رواية ابن قلبى ( الجزء الاول)الفصل السابع عشر والثامن عشر والتاسع عشر والعشرين بقلم علياء كامله
رواية ابن قلبى ( الجزء الاول)الفصل السابع عشر والثامن عشر والتاسع عشر والعشرين بقلم علياء كامله
الحلقه ال17°18 19 20°ابن قلبي°°
"وصلت حياء الي المكان الذي اخبرها به مالك،،واثناء رؤيتهم لها ،،قام مالك بوضع كثيرا من البلالين في طريقها وفي نهايه هذا الطريق قام بوضع رسمه،،بها كلمه بحبك ثم وقف وراء هذه الرسمه"
"ظلت حياء تنظر الي البلالين المفروشه حولها،،ولكنها لم تستوعب الامر بعد،،ظلت تقترب من اللوحه الموضوع امامها في محاوله لفهم ما يحدث،،ثم رفعت الغطاء عن اللوحه وقد جحظت عينيها لرؤيه المكتوب بداخلها"
حياء باندهاش وهي تقرأ:بحبك!!!!
ثم ظهر مالك من وراء اللوحه متابعا بحب:اه بحبك،،ايه عندك مانع!!!!
"ظلت حياء تنظر له بدهشه وقد لجمتها المفاجأه عن الكلام"
مالك مكملا:اه بحبك من يوم ما عرفت ،،بس كنت بعاند نفسي،،بس انا حبيت برائتك وانك طفله لسه سواد الدنيا موصلش لقلبها ومش هيوصل،،قدرتي تغيري فيا حاجات كتير،،انا عاوز اكمل حياتي معاكي بجد،،بحبك...قولتي ايه!!!!
حياء وهي تنظر له :انا عاوزه اروح،،فين ماما هاله،،انا عوزاها
مالك بحزن:يعني افهم من كلامك انك مش بتبادليني نفس الشعور
"ظلت حياء تنظر له ولم تنطق"
ثم اكمل مالك متابعا:انا اسف لو ضايقتك،،هنادي ماما هاله ،،علشان نروح
"ثم اعطاه ظهره ليذهب ،،فاكملت حياء قائله:وانا كمان
" ظل مالك واقفا علي حالته دون ان يلتفت لها ،،في محاوله لتمييز ،،هل ما سمعه حقيقيا ،،ام العقل الباطن هو من هييء له ذلك...ثم التفت اليها"
مالك:قلتي ايه!!!
حياء:انا عاوزه ماما هاله ،،عاااااااااا
مالك ببلاهه:انتي هتجننيني،،انتي قلتي ايه من شويه،،ولا هو انا لازم اديكي ضهري علشان تنطقي،،انطقي بقا لاخطفك
حياء باستفزاز:شكلك مجربتش تتعض مني
مالك متابعا:حرام عليكي يا شيخه بوظتي اللحظه الرومانسيه،،طيب اسمعها منك بقا
حياء بابتسامه:لا مش هقولها اكيد ،،لان دا مش وقتها
مالك:امال امتي وقتها!!!
حياء:وقتها انا هقرره
مالك مستفهما:يعني انتي بجد بتحبيني،،عوزاني في حياتك
نظرت له حياء بحب ثم هزت راسها موافقه علي كلامه..ثم تابعت قائله عاوزه ماما هاله
"مالك وقد صدمه ردها ،،لقد ظن انها ستخبره انها موافقه علي كلامه وانها ستظل معه،،ولكنها اكتفت فقط بهز راسها"
مالك متابعا:عاوزه ماما هاله،،طب غوري من وشي لاعورك
"حياء وهي تنظر للبلالين من حولها"
حياء:طيب استني الم كل البلالين دي واحطها في الاوضه عندي
مالك بضحك:هههههه ،،مجنونه،،سيبيهم وهجيبلك غيرهم
حياء بزعل مصطنع:تؤ ،،انا عاوزاهم مش ماشيه من غيرهم
"قاما الاثنان بجمع البلالين وربطها مع بعضها البعض،،وفي تلك الاثناء قدمت هاله"
هاله بحب وكانها لا تعلم بالامر:حياء حبيبتي،،جيتي امتي
حياء بفرح:جيت من بدري،،و و و
مالك مقاطعا:وانا قلتلها كل حاجه
حياء وهي تنقل نظراتها بينهم:انتي بتخططوا من ورايا
هاله ومالك بضحك:هههههههههه
حياء متابعه:ماشي ماشي،،كله بحسابه
هاله مكمله:ربنا يسعدكوا يا بنتي
"قامت حياء باحتضانها قائله:ويخليكي لينا يا لولو
********
" في الشركه..داخل مكتب احمد"
ليلي بدلع:خلاص بقا يا بيبي مزعل نفسك ليه،،دي بت جربوعه
احمد بغضب:اهي الجربوعه دي مش عارف اسيطر عليها
ليلي متابعه:انا مش فاهمه انت عاوز منها ايه،،وايه اللي عاجبك فيها دي بت شوارعيه
احمد بغضب:الشوارعيه دي،،انضف منك يا بت
هاله بتهكم:ولما هي كدا انت عاوز تعمل فيها كدا ليه،،ما تسيبها في حالها
احمد والشرار يتطاير من عينيه:لان مش انا اللي ترفضني بنت
*******
"في الصعيد في محافظه المنصوره"
ياسمين لزوجها:يعني ان شاء الله هنسافر بعد بكرا
الزوج:ان شاء الله ،،والحمدلله ادينا اطمنا علي ابويا،،وصحته بقت احسن
ياسمين:ربنا يطول في عمره,،ويخليك لينا
"واثناء حديثهما دخل ابنهما يحيى"
يحيي:بابا انا عاوز اركب الحصان اللي برا دا،،ثم امسك بذراع والده وظل يشدها،،ثم تابع قائلا:يلا بقا يا بابا علشان خطري
الاب:طيب يا يحيي ،،تعالي هوبا،،ثم قام برفع ولده علي ظهره وذهب به الي الاسطبل الموجود في بيت والده"
*********
"في احد شواطيء الاسكندريه"
مالك:ايه رايكوا ،،نتغدي برا
هاله:اللي تشوفوا يابني
حياء:موافقين طبعا،،وعاوزه اكل سمك
مالك:انتي جعانه كدا علي طول
حياء:براحتشي ع فكره😛
مالك:براحتك يا جميل ،،انا اصلا عاوزك دبدوبه يا مزتي
حياء وهي تنظر له شذرا:دبدوبه ف عينك،،دا انا موديل وسو ستايلش
مالك وهو يضحك:ههههههههههههه،،عارف عارف
"اتجهوا جميعا الي المطعم،،ثم تناولوا الغداء سويا،،واثناء حديثهم...رن هاتف حياء،،حياء وهي تنظر للهاتف :دي ماما
حياء باشتياق:ماما حبيبتي وحشتيني اوووووووي يا نواره البيت
الام:وانت وحشتيني اوي يا مشمشتي
حياء وبدأت الدموع تترقرق في عينيها:بس انت وحشتيني اوي،،ومبقتش مستحمله بعدك يا ماما
الام:هانت يا حبيبتي،،وكمان عاوزه اقولك ان خالتك نازله اسكندريه بعد بكرا
حياء بفرح مصطنع:بجد ،اممم ماشي يا ماما ،،تيجي بالسلامه
" اغلقت حياء الهاتف مع والدتها،،ثم تابعت قائله،،دي ماما كانت بتقولي ان خالتو راجعه بعد بكرا"
مالك بضيق:يعني انتي هتقعدي مع خالتك خلاص
هاله متدخله:في ايه يا ولاد، دي الشقه قصاد الشقه...وبعدين ربنا مايبعدكوا عن بعض،،ويكتبلكوا الخير،،يلا بقا نروح ولا هتقلبوها دراما بقا
"ضحكوا جميعا واستعدوا للذهاب واثناء سيرهم لايجاد تاكسي"
"سمعت حياء احدا ينادي عليها،،التفتت لمصدر الصوت حيث وجدته"
حياء لنفسها: ابراهيم!!!!... بيعمل ايه في اسكندريه دا
اقترب ابراهيم من حياء:حياء ازيك يا جميل،،ثم مد يده ليسلم عليها
"ولكن مالك وضع يده ليسلم عليه بدلا منها"
مالك بغيظ: اهلا وسهلا ،،سوري بس هي مبتسلمش
ابراهيم بحرج مستفهما:معرفتنيش بالاستاذ
حياء متابعه:دا م....
مالك مقاطعا:انا خطيبها
ابراهيم في ذهوله:ايه دا انتي اتخطبتي من غيرما تعزمينا ،،وفين حق الجيره بس
مالك مكملا بدلا منها:شوف ازاي،،معلش بقا هنبقي نعزمك في الفرح
ابراهيم:بس تعرفي يا حياء،،لسه شكلك زي ما هو متغيرتيش ،،جميله ماشاء الله
حياء: ش....
مالك مقاطعا:ايه يا عم ،،قرطاس جوافه واقف جنبها،،متشكرين لحضرتك،،ومضطرين نمشي ،،متأخرين
"ذهب ابراهيم وهو في قمه احراجه" وكانت هاله تتابع مايحدث من بعيد وهي في قمه سعادتها قائله لنفسها:واخير ا يا مالك ،،لقيت اللي تكملك ،،انتوا فعلا لايقين علي بعض،،يارب اجمعهم علي خير،،
حياء في عصبيه متابعه:ايه اللي انت عملته دا يا مالك انت ،،مش مديني فرصه انطق خالص
مالك بغيظ:وتنطقي ليه دا عاوز يسلم عليكي،،وبيتغزل كمان،،ايه عاجبك اللي هو بيعمله
حياء بزعيق:ايه اللي انت بتقولوا دا ،،مين قالك اني كنت همد ايدي من اساسه،،وبعدين ازاي تقولي كدا
هاله مقاطعه:كفايه بقا خناق ارحموني نفسي يعدي يوم من غير خناق"
حياء :يعني عاجبك اللي بيعمله ويقولوا،،طيب انا بقا مش ماشيه معاه وهسبقكوا علي البيت
"وبينما هي تسير بعض الخطوات حتي رأت كلبا امامها،،
صرخت بشده :بوبي
ثم جرت مسرعه ناحيه مالك وامسكت في تي شيرته دون قصد،،في محاوله للاحتماء "
مالك بخبث:تعرفي يا ماما هاله،،انا بشكر وزير البيئه علي المعروف دا اه والله،،لولا الكلب دا،،مكانتش رجعت تاني ومسكت التي شيرت كدا
"نظرت حياء ليديها ثم سحبتها علي الفور"
"ظلت السيده هاله تضحك بشده علي طريقته وما يفعله بحياء".. وانقضي اليوم وذهبوا الي البيت"
******
"في صباح اليوم التالي حياء،،واستعدت للذهاب الي العمل،،ولكنها لم تجد احدا بالمنزل كعادتها،،
قامت بالاتصال علي السيده هاله ولكنها لم تجب،،ثم قامت بالاتصال علي هاتف مالك،،فاجابها
مالك :ايوه يا حياء
حياء:انت فين يامالك وماما هاله مش لقياها"
حياء في ذهول:ايه؟؟؟!!!!!
يتبعالحلقه ال18°°ابن قلبي°°
"قامت حياء بالاتصال علي الهاتف الخاص بمالك"
حياء بقلق:ايوه يا مالك انت فين،،وماما هاله مش لقياها وفونها مغلق
مالك بتردد:ماما هاله كانت بتزور جوزها في المقابر،،واغم عليها وهي قاعده جنب القبر،،ونقلناها المستشفي
حياء برعب:ايه!!!...لا حول ولا قوه الا بالله...طيب طمني عليها يا مالك الله يخليك،،وانتوا في انهي مستشفي دلوقتي؟!
مالك:مفيش داعي تيجي يا حياء،،يلا علي شغلك،،مش عاوز احتكاك مع الحيوان مديرك،،وانا هكون جنبها لحد ما تفوق
حياء باصرار:بس انا مش رايحه الشغل ،،وهاجي المستشفي ،،قولي انتوا في انهي مستشفي
مالك بعصبيه:بطلي عناد يا حياء وصدقيني هطمنك عليها اول ما تفوق،،الموضوع مش مستاهل يكبر
حياء:باستسلام:حاضر،،بس بالله عليك طمني عليها
مالك:حاضر وخلي بالك من نفسك
"اغلق مالك الهاتف معها ثم توجه الي غرفه الاستقبال،،ليتم دفع كافه المصاريف،،ثم توجه الي الغرفه التي تقيم بها السيده هاله"
"دخل مالك الي الغرفه فوجدها قد استعادت وعيها"
مالك بمرح:كدا يا لولو تقلقينا عليكي
هاله:اسفه والله يابني،،معرفش اغم عليا ازاي
مالك:ولا يهمك يا حبي ويلا بينا بقا نروح البيت،،يلا اسندي علي ايدي
"ذهب مالك بصحبه السيده هاله الي المنزل"
***********
"في الشركه"
"كانت حياء تجلس علي مكتبها تتابع اعمالها ،،بذهنا شاردا،،ثم اعلن هاتفها عن وصول رساله،،قامت حياء بفتحها،،وكانت الرساله من مالك ومضمونها هكذا" ماما هاله بقت كويسه وروحت معايا البيت..حبيت اطمنك عليها...بحبك اوي يا ام خدود"
"قرأت حياء الرساله ثم ابتسمت في عشق،،وقامت بمعاوده الاتصال بمالك"
حياء:ايوه يا مالك،،شكرا اوي علي الرساله،،الحمدلله انها كويسه،،عاوزه اكلمها،،اعطي مالك الهاتف لحياء،،ثم قامت بمحادثه هاله"
حياء:لولو حبيبتي،،انتي كويسه طمنيني عليكي
هاله:انا بخير يا حبيبتي
حياء بهزار:انتي بتعملي كدا علشان مش تعمليلي المكرونه بالباشميل ال نفسي فيها،،خاثمتك
هاله:انا اقدر بردو هتيجي تلاقيني عملاهالك
حياء:ربنا نا يحرمني منك،،متتعبيش نفسك واول ما تخفي شور هخليكي تعمليهالي
هاله:ماشي يا حبيبتي،،خلي بالك من نفسك
حياء:حاضر يا لولو
"اغلقت حياء الهاتف ثم اكملت عملها ولكن بحاله افضل،،وقامت بقراءه رساله مالك عده مرات وهي في قمه سعادتها"... واثناء عملها دخل احمد المكتب دون ان يطرق الباب
احمد:ممكن اعرف الشيكات اللي اتسلمت من الوفد ،،ناقصه ليه؟!
حياء باستغراب:ناقصه!!!... ازاي حضرتك ،،انا مسلماهم كاملين ومراجعاهم كذا مره
احمد بانفعال:ازاي يا انسه ،،تقدري تشوفي بعينك،،ثم القي الشيكات في وجهها
" بدات حياء تراجع الشيكات وما تتضمنه من نقود متفق عليها،،وبالفعل وجدتها ناقصه"
حياء باندهاش:ازاي ،،والله انا سلمتهم كاملين
احمد وهو يثور:انتي بتستهبلي،،انتي اللي اخدتيهم،،اصل انا عارف النوعيات اللي زيك
حياء بصريخ:اخرس انت كذاب،،انا مستحيل اعمل كدا،،انت انسان زباله بجد،،اتفو عليك
"ثم قام احمد بصفعها علي وجهها ،،صفعه دوت في جميع اوصالها،،ثم فقدت الوعي بعدها"
********
"في البيت"
هاله موجهها حديثها لمالك:انا قلبي مقبوض اوي علي حياء ،،خايفه اوي
مالك وقد دب الرعب في اوصاله من حديث هاله:انتي حاسه بايه يا ماما،،وليه بتقولي كدا!!!....متقلقينيش عليها
هاله:ربنا يستر يا مالك
"امسك مالك بهاتفه وقام بالاتصال بها"
"في تلك اللحظه استغل احمد فقدانها لوعيها،،ثم شرع في الاقتراب منها،،ولكن في تلك اللحظه رن هاتفها،،نظر احمد الي المتصل،،ثم اندهش لما يري ثم سال نفسه:مين دا اللي مسجلاه{ابن قلبي}...
اكيد هو الولد اللي شوفته معاها
في الشقه ،،اكيد هو،،دا انا هندموا علي اليوم اللي فكر يمد ايده عليا فيه،،ثم قام باغلاق هاتفها
"ظل مالك يكرر الاتصال حتي تم اغلاق الهاتف،،ارتعدت اوصاله عندما تم غلق الهاتف ،،ثم قرر الذهاب الي الشركه"
"قرر احمد اخذها الي الشاليه الخاص به،،وقبل ان يقوم بحملها بين يديه،،دلفت ليلي الي المكتب،،فوجدته يحملها بين ذراعيه"
ليلي:احمد انت بتعمل ايه!!!!
احمد:زي ما انتي شايفه ،،اغم عليها فقولت اخلص مهمتي من دلوقت.
ليلي:بس دا مش الوقت اللي متفقين عليه،،وخروجك بيها قدام العمال،،اكبر دليل ضدك انت كدا بتتصرف غلط،،سيبها وانا هجيبهالك لحد عندك،،وهتكون جيالك برجليها ،،وساعتها مش هيكون في حاجه تدينك
"اخذ احمد يفكر في كلامها،،وبالفعل استطاعت ليلي اقناعه ،،ثم اكملت قائله:سيبني دلوقت افوقها واحسسها اني كنت خايفه عليها،،علشان ثقتها بيا تزيد
" وافق احمد ليلي علي حديثها ثم انطلق الي مكتبه"
"ليلي وهي توقظ حياء"
ليلي:حياء حبيبتي قومي،،ايه اللي حصلك
حياء وقد بدأت تستعيد وعيها تدريجيا:اه دماغي مش قادره،،ثم تذكرت ما حدث واجهشت في البكاء
ليلي بنبره خبيثه:بتعيطي ليه وقوليلي بس ايه اللي حصل
حياء وهي في حاله لا يرثي لها،،ثم قصت ما حدث علي مسامع ليلي،،التي ما ان انتهت حياء حتي تفوهت قائله: قطع ايده،،دا انسان حيوان بجد،،ازاي يمد ايده عليكي،،بس يا حبيبتي اهدي خلاص
"في تلك اللحظه،،ذهب مالك الي الشركه ثم توجه الي حجره الاستقبال ولكنه لم يجد احدا،،فسال احد العاملين بالشركه عن مكتب الاستاذه حياء عبد السلام،،وصل مالك الي مكتبها،،وطرق الباب،،ثم اذنت له ليلي بالدخول"
ليلي:ادخل
مالك وهو ينظر بصدمه لحياء الجالسه علي الاريكه المجاوره لمكتبها:حياء
"وما ان سمعت حياء صوته حتي التقطت انفاسها واحست انها وجدت اخيرا ملجأها"
حياء بهيستيريا:مالك
"جري مالك ناحيتها ،،ثم امسك بوجهها قائلا:ايه دا بتعيطي ليه!!!... مالك؟!.... وفونك مقفول ليه
تدخلت ليلي متابعه:اهدي يا فندم هي بس داخت من الارهاق واغم عليها
" لم يقتنع مالك بكلام تلك الفتاه،،التي يتبين من طريقتها انها فتاه غير متزنه اخلاقيا"
مالك موجهها حديثه لحياء:حياء هو دا اللي حصل ،،ولا حد كلمك!!!!،،اتكلمي متخافيش
حياء لتنقذ كارثه علي وشك الحدوث:اه فعلا انا دوخت واغم عليا ،،هو دا اللي حصل
"نظر مالك الي حياء بنظرات غير مقتنعه،،ثم امسك بحقيبتها وهاتفها قائلا: يلا بينا
حياء وهي تنظر له:طيب والشغل دا
مالك وقد ثار كالمجنون:يلعن ابو الشغل،،قدامي
" قام مالك باسنادها ،،وانطلقوا خارج الشركه"
"توجها كلا منهما الي البيت واثناء طريقهما لم يتحدث احدهما الي الاخر
*******
" في الشركه"
"اخبرت ليلي ،،احمد بما حدث قبل قليل"
احمد:اممممم،يعني هي مقالتلوش الحقيقه؟!
ليلي مؤكده:لا مقالتش،،بس اللي مستغربالوا هي ليه خبت
احمد:وانتي عوزاها تقولوا الحقيقه،،وهو في شركتي علشان اقوم معاه بالواجب انا ورجالتي،،بس حظه اني معرفش انه جه
ليلي مستفهمه:هو الولد دا يقربلها ايه؟!
احمد بتهكم وخبث:ابن قلبها!!!..ثم اكمل قائلا:بس انا هموتلها قلبها دا ،،وهخليها تبكي بدل الدموع دم
*******
"ننتقل الي مكان اخر حيث يقطن والدا حياء لاداء فريضه العمره"
عبد السلام:ايه يا ست الكل مالك كدا؟!
هدي:قلقانه علي حياء اوي ووحشتني بجد،،لما كلمتها كنت حاسه انها متغيره
عبد السلام:متقلقيش علي حياء يا ام حياء،،بنتك بتعرف تواجه اي حاجه،،وربنا يحميها
هدي :اميييييين
*********
"في بيت تسنيم"
تجلس تسنيم بصحبه مي ومنه ووالده تسنيم
والده تسنيم:والله يا بنات كل الفساتين اللي في الكتالوج شيك اوي،،وذوقهم عالي
منه:يعني يا طنط احتار انهي يليق اكتر كفستان خطوبه؟!!!
والده تسنيم:الوردي دا لذيذ اوي
مي:اممممم ،،هو علشان انتي العروسه ،،هتبقي محور التركيز والانظار ف انا برجحلك تلبسي،،السليفار(فضه)
والده تسنيم موجها كلامها لابنتها:وانتي يا سمسمه،،تقترحي عليها اي لون
تسنيم متابعه:انا وحياء كان نفسنا نلبس في خطوبتنا فساتين سمرا وداخلها شغل بالوان يا فضيه او دهبيه،،ف اكيد ذوقي مش هيعجب منه
منه:نعم ياختي؟!.... عاوزه تلبسيني اسود
تسنيم بغيظ:يا زفته انا بقول اني بحبه،،يعني مش هيعجبك،،ثم اكملت متابعه:بس استني هختارلك لون حلو
"ظلت تبحث حياء بعينيها علي فستان يناسب منه،،ووقع نظرها علي واحد،،ولكنه كان من النوع الكب
تسنيم:ها ايه رايك في النبيتي الهادي دا
منه:بس دا كب
تسنيم:وهو انتي يعني هتلبسيه كدا،،ما اكيد هيكون في بضي
" ظل الفتيات يقلبن في صفحات الكتالوج بحثا عن مبتغاهم"
********
"في بيت هاله"
"كانت حياء في غرفته،،تتذكر ما حدث وتبكي بمراره،،وخائفه من رده فعل مالك اذا علم بما حدث وكذبها عليه،،فمالك اكثر ما يكرههه هو الكذب،،وبينما هي جالسه،،طرقت هاله الباب،،فسمحت لها حياء بالدخول،،اخذت حياء تكفكف عينيها باناملها الصغيره
هاله بخصه:حياء ،،بتعيطي ليه يا بنتي
حياء وهي ترتمي بين احضانها:انا كذبت علي مالك يا طنط
هاله مستفهمه:كذبتي عليه في ايه يا بنتي!!!!
حياء متابعه: احمد ضربني بالقلم في الشغل ياماما،،واتهمني بسرقه فلوس الصفقات،،وبسببه اغم عليا
هاله بصدمه:يا نهار اسود،،ربنا يخده البعيد
" ثم اخذت تطيب بخاطرها ،،وتطبطب علي ظهرها بحنيه،قائله:اهدي يا حبيبتي ،،خلاص
حياء ببكاء مرير:انا والله معملتش حاجه ولا سرقت حاجه،،دا انسان زباله
هاله:طيب مقولتيش لمالك علي الحقيقه
حباء ببكاء:مستحيل اعمل كدا،،مالك لو كان عرف،، مكانش هيسيبوا،،واحمد كان هيجيب رجالته والامن،،ويضربوا مالك،،ساعتها انا ممكن اموت فيها،،احمد دا شيطان،،وانا بخاف علي مالك يا ماما،،بخاف عليه ليتآذي بسببي ،،ساعتها مش هسامح نفسي
هاله متفهمه:طيب با بنتي خلاص اهدي
"وبينما هاله تطيب بخاطر حياء،،ولكنها فجآه توقفت عن الكلام وثبتت مقلتي عينيها من شده الصدمه
حيث رأت
يتبعالحلقه ال19°°ابن قلبي°°
"وبينما كانت السيده هاله تهديء من روعها،،اذا بها تري مالك يقف امامها ،،والشرر يتطاير من عينيه"
مالك بغضب والشرر يتطاير من عينيه:خايفه عليا من مين؟!...ازاي سمحتيله يهين كرامتك،،ليه مقولتيش الحقيقه!!!!
"حياء وهي في صدمه من غضبه ولم تنطق"
هاله بخوف:ط ط طب اهدي يابني بس ،،هتتعب!!!...هي خافت عليك يا مالك هي اتصرفت صح
مالك وهو يتوجه اليها ثم امسك ذراعها: قومي معايا
حياء بخوف:هتوديني فين
مالك مكملا:هتروحي معايا تقدمي استقالتك فورا
حياء ببكاء :علشان خاطري اهدي،،مش هنروح في مكان،،خلاص سيبني بقا
مالك علي نفس حالته:يبقي مفيش شغل من هنا ورايح
حياء بعند:ايه يا استاذ مالك انت مش ملاحظ انك بتدخل في حياتي كتير؟!!... بصفتك ايه!!!... فهمني
مالك مكملا بنفس العند:بصفتي خطيبك
حياء بتهكم وصريخ:خطيبي،،اه ان شاء الله،،بص بقا انا مش عوزاك تدخل في حياتي تاني... ابعد عني مش عاوزاك
مالك في صدمته:انتي واعيه للي بتقوليه يا حياء،،انتي ازاي قابله انه يعمل فيكي كدت،،ازاي؟!،،ازاي مكمله!!!!
حياء:علشان مش دا اللي يقف قدام طموحي،،واثباتي لذاتي،،وكمان باباه مامني علي شغله هنا واكيد لما ارجع هقدم استقالتي،،بس انت ابعد عني خالص
مالك بانفعال:اللي تشوفيه يا انسه حياء،، هبعد خالص
"خرج مالك من غرفته وانهارت حياء وظلت تبكي بكاء مرير،،لما قالته له،،كيف لها ان تفعل ذلك وهو ما لقبته بابن قلبها،،انها تعشقه حقا،،آمنت بالحب علي يديه ولكن ما الذي دفعها لهذا،،اخذت حياء تصرخ بشده "
"هاله وهي تحتضنها"
هاله :كفايه يا بنتي ،،ليه يا حياء عملتي كدا دا بيحبك اوي وخايف عليكي وعاوز يبقي راجلك وحمايتك.
حياء بصريخ وهيستيريا:وانا والله بعشقه،،بعشقه وخايفه اخسره بعد ما لقيته ،،لازم ابعده عني لغايه ما ارجع القاهره ،،متعرفيش يا ماما احمد بيكرهوا اد ايه وعاوز يأذيه،،خايف اخسره ويضيع مني،،دا هو فرحتي في الحياه،،خايف ليه مش عاوزين تفهموني
"كان مالك يستمع الي كل ما قالته حياء،،كاد قلبه ان يقف عندما قالتها صريحه،،فهي تعشقه فعلا،،نعم قالتها،،ولكن كيف يحميها من هذا الوغد،،فهو منذ عشقها واصبح لها الاب والاخ،،كيف للاب ان يحمي صغيرتهمن براثن الذئب"
"انطلق مالك الي غرفته وظل يفكر في طريقه يقنع بها حياء بعدم الذهاب الي الشركه مره اخري"
********
"في الاوتيل"
"يجلس احمد علي سريره وبجانبه ليلي"
احمد:ها فكرتي في الخطه الجايه
ليلي بدلع:اه تمام
احمد :انا عارف انها مش هتيجي بكرا،،ف انتي تبدأي تنفذي الخطه من بكرا
ليلي وهي تضحك بخبث:اطمن يا بيبي،،ما يجيبها الا ستاتها
*******
"في صباح اليوم التالي استيقظت حياء وهي في حاله تردد من امرها ،،هل تذهب الي عملها،،ام تمتنع عنه حتي تستعيد كرامتها،،وبينما هيتفكر،،اذا باحدهم يطرق باب غرفتها"
حياء بخفوت:ايوه مين
مالك بهدوء:حياء ممكن تخرجي الصالون عاوزك شويه
حياء باستسلاف وشغف لرؤيته:ط طيب ،،لحظه بس
مالك:اوك،،مستنيكي
"خرجت حياءمن غرفتها،،فوجدت مالك جالسا في الصالون وينظر لها "
حياء:اتفضل حضرتك كنت عاوز ايه؟!
"قام مالك بجذب يديها واجلسها بالقرب منه بعض الشيء"
حياء وهي تبعد يديها:علي فكره بقا حرام اصلا تمسك ايدي
مالك بارهاق:وعلي فكره بقا،،اوعي في مره تفكري اني بمسك ايدك شهوه،،انا مبكونش قاصد اي حاجه،،ومش باخد بالي اني مسكتها غير لما بتنبهيني،،انا اكبرمن كدا يا حياء،،انا عاوز اكون حمايتك وسندك واخبيكي من العالم اللي كله سواد دا،،تفتكري بعد كل دا انا ممكن اكون راجل ليكي ولا عليكي!!!!!
شرعت حياء في البكاء بشده،،فاكمل مالك قائلا:
أيوة شكلك جذاب أوي و انتي بتدمعي .. بس ابتسامتك بتخلي الدنيا تفرح اضحكي يا ام غمازات،،بالله عليكي متروحيش الشركه،،مين قالك انه مش بيعمل كدا علشان يأذيكي،،حياء الناس اللي زي دول ،،مبيعرفوش ازاي يتقوا ربنا في بنات الناس
حياء مكمله بحب:انا فاهمه كل كلامك،،بس مش عوزاه ينتصر عليا،،هو علشان كل البنات تحت ايده،،ومفيش بنت بترفضه غيري،،فهو بيضايقني بس مش اكتر
مالك بانفعال حاد بعض الشيء:لا ،،دا ابن كلب،،هو عاوز يوصلك لمرحله انك تبقي زي البنات دي،،دا مش بيضايقك يا حياء،، دا طموحه اكبر من كدا،،فهماني!!!!
حياء وقد بدا عليها التوتر والاقتناع بما يقوله،،لم يكن مالك خاطيء في كلامه علي الاطلاق
هزت حياء رأسها بتفهم:ماشي ،،اللي تشوفه
مالك بحنو:اوعي تقولي تاني انك هتبعدي،،انتي ليا انا وانا هحميكي وهفضل جانبك غصب عنك،،فاهمه يا مغلباني
حياء بضحك:فاهمه يا اخر صبري
********
"في المنصوره"
ياسمين:انت بتتكلم بجد هنرجع بكرا الصبح اسكندريه.
زوج ياسمين (عماد):اه ان شاء الله،،يلا روحي جهزي لبسك انتي ويحيي بقا علشان هنمشي من الفجريه في القطار.
ياسمين:تمام اوي ،،هروح ابلغ هدي بقا
"اتصلت يا سمين علي هدي واخبرتها بعودتها غدا في الصباح الباكر"
هدي:تمام اوي يا حبيبتي ترجعوا بالسلامه وخلي بالك منها واحنا اسبوع وهنرجع وان شاء الله هنجيلكوا في زياره،،اصلها وحشاني اوي وانتوا كمان
ياسمين:تمام يا دودو ،،اشوفك علي خير
"اغلقت الاختان الهاتف،،
******
" في بيت تسنيم"
تسنيم وهي تنادي علي والدتها:ماما،،ماااااامااااا
الام من داخل المطبخ:تعالي يا سمسمه انا هنا
تسنيم بهزار:هو انا مرجعش من برا غير والاقيكي في المطبخ
فاطمه:قدري ونصيبي ياختي
تسنيم وهي تتنحنح في الكلام:ماما ،،هو انا ينفع اروح عند مي النهاردا
الام :ليه يا ختي
تسنيم:اصل عيد ميلاد حياء بعد بكرا وعاوزين نعملها مفاجأه ف هنخرج نتفرج علي الهدايا برا وبالمره نخطط للعيد ميلاد
الام مستفهمه:وانتوا هتعملوهولها ازاي يا غاليه وعي في اسكندريه
تسنيم بنظره خبث:اممممم ،م م م انا بفكر اسافرلها
الام باندهاش :نعم ياختي!!!!!
تسنيم برجاء:وحياتي عندك يا حبي،،علشان خاطري وهرجع في نفس اليوم
الام باستسلام:طيب سيبيني اقول لباباكي وربنا يستر
تسنيم بفرحه :هيييييييييه،، حبيبتي يا بطه والله
*********
"في بيت هاله"
مالك بحب:بقولك ايه يا ام خدود
حياء مقاطعه:بس متقوليش يا ام خدود ياض انت
مالك بضحك :ياض!!!!!،،دا احنا اتطورنا اوي
حياء بغرور:طوووول عمري متطوره،،وفري سبيشيال
مالك بضحك:يا واد يا متمكن
حياء بضحك:اه صحيح كنت عاوز ايه!!!
مالك متابعا:هاتيلي اشرب الاول يا بنوتي
حياء بسعاده:انا بنوتك!!!
مالك بتاكيد:اينعم ،،يلا بقا يا بت انجري هاتيلي ميه
"دلفت حياء الي المطبخ ثم قامت بفتح صنبور المياه،،فانفجرت المياه منه بشده ،،فبللت ثيابها ،،واثناء محاولاتها لاغلاق الصنبور،،وقع المسحوق الخاص بالتنظيف علي الارض ،،فانزلقت قدميها علي الارض"
حياء بصريخ:عااااااااااا،اييييي يا رجلي
مالك وهو يهرول ناحيه المطبخ:حيييياء مال....
"ولم يكمل حديثه وانزلق هو الاخر بجانبها،،فاصبحت قريبه منه الي حد كبير،،مالك وهو يضحك:هههههههههههخ،،كنت عارف انك هتعملي كارثه،، جوا يا زفتتي،،بس تعرفي انا بشكر السباك اللي معندهوش ضمير دا ،،اه والله ،،تعرفي ليه؟!
حياء متابعه:ليه؟!
مالك:علشان خلاكي قريبه مني كدا وسانده عليا،،شوفي القدر يا شيخه
حياء بضحك:طب اوعي كدا بقا،،دا انت رخم
مالك مكملا:طب والله لا انا سايبك في الصابون دا كله وماشي
حياء:لا استني يا مالك قومني،،شالله يخليهوملك
مالك بضحك:هم مين
حياء:عيالك
مالك بحب:ان شاء الله ولادنا ها،،تعالي بقا اشيلك شكل رجلك وجعاكي ياعيني
حياء وهي تبتعد:عااااااااا،،لا انا بعرف امشي ياخويا
" ضحك مالك بشده علي طريقتها ،،ثم دلف الي غرفته وابدل ملابسه،،وخرج الي الصالون مره اخري"
مالك مناديا:حياء يلا علشان نتمشي شويه علي البحر
حياء من داخل غرفتها:حاضر جايه،،واثناء جلوسه جاءت السيده هاله
هاله :ازيك يا ملوكي
مالك بحب:كويس يا لولتي كنتي فين
هاله كنت عند صاحبتي ما انت عارف هي رجلها مكسوره وبطمن عليها
مالك:ربنا يسعدك يالولو ،،ويفرحك زي ما بتقفي جنب الناس يا ابو قلب حنين انت
هاله بضحك:تسلملي يا حبيبي،،ثم اكملت متابعه،،ها اقنعتها؟!!
مالك:طبعا انتي عارفه،،انا شاب حليوه،،والبنات بتجري ورايا وبعرف اتعامل كويس اوي
هاله بضحك:هههههههههههههه ،،ربنا يخليهالك يارب
مالك بحب يارب:بس اعمل معاها ايه،،دي مبتعرفش تتطبخ ولا ليها في شغل البيت
هاله بضحك:ههههههههههه،، سيبهالي انا هعلمهالك
"وبينما هم يتحدثان،،اعلن هاتف حياء الموضوع علي الترابيزه المجاوره له عن وصول رساله ،قام مالك بالتقاطه،،ثم قام بفتحها بفضول شديد،،وبينما هو يقرأ،،ارتسمت علي وجههه معالم الدهشه،،حيث ان.....
يتبعالحلقه ال20°°ابن قلبي°°
"كان مالك يجلس في غرفه الصالون يتحدث الي هاله ،،في انتظار خروج حياء من غرفتها،،وبينما هو ينتظرها ،،اعلن هاتفها عن وصول رساله،،قام مالك بفضول وفتح الرساله،،ليجدها رساله من ليلي،،وكان مصمونها هكذا**كل سنه وانتي طيبها يا يويو انا عارفه ان عيد ميلادك بعد بكرا بس حبيت اكون اول حد يقولك عيد سعيد***...
" نظر مالك الي الرساله بدهشه اراد ان يعرف من هي ليلي؟!... ولكن فرحته بمعرفه يوم ميلادها انهته عن التفكير في اي شيء،،قام مالك بوضع الهاتف مره اخري الي موضعه
هاله بتساؤل:مالك يا ملوكي مبسوط كدا ليه؟!!!
مالك بفرح:الرساله اللي جت لحياء دي من واحده صاحبتها بتهنيها بعيد ميلادها،،واكيد فرحتي اني عرفت دا
هاله بضحك:مجنون،،فكرت هتحتفل بيه معاها ازاي!
"مالك واخذ يفكر قليلا ثم قام بالتقاط الهاتف مره اخري،،يريد ان يبحث عن شىء معين،،اخذ يقلب في الهاتف حتي وجد مبتغاه"
مالك بسعاده:تماااااام اوي كدا،،ثم قام بوضع الهاتف علي الترابيزه مره اخري"
"خرجت حياء من غرفتها"
حياء بمرح:لولو ،،وحشتيني كتير،،تعالي اتفسحي معانا
هاله :لا يا قلبي،،انا هقوم اعمل الاكل،،وانتوا متتاخروش علشان ناكل سوا
مالك مكملا:مش هنتأخر يا ست الكل
"انطلق مالك وحياء الي شوارع الاسكندريه"
********
"في الشركه في مكتب احمد"
احمد:ها يا لولتي،،بعتيلها الرساله
ليلي بخبث:تم يا بيبي،،وبكرا هروحلها البيت زي ما اتفقنا
احمد:حلوووو اوي،،النهايه قربت
ليلي وهي تضحك بدلع:بس متنساش انا الاصل
احمد:اكيد يا حلو انت
*******
"كانا مالك وحياء يسيران علي احد شواطيء الاسكندريه
مالك وهو ينظر للبحر:عارفه يا بنوتي نفسي في ايه؟!!
حياء متابعه:ايه
مالك:نفسي تكوني ليا بجد،،ونتجوز ونجيب بنوته حلو زيك
حياء وقد احمرت وجنتيها:اه وانا كمان
مالك وهو يضحك علي كسوفها الملحوظ ثم اكمل:قوليلي بقا مسمياني ايه ع الفون عندك يا ام خدود
حياء بصدمه:ها،،،ل لالالا مش مسجله الرقم اصلا
مالك وقد لاحظ دهشتها:امممممممم،،عارفه انا مسميكي ايه!!!!
حياء وقد التقطت انفاسها:ايه!!!!
مالك:ام خدود
حياء باندهاش :بقا كدا ،،طب اهو بقا
"ثم قامت حياء بملء يديها من ماء البحر والقتهم علي مالك وبدأ الاثنان المعركه واللعب بالماء
وبعد يوما طويل من المرح استعدا للذهاب،،ثم ركبا اتوبيسا كبير،،لم يكن هناك مكانا سوا مقعدا واحدا بجانب شاب،،لم يرحب مالك بهذا الشيء علي الاطلاق،،ولكنه يجب ان يتدبر امره فقام باجلاسها علي المقعد بجانب الشاب ووضع حقيبتها الخاصه بينهما،،مما جعل حياء في شده سعادتها من فعلته تلك،،واثناء سير الاتوبيس،،نام الشاب الجالس بجانب حياء،،وما هي الا لحظات حتي القي برأسه علي كتفها،،مما ازعج حياء بشده،،وايضا مالك،،قام مالك بايقاظه وتنبيهه عده مرات ،،ولكن الرجل استمر علي وضعه،،فقام مالك بوضع يديه اسفل راس الرجل حتي لا يقترب من كتفها"
"وبعد ان توقف الاتوبيس قام باخذها وانطلقوا نحو المنزل"
*******
"في صباح اليوم التالي،،استيقظت حياء علي صوت دقات الباب،،قامت هاله بفتح الباب وكان مالك مازال نائما"
هاله:ايوه ياللي بتخبط حاضر،،قامت بفتح الباب فوجدت امامها ياسمين خاله حياء،،هاله بترحاب:ياسمين،،حبيبتي عامله ايه!،،والله وحشتيني اوووي
حياء بسعاده وهي ترتمي باحضانها:خالتوووووو،،وحشتيني اوي يا قلبي
ياسمين بفرح:وانتي وحشتيني يا قلب خالتو،،وانتي كمان يا لولو وحشتيني اوي،،اخباركوا ايه
هاله:بخير الحمدلله
ياسمين:يلا بقا يا مشمشتي،،هاتي هدومك،،انا جيت من ساعه وظبطلك اوضتي،،وكفايه نتقل علي لولو لحد كدا
هاله بلوم:تتقلي عليا ايه بس،،دي حياء زي بنتي والله حياء بحب:دا انتي الحب كله يا لولو،،يلا انا هقوم انقل لبسي عند خالتو وارجعلك يا موزتي
هاله بحزن:طيب ما تخليها معايا،،هنا وعندك واحد
ياسمين بتفهم:معلش يا قلبي،،علشان مالك يكون ع راحته وبعدين مامت حياء متعرفش انك عندك ولد في البيت،،والا كانت رفضت وبشده
هاله متفهمه:تمام ،،بس تسيبيهالي طول اليوم
ياسمين بضحك:ههههههههههه ،،من عيوني
"اعدت حياء ملابسها،،ثم قامت بنقلها في بيت خالتها،،وبينما هي تضع الملابس في خزانتها،،جاء اليها يحيي ابن خالتها الصغير"
يحيي بمرح:مشمسه،،انت وحشتيني اوي،،مش انتي وعدتيني انك هتلاعبيني بالطياره الورق فوق السطوح!!!؟
حياء بنفس المرح والطفوله:ايون وعدتك يا قلبي،،هخلص اللي في ايدي ونطلع سوا
يحيي:ماشي يا مشمشه،،انت بحبك اوي
حياء بحب:وانا بحبك اكتر يا بطلي
"انجزت حياء ما كانت تفعله ثم ذهبت الي بيت هاله بصحبه يحيي،،قائله:خالتو انا رايحه عند ماما هاله ومعايا يحيي
ياسمين من المطبخ:ماشي وخلي بالك منه يا حياء
حياء:حاضر يا موزتي
" دلفت حياء الي بيت هاله فوجدت مالك يجلس امام التلفاز شارد الذهن،،ولكنه عندما وجدها امامه ،،تغيرت اسارير وجهه الي الفرح"
مالك وهو يجز علي اسنانه:زفته كدا تمشي من غير ما تقوليلي،،ثم اقترب منها وامسكها من اذنها
"وما ان شاهدها يحيي يفعل هذا بها ،،حتي قام بضربه بقدمه الصغيره قائلا:سيب بنت خالتي
مالك وهو ينظر له:ايه ياصغنن انت زعلان ليه بس!!
يحيي بغضب:انت بتمد ايدك عليها وانا واقف،،مش شايف راجل معاها مثلا
مالك مكملا:ايه دا يسطي،،دا انت اوزعه وبلسانين
يحيي بنفس الغضب:ايوه يسطي وهضربك لو كلمتها
حياء وهي تضحك بشده وموجههه كلامها ليحيي:بحبك ااوي يا بطلي
" مما اغاظ قولها هذا مالك بشده،،فهمس لها قائلا:بحبك،،حرام عليكي دا انا عمري ما سمعتها منك،
حياء بضحك:انت هتغير منه ولا ايه ههههههه
مالك:انا بغير عليكي من الهوا يا بنوتي
حياء باحراج :احم احم ،،طيب انا حبيت اطمن عليك بس،،وطالعه انا ويحيي ،،نطير الطياره الورق بتاعته في الجو
مالك بفرح:الله ،،طب وانا،،هاجي معاكوا
يحيي بغضب:لا مش هتيجي علشان بتزعلها
"جثي مالك علي ركبتيه حتي يستطع التحدث الي يحيي،،قائلا:هقولك حاجه يا صاحبي
يحيي متابعا:قول يا صاحبي
" ضحكت حياء علي رجاحه عقل يحيي،،كم هو صغير في العمر،،في عمر ال 6سنوات ويستطيع التحدث هكذا"
مالك متابعا:هي مامتك ممكن تموتك او تأذيك؟!!
يحيي بتفكير:لا ماما بتزعقلي،،بس بتحبني
مالك مكملا:بس كدا ،،انا بزعق لبنوتي،،ما هي حياء بنوتي وبنت قلبي بس مستحيل آذيها،،فاهمني ياصاحبي
يحيي متابعا:فاهمك يا صاحبي،،يعني انت عاوز تتجوز مشمشه!!!
مالك مستفهما:مشمشه!!!!
"حياء وهي تضع كلتا يديها علي فم يحيي،،قائله:اسكت يا زفت،،هو مبيقولش حاجه يامالك
" ظل مالك يضحك بشده لمعرفته باسم دلعها،،ثم تابع:هههههههه،،امممم مشمشه،،حلو اوي دا
حياء بغيظ:عادي دي ماما بتناديني بيه،،بس انا مش بحبه عااااااا
"ضحكوا جميعا بشده،،ثم ذهبوا الي السطوح ،،ليطلقوا لطائرتهم العنان"
******
"في الشركه قررت ليلي الاتصال بحياء وابلاغها بقرارها الجديد"
"حياء وهاتفها يرن،،اممم يا تري مين،،ثم نظرت الي الهاتف فوجدته ليلي"
حياء:الو يا ليلي،،اخبارك ايه!!!!،،انا الحمد لله ،،بخير
ليلي:ايه يا بنتي مبتجيش ليه!!!
حياء:انا خلاص قررت اسيب الشغل وكمان كام يوم وهنزل القاهره وساعتها هقدم استقالتي
ليلي بحزن مصطنع:ليه كدا يا حياء،،دا انا كنت عوزاكي تروحي معايا اجيب لبس جديد واغير من نفسي زي ما انتي عاوزه
حياء بفرح:بتتكلمي بجد!!!
ليلي بخبث:اه طبعا،،بس انتي عاوزه ترجعي القاهره. وتسيبيني
حياء بمرح: لا يا موزتي مش هرجع غير لما نجيب اللبس مع بعض
ليلي بخبث :ماشي تمام يا حبي
"ثم اغلقت حياء الهاتف،،ثم سالها مالك قائلا:كنتي بتكلمي مين!!!!
حياء متابعه:دي ليلي،،صاحبتي في الشغل،،اللي انت شوفتها ساعه ما جيت الشركه
مالك بتذكر:اه البنت دي،،بس انا مش عاوزك تتعاملي معاها يا حياء،،حاسسها مش متزنه
حياء بلوم:ليه كدا بس يا مالك،،حرام عليك دي طيوبه اوي واتغيرت وكمان بتتصل بيا علشان ننزل نجيب لها فساتين وجيب وحجاب كمان🙈
مالك بشك:اه ربنا يهدي
" انتهي اليوم وذهبت حياء لتخلد الي النوم،،ثم قامت بالاتصال علي والدتها"
قامت بالاتصال علي والدتها"
حياء بفرح:مامتي وحشتيني
الام:وانتي اكتر يا قلبي،،انت دلوقتي عند خالتك صح
حياء مؤكده:ايوه يا ماما ،،خالتو كانت وحشاني اووووي والله
الام:ربنا يخليكوا لبعض،،طيب بابا عاوز يكلمك
حياء بفرح:بابتي حبيبي،،وحشتني موووووت يا غالي
الاب:وانتي يا قلب بابا،،اخبارك ايه!!!...بتاكلي كويس،،ومرتاحه في المكان
حياء بحنو:اه يا بابا انا بخير والله ،،متقلقش عليا،،وراك رجاله
الاب وهو يضحك بشده:هههههههه،،عارف يا سطي
"اغلقت حياء الهاتف ،،ثم قررت الاتصال بتسنيم ولكن كان هاتفها مغلقا،،فقلقت عليها كثيرا""
******
"في غرفه مالك،،ظل ينظر الي رقم الهاتف المدون علي يديه،،ثم قام بتسجيله علي هاتفه،،وقرر الاتصال وهو في قمه تردده،،ولكنه وجد الهاتف مغلقا،،فقرر ان ينام ويعاود الاتصال علي الرقم في اليوم التالي
" في صباح اليوم التالي،،استيقظ مالك ،،فوجد رساله علي هاتفه،،وكانت الرساله تنبيه الي ان الشخص الذي حاول الاتصال به اصبح هاتفه متاح حاليا"... فهم مالك انا صاحب الرقم قام بفتح هاتفه،،فقرر الاتصال مره اخري
مالك:احم الو،،السلام عليكم
تسنيم باستغراب:وعليكم السلام!!!،،مين حضرتك
مالك باستكمال:احم ،،انا مالك ،،انا مش عارف
ان كنتي تعرفيني ولا لا،،بس انا اللي عايش مع حياء في نفس العماره
تسنيم ومازالت مزهوله ولكنها تابعت:اه ،،تقصد اليعايش معاها في نفس البيت
مالك متابعا:ايه دا انتي تعرفيني!!!
تسنيم متابعه:طبعا،،هي مشمشه وراها غيرك
مالك بضحكه:اممممم ،،قولتيلي،،طيب انا كنت عاوز حضرتك في موضوع ،،بما انك تعرفيني،،وانك بالنسبه لحياء شخص غير عادي
تسنيم متفهمه:اه تمام حضرتك
مالك مكملا:انتي طبعا عارفه،،ان حياء هي كل حياتي،،وان اللي بيني وبينا ،،صعب يتوصف
تسنيم:تمام،،عارفه ،،ومن كلامه باين اوي انكوا بتحبوا بعض
مالك بفرح:احم ،،انا مش بحبها،،انا بعشقها
تسنيم بضحك:هههههههه،،تمام بس متقولش كدا علشان بغير عليها
مالك:ههههههه ،بصي يا ستي انتي طبعا عارفه ان عيد ميلادها بكرا،،وانا عاوز افرحها وافاجأها،،فكنت عاوزك تيجي اليكس ،،يمكن لما تشوفك تفرح وكمان نعملها مفاجأه
تسنيم بفرح:انا فعلا كنت جيالها بكرا،،علشان وحشاني
مالك بسعاده:تمام اووووي،،طيب هنستناكي بكرا ،،وانا هفهمها انها رايحه معايا مشوار
تسنيم :بسعاده تمااااام اوووي
مالك بامتنان:شكرا اووووي بجد
تسنيم:مفيش شكر،،دا كفايه انك بتفكر في سعادتها ربنا يخليهالك
مالك بسعاده:تسلميلي يارب
"انهي مالك المكالمه ثم خرج الي شرفه المنزل،،ولكنه صدم مما يري....
يتبع
تكملة الرواية من هناااااااا
الفصل السابع عشر والثامن عشر والتاسع عشر والعشرين بقلم علياء كامله رواية ابن قلبى ( الجزء الاول)الفصل السابع…){kind=link}
تعليقات
إرسال تعليق