رواية ابن قلبى ( الجزء الاول)الفصل السادس وعشرون والسابع وعشرون والثامن وعشرون والتاسع وعشرون والثلاثون بقلم علياء كامله
رواية ابن قلبى ( الجزء الاول)الفصل السادس وعشرون والسابع وعشرون والثامن وعشرون والتاسع وعشرون والثلاثون بقلم علياء كامله
الحلقه ال26°°ا27 28 29 30بن قلبي°°
"قادها مالك الي المكان الذي يحب الجلوس فيه وهي مغمضه العينين،،وما هي الا لحظات حتي حرر يديه من علي اعينها،،نظرت حياء امامها لتجد،،لاعب نادي الزمالك الشهير،،شيكابالا،،ظلت تفرك اعينها بيدها،،كانت تعتقد في بادىء الامر انها تتخيله،،ولكن كان حقيقيا،،فحياء تعشق الزمالك ولعيبته،،وشيكابالا هو الشخصيه المفضله لديها"
مالك وهو يمسك بيدها:تعالي ،،مالك مذبهله كدا ايون هو
اقتربت حياء منه قائله :ايه دا هو انت بجد!!!
ضحك اللاعب علي طريقتها قائلا:ايوه انا بجد،،وسامحيه بقا هو بيحبك اوي،،ومستعد يعمل اي حاجه علشانك،،فرحت حياء بوجوده وبادلته التحيه والابتسامه،،ثم طلبت من مالك ان يقوم بالتقاط صوره معه،،وبالفعل قام مالك بتصويرهم،،ظلت حياء تتحدث معه كثيرا وهي في قمه سعادتها،ثم شكر مالك اللاعب وذهب "
حياء وهي تنظر لمالك بسعاده:انت عملتها ازاي دى!!!!،،يابن اللعيبه😯
مالك وهو يضحك لطفولتها:عادي جدا كان جاي سياحه في اليكس وقابلته وطلبت اتكلم معاه شويه،،فوافق،،وحكيتله انك زعلانه مني،،وان وجوده هيفرحك،،بس وجه معايا
حياء وهي تبتسم:الله بقا،،مبسوطه خالص،،مكنتش اتوقع اني اقابله
مالك بغيظ:دلوقتي بقت ضحكتك من الودن للودن، ومن شويه شغاله عض وضرب فيا،،بس قوليلي يا قلبي سامحتيني خلاص صح؟!
حياء بكل برود:لا،،مش مسامحاك
مالك باندهاش:نعم ياختي؟!،،يعني انا جايبلك شيكابالا وانا اهلاوي،،وعامل كل الحوارات دي وتقوليلي لا
حياء ببرود وحزن:محدش قالك تعمل كل دا علشاني،،انا اه فرحانه ،،علشان لقيت حاجه تفرحني،،بس انت موثقتش فيا، وكسرت حاجه جوايا،،ازاي هسامحك،،انا مش عوزاك في حياتي تاني،،ابعد عني لو سمحت،،مستحيل اعيش مع واحد مبيثقش فيا وبيتهمني بالخيانه
"ثم تركته حياء في صدمته من ردود فعلها"
"شرعت حياء في السير وهي تتوعد له"
حياء لنفسها:الله بقا انا مبسوطه اوي،،كان نفسي اقوله اني مسمحاه من قبل ما يطلب اصلا،،ايوه بحبه وهو جرحني بس كان معذور،،بس دا مش معناه اني اسامحه كدا بسهوله، دا انا هطلع عينك يا مالك،،علشان تقول حقي برقبتي،،الصبر عليا"
"اتجهت حياء الي الرصيف وقامت بايقاف تاكسي،،انطلق مالك ورائها قائلا:استني يا مجنونه هوصلك
حياء بعناد:لا انا هروح لوحدي
مالك بعناد اكثر:زي ما جبتك هرجعك
" ركبت حياء التاكسي وفي نفس الوقت ركب مالك التاكسي ايضا"
حياء بضيق:انزل عااااااا،،شوفلك تاكسي غيره
مالك بعناد:مش نازل يا هانم
"نظر لهم سائق التاكسي بنظران شك،،ثم وجه كلامه لمالك قائلا:في ايه يا استاذ انت مالك ومالها،،بيضايقك في حاجه يا انسه!!!!
حياء بعناد:اه ماشي ورايا طول الوقت وبيعاكسني
مالك بصدمه:لا دي مراتي،،بس هي بعافيه حبتين،،مجنونه يعني،،اطلع يسطي سيبك منها
حياء ببكاء تمثيلي:يا ماما ،،انا معرفهوش دا عاوز يخطفني
" قام السائق بفتح الباب ثم خرج وقام بفتح الباب من ناحيه مالك قائلا:انزل،،انت عاوز منها ايه
مالك بغضب:ما بنقول دي مراتي ايه مبتفهمش،،مش ليك فلوس هتاخدها،،انجز وامشي
السواق:هي بتقول انك كذاب ،،ثم شرع السواق في مقاتله مالك،،بدا الاثنان يكيلان لبعضهم الضربات
"وما ان رأت حياء ان الوضع اصبح جاديا وتري مالك يتقاتل امام عينيها حتي خرجت من السياره"
حياء بصريخ في السائق:سيبوا يا حيوان،،يا زباله عااااااااا،،دا جوزي
"توقف السائق عن الخناق مع مالك ثم توجه اليها قائلا:انتي مش بتقولي انه خاطفك!
حياء بخوف من نبرته:م م م انا رجعت ف كلامي،،اصلي كنت متضايقه منه
" تركهم السائق واتجه الي سيارته قائلا:دا ايه الجنان دا توب علينا يارب
"مالك وهو يتجه اليها بعد مغادره السائق،،ويبدو علي ملامحه تعبيرات غير مفهمومه"
مالك وهو يقترب منه والابتسامه تعلو شفتيه:انتي قلتي ايه يا بنوتي للسواق من شويه،،يارتني كنت اتضربت يا شيخه من بدري علشان اسمعها منك
حياء وهي تبتعد عنه في تردد:مقولتش حاجه واقف بعيد وانت بتكلمني
مالك وهو يضحك:يا لهوز كلمه جوزي طالعه منك زي السكر يا ام خدود،،احبك يا ابيض
حياء وهي تبتعد اكثر:عاااااااااااا،، والله المرادي هعضك عضه التنين
مالك ببلاهه:عضه التنين!!!،،انت عندك انواع كتيره للعض
حياء بثقه طبعا:يعني العضه الاولي كانت عضه قطه ،،ف احترس مني
مالك بحب:طيب سامحتيني خلاص
حياء بثبات:مش معني اني انقذتك من ايد الراجل يبقي سامحتك،،انا لسه ع موقفي
مالك بغيظ:لا ي شيخه؟!
حياء بعند:اه زي ما سمعت
"اقترب منها مالك اكثر ثم حملها قائلا:انتي مش بتيجي بالحنيه ابدا يا ام سحلول انتي
" واثناء حمله لها،،لم تقاوم ككل مره"
مالك بنظرات خبث:ايه دا بقا،،مالك ساكته كدا مفيش عض ولا لسان طويل
حياء وهي تبتسم في غرور:واحد قلبه علي الشيل،،يبقي يشيل انا هعترض ليه،،اطلع ياعم السوبر جيت
"ظل مالك يضحك علي حديثها الطفوليه لبعض الوقت ثم اخذها وتوجه الي المنزل"
"وصل مالك بصحبه حياء الي المنزل فوجد الكل مجتمع في بيت ياسمين"
مالك وهو يلقي التحيه:السلام عليكم يا بشر
ياسمين متابعه:انت اخدتها وروحت فين يا مالك
مالك وهو يبتسم لها:انا كنت بخرجها من جوا الكآبه والتعب دا
ياسمين متابعه:جو التعب والمرض اللي انت سبيبتهولها"
"توجهت حياء الي خالتها قائله:خالتو بالله عليكي اهدي،،انا كنت هحكيلك كل حاجه،،
ياسمين بزعل:شكرا انا عرفت كل حاجه من تسنيم،،ثم توجهت بحديثها الي مالك قائله:لما انت مش اد الحب وهتكسرها ،،بتوهمها بيه ليه
مالك وهو ينظر لها بضيق:انا مبوهمهاش،،انا بحبها ومش هتكون لحد غيري هي مراتي وام عيالي ومش هقبل غير بكدا
"انطلق مالك الي منزله وتبعته السيده هاله علي الفور،،لكي تهديء من روعه"
"في الشاليه"
كان يجلس احمد،،واذا به يرن هاتفه،،ثم يجيب قائلا:افندم ياختي،،عاوزه ايه!!!،،فلوس وبطلنا
ليلي بحزن:انا مش عاوزه فلوس،،انا كنت عاوزه اكون معاك،،ونبدا من جديد
احمد بتهكم:وانا مبطيقكيش،،انا كنت مستخدمك وسيله،،علشان اوصل لهدف،،وموصلتلوش بسبب غبائك
ليلي بسخريه:ولا هتوصله عارف ليه علشان اللي انت بتحاول تكسرها علشان تطيعك،،اللي حاميها راجل،،صعب اوي توصلها في وجودوا،،هتلاقيه في كل لحظه جنبها،،وصعب اوي تفرق بينهم،،او شبه المستحيل،،واحب اعرفك انها رجعتله واحسن من الاول،،حبهم مش بيموت،،بس انا غلطانه لما استغليت البنت الغلبانه دي،،علشان رغباتك المتدنيه يا قذر،،وصدقني مالك مش هيسيبك
"ثم اغلقت ليلي الهاتف في وجهه"
**********
"في بيت هاله"
"مالك وهو ينظر لها بجديه"
بقولك يالولو
هاله وهي تنصت اليه:ايون يا مالك
مالك وهو ينظر لها بثقه:عاوز اتجوز حياء
هاله وهي تنظر له بدهشه:ها!!!،،عاوز ايه وامتي وازاي وفين
"مالك وهو يمسكها من يديها ،،بقولك ايه مش قادر استني ،،روحي ناديلي علي خالتها حالا"
هاله بضحك:مالك انت اتجننت،،طب بس استني افهمك
مالك بعند:مش عاوز افهم حاجه يا ماما ،،قومي يلا
"وبالفعل اتجهت هاله الي بيت ياسمين،،ثم طلبت منها ان تتجه معها الي بيتها"
******"
"داخل غرفه حياء"
تسنيم بقلق:يالهوز،،ماما رنت عليا ٢٧مره عااااااا،،دي هتقتلني
"قامت تسنيم بالاتصال علي والدتها"
تسنيم برعب:الو يا ماما
الام بضيق:ايوه يا هانم،،كنتي فين كل دا مش برن عليكي،،وازاي سايبه فونك بعيد عنك،،وهترجعي امتي ،،الوقت اتاخر
تسنيم مقاطعه اياها:عاااااااااا يا امي طب اديني فرصه اتكلم
الام اتفضلي:حياء ياماما تعبت اوي واتعرضت لنزيف وحجزوها في المستشفي،،وانا كنت ملهيا معاها هناك ومعرفتش اكلمك
الام بخضه:يالهوي،،طيب وحياء عامله ايه؟!!
تسنيم بفرح:الحمدلله بقت بخير يا ماما،،تقدري تكلميها
"تناولت حياء الهاتف منها قائله:ازيك يا طنطي،،وحشتيني موووووت ووحشني المحشي بتاعك
الام بضحك:هههههههههههه،،انتي فيكي نفس تضحكي ياهبله
حياء بضحك:متخافيش عليا،،احنا جامدين اوي
الام بضحك:ماشي يا قلبي خلي بالك من نفسك،،وقوليلي هترجعوا امتي؟!
حياء بثقه:بكرا
الام :تمام هستناكوا
" اغلقت حياء الهاتف وسط ذهول تسنيم التي قالت لها:بكرا هنرجع القاهره!!!،،اوعي تكوني بتهزري!!!!
حياء بثبات:متقلقيش مش بهزر ،،بس كفايه اوي قاعده لحد كدا،،شغلي وسيبته،والانسان اللي حبيته وكسرني،،مفيش حاجه ابقي عليها هنا،،غير الذكريات اللي بتوجعني،،خلينا نمشي ونرمي الماضي ورا ضهرنا
تسنيم بحزن:متاكده
حياء بثقه :اه ويلا بينا بقا،،نلم هدومنا في الشنط
*****
"داخل بيت هاله"
مالك بدون اي مقدمات ،،ثم توجه لياسمين بحديثه قائلا:عاوز رقم ابو حياء
ياسمين باندهاش:ليه بقا يا استاذ مالك
مالك بثقه:علشان عاوزها مراتي
ياسمين بتهكم:وانت فاكر ان حياء هترضي بعد كل اللي عملته فيها،،والله انت بتحلم،،وبعدين هتكلم اهلها ازاي وانت مش بتشتغلي ولا مكون نفسك
مالك بنفس الثقه:صدقيني هتغير علشانها وهشتغل وهاسس حياتي معاها،،وهتعب لحد ما اوصلها،،انا بحبها وصدقيتي غلط مش هيتكرر،،ممكن بقا تديني رقم والدها
"وبالفعل اعطته ياسمين رقم هاتف،،وقام بالاتصال به علي الفور"
عبد السلام:السلام عليكم!!!
مالك بنبره خوف'وعليكم السلام يا عمي
الاب:ايون مين انت!!!!
مالك:بدون مقدمات يا عمي،،انا مالك اللي عايش مع ماما هاله ،،ومرات حضرتك تعرفني
الاب باستغراب:ايون يا بني ،،كمل
مالك بثبات:انا شاب فلسطيني،،عندي 21سنه في كليه الحقوقوبحب بنتك وعاوز اتجوزها،،ها قلت ايه!!!،،موافق نقول مبروك!!!!
الاب وقد جحظت عيناه:واحده واحده عليا يابني الله يهديك
مالك مكملا:اسف يا عمي لو كان الوقت مش مناسب،،بس انا بصراحه مستعجل،،وبنتك محتاجه واحد يشكمها ويقطعلها لسانها
الاب مندهشا:نعم!!!!
مالك وهو يعدل من حديثه:اقصد يا عمي انا بعرف حضرتك علشان لما ترجع بالسلامه اخد ميعاد واقابل حضرتك وان شاء الله هتوافق ونكتب الكتاب بقا
الاب وهو يداري ضحكته الممزوجه بالصدمه:لا دا انت وصلت لمرحله متاخره خالص،،بص يابني ،،اول ما ارجع هكلمك
مالك تمام:ياعمي،،ربنا يخليك ياحج ويطول في عمرك ياحج،،انا بحبك اوي يا حج والله وبموت في بنتك
الاب بغضب:نعم يا خويا
مالك :اسف يا عمي ،،في رعايه الله
"اغلق مالك الهاتف،،فوجد السيده هاله وياسمين ينظران له بدهشه،،ثم تحولت هذه الدهشه الي ضحك هيستيري،،وذلك بسبب ما كانت تحمله تعبيرات وجههه اثناء حديثه
" عقب انتهاء المكالمه،،اخبر والد حياء والدتها بما حدث،،وقد اكدت له ان مالك شاب ذو اخلاق وهي تعرفه جيدا،،واتفقا علي تاجيل الحديث في هذا الموضوع لحين العوده
"دلفت ياسمين الي بيتها"
"ولكنها لم تخبر حياء بما حدث وهذا بناء علي طلب مالك"
"دلفت ياسمين الي غرفته البنات،،فوجدتهم يقومون بتجهيز شنط سفرهم"
ياسمين باستغراب:انتوا بتعملوا ايه!!!!
حياء مكمله:هنسافر ياوزتي،،ولا انتي عوزانا نقعد جنبك طول العمر
ياسمين بحزن:ما تقعدوا معايا لنهايه الاجازه ،،علشان خاطري
حياء بحب:مينفعش يا قلبي،،لازم نرجع وانا عاوزه اعمل حملع نظافه في الشقه قبل ما الحاجه دودو ترجع
"وافقتها ياسمين الرأي ثم تركتهم يستكملون ما شرعوا في فعله"
********
"داخل الشركه*
" تدخل السكرتيره علي احمد وفي يدها ملف صغير،،ثم تضعه امامه قائله:دي يا فندم كل المعلومات اللي حضرتك طلبتها عن الانسه حياء"
"شكرها احمد ثم استاذنت بالمغادره"
احمد وهو ينظر للورق ويقلبه بين يديه،،وما هي الا لحظات حتي هتف بخبث قائلا:تمام اوي يا ست حياء،،وبكدا بقا هي دي اللي هتوصلني ليكي....
يتبعالحلقه ال27°°ابن قلبي°°
"دلفت السكرتيره الي المكتبه،،ثم قامت باعطائه ملفا به جميع المعلومات التي يريدها عن حياء،،نظر احمد الي الورق واخذ يقلبه بين يديه،،ثم هتف قائلا:تمام اوي هي دي اللي هتوصلني لحياء،،،امممم اسمها تسنيم،،تمام اوي،،ثم قام باغلاق الملف"
********
"في بيت ياسمين،،قامت بالاتصال علي السيده هاله،،لتخبرها،،بنيه حياء علي السفر"
ياسمين متابعه:يعني انا هقنعها ازاي يا هاله تقعد،،ما لازم ترجع للبيت تاني،،مش هتقعد هنا طول العمر
هاله بحزن:امممم دا لو مالك عرف هيزعل اوي،،ربنا يسترها
ياسمين :بارب،،طيب انا هقفل انا بقا علشان يحيي بينادي
هاله:ماشي يا حبيبتي،،مع السلامه
"اغلقت هاله الهاتف مع ياسمين وهي في حيره من امرها ،،هل تخبر مالك بمستجدات الاخبار،،ام تآثر الصمت حتي يعرف هو في الصباح،،ولكنها بعد تفكير،،قررت اخبار مالك"
"اتجهت هاله الي غرفته وهي تقدم رجل وتاخر الاخري،،ثم قامت بطرق الباب في هدوء:
هاله بتردد:مالك
" كان مالك في تلك اللحظه،،يرسم ،،فسمح لها بالدخول"
مالك بمرح:ادخلي يا لولو
هاله وهي تتقدم داخل الغرفه:كنت متاكده انك بترسم
مالك بسعاده:اه ،،انتي عارفه اني عاشق للرسم،،وخصوصا لما ارسم العشق نفسه
"نظرت له هاله بعدم فهم،،ثم استدارت بوجهها ناحيه الرسمه،،فوجدته،،يرسم فتاه ترتدي حجابا،،امعنت النظر في الصوره،،فوجدتها بالفعل حياء كما توقعت"
هاله بفرح:تحفه،،دي حياء بالظبط
مالك :بفرح اه رسمتهالها علشان لما نتجوز اعملهالها مفاجأه
هاله وقد تبدلت ملامح وجهها الي الحزن،،وتذكرت ما قدمت من اجله"
هاله بحزن:مالك انا كنت عاوزه اقولك حاجه مهمه
مالك متابعا:قولي يا لولتي
هاله بحزن اشد:حياء راجعه بكرا القاهره
"عند سماعه لهذا الكلام جحظت عيناه وانتابه حزن شديد قائلا:يعني ايه ،،هي مش هتقعد عند خالتها لحد ما اهلها يرجعوا
هاله مكمله:مالك يا حبيبي،،البنت هترجع لبيتها وحياتها وانت لازم تتقبل دا وبعدين اهلها راجعين في خلال كام يوم،،ولازم تهيأ لهم البيت،،علشان هيكونوا محتاجين راحه
مالك بحزن:طب وانا،،انا كمان محتاجلها
هاله وهي تضفي نوعا من المرح لاخراجه من حزنه:ياسيدي هما كام يوم واهلها يرجعوا ونروح نتقدم رسمي وتكون ملكك وتزهقوا من بعض
مالك وهو يستجيب لمزاحها:هي دي يتزهق منها،،دا انا لما اتجوزها،،هكهربلكوا باب الشقه،،علشان محدش ييجي عندنا
هاله وهي تضحك علي حديثه:هههههههههه،،من اولها كدا هتبيعنا،،من لقي احبابه بقا
مالك بضحك:طبعا،،بس بقولك ايه يا لولو قولي لطنط ياسمين تعرفك هي هتتحرك امتي،،علشان تصحيني قبل ما حياء تمشي
هاله بتفهم:حاضر ياقلبي
"خرجت هاله من الغرفه،،وقامت بالاتصال علي السيده هاله وعرفت منها موعد ذهاب حياء"
******
"في صباح اليوم التالي"
"استيقظت حياء وتسنيم ،،واستعدا للسفر،،ثم قامت ياسمين باخبار هاله"
"في بيت هاله"
مالك :بقولك ايه يالولو ،،عاوزك تتصرفي وتخلي تسنيم تيحي عندنا ،،عاوزها ضروري
هاله بعدم فهم:ليه.. هتقولها ايه!!!
مالك وهو ياخذ بيدها:هتفهمي كل حاجه لما تجيبيها يلا
هاله:مجنون والله،،طيب طيب رايحه
"اتجهت هاله الي ياسمين،،وطلبت مقابله تسنيم دون علم حياء"
ياسمين بعدم فهم:طيب وهو عاوزها ليه يالولو
هاله متابعه:والنبي ياختي انا ما فاهمه حاجه ،،الواد دا هيجنني خلاص،،بنت اختك جننته
ياسمين وهي تضحك:هههههههههه ربنا يتمم بينهم ع خير،،استني بقا هحاول اجيب تسنيم برا من غير حياء ما تاخد بالها
"دلفت ياسمين الي غرفه"
ياسمين :تسنيم حبيبتي،،ممكن تيجي تشوفي يحيي محتاج ايه في الكتاب بتاعه،،اصل في مسأله مش فاهمها وانا ايدي مشغوله
تسنيم بتفهم:حاضر يا طنطي ،،انا جايه اهو
خرجت ياسمين من الغرفه وتبعتها تسنيم"
ياسمين موجهه حديثها لتسنيم:تعالي يا سمسمه ،،عوزاكي شويه
تسنيم باستغراب:امال فين يحيي!!!
ياسمين متابعه:بس تعالي بس
"اصطحبتها ياسمين الي خارج المنزل،،فوجدت هاله تنتظرها امام المنزل"
هاله متابعه:ازيك يا حبيبتي،،ممكن تيجي عوزاكي في موضوع
تسنيم باستغراب وهي تتجه ناحيتها:حاضر يا طنط
ياسمين متابعه:سمسمه شوفي طنط محتاجه ايه،،ومتتأخريش علشان حياء
"دلفت تسنيم الي بيت السيده هاله لاول مره،،ثم اجلستها هاله في غرفه الجلوس"
هاله متابعه:اسفه يا تسنيم بس مالك كان عاوزك في موضوع
حياء بزعل:بس انا مش عاوزه اتكلم معاه،،اللي يأذي صاحبتي،،مينغعش اتعامل معاه
هاله متفهمه:حقك بس هو محتاجك وهيفهمك كل حاجه و....
مالك مقاطعا:واكيد هتفهميني ان شاء الله
تسنيم بنفاذ صبر:اتفضل عاوز ايه؟!
مالك متابعا:اسمعي يا انسه تسنيم،،اقسم بالله انا بحب صاحبتك اوي،،وعاوزها تكون ام عيالي،،ومستعد اعمل علشانها اي حاجه،،ومتاكد انها بتحبني،،بس والله كل اللي حصل دا سوء تفاهم،،واكيد انتي عاوزه صاحبتك دايما مبسوطه،،وصدقيني سعادتها معايا
تسنيم بمتابعه:بس انت كسرتها
مالك مكملا:بس بغير قصد،،وهي بتحبني،،واوعدك عمري ما هزعلها تاني،،انا كل يوم حبي بيزيد ليها
حياء بثبات:هساعدك بس علشان سعادتها،،بس بشرط
مالك بغيظ:قولي،،يا استاذه تسنيم،،بس تعرفي انتي وصاحبتك نفس ذات الكائن بس الفرق بينكم واحده ازازه والتانيه كوبايتها
تسنيم بغيظ:طاااايب ،،مش هساعدك
مالك :لا خلاص وعلي ايه،،سكت اهو
تسنيم متابعه:تمام يعني انت دلوقتي عاوزني اساعدك في ان حياء ترجعلك تاني
مالك مؤكدا:ايووون، ومش كدا وبس
تسنيم باستغراب:امال
مالك بضحكه خبيثه:لا انا عاوزك تشوفيلي شقه ايجار في القاهره وفي نفس الشارع اللي ساكنه فيه حياء
هاله وتسنيم في نفس واحد:نعم!!!!!!
مالك متابعا:في ايه يا جماعه،،انا هسافر معاكم القاهره يا استاذه تسنيم لسببين الاول،،اني لازم ارجع حياء ليا تاني وطول ما المسافات كبيره بيننا مش هتسعفنا والسبب التاني بقا انا مش هسيبها قاعده ف الشقه لوحدها ،،علي الاقل هكون جنبها وقت ما تحتاجني
تسنيم باندهاش:ايه الدماغ دي!!!
مالك بغرور:طبعا يابنتي،،كله علشان مزتي
اخدت تسنيم وهاله يتضاحكان علي حديثه،،ثم اكملت تسنيم متابعه:امممم طيب ماشي انا هشوفلك موضوع الشقه دا وهاخد رقم طنط هاله،،واول ما الاقي الشقه هخليها تبلغك
مالك:تمام،،بس اوعي حياء تعرف بالكلام دا،،انا هفاجأها
"انتهي حديث مالك ،،وغادرت تسنيم المنزل عائده الي غرفه حياء"
حياء بغضب:كنتي فين يا زفته انتي
تسنيم بتفكير:ك ككنت بكلم ماما فوق السطح،،اصل الشبكه هنا واقعه
حياء:طيب يا حجه يلا بينا بقا
"قامت حياء بتوديع خالتها ثم انطلقت هي وتسنيم خارج المنزل،،ولكنها قررت الذهاب الي السيده هاله لتوديعها،،لانها حقا ستشتاق اليها
" طرقت حياء الباب،،ففتحت لها هاله"
حياء بابتسامه:لولو،،هتوحشيني اوي بجد
هاله بحزن:وانتي يا حياء هتوحشيني اوي،،وقد لمعت عينيها
حياء بحزن: متخلينيش اعيط بقا،،وبعدين هنتكلم كل يوم فون ومع اول فرصه هاجي تاني علشان اشوفك
هاله بتفهم:ربنا يوفقك يا بنتي ويسعدك
"ظلت حياء تلتفت ببصرها داخل المنزل ولكنها لم تجده،،فتحولت ملامح وجهها للحزن،،ففهمت السيده هاله،،ما تبحث عنه حياء"
حياء باستأذان:طيب يا لولو استأذنك انا بقا،،ثم طبعت قبله علي جبينها،،وعند التفاتها للمغادره،،ارتطمت به"
مالك بغضب تمثيلي:ماشيه من غير ما تقوليلي ليه
حياء وما زالت في حاله دهشه،،ولكنها استعادت رباطه جأشها:انت مالك،،هو انا هستأذن منك كمان،،ثم تحركت من امامه
"ولكن مالك اوقفها وامسكها من ذراعها، قائلا:بس انا لسه مخلصتش كلامي،،ثم اوقفها امامه وطبع قبله علي جبينها قائلا:هتوحشيني اوي يا بنوتي
،مما جعلها في حاله من الدهشه،،ولم تنطق ،،ثم افلتت يده وهربت من امامه بسرعه"
خرجت حياء بصحبه تسنيم من باب العماره وكانت في حاله لا يرثي لها"
"كان مالك يراقبها من شرفه غرفته
************
" في الشركه بالقاهره"
عزيز للسكرتيره:تمام اوي،، ممكن بقا تطلبيلي استاذ محمد،،في الشئون الماليه والاداريه
السكرتيره:حاضر،،تؤمر بحاجه تاني يافندم
عزيز:لا اتفضلي انتي
"ثم اجري عزيز اتصالا بإبنه"
عزيز:ايوه ياباشا،،فينك كدا
احمد وهو يتحرك خارج الشركه:خلصت شغل ورايح علي الاوتيل يابابا
عزيز بتهكم:اه حلو اوي،،احب اقولك ان الصفقتين الجايين هيتموا بكرا،،لاني اتصلت بالوفد وطلبت منهم يقدموا الميعاد وهما معترضوش،،فجهز نفسك شغلك هيخلص كله بكرا،،وبعد ما تخلص تكون عندي هنا ف الشركه
احمد بنفاذ صبر:طيب يا بابا
"انطلق احمد بسيارته الي الاوتيل ولكن كان هناك زحام شديد،،فاضطر احمد ان ينتظر قليلا،،وبينما هو جالس في سيارته،،رأي حياء بصحبت فتاه،،ولكن وجه تلك الفتاه مألوف جدا بالنسبه له،،اخذ يمعن النظر اليها،،فتبين له انها نفسها الفتاه صاحبه الطفل،،ولكن من هي وما علاقتها بحياء!!!!!
" وما هي الا لحظات حتي تحركت السيارات واستطاع احمد قياده سيارته متجها الي الاوتيل"
********
"في بيت عبد العزيز فهمي"
نيفين وهي تحدث صديقتها:تفتكري هيوافق
صديقتها(ساره):طبعا وميوافقش ليه،،دي البنت زي القمر،،ومعروف عن ابنك بينجذب للبنات الحلوه
نيفين متابعه:وانا هقدر اقنعه يقابلها ازاي،،انتي عارفه ان الموضوع لو فيه جواز وخطوبه احمد،،بيرفضه نهائيا
ساره:الدور والباقي عليكي بقا حاولي تقنعيه
نيفين بحزن:نفسي افرح بيه،،تعبني معاه بجد
ساره:ربنا يهديهولك
"بعد مرور الثلاث ساعات وصلت حياء وتسنيم الي القاهره"
"داخل المنزل"
تسنيم بارهاق:اه ياني
حياء وهي تنظر للمنزل:ياربي بقا دا البيت محتاج اسبوع علشان نشيل التراب دا
تسنيم:قولي يارب،،احنا نستريحلنا نصايه كدا،،وبعدين نستعد للعمليه الانتحاريه دي
******
"في بيت هاله"
مالك :اممم ياتري تسنيم هتلحق تلاقيلي شقه في اسرع وقت
هاله:ان شاء الله بس فهمني هتعمل ايه في كليتك؟!!!
مالك متابعا:عادي هو فاضل شهر،،وانا هقعد في القاهره اسبوعين مش اكتر
هاله بتفهم:ماشي يا مجنون
*****
"في بيت حياء"
"انتهت الفتيات من تنظيف البيت،،وجاء الليل"
تسنيم متابعه:اه ياني يا ضهري،،مش قادره خالص
حياء بتعب:ولا انا،،حاسه اني شبه شيبوب بكميه التراب دي،،واثناء حديثهما دق جرس الباب
حياء بارهاق:افتحي يا سمسم
تسنيم بنفس الارهاق:ما تفتحي انتي ياختي،،ولا اقولك لا هفتح انا علشان لبسك دا
"قامت تسنيم بفتح الباب،،ثم وجدت امامها والدتها"
فاطمه بخضه:اعوذ بالله،،ايه دا يا تسنيم،،خضيتيني
تسنيم بضحك:في ايه بس يا مامتي ،،مش كنا بنضف الشقه
"دلفت والده تسنيم الي المنزل وقد احضرت لهم الطعام،،تناولوا جميعا الطعام ثم قررت فاطمه الذهاب"
فاطمه:انا ماشيه وخدوا بالكوا من نفسكوا،،واقفلوا باب الشقه كويس
حياء بتفهم:حاضر يا طنطي
فاطمه متابعه:وانتي يا استاذه تسنيم،،متشغليش المروحه بعد ما تاخدي الشاور
"نظرت فاطمه الي ابنتها فوجدتها قد ذهبت في ثبات عميق وهي جالسه"
حياء وهي تنظر لها وقد انفجرت من الضحك:ههههههههههه دي نامت
فاطمه:صحيها،،بمنظرها دا ههههههههه
"مر اليوم بسلام وفي صباح اليوم التالي،،استيقظت تسنيم اولا ،،ثم قامت باجراء اتصال باحد اقاربها"
تسنيم:السلام عليكم،،ازيك يا اونكل
المتصل:ازيك انتي يابنتي،،واخبار والدك ووالدتك ايه!!
تسنيم:تمام يا اونكل،،كنت عاوزه اعرف من حضرتك،،في شقه في العماره ،،فاضيه ضروري
المتصل:....
*****
"علي الجانب الاخر في بيت ليلي بالاسكندريه"
"كانت تجلس ليلي في غرفتها،،بعدما علمت ان حياء قد عادت للقاهره مره اخري،،فقررت الاتصال باحمد "
ليلي:الو
احمد:اهلا ياختي
ليلي بتهكم:اخبارك ايه،،بعد ما عرفت ان حبيبه القلب رجعت القاهره وانت لسه في اليكس
احمد وهو يضحك بشده:حبيبه القلب هههههههههه،،ما علينا،،بس مين قالك اني بحبها،،وبعدين متقلقيش انا كمان نازلها القاهره
ليلي بانفعال:كل دا علشان ايه!!!!... ما تسيبها للشخص اللي بتحبه وعلي فكره بقا حياء ومالك هيتجوزوا،،فانساها بقا،،هي احسن مني في ايه
احمد بنفاذ صبر:غوري مش ناقصك،،ثم قام باغلاق الهاتف في وجهها
******
"في منزل حياء"
استيقظت ولم تجد تسنيم في المنزل ،،انتابها قلق شديد،،فقررت الاتصال بها"
حياء:فينك يا زفته
تسنيم :انا في السوق يا قلبي و....
"ثم اخذت تسنيم تصرخ بشده،،مما افزع حياء بشده"
حياء بخوف:تسنيم... زفته... يا بنتي ردي ت....
يتبعالحلقه ال28°°ابن قلبي°°
"استيقظت حياء ولكنها لم تجد تسنيم في المنزل،،فقررت الاتصال عليها،،واثناء حديثها معها،،صرخت تسنيم بشده"
حياء بخوف:تسنيم،،زفته،،ردي،،ايه حصلك؟!
"ظلت حياء تنادي عليها،،ولكن لم تجب تسنيم،،ثم انقطع الاتصال"
*********
"علي الجانب الاخر،،كانت تسنيم تعبر الطريق اثناء حديثها في الهاتف مع حياء،،وبينما هي مندمجه في الحديث ،،كانت هناك سياره تسرع تجاهها،،ولكنها صدمت من رؤيه السياره امامها،،ففقدت الوعي"
خرج صاحب السياره مسرعا اليها،،ثم قام بالكشف عن وجهه ليجدها تلك الفتاه،،التي رأها عده مرات واخرهما مع حياء"
"فاسرع احمد بوضعها داخل سيارته،،وانطلق بها الي المستشفي
*****"*
" في بيت حياء"
"كانت حياء تشعر بالرعب علي صديقتها،،فاخذت تبكي بشده وترتجف،،واخذت تعاود الاتصال بها عده مرات ولكن تسنيم لا تجب علي مكالمتها"
حياء لنفسها:ياااااربي ،،اعمل ايه دلوقتي ،،هموت من الرعب عليها،،اعمل ايه ولا اروح فين،،طيب اتصل ع مامتها!!،،لا مينفعش دي ممكن يجرالها حاجه
"وبعد صراع شديد مع النفس قررت حياء انت تنتظر لفتره معينه من الوقت،،واذ لم يجد اي جديد،،سوف تذهب لتبحث عنها"
*********
"داخل بيت تسنيم"
الام وهي تستيقظ من قيلولتها بخضه:اعوذ بالله كابوس،،استر يارب...قلبي واجعني علي البنات،،هقوم اتصل بيهم"
"قامت السيده فاطمه بالاتصال علي هاتف تسنيم ولكن لم تجب،،فقامت بالاتصال علي حياء"
حياء وهي تنظر للهاتف:يااااربي،،دي طنط فاطمه،،طب اقولها ايه ولا اعمل ايه
"ثم قررت حياء الرد عليها،،حتي لا تقلق"
حياء بتردد:ايوه يا طنط
فاطمه بقلق:ايوه يا بنتي، عاملين ايه
تسنيم بخوف:كويسين يا طنط
فاطمه:امال فين تسنيم برن عليها وتليفونها مقفول
حياء وهي تحاول ان تهدأ بعض الشيء:اه يا طنط،،ا ص صصل تسنيم خرجت السوق تجيبلنا اكل
فاطمه باطمئنان:السوق واحنا داخلين علي العصر،،والنبي انتي وهي ما هتنفعوا
حياء وهي تحاول انت تبدو طبيعيه ثم قالت بمزاح:هههههههه، هو في حد زيك يا حلو انت
فاطمه بضحك:هههههههه ماشي يا بكاشه،،بس بالله عليكي لما تسنيم ترجع،،خليها ترن عليا
حياء بتفهم:حاضر،،سلام
"اغلقت حياء الهاتف مع فاطمه وقررت الذهاب بحثا عن تسنيم"
**********
"داخل المستشفي"
"ادخل احمد تسنيم الي غرفه الطواريء،،واثناء فحص الطبيب لها وجد هاتفها يرن،،فقام بالتقاط الهاتف والنظر الي المتصل لكي يخبره بما حدث،،واثناء النظر الي المتصل،،اندهش احمد حين رأي صوره لحياء بجانب الرقم،،ثم قام باخراج هاتفه من جيب بنطاله وقارنه برقم حياء المدون معه،،وبالفعل وجده نفس الرقم،،فتاكد من ان هذه الفتاه بالفعل التي كانت بصحبه حياء،،فقام بالتفتيش في حقيبتها الخاصه،،ليعرف من هي،،واثناء بحثه في الحقيبه وجد البطاقه الخاصه بها"
احمد وهو ينظر باندهاش:تسنيم عبد الرحمن،،،يااااااه،،يادي الصدف دي جت لعندي من غير من غير اي جهد
"ثم قام بوضع البطاقه في مكانها مره اخري،،واثناء وقوفه بالخارج جاء الطبيب"
الطبيب:المدام فاقت يا فندم تقدر تدخلها
احمد بانتباه لما قاله:المدام!!!... اه اه شكرا لحضرتك
"داخل الغرفه التي تقيم بها تسنيم،،استعادت وعيها ثم نظرت باستغراب شديد للغرفه التي تجلس بها:
تسنيم للممرضه:ايه دا؟!! ايه اللي حصل،،ومين جابني هنا
الممرضه وهي تهديء من روعها:جوز حضرتك يا مدام
" جحظت عيناي حياء في ذهول،،وفي تلك اللحظه دلف احمد الي الغرفه"
احمد بابتسامه خبث:طمنيني عليكي!!!... انتي كويسه؟!
الممرضه :انا قيستلها الضغط والحمدلله هي كويسه،،هي شكلها حامل وحالات الاغماء بتكون حاجه طبيعيه
"تسنيم ومازالت علي نفس صدمتها ثم هتفت قائله:عاااااااااا،، هو انا اتجوزت،، لا وكمان حامل ،،عاااااا،،انتي مجنونه يا وليه،،هقوم اجيبك من شعرك،،انا معرفهوش
"نظرت الممرضه لها باستغراب ثم خرجت من الغرفه"
احمد بضحك:اهدي ،،هي فاهمه غلط
تسنيم وهي تنظر له بتمعن:انت تاني
احمد:امممم،،اه انا ،،مش عارف انتي طلعالي في البخت وايه حكايتك مع العربيات يا بنتي
تسنيم بغيظ:انت اللي شخص همجي ومش عندك تحمل مسئوليه ولا خوف ع ارواح الناس
احمد وهو يقترب منها بغيظ:لسانك ميطولش،،وبعدين انتي اللي نازله رغي في الفون ومش واخده بالك من طريقك،،وع فكره انا كنت ممكن اسيبك مرميه في الطريق وامشي،،بس مش انا اللي اعمل كدا
تسنيم وهي تنهض:متشكرين
"ثم اتجهت تسنيم الي باب الغرفه وفتحتها،،ثم هتف احمد موقفا اياها"
احمد باستفهام:لحظه بس كدا،،رايحه فين
تسنيم باستغراب:هو ايه اللي رايحه فين،،شور ماشيه يعني،،ومتشكرين لحضرتك
احمد:لا ما انا هوصلك زي ما جبتك
تسنيم بنفاذ صبر:لا ،،توصلني بتاع ايه
احمد: طيب بقولك ممكن اشوف نوع فونك دا اصله عاجبني وهجيب زيه،،ممكن اشوفه
تسنيم ببراءه:اوك
"امسك احمد الهاتف وقام بالاتصال علي هاتفه،،وسط ذهول تسنيم"
تسنيم بغضب:انت بتعمل ايه ياجدع انت؟!
احمد بضحكه خبيثه:علشان اطمن عليكي
"نظرت له تسنيم بغضب ثم انتشلت الهاتف منه وانطلقت الي البيت"
"في تلك اللحظه كانت حياء تبحث عنها وهي في حاله خوف،،ثم اعلن هاتفها عن اتصال،،حياء وهي تنظر للهاتف ثم اجابت علي الفور"
حياء بحزن:ايوه يا مي
مي :ايه دا مالك يا حياء
حياء وقد اجهشت في البكاء:الحقيني يا مي،،كنت بكلم تسنيم الصبح في الفون وانا بكلمها صرخت والفون اتقفل والساعه دلوقتي داخله علي ٦ المغرب وهي مرجعتش للبيت وهتجنن عليها،،خايفه ليكون حصلها حاجه
مي برعب:طيب اهدي وقوليلي انتي فين وانا مسافه السكه وهكون عندك
"اخبرتها حياء بمكانها،،ثم اغلقت الهاتف"
*****
"في الشركه"
"قام عبد العزيز بالاتصال علي ابنه"
عزيز بانزعاج:ايوه يا زفت كل دا جاي من اليكس للقاهره
احمد:معلش يا بابا،،بس حصلت معايا مشكله،،ربع ساعه وهكون عندك
عزيز:اه خير ان شاء الله،،متاخرش عليا بس
"اغلق احمد الهاتف مع والده ثم اتجه الي الشركه"
******
"وصلت تسنيم الي المنزل،،وقامت بفتح الباب بنسختها الخاصه،،ولكنها لم تجد حياء بالمنزل،،فتذكرت انها تحدثت معها اخر مره قبل فقدها لوعيها"
تسنيم وهي تضرب بيدها علي جبينها: اووووبا،،يا نهار ابيض،،دي زمانها قالبه عليا الدنيا،،وموتت نفسها عياط،،انا ازاي نسيت اتصل بيها،،الله يسامحك ي....،،ثم تابعت قائله:ايه دا انا معرفتش اسمه،،امممم اصلا دا كائن رخم"
"قامت تسنيم بالاتصال علي حياء،،وفي تلك اللحظه كانت مي قد وصلت الي حياء"
مي:حياء حبيبتي اهدي خلاص تلاقيها نسيت الفون في الشنطه وعملاه صامت و...
"قاطع حديث مي رنين هاتف حياء"
"نظرت حياء الي الهاتف لتجدها تسنيم،،فردت علي الفور"
حياء بلهفه:الووو ،،تسنيم!!!!
تسنيم بخوف من رده فعلها:ايون يا حياء
حياء:انتي فين
تسنيم:في البيت
حياء بانفعال:نعم ياختي؟!!!،،بقا انا هموت من الرعب عليكي وانتي مرزوعالي في البيت،،انتي بتستهبلي!!!
تسنيم وهي تحاول تهدئتها:والله يا حياء انا كنت هعمل حادثه وحصلت حاجات كتير،،ارجع بس وانا هفهمك
حياء بخوف:حادثه؟!!... طيب انتي كويسه يا قلبي؟!!!
تسنيم بضحك:ايون يا عمري
حياء وهي تتحول:ماشي يا حيوانه لما ارجعلك،،عبوشكلك
"انطلقت حياء بصحبه مي الي المنزل،،ثم دلفوا الي المنزل"
حياء وهي تنقض علي تسنيم:تعالي يا حيوانه يا دزمه
تسنيم بصريخ:اي اي اي ،،عااااااا الحقيني يا مي
مي:خلاص بقا يا حياء هي عملت ايه لكل دا،،ثم قامت مي بالانقضاض علي تسنيم ايضا قائله
دي بس كانت هتموتنا من الرعب،،ثم قامت بعضها هي الاخري
تسنيم بصريخ:يا ولاد العضاضه خلاص ،،عااااااااا
"اخذت الفتيات ،،يتضاحكن سويا"
مي بمرح:والله يا مشمشه وحشتيني موووووت
حياء بسعاده:وانتي يا قلبي،،وحشتيني
"تسنيم وهي تنظر لهم طيب اجيب شجره واتنين ليمون"
حياء وهي تنظر لها بغيظ:وعلي ايه الشجره ما انتي موجوده😛
تسنيم بغيظ:ماشي يا حياء والله لاوريكي
حياء بخبث:بس يا حبيبتي ،، مسمعكيش بتتكلمي خالص يا اوزعه،،وقبل ما تتكلمي،،بصي للساعه اللي عملتهالك ف ايدك
مي وهي تضحك:هههههههههههه ،،ملكوش حل
"ثم قامت تسنيم بسرد ماحدث لها علي اذهانهم"
حياء متابعه:طيب والله دا ابن حلال انه ساعدك
تسنيم:اه والله،،بس دمه تقيل ورخم،،انا اصلا مش اول مره اشوفه،،دا كان هيخبطني قبل كدا،،بس في حاجه حصلت
حياء وهي تنظر لها بجانب عينيها:ايه يابت ارغي!!!
تسنيم بكسوف:اخد رقم فوني😶
حياء بغضب:نعم ياختي!!!،،ومالك منشكحه كدا ليه!!
تسنيم مسرعه:والله هو اللي مسك الفون ورن ع نفسه،،مش انا اللي اديتهوله
مي متابعه:اه اذا كان كدا ماشي،،طالما هو اللي خدوا،،اصل يا بنتي انتي لازم تحافظي ع نفسك،،هي البنت ايه غير سمعه وشويه حاجات كدا علي بعضيها
حياء وتسنيم وهما يتضاحكان علي حديث مي:هههههههههه
تسنيم متابعه:دا انتي مسخره والله
مي متابعه:ايوه صحيح يا عيال ،،عاوزين ننزل بكرا ننقي الفساتين
تسنيم وحياء في نفس واحد:اشطا
"غادرت مي المنزل،،ثم قامت حياء بالاتصال علي والدتها،،واثناء انشغال حياء بالحديث،،قامت تسنيم بالانسحاب الي غرفتها،،وقامت باجراء اتصالا"
"وعقب انتهائها خرجت من الغرفه،،ثم ذهبت الي المطبخ واعدت العشاء لهم،،ومر اليوم علي خير"
******
"في صباح اليوم التالي استيقظت حياء،،ودلفت الي المطبخ لاحضار وجبه الافطار،،وعقب انتهائها،،ايقظت تسنيم،،واثناء تناولهما للوجبه،،دق باب المنزل،،قامت حياء بفتح الباب،،لتجد مي بصحبه اختها منه"
حياء بفرح:ياااادي النور والبنور والعروره الحلوه اللي جايه عندنا
منه وهي تضحك بشده:وحشتيني يالمضه،،ثم قامت باحتضانها بشده
"مي وهي تنظر للافطار قائله:يخربيتكم ايه دا!!!،،انتوا لسه بتفطروا،،دي الساعه داخله ع ٣ العصر مدمنين نوم،،بس تصدقوا انا جعانه جوي،،ثم قامت بالجلوس علي المائده وتناولت الطعام
منه بضحك:ههههههههههههههه،،هما مدمنين نوم وانتي مدمنه اكل
تسنيم وهي تضرب علي يد مي:بت انتي اتلمي ياختي وسيبي البيضه بتاعتي
مي بغضب:يوه مش جعانه
" ظلت الفتيات يتضاحكن ،،ثم استعدوا للذهاب الي التسوق بحثا عن الفساتين التي يرغبون ارتدائها في حفل الخطوبه"
"انطلقت الفتيات الي الشارع واثناء سيرهم،،وقفت حياء وهي تضرب بيدها علي جبينها"
حياء:يالهووووز دا انا نسيت الفلوس بتاعتي،،استنوا هطلع اجيبها بسرعه وارجع
"اسرعت حياء متجهه ناحيه العماره،،ثم اتجهت الي الاصانصير ولكنها وجدت شخصا يعطيها ظهره ويسد باب الاصانصير بجسده"
حياء بانزعاج:لو سمحت يا كابتن انت،،ممكن توسع كدا شويه
"التفت الشاب بوجهه ناحيه حياء وكانت الصدمه هي...
يتبعالحلقه ال29°°ابن قلبي°°
"تذكرت حياء انها لم تحضر نقودها،،فطلبت منهم الانتظار حتي تاتي بالنقود،،ثم اتجهت داخل العماره،،ووجدت شخصا يقف امام باب الاصانصير ويحجز دخولها بجسده"
حياء بنفاذ صبر:انت يا كابتن،،وسعلي كدا عاوزه اعدي
"التفت لها هذا الشخص واصبحت تري وجهه جيدا"
مالك بضحكه خبيثه:قلب الكابتن
"جحظت عيناي حياء عند رؤيته ،،قبل ان تهتف قائله:مالك،،انت ايه اللي جابك هنا!!!!
مالك متابعا:مهو انا جارك الجديد،،في الشقه اللي قصادك
حياء بصدمه:نعم!!!!!،،ازاي يعني !!! وامتي؟
مالك مكملا:عادي ،،زهقان وقلت اجي القاهره اغير جو،،اصل الجو هنا موووز
حياء ببرود:وانا مالي ،،وعديني بقا
مالك وهو يتحرك من امامها:بكرا تندم يا جميل،،بس بقولك ايه!!!،،متتأخريش،،والكلام يتسمع
حياء بضيق:براحتي
" اتجهت حياء الي بيتها وتغمرها سعاده غير عاديه لرؤيته واحضرت نقودها،،ثم اتجهت خارج العماره"
تسنيم بخبث:ايه يا مشمشتي!!!!،،كل دا
حياء وهي تلتقط انفاسها:الحقيني يا تسنيم،،عارفه شوفت مين
تسنيم بخبث وهي تهدئها:اهدي بس ،،شوفتي مين!!!
حياء بانفاس متقطعه:مالك ،،شوفته في عمارتنا،،وكمان هيسكن في الشقه اللي قصادنا
تسنيم وهي تدعي الصدمه:يالهوز،،دا ايه اللي جابه هنا دا!!
مي باستفهام:مالك مين؟!
تسنيم متابعه بمرح:مالك ،،جوز حياء باذن الله
حيا ومي ومنه في نفس واحد:نعم!!!!
مي:نعم ياختي ،،هو مين دا يا بت؟!
حياء متابعه:هبقي احكيلك بعدين مي: تحكي بعدين ايه انا لازم اعرف دلوقتي
حياء: يابت هحكيلك كل حاجه بس نخلص بس ونجيب الفساتين عشان منتاخرش
مي : ماشي يلا
... وانطلق الفتيات الي احدي المولات واخذوا يتجولون لانتقاء فساتين حفله الخطوبه ......
****
"داخل الشركه"
دلف احمد داخل الشركه ثم اتجه الي مكتب والده "
عبدالعزيز بضيق :اهلا يا باشا نورت
احمد : ازيك يابابا ..الف سلامه علي حضرتك
عبد العزيز : متشكرين ...المهم ايه اللي حصل معاك
احمد: كنت هخبط واحده بالعربيه واغمي عليها واضطريت اوديها المستشفي
عبد العزيز بغضب: هتفضل طول عمرك مستهتر كدا ....المهم فهمني ايه اللي حصل معاك انت وحياء في اسكندريه
احمد: لما سالتها علي الشيكات ادتهالي ناقصه وهي اللي مسئوله عنهم فاكيد هي اللي اخدتهم
عبد العزيز : مستحيل حياء تعمل كدا انا هكلمها وهعرف منها كل اللي حصل
احمد باضطراب : ماشي ..طيب انا هروح بقا
عبد العزيز : ماشي
" ثم خرج احمد من مكتب والده متجها الي الفيلا وهو يفكر "
احمد لنفسه : بابا لو حقق في موضوع الشيكات دي هيعرف انها ملهاش ذنب في حاجه واكيد هتقوله علي كل اللي عملته معاها
********
"في بيت مالك "
مالك ويمسك هاتفه ويرن علي احد ما ..
مالك : ازيك يالولو وحشتيني
هاله: يا بكاش دا هما كام ساعه اللي سبتني فيهم
مالك بضحك: بتعملي ايه بقا من غيري وانا اللي كنت منورلك البيت
هاله : اعملك ايه انت اللي مجنون ومش قادر تصبر لما اهلها يرجعوا
مالك: انا كدا مرتاح علشان هتبقي قدام عيني وهطمن عليها
هاله: ربنا يخليكوا لبعض ويجمعكوا في بيت واحد
******
"في احد المولات "
انشغلت الفتيات بالبحث عن الفساتين وما ينقصهم
"وقفت حياء وتسنيم في نفس الوقت امام فستان واحد"
حياء بسعاده:ووووااوو فستان اسود
تسنيم؛تحففففه بجد هييييح،،انا اللي هاخده
حياء بغيظ:لا انا اللي هاخده
مي وهي تضحك علي طريقتهم:هههههههه،،جيبوا شبه بعض واخلصوا
"كانت منه تقيس الفستان الذي اختارته ،،ثم هتفت قائله:بنات ،،ايه رايكوا
" نظرت الفتيات الثلاثه تجاهها ثم اتجهوا بانظارهم الي بعض"
مي:واو يخربيتك طلعتي مزه
حياء بفرح:بجد قمر اوي
تسنيم:البمبي تحفه فيكي
منه:بجد يا بنات يعني استقر عليه
البنات في صوت واحد:اه
"بدأت الفتيات الثلاثه الاخريات،،في انتقاء ما يناسبهم،،وعقب انتهائهم،،اتجهوا لمنزل حياء،،لعمل بروفه"
*******
"في بيت عبد العزيز فهمي"
"نيفين وهي تدلف لغرفه ابنها"
نيفين بحب:احمد حبيبي قوم،،علشان حضرتلك الغدا
احمد وهو ينظر لها بخبث:ايه يا نوفي كل الدلع دا،،ها عاوزه مني ايه؟!
نيفين بضحك:يلا بس علشان الاكل ميبردش ،، "انطلق احمد مع والدته لتناول الطعام"
"علي السفره"
نيفين بتنحنح:بقولك ايه احمد،،عندي واحده صاحبتي،،ليها بنوته ،،انما ايه تقول للقمر قوم وانا اقعد مكانك،،بيضا وشعرها طويل وعيونها خضر و...
احمد مقاطعا:اممممم،، بس بس اه من الاخر عاوزه ايه،،انتي عارفه يانوفي ياقلبي اني مليش في الجواز والارف دا
"تناول احمد قليل جدا من الطعام،،ثم وقف واتجه ناحيه الباب"
نيفين بتساؤل:رايح فين يابني،،انت لسه ماكلتش
احمد وهو يلوح لها بيديه:هخرج النادي مع اصحابي يا مزتي،،يلا سلام
******
"وصل الفتيات جميعا الي بيت حياء لعمل بروفا للفساتين التي اشتروها "
حياء بسعاده : يلا يا بنات علشان كل واحده تجرب الفستان بتاعها
منه : بما اني العروره بقا هجرب الاول
حياء :طيب يلا بقا
"ثم دخلت منه لتجرب الفستان وتريه للفتيات "
مي وهي تنقض علي حياء: يلا يا زفته قوليلي بقا مين مالك دا قري واعترفي بكل حاجه
حياء: خروبيتك هتفطسيني .. هقولك حاضر
تسنيم : طب انا هقوم اكلم ماما في الفون عقبال ما تحكيلها
.. وقصت حياء علي مي كل ما حدث معها منذ اللحظه التي رأت فيها مالك في الاسكندريه في بيت جاره خالتها ...
مي وهي تضحك :فلسطيني ياحياء !!! سايبه مصر كلها ودخلتي علي فلسطين
حياء: اعمل ايه بقا يا مي القلب وما يريد
مي بضحك:دا انتي شاكلك واقعه اوووي
حياء وهي تضربها : بس يابت
تسنيم بسعاده : ايوه يا ماما اشترينا الفساتين وبنعمل بروفا كمان
الام (فاطمه): ربنا يتمم لها علي خير وعقبالك انتي كمان يا اوزعه
تسنيم بمرح : ايه ياماما انتي زهقتي مني ولا ايه متقلقيش انا معنسه جنبك
الام : بس يا زفته متقوليش كدا بكرا تبقي احلي عروسه انتي وحياء
تسنيم : ان شاء الله ... هقفل انا بقا يا ماما عشان اشوف البنات
.. ثم اغلقت الهاتف مع والدتها وقبل ان تخرج للفتيات رن هاتفها ثانيه. ...
تسنيم لنفسها : ايه دا مالك بيرن اما اشوف عايز ايه
مالك : السلام عليكم
تسنيم : وعليكم السلام
مالك بامتنان:انا بتصل بيكي علشان اطمن علي حياء،،انا شوفتكوا وانتوا داخلين البيت
تسنيم :الحمدلله كويسه،،متقلقش عليها
مالك :شكرا اوي يا تسنيم علي كل اللي عملتيه علشاني
تسنيم بمرح:انا معملتش حاجه،،انا بحاول اسعد صاحبتي وارجع بينكم الثقه اللي فقدتها بسبب سوء التفاهم دا
مالك:تسلمي،،دا انتي جيبتيلي الشقه في الوقت الصح،،لما اشوف اخرتها مع اللمضه دي
"فلاش باك"
"اثناء جلوس تسنيم وحياء،،كانت حياء تتحدث مع والدتها علي الهاتف،،فاتجهت تسنيم الي الغرفه،،وقامت بالاتصال علي احد ما"
تسنيم:ايوه يا اونكل ،،ازي حضرتك
المتصل :الحمدلله يا بنتي
تسنيم متابعه:حضرتك عملتلي ايه في موضوع الشقه
المتصل:تمام يا بنتي انا خلصت كل حاجه ويقدر بكرا ييجي يمضي علي العقد ويستلم المفتاح
تسنيم بامتنان:شكرا اووووي يا اونكل
"اغلقت تسنيم الهاتف معه ثم قامت بالاتصال علي مالك"
تسنيم بفرح:ازيك يا مالك،،عندي ليك خبر يجنن
مالك منصتا:ايه يا تسنيم!!!... ها!
تسنيم بضحك:الشقه بقت جاهزه وتقدر تيجي بكرا علي الظهر تمضي العقد وتستلم المفتاح،،وعارف ايه كمان
مالك متابعا بفرح:ايه؟!!
تسنيم:الشقه مش بس في الشارع بتاع حياء دا في نفس العماره والشقه اللي قصاد حياء
مالك بذهول:واو ،،ييجي منك يا اوزعه والله
تسنيم بضحك:اي خدمه،،بس متزعلهاش تاني لالغي كل حاجه
مالك بضحك:ابدا ما هيحصل تاني،،دي الحته الشمال بتاعتي
تسنيم:تمام اوي،،انا هقفل بقا قبل ما تلاحظ غيابي
"ثم اغلقت تسنيم الهاتف مع مالك،،واتجهت خارج الغرفه"
"نعود مره اخري للواقع الحالي"
"خرجت تسنيم من الغرفه متجهها الي حيث يجلس الفتيات"
"بعد يوم شاق من التسوق وعمل البروفات،،انطلقت كلا من مي ومنه الي المنزل،،وكان مصطفي في انتظارهما اسفل عماره حياء"
"تسنيم موجهها حديثها الي حياء"
تسنيم بارهاق:انا خلاااااص مش قادره ،،انا هتقتل نوم،،وبكرا الصبح اول ما البنات ييجوا صحيني ياحياء،،علشان نلحق البيوتي سنتر،،علشان عددنا كبير
حياء متابعه:ماشي يا قلبي
تسنيم متابعه:هما هييجوا ع كام بالظبط
حياء:هييجوا علي ١١ علشان ننجز ف الوقت
تسنيم طيب تمام،،تصبحي علي خير
حياء بحب:وانتي بخير
"دلفت تسنيم الي الغرفه وما هي الا لحظات حتي غطت في سبات عميق"
"كانت حياء تشعر بالملل فقررت الذهاب الي الشرفه لتستنشق الهواء،،وبعد دلوفها الي الشرفه،،وجدت احدا ما يلقي مشبكا عليها،،حتي اصاب راسها"
حياء وهي تنظر للاتجاه الذي جاء منه المشبك،،لتجده امامها في الشرفه الاخري"
مالك بغضب:من امتي يا هانم بتطلعي البلكونه بشعرك
حياء وقد تذكرت انها غير مرتديه الحجاب،، حياء بارتباك:و و والله العظيم انا قافله النور واصلا عارفه ان الشقه اللي جنبنا فاضيه
مالك بمرح:لا ما انا ان شاء الله جارك الجديد يا موزتي
حياء بنرفزه:اه اهلا وسهلا وبعد اذنك بقا ،،هنام
مالك وهو يوقفها:ياريت الحركه دي متتكررش تاني،،ومتتحركيش برا البيت من غير علمي
حياء بنرفزه:ليه ان شاء الله كنت مين انت
مالك وهو يمد يده،،ثم يضغط علي ذراعها:انا ابقي جوزك باذن الله،،بس متقاطعيش،،اتنيلي علي جوا
"خافت حياء من نبرته كثيرا،،فاسرعت داخل الغرفه واغلقت الشرفه"
مالك وهو يضحك:مبتجيش غير بالعين الحمرا
"في صباح اليوم التالي،،يوم الخطوبه"
"استيقظت حياء علي صوت طرقات الباب"
حياء هاتفه:ايوه حاضر جايه
"فتحت حياء الباب لتجد منه ومي امامها"
مي:ايه يا اهل الكهف،،كل دا نوم،،اخلصوا ورانا يوم طويل ومشغول
حياء :حاضر حاضر ،،هصحي تسنيم وهلبس
"دلفت حياء الي الغرفه وايقظت تسنيم،،واستعدوا للذهاب الي البيوتي سنتر"
منه مسرعه:يلا يا بنات صاحبتي في البيوتي سنتر بترن علينا
مي:يا حبيبتي مصطفي قال هيوصلنا ولسه مجاش
تسنيم متابعه:خلاص يا جماعه نروح احنا ومنه تتصل عليه وتقوله خلاص ميجيش
"وبالفعل انطلقت الفتيات الي خارج المنزل،،ولكن اوقفهم مالك قائلا:علي فين يا حياء!!!
حياء بفزع:انت مالك!!
مالك متابعا:انا مالي،،كويس اوي
" ثم وقف امامها قائلا،،مفيش خروج من البيت"
مي متدخله:ايه دا مين دا يا حياء!!!
تسنيم متدخله:دا مالك يا بنتي،،الفلسطيني
مي متذكره:اه اه ،،بس حضرتك تدخل في خروجها ودخولها ليه!!!
مالك متابعا:حياء امانه في ايدي،،وانا قايل قبل ما تخرجي تقوليلي يا انسه حياء
حياء متابعه :بقولك ايه سيبني اعدي
مالك بنظره لا تفهمها حياء:ادخلي علي جوا،،ثم قام برفع نبره صوته:بسرررررعه
تسنيم متدخله:بليز يا مالك عندنا ميعاد في البيوتي سنتر علشان خطوبه منه ولازم نمشي
"في تلك اللحظه جاء مصطفي خطيب منه ،،فوجد الفتيات يتجمعن في مدخل البيت"
مصطفي باستفهام:ايه دا في ايه!!!
تسنيم متدخله:مفيش حاجه بس مالك زعل من حياء علشان مستأذنتش قبل ما تخرج
"قام مصطفي بمصافحه مالك"
مصطفي بابتسامه:ازيك يا استاذ مالك،،انا مصطفي خطيب منه
مالك:وانا مالك،،في القريب العاجل ،،خطوبتنا انا وحياء
مصطفي:علي خير ان شاء الله،،انا بتاسفلك بالنيابه عن الانسه حياء،،انا عارف انها حركه تضايق،،منه بتعملها معايا علي طول،،بس هما هيتاخروا علي الكوافير
مالك متفهما:تمام ،،هعديها المره دي علشانك
مصطفي بمرح:تسلم يا صاحبي،،وهستناك في الخطوبه،،ولا اقولك انا هلبس واعدي عليك نروح نجيب البنات من الكوافير
مالك وهو ينظر لها نظره انتصار ثم اكمل حديثه لمصطفي:تمام اوي هستناك
مصطفي:بعد اذنك بقا،،يلا يا بنات
"ظلت حياء تنظر لمالك في غل من تحكماته بها
مالك وهو ينظر لها:هتفضلي تبصيلي كتير،،يلا وراهم والا مفيش كوافير،،ها؟!،،
اسرعت من امامه متجهه الي السياره:لا خلاص خلاص
،،انطلقت الفتيات الي البيوتر سنتر"
"في المساء"
"في السنتر"
"انهت الفتيات ما جاءوا من اجله وكانوا في انتظار وصول مصطفي،،واثناء جلوسهم رن هاتف تسنيم،،فاجابت:ايوه يا مامتي،،ايوه لسه في السنتر،،انتي روحتي القاعه،،اه تمام مش هنتأخر،،ثم اغلقت الهاتف مع والدتها،،وما هي الا لحظات حتي دلفت والده مي الي السنتر"
الام باعجاب:ماشاء الله عليكي يا منه ،،تبارك الخلاق،،لا وكمان مش عروسه واحده دول٤،،ربنا يسعدكوا يا بنات ويرزقكوا بابن الحلال
منه وهي تحتضن والدتها:ويخليكي لينا يا مامتي
الام متابعه:طيب يلا علشان مصطفي وصاحبه مستنيين برا
"خرجت الفتيات من البيوتي سنتر،،فوجدوا مالك ومصطفي في انتظارهم،،وعندما رأي مالك حياء وهي تخرج من السنتر،،حتي اصابته الدهشه"
مالك وهو يقترب منها:امال فين حياء
حياء بضيق:خفه!!!
مالك بضيق:بس ايه الفستان دا يا هانم،،مش ضيق شويه!!!
حياء وهي تنظر للفستان:لا علي فكره انت بتهزر علشان الفستان واسع
مالك وهو يجز علي اسنانه:لا انا بقول ضيق وكمان الروج دا فاقع اوي،،يلا امسحيه
حياء بضيق:عااااااااا،، ارحمني بقا
مالك بخبث:موافق بس بشرط تركبي معايا العربيه
حياء بضيق:لا مش راكبه
مالك بغضب يبقي انتي جيبتيه لنفسك...ثم قام بحملها متجها الي السياره،،
حياء بصريخ:سيبني بقا ،،نزلني بقولك
"ادخلها مالك السياره ثم اتجه بها ناحيه القاعه،،ولكنه اخبرها انه سوف ينطلق بها الي المنزل"
مالك يدعي الضيق:مفيش خطوبه ولا فرح،وهتروحي علي البيت
حياء بصدمه:لا حرام عليك بقا،،خلاص والله هسمع كلامك
مالك بخبث:امممم طايب امسحي الروج دا
حياء وهي تلتقط منديلها،،ثم قامت بتخفيفه:ها كدا كويس!!!
مالك:امممم ،،يعني هعديه المرادي،،بقولك ايه صحيح
حياء متابعه:افندم
مالك متابعا:قربي وشك كدا ،،وغمضي عينك
حياء بصدمه:افندم انت هتهزر
مالك:امممم خلاص يبقي نروح البيت
حياء بحزن :خلاااص،،اهو
"ثم اقتربت حياء منه بعض الشيء وهي مغمضه العينين"
مالك بحب:فتحي
"نظرت حياء الي مالك وهي في قمه صدمتها...
يتبعالحلقه ال30°°ابن قلبي°°
"طلب مالك من حياء ان تغمض عينيها،،ثم تقترب منه"
حياء بنفاذ صبر:ها،،افتح
مالك وقد طبع قبله علي جبينها:اه فتحي
"صدمت حياء من فعلته تلك ولكن صدمتها الكبيره عندما رأته،،واضعا امامه بوكيه ورد كبير من اللون البمبي،،اللون المفضل لديها،،داخل هذا البوكيه يوجد صندوقه صغير احمر اللون،،ويحتوي الصندوق علي خاتما رقيق الشكل وبجانبه دبله"
حياء وهي مصدومه:ايه دا!!!
مالك بحب:تتجوزيني،،انا بحبك اوي ياحياء،،وبحلم ربنا يجمعنا في بيت واحد،،ونجيب اولاد يكونوا شبهك كدا،،وبصراحه مش مستحمل بعدك عني ولا حتي وجودك في حياتي وانا مليش حق فيكي،،بلاش سوء التفاهم يدمر اللي بينا،،علشان انا مش هسمح بكدا،،وانا عاوزك ومفيش اختيارات قدامي غير انك تبقي ليا وبس،،ها يا حياء،، تتجوزيني؟؛
كانت حياء فرحه في داخلها بعشقه لها ولكنها كلما تذكرت ما فعله بها قلبها يتمزق بشده وترفض حتي رؤيته"
حياء بحزن:اسفه مش موافقه ،،يا مالك،،انساني وارجع اليكس وعيش حياتك كاني مكنتش في حياتك يوم
مالك بغضب :انساكي؟!،،دا اللي هو ازاي وانا عايش بيكي اصلا،،بلاش يكون قلبك اسود ،،بلاش تتعاملي بالطريقه دي علشان انتي مش كدا،،ومتعاقبنيش ببعد عنك يا بنت قلبي
حياء ببكاء:متقوليش بنت قلبك دي،،علشان لو كنت فعلا كدا كنت فهمت كويس اوي اني بريئه واني اتظلمت،،مع اني قولتلك اد ايه هو ضايقني،،وكنت بتسند عليك،،بس انت مره واحده سحبت نفسك،،ووقعتني وكسرت كل حاجه فيا
"ثم قامت حياء بفتح باب السياره،،ولكن مالك اوقفها وهو يمسك ذراعيها بشده"
مالك بغضب:رايحه فين؟!
حياء ببكاء:همشي وياريت متدخلش في حياتي تاني
مالك وهو يتمالك اعصابه:بطلي جنان واقفلي الباب وخلي اليوم يعدي علي خير،،وخلينا نروح للقاعه
"وبالفعل اغلقت حياء باب السياره خوفا من رد فعله،،لانها تعلم جيدا،،انه عصبي الي حد كبير،،ولا يجب المكابره او العند امامه وهو في تلك الحاله"
"انطلق مالك بالسياره متجها الي القاعه،،دون ان يتحدث اليها مره اخري"
********
"في القاعه"
"قام مصطفي بالاتصال علي صديق عمره"
مصطفي بضيق:كدا يا استاذ احمد ،،هو انا هتحايل عليك علشان تيجي
احمد بمرح:انا في الطريق اهو يسطي انت هتزعل ولا ايه!!،،انا اقدر اتاخر عليك
مصطفي متابعا:ماشي يا زفت انت لما تيجي،،مستنيك متتاخرش
"اغلق مصطفي الهاتف مع صديقه ثم اتجه الي عروسه"
منه برخامه:كلمت صاحبك يا مصطفي؟!
مصطفي:ايون ،،وجاي في الطريق
منه:طيب كويس والله،،احسن لو مكانش جه كنت هتدلقني بالفستان علي بيتنا
مصطفي وهو يضحك علي طريقتها:هههههههههه،،مجنونه والله، بس مقولتيليش ايه الحلاوه دي
منه وهي تنظر له من جانب عينيها:هو انت كان عندك شك ياخويا اني حلوه وزي القمر
مصطفي:انا اقدر بردو يا مرارتي
منه بذهول:نعم ياخويا!!!
مصطفي بضحك:قصدي مراتي ياقلبي،،فكي وشك دا يا بت انتي بدال ما اطلعلك المطواه اللي في جيبي
منه بخوف:ها
مصطفي:ايون زي ما سمعتي,,هههههههههه
"كانتا تسنيم ومي يجلسان علي احد الترابيزات بالقاعه"
تسنيم وهي تنظر حولها موجهها حديثها لمي:بت يامي،،مالك مجابش حياء لحد دلوقتي
مي مكمله:يالهوتي ليكون خطفها ولا عملها حاجه،،العار ولا الطار يا ناس
تسنيم بضحك:اتنيلي يا شيخه ،،ربنا يعينه اللي هيفكر يتجوزك يا عار انتي
"واثناء حديثهما،،دلفت حياء بصحبه مالك الي القاعه،،فتوجهت حياء الي صديقاتها،،وتوجه مالك الي مصطفي ليهنأه"
مالك بفرح:الف مبروك يا عريس وعقبال الفرح بقا
مصطفي بضحك:وعقبالك انت والانسه حياء
مالك مكملا:قريب ان شاء الله،،ثم وجه حديثه لمنه،،الف مبروك انسه منه
منه بابتسامه:الله يبارك فيك ،،شكرا
"واثناء حديث مالك
مع مصطفي،،وجد مالك حياء تتجه ناحيتهم"
حياء وهي تحتضن منه:الف مبروووووك يا منوني،،وعقبال الفرح،،ثم توجهت بحديثها الي مصطفي قائله:الف مبروك يا مصطفي وبليز خلي بالك منها
مصطفي متابعا:الله يبارك فيكي ياقمر ،،عقبالك
"ثم قام مالك بضرب مصطفي اسفل قدمه"
مصطفي بتأوه:اها،،يابن اللذينه،،خلاص احنا اسفين يا ابو صلاح
مالك وهو يضحك بخبث ويهمس له:لازم تتضرب يا عريس،،خليك مع عروستك ملكش دعوه بممتلكاتي الخاصه
"ضحك مصطفي كثيرا علي حديث مالك قائلا:ربنا يخليهالك يا عم مالك،،ويسعدكوا
مالك :امييييين ونتجوز بقا علشان ممكن اتهور عليها،،واخطفها،،ههههههههههه
" عادت حياء مره اخري الي الطاوله التي تجلس عليها صديقاتها،،ثم تبعها مالك،،وجلس بجانبها"
حياء بتحدي وهي تهمس له:محاولاتك للتقرب مني مش هتفيدك انا اخدت قراري
مالك وهو يقترب منها ويهمس في اذنها:بعشق امك يا بنوتي
"مما جعل حياء تغتاظ من رده عليها،،ولا ننكر انها تشعر بالسعاده العارمه لتمسكه بها،،ولكنها تبدي علي وجهها عكس ما تشعر به داخلها"
"في تلك اللحظه دخل احمد القاعه،،واثناء اتجهاهه الي داخل القاعه،،وجد حياء تجلس وبجانبها مالك،،فاستشاط غضبا من وجودهم معا مره اخري،،وبينما هو ينظر الي الاشخاص الموجودين علي الطاوله وجد تسنيم من ضمنهم"
احمد في نفسه بخبث:دا باين الشغل هيبقي عالي اوي،،وكل حاجه هتمشي معايا زي ما انا مخططلها،،ثم اخذ يفكر قليلا ثم قرر ان لا يذهب لمباركه صديقه حتي لا يراه مالك،،وتفشل خطته،،فجلس في مكان بعيدا جدا كي يتابع ما يحدث"
********
"في منزل عبد العزيز فهمي"
نيفين متجهها بكلامها لزوجها:امممم يعني انت لسه متعرفش السبب اللي خلاها تمشي
عزيز:لا بس هعرفه قريب اوي،،بس قوليلي هو راح فين كدا
نيفين متابعه:راح فرح مصطفي صاحبه،،انت عارف بيحب مصطفي ازاي،،والله انا نفسي افرح بيه اوي
عزيز مكملا:ابنك اللي مش عاوز يعيش صح،،عاوز يعيش طول حياته وهو بيرمرم
******
"في القاعه،،ننتقل الي طاوله اخري،،تجلس عليها والده مي ووالده تسنيم بصحبه ازواجهم"
ام تسنيم:ماشاء الله علي منه ومصطفي لايقين علي بعض اوي،،ربنا يسعدهم ويتمملهم علي خير
ام مي:يارب ،،ويفرحك بتسنيم يارب
"علي الطاوله التي تجلس بها حياء ومالك بصحبه تسنيم ومي"
تسنيم وهي تنهض:بعد اذنكوا هروح التواليت،،مش هتاخر"
"اتجهت تسنيم في طريقها الي دوره المياه،،واثناء نهوضها رأها احمد،،فقرر الانطلاق خلفها"
احمد مناديا عليها:انسه تسنيم
تسنيم وهي تنظر ورائها:انت!!!!
احمد وهو يمد يده ليصافحها:ازيك!!،،وصحتك بقت عامله ايه؟!
تسنيم وهي تنظر ليديه:اسفه مبسلمش،،بس الحمدلله بقيت كويسه
احمد وهو يسحب يديه باحراج:امممم امال ايه اللي جايبك هنا!!!
تسنيم متابعه:دي خطوبه صاحبتي
احمد وهو يتصنع الذهول:ايه دا بجد!!!،،دي خطوبه صاحبي بردو،،وكأن القدر مصر يجمعنا ونشوف بعض
تسنيم باحراج:اه طيب عن اذنك
احمد مستوقفا اياها:استني بس،،كنت عاوز اقولك اني مبسوط اوي اني اتعرفت عليكي،،وبتمني نكون صوحاب
تسنيم بنفاذ صبر:بس انا مبصاحبش،،وعن اذنك بقا
"تركته تسنيم وغادرت المكان"
احمد لنفسه:ايه البت دي،،بس قمر اوي بالحجاب ومحترمه ،،شبه حياء اوي،،ثم عاد يأنب نفسه مره اخري قائلا:ايه دا يا احمد،،هي بنت زي دي هتخليك تغير مخططك ولا ايه،،كمل اللي انت ناوي عليه
*****
"عادت تسنيم مره اخري الي الطاوله،،ثم جلست عليها"
"عاد احمد الي مكانه مره اخري ثم قام بالتحدث مع شخص ما"
احمد :ازيك يابني عامل ايه!!!
الشخص:زي الفل يا كبير،،بس الخطوبه جامده،،وفيها بنات زي القمر
احمد بخبث:زي الفل،،انا بقا كنت عاوزك علشان كدا
"وفي تلك اللحظه اعلن موزع الدي جي عن لحظه"رقصه السلو"
"فقام مصطفي باخذ خطيبته وبدأوا الرقص"
"في تلك اللحظه،،مالك وهو ينظر لحياء قائلا:ما تيجي نرقص يا بنوتي
حياء بضيق:مبرقصش
" وفي تلك اللحظه قاطعهما مجيء شاب،،ثم اقترب من حياء قائلا:بقولك ايه يا قمر ما تيجي نرقص
مالك وهو ينظر له نظره ناريه:قمر دي تبقي امك،،انت شايفني قرطاس جوافه جنبها،،يلا ياض من وشي
الشاب:ما تهدي يسطي،،انا بسالها هي،،متدخلش
"قام مالك في تلك اللحظه ووجه للشاب لكمه في وجهه،،ولكن تجمعت الناس حولهم وقاموا بفض الاشتباك قبل وقوع الحرب بينهم"
"عاد الشاب الي ادراجه وبدأت رقصت السلو مره اخري،،ثم نظر مالك الي حياء قائلا:مبسوطه وهو بيقولك ممكن نرقص!!!
حياء بغيظ:انا مقولتش كدا وبعدين انت مديتنيش فرصه ارد
" ثم قاطعها مالك دون ان تكمل حديثها وقام بجذبها رغما عنها الي ساحه السلو"
حياء بضيق:اوعي بس ،،انت واخدني فين!!!،،مش هرقص قولتلك
"لم يستمع مالك لها واحكم قبضته علي يديها،،ثم بدأ يرقص معها علي تلك الاغنيه"
"انت يالي خدت قلبي من الزمان ومن اللي فيه،،خدت قلبي لدنيا تانيه احلي من اللي حلمت بيه،،احلي عمر انا عيشته جنبك،،والحنان عندك كتير،،هو في كدا زي قلبك لسه في في الدنيا خير،،عمري ما انسي انا قبلك كنت في ايه،،ومعاك بقيت انا ايه،،انا باقي ليك ولحد ما عمري،،ينتهي هفضل يا حبيبي معاك،،وهعيش واموت بهواك،،انا ليا مين غيرك حبيب عمري"
"كان مالك يستمع الي الاغنيه بانصات شديد وهو ينظر في اعينها،،ثم هتف في اذنها قائلا:وكأن الاغنيه بتعبرلك عن اللي جوايا،،وانا ليا مين غيرك حبيب عمري؟!،،في حد بيتخلي عن عمره كله،،والله انتي العمر دا ،،اللي جاي ومستقبلي اللي مجهول مصيره،،بس انتي هتكوني فيه مهما كان
حياء وهي تنظر له بحزن:لو سمحت ابعد ايدك عني انت مقيدني كدا
مالك بحب: انا عاوز الزمن يقف بيا وانا كدا
حياء بعند:مالك،،بطل تستضعفني،،وتستغل الظروف علشان تقربلي كدا،،شوف حد تاني مارس قوتك عليه،،انا بكرهك،،افهم بقا
"دهش مالك جراء سماعه لتلك الكلمات، كيف لها انت تتهمه بتلك القسوه،،هو لا يمارس قوته عليه هو فقط يحاول احتوائها والتقرب منها لارضائها عما بدر منه،،لم يتمني سماع هذه الكلمات منها،،لطالما كان يخشي عليها حتي من الهواء،،لكن تلك الكلمات كانت اصعب مما يكن ولم يتحملها مالك
" قام مالك بتحريرها من بين ذراعيه دون ان يتفوه بكلمه واحده،،ثم تركها متجهها ناحيه باب القاعه"
"عادت حياء الي الطاوله التي تجلس عليها تسنيم،،حياء وهي تلمع عينيها:تسنيم بليز ممكن نمشي علشان صدعت وحاسه بالم في معدتي
تسنيم بخوف عليها:ايه مالك يا حياء متخضينيش عليكي،،طيب استني اجيبلك برشامه صداع
حياء بضيق:لا خلينا نمشي،،انا هدخل التواليت وارجعلك تكوني مستنياني برا ووقفتي تاكسي علشان نمشي
" اتجهت حياء الي التواليت،،ثم خرجت تسنيم الي الشارع حتي توقف تاكسي،،واثناء وقوفها في الطريق،،وجدت شابا يتجه ناحيتها،،وقد ظهر عليه الثمل بشكلا كبير،،وما هي لحظات حتي قام الشاب ب....
يتبع
ارفعوا البوست بكومنتات كتير
تكملة الرواية من هناااااااا
الفصل السادس وعشرون والسابع وعشرون والثامن وعشرون والتاسع وعشرون والثلاثون بقلم علياء كامله رواية ابن قلبى (…){kind=link}
تعليقات
إرسال تعليق