رواية ابن قلبى ( الجزء الاول)الفصل الثالث عشر والرابع عشر والخامس عشر والسادس عشر بقلم علياء كامله
رواية ابن قلبى ( الجزء الاول)الفصل الثالث عشر والرابع عشر والخامس عشر والسادس عشر بقلم علياء كامله
الحلقه ال13°14 15 16°ابن قلبي°°
"داخل غرفه مالك... دخلت هاله الغرفه لتوقظ مالك،،لكي يتناول العشاء معها هي وحياء"
هاله:مالك،،حبيبي ،،قومي يلا علشان نتعشي
"هاله وهي ترفع الغطأ عنه...ولكنه لم يجب عليها ،،اخذت توقظه وتهزه ولكنه لم يستجب،،ثم وضعت يدها علي راسه،،وجدتها تشتعل نارا"
صرخت هاله قائله: يا نهار اسود،،مالك اصحي،،يا حيااااااااء الحقيني
حياء وهي تهرول الي غرفه مالك:في ايه يا طنط،،ماله مالك
هاله وهي تبكي:مالك مش بيرد عليا خالص،،ووشه ازرق ومولع نار
حياء وكاد قلبها ان يقف،،ثم اقتربت منه :مالك،،مالك!!!.... رد ،،رد بقا ... واخذت تهزه بكل ما اوتيت من قوه....في تلك اللحظه كاد عقلها ان يجن وقلبها نبضاته اضطربت واخذت تبكي بهستيريا..ثم هرولت سريعا الي التليفون وطلبت الطبيب الخاص بالسيده هاله"
حياء ببكاء:الو ،،حضرتك دكتور وائل
الطبيب:ايوه انا مش دا رقم مدام هاله!!!... هي جرالها حاجه
حياء ببكاء:لو سمحت يا دكتور تعالي بسرعه ابنها تعب اوي ومش بيرد علينا
الطبيب:تمام مسافه السكه وهكون عندك
**********
"بعد مرور بعض الوقت ولم تستقر حياء في مكانها اخذت تمشي ذهابا وايابا كالمجنونه في انتظار وصول الطبيب... وما هي الا دقائق حتي جاء الطبيب"....فتحت له حياء الباب..بل بالاحري كانت تنتظره علي مقدمه الباب
الطبيب:خير يا انسه فين مدام هاله
حياء:تعالي يا دكتور ادخل بسرعه بالله عليك
" دخل الطبيب الي غرفه مالك ثم بدا بفحصه وعقب انتهائه،،اشار قائلا:هو اتعرض لضربه قويه في منتصف راسه والسخونه دي ناتجه عن برد شديد في عضمه ولو كنتوا استنيتوا تاني ،،كان راح ف غيبوبه،،هو دلوقتي فاقد للوعي مؤقتا،،كام ساعه ان شاء الله وهيفوق
"ثم كتب روشته بها جميع الادويه المطلوبه،،فاخذتها منه حياء وشكرته ،،ثم رحل"
"وما ان غادر الطبيب المنزل،،حتي القت حياء بجسدها علي اقرب اريكه واخذت تبكي بشده،،مردده :انا السبب،،يارب يقوم بقا ،،عاوزه اسمع صوته
" ثم دلفت مره اخري الي غرفته وجاءت بكرسيا وجلست بجانبه"
"قامت بعمل كمادات له كي تنخفض حرارته وبالفعل نجحت في ذلك،،ثم استاذنت السيده هاله،،لكي تذهب لتحضر له الادويه...ثم ذهبت وما هي الا دقائق حتي عادت مجددا...فوجدت السيده هاله ،،مستنده براسها علي مسند الكرسي ويبدو عليها النعس بشده"
حياء بارهاق:طنط قومي ريحي وانا هفضل جنبه
هاله:لا يا بنتي انا هفضل روحي نامي انتي
حياء:انا مش هتحرك من هنا غير لما يحصل ومتخافيش هخلي بالي منه واعمله الكمادات
"وبعد ان اقنعت السيده هاله،،ذهبت لتنام،،ثم جلست حياء علي الكرسي بجانبه"
"اخذت تتامله حياء... وتتمني لو يفيق حتي لو قسي عليها بالكلمات ،،لقد اشتاقت لخناقه ،،انها حقا قلقه علي فقده،،تلك الفكره لن يستوعبها عقلها
" وبعد مرور ساعتين غطت حياء في ثبات عميق من شده الارهاق"
"في تمام الساعه ال7صباحا،،افاق مالك من نومه بل بالاحري غيبوبته القصيره،،فوجدها بجانبه...كاد قلبه ان يقفز من بين ضلوعه حتي يستطع ضمها،،وازاله هذا الارق من عينيها وطمأنتها..اخذ يتاملها لوقت ليس بقليل،،هو يحب ملامحها،،وتلك البراءه التي تطغي علي كل قسمات وجهها...
" واثناء تأمله لها ،،استيقظت هي،،غير مستوعبه لما تري"
حياء بزهول يخالطه الفرحه:مالك ،،انت صحيت بجد والنبي
مالك:انتي شايفه ايه
حياء:لا مش مصدقه ،،طب احلف كدا طاه،،
مالك وكاد ينفجر من الضحك:ههههههههههه اقسم بالله هبله
"حياء وقد بدأت تستعيد تركيزها وثباتها:اه سوري الف سلامه عليك ،،بجد كنت هموت من الخضه عليك
مالك:بجد والنبي
حياء:احم اق ق قصد كلنا ،،انا وماما هاله يعني كنا خايفين اوي عليك
مالك وهو يكتم ضحكته:امممم ،،الحمدلله بقيت كويس اوي اهو
"ثم استيقظت السيده هاله ودلفت الي غرفه مالك ووجدته مستيقظا"
هاله بفرح:مالك حبيبي،،حمدلله علي سلامتك،،خضتنا عليك يابني
مالك بحنو:انا بخير يا امي،،تسلميلي
هاله:بالمناسبه الحلوه دي،،هروح اعملكوا احلي فطار
"ضحك ثلاثتهم في مرح ثم ذهبت السيده هاله الي المطبخ"
حياء:طيب كدا اتطمنا عليك،،هروح انام انا بقا
مالك:اسف لو تعبتك معايا
حياء بمرح:ولا يهمك يسطي،،عد انت الجمايل بقا؟! ها ها!!!
مالك وهو يضحك:هههههههههه ،،ماشي يا مجنونه
"دلفت حياء الي المطبخ ،،لتخبر السيده هاله بذهابه الي غرفتها لانها بحاجه شديده الي النوم،،ولم تمانع السيده هاله،،لمعرفتها بسهرها بجانب مالك
" ثم دلفت حياء الي غرفتها"
********
في مكان اخر ننتقل الي بيت مي*
منه اخت مي:يعني خلاص هتأجلوا
مصطفي خطيبها:معلش يا منه،،دا صاحب عمري والفرحه مش هتكمل يا جميل
منه بزعل:طيب ومش زعلان ع زعلي انا
مصطفي:انتي غير اي حد،،انتي ست البنات،،وزعلك من زعلي ،،بس ترضي ان فرحتي متكونش كامله
منه:لا مرضاهاش
مصطفي:خلاص يبقي متزعليش بقا يا جميلتي
"ثم دلفت مي الي الغرفه ووضعت اكواب العصير"
مي:منه العصير اهو،،اشربي الكوبايتين ،،مفيش حاجه للاخ دا،،علشان اجيب الفستان واركنه،،ليييييه انت عارف دا بكام
مصطفي وهو يضحك:هو احنا فسخنا الخطوبه لمؤاخذه:بقول هأجله 3 اسابيع،،بقولك ايه يا مي ...اطلعي برا لاشعلقك ..وطلاق اختك هيكون ع ايدك
منه بصدمه:طلاق ايه ياخويا،،هو احنا عارفين نتخطب لما نطلق بلا وكسه
"انفجر مصطفي ومي علي اثر كلمات منه...ثم قرر مصطفي الذهاب "
مصطفي:طيب يا بنات اتكل انا بقا علي الله،،وخلي بالك منها يا مي علشان اختك مجنونه ،،ممكن تطلع فوق الكنبه وتنط،،وتنتحر وانا خايف عليهاهههههههههههه
"في شركه عبد العزيز فهمي بالقاهره"
عبد العزيز في الهاتف:تمام اوي يابني،،انا كنت متكل علي ربنا ثم عليك انت وحياء،،كدا تمام اوي اول صفقتين ،،وان شاء الله الاتنين الجايين هيتموا ع خير وترجعوا بالسلامه
احمد:تسلم يا بابا
عبد العزيز:اه صحيح:قولي بقا يا استاذ احمد،،اوعي تكون بتضايق حياء
احمد بقرف:هي اصلا مش قاعده معايا في نفس الفندق
عبد العزيز بدخول:نعم ،،امال فين؟!
احمد:عند خالتها
عبدالعزيز في نفسه:طيب كويس اهي ارتاحت من اساليبك يا زفت,ثم اكمل قائلا له:اه تمام اللي يريحها يابني،،كفايه كفاءتها في الشغل
احمد :طيب يا بابا اشوفك ع خير ف مصر ،،مع السلامه
"ثم اغلق الهاتف مع والده،،وهو يردد... اه يعني انتي دخلتي دماغ بابا،، ودا معناه انه بدأ يثق فيكي،،وهتبقي الكل في الكل عنده،،دا انتي هتشوفي متي ايام سودا
******
" في منزل السيده هاله"
استيقظت حياء من نومها،،توضأت وصلت صلاه العصر...ثم قررت الاتصال علي صديقتها تسنيم"
حياء بحب:الو يا سمسمتي،،وحشتيني اوي
تسنيم:وانتي كمان يا قلبي،،اخبارك ايه وحشتيني اوووووي
حياء وبدا عليها الارهاق:انا بخير الحمدلله
تسنيم:الحمدلله في السراء والضراء،،بس انتي صوتك مش بيوحي بكدا
حياء وهي تتغاضي عن الموضوع:لسه قايمه من النوم
تسنيم:كل دا نوم ،،ارحمي
حياء:ههههههههههه تعبانه من الشغل قلت انام
"واثناء حديثها مع تسنيم،،اخذ هاتفها يرن ،،ثم نظرت في الهاتف لتجد المتصل احمد"... نظرت الي الشاشه باشمئزاز وقررت،،تطنيشه
تسنيم مكمله:اه صحيح مش خطوبه منه اتأجلت
حياء باستفسار:ليه كدا
تسنيم:مصطفي عاوز صاحبه يحضر معاه الخطوبه وصاحبه راجع بعد 3 اسابيع
حياء بفرح:هييييه بجد،،حلو اوي
تسنيم:اشمعنا
حياء:انا راجعه بعد 3اسابيع بردو
تسنيم بسعاده:الله بقا،،وهنشتري الفساتين سوا ،،اخيرا هحضنك
حياء بضحك:مجنونه
تسنيم بتساؤل:والله يا بنتي ،،انتي ما طبيعيه،،بالله عليكي احكيلي ايه اللي مخبياه عني
حياء بحزن وهي تتذكر:مالك
تسنيم مستفهمه:مالك!!!،مين...الولد الفلسطيني اللي قاعد معاكي
حياء:اه هو
تسنيم:ماله؟!
حياء مكمله وهي تسرد ما بداخله لكي ترتاح:امبارح اتخانق مع ولد علشاني،،وضربوا بعض،،وبسببي كان هيروح في غيبوبه وتعب اوي،،كنت هتجنن عليه يا تسنيم،،متعرفيش قلبي كان هيقف لو حصله حاجه
تسنيم مكمله:حبيتيه؟!!!
حياء بتردد:م م مش عارفه،،بس قلبي بيدق لما بشوفه،،بكون ضعيفه اوي في وجوده،،حتي العند اللي ماليني...مش بلاقيله وجود معاه،،بس كلامه بدون نقاش،،تفتكري اكون حبيته!!!
تسنيم: افتكر ،،بصي لنفسك ف المرايه وانتي بتتكلمي عنه يامشمشتي
حياء بحزن:خلاص اقفلي ع الموضوع''انا اكيد حاسه بالذنب ناحيته وبس
"انتهت المكالمه بين الفتيات،،ثم اعاده حياء الاتصال باحمد لتخبره ،،بعدم قدومها اليوم،،لشده تعبها"
حياء:الو
احمد بغضب:انتي فين كل دا مش عندك ورق عاوز يتراجع
حياء بملل:اتصلت بحضرتك لاني فعلا تعبانه ومش قادره اجي
احمد:انتي بقيتي بتدلعي،،دا اخر تحذير ليكي
حياء ببرود:اوك
"ثم اغلقت الهاتف دون ان تسمع رده"
"بعد مرور ما يقرب من ربع الساعه،،وحياء مستلقيه علي سريرها تفكر به،،طرقت هاله الباب،،فسمحت لها حياء بالدخول
حياء:ادخلي يا طنط
هاله:معلش يا بنتي ازعجتك بس صاحبتي عوزاني ضروري عندها،،ومضطره انزل،،وقلبي واكلني ع مالك،،بالله عليكي خلي بالك منه
حياء:حاضر يا طنط ،،متقلقيش انا جنبه
" شكرتها السيده هاله ثم ذهبت الي صديقتها...ثم خرجت حياء الي اوضه الصالون،،لتقوم بسماع التلفاز،،ثم سمعت ضجه في غرفه مالك..توجهت الي باب الغرفه وطرقت الباب،،فسمح لها بالدخول"
حياء:مالك ،،انت قايم من السريرليه؟!... وبتعمل ايه
مالك:برسم
حياء باعجاب شديد:واو تحفه المنظر الطبيعي دا،،اول مره اعرف انك بتعرف ترسم
مالك بغرور:ارسم بس،،يا ماما انا بكتب شعر كمان،،انا متعدد المواهب ،،ثم امسك بياقه بيجامته في غرور
"اخذت حياء تضحك علي اسلوبه،،ثم اكملت قائله:مالك انا جعانه انت مش جعان
مالك:لا جعان،،بس هو انتي بتعرفي تعملي اكل
حياء:طبعاااااا امال فاكر ان انت بس اللي عندك مواهب،،ثم تكلمت بنفس طريقته،،مما اثار ضحكته الشديده،،فابتسمت حياء علي تلك الضحكه،،التي تراها لاول مره وتعشقها منه
" انطلقت حياء الي المطبخ ثم قررت انت تقوم بعمل عشا شهي كي يعجب مالك
"وبعد مرور الوقت حياء وهي نتهي من اعداد الطعام،،رأت فأرا،،اخذت حياء تصرخ بشده
مما اثار فزع مالك،،ظنا منه انه قد اصابها مكروه،،فهرول اليها،،وجدها واقفه علي الاريكه وتصرخ بشده،،وما ان رأته هي حتي صاحت:
حياء:ماااااالك ،،الحقني عاااااااا
مالك بخضه:في ايه مالك
حياء وهي تجري ناحيته،،وتختبيء وراء ظهره ،،قائله:فأر،،فار اسود وكبير وعنده شنبات ،،تحت الكنبه،،عاااااا،،ثم نظرت حياء اسفل الاريكه فرات الفأر،،فاخذت تصرخ:اهو يا مالك عااااااااا اهو،،اقتله ،،موته،،متسيبهوش عااااااا
مالك وهو يضع يده علي اذنه: خلاااص اقسم بالله خلاص،،هو زمانه مات مطروش ،،يا شيخه،،ارحمي امي
استطاع مالك ان يقتل الفأر
" حياء بامتنان:شكرا يا مالك مش عارفه من غيرك كان ممكن يعمل فيا ايه!!!
مالك مستفهما :الفأر؟!!،،هيعملك ايه يعني
حياء:هيعضني
مالك وهو يضحك بهستيريا ،،هيعضك هههههههه،،ثم قال مالك وهو يصرخ ،،الحقي فأر تاني يا حياء وراكي،،فاخذت تصرخ مره اخري وما هي الا ثواني حتي امسكت يده،،وظلت تهتف ،،موته،،ومالك يضحك ضحك هيستيري
"ثم ادركت حياء انها تمسك يده،،فقامت بسحبها مباشره"
قائله:اقسم بالله مقصدش،،
انت اللي خضيتني وخليتني اعمل كدا،،لكن انا مستحيل اعمل كدا،،انا مش من البنات د....
مالك مقاطعه:بس بسسسسسسس،،500كلمه في الثانيه والواحده،،خلاص مصدقك ياشيخه ارحميني
حياء :احم طيب خلاص سوري
"ثم قال لها مالك بقولك ايه يا حياء ،،ايه رايك......
يتبعالحلقه ال14°°ابن قلبي°°
"استطاع مالك قتل الفأر،،وبعد انتهائه نظر لحياء في تفكير،،قائلا:بقولك ايه ياحياء!!!،،صحيح انتي كنتي عملالنا اكل ايه بقا؟!
حياء بغرور:دي كانت مفاجأه يابني،،تعالي شوف طبخي بقا بنفسك
" دلف كلاهما الي المطبخ،،ثم قام مالك باكتشاف ما قامت حياء بطبخه كما تدعي...ولكنه صدم عندما رأي اواني الطعام"
مالك بصدمه:ايه دا يا حياء!!!!
حياء بغرور يصاحبه مرح:دا اندومي،،هتاكل صوابعك وراه🙈
مالك وهو ينظر لها ببلاهه:اه ،،يعني هو دا الطبيخ!!!،،اه ياني يما،،صبرني يارب علي هذا الابتلاء
حياء بحزن:هو انت كنت لسه دوقته علشان ،،تزعل
مالك:بصي يا حياء،،انا من رأي نخرج ناكل برا والا هنموت من الجوع هنا
حياء بفرح:بجد والنبي يا كابتن
مالك بحب:بجد ياروح الكابتن
حياء ببلاهه:ها
مالك مغيرا للموضوع:انتي لسه ملبستيش،،خلاص رجعت ف كلامي
حياء وهي تسرع ناحيه الغرفه:لا انا لبست اهو،،ربعايه وراجعه
"مالك وهو يتجه الي غرفته ويضحك علي طريقتها قائلا:تمام،،اروح اتصل بماما هاله،،واستاذنها ،،ان حياء هتخرج معايا....توجه الي غرفته واخبر السيده هاله ووافقت علي الفور،،واخبرته انها سوف تتاخر عند صديقتها"
"استعد مالك للذهاب وخرج الي الصالون مناديا"
يا انسه حياء هي دي الربعايه!!!
حياء وهي تخرج من غرفتها:ايون ايون ،،خلصت اهو
"انطلقا الاثنان الي خارجه المنزل،،ثم اخذها مالك وتوجههوا الي مطعم يعرفه مالك جيدا "
**********
"في غرفه احمد بالاوتيل "... انتهي احمد من عمله واستعد للخروج مع سكرتيرته"
احمد في الهاتف:ايون ،،عشر دقايق واكون قدام الاوتيل ،،ياريت متتأخريش
ليلي:حاضر يا بيبي،،بس هتوديني فين
احمد بنفاذ صبر:لما تيجي هقولك
ليلي بدلع:اوك ،،حالا واكون عندك
"اغلق احمد الهاتف مع السكرتيره قائلا:
ابتديت ازهق من البت دي،،بس هي اللي هتوصلني للي انا عاوزه..ثم ضحك بخبث قائلا...هما قرشين للبت دي،،وهتجيبلي حياء لحد عندي ،،اصل النوعيات دي تموت علي الفلوس،،بيكونوا رخاص اوي
"ثم انتهي من حديثه،،ونزل الي خارج الاوتيل وما هي الا ثواني حتي اتت ليلي"
ليلي بدلع وترتدي ثيابا يظهر اكثر مما يخفي وتضع يدها علي عينيه:انا مييييين؟!
احمد وهو ينتزع يديها من علي عينيه:لولتي حبيبتي،،وحشتيني اوي يابيبي
ليلي:وانت كمان،،ثم اكملت وهي تقوم بتعديل الكرافات الخاص به...مقولتليش بقا هتوديني فين
احمد مكملا:لاااااا ،،انتي تركبي معايا وانا هعملك مفاجأه
"ثم ركبا الاثنان السياره وانطلق احمد بها،،الي حيث ما يشاء،،او ما يخطط له"
***********
"في منزل صديقه هاله"
صديقتها(نرمين):ربنا يخليهملك بجد،،ربنا اه مكتبلكيش نصيب انك تجيلي اولاد،،بس عوضك باتنين اهو
هاله مكمله بحزن:ربنا يعلم بحبهم اد ايه،،والايام معاهم احلي من بعضها،،بس كل ما بفتكر انها فتره وهتعدي وهيسيبوني بزعل اوي
نيرمين:هي دي سنه الحياه،،والدنيا مش بتقف علي حد،،وهنا اكيد بيحبوكي زي ما انتي بتبادليهم نفس الشعور واكيد هيسالوا عليكي وهيتواجدوا عندك دايما
هاله:ياريت،،ربنا يسعدهم يارب
نيرمين متابعه:يارب
***********
"ننتقل الي محافظه المنصوره حيث تقيم خاله حياء(ياسمين) في بيت عائلا زوجها لفتره"
ياسمين في الهاتف:ما انتي عارفه يا هدي،،والله غصب عني،،وان شاء الله في خلال اسبوع هكون رجعت اسكندريه،،وبعدين انا مش قلقانه عليها،،دي هاله اكيد شيلاها ف عنيها
هدي:عارفه والله يا ياسمين،،بس علشان ابقي مطمنه اكتر
ياسمين:حاضر يا حبيبتي مش هأخر عن الاسبوع باذن الله،،ثم اكملت،،امال عبد السلام والولاد عاملين ايه!!!
هدي:الحمدلله بخير وهنرجع بعد اسبوعين باذن الله
"ظلا الاختان يتحدثان سويا ثم انهتا المكالمه"
والد حياء:كنتي بتكلمي مين يا هدي
هدي:كنت بكلم ياسمين واكدتلي انها راجعه بعد اسبوع
عبد السلام:تمام علي خير ان شاء الله
******
"في احد شوارع الاسكندريه ،،يجلس مالك مع حياء في مطعم علي البحر"
حياء :الحمدلله بجد كنت جعانه اووووي،،شكرا علي العشا الحلو دا يا كابتن مالك
مالك مكملا:كابتن!!.. دا انتي الكوره واكله دماغك اوي
حياء بضحك:فعلا ،،بعشقها اوي
مالك بخبث:وهي كمان بتعشقك
حياء:اها ،،طايب،،ثم اكملت...تعرف انا عمري ما شوفتش اسكندريه من ساعه ما جيت،،طول الوقت من البيت للشغل والعكس
مالك مكملا:اممممم،،ع فكره انا معنديش مانع ،،افسحك وافرجك علي اليكس كلها لو عاوزه
حياء بمرح:هيييييه،،الله بقا،،وهتوديني مكتبه اسكندريه ومعرض الكتاب وكدا
مالك وهو يضحك علي طريقتها:شكلك مدمنه كتب،ههههههههه،،هوديكي كل حاجه هنا
حياء: تمام موافقه اليوم اللي هيكون مش عليا في شغل ،،نخرج لمكان معين
مالك:موافق جدا،،طيب ايه رايك ناو،،نروح مكتبه الاسكندريه
حياء بسعاده بالغه:ياسلام عليك وانت رايق ،،هيا بنا
"انطلق كلا من حياء ومالك الي المكتبه وفي طريقها وجدت حياء....
حياء بفرح:ايه دا ،،الله ،،غزل بنات...ممكن اروح اجيب منه ،،لحظه وراجعه..ثم انطلقت حياء بسرعه البرق ،،حيث يقف بائع غزل البنات
" مالك مناديا عليها،،طيب استني انا هجيبلك،،رايحه فين بس... يا بنت المجانين،،وربنا هتجننيني معاكي،،ثم انطلق ورائها مسرعا،،ليجدها تقف امام عربه البائع كالاطفال تنتظر دورها
مالك قائلا لها: حقيقي مجنونه،،متجريش قدام العربيات كدا تاني
حياء ببراءه:الراجل كان هيمشي
مالك بضحك،،طيب اقفي هنا ،،استنيني وانا هجيبهولك
"ثم جاء مالك بعد عده دقائق واحضر معه ،،اثنان من غزل البنات،،واعطاهم لها"
حياء مكمله:ايه دا الاتنين ليا،،طيب وانت؟!
مالك :لا يا هانم انا مباكولش الحاجات دي اصلا
حياء بجديه:مالها بقا الحاجات دي ان شاء الله،،طيب امسك بقا حاجتك وانا هجيب لنفسي ،،مش عاوزه منك حاجه،،طالما مش هتجيب معايا
مالك بغيظ مكملا:امسكي حاجتك يا حياء وانجري ورايا
حياء بزعل:ايه انجري دي ،،متكلمنيش كدا ياكابتن،،يلا هات والا مش هاكله
مالك وهو يقلب كفا بكف:يااااارب الصبر من عندك،،هو انا واخد بنت اختي افسحها
"ثم خضع مالك لكلامها واحضر لنفسه واحده،،لم يكن يعلم لماءا وافق علي هذا،،وهو لم يستطع احد ان يجبره علي فعل شىء لا يريده،،لقد تأكد الآن من شعوره الذي ينمو داخله تجاه تلك الفتاه المجنونه،،،لا بل هو المجنون بها"
حياء بفرح:شطور يسطي ،،دا هيعجبك اوي،،وبيلزق ف البوء والايد ،،حاجه كدا واوووو،،تاخد حته من بتاعوتي
مالك بضحك:يلا يا بت من هنا
حياء بمرح هتندم ع فكرع بقا،،ثم اكملت قائله، في حد في الدنيا مبيحبش غزل البنات
مالك مكملا:اديكي قولتي غزل البنات،،يعني للبنات وبس
حياء بنظره من جانب عينيها:لا ع فكره دا لاي حد ،، واوعي تقولي كمان انك مبتحبش السريلاك؟!!!!🙈
مالك وقد جحظت عيناه:نعم يا ختي!!!!!!!،،سريلاااااك!!!!!!
حياء ببرود ضاحك:اه سريلاك دا سو دليشز،،اوعي تقولي دا للاطفال بس،،انا يومي مبيمشيش من غيره
مالك مكملا:هو فعلا للاطفال،،ال انتي منهم يا طفله
حياء:واوعي تقولي كمان انك مش بتحب ال.....
مالك مقاطعا:بسسسسس،،لا مبحبوش ،،وكفايا صدمات فيكي لحد كدا
حياء وهي تنفجر ضحك:هههههههههه،،خلاص سكت اهو🙊
"انطلقا الاثنان الي مكتبه الاسكندريه،،وعقب ولوجهما مباشره بدأت حياء ،،في السرحان في عالم الكتب،،كم تعشقها،،وكم تتمني لو تكمل بقيه عمرها بجانب تلك الكتب،،ان الكتب بالنسبه لها العشق الابدي،
وبينهما علاقه وطيده منذ معرفه حياء بالقراءه والكتابه في صغرها"
حياء بسعاده تغمرها:بعشق الكتب والروايات،،وبحب اكتب روايات ،،بلاقي نفسي فيها
مالك:امممم يعني كاتبه بقا ،،قولتيلي
حياء:امممم كاتبه ،،بس صغنونه ،،علي قدي
مالك:وليه مفكرتيش تكتبي روايات وتطبعيها في كتب
حياء:الصراحه مفكرتش اعمل كدا خالص،،بس تفتكر هنجح
مالك مكملا:والله الانسان اللي بيكون عنده موهبه وبينميها بينجح اميد،،لكن مينفعش تدفني موهبه ربنا خلقها جواكي
حياء باعجاب:صح ،،هعيد تفكير تاني في الموضوع دا
"قضي مالك وحياء وقتا ليس بقليل في مكتبه الاسكندريه،،ثم قررا العوده الي المنزل"
حياء بحزن:احنا كدا مروحين
مالك بجديه:ايه دا يا حياء انتي مش عاوزه تروحي ولا ايه هنبات ف الشارع يا هانم،،ميصحش كدا
حياء باسف:خلاص سوري ،،م...
مالك مكملا:خلاص يلا قدامي
*************
"في احد الشاليهات علي البحر،،يجلس احمد الي جانب ليلي"
احمد قائلا:ها ،،كدا الخطه واضحه بالنسبالك
ليلي بدلع:اه يا بيبي،،متقلقش ،،انا هجيبهالك لحد الشاليه هنا..وبكدا اخد حقي انا كمان منها
احمد بخبث وهو يبتسم:برافو عليكي يا لولتي،،كدا بقا انت تبقي حبيبتي ،،ثم بدأ الاقتراب منها
**********
"ننتقل الي مكان اخر"
"سار مالك وحياء في طريقهما للمنزل ،،ثم اخذها مالك الي طريق غير طريق المنزل"
حياء بتعجب:ايه دا احنا رايحين فين
مالك بضحك :البيت
حياء باستغراب :بس دا مش طريق البيت
مالك بضحكه شريره:امممم لا ما انا خاطفك
حياء بانكار:خاطفني ازاي،،بطل هزار يا مالك يلا روحني البيت
مالك مكملا:هشششش ،،مسمعش نفسك
"ثم انطلق مالك الي مكان يشبه كثيرا للحديقه مليء بالازهار والعشب الاخضر وبجانبه بحيره صغيره بها ماء ازرق صافي
حياء باعجاب شديد:الله بجد،، ايه الجمال دا،،انت تعرف المكان دا منين
مالك مكملا:دا بقا المكان اللي كنت راسمه في الصوره اللي عجبتك،،اكتشفته من فتره وكل ما بكون مضايق او زهقان باجي اقعد هنا،،ومحدش يعرف المكان دا غيري ولا اني باجي اقعد فيه،،وانتي اول حد احكيله،،عن المكان دا
حياء:امممم ،،طيب واشمعنا قلتلي انا
مالك بحب: علشان ب......
يتبعالحلقه ال15°°ابن قلبي°°
مالك بحب:علشان بحبه اوي،،وحابب انك تشاركيني فيه...وكل ما تحبي تيجي هنا هاكون معاكي
حياء بابتسامه عذبه وقد حفرت غمازتيها علي وجنتها:شكرا جدا،،انا فعلا حبيته وفعلا مكان مريح للعين وهواه يرد في الانسان الروح
مالك بسعاده:اممممم تمام اتفقنا،،وكل ما تكوني عاوزه تيجي هنا ،،قوليلي متتردديش
حياء:تمام
مالك مكملا:انا بقول نروح بقا علشان الجو برد اوي
حياء موافقاه الرأي:اه فعلا،،يلا بينا
مالك:بردتي؟!
حياء:اممممم،،شويه
مالك وهو يخلع جاكيته:يبقي تلبسي دا بقا علشان البرد ،،ومتتعبيش ومش هنتعب بالدور
حياء وهي مصدومه:ايه دا ،،ل ل ل لا انا خلاص مش بردانه ،،البسه انت،،انت لسه مخفتش و..
مالك مقاطعا:ياستي انا زي الفل اهو يلا بينا بقا
حياء بعند:بس انا مش عاوز...
مالك مقاطعه مره اخري:بقولك ايه شغل العند دا مياكولش معايا،،ومعندناش حرمه بتعلي صوتها علي جوزها،،قدامي ع البيت
حياء وقد جحظت عيناها:جوزها؟!... نعم ياخويا
مالك وهو يضحك علي منظرها:هههههههههه،،انتي عارفه لو ممشيتيش قدامي،،هشيلك
حياء بنفس صدمتها:ايه؟!...ثم انطلقت مبتعده عنه خوفا مما قاله لها
"ظل مالك يضحك علي منظرها لبعض الوقت ،،ثم رأي سوبر ماركت ،،فاكمل قائلا:استنيني هنا هدخل اجيب حاجه وراجع
حياء باستسلام:طيب متتأخرش
" دلف مالك الي السوبر ماركت وقام بشراء كثير من الشيكولاته لها...ثم عاد لها"
مالك :اتفضلي يا كابتن
حياء وهي تنظر الي يديه:واو ،،دي شيكولاته
مالك:اه فعلا شيكولاته،،امسكي يلا ،،خلينا نمشي
حياء:كلهم دول ليا انا،،
مالك:اه طبعا
حياء:اوووك،،ثم بدأت حياء في فتح واحده واكلتها ثم نظر لها مالك قائلا:مش ملاحظه حاجه
حياء:لا
مالك:مش ملاحظه انك،،مقولتيليش اتفضل ولا خد واحده ولا اي حاجه،،اشمعنا غزل البنات اللي انا مبحبوش ها؟!!!
حياء باحراج:احم سوري،،بس انا بعشق الشيكولاته،،اتفضل
مالك وهو يضع يده في جيبه:هههههههههههه وانا هستناكي لما تديني ،،انا جبتلي واحده اصلا
****
"في الشاليه"
"خرج احمد من الشاليه بصحبه ليلي وقد اتفقا علي وقوع حياء في الفخ..وفي انتظار تنفيذ خطه ليلي..واثناء سيرهما...وقف احمد مشدوها مما يري...نعم لقد رأها....
ليلي وهي تنظر حيث ينظر احمد:احمد بتبص علي ايه
احمد وهو في قمه غضبه:اسمي احمد بيه يا زباله واخذ يلوي ذراعها بشده،،حتي كاد يكسره
ليلي:اه ،،طيب حاضر ،،لو سمحت سيب ايدي،،بليييز
احمد وقد توقظ لما يفعله وان تعامله معها الان بهذه الطريقه،،لن يساعده الي الوصول لمقصده"
احمد :اه انا اسفه بس اتعصبت شويه،،شفتي اللي انا شفته
ليلي:مش دي السكرتيره،، دي حياء صح؟!
احمد وهو يشتعل غضبا:اه هي
ليلي:وانا اللي فكراها ،،ملهاش في حاجه،،مع ان شكلها ميقولش كدا خالص
احمد بغيظ:كويس اوي،،انا من رايي نبدا في تنفيذ خطتنا قريب اووووي
ليلي بنفس نظره الخبث:تمام اوي
********
"علي الجانب الاخر"
"ذهب مالك وحياء الي البيت..بعد يوم ملىء بالمرح والضحك..وايضا مولد مشاعر جديده،،قد تتخلد تفاصيلها الي الابد"
حياء وهي تنتزع حذاءها:اي ..يارجلي ،،ثم جلست علي الاريكه،،بجد مبسوطه بالخروجه دي اوي
مالك وهو ينظر لها بحب:دايما يارب،،ابقي عرفيني اليوم اللي هيكون اجازه عندك بقا
حياء :حاضر
"ثم جاءت هاله اثناء حديثهما"
"ايه يا ولاد كل دا تأخير،،كدا يا مالك تأخرها لحد الوقت دا،،دي امانتي معاك
مالك:ايه بس يا ست الكل،،حياء امانه معايا انا كمان،،ولا انتي هتخافي عليها ف وجودي
هاله مكمله:لا طبعا يابني،،ربنا يباركلك مفيش زيك،،بس انا بردو بقلق عليكوا
حياء مكمله:خلاص بقا يا طنطي،،وادينا جينا اهو،،مفيش داعي للقلق،
"ثم اكملت بمرح": بصي يا طنطي مالك جابلي ايه شيكولاتات كتير من اللي بحبهم،،تاخدي واحده بابلي؟!..ولا بتحبي نوع تاني
هاله بضحك:والنبي يا حياء انتي عسل وانا مبعشقش اد ضحكتك ومرحك دا
مالك بمزاح:ضحك ايه دي ،،دا سنانها مسوسه
حياء بصدمه: انا سناني مسوسه يا مالك وقذفته بوساده الركنه،،ثم تابعت دا انا بغسلهم 5مرات في اليوم ياخويا
هاله وقد انفجرت ضحك:هههههههههههه،،الله يسعدكوا ضحكتوني،،حياء سنانها مسوسه ولا انت متغاظ منها،،علشان ضحكتها جميله وعندها خدود وغمازات
حياء ضاحكه:الله عليكي ياست الكل قلتي الخلاصه
مالك ضاحكا:هتغاظ من ام لسان دي،،ماشي يا ام خدود
حياء باستعلاء:خلاص احرجتك ،،مفيش داعي للكلام،،وفاكريني هزعل انك بتقولي يا ام خدود،،عاجبني اصلا،،البنت من غير خدود ملهاش وجود😛
" تعالت ضحكات مالك والسيده هاله علي حديث حياء..ثم ذهبوا جميعا للنوم"
*********
"داخل غرفه حياء".. قررت الاتصال بصديقتها واخبارها بما حدث معها"
حياء:الو يا سمسمتي
تسنيم:لسه فاكره تكلميني يختي،،وبعدين فين فونك؟! وليه مغلق؟!
حياء بضحك:واحده واحده عليا يا سيدي القاضي،،هحكيلك والله
تسنيم بحده:انطقي يا زفته
حياء مكمله:اصلي خرجت انا ومالك
تسنيم مكمله:اه طالما الحكايه فيها مالك،،ف اكيد مش هتردي علي الفون
حياء متابعه:بس يا زفته،،كل الحكايه ان الفون فصل
تسنيم وهي تتعمد اغاظتها:ما اكيد وانتي معاه لازم تنسي تشحني الفون
حياء بضيق:يووووه،،بت انتي لو متلميتيش ،،هقفل الفون ف وشك
تسنيم ضاحكه:بهزر معاكي يا غرابه
حياء وتعود الي فرحتها مره اخري:مالك فسحني ووداني مكتبه الاسكندريه وجابلي غزل بنات وجابلي شيكولاتات... وعارفه ايه كمان؟!
تسنيم بانصات:اممم وايه كمان؟!
حياء:وداني مكان هو بيحبه،،ومحدش يعرفه ابدا اول حد يوريني المكان دا و...
تسنيم مقاطعه:ولما انتي بتحبيه ليه بتعاندي نفسك
حياء بحزن :بس هو مقالش كدا،،مش يمكن بيعاملني كويس علشان انا مليش حد هنا
تسنيم:من اللي انتي بتقوليه دا مظنش
حياء:ادعيلي يا تسنيم،،انا خايفه اوي
تسنيم:ربنا يصلحلك الحال يا حبيبتي،،ولو خير ليكي ربنا يقربه منك
"ثم اغلقت حياء الهاتف عقب انتهائها "
"ودار حوار بينها وبين نفسها"
حياء:حبيته؟!...تسنيم قالت حبيته
النفس:ايوه حبيتيه يا حياء
حياء:لا مستحيل انا بخاف من الحب،،يمكن حبيت اهتمامه بيا وخوفه عليا
النفس:دي مبررات ملهاش اي لازمه،،هفضل اقولك انك حبيتيه"
حياء قائله لنفسها:كدا بقا ياحياء اقدر اقولكالرحمه تجوز علي قلبك،،اللي حب ومستني ساعه الجرح والكسره😑..
النفس:ليه بتقولي كدا،،انتي عندك فوبيا من الحب
حياء:بخاف منه اوي
"افاقت حياء من شرودها ،،وقررت ان تخلد الي النوم لكي ترتاح من هذا التفكير"
"ثم اغلقت اضاءه الغرفه وغطت في ثبات عميق من اثر اليوم"
******
"كان مالك يجلس في الصالون ،،يشاهد التلفاز مع السيده هاله"
مالك بتردد:ماما انا عاوز اقولك حاجه
هاله وهي تلتفت له:قولي يا حبيبي،،انا سمعاك خير
مالك متابعا:انا ك ك ك كنت عاوز اقولك،،اني ،،معجب بنت معايا في الكليه،،وكنت عاوز اقولها اني بحبها،،تفتكري رده فعلها هتكون ايه
هاله متابعه:واحده معاك ف الكليه؟!... من امتي وانت بتخبي عليا حاجه يا مالك؟!،، علي ماما يا باشا
مالك وهو في قمه توتره: اللي بتحبها مش صاحبتك في الكليه،،انت بتحب حياء؟!،،صح كلامي؟!
مالك وهو مندهشا:انتي ازاي بتقري افكاري ،،عرفتي ازاي بالكلام دا
هاله:دا احنا عشره سنتين يابني،،انا امك التانيه،،في ام مبتعرفش ابنها
مالك وهو يقبل يديها:مقصدش،،ربنا يخليكي ليا،،بس تفتكري هي بتحبني،،وايه رده فعلها من الموضوع دا؟!
هاله بحب:بص يا مالك
لو هتقدر تحافظ عليها،،وتكون الاب والاخ،،وكل الادوار في علاقتكوا هتليق بيك،،يعني لازم تحتويها وكمان مينفعش تفضل رابطها جنبك،،لو قادر تكون سند ليها ،،قولها،،لو قلبك عاوزها ،،قولها،...بسرعه قبل ما تضيع منك،،صعب القلب يدق لحد بسهوله ولو دق مبيعرفش يسيب،،فاهمني يابني*احتويها،،تكسبها*،،وطول ما انت قد كلمتك وهتثبتلها انك راجل وبتنفذ وعودك "قولها"
مالك وفي قمه انسجامه:الله عليكي يا لولو،، لازم تقولي كدا ما انتي كنتي عايشه احلي قصه حب
هاله بضحك يخالط شىء من الحب:عمري ما هلاقي زيه تاني ابدا،،علشان كدا اخدت عهد علي نفسي اني مش هكون غير ليه ،،لحد ما اقابله في الجنه ونكمل حياتنا سوا،،تعرف!!،،كان نفسي يكون ليا اولاد منه اوي،،حتي لو كان ولد واحد بس شبه،،كان نفسي😑
مالك وهو يقترب منها وقام باحتضانه:ايه بس يا لولو،،هتزعليني منك كدا،،مين قالك انك ملكيش ولاد امال انا مين،،صلي علي النبي كدا،،ولا انتي بتتوهي عن الموضوع علشان مش عاوزه تساعديني
" ابتسمت هاله لحديثه ثم قالت بسعاده:انا مبسوطه انك اخترت حياء،،بنت مفيش منها
مالك:حبيبتي بقا ،،ها قوليلي بقا تفتكري اقولها ازاي؟!
"بدأ مالك والسيده هاله،،يخططان لما سيفعلوه لتقريب حياء من مالك"
*****
"في منزل تسنيم"
كانت تجلس مع والدتها وتبكي"
الام:خلاص بقا يا تسنيم،،هي مش قالتلك اسبوعين وهترجع
تسنيم:لا كتير اوي يا ماما،،وحشتني اوي وصوتها متغير،،بس هي بتخبي هو انا مش عارفه صاحبتي!!!!
الام:طيب بطلي عياط،،هتعملي ايه بس،،اهدي وهي بكرا ترجع،،وتاخديها ف حضنك
تسنيم:لا انا عوزاها دلوقتي،،عاااااااا
الام:يووووه،، يعني اتصرف ازاي انا دلوقت،،كل دا علشان متغسليش المواعين،،انجري قدامي يا اوزعه يلا
*******
"في بيت هاله"
مالك لهاله:تمام اوي يا ست الكل،،هعمل اللي قولتيلي عليه،،وربنا يستر،،احسن دي بلطجيه،،انا حاسس اني في فيلم لترويض الشرسه
هاله بضحك:ههههههههه لا ان شاء الله هتعدي ع خير
مالك تمام اوي:استاذنك بقا يا ست الكل ،،احسن انا جعان نوم،،تصبحي علي جنه يا حب
هاله:وانت من اهل الجنه يابني
"خلد مالك للنوم وذلك لتعبه الشديد"
"في صباح اليوم التالي استيقظت حياء من نومها،،واستعدت للذهاب الي الشركه"
حياء وهي تذهب:عاوزه حاجه يا ماما هاله انا ماشيه
هاله:والفطار يابنتي
حياء:تؤ مش جعانه
هاله:مينفعش با بنتي هتتعبي كدا
"جاء مالك علي حديثهما"
مالك:صباح الخير يا لولو،،صباح الخير يا ام خدود
حياء وهي تنظر له بغضب:متقوليش كدا ،،ثم اشارت له باحد اصابعها مردده:ماشي!!!
مالك بسخريه:خاف يا عيد ،،يامي
هاله:بطلوا خناق ،،وانت يا مالك اقنعها تقعد تاكل بدال ما تمشي علي لحم بطنها
مالك:خليها تمشي لو عرفت
حياء وهي تنظر له من زاويه عينيها:قصدك ايه
مالك متابعا:اللي سمعتيه
"تجاهلته حياء ثم اتجهت ناحيه الباب ،،ولكن وجدته مغلق بالقفل"
"حياء في نرفزه:مالك قفلت الباب ليه؟!،،يلا افتحه!!!
"مالك وهو يأكل ولم يعيرها اي اهتمام،،ثم اكملت متابعه وهي تصرخ:ماااالك
" قام مالك من مكانه ثم اتجه اليها،،وعينه يتطاير منها الشرار قائلا بنبره جديه: صوتك بيعلي ليه،،اتفضلي اقعدي كلي
حياء وهي خائفه:مش عاوزه هو بالعافيه
مالك بنرفزه:اقعدي
"خافت حياء من نبره صوته،،فاثرت الصمت،،خوفا وتجنبا لما سيأتي بعد هذا الانفعال منه"
"وبالفعل تناولت حياء طعامها،،وعقب انتهائها،،توجهت بعينيها اليه قائله:اكلت ممكن بقا تفتحلي الباب
" توجه مالك الي الباب،،ثم فتحه لها وذهبت"
هاله متابعه بعد خروج حياء:براحه عليها يابني
مالك:انا خايف عليها وبعدين،،انا هكسرلها عنادها دا
هاله:واد انت دي بنتي ،،يعني لو ضايقتها مش هسيبك
مالك:وانا اقدر بردو... دي حياء،،واظن انتي عارفه مين حياء بالنسبالي
*******
"في الشركه"
"دلفت حياء الي مكتبها وبدات في مراجعه الاوراق،،وبينما هي منهمكه في النظر الي الاوراق،،تدخل عليها السكرتيره"
ليلي بنبره غير معتاده:حياء،،ازيك يا قمر
حياء باستغراب شديد:اه كويسه
ليلي:احمد بيه مستني الورق،،خلصتيه؟!
حياء:كنت علي وشك انتهائه
ليلي:تمام يا قمر،،كنت عاوزه اقولك حاجه
حياء مازالت في حاله استغراب:اتفضلي
ليلي:انا اسفه بجد لو ضايقتك،،ونفسي بجد نكون صحاب
حياء متابعه:امممم،، عادي محصلش حاجه،،وبعدين ما احنا صحاب في الشغل اهو
ليلي:لا صحاب اكتر من نطاق السغل،،يعني نخرج ونتفسح وافرجك ع اليكس
حياء :امممم ،،معنديش مانع يا جميل،،بس بجد انا مش بكرهك،،انا بس عوزاكي تتغيري للاحسن،،يعني من حيث طريقه لبسك وكلامك ومشيتك،،طيب ايه رايك اخرج معاكي مره وتشتري جيبات وتجربي استايل لبس جديد منه شيك ومحترم جدا .. ها؟!
ليلي وتبتسم ابتسامه خبيثه:اه اه تمام معنديش مانع،،هشوف يوم فاضيه فيه ونروح
"انتهت حياء من عملها واستعدت للرحيل واثناء خروجها من الشركه رأها احمد من شرفه مكتبه"
"فقرر مراقبتها ومعرفه بيت خالتها"
"وصلت حياء الي المنزل "
حياء:السلام عليكم
مالك وهاله مرددين:وعليكم السلام
حياء:بتتفرجوا ع ايه؟!
مالك:دا فيلم رعب ليكي في الرعب
حياء :اممم اه بحبهم
هاله:طيب كويس،،هروح اجيب الفشار
حياء:وانا هغير هدومي وهرجع حالا
"دلفت حياء الي غرفتها وابدلت ملابسها ثم خرجت وفي تلك الاثناء،،طرق احد الباب،،فقام مالك بفتحه"
مالك:ايون جاي
حياء وهي تقف خلفه لتري من الطارق وعقب فتح الباب فجاءه وجدت....
يتبعالحلقه ال16°°ابن قلبي°°
"اتجه مالك الي الباب ثم فتحه،،ثم اتت حياء من غرفتها ووقفت ورائه لكي تري من الطارق،،صدمت حياء عند رؤيته امامها...وكأن الزمن توقف"
مالك باستغراب:ايوه يافندم،،حضرتك عاوز مين
احمد بانفعال وهو ينظر لحياء بعد ان اجتاز عده خطوات داخل البيت:اركن انت كدا علي جنب...وانتي يا حلوه عملالي فيها البنت المحترمه...وقعدالي في شقق وعايشه حياتك علي الاخر
حياء بانفعال:اخرس يا حيوان ،،انت شخص زباله اصلا،،وفاكر كل الناس زباله زيك
مالك ولم تنطق شفاهه،،مازال في صدمته ،،ولكن عاد لرشده مره اخري:كلمني هنا بس،،انت مين؟!،،وتعرف حياء منين!!!
احمد:انا مديرها في الشغل،،ومتدخلش..وانتي يا انسه..قاعده في شقه مع راجل غريب وبتخرجوا مع بعض وجت عليا انا واستوب،،كويس انك ظهرتي علي حقيقتك
"ولكن مالك لم يتماسك عند سماعه تلك الاتهامات،،فقام بلكمه علي وجهه بطريقه مفاجئه"
مالك:طب خد بقا ،،انت عاوز تتربي
"ظل مالك واحمد يتقاتلان،،ثم جاءت السيده هاله وظلت تصرخ...
حياء مكمله:بسسس بسسسس ،،سيبوا واطلع برا يا حيوان والا وقسما بربي هطلبلك الشرطه،،برااااا
احمد وهو يترك مالك :انا خارج بس ،،مش هسيبك ...وانت مش هسيب حقي منك،،وكل ضربه وجهتهالي هتقابلها الصاع صاعين
مالك وهو يخرجه من البيت :طيب يلا بقا يا زباله واعلي ما فخيلك اركبه،،برااااااا،،ثم قام بصفع الباب في وجهه
مالك موجها حديثه لحياء:مين دا ،،ولما هو مديرك،،ايه دخله في حياتك؟!!،،ردي عليا
حياء وهي تقف وقد لمعت الدموع في عينيه:....
مالك بعصبيه:انتي مبترديش ليه
" وقف حياء تنظر له في صمت ،،ثم اجهشت بالبكاء ،،لقد عانت كثيرا من الاتهامات التي وجهت لها من قبل احمد،،وهاهو مالك يفعل ما فعله احمد"
هاله:بس يا مالك،، كفايه...ايه اللي انت بتعمله دا
مالك وهو يضع وجهه بين يديه:حاضر يا امي،،ثم جلس علي الاريكه..
"قامت السيده هاله باحتضان حياء بشده،،واخذت حياء تفرغ دموعها،،لشعورها بالاختناق"
"هدأ مالك قليلا ثم نظر اليها قائلا:حياء،،انا اسف..بالله عليكي اعذريني،،بس كلامه استفزني..بس لما هو مديرك ايه اللي هيخليه يراقبك ويقولك الكلام دا ،،غير لو كان حاطك في دماغه
" حياء وهي تمسح دموعها المتساقطه:انا مش عارفه هو عاوز مني ايه،،وليه بيعمل كدا،،بس كل ما بيحاول يقربلي او يضايقني،،بتعامل معاه،،وبوقفه عند حده
نظر لها مالك مستفهما:يقربلك او يضايقك؟!..ازاي؟!...مفهمتش
حياء متابعه:اه هو بيضايقني في الشغل ،،وتصرفاته غريبه،،وكذا مره حاول يمسك ايدي
مالك وقد جحظت عيناه:نعم!!!!... وانتي ايه رده فعلك من كل دا!!!
حياء بحزن:بتعامل معاه بطريقتي،،وبعدين انا ساكته علي كل دا لحد ما نرجع القاهره وهبلغ والده بكل حاجه،،وهقدم استقالتي،،ثم اجهشت في البكاء
هاله بحزن:اهدي يا بنتي خلاص محصلش حاجه
مالك:وطريقتك دي اللي هي ايه ان شاء الله،،يعني حضرتك يا شبر ونص بتتعاملي مع كائن البغل دا ازاي
حياء ببراءه:بعضوا في ايده
هاله وهي تضحك:هههههههههه،، الله لا يسيئك يا بنتي،،بتعضيه،،وهو دا بيحوء فيه العض
مالك: بتعضيه اه،،بصي بقا يا حياء،،من بكرا هروح انا وانتي الشركه وتقدمي استقالتك
حياء مكمله:مش هينفع يا مالك ،،انامجرد ضيفه في فرع الشركه هنا،،وتقديم استقالتي لازم يتم في القاهره
مالك متابعا:اه ولحد ما ترجعي القاهره،،يفضل يضايقك بقا،،وانتي تتصرفي بطريقتك وتعضيه صح؟!
حياء ببراءه:اه صح
مالك بنفاذ صبر: يا فرحه امك بيكي ،،ثم قام من مكانه قائلا:انا مخنوق وهخرج اتمشي ،،والباب دا ميتفتحش لحد ابدا يا ماما
هاله:حاضر يابني
"خرج مالك الي الشارع وكان تائها بعض الشيء،،لا يدري الي اين يذهب..
****
"في المنزل"
هاله:قومي يا حياء نامي شويه،،انتي تعبانه اوي يا بنتي،،وصلي علي النبي كدا...وربنا يبعد عنك شر ولاد الحرام
"دلفت حياء الي غرفتها وظلت تبكي لفتره ليست بقليله ثم نامت من شده الاعياء"
********
"علي الصعيد الاخر في الاوتيل حيث يجلس احمد في غرفته:
احمد لنفسه:وعملالي فيها الخضرا الشريفه،،دا انتي هتشوفي مني ايام سودا
" ثم قرر الاتصال بليلي"
احمد:الو ،،ليلي ..فينك كدا!؟
ليلي:انا خلصت شغل اهو وكنت رايحه اسهر مع صوحابي
احمد بخبث:تسهري مع صحابك وانا موجود،،انا هستناكي في الشاليه بتاعي،،متتأخريش..علشان ناويت اغير الخطه خااااالص
ليلي بضحكه شريره: حاضر يا بيبي ساعه وهكون عندك
******
"كان يجلس مالك في مكانه المفضل،،الذي يأثره في وقت الازمات ،،بعيدا عن تطفلات البشر"
مالك لنفسه: -كنت هقولها اني عشقتها،،بس القرار دا هيتغير خلاص😐
النفس هتفت له بضيق قائله:لو مش هتثق في البنت اللي بتحبهايبقي متقربش منها باسم الحب،،وبعدين دي مش اي بنت ،،دي حياء... فاهم؟!
مالك:بس انا وجعتها بكلامي دا،، انا عمري ما شكيت فيها،،انا عارف شخصيتها كويس،،بس اني اوجعها كدا،،يبقي انا مستاهلهاش
النفس:عادي،،لحظه شيطان وغضبك دفعك تقولها كدا،،بس هي طيبه وهتنسالك
مالك:تفتكري
النفس:اه طبعا،،بس انت قولها بحبك علشان ترتاح وتريحها
مالك:ان شاء الله
"ظل مالك يجلس لساعات طويله،،ولم ينتبه للوقت"
*********
"في البيت"
كانت تجلس السيده هاله والقلق يعتريها،،لقد تاخر كثيرا،،،استيقظت حياء ووجدت هاله علي هذه الحاله،،فتابعت قائله:هو مالك لسه مرجعش
هاله بقلق: لا يا بنتي انا خايفه اوي عليه،،ومش عارفه هو راح فين بس..دا حتي فونه مقفول
حياء مكمله:انا عارفه هو قاعد فين وهروحله
هاله:لا يا بنتي متخرجيش انتي،،
ليزعل مننا
حياء بحنو:متقلقيش ياماما،،هرجع انا وهو علي طول
"ذهبت حياء الي المكان الذي يجلس فيه مالك دون تفكير وبالفعل وجدته يجلس ،،شارد الذهن،،ثم جلست بجانبه....رأها مالك تجلس بجانبه،،ثم نظر اليها قائلا:هو انا مش قلت متخرجيش من البيت
حياء بارهاق:مالك مليش مزاج اتخانق،،وبعدين انا لقيت ماما هاله قلقانه عليك،،وانت اتاخرت اوي
مالك مستفهما:ليه هي الساعه كام
حياء بتهكم:بص في ساعتك يا باشا وانت تفهم
" القي مالك نظره علي ساعه يده ثم طرق بيده علي راسه"،،ثم تابع قائلا:ياربي الساعه10،، ماخدتش بالي من الوقت خالص
حياء وهي تنظر له:طيب مش يلا بقا نروح علشان نطمنها
مالك وهو يبتسم لها:يلا بينا يا كابتن حياء
"ظل مالك وحياء يتسامران طوال الطريق،،واخبرته حياء بكافه التفاصيل عن حياتها وشغلها ومحاولات احمد لايذائها"
مالك مكملا:يعني كل اللي انتي قلتيه دا،،ولسه مش فاهمه نواياه السودا
حياء:مليش دعوه بنواياه،،طول ما انا بديله الوش الخشب
مالك :بس مش كل مره تسلم الجره ،،فهماني؟!،،ثم تابع مكملا:بالله عليكي خلي بالك من نفسك،،واوعدك هفضل جنبك كل ما تحتاجيني
حياء بابتسامه صادقه:شكرا
"ذهبا الاثنان الي البيت"
هاله :فينك كل دا يا مالك ،،قلقتني عليك يابني
مالك:كنت قاعد علي البحر يا لولو ونسيت الوقت وانتي عارفه بحر اسكندريه،،ينسي الواحد اسمه
هاله بضحك:والله نفسي نروح مره نغير جو سوا
مالك بحب:من عيوني يالولو ،،انت تؤمر يا جميل
هاله:طيب اروح انا بقا احضر العشا،،عملالكوا شويه محشي ،،هيدفيكوا
حياء بضحك:مش هتسيبني الا لما تحوليني لتختوخه كبيره،،وتبوظيلي الدايت اللي انا مش بعمله
هاله بضحك:هههههههه،،علي جثتي الدايت دا ف بيتي ،،ههههههههههه
"تناولوا العشاء سويا ثم جلسوا جميعا لمشاهده فيلم رعب"
مالك:حلو اوووي الفيلم دا
واللي قلبه ضعيف يروح
هاله:لا ياخويا انا بحبهم،،حياء وهي تمسك في يد هاله وانا كمان زي طنط بس متعليش الصوت اوي
"بدأو في مشاهد الفيلم وبينما هم في قمه انتباههم ،،انقطع التيار الكهربائي"
"احتضنت حياء السيده هاله بشده قائله:يما فيلم رعب ونور يقطع في نفس الوقت،،عاااااااا
هاله:متخافيش يا حبيبتي هقوم اجيب شمعه اهو
" قامت هاله لاحضار الشمعه،،واراد مالك ان يخيف حياء فقام بلمس قدميها بريموت التلفاز من اسفل الاريكه،،وما هي الا ثواني حتي صرخت حياء وقامت بسرعه البرق وجلست بالقرب من مالك وهي تمسك يده وياقه تي شيرته"
مالك بضحك :ههههههههه،،ايه بس اللي حصل
حياء بفزع:والله في حاجه قرصتني من رجلي
مالك:يا بنتي دي تهيؤات،،حد قلك تتفرجي معانا ،،لما انتي قلبك دعييييف كدا😛،،دي كان في واحد هيفتح بطنها وياكل احشائها كلها
"ظلت حياء تصرخ :عاااااااا ،،اخرس بقا
" ثم تابع مالك قائلا"
مالك بخبث:تعرفي انا بشكر السيد وزير الكهرباء انه قطع الكهربا دلوقتي،،علشان تقعدي جنبي وتمسكي ايدي كدا،،انا لو شفته هبوسه
"انتبهت حياء لما فعلته..ثم سحبت يدها بفزع"
حياء بغضب:اسكت خالص يا مستفز
مالك بضحك:حاضر ،،انا هدعيله دايما،،ربنا يخليك ليا يا سياده الوزير
"ظلت تنظر حياء له بازدراء،،وهو يتعمد اغاظتها..حتي جاءت هاله بالشمعه،،وما هي الا لحظات حتي عاد التيار الكهربي مره اخري"
*******
"في الشاليه"
"جلس احمد مع سكرتيرته حتي منتصف الليل "
ليلي:يعني تفتكري هي هتثق فيا للدرجه دي
احمد بخبث:يا بيبي دي ساذجه ويضحك عليها بسهوله،،هي بس عايشه دور المتمرده بس علي مين،،هتقع في ايدي قريب
ليلي:بس اكيد هيكون ليا حلاوتي ،،بعد ما انفذ دوري،،مش كدا ولا ايه
احمد بخبث:اكيد طبعا يا بيبي،،هو انا عندي كام ليلي يعني
******
"في صباح اليوم التالي استيقظت حياء،،واستعدت للرحيل،،ثم اتجهت الي الباب وهي مطمئنه لعدم وجود مالك امامها،،حتي لا يجبرها علي تناول الافطار،،وبينما هي تفتح الباب،،اذا به يخرج من المطبخ وهو يحمل طبقا في يديه"
مالك بخبث:بس تعرفي يا ام خدود ،،الاومليت دا ملهوش حل ،،انا عملهولك مخصوص
حياء في نفسها:ايه اللي جابه دا دلوقتي ،،اه ياغلبي منك،،ثم اكملت قائله:اه ط ط طبعا طبعا،،ثم توجهت مسرعه الي السفره،،وتناولت طعامها ،،تحت نظرات مالك،،الذي استطاع ان يكسر بداخلها حاجز العناد،،لم يكسره بل قلل من نسبه وجوده بينهما.
واثناء خروجها اوقفها مالك قائلا:وريني فونك
حياء بتحدي:عاوزه ليه يعني؟!
مالك بصرامه:بقولك وريني الفون
"اعطته حياء الهاتف ثم قام بالاتصال علي هاتفه،،حتي يستطع ان يقوم بحفظ رقمها علي هاتفه"
ثم اكمل:ودلوقتي تقدري تتفضلي علي شغلك ومتأخريش
حياء بعصبيه: طيب
"اتجهت حياء الي الشركه،،ولم تنتبه الي الشخص الذي يراقبها،،نعم قرر مالك ان يذهب ورائها في محاوله للاطمئنان عليها من همجيه هذا الوغد،،ظل مالك يراقبها حتي دلفت الي الشركه،،وعقب ولوجها،،اتصل بها مالك"
مالك:ايوه يا حياء،،وصلتي للشركه ولا لسه
حياء:ايوه وصلت اهو
مالك :تمام خلي بالك من نفسك،،ورقمي معاكي لو احتاجتي حاجه كلميني
حياء متفهمه:ماشي تمام
ثم اكمل مالك:وبقولك ايه متتاخريش علشان هنروح سوا علي البحر وناخد ماما هاله
حياء بفرح:ماشي مش هتأخر
"كانت تجلس حياء في مكتبها عقب انتهائها من مكالمه مالك...وما هي الا لحظات حتي دخلت ليلي"
ليلي:صباح الخير يا يويو
حياء:صباح الخير يا ليلي
ليلي:ايه بقا يا جميل فطرتي
حياء:اه الحمدلله،،ليه؟!
ليلي:كنا هنفطر سوا
حياء معلش اوعدك بكرا نفطر سوا يا قمر
ليلي بخبث:تمام يا جميل ،،معطلكيش انا بقا
"بدات حياء بالانهماك في عملها...حتي قام احمد باستدعائها"
حياء بخوف:يا تري عاوز ايه المتخلف دا
"اتجهت حياء الي مكتبه وهي تقدم رجل وتؤخر الاخري...ثم طرقت باب المكتب،،فسمح لها بالدخول"
حياء بثبات عكس ما يقطن داخلها:افندم عاوزني في ايه؟!
احمد:مالك يا قطه متعصبه ليه
حياء وهي تشير له باناملها:بص بقا ،،بطل اسلوبك دا معايا،،انا مش من البنات اللي بتتعامل وتسهر معاهم،،انا اختلف وحط حدود في تعاملك معايا،،ودي بقا استقالتي،،ثم وضعت الورقه علي مكتبه"
احمد بسخريه وقام بتمزيق الورقه:استقالتك دي تقدميها ،،في مقر شغلك الاصلي مش هنا
حياء بانفعال متابعه:يبقي لحد ما ارجع مش عوزاك تفكر تضايقني
"ثم تركته يغلي جراء اسلوبها معه،،وهو يتوعد لها اشد الوعيد"
"انهت حياء عملها وقررت التحدث الي تسنيم قبل مغادرتها للمكتب"
حياء:سمسمه وحشتيني
تسنيم: وانتي كمان،،مال صوتك زعلان كدا
حياء بمرح: ولا زعلانه ولا حاجه دا انا حتي ،،هخرج انا ومالك وماما هاله علي البحر ناو
تسنيم:الله يسهلوا يا مشمشتي
حياء بضحك:ياريتك كنتي معايا
تسنيم بحب:امتي بس ترجعي،،وبعدها هنخرج تاني زي الاول يا مزتي
حياء :ماشي يا حبي
"انهت حياء الاتصال واستعدت للرحيل،،واثناء سيرها،،رن هاتفها"
مالك:خلصتي شغل؟!
حياء:ايوه يا فندم ،،كله تحت السيطره
تابع مالك ضاحكا:تمام اوي ،،تعالي بقا عند شاطيء (.....)
حياء:مسافه السكه
"انطلقت حياء الي المكان الذي يجلس فيه مالك وهاله"
هاله موجهه حديثها لمالك:كدا تماااام اوي،،دي هتفرح اوي من المفاجأه
مالك:تفتكري رده فعلها هتكون ايجابيه
هاله:ان شاء الله يابني،،حياء بنت حلال،، وانا متاكده انها بتحبك
مالك بحب:ربنا يخليكي ليا يا لولو
"ثم جاءت حياء حيث يجلسوا،،ولكن توقفت عندما رأت"
يتبع
تكملة الرواية من هناااااااا
الفصل الثالث عشر والرابع عشر والخامس عشر والسادس عشر بقلم علياء كامله رواية ابن قلبى ( الجزء الاول)الفصل الث…){kind=link}
تعليقات
إرسال تعليق