي ان نيتي ابقي صادقه ؟
-بالظبط
-طب بقولك هو انس ونوح زعلانين مني
-هنا زعلانين عليكي وكانو عايزه يخاصموكي علشان يربوكي يعني بس متقوليلهمش
بسخريه ،
-يربوني ؟! خليهم يربو نفسهم الاول
-يابنتي لسانك خليكي محترمه شويه
-انا محترمه انتو الي بتغلطوني
-ربنايهديكي انتي صليتي الظهر
-لا
-طب قومي صلي العصر شويه وهيأذن
-طب خلاص باصلي الظهر بكره مرتين
-مينفعش طبعاً تصلي مريتين قومي يلا صلي دلوقتي
-طيب
قومت اتوضيت وصليت بسرعه علشان اطلع اتكلم مع خديجة
خديجة بصتلي باستغراب وهي بتتكلم،
-هو انتي صليتي؟!
قعد جمبها وانا برد ببساطه،
-ايوا
-صليتي بسرعه اوي
-بصراحه اه علشان اجي اتكلم معاكي
-بس مينفعش كده ياعائشة ياحبيبتي المفروض تصلي بهدوء حتي تعرفي لو مش هتطولي في الصلاه
ولكن تقرائي سوره الفاتحه براحه وتتمعني المعني
ولما اسجدي تقولي سبحان ربي الاعلي براحه خالص
-علشان ماشي لما اصلي العصر هعمل
ضحكت بهدوء،
-شطوره ياعائشة
بعد شويه صليت العصر
-تصدقي فعلاً لما صليت وفهمت المعني الصلاة فرقت
خديجة،
-طب الحمدلله ربنا يثبتك يارب
-انا وانتي يارب
اجي وقت المغرب واخواتي وبابا اجو حطينا الاكل وبدائنا ناكل ومحدش من نوح ولا انس كلمني
اتكلمت وانا قاصده ،
-انس هاتلي مخلل من ده
مدلي الطبق من غير مايبصلي زي العاده والمناكشه بتاعته
قومنا من علي الاكل وعملتهم شاي وقعدنا قدام التلفيزيون
بابا اتكلم. ،
-صليتو المغرب ياجماعه؟!
ماما ردت ،
-انا الحمدالله صليته
خديجة ،
-انا لسه
وانس ونوح برده كانو لسه مصلوش صلينا جماعه وراه صوت نوح الي اللهم بارك تحفه
خلصنا صلاة وانا وجهت لنوح الكلام،
-صوتك حلو ماشاء الله
هز راسه من غير مايبصلي وانا عيوني دمعت وحسيت ان صعبت عليا نفسي حسيت بحد بياخدني في حضنه وكان هو نوح
اتكلم وهو بيظبطب علي شعري بعنف اسري،
-خلاص متعيطيش الواحد ميعرفش ياخد منك موقف
حاوطه بايدي وانا بضحك ،
-وانت تخاصمني لي اصلاً
بسخريه ،
-علشان محترمه ومؤدبه خالص
بعد عن حضنه وانا بتكلم بتمرد،
-طب والله انتو الي مبتعرفوش تتعاملو معايا
-ايوا ايوا طبعاً انتي هتقوليلي
-طب انت لسه زعلان مني
-انتي معتيش هتلبسي بناطيل تاني؟!
عملت نفسي بفكر وهو كان هيتعصب اتكلمت بسرعه وانا بضحك،
-خلاص متقلبش وشك لا ياسيدي مش هلبس بناطيل تاني علشان عرفت انه حرام وخصوصاً اني عرفت
مسك خدودي بعنف،
-شطوره ياقطه
-يعني مش زعلان مني صح
-لا ياستي انا ببقي خايف عليكي انا واخوكي خصوصاً من الي بنشوفو في الشارع ياعائشة احنا بنعمل كده علشان بنحبك
اتكلمت وانا ببتسم ،
-عارفه يانوح وانا مش زعلانه انتو كنتو بتتكلمو معايا بهدوء وانا مقدرتش ده
-اهم حاجه انك اتعملتي
-اتعلمت خلاص
اتكلم انس وفي نبرته الضيق،
-تعالي يااختي الجميله خديجة اديكي حضن
بصتله وضحكت وفهمت انه غيران علشان لسه مصالحتهوش خصوصاً اننا اتشاكلنا بليل كمان
قربت عليه وانا بحضنه بالعافيه،
-متزعلش ياانوسي
-انوسي ابعدي عني
ضحكت،
-طب خلاص متزعلش ياانس ياحبيبي
-لا زعلان
بعد عنه وانا بضربه في كتفه ،
-متبقاش رخم بقي
-لا والله انتي عضتيني في دراعي
-طب ماانت شديت شعري
-علشان بت منرفزه
-طب ماانت كمان بارد وبستحملك
رفع حاجبه وهو بيكلم اخواتي ،
-العدو البت دي عني علشان مموتهاش
-خلاص بقي متزعلش قولنا. وانت كمان يلا
بصلي باستغراب ،
-وانا كمان اي !!!
-صالحني انت برده زعلتني
-ثواني بس انا موافقتش علي الصلح
نوح بضحكه،
-ماخلاص بقي ده هي لو هتاخد حاجه مش هتعمل فيها كده
-ماشي خلاص مش زعلان
-بس انا زعلانه
-لا ماهو انا مش فاضي لشغل الاطفال ده
بصيت لنوح بتمثيل الزعل،
-شوفت يانوح مش راضي يصالحني
نوح اتكلم بغلب،
-ماتصالحها ياابني
انس هرش في شعره توتر ضحكنا عليه علشان عارفين انه مبيعرفش يقول لحد متزعلش بس انا لما بزن بخلي ينطق
-متزعليش ياست الهانم والجمال عائشه
ضحكت علي اسلوبه وقولت،
-ماشي سماح بوسني من راسي بقي تعالي بسرعه ياخديجه صورينا
بعد وشي بايدي بخفه ،
-هبل مش عايز ابعدها عني ياعم
نوح ،
-ابعدها انت مليش فيه
خديجة فتحت الكاميرا وصورت فديو وانا عامله اضرب في انس علشن يبوسني وهو عمال يجري ورايا وانا استخبي ورا نوح وخديجة عماله تضحك وهي بتصور
"2”
#تمت
تعليقات
إرسال تعليق