رواية ابن قلبى ( الجزء الاول)الفصل الحادي وعشرون والثانى وعشرون والثالث وعشرون والرابع وعشرون والخامس وعشرون بقلم علياء كامله
رواية ابن قلبى ( الجزء الاول)الفصل الحادي وعشرون والثانى وعشرون والثالث وعشرون والرابع وعشرون والخامس وعشرون بقلم علياء كامله
الحلقه ال 21°22 23 24 25°ابن قلبي°°
"انهي مالك حديثه مع تسنيم،،ثم خرج الي شرفه غرفته،،واثناء وقوفه رأي ليلي،،في اتجاهها للعماره التي يقطن به هو وحياء"
مالك في نفسه:البت دي بتعمل ايه هنا،،اكيد جايه عند حياء،،مع اني قايل للهانم متتعاملش معاها خالص،،بس يا تري عاوزه ايه منها!!!!،،ما انا لازم اعرف مش هفضل ساكت كدا وبخمن"
"دلفت ليلي داخل العماره ثم صعدت الي السلالم متجهها الي بيت خاله حياء،،قامت بدق الجرس،،وكان مالك يتابعها من العين السحريه،،وما هي الا لحظات،،حتي فتح باب المنزل"
ياسمين بترحاب:اهلا وسهلا يابنتي انتي صاحبه حياء
ليلي مؤكده:ايون يا طنط،،امال هي فين
ياسمين:موجوده يا بنتي،،اتفضلي نورتينا
"دلفت ليلي داخل المنزل ،،واصطحبتها السيده ياسمين الي غرفه الصالون"
ياسمين:اتفضلي يا بنتي اقعدي،،ثواني بس،،هنادي عليها
"دلفت ياسمين الي غرفه حياء فوجدتها تقرأ وردها اليومي"
ياسمين:مشمشه يا حبيبتي،،صاحبتك جت ومستنياكي في اوضه الصالون
حياء:اوه والله نسيت انها جايه،،اما اخرج اشوفها لتزعل
"خرجت حياء الي الصالون فوجدت ليلي في انتظارها،،قامت حياء بتحيتها "
حياء بسعاده:ليلي حبيبتي،،اسفه اني اتاخرت عليكي
ليلي بضحك:ولا يهمك يا حبيبتي،،ها بقا يلا اجهزي علشان نروح نجيب اللبس ،،عاوزين اليوم من اوله،،علشان هشتري حاجات كتيره اوي
حياء وهي تضحك:ههههههه،،انتي تؤمري يا لولتي،،بس تعرفي دا احسن قرار اخدتيه والله ،،الحجاب مفيش احلي منه،،وستر للبنت،،وبيحفظها،،بالظبط زي الجوهره اللي صعب الحصول عليها غير للشخص اللي معاه امكانيه يشتريها،،يعني الشخص اللي يقدرها ويصونها،،فهماني يا لولتي،،الحجاب فرض،،بس لازم تكوني حباه ومقتنعه بيه،،ها من قلبك يا جميله!!!
ليلي متابعه:اه طبعا يا حبي من قلبي
حياء بسعاده:تمااااااام اوي
*******
"في الشاليه"
كان احمد يجلس في الشاليه،،وقد انشكحت اساريره،،لعلمه ان ليلي قد ذهبت لبيت حياء وان خطته سوف تتم علي اكمل وجه،،فقام باعداد الشاليه وترتيبه لاستقبال فريسته"
******
"في بيت السيده هاله كان مالك يجلس في غرفته،،واخذ يتجول في الغرفه ذهابا وايابا،،هو يعلم ان هناك شرا وراء قدوم تلك الفتاه،،فنظرته عن الناس لا تخطىء ابدا"
مالك وهو يحدث نفسه:انت هتفضل قاعد هنا يا مالك مش فاهم حاجه اتصل علي حياء حالا"
"وبالفعل قام مالك بالاتصال علي حياء"
"واثناء جلوسها مع ليلي،،رن هاتفها"
حياء موجههه حديثها لليلي:بعد اذنك لحظه،،ثم انطلقت خارج الغرفه'
حياء مجيبه:ايوه يا مالك
مالك بنرفزه:البنت دي بتهبب ايه عندك ،،افهم بس
حياء بصوت خافت:يا مالك انا مش قيلالك انها جايه علشان تاخدني معاها ونشتري لبس
مالك بعصبيه زائده:بس انا مش مطمنلها ومفيش خروج يا استاذه
حياء بعند:هروح يا مالك ،،انا مشوفتش منها حاجه وحشه،،ليه متقولش انها فعلا عاوزه تتغير وتحسن الظن بيها ،،انا فعلا عاوزه اساعدها تتغير للاحسن،،واكسب في تقريبها من ربنا ثواب
مالك وقد بدأ يهدأ:والله يا حياء انا مش معترض علي كل دا،،لو كانت البنت فعلا مقبوله بالنسبالي،،بس انا مبرتحلهاش،،وصدقيني نظرتي للناس صح دايما
حياء بتفهم:هي ممكن فعلا تكون غريبه في تصرفاتها شويه بس مفيش مانع نديها فرصه تتغير
مالك بنفاذ صبر:اللي يريحك يا حياء ،،سلام
"اغلق مالك الهاتف معها وهو في قمه غضبه،،ولكنه قرر انه لن يتخلي عنها،،سيبقي بجانبها لاخر نفس يلتقطه"
*******
"في منزل عبد العزيز فهمي"
عبد العزيز لزوجته:اتفضلي يا هانم برن علي ابنك وتليفونه مغلق
نيفين:طيب اهدي يا عزيز يمكن فصل شحن منه
عبد العزيز:لا،،ابنك بقا مستهتر خالص،،انا هكلم حياء واعرف منها ايه اللي بيحصل
"قام عبد العزيز بالاتصال علي حياء،،واثناء جلوسها مع ليلي ،،رن هاتفها مره اخري"
حياء:يووووه،،ايه الحكايه النهاردا،،ثم نظرت الي الهاتف فوجدته،،مديرها،،اضطربت حياء بشده،،مما لفت انتباه ليلي لها"
ليلي باستفهام:مالك يا حياء ،،مبترديش ليه!!!... ووشك جاب الوان
حياء بتردد: د د دا عبد العزيز بيه،،شكله عرف اني سيبت الشغل،،ارد ولا اعمل ايه!!!!
ليلي بخبث:ردي يا حبيبتي ومتخافيش
"في تلك اللحظه توقف الهاتف عن الرنين ،،وما هي الا لحظات حتي عاود الاتصال مره اخري"
حياء بثقه:السلام عليكم يا فندم
عبد العزيز:وعليكم السلام يا بنتي
حياء بنبره هادئه:خير يا فندم!!!
عبد العزيز مستفهما:هو فين استاذ احمد يا حياء وليه فونه مغلق!!!
حياء وقد فهمت انه لم يعلم بامر استقالتها:اسفه انا معرفش عنه حاجه،،لاني قدمت استقالتي
عبد العزيز في دهشه:استقالتك؟!!،،ليه كدا يا انسه حياء،،هو ضايقك في حاجه؟!!!
حياء بثبات:ايوه يا فندم،،اتهمني بسرقه الشيكات الخاصه بالصفقتين اللي تميناهم،،ودا طبعا تخطي علي حدود كرامتي ومش هسمح بيه
عبد العزيز مكملا:بس يا بنتي،،دا انا معتمد عليكي جدا ،،ازاي مش هتكملي ،،طيب انجزوا اخر صفقتين،،ولما ترجعي القاهره،،انا هشوف الموضوع دا
حياء بثبات:اسفه يا فندم مش هكمل
"اغلقت حياء الهاتف مع عبد العزيز،،وكانت ليلي تتابع كل كلمه تخبرها للسيد عزيز،،وقد سعدت بسماع هذا،،لان حصولها علي تلك المعلومات يضمن لها،،ماديات اكثر،،وتحصل علي ثقه احمد،،فهي تطمح الي شىء اكبر،،نعم هي تريد ان تصبح زوجته،،حتي تصبح زوجه احد اكبر رجال الاعمال،،ومالكي اكبر شركات التجاره "
********
"في بيت تسنيم"
"اتصلت علي صديقتها مي"
تسنيم بفرحه:ايوه يا ميوي،،ها قولتي لمامتك علي السفر
مي بحزن:اه قولتلها،،بس رفضت،،ما انتي عارفه فاضل اسبوع علي خطوبه منه وهي محتاجاني جنبها..
تسنيم متفهمه:امممممم ،،كان نفسي نكون مع بعض بس مش مهم،،انا هسافر لحياء وباذن الله هقولها تيجي قبل ميعاد الخطوبه بيومين
مي بفرح:ياريت يا سمسمه الله يخليكي،،الفرح مش هيكمل غير بيها
تسنيم بضحك:ههههههههههههه حلو اوي واهو نلقط عريسين
مي:القطوا انتي ياختي ..انا العرسان علي قفا مين يشيل بس النفس بقا
تسنيم وقد انفجرت في الضحك:هههههههههههههههههههه،،انتي هتقوليلي دا انتي مسخره
*********
"في بيت خاله حياء"
"دلفت حياء الي غرفتها لكي ترتدي ثيابها استعدادا للذهاب في جوله مع ليلي لانتقاء بعض الملابس "
حياء في غرفتها:امال فين الجيب السمرا بتاعتي،،ظلت حياء تبحث عنها كثيرا ولم تجدها"
حياء بضيق:عااااااا،، والله كنت سيباها هنا ناو ،،راحت فين بس،،انا هروح اسال خالتو،،وبينما هي تفتح باب الغرفه لتسال خالتها،،وجدت احدا ما يخرج من اسفل سريرها"
يحيي وهو يخرج:عاااااووووو،،انا جيت،،ومعايا ساعه بين تين ،،لقد دقت ساعه المغامره،،والان مع هجمه التنين،،ثم قام بالانقضاض عليها،،مما اضحكها بشده"
حياء متابعه بضحك: يامامي خضتني يا اينشتاين
يحي بغضب:متقوليش شنطه دي تاني،،علشان مش بحب الراجل دهوت،،شعره منكوش مش بيعمل اسبايكي زيي
اخذت حياء تضحك بشده:هههههههههه شنطه واسبايكي
يحيي بغيظ:متضحكيش يا مشمشه،،انا ماشي من الاوضه بتاعتك دي
"ثم اتجه ناحيها السرير واخرج من اسفله لعبه كبيره علي هيئه عروس،،مرتديه ثيابا اسود اللون"
يحيي:انا ماشي بقا،،سبونج بوب جه
حياء بصدمه:عاااااااا،،استني ...استني يااااض
يحيي بخضه:ايه
حياء بغيظ:الجيب بتاعتي لافف بيها اللعبه،،عاااااا،،حسبي الله ونعم الوكيل
يحيي ببراءه:كانت سقعانه ،،واخدت شاور ونشفتها علشان تنام،،والشامبو بتاعك خلصته كله
حياء بنفس الغيظ: عااااااااا حتي الشامبو مرحمتهوش
يحيي وهو يجري خارج الغرفه:يماااا،، الحقيني يا ماما
حياء وهي تضحك:يابن اللذينه ،،هو انا لسه هكوي تاني لبس جديد
"اخرجت حياء ثيابا اخري لها،،وكان جلبابا من الجينز وارتدت عليه حجاب وردي اللون،،مما اطغي جمالا اكثر علي ملامحها"
*******
كان مالك يجلس في الشرفه وبينما هو يقرأ روايه اعجبته كثيرا،،وقف يحيي في الشرفه المجاوره له"
يحيي وهو يطلق لطائرته الورقيه العنان:عنننننن انطلقي يا طائرتي
"لفت صوته انتباه مالك فتوجه اليه بانظاره قائلا:ازيك يا صاحبي
يحيي وهو ينظر لطائرته:كويس يا صاحبي
مالك بضحك:يخربيت لماضتك،،بقولك ايه امال حياء فين
يحيي:جوا بتلبس علشان هتتفسح مع صاحبتها البت المزه اللي عندنا
مالك بهستيريه ضحك:ههههههههههههه،،يخربيت شيطانك،،طيب بقولك ايه ممكن تناديلي عليها
يحيي برخامه:معندناش بنات تقف في بلكونات وتتكلم مع شباب
مالك بغيظ في نفسه:اه يا تيت وحيات امي لاوريك
ثم اكمل:طيب بقولك ايه كنت عاوز منك حاجه مهمه اوي،،وهجيبلك شنطه اسبونج بوب كبيره تروح بيها الحضانه
يحيي بفرح:هيييييييييه،،وقلم سبونج بوب وكشكول واستيكه
مالك وهو يجز ع اسنانه:حاضر ياصاحبي ،،المهم بقا كنت عاوزك......
يتبعالحلقه ال22°°ابن قلبي°°
"مالك وهو يتحدث الي يحيي في خفوت شديد"
مالك:بقولك ايه يا يحيي بص بقا كنت عاوزك،،تصمم انك تخرج مع حياء
يحيي بتركيز:بس انا راجل مينفعش اخرج مع بنات
مالك بغيظ:ياض بطل لماضه وركز معايا يا زفت،،ولا اقولك خلاص ،،انا هتصرف،،ولا الحوجه للاطفال😛
يحيي بغيظ:انا مش طفل انا كبير،،ومش هجوزك مشمشه
مالك بغيظ:يلا ياض لرميك من البلكونه دا انا هتجوزها غصب عن عيلتك كلها
"خرج مالك من الشرفه واتجه الي غرفته وقرر ان يستعد لمراقبه بل بالاحري لحمايه حياء من تلك الفتاه
**********
" في بيت تسنيم"
تسنيم وهي تنادي علي والدتها:ماما انا جهزت الشنطه بتاعتي كلها،،بس كنت عاوزه منك 500 جنيه يا غاليه
الام وهي تدخل غرفه تسنيم:هي السفريه دي هتيجي علي دماغي انا عارفه
تسنيم وهي تقبلها من وجنتيها:اموووواه،،حبيبتي يا ست الكل انتي،،تعيشي وتديني
الام:ماشي ياختي كلي بعقلي حلاوه
"ضحكت تسنيم علي حديث والدتها،،واستعدت للذهاب الي المظبخ لمساعدتها في اعداد وجبه الغداء
*********
" في الشاليه"
"قام احمد بتشغيل هاتفه مره اخري وما هي الا دقائق قليله حتي قام والده بالاتصال عليه"
عزيز:انت فين يا حيوان،،وقافل فونك ليه،،انت هتجنني...امتي بقا هتكبر وتتعدل!!!!!
احمد باندهاش:بابا!!!... في ايه بس لكل دا
عزيز:يعني مش عارف في ايه!!!... عملت ايه لحياء يا استاذ وخلاها تسيب الشغل
احمد بانفعال:انا طردتها علشان حراميه،،فلوس الصفقات اللي كانت معاها بتراجعها ناقصه
عزيز بانفعال:اخرس يا بني ادم انت ،،البنت محترمه وانا مختارها مخصوص علشان امانتها،،اللي اعرفه عنها ان الفلوس في ايديها تزيد،،اكيد انت عملتلها حاجه من حركاتك القذره،،هو انا يعني مش عارفك،،مش هتتغير هتفضل زباله
"ثم قام عزيز باغلاق الهاتف في وجه ابنه ،،مما جعل احمد يستشيط غضبا،،تجاه تلك الفتاه التي استطاعت ان تنال مكانه عاليه وقدر كبير من الثقه لدي والده،،فاخذ يتوعد لها اشد الوعيد"
*********
"في بيت خالت حياء"
حياء بمرح:انا جهزت يا لولتي،،نقدر نمشي
ليلي وهي تبتسم لها ابتسامه صفرا:يلا بينا يا يويو
"استعت الفتيات للرحيل،،وبينما قد شرعوا في الخروج من المنزل حتي اوقفهم يحيي"
يحيي برجاء:مشمشه خديني معاكي اتفسح
حياء:معلش يا قلبي ،،اوعدك مره تاني هاخدك ،،لاني رايحه مع مس ليلي مشوار،،ماشي!!!
يحيي بمرح:وعد!!!
حياء بحب:وعد
"انطلقت كلا من حياء وليلي الي شوارع الاسكندريه للتسوق،،وفي تلك الاثناء خرج مالك ورائهم،،لمراقبه تحركاتهم وللاطمئنان علي ابنته كما يسميها"
"في احد المولات الكبيره بالاسكندريه،،رن هاتف ليلي،،استاذنت ليلي من حياء ثم ابتعدت عنها بمسافه كبيره وهي تجيب"
ليلي :الو،،ايوه يا بيبي
احمد بغضب:انتي فين يا بت
ليلي بنرفزه:هو دا اخرت اللي بعمله علشانك،،بقيت بت وبتتنرفز عليا كدا ليه!!!
احمد وهو يصحح من نبرته بعض الشيء:اسف يا بيبي،،بس بنت ال*** ،،قالت لبابا علي كل حاجه ورن عليا وبهدلني
ليلي متابعه:ايون هي كلمت باباك،،وقالتله ع كل حاجه
احمد بغيظ:اه يا بنت ال،،كله بحسابه،،وهنتحاسب النهاردا
ليلي بضحكه خبث:طبعا يا بيبي،،يلا اسيبك انا دلوقتي واروحلها لتشك في حاجه
احمد وهو ينفث سيجارته:طيب ،،متتاخروش
ليلي بخبث:اوك
"اغلقت ليلي الهاتف مع احمد،،ثم توجهت الي حياء التي كانت منسجمه مع توظيف الالوان واختيار اللبس،،في تلك اللحظه كان مالك يتابع ليلي وهي تتحدث في الهاتف عن بعد،،لذلك لم يستطع سماع ماقالته"
"عادت ليلي مره اخري الي حياء"
ليلي:ايه يا يويو،،اختارتيلي ايه ،،اشوف كدا!!!
حياء بمرح:بصي الدريس الاسود دا وعليه الجاكيت الجينز هيكونوا تحفه عليكي بجد
تحبي الحجاب يكون بمبي ولا اوف وايت
ليلي بضحكه صفراء:اه ،،اي حاجه يا قلبي اللي تختاريه،،انا بثق في ذوقك
حياء بسعاده:خلاص ناخد الطرحتين وتبدلي فيهم علي الدريس دا
"اخذت الفتيات يتجولن كثيرا،،حتي شعرت حياء بالعطش"
حياء بارهاق:اخ ياني مش قادره،،تعالي نشوف اي سوبر ماركت نجيب منه عصير ومايه
**********
"في بيت عبد العزيز فهمي"
عزيز:ياريته كان مات قبل ماييجي للدنيا،،وانا اللي بقول خلاص كبر وهيكوني سند وضهر بدل ما انا سني بيكبر وبتعب اكتر واكتر
نيفين بحزن علي حاله زوجها:طيب اهدي علشان خاطري،،متعملش في نفسك كدا،،انت تعبان لوحدك
عزيز بانفعال:اهدي ازاي،،وانا مش لاقي حاجه تريحني ابدا،،حتي ابني بيضعفني بافعاله
"وبينما هو يتحدث سقط علي الارض فاقدا للوعي"
نيفين بصراخ:عزيييييززززز ،،عزيز ،،الحقوني
"هرول العاملين في الفيلا علي صوت صراخها،،ثم اجري احدهم اتصالا بسياره الاسعاف"
********
"في بيت خاله حياء"
يحيي ببراءه:تعرفي يا ماما الشاب الكبير اللي عند طنط هاله!!!
يلسمين بانتباه وهي تتابع طهي طعامها:تقصد مالك !!!
يحيي مؤكدا:اه عمو مالك دا بيحب مشمشه وقالي انه هيتجوزها بالعافيه
ياسمين باستغراب:هو قالك كدا يا مفعوص انت
يحيي بغضب:انا مش مفعوص يا ماما،،انا مخاصمك
ياسمين بضحك :خلاص يا قلبي،،متزعلش،،انا هروح عند طنط هاله اديها طبق الحلويات دا وراجعه
يحيي مكملا:معندكيش راجل في البيت هو اللي يودي الحاجات دي،،وبعدين العبايه بتاعتك بنص كم مفيش خروج
ياسمين وتكاد ينفجر من الضحك:هههههههههههه،،والله ما في حاجه مصبراني علي ابوك غيرك بس،،دا انت راجلي وسيد الرجاله كمان
******
"في المول"
"قامتا الفتاتان بشراء جميع ما يحتاجونه،،ثم استعدتا للانطلاق الي المنزل،،وفي تلك اللحظه بدأ مالك يلتقط انفاسه،،ثم اكمل طريقه
ورائهم،،الي ان تدلف حياء الي العماره لكي يطمئن قلبه،،سارتا الفتاتان في طريقهما وبينما وقفت ليلي في منتصف الطريق وهي تضع يدها علي جبينها"
ليلي بتمثيل:اووووبا،،يالهوي انا نسيت خالص
حياء بفزع:في ايه يا ليلي مالك!!!!
ليلي بخوف تمثيلي:احمد بيه كان طالب مني ورق مهم للشركه علشان الصفقه اللي هتتم النهاردا وانا نسيت خالص،،يا مصيبتي
حياء متابعه:طيب والعمل
ليلي وهي توهم حياء انها تفكر في حل المشكله:اممممم ،،بصي الشاليه بتاعي قريب من هنا ،،انتي هتيجي معايا احط الهدوم دي،،وهتصل بيه ييجي ياخد الاوراق بتاعتها ونخلص
حياء بخوف:نعم!!!!!.. لالالالالا مستحيل
ليلي وهي تدعي الحزن:علشان خاطري يا حياء،،انا بخاف منه انتي عارفه انه ملهوش امان،،خليكي جنبي طمنيني،،انا هقابله برا الشاليه هديهملوا وهيمشي
حياء بعد تفكير وتردد:ماشي وربنا يستر بقا
"انطلقت حياء بصحبه ليلي الي الشاليه الخاص بليلي كما فهمت حياء منها،،وبينما هما يغيران مسارهما،،استغرب مالك مما يحدث،،وظل يسال نفسه قائلا:ايه دا ،،دا مش طريق البيت هما رايحين فين!!!!،،،طيب انا هتصل علي حياء واكيد هتقولي هي فين!!!
" قام مالك بالاتصال علي حياء ،،نظرت حياء الي الهاتف في حيره من امرها،،فهي خائفه من ان يسالها مالك اين هي،،فماذا تجيبه،،واذا اخبرته انها ستتواجد في نفس المكان الذي يتواجد فيه احمد ،،سوف يثور كالبركان يحرق كل شيء امامه،،ولكنها قررت ان تجيب علي مكالماته"
حياء وهي تحاول ان تبدو طبيعيه:الو ايوه يا مالك
مالك متابع:ايوه يا بنوتي،،انا سالت عليكي طنط هاله ،،قالت انك خرجتي،،انتي فين كدا اخرتي اوي!!!
حياء بتردد:ان ن نا اهو جايه في الطريق للبيت نص ساعه كدا وهكون وصلت متقلقش عليا
"استغرب مالك من حديثها كثيرا،،حياء تكذب!!!... ولكن لماذا لم تصارحه بالحقيقه،،وما الذي يجعلها تكذب عليه!!!
"اغلق مالك الهاتف معها وقرر ان يتبعهما الي حيث يذهبان
**********
" في المستشفي"
"كان عزيز في غرفه الطواريء،،حيث ارتفع ضغطه كثيرا،،فهو مريض بالسكر واي انفعالات او حزن قد يودي بحياته،،كانت نيفين تنتظر في الخارج في حاله لا يرثي لها،،اخذت تبكي بمراره علي حاله زوجها بل صديق عمرها،،واثناء وجودها علي تلك الحاله،،خرج الطبيب من غرفه الطواريء،،فهرولت اليه في محاوله للاطمئنان علي سلامه زوجها"
الطبيب:الحمدلله هو بخير ولحقناه،،بس ياريت ميتعرضش لاي انفعالات او صدمات وابعدوا عنه اي حاجه تضايقه
نيفين متفهمه:حاضر يا دكتور
********
"وصلت الفتاتان الي الشاليه،،ظلت حياء تنظر له من الخارج"
ليلي بخبث:تعالي يا يويو،،اعتبريه بيتك،،انا اخدت شاليه لاني بحب البحر وبرتاح وانا بسمع صوت الموج،،اتفضلي ادخلي
"وبالفعل دلفت حياء الي داخل الشاليه،،قادتها ليلي الي غرفه بها اريكه وسرير اي انها بسيطه الاثاث"
ليلي متابعه:انفضلي اقعدي يا جميل
"قامت ليلي بوضع الملابس علي الاريكه،،ثم احضرت زجاجه مياه من الثلاجه"
ليلي بخبث:اتفضلي اشربي يايويو ،،مايه مشبره،،وبينما هي تعطيها المياه قامت بإلقاء زجاجه المياه باكملها علي ملابس حياء،،لقد تعمدت ذلك"
ليلي باندهاش كاذب:اووووه،،يالهوي سوري يا يويو،،مكنتش اقصد
حياء بابتسامه بريئه:ولا يهمك
ثم اكملت ليلي:انا هجيبلك جلبيه بيت هي قصيره شويه بس البسيها لحد ما اكويلك الهدوم المبلوله دي،،احسن تاخدي برد
حياء برفض: لالالالا مش مهم هو شويه وهينشف
"رفضت ليلي اعتراض حياء وبعد اقناع شديد وعده محاولات معها استطاعت ان تجعلها تبدل ملابسها
ليلي بخبث:هروح اعملك كوبايه عصير فريش وهكويلك اللبس
" خرجت ليلي من الغرفه وما هي الا دقائق معدوده حتي قدمت مره اخري وهي تحمل كوبا من العصير
ليلي بخبث:اتفضلي يا يويو ،،بالهنا والشفا
حياء :شكرا
"خرجت ليلي من الغرفه وما هي الا لحظات حتي جاء احمد"
احمد ويبدو غير طبيعيا:جبتيها جوا!!!
ليلي بخبث:اه جوا وظبطهالك وحطيتلها مخدر في العصير
احمد بغضب:تمام اوووي،،اتكلي انتي علي الله
ليلي بضحكه خبث:ماشي يا بيبي وهرجع بعد نص ساعه
"خرجت حياء من الشاليه،،وكان مالك يتابع مايحدث فرأي احمد يدخل الي الشاليه،،وما هي الا لحظات حتي غادرت ليلي الشاليه بدون حياء،،،اذا اين حياء!!!!!
" مالك وهو في قمع صدمته مما يري،،ولما يترك لنفسه مجال اكثر للتفكير،،ثم اخذ يعدو ويهرول ناحيه الشاليه وقبل دخوله،،قابل ليلي في طريقه،،فقام بامساكها من ذراعها"
مالك بصريخ كالبركان:فين حيااااااء،،وديتيها فين انطقي
ليلي وهي تضحك بخبث:موديتهاش هي اللي راحت برجلها لحبيب القلب
قام مالك بامساكها من خصلات شعرها واخذ يجرها حتي الشاليه وهي تصرخ صرخات مدويه"
"داخل الشاليه"
يتبعالحلقه ال23°°ابن قلبي°°
"اخذ مالك يجذبها من خصلات شعرها ويجرها حتي وقف امام باب الشاليه،،مالك وهو يصفعها علي وجهها قائلا:افتحي باب الشاليه من غير نفس،،لادفنك في مكانك،،ثم صاح بها،،افتحييييييي
" داخل الشاليه كانت حياء تجلس مرتديه ذاك الرداء القصير،،كانت تشعر بالانزعاج من حالتها تلك فقامت باختيار جلبابا من المشتريات التي احضروها ،،ثم استعدت لارتدائه،،ولكنها كانت تشعر بدوار شديد حتي اختل توازنها وما هي الا لحظات حتي دلف احمد الي الغرفه،،لم تستطع حياء ان تميز ملامحه في باديء الامر لشعورها بالدوار،،ولكنها استطاعت ان تميز ملامحه اخيرا"
حياء بفزع :احمد!!!... بتعمل ايه هنا!!!!!
احمد وهو يقترب لها:دا الشاليه بتاعي يا حلوه
"ثم قام بامساكها من ذراعها،،قائلا:والله ووقعتي في ايدي يا حلوه
حياء وقد اختل توازنها ولا تستطيع المقاومه:ابعد يا حيوان،،ثم اخذت تبكي لاحساسها بالضعف
" في تلك اللحظه قامت ليلي بفتح باب الشاليه،،ثم قام مالك بالانقضاض علي الحجره،،فوجد احمد يقربها اليه دون ان تقاومه،،قام مالك بالانقضاض عليه واخذ يكيل له اللكمات المميته،،ظل الاثنان يتقاتلان حتي قام مالك بضرب احمد علي راسه وافقده الوعي،،توجه مالك الي حياء التي كانت تقف بعيدا عنهم،،وتبكي في انهيار،،ثم اقترب منها مالك،،واخذ يصرخ بها قائلا:هو دا قلبي اللي امنتك عليه!!!... بتكذبي عليا وبتخونيني،،كنتي قولتي مبحبكش وريحتيني من قرفك دا،، انتي كذابه،،كسرتيلي قلبي وانا اللي بتقي ربنا فيكي،،عاجبك منظرك باللبس كدا،،ولما انتي بتحبيه ،،كذبتي ليه!!!... انطقي؟!،،ثم قام بصفعها علي وجهها حتي فقدت وعيها
"قرر مالك ان يذهب ولن يلتفت لها،،ولكنه عندما نظر لها وهي فاقده الوعي،،لم يحتمل رؤيتها هكذا،،هو يري انها كاذبه وخائنه،،ولكنه يجب ان يقوم بدوره اتجاهها ،،قام مالك بالتقاط عباءه سوداء موضوعه علي الاريكه ثم البسها لها،،ثم قام بحملها وانطلق بها الي المنزل،،
"صعد مالك الدرج ثم وصل الي شقه خالتها،،فاخذ يدق الباب حتي فتحت له ،،مالك قائلا بارهاق:بعد اذنك يا طنط فين اوضتها
ياسمين بفزع:يالهوي،،حياء!!!.. بنتي،، مالها يا مالك!!!!
مالك وهو يضعها في سريرها:الميكروباص اللي كانوا راكبينوا عمل حادثه وهي فقدت الوعي من الخضه،،هي هتنام دلوقتي وابقا اطمني عليها،،استاذنك انا
ياسمين متابعه:شكرا بابني،،مش عارفه من غيرك كنا هنعمل ايه،،طيب اقعد يابني اعملك عصير
مالك بارهاق :شكرا يا طنط
" انطلق مالك الي منزله،،فوجد السيده هاله تجلس في انتظاره"
مالك بارهاق:لسه منمتيش يا ماما هاله!!!!
هاله بخوف:مالك !!فيك ايه صوتك مش طبيعي ولا حتي شكلك،،حصل حاجه بينك انت وحياء!!!
مالك بعصبيه:بعد اذنك متجيبيش سيرتها تاني مش عاوز اسمع اسمها هنا
هاله بصدمه:نعم!!!!... تقصد مين بالكلام دا؟!!... حياء!!!
مالك بنفاذ صبر:اه الهانم اللي كذبت عليا وخانتني،،دي واحده كذابه انا بكرهها ومش عاوز اعرفها تاني،،انا خرجتها من حياتي لاخر العمر
هاله بنفس صدمتها مستفهمه:حياء!!!... خاينه وكذابه...ايه اللي بتقوله دا يابني
مالك بغضب:الهانم راحت برجليها لحبيب القلب في الشاليه،،انا شايفها بعيني ،،هي راحت برضاها ولما اتصلت عليها ،،كذبت وقالت انها رايحه البيت وكانت ريحاله الشاليه،،وشوفتها معاه في اوضه واحده
ثم اخذ يصرخ بكل ما اوتي من قوه،،اراد ان يتخلص من كم الكبت بداخله،،ثم شرع في البكاء
هاله بخوف عليه:انت بتعيط يا مالك؟!... اول مره اشوف دموعك طول عمري عارفه ان دموعك صعب تنزل علي حد ولا قدام حد،،للدرجادي بتحبها؟!
مالك والشرار يتطاير من عينيه:ودلوقتي كرهتها اد حبي ليها
هاله مكمله: بس حياء لا هي خاينه ولا كذابه،،حياء اسم علي مسمي،،بنت محترمه بجد وبميت راجل،،وهي اللي هتصون بيتك في غيابك وهتصون اسمك،،اكيد في سبب ورا كل دا،،ودي مش اول مره تحكم عليها قبل ما تعرف اسبابها"ان بعض الظن اثم"،،اهدي يابني وفكر بتروي
"ذهب مالك الي غرفته وظل يفكر كثيرا،،ولكنه اراد التخلص من هذا التفكير القاتل بممارسه هوايته،،حيث يستطيع اخراج كبته بممارستها"
********
"في الشاليه"
"ليلي وهي تضع الضماده حول راس احمد"
ليلي :قولتلك مش هتاخد من البت دي غير المشاكل،،مش عارفه ايه اللي عاجبك فيها،،واهي خطتك فشلت،،انساها بقا
احمد والشرر يتطاير من عينيه:انساها!!!...هي علشان محاولتي فشلت مره ابقي خلاص تراجعت،،لا يا حلوه مش احمد عبد العزيز،،اللي يخسر قدام قطه
ليلي بغضب:يوووووه،،سيبك منها بقا وتعالي نتجوز ونعيش حياتنا
احمد وهو يضحك بسخريه:انا اتجوزك انتي!!!... شكلك اتجننتي،،انتي رخيصه والرخيص بيتلم عليه الناس،،انسي يا ماما انسي،،ويلا بقا من غير مطرود برااااااااا،،ثم قام بٱزاحتها من علي تخته،،خرجت ليلي من الشاليه واخذت تبكي بمراره،،فقد شعرت لاول مره انها رخيصه في نظر من احبت وستظل هكذا،،لان هي من اعطته هذاالانطباع عنها،،بطمعها والسعي وراء الماده،،وتدني الذات
**********
"في بيت تسنيم"
قامت تسنيم بالاتصال علي حياء عده مرات ولكنها لم تجبها،،نظرت في ساعتها فوجدتها الحاديه عشر،،وهي تعلم ان حياء ،،تخلد الي نومها متأخره،،لقد اضطربت نبضات قلبها بعض الشيء واحست بالضيق،،لكنها تجاهلت كل هذا وخلدت الي النوم"
********"
"في صباح اليوم التالي استيقظت حياء علي صوت المنبه وقامت،،اخذت تنظر الي ملابسها الغريبه،،لم تكن تلك الملابس ما كانت ترتديها امس،،نعم هي لم تتذكر شيء لانها كانت فاقده للوعي بعض الشيء كانت مفتحت العينين وفي حاله اللا شعوريه،،اخذت حياء تنظر لنفسها باستغراب،،ولكنها تدريجيا بدأت تتذكر بعض المواقف التي حدثت امس،،وما هي الا لحظات حتي،،هرولت الي باب المنزل وفتحته،،ثم اخذت تطرق باب هاله بشده
هاله وهي تتجه ناحيه الباب:ايوه جايه ،،لحظه
"قامت هاله بفتح الباب فرأت حياء امامها في حاله لا يرثي لها"
حياء برعشه:م م م مالك فين يا ماما هاله
هاله وهي تنظر لها باشفاق:نايم يا بنتي،،قوليلي يا حياء ايه بس اللي حصل بينكوا امبارح
حياء وهبدي تتذكر احداث مشوشه:امبارح!!!!!
"ثم جرت حياء الي غرفه مالك ودلفت داخل الحجره،،ثم قامت بايقاظه"
حياء ببكاء:مالك قوم،،عاوزاك
مالك وهو ينظر لها بغل:اطلعي برا حالا
حياء وهي تزداد ف البكاء:ايه اللي حصل امبارح،،قولي الله يخليك،،انا مش فاكره اي حاجه
مالك وهو يصرخ بها:طبعا وهتفتكري ليه،،ما الهانم كانت عامله دماغ وعايشه حياتها
حياء بصريخ:والله العظيم ما عملت حاجه يا مالك،،انا اخر حاجه فكراها اني كنت في الشاليه بتاع ليلي وبس
مالك بجمود:الشاليه بتاع احمد ،،تقصدي!!!،،اطلعي برااااا،،ثم قام بامساكها من ذراعها ودفعها خارج الغرفه
حياء ببكاء:متعملش فيا كدا علشان خاطري،،متستضعفنيش زيه،،والله ما عملت حاجه ولا حتي فاهمه حاجه،،صدقني انا مش كدا،،انا بحبك بجد
مالك وهو ينظر لها بغل:وانا بكرهك غوري،،براااا
"جاءت هاله علي صوت صريخهما ثم اخذت تهديء من روع مالك ولكنه لايستجيب ،،ثم حاولت ان تحتضن حياء لتهديء من بكائها،،ولكن حياء منعتها بيديها قائله:مش عاوزه شفقه من حد،،ثم دلفت خارج المنزل وهي في صدمتها منه،،كيف يشك بها هكذا وهي اكثر من قال له انها تعشقه وانها تعاني من احمد كثيرا ،،وانها تحتاجه سند لها،،هل هذا هو السند التي ارادته،،هل السند الذي يدفعك لاعلي،،ام ذاك الذي يدفنك اسفل السافلين
"دلفت حياء الي غرفتها مره اخري،،واخذت تبكي،،ولكنها قررت ان تعود الي القاهره في اسرع وقت وعندما يعلم ببراءتها يكون الوقت قد فات،،لن تسامحه علي قله ثقته بها ولا اهانتها
*****
" وصلت تسنيم الي الاسكندريه وكانت في انتظار وصول مالك علي الموعد المتفق عليه،،انتظرته كثيرا ولكنه لم يأت،،فقررت ان تقوم بالاتصال عليه"
"رن هاتف مالك فنظر الي الرقم فوجده تسنيم،،اخذ يضرب بيده علي راسه:ياربي نسيت،،استغفر الله العظيم
مالك: الو
تسنيم:استاذ مالك حضرتك فين انا مستنيه في المكان من بدري
مالك:اسف نسيت الميعاد،،ربع ساعه وهكون عندك
" اغلق مالك الهاتف معها،،فشعرت تسنيم بدرجه الحراره المرتفعه،،فقررت ان تتجه الي اي سوبر ماركت لشراء العصير"
وبينما هي ذاهبه اذا فجأه.....
يتبعالحلقه ال24°°ابن قلبي°°
"ظلت تسنيم تنتظر قدوم مالك في احد الشوارع،،فشعرت بالعطش جراء شعورها بالحر،،فقررت الذهاب الي السوبر ماركت لاحضار شىء بارد لكي تروي عطشها،،وبينما هي ذاهبه،،فجأه توقفت عن السير من هول مارأت"
تسنيم وهي في قمه ذهوله:يالهوي الولد هيموت،،حاااااسب
"جرت تسنيم الي حيث يقف الطفل الصغير،،في منتصف الطريق،،وبينما هي تهرول الي الطفل،،قائله:حاسب يخربيتك هتموت،،وما هي الا لحظات حتي وجدت سياره تسير بسرعه البرق ناحيه الطفل،،فجرت الي الطفل ثم التقطته،،مما جعل سائق السياره يتوقف،،السائق وهو يخرج من سيارته قائلا:ايه وقفالي في نص الطريق ،،طريق اللي جابوكي هو مش في عربيات ماشيه"
تسنيم وهي تنظر له في صدمه:انت بتتكلم كدا ليه يا بني ادم انت،،متخلي عندك احترام ف الكلام
احمد بغضب:بت انتي متخلينيش اتنرفز عليكي،،وبعدين سايبه ابنك في نص الطريق ليه،،وبتلومي الناس
تسنيم بانفعال:اولا دا مش ابني،،دا طفل شوفته ماشي في نص الطريق،،ثانيا انت بتسوق بسرعه رهيبه،،ايه التهور دا المفروض تعمل حسابك لموقف زي دا،،ولا هي ارواح الناس لعبه في ايدك
احمد بانفعال:بقولك ايه ،،ابعدي عن وشي مش ناقصك،،ثم قام بإزاحتها،،وتوجه ناحيه سيارته،،وقادها مره اخري بسرعه رهيبه
تسنيم في نفسها:شخص حيوان ومتهور
***********
"في بيت ياسمين"
"دلفت حياء الي غرفتها واخذت تبكي بمراره،،هل انتهي مالك من حياتها فعلا،،وهل بتلك السهوله ادانها بالخيانه،،انه يعرفها جيدا،،ولكن مهما حدث لن تمكنه من دخول حياتها مره اخري
" وبينما هي تفكر في ما آلت له من احداث ،،اذا بهاتفها يرن،،حياء وهي تلتقط هاتفها،،وما ان رأت اسم المتصل حتي ردت علي المكالمه علي الفور"
حياء واشتياق ببكاء:ماما،،وحشتيني اوي
الام بخضه علي صوت ابنتها:حبيبتي وانتي كمان وحشتيني،،بس مال صوتك يا حياء ،،انتي تعبانه
حياء وهي تنفجر في البكاء:وحشتيني اوي يا ماما ،،مش هترجعي بقا ،،وحشني حضنك اوي
هدي بخضه:مالك يا حياء،،ايه بس اللي حصل،،فيكي ايه!!!!
حياء بنفس البكاء:مفيش يا ماما بس مفتقداكي وعوزاكي جنبي،،علشان خاطري ارجعي بقا
الام بحزن:خلاص يا بنتي هانت،،بس فهميني مالك
حياء وهي تهدأ قليلا:انا كويسه بس متتاخريش عليا اكتر من كدا،،كل الموضوع ان انا مفتقده حضنك
الام براحه:حرام عليكي خضيتيني،،متزعليش يا بنتي،،وربنا يسعدك يارب،،ويبعد عنك ولاد الحرام
حياء بتنهيده:يااااااارب
"ظلت حياء تتحدث مع والدتها لبعض الوقت،،ثم اغلقت الهاتف"
******
"جلست تسنيم في مكانها في انتظار مالك ومعها الطفل الذي انقذته،،ظلت تبحث كثيرا عن والدته،،وبعد ما يقرب من العشر دقائق حتي قدمت والده الطفل وشكرتها،،ثم اخذته،،واثناء سيرها،،قال لها الطفل:باي يا مس،،ثم اعطاها قبله في الهواء،،مما جعلها تبتسم بعد شعورها بالضيق من طريقه ذاك الشاب وتعامله معها
" وبينما هي جالسه،،وجدت شخصا يلتفت يمينا ويسارا،،فتوقعت انه مالك،،اتجهت اليه قائله:انت مالك!!!!
مالك بابتسامه:ايون فعلا،،اهلا يا تسنيم،،نورتي اليكس
تسنيم بنفس الابتسامه:منوره باهلها
مالك:تمام اوي،،نقدر نتحرك
تسنيم بمرح:اخيرا هشوف مشمشه دي وحشتني مووووت،،متتصورش انا مستنيه اليوم دا من اد ايه
مالك بحزن واضح:اه ربنا يخليكوا لبعض
"تسنيم وهي تري نبره الحزن في صوته،،ولكنها لا تريد ان تتدخل في خصوصياته"
"انطلق كلا من مالك وتسنيم الي الميكروباص"
تسنيم وهي تتوجه بحديثها لمالك:انا هكلمها ناو علشان وحشتني،،ومش هحسسها بحاجه علشان المفاجأه متبوظش
مالك بدون اي تعبيرات:اه تمام
"قامت تسنيم بالاتصال علي حياء،،نظرت حياء الي الهاتف فوجدتها هي،،ثم قامت بالرد"
تسنيم بفرح:مشمشتي وحشتيني موووووت،،كدا متساليش عليا يا دزمه
حياء بصوت مرهق:اسفه يا تسنيم،،بس كنت تعبانه شويه
تسنيم بشك:تسنيم!!!!!... مش عوايدك تناديني باسمي،،مالك يا حياء!!!!!
حياء ببكاء:تسنيم انا محتاجاكي اوي،،تعبانه بجد،،حاسه اني بموت
تسنيم بخضه:اهدي بس فهميني مالك!!!... ايه حصل متخضينيش عليكي
"كان مالك يتابع كل كلمه تقولها تسنيم،،وعلم من كلامها ان حياء ليست علي مايرام،،قلق كثيرا عليها،،وبدأت ضربات قلبه تضطرب"
حياء متابعه حديثها مع تسنيم:مالك يا تسنيم،،كسرني
تسنيم وهي تنظر لمالك:نعم!!!!... مالك كسرك ازاي!!!!
"كان مالك ينظر لها بحزن ،،فهو يعلم انها منهاره حاليا،،ولكنه لا يعلم انها بريئه،،لان ماحظه امامه يدينها كثيرا"
تسنيم بغضب:اه ،،طيب اهدي،،هقفل شويه ورجعالك تاني
حياء وهي تبكي:ماشي
"اغلقت تسنيم الهاتف معها،،ثم التفتت الي مالك والغضب يعتريها"
تسنيم بضيق:ممكن افهم عملت ايه في صاحبتي،،خلاها منهار كدا!!!!!
مالك وهو ينظر لها:صاحبتك كذبت عليا وخانتني،،هي اللي كسرتني بجد،،وربنا يكفيكي شر راجل،،حب اوي وشافها امه وهي تكسره
تسنيم بضيق:مستحيل ،،صاحبتي مش خاينه ولا كذابه،،انت مهما اتكلمت من هنا لبكرا مش هصدقك،،حياء اكبر من تفكيرك العقيم دا،،انا واثقه ان في حاجه حصلت ،،بس انا هسمع منها كل حاجه،،علشان حياء مبتكذبش،،مبتعرفش للكذب طريق،،بس خليك فاهم كويس اوي،،انك ظالمها اكيد،،بس هي مش بتسامح حد ظلمها،،
"ثم انهت حديثها له قائله:فاضل كتير علي الوصول
مالك بحزن:لا خمس دقايق
*********
" في المستشفي"
"كانت السيده نيفين تجلس داخل الغرفه بجانب زوجها"
نيفين بحزن:بالله عليك كفايه زعل،،غلط علي صحتك،،احنا هندعيله بالهدايا
عزيز بغضب:انا حاسس اننا بندعي عليه مش بندعيله
نيفين ببكاء:الله يخليك خلاص اهدي
"ثم نادت علي احدي الممرضات قائله:لو سمحتي،،تعالي بسرعه
جاءت الممرضه ثم اعطت له مهدئا،،حتي نام مره اخري"
*******
"وصل تسنيم ومالك الي العماره،،نزلت تسنيم من السياره مسرعه،،وبعدها مالك،،ثم قالت تسنيم مسرعه:هي دي العماره صح
مالك:اه هي
تسنيم بنفاذ صبر:ممكن اعرف الدور الكام وشقه رقم كام
" اخبرها مالك رقم الشقه،،ثم هرولت مسرعه داخل العماره،،وما ان وصلت الي الشقه المطلوبه حتي طرقت الباب"
ياسمين :ايوه ،،جايه
يحيي بمرح:انا انا هفتح يا ماما
"فتح يحيي الباب فوجد تسنيم امامه،،ثم قال لها:عاوزه مين!!!
تسنيم بابتسامه:عاوزه حياء،،هي موجوده!!!!
يحيي وهو يهز رأسه:ايون في اوضتها،،ثم قام يحيي بمناداه والدته:ماما ،،ماااامااا،،في موزه واقفه عايزه مشمشه
تسنيم وقد جحظت عينيها:مزه!!!!... يالهوي يا مفعوص انت
يحيي وهو يضحك:اتفضلي يا عسليه،،قدمت ياسمين الي الباب فوجدت تسنيم
ياسمين باندهاش:تسنيم!!!... حبيبتي،،ازيك!!!... انتي جايه من القاهره لحد هنا لوحدك
تسنيم بابتسامه:اه حياء وحشتني اوي فقولت اجي اشوفها واعملها مفاجأه
" قامت ياسمين باصطحابها الي الغرفه وتركتها تطرق غرفت حياء"
حياء وهي تمسح عينيها:ايون جايه،،لحظه بس
"فتحت حياء الغرفه ،،ثم وجدت تسنيم في وجهها،،جحظت عيناي حياء وكأن الزمن توقف،،ولكن تسنيم قامت باحتضانها بشده،،اخذت حياء تبكي بين احضانها كالطفله التائهه التي وجدت ملاذها"
تسنيم ببكاء هي الاخري:كفايه بقا الله يخليكي،،مش قادره اشوفك كدا
حياء وهي تبكي بحرقه:حبيته ،،حبيته اوي يا تسنيم،،خفت عليه اكتر من نفسي،،وفي النهايه كسرني ،،موتني بالبطيء،،اتهمني بالخيانه،،،انا بموت خلاص،،احضنيني يا تسنيم،،انا تعبانه اوي
"اخذت تسنيم تبكي معها،،ولكنها لم تتحمل رؤيتها هكذا،،ثم قامت تسنيم فجأه وهي منفعله"
تسنيم بانفعال:هو ازاي يعمل فيكي كدا،،وانتي اديتيله قلبك ووثقتي فيه،،انا لازم افهمه انه غلطان وانه بكرا هيندم
"امسكتها حياء من ذراعها،،ثم اوقفتها قائله:لا اوعي تعملي كدا،،اوعي تترجيه ابدا،،هو اللي اختار يظلمني،،وانا اخترت اخرجه من حياتي
******
" وصل احمد الي الشركه فوجد ليلي تنتظره داخل المكتب"
احمد بغضب:بتهببي ايه هنا!!!
ليلي بغضب:جايه افهم منك حاجه واحده بس،،انا ساعدتك علشان تنتقم منها،،مش ذنبي ان الخطه فشلت،،انت ليه مش عاوز تفهمني،،انا بحبك
احمد بانفعال:انتي بايه!!!،،ثم اخذ يضحك وعلت صوت ضحكته كثيرا قائلا:بتحبيني،،عليا يا حلوه،،دا انتي تلميذتي،،هتلعبي عليا!!!!
ليلي بحزن:لا انا بحبك بجد،،افهمني بقا،،انا عاوزه اعيش معاك واكمل حياتي معاك
احمد بسخريه:طيب ما تعيشي معايا
ليلي باستغراب:اعيش معاك ازاي!!!
احمد بتهكم:زي ما كنتي عايشه قبل كدا،،يا بنتي انتي نسيتي نفسك انتي رخيصه!!!
ليلي بصريخ:اخرس بقا كفايه،،دا جزائي اني حبيتك،،انت زباله وحقير
"قام احمد بصفعها علي وجهها،،اصبحت ليلي في قمه ذهولها،،ثم قام احمد بطردها من مكتبه،،واثناء خروجها،،هددته قائله:صدقني هدفعك تمن القلم دا غالي اوي،،ثم خرجت من مكتبه علي الفور
***********
" في بيت هاله"
كان مالك يجلس في غرفته،،يفكر ،فيما قالته تسنيم،،واثناء جلوسه شارد الذهن،،سمع صوت صريخ يصل الي غرفته،،ثم هرعت هاله اليه في فزع قائله:مااااالك الحقني يا مالك....
يتبعالحلقه ال25°°ابن قلبي°°
"كان مالك يجلس في غرفته،،شارد الذهن يفكر فيما وصلت اليه علاقتهما،،وبينما هو علي هذه الحاله،،هرولت السيده هاله الي غرفته مناديه اياه"
هاله بصريخ :مااااااالك،،الحقني يا مالك
مالك وهو ينظر لها بخوف:مالك يا ماما،،ايه اللي حصل
هاله وهي تلتقط انفاسها:الحقني في صوت صريخ في شقه ياسمين ولما روحت اشوف في ايه لقيت ح ح
مالك بفزع:لقيتي ايه !!!
هاله ببكاء:لقيت حياء واقعه علي الارض وفاقده للوعي وبتنزف،،الحقها يامالك الله يخليك
"هرول مالك الي خارج غرفته مسرعا اليها،،دلف مالك الي غرفه حياء،،فوجدها فاقده للوعي تماما وتسنيم تحتضنها وتصرخ"
ياسمين ببكاء:حياء قومي يا بنتي،،جرالك ايه ،،ما انتي كنتي كويسه!!!
تسنيم:الله يخليكي يا طنط ،،اطلبي الاسعاف بسرعه ،،دي بتنزف
مالك وهو ينظر لها بصدمه،،ثم وجه حديثه لتسنيم:حياء هتبقي كويسه مش كدا،،ثم اخذ يهزها بكل قوته مترجيا اياها:حياء قومي ،،ثم التقط هاتفه مسرعا واجري اتصالا بالاسعاف"
تسنيم بكره:انت السبب ،،انت وصلتها للي هي فيه،،حسبي الله ونعم الوكيل فيك،،دي حبيتك بس انت متستاهلش
مالك ومازال علي نفس صدمته،،ثم جثي علي ركبتيه وامسك وجنتيها بيديه،،واخذ يحدثها"
مالك ببكاء مرير:حياء ،،بالله عليكي قومي وكلميني،،وانا هسمعك،،اضربيني ،،عاندي فيا مش هزعل بس متسكوتيش كدا
"وما هي الا لحظات حتي قدمت سياره الاسعاف،،ثم قاموا بحملها داخل السياره وركبت تسنيم وخالتها معها،،وانطلقت السياره"
"كان مالك ينظر لسياره الاسعاف وهي تذهب وكأنه فقد جزءا من روحه،،كيف سيكمل حياته بدون رؤيتها وازعاجها الطفولي له،،لقد انهي وجودها في حياته،،ولكنه لم ينهي رؤيته لها حتي لو عن بعد،،وبالفعل اخذ مالك السيده هاله وانطلقوا الي المستشفي"
**********
"خرجت ليلي من الشركه وهي تبكي نتيجه صفعه لها وقررت الانتقام منه،،علي فعلته تلك،،فقررت الذهاب الي مالك واخباره كل الحقيقه"
******
"علي الجانب الاخر خرج السيد عبد العزيز من المستشفي وانتقل الي بيته،،بعد ان اتم شفاءه"
نيفين بحب:حمدا لله علي سلامتك يا عزيز
عزيز:الله يسلمك يا نوفي
نيفين بفرح:ايه رايك بالمناسبه الحلوه دي،،انا اللي هعملك الاكل بايدي
عزيز بضحك:يااااه،،تصدقي من زمان مدوقتش الاكل من ايدك،،ونفسي فيه
نيفين بحب:من عنيا ،،ساعه بالكتير والاكل يكون جاهز
********
"داخل المستشفي"
"دخلت حياء الي غرفه الطواريء،،ظلت تسنيم وياسمين،،يبكيان خوفا من فقدها،،جلستا في الاستراحه امام الطواريء،،ثم قامت ياسمين باحتضان تسنيم وهي تربت علي كتفها قائله:اهدي يا بنتي،،ان شاء الله هتقوم علي خير،،وتبقي زي الفل
تسنيم ببكاء:انا خايفه عليها اوي،،اول مره احس بضعفها،،وانا مش عارفه اساعدها،،انا عوزاها ،،خايفه اخسرها،،ثم اجهشت في البكاء
" وبينما هما يتحدثان،،جاء مالك والسيده هاله"
مالك مسرعا ناحيتهم:حياء فين،،طمنوني عليها
ياسمين بحزن:دخلوها العنايه المركزه
هاله بحزن:استر يارب
"ظل مالك يتحرك في الكوريدور ذهابا وايابا،،وبعد مرور ساعتين خرج الطبيب،،فهرول الجميع اليه"
مالك بانفاس متقطعه:حياء ،،بخير يا دكتور،،طمني عليها؟!!!
الطبيب:الحمدلله انكوا جيبتوها هنا بدري قبل فوات الاوان،،لانكوا لو كنتوا استنيتوا شويه تاني،،كانت لقدر الله مش موجوده بينكم دلوقتي،،من كميه الدم اللي فقدتها"
"بدا مالك يلتقط انفاسه مره اخري"
ياسمين بارتياح:الحمدلله
تسنيم بتساؤل:طيب هو انا ممكن اشوفها!!!
الطبيب:هي هتتنقل حالا لغرفه عاديه وبمجرد ما تفوق،،تقدوا تشوفوها،وهي هتقعد يومين
مالك بابتسامه:شكرا يا دكتور
"ابتسم له الطبيب ثم غادر،،وما هي الا لحظات حتي قامت الممرضات بنقلها الي غرفه عاديه
****
"علي الجانب الاخر ،،كان احمد يجلس في مكتبه،،ثم رن هاتفه،،احمد وهو يضغط علي زر الرد"
احمد ببرود:ايوه يا ماما
نيفين بحزن:ايوه يا احمد،،باباك كان في المستشفي وكان هيموت مني ،،كله بسببك
احمد بخضه:بابا!!!.. طيب هو عامل ايه دلوقتي طمنيني عليه!!!
نيفين ببكاء:هو بقا كويس،،بس مش راضي عنك،،يابني حرام عليك اللي بتعملوا في ابوك وفي نفسك دا،،فوق بقا انت لازم تتغير وتتحمل مسؤليتك
احمد بنفاذ صبر:يووووووه بقا يا ماما،،هي الاسطوانه دي كل يوم
نيفين بغضب:وهفضل اقول الاسطوانه دي لحد ما تفوق لنفسك
"اغلق احمد الهاتف مع والدته،،بعد قليل من الشد والجذب بينهم،،ثم قرر الذهاب خارج الشركه،،لقد مل الجلوس فيها"
*********
"انطلقت ليلي الي بيت مالك،،صعدت السلالم ،،ثم وقفت امام المنزل،،ثم دقت الجرس،،ولكن لم يجب احدا،،ظلت هكذا لفتره طويله،،ثم قررت طرق منزل خاله حياء،،قامت بطرق الباب عده مرات،،ثم قام يحيي بفتح الباب لها"
يحيي:ايون يامس،،انتي عاوزه مشمشه
ليلي:اه هي جوا!!!.. وفين طنط هاله الي في الشقه دي!!!
يحيي ببراءه:كلهم راحوا مع حياء المستشفي،،في عربيه كبيره جت اخدتها،،وكانوا بيعيطوا،،وحياء كانت نايمه
بدي علي ملامح ليلي الخوف والقلق وتأنيب الضمير في نفس الوقت"
ثم اكمل يحيي متابعا وهو يضحك:بصي مشيوا كلهم ومشمشه نسيت التليفون بتاعها وانا بلعب عليه ساب واي
"نظرت ليلي الي الهاتف في تفكير،،ثم هتفت قائله:طيب ممكن يا حبيبي،،تديني الفون دا ،،علشان اتصل بيها،،واعرف عنوان المستشفي واروحلها
يحيي بعفويه:ماشي ،،بس قوليلها تجيبلي شيكولاته وهي جايه زي ما وعدتني
ليلي بابتسامه:حاضر يا جميل انت
" اخذت ليلي الهاتف من يحيي وبدات تبحث فيه عن رقم مالك،وبالفعل وجدته ،،ثم اعادته الي الطفل مره اخرج،،وانطلقت مسرعه خارج المنزل"
****
"في المستشفي"
"قررت ياسمين العوده الي منزلها،،للاطمئنان علي ابنها يحيي،،وجلب بعض الملابس لحياء"
ياسمين:طيب انا هروح البيت اطمن علي يحيي واجيب لبس لحياء وارجع ،،مش هتاخر ان شاء الله
تسنيم بحزن:ماشي يا طنط
"انطلقت ياسمين عائده الي المنزل"
"واثناء جلوس مالك امام غرفه حياء،،جاءت احد الممرضات قائله:انسه حياء فاقت الحمدلله،،تقدروا تطمنوا عليها
" فرح الجميع بسماع هذا الخبر،،وتهللت اسارير مالك،،بل عادت له روحه مره اخري"
"دلفت تسنيم والسيده هاله الي غرفه حياء،،فوجدوها اصبحت علي ما يرام"
تسنيم بفرح واضح:مشمشتي،،ثم قامت بالهجوم عليا،،واخذتها بين احضانها
حياء بضحك:تسنيم حرام عليك،،هتموتيني،،اه ياني
تسنيم بضحك:وحشاني يا بت الله،،كنت هموت من غيرك،،ونويت ارمي نفسي قدام توكتوك يا جلبيالحياه من غيرك،،ضياع ضياع ضياااااع🙊
حياء بضحك:هههههههه،،بطلي متضحكنيش
هاله بفرح:الله،،اخيرا شفتك بتضحكي،،ربنا يديم ضحتك الحلوه دي يا قلبي
حياء بحب:تسلميلي يا لولو،،ويخليكي ليا،،ثم تابعت،،امال خالتو فين؟!
تسنيم؛:روحت البيت تتطمن علي يحيي،،وتجيبلك لبس جديد،،وجايه علي طول
حياء بتفهم:امممم،، ماشي
تسنيم بضحك:عااااااااااا،،كنتي وحشاني اووووي
حياء بصدمه:هههعههههههه،،خضيتيني يا زفته عاااااا
******
"في بيت ياسمين"
"وصلت ياسمين الي المنزل،،فوجدت ابنها يشاهد الكرتون"
ياسمين:حبيب ماما اللي بيسمع الكلام،،شطور
يحيي بعناد:ماما هو انا صغير ،،مش تكلميني زي الاطفال
ياسمين وهي تضحك:ههههههههه،،حاضر يا قلبي،،ها بابا لسه مجاش من الشغل؟!
يحيي وهو ينظر للكرتون:لا ،،بس المس اللي كانت مع حياء،،جت تاني وسالت عليها
ياسمين مستفهمه:دي مين دي،،،ليكون البنت اللي حياء راحت اشترت معاها اللبس؟!.. اكيد البنت دي هي السبب في اللي حصل لحياء،،بس ترجع حياء البيت وهفهم منها كل حاجه"
"دلفت ياسمين الي غرفه حياء،،لتجهز لها ثيابا جديده،،واثناء خروجها من الغرفه وجدت ورقه ملقاه علي سرير حياء،،قامت بالتقاط الورقه تلك،،فوجدتها صوره لمالك"
ياسمين لنفسها:مالك،،صورته بتعمل ايه هنا،،ثم تذكرت حديث ابنها عندما قال لها،،ان مالك يريد الزواج من حياء،،فهذا يعني ان حياء تحبه،،ولكن لماذا لم تخبرها،،وكيف عرف مالك بخروجها مع صديقتها،،ولماذا احضرها الي المنزل وهي بتلك الحاله،،لم تستطع ان تتحمل كل تلك الاسئله،،فآثرت الصمت،،حتي تستعيد حياء شفاءها"
"غادرت ياسمين بيتها مره اخري متجها الي المستشفي،،بعدما وضعت صوره مالك اسفل وساده حياء"
*******
"داخل المستشفي"
"كان يجلس مالك خارج الغرفه،،متحير هل يذهب للاطمئنان عليها ...ام يعود الي بيته!!!،،وبينما هو في حيره من امره،،اذا اعلن هاتفه عن وجود اتصال،،نظر مالك الي الشاشه فوجده رقما غير مدون، فقام بالرد"
مالك:السلام عليكم
ليلي بتردد وخوف:وعليكم السلام،،ازيك يا استاذ مالك
مالك باستفهام:بخير بس مين حضرتك
ليلي بتردد:انا ... ليلي
مالك والشرار يتطاير من عينيه:انتي تاني يا زباله،،عاوزه ايه انطقي!!
ليلي بحزن:اسمعني بس للاخر
مالك بغضب:مش عاوز اسمع منك حاجه،،انتي الي زيك يتقتل،،احمدي ربنا اني جرجرتك من شعرك بس،،لو شفت رقمك علي تليفوني تاني ه....
ليلي مقاطعه:حياء بريئه
"صدم مالك من سماعه تلك الكلمه،،هو كان يعلم،،ولكن كبريائه يمنعه من الاعتراف بذلك،،لان حياء كذبت عليه"
مالك متابع:مش فاهم،،اشرحيلي اكتر
ليلي بحزن:انا اللي اخدتها للشاليه علي انه بتاعي،،وقولتلها في ورق مهم لازم يتسلم للشركه،،وانا اللي اتفقت مع احمد اني هحطلها مخدر في العصير علشان تكون مغيبه"
مالك وقد جحظت عيناه:بس نسيتي تقولي حاجه،،انك بنت كلب،،خربتي بيني وبينها،،وخليتني اشك فيها،، ودمرتها باتهاماتي،،وهي معملتش حاجه لكل دا،،والله لاوريكوا ،،هقتله وحقها هرجعوا،،وهتشوفي،،احذري مني اوي يا استاذه
"ثم قام باغلاق الهاتف في وجهها"
*****
"داخل غرفه حياء بالمستشفي"
"ظلت تسنيم تتضاحك مع حياء،،مما اعاد لحياء مرحها من جديد"
"كان مالك في الخارج في حاله لا يرثي لها،،احقا هو ظلمها لقد احبته بشده،،كيف لها ان تسامحه،،وكيف لو اصابها مكروه وتبينت براءتها ان يسامح حاله لفقدها،،وضع مالك وجهه بين يديه للحظات،،ثم قرر الدلوف الي غرفتها"
"مالك وهو يطرق الباب"
هاله :اتفضل،،عدلت حياء من وضع حجابها قبل دلوف الطارق للغرفه"
"دخل مالك الغرفه،،فوجدها تنظر اليه في حزن واعين لامعه،،ولاول مره يشعر ان تلك الورده المزدهره قد ذبلت غصونها،،ولكن مازالت نظره البراءه لها الجزء الاكبر في وضوح ملامحها"
مالك بحزن وهو ينظر لها نظرات اشتياق:حمدا لله علي سلامتك
"ادارت حياء وجهها ورفضت النظر اليه،،ولم تجب علي حديثه ابدا"
هاله بحزن:اقعد يا مالك
تسنيم والشرار يتطاير من عينيها:يقعد فين مش كفايه اللي عمله فيها،،دي كانت هتموت بسببه
مالك بحزم:محدش يدخل بيني وبينها ،،سيبونا شويه لوحدنا
تسنيم بغضب:مش خارجه ومش هسيبها معاك لوحدكوا
مالك بنرفزه:انتي هتخافي عليها اكتر مني،،وبعدين انا مباخدش رايك انا بأمرك تطلعي برا،،عاوز اتكلم مع بنوتي
حياء وقد جحظت عينيها:بنوتك؟!...ثم وجهت حديثها مع تسنيم:سمسمه ممكن تسيبينا شويه،،في حاجات كتير عاوزه اقولهاله
تسنيم بضيق:ماشي ،،بس بلاش تتعصبي
حياء بابتسامه:حاضر
"خرجت تسنيم من الغرفه،،ثم تقدم مالك من السرير التي تجلس عليه حياء وجلس امامها مباشره،،ثم نظر اليها بتمعن قائلا:انا اسف ،،سامحيني
حياء بغضب:انت...
مالك مقاطعا:سيبيني اتكلم بالله عليكي،،انا ظلمتك،،وجرحتك ووجعت قلبك وبسببي كنتي هتضيعي مني،،عارف انك بريئه،،وحياه اغلي حاجه عندك لتسامحيني،،اديني فرصه اخيره،،اصلح كل اللي هديته
حياء وقد بدات تنهار من حديثه:انا بكرهك، عارف يعني ايه،،ومش عاوزاك في حياتي خالص،،انا حتي كرهت اشوفك قدامي،،ابعد عني،،مش مسامحاك ،،اطلع برا
مالك وهو يطبق يديه علي يديها:مش هخرج ومش هسيبك،،انا عاوزك في حياتي
حياء بانفعال:سيب ايدي،،انت مبتفهمش
مالك وهو مازال يمسك بيدها:اي حاجه فيها بعد عنك،،مش هفهمها بصي من الاخر،، انا متبت وباقي عليكي،،ومش سايبك لغيري خلاص،،ولو كنت جرحتك يوم،،اكرهيني،،بس مش قادر اتخيل بنت لقلبي غيرك انتي،،فهمتي!!! انتي ليا،،وهترجعي تحبيني تاني،،اوعدك
"قامت حياء بامساك كوب ماء زجاجي كان بجانبها،،ثم القته ارضا،،فكسر لقطع كثيره"
نظرت له حياء قائله:رجعلي الكوبايه دي زي الاول،،ثم اجهشت في البكاء وهي في حاله انهيار
"لم يحتمل مالك انهيارها،،فقام باحتضانها خوفا عليها حتي لا تسوء حالتها ،،ثم طبع قبله علي جبينها، في تلك الاثناء دخلت تسنيم وهاله علي صوت تحطيم الزجاج،،ولكن مالك اخذ يصرخ بانفعال،،اطلعوا برااااا،،سيبونا لوحدنا
" حياء تبكي قهرا وهو يحتضنها دون وعي منه،،فقط لحمايتها من نفسها،،ثم هدأت حياء وقليلا،،ودون وعي منه قامت بازاحته بعيدا عنها قائله:انسي انا مش بنت قلبك ولا هكون،،انا واحده قلبها ادشدش مليون حته،،اعتبرني ميته
"احس مالك بالجديه في نبرتها فخفق قلبه بشده،،ودون وعي منه قام بحملها بين ذراعيه،،ثم انطلق بها خارج الغرفه،،امام زهول صديقتها والسيده هاله"
تسنيم بزهول:انت واخدها فين،،انت مجنون،،سيبها بقولك
مالك بضيق:هاخدها ،،وهقتلها
تسنيم بصريخ:نزلها بقولك
حياء وهي تبكي:نزلني بقا،مهما عملت بردو بكرهك
"كانت السيده هاله تتابع ما يحدث،،فقد اصبحت الان متيقنه من ان مالك قد عشقها حد الجنون"
"اخذت حياء تصرخ ،،ثم تجمعت الممرضات والاطباء"
حياء بصريخ:الحقوني دا حرامي وخاطفني
مالك بحزم للطبيب:هو في حد بيخطف مراته بردو
حياء بعصبيه:كذاب انا مش مراتك،،عاااااااا،،
مالك بتمثيل:كل دا علشان مش عاوزه تغيري البامبرز لابننا،،عاوزه تقيمي هنا
حياء وقد جحظت عينيها:مالك بطل هزار ونزلني
مالك بضحكه خبيثه:اهو اشهدوا يا جماعه ،،قالت يا مالك،،ازاي حرامي وازاي عارفه اسمي،،نيهاهاهاي😈
"استطاع مالك انا يذهب بها خارج المستشفي،،حياء وهي تصرخ في وجهه:نزلني والا مش هتعرف ايه اللي هيجرالك
مالك بضحك:ولا تعرفي تعملي حاجه معايا
حياء بخبث :اوك،،ثم قامت حياء بعضه من يديه،،فاخذ يصرخ من الالم
مالك:عاااا يا بنت اللذينه،،مش فالحه غير في العض،،هما مش بياكلوكي لحمه
حياء بنرفزه:انت لسه شوفت مني حاجه،،الصبر
" قام مالك باخذ حياء الي مكان تعرفه جيدا،،ولكن قبل دخول المكان المفضل لمالك،،انزلها ثم اغمض لها عينيها"
حياء باستفهام وخوف:مالك انت جايبني هنا ليه،،انت مبتفهمش،،انا مش عاوزاك،،روحني بقا
مالك مقاطعا:هشششش،،ثم اغمض لها عينيها،،حتي تقدمت عده خطوات داخل الحديقه،،وما هي الا لحظات حتي قام مالك، بازاحه يديه من علي اعينها
"حياء وهي تنظر امامها وقد جحظت عينيها"
حياء بذهول:ايه دا!!!
تكملة الرواية من هناااااااا
الفصل الحادي وعشرون والثانى وعشرون والثالث وعشرون والرابع وعشرون والخامس وعشرون بقلم علياء كامله رواية ابن ق…){kind=link}
تعليقات
إرسال تعليق