طلبت الأم أن يوضع معها صورة في النعش
طلبت الأم أن يوضع معها صورة في النعش
طلبت الأم أن يتحط معاها في النعش صورة بنت غريبة والمغسله تكشف السر
انا أم احمد المغسله طبعا عارفني كويس انا النهارده جايبه لكم حكايه غريبه جدا بس قبل ما نبدا الحكايه عايزة أقولكم اني تعبت جدا ورحت المستشفى مع احمد ابني والدكتور قالي
الدكتور
مافيش فايده فيكي يا ام احمد مش عايزة تريحي نفسك خالص
احمد
والله يا دكتور انا نفسي تعبت من كتر الكلام معاها بس انا مش بحب ازعلها ابدا وبسيبها علي راحتها
الدكتور
لا لا احنا لازم نؤمع الكلام ونريح نفسنا الضغط كل مرة ليغلي اكتر من المرة اللي قبلها وكده غلط عليكي انا بحذرك لازم نحافظ علي صحتنا تمام
المغسله
حاضر يا دكتور انا بس لما حد بيحتاجني انا مش بعرف أقوله لا يابني
الدكتور
أنا عارفك يا أم احمد طبعا انتي ست مفيش منك ربنا يبارك في عمرك انا حتي كنت
في سيرتك امبارح مع الدكتور سامي دكتور التشريح كان بيشكر فيكي وبيقولي احسن مغسله اتعاملنا معاها هي ام احمد
المغسله
ربنا يعزك يا دكتور والله ولسه زي مانا لو احتاجتوني انا موجوده في أي وقت اهو
احمد
طيب يعني يا دكتور هنغير العلاج اللي هي بتاخده مش كده برضو
الدكتور
أن شاء الله يا شيخ احمد وخلي بالك منها بقا ورقمي معاك لو احتاجت حاجه انا تحت امركم مع السلامه
ومشيت انا واحمد أبني رجعنا البيت ولقيت حنان بتقولي
حنان
عملتي ايه يا ماما يارب يكون الدكتور طمنك
المغسله
الحمد لله يا بنتي طمني والحمد لله
حنان
طيب الحمد لله طب ده كان في شاب كده جه من شويه سأل عليكي وكان بيقول أنه عايزك ضروري جدا وبعدين لما قولت له انك مش هنا قالي انه هيعدي عليكي تاني
احمد
ابقي قولي له انها تعبانه ومش هقدر تنزل شغل
تاني
المغسله
ليه يا حبيبي ما أنا الحمد لله بصحتي اهو واقدر اشتغل واعمل كل اللي انا عايزاه لو جه وعايزني في غسل انا مش هتأخر انت عارفني
احمد
عارفك طبعا مفيش فايده فيكي ياامي
وبعد شويه لقيت الشاب ده جه تاني وانا قابلته وقالي
محمود
انا اسمي محمود وكنت جاي لحضرتك عشان تيجي معايا لامي المتوفيه عشان تغسليها وكمان. وسكت
المغسله
وكمان ايه يا بني كمل
محمود
بصي حضرتك انا امي قبل ما تتوفي وصلتني وصيه غريبه اوي لقيتها بتديني صورة واحده وبتقولي حطها معايا وانا بټدفن وكانت كل يوم تأكد عليا الحكايه دي حتي لما سألتها مرضتش تجاوبني وانا عايز أعرف ليه امي رفضت أنها تقولي تطلع مين اللي في الصوره قبل ما تروح
المغسله
طيب يابني ماهي رفضت انها تقولك عليها قبل ما تروح يبقا ده سر وهي مش عايزة حد يعرفه ابدا
محمود
انا
أمي اټوفت امبارح بالليل وقبل ما تتوفي بدقيقتين وصتني تاني مع انها كانت بتقولي الوصية دي كل يوم تقريبا ومن قبل ما تتعب كمان
المغسله
انا مش فاهمه انت عايز تعرف هي ليه كانت مصممه علي انها الصورة تتدفن معاها طيب واشمعنا جيت لي انا
محمود
عشان في ناس قالوا لي أن حضرتك بتعرفي تتكلمي مع الناس اللي بتتوفي دي وبتعرفي أسرارهم
المغسله
وانت عايزني أعرف من والدتك ايه السر في الصورة بتاعت البنت اللي بتقول عليها
محمود
ايوه لاني امي كانت عندها إصرار رهيب اني احط الصورة معاها انا ساعات كنت ادخلها اوضتها الاقيها بتحضن فيها أحد قبل ما تروح بكام ساعه حصل
فلاش باك
محمود دخل عند أمه لاقها ماسكه الصورة في أيديها وعماله تحضن فيها وبتعيط وقالها
محمود
انا نفسي افهم الصورة دي بتاعت مين انتي كل شويه تمسكيها وتفضل
تبوسي فيها وتحضني فيها وټعيطي ايه
الحكايه بالظبط
سعاد
انت عايز ايه يا محمود انا قولت لك الصورة دي تتدفن معايا يعني تتدفن معايا من غير كلام كتير انت تنفذ دي وصيتي
محمود
يعني إيه يا ماما طيب مين اللي في الصورة دي اللي مخلياكي عامله كده انتي بقالك شهر واكتر تعبانه وبتعيطي كتير أوي هو في ايه بالظبط
سعاد
دي واحده عزيزه عليا يا محمود أنت مالك انت تعمل بالوصيه اللي انا بقولك عليها يابني وريح قلبي
محمود
انا مش هعمل حاجه غير لما أعرف اللي انتي عايزاه ده لييه وليه عايزة الصورة تبقا معاكي في الترب ليه
سعاد
عشان أنا عايزة كده دي رغبتي وانا مش هرجه في كلامي ابدا انت لازم تنفذ اللي بطلبه منك
محمود
وانا مش هعمل كده مضحكيش الناس علينا بقا انتي إيه يا شيخه
قال كلامه وسابها ومشي وهي فضلت ټعيط وتحضن في الصورة ومحمود
اتصل بخاله وقاله
محمود
ليه يا خالي مصممه علي اني احط لها الصورة معاها هي عايزة الناس تضحك علينا يا خالي ولا إيه بالظبط
هاشم
أهدي يا محمود ماهي امك دي انا مش عارف هي ايه اللي جرا في عقلها دي عقلها خف خالص ولا هي عشان التعب اللي تعبته ده حصل لها كده
محمود
انا مش عارف بجد يا خالي هي بقت مالها كده انت لازم تتصرف وتعرف في ايه ماهو احنا مش هنفضل كده
هاشم
طيب انا هتكلم معاها واعرف منها ايه الحكايه انا هاروح لها دلوقتي يا محمود
وراح لها هاشم وفضل يخبط علي الباب وهي ولا راضيه تفتح الباب خالص فاتصل بمحمود وقاله
هاشم
انا عند البيت يا محمود بس انا برن واخبط ومفيش رد من امك تعالي افتح الباب يابني ليكون جرا لها حاجه
وجه محمود بسرعه علي البيت وفتح واتفاجؤا أنها راحت انهار محمود وخاله
قاله
هاشم
ايه اللي حصلها يا محمود يابني كل ده بسبب المشكله اللي كانت بينكم
محمود
امي راحت وهي زعلانه مني يا خالي انا عايز امي ترجع تاني انا عايز اتأسف لها
هاشم
أهدي يا محمود مش انت السبب يابني ده عمرها وقدرها لحد كده انت متعملش في نفسك كده
محمود
طيب الصورة دي انا مش هعرف اعملها بوصيتها وبعدين دي راحت من قبل ما تقول علي الصورة دي سرها ايه انا عايز أعرف سرها إيه
هاشم
طيب راحت وسرها راح معاها يابني خلاص انت هتعمل إيه بس
محمود
ياريت يا أمي تقومي دقيقه واحده بس تقولي لي أي سر الصورة دي
هاشم
اسمع يا محمود في واحده مغسله بيقولوا أنها بتعرف تتكلم مع الناس اللي بتتوفي انت تجيبها تغسل امك وتعرف لنا السر
محمود
خلاص بكره الصبح هاروح لها اجيبها تغسل امي
وسابو سعاد في اوضتها وشغلوا
قرآن ومحمود دخل ينام عشان الصبح يدفن أمه وفي نص الليل لاقي أمه داخله عليه ووشها متغطي بالكفن وقالت له
سعاد
محمود يا محمود اوعي متعملش اللي انا قولت لك عليه يابني
محمود پصدمه
مامااااا انتي صاحيه مش لسه ما روحتيش الحمد لله انك لسه صاحيه
سعاد
اسمع اللي بقولك عليه ونفذ الوصيه عشان انت مكنتش عايز تعملها صح
محمود
ماهو انا معرفش الصورة دي بتاعت مين
سعاد
مش هينفع اقولك يا محمود أنت هتعرف لما هي تيجي أنا هاقولها تحكي لك
محمود
هي مين دي ياماما مين هي أرجوك قولي لي كل حاجه يا ماما مامااااااا
وفجأة صحي من النوم
بااااك
وبس ومن بعدها قررت اني اجي لحضرتك عشان تيجي معايا تشوفي ماما كانت عايزة تقول ايه بالظبط
المغسله
لا حول ولا قوه الا بالله العلي العظيم طيب يا بني انا هاجي معاك عند
المتوفيه عشان اشوف ايه الحكايه الغريبه دي
ورحت مع محمود
عند أمه المتوفيه سعاد وقاللني اخوها وقال
هاشم
أهلا وسهلا اتفضلي أدخلي يا ام احمد دى الاوضه اللي فيها اختي تحبي اجيب لك واحده تساعدك انا مراتي موجوده لو عايزاها تدخل معاكي
المغسله
لا معلش انا بحب اشتغل لوحدي وكمان عشان اقدر أعرف ايه اللي عند المتوفيه
ودخلت عليها وقولت
المغسله
السلام عليكم ورحمه الله وبركاته الله يرحمك ويغفر لك بإذن الله
لقيتها قامت وقالت
سعاد
كويس انك جيتي انا مستنيه انك تيجي أنا طالبه منك انك تخلي ابني يدعي لي ويترجم عليا ويسامحني علي اللي انا عملته
المغسله
هو انتي ايه حكايتك بالظبط وايه حكايه الصورة اللي انتي نفسك أنها تتدفن معاكي وصورة مين دي
سعاد
أن هحكي لك كل حاجه حصلت معايا من اول لما جوزي كان عايش كان بيشتغل في شركه مقاولات وكان ليه واحد صاحبه كان دايما
معاه وفي يوم جوزي قالي
فلاش بااااك
عادل كان داخل من برة وقال لسعاد
عادل
بقولك ايه يا سعاد انا عايزك بكرة تعملي غدا كويس عشان مختار صاحبي هيجي يتغدي معايا انا عزمته عندنا علي الغدا
سعاد
ايه الكلام الغريب ده يا عادل هو انت جاي دلوقتي تقولي اعمل اكل كويس بكرة هو انا لحقت اجيب حاجه من السوق طيب كنت عرفتني من اول النهار جاي دلوقتي تقولي كده
عادل
والله هي العزومه جات كده بالصدفة انتي عارفه مختار ده عازب وعايش لوحده وملوش حد يعمله اكل بيتي ونفسه ياكل اكله بيتي فأنا قولت له يجي
سعاد
حاضر يا عادل الصبح بدري أن شاء الله انا هاروح اجيب كل حاجه واعملك الاكل اللي انت عايزة وان شاء الله بقا البيه صاحبك عايز اكل معين ولا اللي انا اعمله
عادل
والله انا سألته إذا كان عايز اكل معين ولا لا هو
قالي اي حاجه من ايد المدام انا هاكلها اصل مختار ده زوق ومحترم
سعاد
حاضر يا عادل انا هعمل اللي انت عايزه بس انا عايزة فلوس بقا واعمل حسابك في مبلغ كده عشان يا حبيبي الحاجة بقت غاليه ومكلفه أوي
عادل
يعني عايزة كان يا سعاد اخلصي انا عايز انام وبعدين الفلوس جوه ابقي خودي اللي انتي عايزاه
وتاني يوم سعاد عملت كل حاجه وعملت اكل كتير اوي وجه عندهم مختار وهو بياكل قال
مختار
الاكل جميل مشاء الله يا عادل تسلم ايدك المدام والله وكتر خيرها أنها تعبت وعملت الأكل ده كله
عادل
بالهنا والشفا يا عم مختار ده لسه الحلو جاي كل انت بس وخلص علي السفرة دي كلها
مختار
لا انا كده تمام اوي وبعدين انا بقول اسيب مكان الحلو بقا ههههه اومال انت في سنه كام يا محمود
محمود
انا داخل سنه تالته ابتدائي وبطلع الاول
كل سنه والمس بتديني شهادة تقدير
مختار
مساء الله برافوا عليك ومين بقة اللي بيذاكر لك يا محمود
محمود
ماما طبعا هي اللي بتذاكر معايا عشان هي اللي شاطرة اوي وبتحب المذاكرة معايا إنما بابا بيجي يأكل وينام
مختار
هههههه الواد بيسيحلك يا عادل
عادل
كده يا محمود ماشي طيب مش هديك مصروف بكرة
ودخل عادل يجيب الشاي من جوه وقال لسعاد
عادل
جرا ايه يا سعاد هو انتي مش راضيه تطلعي تسلمي علي الراجل ليه ده قاعد عندنا من الصبح مستني الشاي اطلعي يا شيخه سلمي
سعاد بزهق
هو هامشي أمتي بقا يا عادل وبعدين انا عايزه انام انا تعبت النهارده
عادل
معلش عشان خاطرى انا اطلعي بقا يلا وبطلي اللي انتي بتعمليه ده
سعاد
حاضر يا عادل انا هطلع اهو
وطلعت سعاد سلمت علي مختار اللي بص لها بإعجاب وقال لها
مختار
تسلم ايدك
يا مدام او الله انا مش عارف اقولك ايه علي الأكل الحلو
ده بجد وشكرا علي تعبك كمان
سعاد
لا ابدا مفيش تعب ولا حاجه المهم بس يكون الاكل عجبك يا أستاذ مختار
مختار
عجبني عجبني بس الصراحه الاكل يجنن هائل جدا تسلم ايدك طيب انا هستأءن بقا يا عادل اسيبك تريح واكيد المدام هي كمان محتاجه تريح
عادل
يابني عايز تمشي علطول ليه كده احنا لسه هنسهر سوا
مختار
لا لا كفايه كده وبعدين الايام جايه كتير وأكيد يعني هتعزمني تاني يلا مع السلامه
ومشي مختار وسعاد قالت
هو مختار ده صاحبك من أمتي يا عادل مش من بعيد صح
عادل
لا ده هو لسه متعين في الشركه بقاله تلات سنين وفي التلات سنين دول معرفش حد غيري انا صاحبه وكل حاجه
سعاد
ااه بس يا حبيبي دي العلاقة بينك انت وهو جامده اوي طيب وهو ايه متجوزش
عادل
انا عارف هو عمال يقول لا انا مش بتاع
جواز ولا عايز اتجوز انا هجيب واحده واصرف عليها بقا واخلف عيال لا أنة عايش كده أحسن الصراحه كلنا بنحسده علي حيات العزوبية دي
سعاد
لا والله وانتي بقا أن شاء الله عايز تبقي زيه بقا دي اخرتها يا عادل برضو
عادل
هههههه بهزر يا حبيبتي طبعا بهزر هو انا اقدر استغني عنك يا قمرة أنتي يلا بقا قومي اعملي لي كوبايه شاي خليني اشربها عشان انام عندي شغل الصبح يلا
وبعدها عدت الايام ومختار قال لعادل
مختار
بقولك ايه يا عادل انا عازمك بقا انت والجماعة المرة دي علي الغدا بره قولت إيه
عادل
غدا برة إيه بس يا جدع انت ما انت تقول علي الاكل اللي انت نفسك فيه وانا اخلي الجماعه عندي تعمله
مختار
لا لا انا عايزة كده يا عم انت مالك انت اللي عازمك المهم انت بس تجيب المدام ومحمود
وتيجو
وفعلا راحت سعاد مع عادل العزومه وكانت حاسه بنظرات مختار ليها وعيونه اللي مش عايز يشيلها من عليها وقالت لعادل
سعاد
انا عايزه امشي يا عادل يلا بينا عشان محمود بينام بدرى
مختار
طيب ليه بس مستعجله يا مدام ما إحنا قاعدين والجو جميل اهو مفيش اي حاجه يعني عشان تنزعجي كده
سعاد
لا أنا أصلي تعبت من القاعده هنا وعايزة امشي ارجع البيت يلا يا عادل بقا يلا
عادل
حاضر ياستي معلش بقا يامختار حكم القوي يا سيدي
مختار
ماهو عشان كده انا مش عايز اتجوز ياعم بلا ۏجع دماغ علي العموم المرة دي مش محسوبه ماشي يلا مع السلامه
ومشيوا من قدامه وهو فضل يفكر في سعاد وقال لنفسه
مختار
بقا معقوله يا ناس عادل معاه القمر دي اما الدنيا دي حظوظ بشكل بس ماشي يا سعاد هتروحي مني فين
بس
وبعدها فضل يفكر في ازاي أن هو يتكلم مع سعاد وفي يوم كان عادل في الشغل وهو راح لها البيت وقالها
مختار
ازيك يا مدام سعاد عامله ايه يارب تكوني بخير كده يارب
سعاد باستغراب
اهلا وسهلا يا استاذ مختار هو حضرتك هنا ليه هو مش عادل في الشغل برضو ولا إيه وبعدين معلش انا مش هينفع اقولك تدخل جوه
مختار
لا لا ولا يهمك انا بس كنت جاي لك في كلمتين كده وبعدين هو أيوه فعلا عادل في الشغل بس انا الصراحه كده حسبتك من اخر مرة كنتي حزينه أو زهقانه من حاجه هو كان في حاجة مزعلاكي ولا إيه
سعاد
لا ابدا مكنش فيه لا حاجة مزهقاني ولا حاجه مضيقاني ابدا انا كنت كويسه جدا يعني في العادي بتاعي
مختار
طيب الحمد لله اني اطمنت عليكي متتصوريش انا كنت قلقان عليكي إزاي
سعاد
لا ابدا ولا
يهمك يا استاذ مختار واظن طبعا أنا هعرف عادل انك
انت جيت له هنا مش كده برضو ولا ايه
مختار بارتباك
ها اااا اااه ومالوا عرفيه عادي يعني عادل أخويا وعارف اني محافظ عليه في أي مكان بس يعني لو هو معرفش بيكون افضل برضو
سعاد
علي العموم انا مش هجيب له سيرة انك جيت هنا ودلوقتي بقا اتفضل لاني عايزة ادخل اكمل اللي ورايا
مختار
انا همشي حاضر وانتي خلي بالك من نفسك وخلي بالك من محمود إبنك
سعاد
حاضر أن شاء الله يا استاذ مختار مع السلامه يا خويا
ومشي مختار من عندها ورجع عادل بالليل وقال لسعاد
عادل
بقولك أيه يا سعاد هو انتي مينوبكيش ثواب تروحي تنضفي شقة مختار صاحبي وتجيبي كمان اكل وتعملي له
سعاد
ايه الكلام ده يا عادل بقا انت عايزني اروح شقه واحد عازب عشان الناس تاكل وشنا
عادل
ناس مين بس اللي هتعرف انك انتي روحتي شقه صاحبي
وبعدين هو مش هيبقى موجود من أساسه هو هيبقا معايا في الشغل
سعاد
يا سلام ولو يا عادل انا مش رايحه بيت حد وبلاش تتغط عليا كده كتير الله يخليك
عادل
انا عارف ان قلبك ابيض وهتوافقي وبعدين ده وحداني وملوش حد خالص واحنا واجبنا اننا نقف جنبه
سعاد
ماشي يا عادل لما اشوف اخرتها معاك
وراحت سعاد تنصف له شقتها ودخلت المطبخ بتعمل أكل لقت اللي واقف وراها وسرخت وقالت
سعاد
بسم الله الرحمن الرحيم هو في ايه انت هنا من أمتي
مختار
انا لسه داخل دلوقتي انا مش مصدق اني معايا القمر في شقتي
سعاد
اسمع بدأنا اقولك يا جدع انت انا عارفه كويس اوي نظراتك ليا عامله إزاي وان كان جوزي غلبان وبيحبك وبيصدقك فده عشان عادل غلبان إنما أنا لا انا لحمي مر
مختار
سعاد
احترم نفسك وبعدين اتفضل امشي من
هنا انا مش عايزاك معايا لحسن والله اسيب لك كل حاجه ټضرب تقلب وامشي
مختار
خلاص خلاص بلاش تمشي انا اللي همشي
وفعلا مشي مختار وسعاد اتخانقت مع عادل وقالت له
سعاد
انا مش مرتاحة للراجل ده يا عادل انت لازم تقطع علاقتك بيه خالص
عادل
ليه بس يا سعاد هو عمل إيه الراجل زوق معانا جدا هو انتي شوفتي منه حاجه ولا إيه
سعاد
لا ماشوفتش يا عادل بس انا بحذرك منه وخلاص انا مش مرتاح له
عادل
لا يا حبيبتي انا مدي لمختار مبلغ شقي عمرى كله يشغله ليا في الاستثمار ويجيب لي الأرباح من الشهر الجاي
سعاد
ياخوي ليه كده يا عادل بقا الثقه تخليك تعمل كده ليه يا حبيبي ده الدنيا مفيهاش امان خالص
عادل
يابنتي ده صاحبي وزي أخويا هو هيعمل ايه يعني وبعدين انا واثق فيه متقلقيش انتي بس
وبعدها عدت الايام
ورجع عادل في يوم وهو حزين ومهموم وسعاد قالت له
سعاد
مالك يا عادل راجع من برة عامل كده ليه يا حبيبي ايه اللي حصل
عادل
الظاهر انك انتي كان عندك حق يا سعاد لما قولتي مأمنش للي إسمه مختار ده
سعاد
ليه هو عمل ايه سرق الفلوس يا عادل صح يلهوي اهو ده اللي انا كنت خاېفة منه
عادل
انا مش عارف هو اللي سرقهم ولا الراجل اللي بيشغل الفلوس أنا جيت أقوله فين الأرباح قالي الشركه خسړت قولت له انت اللي ملرزوم قالي مليش دعوه
سعاد
قولت لك يا عادل بلاش تأمن اديك شوفت اللي حصل أهو
وفجأة عادل وقع في الأرض وراح وفضلت سعاد تصوت جامد وبعد العزا بكام شهر راح لها مختار وقال لها
مختار
البقاء لله والدوام لله
سعاد
انت ليك عين تيجي هنا انت ايه معندكش احساس يا جدع انت انا مش عارف انك انت السبب
في إللي حصل
مختار
انا السبب في ايه بس يا مدام سعاد
انا قولت له اني هستني بس الشهر ده عشان الأرباح تيجي له كتير لكن مصدقنيش وافتكر اني سرقته وهو انا اقدر لسرقه برضو يا سعاد
سعاد
اسمع لما أقولك يا مختار الفلوس دي فلوس الواد اليتيم ده واللي انا هعلمه بالفلوس دي فياريت تتصرف وتجيبهم عشان اقدر اعيش انا وابني
مختار
خلاص أنا هستناكي تجي لي بكره لوحدك عشان تاخديهم انا مقدرش أتأخر عنك ابدا ياسعاد
وبعدها سعاد حكت لهاشم وقالها
هاشم
خلاص انا هاجي معاكي مش هسيبك تروحي لوحدك يا سعاد
سعاد
لا يا هاشم انا هسيب معاك محمود واروح انا انا مش عايزة اي مشاكل مع الراجل ده قبل ماخد منه فلوسي
هاشم
يعني هتروحي لوحدك ازاي بس يا سعاد علي العموم اللي تشوفيه اعمليه ياختي انا هستناكي هنا مع محمود لحد لما ترجعي
وفعلا راحت له وقالها
مختار
الدنيا كلها نورت يا سعاد هو انتي مش ناويه تتجوزي ولا إيه اصل حرام يعني قمر زيك كده تفضل عايشه لوحدها كده
سعاد
انت مالك
انت انا جايه أخد فلوسي وامشي ارجوك هات الفلوس
مختار
الفلوس اهيه يا سعاد انا مش هاكل عليكي حاجه انا بس نفسي اشوفك مبسوطه أوي
حسبي الله ونعم الوكيل فيك يا واطي يا زباله
ورجعت سعاد بالفلوس البيت وفضلت تسرف منها علي محمود لحد في يوم ما اكتشفت انها حامل وراحت لمختار وقالت له
سعاد
الحقني يامختار انا حامل انت لازم تتصرف انا كده هتفضح انت لازم تتجوزني
مختار
نعم ياختي اتجوزك ده إيه هو انا بتاع جواز اصلا انا مش بتاع جواز يا سعاد يلا روحي من هنا وبعدين قولي انك كنتي حامل من المرحوم
سعاد
انت مچنون ازاي يعني الكلام ده الي حصل ده حصل بعد ما عادل راح بست شهور وانا حامل في التالت ازاي بقا هاقول كده
مختار
يبقا تنزليه ومتقرفناش يا سعاد قولت لك انا مش بتاع جواز ماشي ويلا بقا من هنا
ومشيت من عنده وهي بتقول
سعاد
حسبي الله ونعم الوكيل فيك هعمل ايه ياربي بس هعمل
حاولت كذا مرة أنها تسقط نفسها بس منفعش
وفضلت بطنها تكبر وهي كانت بتدرايها باللباس الواسع لحد في يوم هاشم قالها
هاشم
انا ملاحظ انك تخنتي اوي يا سعاد
سعاد بارتباك
هااا ايوه يا هاشم هو انت بتحسدني ولا إيه
هاشم
لا ياحبيبتي انا مبسوط انك بقيتي كويسه
سعاد
الحمد لله على كل حال يا هاشم
وبعدها عدت الايام وفي يوم الولاده سعاد قالت لمحمود
سعاد
انت هتفضل عند خالتك يا محمود لحد لما اروح مع واحده صاحبتي المستشفى وهفضل معاها طول النهار ويمكن ابات معاها
محمود
ماشي يا ماما مټخافيش عليا
وراحت المستشفى وولدت بنت وفكرت تعمل فيها إيه وحطتها قدام ملجأ وعلمتها بعلامه والملجا خدوها وبقت سعاد تروح لها كل يومين تراعيها بس من غير ما حد يعرف حاجه لحد لما تعبت والمديرة قالت لها
المديره
البنت دلوقتي عندها ١١ سنه بس عندها کانسر والدكاترة قالو انها مش هتعيش كتير
سعاد
ايه ازاي الكلام ده يا حبيبتي يابنتي يعني هي مش هتكبر اصل انا كنت ناوية أخدها
بس مش عارفه ظروفي مش سامحه اني اخدها معايا
المديرة
البنت دي جميله وهاديه بس يا حبيبتي عمرها قصير ربنا يتولاها برحمته
وبعدها فضلت سعاد تروح لها وتاخدها في حضنها وهي كانت مريضة جدا وصورتها صورة وخدتها وبعدها عرفت أنها ماټت وحزنت سعاد وتعبت ومحمود كان عنده ٢٢ سنه وقالها
محمود
انا مش عارف انتي ايه اللي تعبك كده يا ماما انتي كنتي كويسه ايه اللي حصل
سعاد
انا خلاص مش هعيش كتير يا محمود عشان كده عايزاك تحط الصورة دي معايا في النعش بتاعي وتتدفن معايا
محمود
واشمعنا بقا
يا ماما ومين دي اللي في الصورة دي أصلا
سعاد
ملكش دعوه دي واحده انا أعرفها اسمع الكلام واعمل بالوصيه يا محمود اوعي تخلفها يابني
وبعدها راحت سعاد
بااااك
المغسله
لا حول ولا قوه الا بالله العلي العظيم ربنا يرحمك ويغفر لك الذنب اللي انتي عملتيه يا سعاد انا هخلي ابنك يسامحك وان شاء الله هو هيفهم ويسامح
وبعدها حكيت لهم كل حاجه
ومحمود أنهار وفضل يعيط وبقا يدعي لأمه
وبكده تكون خلصت حكايتنا
تعليقات
إرسال تعليق