رواية ابن قلبى ( الجزء الاول)الفصل التاسع والعاشر والحادى عشر والثاني عشر بقلم علياء كامله
رواية ابن قلبى ( الجزء الاول)الفصل التاسع والعاشر والحادى عشر والثاني عشر بقلم علياء كامله
الحلقه 9 10 11. 12°°ابن قلبي°°
"مالك وهو يقترب من حياء وقد بدا علي ملامحه الغضب واشتعل وجهه غيظا"
حياء وهي تبتعد: وربنا انت اللي وقعت ،،معملتلكش حاجه
"في تلك اللحظه امسك مالك بالدلو الماء الموجود بجانبه ثم قام بالقائه عليها"
مالك باستهزأ: كدا بقا نبقي خالصين
"حياء وهي في قمه صدمتها مما فعله ...ولكن مالك لم يعطها فرصه للرد وذهب متجها الي غرفته دون ان يعرها اي اهتمام"
حياء وهي تتجهه ناحيته لتقوم بضربه فجأه سقطت علي الارض ..فقام مالك بفتح باب غرفته مره اخري واخذ يضحك
حياء في عصبيه: استني عندك هنا...ايه اللي انت عملته دا،،يا غبي
"ولكن مالك قد ذهب الي غرفته واغلق الباب"
حياء وهي تتجهه ناحيته لتقوم بضربه فجأه سقطت علي الارض ..فقام مالك بفتح باب غرفته مره اخري واخذ يضحك
مالك: احسن ...ومن اعمالكم سلط عليكم هههههههه
حياء وهي تلقي زجاجه الصابون عليه ..لكنها لم تصيبه لانه اغلق الباب بسرعه
حياء لنفسها: غبي ..... عااااااا اآه يا ماما
**********
"علي الناحيه الاخري في فيلا عائله عبد العزيز فهمي في القاهره"
الام(نيفين): وانت ازاي تبعت السكرتيره معاه يا عزيز..ما انت عارف ابنك مستهتر ومش هيكبر ابدا... وابقي قابلني لو سابها في حالها
الاب:ابني اها لعوب.. بس البنت محترمه جدا ومن النوعيات اللي صعب تتعامل معاها وخاصه انها بتحط حدود لتعامل كل الناس معاها... تقدري تقولي عليها السهل الممتنع.. شخصيه تحب الهزار والمرح بس بحدود.. ودا اللي عجبني فيها وخاصه ثقتها بنفسها
الام: انا نفسي الولد دا يتغير بقا ويفوق لنفسه... عاوزه افرح بيه
الاب: ابنك مش هيفوق لنفسه غير لما يحب بجد.. واحده تغيره جذريا وكليا...وابنك بقا مبيعرفش يحب بيعرف يصاحب ويلعب ببنات الناس... فعلشان كدا نسبه تغييره للاحسن صعبه اوي... ادعيله انتي بس بالهدايه
الام:ربنا يهديك يابني ويرزقك ببنت الحلال اللي تغيرك
*******
"في منزل السيده هاله"
"كانت حياء قد انتهت من تنظيف المنزل وذهبت مع السيده هاله لاعداد وجبه الغداء"
حياء: طنط،،ممكن اطلب منك طلب
هاله: اتفضلي يا حبيبتي
حياء: انا مبعرفش اطبخ خالص🙈،،ممكن الفتره اللي هقعدها مع حضرتك،، تعلميني شويه
هاله: ههههههه من عيني يا جميلتي،،انتي تؤمري
حياء وهي تعطس:تسلمي..هااااتشي
هاله:يرحمكم الله... شكلك اخدتي برد..يابنتي..ارتاحي انتي قدام التليفزيون وعشره كدا واكون خلصت
حياء باستسلام وهي مرهقه:حاضر يا طنط... منه لله اللي كان السبب
هاله:بتقولي حاجه يا بنتي
حياء: ها لا ولا حاجه يا طنط انا قاعده برا اهو لو احتاجتي حاجه
********"*
"علي الجانب الاخر في شركه عبد العزيز فهمي في فرع الاسكندريه"
احمد موجهها كلامه للسكرتيره الخاصه بالشئون القانونيه"
احمد: جهزتي كل الورق الخاص بالمعاملات والصفقات اللي هتتم خلال الاسبوع دا
السكرتيره بدلع: ايوه يا فندم
احمد: اه تمام.. بقولك ايه تحبي نخرج نتعشي برا!!
السكرتيره: اه وليه لا..دا المطاعم تحفففه اوي في اليكس
احمد وهو يغمز لها :تمام... اشوفك ع ٨ قدام الشركه
"ثم انصرف احمد الي مكتبه مره اخري"
*********
"في بيت تسنيم"
"كانت جالسه تشاهد التلفاز هي ووالدتها ..اذا بهاتفها الجوال يعلن عن وصول مكالمه"
"تسنيم وهي تنظر للهاتف في فرح قائله:مشمشتي
الووو.. ايوه يا مشمشتي .. وحشتيني يا دزمه ...اقسم بالله.. والايام من غيرك شبهه بعضها..
حياء وهي تضحك:وانتي وحشتيني اكتر يا اوزعتي... مامتك اخبارها ايه
تسنيم: قاعده جنبي اهي.. كنا بنتفرج علي زي الوان.. ما انتي عارفه مش ورانا غير الهندي🙈
حياء:هههههههههه .. انتي هتقوليلي دا انتوا متيمين بيهم.سلميلي عليها
تسنيم موجهه كلامها لوالدتها:ماما حياء بتسلم عليكي
الام:الله يسلمها يا بنتي
" اخذت الفتيات يتحدثن عن ما يجري في يومهم ولم يخل حديثهم من الهزار والتريقه علي الناس،،واخبرت حياء صديقتها بوضعها الحالي وانها مقيمه في بيت جاره خالتها... واطمأنت عليها واغلقت الهاتف"
**********
"في منزل السيده هاله"
هاله: كنتي بتكلمي مين يا حبيبيتي
حياء بفرح: كنت بكلم اللي يومي مبيمشيش من غيرها ... صاحبه عمري طفولتي
"هاله وهي تضع الطعام علي الطاوله": ربنا يخليكوا لبعض يا بنتي
حياء: ويخليكي يا طنط... استني اجيب مع حضرتك الاكل
هاله: ماشي يا بنتي وانا هنادي مالك
" ذهبت هاله الي غرفه مالك وجاءوا سويا"
مالك: حبيبتي يا لولو ..الاكل ريحته كتير طيبه
هاله: حبيبي يا ملوك تسلملي .. يلا قبل الاكل ما يبرد
حياء بصوت خافت لا يسمع وهي تنظر له نظره غضب: بالسم الهاري🙊
"وانقضي اليوم وفي صباح اليوم التالي ،،استيقظت حياء ذاهبه الي الشركه ...فتقابلت مع مالك الذي كان يستعد للذهاب الي الجامعه"
مالك دون ان ينظر لها: انا ماشي يا لولو ،،سلام
حياء وهي تنظر له ببرود: الكتاب يا مسطول ..نسيته
مالك: مسطول!!.. لسانك بقي بيطول كتير وعاوز يتقص...
حياء: انا غلطانه.. يكش كنت تنساه... شكلك فاشل وبتاخده معاك موضه
مالك:يلا يا ماما ،،اتكلي علي الله ربي عيالك اجري
حياء وهي تنظر له بقرف: جتك الارف
مالك بصوت مرتفع الي حد ما: سمعتك علي فكره
حياء وهي تجري ناحيه الباب:مبخافش
"خرجت حياء من المنزل واتجههت الي الشركه.. واتجهه مالك الي كليته"
حياء داخل مكتبها.. وهي تحدث السكرتيره"
حياء بتركيز: اه كدا ورق صفقات الاسبوع دا كمل .. تمام اوي... وعندنا النهاردا اجتماع عشا مع المندوب الالماني
السكرتيره وهي تنظر لها بقرف: اه بالظبط
حياء: اه طيب ياختي اتفضلي انتي.. وظبطي من لبسك وطريقه كلامك شويه.. بدال ما انتي شبه عود القصب المسوس كدا
السكرتيره؟! نعم!!!
حياء بصوت مرتفع: نعم الله عليكي يا غاليه شوفي شغلك
"السكرتيره تخرج من المكتب وهي في قمه غضبها.. ان ما وريتك يا شوارعيه انتي ... مبقاش انا!!!!
" وفي غضون ما يقرب من الساعتين..جاء احمد واستدعي حياء في امر هاما...
وبالفعل ذهبت حياء الي المكتب..فاذن لها بالدخول"
احمد بنبره خبيثه: اهلا انسه حياء
حياء ببرود: اهلا
احمد: طبعا انتي عارفه ان عندنا عشا عمل علي الساعه 8
حياء مؤكده لكلامه: اه عارفه
احمد :تمام اوي ... ف انا جايبلك حاجه اقبليها مني،، ودي مش علشانك .. دي علشان الشغل مش اكتر..
"واثناء حديثه كان يتحرك ناحيه صندوق كبيرا الي حد ما ثم قام بفتحه .. وافرغ ما بداخله"
حياء في ذهول: ايه دا!!!!!
احمد:.....
يتبعالحلقه ال 10°°ابن قلبي°°
حياء في ذهول :ايه ده
احمد:انتي شايفه ايه
حياء:ده فستان...بس لمين ده؟؟؟؟
احمد : ليكي انتي
حياء: نعم يا اخويا .... وليا انا ليه ان شاء الله
احمد:دا علشان تحضري بيه عشا العمل بليل
حياء في ذهول :بقا انت عايزني البس ده انت اتجننت ... انت مش واخد بالك اني لابسه حجاب والفستان من غير اكمام ومفتوح... وبعدين انت تجبلي فستان بتاع ايه
احمد: دا علشان انتي هتكوني واجهه للشركه فلازم تلبسي حاجه تليق بيها قدام الوفد الالماني
حياء لنفسها بغيظ : وانت مال اهلك انت .... ثم تستكمل موجها حديثها له :مش ملاحظ انك بتدخل في خصوصياتي اولا اللبس ده شيء يرجعلي ثانيا مش مستنيه منك احسان ..
.ثم اكملت باستهزاء: وياريته احسان محترم
احمد وهويقترب منها..
حياء لنفسها : دا ماله دا بيقربلي كده ليه اقسم بالله لو قربلي لابطح نفوخه ....
احمد وقد اقترب اكثر منها ثم امسك بيدها :لو مبطلتيش طوله لسانك ده هقصهولك يابت انتي
حياء: سيبي ايدي يا حيوان
احمد طب لو مسيبتش ايدك هتعملي ايه يعني
احمد وهو يصرخ : سيبي ايدي يا عضاضه
حياء: كل ماتحاول تقرب مني هتلاقي علامه تفكرك بيا
احمد : متقدريش يا قطه
حياء بتحدي : قطه اها بس بخربش
*ثم خرجت حياء وتركته في حيرته من تلك الفتاه صعبه المنال *
**في جامعه الاسكندريه كليه الحقوق **
..يقف مالك مع اصدقائه...
مالك:بكرا اجازه وعايزين نخرج لمكان جديد
امجد:لا يا عم انا مش فاضي بكرا
حازم:وانا معزوم عند قرايب بابا
مالك: قفلتنوني خلاص هقضي اليوم في البيت
انتهي مالك من حديثه مع اصدقائه ثم توجه الي المنزل
**في شركه عبد العزيز فهمي بالاسكندريه**
حياء وهي تستعد للذهاب وتحدث نفسها : كده كل حاجه تمام والاوراق مظبوطه الحق اروح علشان اجهز لاجتماع بليل.. ثم اتجهت الي البيت ..
******في بيت السيده هاله*****
اقبلت حياء ثم قامت بفتح الباب ودخلت تنادي علي السيده هاله
حياء : طنط هاله ..ياطنط
هاله :تعالي يا حبيبتي انا هنا في المطبخ
حياء:بتعملي ايه ياجميل
هاله :بعمل الاكل علشان نتغدا .. بس معلش دخلي كوبايه النسكافيه لمالك عشان ايدي مشغوله
حياء بتردد : حاضر ياطنط
**في غرفه مالك **
...كان مالك يلعب البلايستيشن .
واقتربت حياء من غرفه مالك فوجدتها مفتوحه
حياء : اتفضل يا كابتن النسكافيه بتاعك
مالك ولم ينظرلها: حطيه عندك
حياء: وانا كنت الشغاله بتاعتك
مالك وهو ينظر لها : انتي دايما لسانك مسحوب منك كده
ثم انتبهت حياء لما يفعله مالك
حياء بصوت طفولي : ايه دا انت بتلعب بلايستيشن
مالك وقد ضحك علي تعبيرات وجهها : اها .. انتي شايفه ايه
حياء ببراءه : طيب ممكن العب
مالك:موافق
حياء : بس لو كسبتك عندي شرط
مالك : وانتي واثقه اوي من نفسك كده ليه
حياء: اها واثقه و اووووي كمان ... اقول الشرط بقا
مالك : قولي يا ام العريف
حياء: محتاجه اشتري فستان ضروري انهارده ومعرفش حد هنا
مالك: وانا مالي
حياء بزعل : خلاص مش عاوزه العب ... وكادت تغادرحتي اوقفها
مالك: خلاص متزعليش موافق بس لما تكسبيني الاول
....ثم جلس الاثنين يلعبون...
حياء: انا هلعب بالزمالك... ده العشق يااسطا
مالك:انتي بوابه
حياء:وانت بقا لملوم ؟؟
مالك وهو يضجك:ماشي يا ام لسانين
**بدأو اللعب واستطاعت حياء التغلب عليه **
حياء بفرح: هيييييييه كسبتك
مالك وهوينظرلها بهيام :حد قالك انك عسل قبل كده
حياء وهي غير مستوعبه لما قاله : نعم؟؟
مالك وقد ادرك ما قاله: بقولك كنتي عايزه تروحي فين
حياء: كنت عاوزه اشتري فستان
..مالك : طب انا هروح استأذن ماما هاله عقبال ما تجهزي
حياء : اوك
**علي النقيض الاخر..في شركه عبد العزيز فهمي**
"يجلس احمد يتابع عمله وداخله غضب كامن من تلك الفتاه وكيف لها ان ترفضه رغم عشق الفتيات له"
احمد في نفسه: طيب ودي اتعامل معاها ازاي؟!.. البنت دي صعب حد يوقعها،، دي نوع جديد من البنات اول مره اقابله... بس مش هسيبها،،لازم تبقي زي باقي البنات بالنسبالي وساعتها هرميها في ركن المهملات لانها ساعتها هتكون سهله في ايدي😈
"احمد وهو يفكر ،،اذ بالسكرتيره تدخل(ليلي)"
السكرتيره بدلع:صباح الخير يا فندم
احمد بخبث: صباح الورد يا ورد
السكرتيره:انا جهزت كل الورق لحضرتك مش واقف غير الامضاء
"السكرتيره وهي تقترب منه"
ليلي : امضي هنا يا فندم
احمد :تمام يا عسل
ليلي تدعي الحزن: بس انا زعلانه اوي يا فندم
احمد: ليه بس؟!... في قمر بيزعل
ليلي: اه حضرتك السكرتيره الخاصه ..اللي جت من فرع القاهره... بتعاملني بطريقه مش كويسه.. واسلوبها شوارعي اوي
احمد بتركيز: تقصدي حياء؟!
ليلي: اه هي الزفته دي
احمد: لا كله الا زعلك يا جميل... حياء حسابها تقل معايا... وانا علشان اجيبلك حقك يبقي لازم تساعديني
ليلي بخبث وهي تشتهي الانتقام: اساعد حضرتك ازاي؟!
احمد:....
"علي الجانب الاخر ننتقل الي"
**في منزل تسنيم**
كانت مي جالسه مع تسنيم
مي بحزن:يعني حياء كده مش هتحضر خطوبه منه
تسنيم :ما انتي عارفه بقا علشان شغلها .. وبعدين ما انا هكون معاكي اهو
مي:ربنا يخليكو ليا
..وبينما تتحدث الفتيات يرنهاتف مي
مي : دي منه اختي
تسنيم: طيب شوفيها عايزاكي في ايه
مي: الو يامنه ..مالك ياحبيبتي في ايه
منه : الحقيني يا مي
يتبع...
*******
رايكوا يهمني علشان اكمل القصه؟!الحلقه ال 11°°ابن قلبي°°
منه : الحقيني يا مي
مي : اهدي وفهميني في ايه
منه: اتخانقت مع مصطفي علشان عايز يأجل خطوبتنا
مي : طب وهو عايز يأجلها ليه
منه: علشان صاحبه مسافرومصمم ميعملش الخطوبه غير لما صاحبه يرجع
مي:طب بابا وماما مااعترضوش
منه :لا ماهو اقنعهم ووافقوا
مي: طب اهدي وانا هجيلك على طول
...ثم اغلقت مع اختها وقصت على صديقتها ما حدث وذهبت لبيتها...
***في احد المولات في اسكندريه ***
حياء:ايه رائيك في الفستان ده
مالك:طب ادخلي جربيه
حياء : اوك ثواني
وخرجت حياء مرتديه فستان طويل اسود اللون ذو اكمام طويله وفصوص فضيه ..
مالك ينظر لها بأعجاب شديد ولكنه حاول ان يبدو طبيعيا
حياء وهى فرحه: ايه رائيك
مالك لنفسه : اووويلي شو ها الجمال ..
حياء وهي تشاور بيدها: ياكابتن روحت فين
مالك وقد انتبه لها : وحش جربي غيره
حياء : نعم!! ده وحش
مالك : اها وحش
حياء بتحدي : بس انا عاجبني ده وهاخده
مالك بغضب :قولتلك وحش ومش هتاخديه يبقي تسمعي الكلام
حياء وقد اخافتها نبره صوته : طيب
ثم اختارت حياء فستان اخر
مالك :...بس استني ارجع اجيب حاجه وجاي
**ذهب مالك لبعض الوقت ثم عاد مجددا حاملا شنطه بيده
حياء بفضول:ايه دا يا مالك؟؟؟
مالك:دي حاجه طنط هاله طلبت مني اجيبها
حياء:ماشي
مالك: يلا بقا عشان نتغدي
حياء اها ياريت يا اسطا احسن جعانه اووي ..واحنا مشينا كتير انهارده
مالك وهو يضحك علي طريقتها : ما انتي اللي مش عاجبك حاجه
حياء بغيظ : ما كان عجبني وهاخده البركه في
حضرتك
مالك بتأفف : عايزه تاكلي ايه
حياء ببراءه: بيتزا
ثم جلس الاثنين يتناولون الطعام ... ولكن مالك كان في عالم اخر
كان ينظر الي حياء وهي تتناول طعامها كالاطفال ويبتسم
حياء : مالك يا كابتن مبتاكلش ليه
مالك لم يرد عليها لانه كان سارح في النظر الي ملامحها
حياء وهي تصرخ : يااااااا كابتن
مالك لنفسه (قفلتيني يا شيخه ..ماكانت ساكته وهاديه هي بتتحول ولا ايه )..ثم وجها حديثه لها: ايه... عايزه ايه يا زفته
حياء:يلا خلص اكل علشان نروح
.....ثم ذهبوا الي البيت......
مالك:يااااا اخيرا روحنا.....صوابع رجلي ورمت
حياء:احم..معلش يسطي تعبتك معايا
مالك وهوينظر لها بحنو:لا ولا يهمك
**ثم جاءت السيده هاله**
هاله:اهلا يا ولاد ...اخرتوا اوي
مالك:هي كان عاجبها حاجه خالص
حياء:بصي يا طنط ...ايه رايك؟؟
هاله:جميل اوي يا بنتي وهيبقي عليكي اجمل
حياء بخجل:تسلميلي ياطنط
**حل المساء واستعدت حياء للذهاب وكانت تبدو في اجمل صورها**
حياء:طنط انا خارجه
هاله:ماشي يا حبيبيتي متتاخريش
***ثم خرج مالك من غرفتها ووجدها تتحدث مع السيده هاله...كان الفضول يتملكه واراد ان يسالها الي اين تذهب..ولكنه اثر الصمت وفي داخله كثير من الفضول ..وكانت لديه الرغبه في ايقافها ومعرفه الي اين تتوجه...ولكنه قرر ان يدلف الي غرفته مره اخري****
********
***في الفندق ***
**كانت حياء تجلس مع احمد والوفد الالماني...كان احمد منشغلا في اتمام كافه الصفقات المطلوبه والتوقيعات...وبعد مرور ثلاث ساعات...تم الاتفاق علي العقد مع اول وفد الماني**
احمد بعد مغادره الوفد:كدا تمام اوووي...وكل حاجه تمت زي ما احنا عاوزين
حياء:الحمدلله...طيب استاذن انا بقا
احمد: علي فين يا انسه حياء...انا هوصلك لبيت خالتك
حياء وهي تنهي المناقشه:لا شكرا انا هاخد تاكسي...ولم تعطه فرصه وانصرفت
***ظلت حياء تنتظر لفتره من الوقت ولكنها لم تجد تاكسي **
....احمد وقد وقف امامها بالسياره ***
احمد:قولتلك مش هتلاقي تاكسي
حياء بتأفف: طيب
احمد وهو يفتح لها باب السياره لتجلس بجانبه
حياء : لا عندك انا هركب ورا
احمد :المره اللي فاتت وافقت تركبي ورا بمزاجي المرادي هتركبي جنبي والا شوفي مين اللي هيوصلك دلوقتي
حياء وهي مضطره جلست بجانبه
....ثم انطلق احمد بالسياره ...
احمد وقد رن هاتفه
احمد :الو يادرش...طيب اجلتها ليه
..وبينما يتحدث في الهاتف يحاول الامساك بيد حياء
ثم فهمت حياء انها محاوله منه للاقتراب منها وخطرت لها فكره ...
ومين قالك اني مش هحضر خطوبتك ...
.خليها في ميعادها وانا هحاول اخلص شغلي بدري واكون عندك.... ثم قامت حياء بوخزه في يده بدبوس من طرحتها
احمد وقد صرخ .. لايا درش مفيش حاجه سلام دلوقتي
احمد : يابنت المجنونه .. ايه اللي عملتيه ده
حياء ببسمه انتصار :عشان تخلي ايدك عندك بعد كده
حياء : بس اقف هنا وصلت ... ثم نزلت من السياره واغلقت الباب بشده
احمد : بقا هي دي شكرا
...وكان مالك يتابعها من شرفه حجرته واشتعل وجهه غضبا عندما راها تنزل من سياره مع شاب في هذا الوقت المتاخر ...
ثم ذهب ليفتح لها الباب
وقبل ان تفتح هي الباب وجدته قد سبقها في فتحه فكادت ان تصطدم به ..
حياء :خضتني
مالك:مين اللي كنتي راكبه معاه دا
حياء :دا ...وقبل ان تكمل كلامها قال لها بغضب: انتي هنا امانه في البيت دا فياريت تتحكمي في سلوكك شويه وتحترمي الاشخاص اللي في البيت
حياء وكادت ان تبكي امامه :انت ازاي تكلمني كده انا معملتش حاجه غلط ..اللي كنت راكبه معاه ده يبقي ..
وقبل ان تكمل قاطعها مره اخري قائلا : ميهمنيش انتي كنتي مع مين المهم اللي حصل دا ميتكررش تاني علي الاقل لغايه ما تمشي من هنا
..ثم ذهبت حياء الي غرفتها وهي تبكي ...
حياء لنفسها وهي تبكي: هو بيكلمني كدا ليه ..وبعدين انا كنت لسه هفهمه مين دا وايه اللي خلاني اركب معاه .. انتي بتعملي ايه وانتي تبرري ليه اصلا هو ملهوش حق يدخل في حياتي .. بس انا ليه بضعف قدامه بحس ان معاه ببقا مغيبه وبسمع كلامه في كل حاجه حتي لما معجبوش الفستان سمعت كلامه وبدلته وكنت مبسوطه من جوايا مع ان الفستان عجبني ..طيب انا بعيط ليه دلوقتي ليه زعلانه انه فكر فيا كده وانا عمر ما همني رائي الناس ..ونامت من كثره البكاء
......في غرفه مالك...
مالك لنفسه : ايه اللي انا عملته ده هو انا زعقتلها ليه ... بس هي ازاي اصلا تركب مع واحد في الوقت ده وهي كان فين لغايه دلوقتي ..وانا مالي بيها انا ليه مهتم بيها كده ...بس كل اما ابصلها بحس بحاجه تشدني ليها بحس فيها دايما براءه الاطفال في كل تصرفاتها حتي نظره عنيها .. هو انا حبيتها الهبله ديه ولا ايه بس انا زعقتلها جامد وهي شكلها بتعيط دلوقتي ..خلاص انا اول ما اصحي بكرا هعتذرلها .
..ثم قام وامسك بالشنطه التي احضرها من المول مع حياء واخذ يتذكر ماحدث عندما ترك حياء في المول.......مالك للبائعه :لو سمحت كان في فستان اسود الانسه اللي معايا جربته
البائعه :ثواني يا فندم اجيبه لحضرتك ....واشتري الفستان الذي اعجب به عندما راي حياء ترتديه ..ثم وضعه في دولابه وابتسم ونام
**** في صباح اليوم التالي ****
مالك :صباح الخير يا ماما
هاله :صباح النور يا حبيبي..يلا تعالي جهزت الفطار
مالك : امال حياء مش هتفطر معانا
هاله :لا دي نزلت من بدري راحت شغلها
مالك بخيبه امل وهو يحدث نفسه : انا كنت عايز اعتذرلها خلاص هستني لما تيجي بقا
ثم دخل غرفته ليلعب البلايستيشن
واثاء ذلك رن هاتف مالك
مالك : ايوه ياحازم
حازم : انا خلعت من بابا تعالي نتغدا سوا
مالك: ياريت احسن مليت من قاعده البيت
حازم :اوك مستنيك في مطعم....
ثم انطلق مالك الي المطعم ووجد صديقه يجلس فذهب اليه
وفي نفس المكان كان هناك اجتماع وتوجد فيه حياء لكنها كانت جالسه منتظره قدوم الوفد
فرأها مالك وابتسم وادرك انها فرصه مناسبه ليعتذر لها ...ثم توجه اليها لكن قبل ان يصل اليها وقف متسمرا في مكانه عندما وجد....
يتبع
*****
الحلقه ال12°°ابن قلبي°°
"كانت حياء تجلس في المطعم بمفردها في انتظار قدوم ثاني وفد الماني،،لقد سئمت الانتظار،،واثناء جلوسها قدم اليها شاب"
الشاب: الجميل قاعد لوحده ليه!!!
حياء:وانت مالك يا بني ادم،،قوم يلا من هنا
الشاب:اللي مستنياه مش هييجي،، كنسليله ونقضي اليوم سوا
حياء بنرفز : لا بقا دا انت زباله ومش هينفع معاك غير الصندل اللي ف رجلي دا وهو بكعب وهفتح دماغك
"ثم قامت حياء بزاله حذائها من قدمها"
" في تلك الاثناء دخل مالك من باب المطعم لمقابله صديقه... ولكنه صدم برؤيتها هكذا"
"مالك وهو يهرول ناحيه الشاب"
مالك بغضب شديد: حياء مالك،، عملك ايه دا،،ثم هرع الي الشاب واحكم قبضته حول ياقه قميصه"
مالك:مالك وماله يلا
الشاب:وانت مالك،،عجباني وبتكلم معاها
مالك وهو يكور قبضه يده،،ثم لكم الشاب في وجهه حتي نزف دما،، ثم قام الشاب برد اللكمات لمالك،،واستمرت تلك المعركه لفتره،،وتجمهر الناس حولهما،،واخذت حياء تصرخ في محاوله لفك الاشتباك
حياء: انت واقفين تتفرجوا علي ايه،،حد يبعدهم عن بعض،،مااااالك ... خلاص سيبه هيموت في ايدك
"استمرت تلك المعركه لفتره من الوقت حتي جاء صاحب المطعم وقام بفض الاشتباك،،وقام باستدعاء الشرطه"
"في تلك الاثناء كان يقف مالك بصحبه صديقه الذي قدم لحظه فك الاشتباك"
حازم بخضه:مالك ،،ايه حصل ،،اهدي
مالك:مفيش حاجه،،الكلب دا هعلمه الادب ،،لو مخدهوش من ايدي كنت قتلته،، اتفوووو ع اشكال زي دي
حازم:طيب استهدي بالله واقعد هنا
"كانت حياء واقفه بعيدا عن مالك،،مازالت غير مستوعبه لما حدث،،ثم هدأت قليلا وذهبت اليه"
حياء بخضه:مالك انت كويس؟!،، اتعورت جامد،،فيك حاجه!!!
مالك بغضب :لا كويس مفيش حاجه،،وبعدين هو انا مش قايلك متخرجيش لوحدك في مكان متعرفيهوش بتعملي ايه هنا!!!!
حياء:انت فيك نفس للخناق،،وبعدين دا مش الوقت ولا المكان المناسب
"واثناء حديثهما جاءت الشرطه،،واخذت اقوال الشهود...وقاموا باخذ الشاب معهم...بسبب الشهاده ضده" ،،وبعد ذهاب الشرطه والانتهاء من كافه الاجراءات
مالك موجهها كلامه لحياء:يلا قدامي علي البيت
حياء باستغراب: مالك انا عندي شغل هنا مش جايه اتفسح،،وانت مش وصي عليا ،،وانا استحملت تحكماتك كتير ..علشان في بيت واحد ومش عاوزه ازعل طنط هاله باني اقعد ف مكان لوحدي
مالك مستفهما:شغل ايه دا؟!
حياء بنرفزها:انا بشتغل سكرتيره خاصه لشركه كبيره ،،وفي وفد جاي حالا علشان نتمم الصفقات بينا وانا منتظراهم
مالك متفهما لما تقول وبنبره تحمل كثيرا من الاسف:حياء،،ثم نظر لها بحب قائلا: انا بجد اسف،،بس انتي مقولتيليش انك جايه هنا للشغل
حياء بحده: هو انت اديتني فرصه اتكلم يا كابتن،،وبعدين بطل تفكرفي الناس من غير ما تعرف اسبابهم
مالك بندم:طيب هستناكي هنا وتخلصي ونمشي
حياء:مش هينفع انت مش شايف منظرك،،روح البيت وغير هدومك دي،،وشكرا لوقوفك جنبي
مالك ولم يجادلها لشعوره بالاعياء:ماشي بس،،احم بعد اذنك يعني متتاخريش ولو هتتاخري،،كلميني اجي اخدك
حياء:شكرا ،،انا هعرف ارجع
"تقدم مالك الي المنزل ويشعر بالاعياء وبدي ذلك علي قسمات وجهه"
مالك لنفسه في الطريق:انا ايه اللي خلاني اسيبها وامشي ،،كان لازم استني اجيبها معايا حتي لو هراقبها من بعيد بس مبقاش قلقان كدا،،ثم تابع قائلا:ايه اللي حصلك دا يا مالك،،ليه بتخاف عليها كدا،،شكلك حبيتها...لالالالا حبيتها ازاي بس!!!،، اه حبيتها حبيت براءتها ..شبه الاطفال وحبيت صراحتها وتلقائيتها...حتي لسانها وهي بلطجيه...هي فعلا جميله بكل حالاتها...يارب ريح قلبي بقا"
*******
*علي الناحيه الاخري*
"كانت تجلس حياء في انتظار قدوم احمد مع الوفد"
حياء وهي تحدث نفسها:هو ليه عمل كدا؟!،،مش قادره افسر تصرفاته معايا،،بس عادي اي شخص شهم هيعمل كدا... طيب ويوم ما رحت اشتري الفستان...وليه خايف عليا للدرجادي ..ماهو كان ممكن ينهي الخناقه دي بانه يبعد الشاب عني وخلاص..طيب وليه عاوز يستناني لما ارجع معاه...وليه بكون ضعيفه قصاده وبسمع كل كلمه بيقولها..ووووو... خلاااااااااااص هنفجر من التفكير....كفايه يا حياء انتي حبيتيه ولا ايه...انتي مبتعترفيش بالحب اصلا"
"ثم قررت حياء انهاء هذا التفكير القاتل،،وفي تلك اللحظه جاء احمد "
احمد:يا انسه حيااااااااء،، حياء
حياء:ها ،،ايوه يا فندم
احمد :ايوه يا فندم ايه بس،،اديلي اكتر من عشر دقايق بنادي عليكي
حياء:اسفه بس عندي صداع
"ثم جلس احمد وحياء مع الوفد وبدأو في الاتفاق علي الصفقات المتداوله بينهم"
**********
علي الناحيه الاخري
*في السعوديه حيث يقيم والدي حياء واخواتها*
الام(هدي):انا قلقانه اوي علي حياء ياحج والمشكله ان خالتها هترجع الاسبوع الجاي يعني قبلنا باسبوع،،وهي لسه قاعده مع الست هاله
الوالد(عبد السلام):ما انا قلت بلاش منه الشغل دا
الام:بنتك وعارفها طموحتها اهم حاجه عندها واحنا منقدرش نقف قدام احلامها
الاب:ابقي كلمي اختك وخليها تبدر سفرها لاسكندريه
الام:ربنا يسهل
***********
*في بيت السيده هاله*
"دخل مالك البيت وكانت ثيابه ممزقه بعض الشيء وعلي وجهه اثار الدم ،،في حاله لا يرثي لها"
هاله وهي تنظر اليه ثم شهقت:مالك...ايه يا بني اللي حصلك
مالك:مفيش يا ماما ،،الميكروباص اللي كنت راكبه اتقلب بينا،،بس كل الناس بخير
هاله:خير يارب،،الحمد لله يابني ..ربنا ما يوريني فيك شر،،طيب ادخل غير هدومك وهجهزلك الاكل واجيبهولك
مالك:لا يا ماما مش جعان ،،انا محتاج انام
هاله بحزن:طيب يابني روح ارتاح،،ربنا يحميك
"دلف مالك الي غرفته وحاول ان ينام لكنه لم يستطع لقد ارهقه التفكير كثيرا،،فقرر ان يقوم بممارسته موهبته ..الاكثر احترافا بها"
"قام مالك باحضار ادوات الرسم ،،ثم شرع في الرسم،،لم يكن يدري ماذا يرسم ولكنه اخذ يلون ويرسم دون النظر او التخطيط الي ما يفعله...واخذ يردد كلمات شعر يحبها كثير..فمالك متعدد المواهب وخاصه في كتابه الشعر"
"وبعد مرور فتره من الوقت ليست بقليله....نظر مالك الي رسمته.. فوجدها فتاه ذات شعرا اسود متناثرا وترتدي بيجامه ورديه اللون...لم يفهم مالك من هذه الفتاه الذي رسمها دون وعي منه،،ولكنه اخد يدقق في ملامحها ويبرز معالم وجهها بفرشاته ...حتي تبينت له"
"نعم هي انها هي ،،، حيااااء"
مالك وهو في صدمته:حياء،، بس ازاي رسمتها انا عمري ما شفتها من غير حجاب قدرت ارسمها ازاي،،ثم برر لنفسه قائلا:اكيد دي رسمه من مخيلتي
"وبعد فتره من الوقت قام بتغطيه رسمته ووضعها في دولابه الخاص ثم غط في ثبات عميق"
******
"في المطعم"
"انتهت حياء من اللقاء مع الوفد واستعدت للرحيل عقب توديع الوفد "
"حياء وهي تذهب"
حياء:استأذن انا بقا
احمد:هو احنا هنقضيها شغل ،،ما تقعدي نتعشي مع بعض
حياء: بص انا مش فايقه للجدال الفاشل دا ،،مع السلامه
احمد:حياء،، استني هنا
حياء وهي تلوح بيدها:بني ادم مبيفهمش ثم ذهبت للبيت
"دخلت حياء البيت بعد ان فتحت الباب بالنسخه الخاصه بها"
"وما ان دلفت الي المنزل حتي رأت اضواء البيت كلها منطفأ"
"ارادت حياء ان تطمأن علي مالك بشده،،ولكن كبريائها يمنعها من ذلك... وقبل ان تدلف الي غرفتها،،دلفت الي غرفه الست هاله فوجدتها تصلي... انتظرتها حياء حتي انتهت"
حياء بحب:حرما يا طنط
هاله:جمعا ان شاء الله
هاله:يلا يا حبيبتي غيري هدومك وانا هسخن الاكل،،بس قبلها اطمن علي مالك،،علشان عمل حادثه النهاردا
حياء بفزع واستغراب:حادثه؟؟؟؟
"ولكنها ادركت ان مالك لم يخبر الست هاله بتلك الخناقه حتي لا تقلق عليها"
حياء تستعجلها: اه ياريت يا طنط اطمني عليه،،وانا هغير هدومي حالا واحضر الاكل وناكل كلنا سوا
هاله:ماشي يا قلبي
"انطلقت هاله الي غرفه مالك..ثم طرقه الباب لبعض اللحظات ولكنه لم يجب..ثم دلفت الي غرفته قائله"
هاله:مالك..قوم يابني علشان حياء جت وهناكل كلنا سوا
"ثم قامت برفع الغطاء قليلا عن وجهه"
"ثم فجاءه اخذت تصرخ".....
يتبع
تكملة الرواية من هناااااااا
الفصل التاسع والعاشر والحادى عشر والثاني عشر بقلم علياء كامله رواية ابن قلبى ( الجزء الاول)الفصل التاسع والع…){kind=link}
تعليقات
إرسال تعليق