رواية صغيره على الحب الفصل الحادي عشر والثاني عشر والثالث عشر والرابع عشر بقلم ندى احمد
رواية صغيره على الحب الفصل الحادي عشر والثاني عشر والثالث عشر والرابع عشر بقلم ندى احمد
البارت الحادي عشر (11) رواية (صغيرة على الحب )
~~~~~~~~~~~~~
ليله برعب: -
مش نازله يا حور ...
حور بصدمه: -
ليله انتي اتجننتى ... كده هيبقي بتصغرى بجدو وعمو مراد وبابى ... وخاصه جاسر اخوكى انتى مش عارفه ممكن يعمل ايه ...
ليله بصوت اشبه بالبكاء: -
انا خايفه اوي ...
حور بضحگ :-
طيب تعالي ننزل الاول ونبقى نشوف موضوع الخوف ده ...
-نزل الفتاتان الى اسفل وليله قلقه وبشده تدعو الله بداخلها ان ينهى تلك المقابله بخير ..
•• •• •• •• •• •• •• •• •• •• •• •• •• •• •• •• ••
:-في الاسفل ....
فارس ببرود: -
منور يا رامى ...
رامى بلهفه: -
بنورك يا بشمهندس ...
-عقب جمله فارس دخلت ليله بفستانها الموف الهادئ كانت حريصه جدا علي اختياره مقفول ولا يظهر شئ من جسدها وحور بجوارها بفستانها الازرق اللامع يشبه فستان ليله ...
-تقدمت ليله ب الصنيه وعليها الحلويات والمشروبات ووضعتها علي الطاوله وجلست علي الكرسي بجانب ابنه عمها كان النظر عليها واردف محمود قائلا: -
-طبعا انا يشرفنى اطلب ايد الانسه ليله ل ابنى رامى ...
سليم بنبره رزينه: -
حامد انت من عيله العرابى غنيه عن التعريف انا معنديش مانع ولا انتو اي رأيكو يا جماعه ...
قال يوسف: -
موافق ... وانت يا مراد .. جاسر ...
مراد: -
مرافق اكيد رامى شخص كويس جدا
جاسر بنظره لحامد : -
اممم بس انت يا دكتور لسه بتدرس ...
حامد :-
انا مش شويه يا بشمهندس ..
جاسر بنبره رزينه :-
يعنى حضرتك اللى هتجوزه ..؟
اومأ له حامد وقال جاسر :-
وهياخد منك المصروف ..
-اعترض مراد على طريقه الحديث وهكذا آريانا زوجه حامد ولكن بنظره من سليم لجم لسان مراد لان ابنه بتصرف بحكمه هو ما زال طالبا ..
جاسر بصوت رجولى :-
حامد باشا انت من اهم رجال البيزنس اللى اتعاملنا معاهم .. بس الرأي في الاخر لصاحبه الشأن ..
فارس بصوت اشبه بالغيظ: -
ليله .. رايگ ايه ...
ليله بصوت ضعيف وخجل: -
محتاجه وقت افكر ...
-نظرت لها امه " اريانا " باستحقار وقالت ببرود: -
وتفكري ليه هو انا ابنى محتاج تفكير ...
حور بغيظ متمتمه بخفوت : -
لا محتاج يا خد بجزمتي ...
-سمعها جاسر وابتسم علي غيظها من تلك المرأه ...
تنحنحت ناهد قائله: -
لا طبعا يا دارين هانم هي بس لسه صغيره ومحتاجه تفكر شويه ...
رامى: -
عادي يا جماعه تفكر براحتها ....
فارس :-
اه طبعا ومن واقع خبرتى بقولك ان مفيش قبول ...
جاسر ببرود: -
هي اللي تقرر يا فارس... مع ان رأي من رايگ ...
-نهض حامد قائلا :-
اللي فيه الخير يقدمه ربنا يا بشمهندس ...
سليم: -
هنرد عليكم في اقرب وقت ان شاء الله ..
-صافحوا بعضهم وانتهت المقابله بسلاام او ما يشبه السلام .... كامت نظرات فارس الى ليله كفيله ب ان تجعل الرعب حليف قلبها ....
~~~~~~~~~~~~~~~~~~~~~~~
:- في اليوم التالى ....
-دخلت حور الشركه بخطواتها الواثقه دائما و دخلت مكتبها ... دخلت ديانا خلفها قائله: -
-البشمهندس فارس كان هنا وعايز حصرتك ...
حور باستغراب: -
مقالش عايز اي يا ديانا ..
ديانا: -
لا بشمهندسه مقالش ...
حور بضحگ :-
ما بلاش بشمهندسه .. حور وبس اتفقنا ...
ديانا بحب: -
اتفقنا يا حور ...
-خرجت حور من مكتبها ....
~~~~~~~~~~~~~~~~~~~~~~~
-كانت في طريقها اي مكتب فارس لمحت جاسر كادت ان تتكلم معه ولكنه خلف توقعها وذهب نحو مكتبه استغربت ولكن لم تعطي للموضوع اهميه ...
-دخلت قائله: -
ازيگ يا فارس ...
وقف حور وقال: -
تمام .. اقعدي يا حور ...
-جلست حور امامه وقالت بهدوء: -
خير زينه قالتلى انك جيت ليا المكتب ..
حمحم قائلا :-
اه .. الحقيقه كنت عايز اعرف حاجه مهمه ...
-نظرت له حور واكمل هو:-
هي ليله وافقت علي العريس ...
حور بابتسامه :-
وبتسألني انا لسه روح اسألها هى ...
فارس بضحك: -
معلش تعالى علي نفسگ ....
حور بصرامه: -
بتحبها صح ...
-صدم هو كيف عرفت الي هذا الحد هو مفضوح ... واردف قائلا بهدوء: -
اه بحبها ...
حور بابتسامه: -
نصيحه من اخت .. روح قولها ...
فارس :-
الوضع صعب يا حور ...
حور باستغراب: -
صعب ازاي يعني .. انت ناقصك اي ...
فارس: -
مش حكايه نقص ... البيت كله شايف انها اختى.....
حور: -
بس هي مش اختك واحنا كلنا عارفين ...
فارس: -
بس متربيه معايا ...
حور بتنهيده حاره: -
اسمع يا فارس... ليله مش اختگ ولو بتحبها بجد قولها ... اه هي مش موافقه علي العريس اصلا ...
فارس :-
شوفت الرفض بعنيها اصلا .... حاضر يا حور هقولها ....
~~~~~~~~~~~~~~~~~~~~~~~
:- في بيت العرابى ....
-حامد بيأس: -
غبى ابنك ده ديما ....
اريانا: -
غبى ليه بقا ... هي اللي بنت مش استيايله اصلا ...
رامى بمرح: -
مالكم قاعدين كده ليه ...
محمود بسخريه :-
ليله رفضتگ يا اخويا ...
رامى بالامبالاه :-
What ever يعني ما ترفض انا مبحبهاش يا بابا ...
حامد بغضب : -
بس يا غبي في مزاد بينا بعد اربعه شهور ولازم كان الجوازه دي تتم ...
اريانا بسخريه :-
حامد .. انت مفكر انك هتاخد المزاد من سليم الهواري ..
حامد : -
سليم الهواري .... مش هينزل المزاد اصلا ...
رامى بملل :-
طيب امشى انا بقا ....
-خرج مراد واكملت اريانا :-
مش هينزل ازاي يعني ده شركه الهواري ازاي متنزلش في المزاد ....
محمود: -
جاسر مراد الهواري _ حور يوسف الهواري ...
اريانا بخبث: -
قصدك ان احفاده اللي هينزلو ...
حامد بشرود :-
بالظبط ....
اريانا بضحك: -
متقلقش ... المزاد هيرسي علينا ...
-نظر لها حامد مطولا ...
~~~~~~~~~~~~~~~~~~~~~~~
:- في المساء ...
حور بصدمه: -
نعم... بس بابا انا مبفكرش في الجواز دلوقتى .....
يوسف: -
بس يا حور ده جواز مؤقت بس لحد ما يعدي المزاد ....
امانى بحب: -
يا حبيبتي جاسر محترم وابن حلال ...
حور باستغراب: -
وانا مالي ابن حلال ولا لا ... انا مش هتجوز وانا لسه بدرس ....
يوسف بهدوء: -
ده قرار الحاج سليم ومحدش يقدر يخالف قراراته ...
حور: -
وانا ذنبى اي اتجوز واحد اكبر منى ب 10 سنين ...
امانى: -
ذنب !
هو جوازك من ابن عمك ذنب ...!؟
حور ببكاء: -
لما يبقي الجواز بالطريقه دي يبقي ذنب ...
يوسف باقتضاب: -
اسمعى يا حور !
انا طول عمرى سايبك حره في كل اختيارتك ... انما تحصل انى اعصي ابويا ده مش هيحصل ابدا ...
حور بصرامه: -
مع احترامى لحضرتگ انا مش موافقه ..
يوسف :-
معندناش بنات تقول رأيها في الجواز .. كتب كتابك علي ابن عمك الخميس اللي بعد الجاي ...
حور: -
هتجوزنى غصب يا بابا ...
يوسف بقسوه غير مهوده منه :-
واكسر رقبتگ كمان ... خلص الكلام ...!
-دخلت حور غرفتها وهي لا علي الزوج انما علي طريقته امسكت هاتفها وانصدمت مما رأته ....
~~~~~~~~~~~~~~~~
البارت الثانى عشر (12)... رواية ( صغيرة على الحب )
~~~~~~~~~~~~~~
-متسطحه علي فراشها غارقه في ذكرياتها بالامس كم كان اليوم رائع
-تجلس في الحديقه تدون في مزكراتها كل همومها تجد نفسها في الكتابه وجدت من يضع يديه علي كتفيها قائلا:-
-بتكتبى ايه ..!؟
التفت له قائله بخفوت: -
بكتب يومى كان عامل ازاي ...
تنحنح قائلا: -
ممكن اسألك سؤال ..؟
قالت هي بابتسامتها الرائعه: -
اكييد..!
اسألها هو: -
ليه رفضتى رامى العرابى ..!؟
ليله بهدوء :-
عادي مبحبوش ...
تنهد هو بارتياح قائلا: -
ليله انا بالنسبالك ايه ..!؟
ابتسمت قائله: -
فارس..!
انت بالنسبالي حاجات كتيره .. صاحبى واخويا وساعات بحس انك بابا في خوفگ عليا ...
كلماتها شجعته اكتر وقال لها بخفوت في اذنها: -
بحبگ ...
-وفب لمح البصر خرج من القصر بأكمله
ابتسمت هي وامسكت هاتفها ووو....
~~~~~~~~~~~~~~~~~~~~~~~
:-في غرفه "حور "
-امسكت هاتفها ونظرت له بتمعن قبل ان تضعه فوق اذنها قائله بعد قليل من الانتظار: -
-ليلو ..
ده بجد ولا كنتى بتحلمى ..!؟
ليله بضحگ ممزوج بخجل: -
لا بجد انا مش مصدقه نفسى ...
حور بضحك:-
يخربيتگ هتفضحينا .. يقول عليكي ايه ... مدلوقه عليه اتقلي كده ..
ليله: -
اسكتى اسكتى .. ال اتقل ال ده انا ما صدقت ...
حور بحب: -
الف مبروك يا قلبي وعقبال ما يتقدملك بقا ...
ليله: -
يارب يا حور ..
حور بنعاس: -
يلا بقا حلي عن دماغي عايزه انام ...!!؟
ليله بضحك: -
اوگ سلام ...
•• •• •• •• •• •• •• •• •• •• •• •• •• •• •• •• ••
:-فى اليوم التالى ...
:-في غرفه المكتب ..
سليم بثبات: -
وانتى ايه رايك يا عروسه ..!؟
حور بصرامه: -
عايزه اعرف ليه مصمم علي الجوازه دي وحضرتك عارف ان احنا الاتنين مش موافقين ...
سليم: -
ده جواز مؤقت يا بنتى .. عشان المزاد لازم تروحى معاه وانتى مراته ...
جاسر بصوت رخيم: -
وهتفرق يعنى بنت عمى .. من مراتى ..
سليم: -
لا هتفرق كتير .. شعري ده مش شاب من فراغ يا بشمهندس .. انا عارف انا بعمل ايه ...
-يبدو علي جاسر انه فهم مقصد جده ولكن حور الفضول يقتلها تسألت: -
- يعنى بعد المزاد هيطلقنى ...
سليم :-
لا مش بعد المزاد بالظبط .. تقدري تقولي بعد فتره عشان بعد المزاد الدنيا هتتغير 180 درجه ...
جاسر: -
اللى تشوفه يا جد ..
حور: -
هتتغير ازاي يعني..!؟
جاسر بصوت هادئ: -
هتعرفي كل حاجه في وقتها ..
حور: -
تمام موافقه ...
-خرج ثلاثتهم من المكتب واخبرهم سليم بالموافقه فرح الجميع بالخبر وجاسر يحاول ان يتجاهل حور قدر استطاعته ...
*****
:- في الجنينه ...
-خرج وقف يدخن بشراسه وجد من يسحبها من يديه قائله: -
-محدش قالك ان التدخين مضر بالصحه يا بشمهندس ...
جاسر بجمود: -
ملكيش دعوه ...
حور بثبات: -
جاسر انا مش فارق معايا موضوع الجواز ده خالص ..
نظر لها بتساؤل فتابعت: -
انا مكنتش موافقه عشان علاقتي بيك كصديق تدمر وانا مش عايزه اخسرك .. جاسر انت صديق عزيز عليا ولو موضوع الجواز ده هيأثر علي علاقتنا انا هاروح واغير رأي ...
جاسر بنظره ذات معنى: -
حور...
انا مش زعلان منك وهفضل صديقك وعلاقتنا مش هتتأثر ...
حور بتسأؤل غريب :-
هو انا ليه بحس انك غامض اوي .. احكيلي مش احنا صحاب ...
جاسر بشرود: -
هتعرفى كل حاجه في وقتها يا ... حور ..
نبره غموض اثارت فضولها .. ولكن فى الوقت المناسب تلك الكلمه تكرها بشده ... نعم انه الفضول يا ساده حتى ان جاسر لقبها ب ( حور الفضوليه )
******************************
:- في مكان مجهول ...
قالت وهي تدخن بشراسه: -
-معرفتش مين هايروح المزاد ...
كين: -
العادي ان سليم ومراد ...
كارما: -
تقصد ايه ب العادى...؟
كين: -
اقصد ان بنسبه كبيره جدا سليم ميروحش ...
كارما بعدم اهتمام :-
يبقى مراد ويوسف ..
كين بنظره ذات معنى: -
وليه جاسر ما يروحش ...
كارما بضحگ :-
جاسر مش بتاع مزاد مبيحبش الجو ده ..
كين: -
كارما .. انتى بتتكلمى عن جاسر الهواري بتاع زمان .. انما المهندس جاسر الهوارى بتاع النهارده محدش يعرف بيحب ايه او بيكره ايه ...
كارما: -
كين ..
انا ميهمنيش مين يروح ... انا اللى يهمني اني اخد قطعه الارض دي منه ب اي طريقه ...
كين بشر :-
هناخدها ونرجع حقنا اللي ضاع من سنين ..
-نظر الاثنان الي بعضهم بشر دفين بفضل اوهام في رؤسهم .. هل ستؤثر كارما علي علاقه " جاسر و حور " ...
************************************
:- فى صباح يوم جديد ..
-كتب الكتاب والفرح الخميس الجاي ..
-كانت تلك الجمله التى قالها سليم بصرامه معتاده منه نظر حور وجاسر لبعضهم بدهشه لماذا كل هذا الاستعجال قال مراد مبتسما وفرحا :-
-انا عن نفسي موافق .. حد معترض يا جماعه ..
-لم يعترض احد ومازالت حور مصدومه ولم تتفوه بكلمه واحده وقالت بهدوء :-
-بس ليه الاستعجال ..؟
سليم بشئ خفےّ :-
الوقت مش فى صالحنا ..
-اومأ الجميع له ولا احد يجرؤ على الاعتراض بينما تحدث والد حور قائلا :-
طيب يا حاج.. مفيش خطوبه الاول ..
سليم بنظره غريبه :-
خطوبه ..
دول ولاد عم يا يوسف وحور قعدت هنا فتره كويسه اكيد اتعرفت على جاسر كويس ..
امانى بفرحه امومه :-
يا يوسف خلينا نفرح بقا .. زغرطى يا ام جاسر ..
-وبدأت ناهد باطلاق الزغاريط الفرحه مثل فرحه اي ام بزواج ابنها " البكري " كما يقولون .. ومازال جاسر صامتا هو يعلم ما يدور برأس جده ولكنه يكدب نفسه قائلا بخفوت :-
-يا خوفى منك يا سليم ..
~~ ~~ ~~ ~~ ~~ ~~ ~~ ~~ ~~
:- بعد مرور يومان ..
:- فى منزل العرابى ...
-ينظر للكارت بيده بدهشه غير مبالي لزوج من الاعين تتابعه باستغراب قائله :-
حامد .. انت بقالك كتير مبحلق فى الكارت ليه كده ..
حامد بغموض :-
انتى عارفه ده دعوه جواز مين ..
اريانا بنفى :-
لا ..
حامد :-
احفاد سليم الهواري .. جاسر وحور ...
اريانا بضحكه خفيفه :-
وفين المشكله يا حامد .. انت شكل المزاد كل ما بيقرب بيأثر على مُخك ..
حامد :-
مهو لو ابنك كان عرف يوقع بنتهم فى غرامك مكانش ده هيبقى حالى ..
اريانا :-
بنتهم مين دي .. هى تطول رامى ابنى يبصلها ..
حامد بنظرات غامضه ويبدو انه يعلم ان سليم يعمل كل جهده ليأخذ الارض ولكن لا احد يستطيع توقع افعال سليم..
**********************
:- ظلت الترتيبات للزواج على قدم وساق بين فرحه العائله ولا احد يعلم بسبب الزواج سوا مراد وجاسر ..
" " " " " " " " " " " " " " " "
:- فى النادي ..
-يمارسا التمارين الرياضيه وتوقف فارس فجأه وقال بدهشه :-
-يا نهارد اسود فى مصر ..
-اومأ ببرود وقال :-
نازلين المزاد كمان ..
فارس :-
عشان كده جدك عايزك تتجوز بسرعه ..
جاسر :-
اه عشان ترجع تلاقيني مش باقي عليها والله انا مبقتش فاهم حاجه .. حتى نفسى مبقتش فاهمها ...
فارس بضحك :-
وانت زعلان انك هتتجوز حور ..
جلس على احدي الكراسي وقال :-
مش حكايه زعلان .. فرق السن يا بنى مش قليل .. دول 10 سنين وجدك عمل الفرح بعد يوم ميلادها بيومين عشان كتب الكتاب يبقى رسمى ..
فارس بخبث :-
وانت عرفت منين ان الفرح بعد عيد ميلادها بيومين ..
جاسر بسخريه :-
اختى قالتلى ..
فارس :-
فرق السن مش مهم يا صاحبى ..
جاسر :-
يا بني دي لسه صغيره .. صغيره يا جماعه صغيره والله ..
## ازيكو يا هندسه ..
-التفتا على اثر الصوت وكانت الصدمه من نصيب فارس ..
°° °° °° °° °° °° °° °°
البارت الثالث عشر رواية (صغيره على الحب)
•• •• •• •• •• •• •• •• •• •• •• •• ••
-التفت فارس على اثر الصوت وجد اكثر شخص تمني قتله بالعالم وقال :-
-تمام يا رامى ..
بينما جاسر اومأ له قائلا :-
اقعد لو تحب ..
-حمحم رامى قائلا مبتسما :-
لا انا كنت معدي قولت اسلم بس ..
-اومأ له جاسر ببرود قاتل بينما حاله صديقه عكسه تماما حيث لو تمنى قتله لفعلها وبدون تردد منه .. تركهم رامى وقال فارس :-
-تحسه رخم كده سبحان الله ..
ضحك جاسر وقال:-
مش عارف حاطه فى دماغك ليه ..
فارس بقرف :-
احط الحشره ده فى دماغي .. بس يا جاسر والنبى..
-ضحك جاسر علي حاله صديقه بينما فكر بحاله هو وابتسم بسخريه سيتم زواجه من طفله رغم انها قويه الا انها طفله مدلله ..
** ** ** ** ** ** ** ** ** **
:- فى فيلا الهواري ..
-ظلت شارده بحالها معه كيف ستكون حياتها معه كيف سيتقبلها زوجته .. انتشلها من افكارها يد تربت عليها قائله :-
-عارفه انك بتفكرى في حياتك مع جاسر .. وده حقك بس جاسر مش وحش يا حور .. جاسر شاف كتير اوي واتجرح من اقرب الناس ليه.. انتي هتتعبي معاه اوي يا حور .. بس انتى قدها
نظرت لها رأت بعينيها امل كبير بها اومأت لها مبتسمه :-
ان شاء الله يا طنط .. بس انا عايزه اعرف حصل ايه ..
تنهدت ناهد قائله :-
الافضل ان هو يحكيلك .. بس ده مش هيحصل غير لما يثق فيكي جدا ..
-نظرت هي بدقه في اللاشئ وقالت بحسم :-
هيثق فيا .. انا وانت والزمن طويل يا جاسر ..
** ** ** ** ** ** ** ** ** ** ** **
-مرت ايام تلوها ايام حتى اتى الموعد المنتظر .. ناس كثيره تملأ الفيلا .. هو يتحدث مع احد من رجال الاعمال الشهريه بالاشغال فجأه تعالت الطبل لتعلن عن قدوم حور الحور التي اتته من الجنه وهو بكبريائه لا يدري نزلت وعلي جسدها فستان من اللون الموف كان هو الذي جلبه لها فرحت به شديده ولكنها اخفت ذلك الشعور رأها تتقدم ووقفت في احدي الاماكن مع اصدقائها ..
-اتاه صديقه يخبره بقدوم المأذون لاتمام تلك الزيجه كان هو ينظر لتلك الحوريه وذهب مع صديقه يجلس بجانب المأذون ويوسف علي الجانب الاخر .. وضع جاسر يده بيد عمه لتبدأ مراسم الزواج ..
-وضع الدفتر امامها بمجرد كتابه اسمها علي ورقه سوف تكون له وملكه ظلت تدور رأسها وتنظر للجالسون وقفت انظارها نحوه وبدون وعي منه اومأ لها بالموافقه .. وكتبت توقعيها وانتهي الزواج بقول المأذون :-
-بارك الله لكما وبارك عليكما وجمع بينكما فى خير ..
-تعالت التهاليل الفرحه بالزواج ونظرت لها ليله باعين فرحه تحولت لخجله عقب همسه باذنها :-
-عقبالنا ..
هي بمكر نسائى :-
انت الاول ..
نظر لها بغيظ قائلا :-
والله علي اساس انك مش عارفه انى بحبك ..
-ثم اكمل مائلا علي اذنها :-
وانَتِ بتعشقينى ..
ليله بارتباك :-
وانت عرفت منين .. اااقصد مين قالك ..
فارس مستمتع بخجلها :-
عيونك .. يا روح قلبى
ليله بغضب :-
انت زي اخويا يا فارس .. هااا اخويا .. اخويا
-كانت تأكد علي كلماتها فهم هو مقصدها من تلميحاته قائلا :-
انا مش اخوكى .. ولا زى اخوكى .. انا بحبگ ..
ليله بتحدي :-
وانا كمان بس زي جاسر .. سلام يا اخويا ..
-ذهبت وهي ابتسامه خبيثه تتراقص على فمها وقالت بداخلها :-
" ولسه يا فارس ولسه "
-يجلس الرجال مع بعضهم في الخارج واستقبل الاهالى المباركات وكان سليم يبتسم بخبث ها هو قد نفذ مخططه ..
°° °° °° °° °° °° °° °° °° °° °° °° °° °° °° °°
- فى اليوم التالى ..
-نزلت بخطوات لا تليق بها وكأنها طفله ذات سبع سنوات وقالت مبتسمه :-
-يا صباح اللى بتغني ..
-ضحك سليم وقال :-
صباحك نور .. اقعدي افطري يلا ..
-كانت ان تجلس كعادتها بجانب ليله ولكن اوقفها صوت امانى قائله بحسم :-
-اقعدي جمب جوزك ..
حور فارغه فاها :-
جوزي مين ..
وسرعان ما تذكرت قائله :-
اه سوري سوري .. اوك
-جلست جانبه كانت ترتدي تيشرت كات وبنطلون رياضي والجاكت تلفه حول خصرها وخصلاتها منسدله بحريه علي ظهرها .. وجدت صوت يشبه الافعي قائلا :-
-البسى الجاكت ..
نظرت له مستغربه وقالت بخفوت :-
الجو حر ..
جز علي اسنانه بقوه قائلا :-
مبحبش اعيد كلامى مرتين .. البسي الجاكت ..
- اومأت له حتي لااحد يشك وفكته من خصرها واردته وقالت ليله بخبث:-
-احلوينا بعد كتب الكتاب يا روري ..
-نظرت لها بشرار حيث ضحك الجميع وقالت هي :-
طيب انا عندي محاضره مهمه هحضرها واروح الشركه هطلع اغير هدومى ..
سليم متسائل :-
هتوصلها يا جاسر ..؟
جاسر :-
اه ..
-خرجت هى داخله منزلهم وابدلت ملابسها ببنطال مخطط ابيض ب اسود وكنزه من الشيفون باللون الاصفر وتركت خصلاتها منسدله واخذت حقيبتها وخرجت من المنزل رأته امامها قالت بهمس :-
يلا ..
اومأ لها وخرجا مع بعض للسياره وركبت جواره ..
** ** ** ** ** ** ** ** ** ** ** ** ** ** ** **
:- في الشركه ..
-دخل وطلب من السكرتيره ملف المناقصه الاخيره ودخلت هي بدلال في مشيتها ووضعت الملف امامه نظر لها باشمزاز وقال :-
-لمار شكلك ناويه تسيبي الشركه قريب ..
لمار بدلال :-
ليه يا فندم ..
جاسر بحده :-
انتِ هتناقشيتى .. امشي براا ..
-خرجت هي ونظرت لها حور باعين ذات معنى لم تعيها اهتمام ودخلت له قائله :-
-ادخل ولا هتهزأ ..
-ضحك رغما عنه وقال بهدوء :-
ادخلى طبعا ..
-دخلت وظلت تتجول بمكتبه لفت انتباهها مكتبه بها كتب كثيره ذهبت نحوها بفضول شديد واخذت منها كتاب وبدون قصد وقع الكتب عليها ذهب نحوها ساندا اياها قبل ان تقع كان قربها منه يشعل النار بداخله وهو لا يريد هذا لا يريد الحب .. اما عنها فغمضت عيناها تلقائيا تأملها وهي مستكينه له هكذا ملامحها هادئه وطفوليه شفتيها المتكنزه لديه رغبه كبيره فى تقبليها وبدون وعي استسلم لقلبه والتهم شفتيها بنهم ما كان منها سوي الصدمه ورغم مقاومتها الضعيفه الا انها استسلمت وبدأ هو في التعمق اكثر واكثر ولكن تأتي الرياح بما لا تشتهي السفن ودخلت لمار بدون استاذان ابتعد عن حور ونظر للاخري ببرود التي كانت تشتعل نيران وقال لها :-
- عايز حد من العُمّال يرتب المكتبه تاني ..
اومأت له وخرجت .. بينما حور كان الخجل يأكلها اكلا وظلت تفرك بيديها بتوتر ونظر لها سألها عن حالها كانت اجابتها :-
- انت ازاي تعمل كده .. ده حرام ..
-دهش مما تفوهت به وانظلق بالضحك هي فعلا طفله وقال لها :-
-لا مش حرام انا جوزك يعنى اعمل اللى انا عايزه يا .. يا طفله ..
حور بغضب طفولى :-
انا مش طفله قولت ..
- وخرجت رغما عنه ابتسامه صغيره شقت فمه جعلته اكثر وسامه .. وقال بتنهيده :-
" يا تري هتعملي فيا ايه يا حور "
-كاد ان يجلس لولا سماع صوت من الخارج ...
** ** **
~~ ~~ ~~ ~~ ~~ ~~ ~~ ~~ ~~ ~~ ~~ ~~ ~~
-البارت الرابع عشر ( صغيرة على الحب )
°° °° °° °° °° °° °° °° °° °° °° °°
-لم تتحمل هى تلك الكلمات وقالت لها بصوت حاد :-
-احترمى نفسك ..
نظرت لها قائله ببرود :-
وانتِ مالك ..؟
حور ببرود مماثل :-
مراته .. لما تتكلمي عنى تتكلمي كويس ساامعه ..
-خرج علي صوت الصراع بينهم وقال :-
-ايه اللى بيحصل هنا ..؟
-نظرت حور للأرض بخجل بينما قالت لمار بدموع كاذبه :-
بتزعقلى يا فندم ..
جاسر بجمود :-
وهي هتزعقلك من الباب للطاق كده ..
لمار ببراءه مصطنعه :-
لا .. بس عشان بقولها تبعد عن حضرتك وتبطل حركاتها المُغريه عشان متخسرش شغلها ..
-اندفعت فيها حور قائله :-
هو انتى مفكراني زيك يا زباله الشوارع انتى ..
لمار بخبث :-
انا دخلت وشوفتك وانتى بتحاولى تغريه ..
-قال بنفاذ صبر :-
بس بس .. ملكيش دعوه ب حور خالص سامعه .. واه هي مراتى ..مع اني مش مجبر انى ابرر ..
-انصدمت هى وكان الخبر لها كالصاعقه وقالت بتوتر :-
الف .. االف م.. مبروك ..
-كانت نيران الغيره تأكل بجسد حور واقتربت من جاسر بجرأه غير معهوده منها ودفنت رأسها بحضنه قائله لها بتشفى :-
-الله يبارك فيگِ ..
-ثم قبلته على وجهه بخجل ولكنها تحاملت علي مفسها لتثبت لها انه لها وملكها وحدها عندما اقتربت منه شعر بجسده ينقبض واغمض عينيه نزلت هي لمستواها الاساسى وقالت بخجل :-
-هاروح مكتبى بقا .. باي
-ذهبت ناحيه مكتبها والخجل يأكلها ود هو لو يأخذها ويغلق انظارات عقله مستمعا لقلبه ولكنها طفله .. صغيره على الحب والزوااج ..
** ** ** ** ** ** ** ** ** ** ** ** ** ** ** ** **
:- في المطبخ ..
-تجلس امانى وناهد كالعاده يتحاوران وقالت ناهد بضحك :-
-لاحظتى اللى لاحظته انهارده علي الفطار ..
امانى بجهل :-
لا حصل ايه ..
-ناهد ضاحكه :-
حور كانت نازله ولابسه ترنج رياضي وماكنتش لابسه الجاكت وعينك ما تشوف الا النور يا اختى جاسر عينه دي كانت بطق شرار وهمس ليها انها تلبس الجاكت ولبسته ..
امانى بدهشه :-
ثوانى كده .. هى لبسته على طول من غير طول لسان ...
-اومأت لها ناهد وقالت امانى :-
تبقى وقعتي يا حور .. بس يا تري جاسر ..
ناهد مسرعه :-
بيحبها والله بيحبها .. بس اللى حصله مش شويه .. انا متأكده ان حور رغم صغر سنها الا انها هتقدر انا متأكده ..
-دعت امانى ربها بصلاح الحال لوحيدتها .. واكلمو الحديث ..
** ** ** ** ** ** ** ** ** ** ** ** ** ** ** **
- مر ثلاثه ايام فى تجهيز الفرح والدخله وحجز افخم فندق بالقاهره ل احفاد سليم الهواري تشعر هي بسعاده طاغيه و هو يشعر بالفرح ولكن العنيد لا يستسلم بسهوله .. تقف امام المرأه بهيئتها وقالت بفرحه طفوليه :-
-انا هلبس الفستان ده ..
ليله بخبث :-
جاسر مدلعك على الاخر ..
-نظرت لها حور بتحذير وقالت :-
امشي من هنا يلا .. عشان البس وانزل ارقص معاكو دي حنتي يا جماعه ..
ليله بغمزه قبل خروجها :-
ومالو اعرووسه ..
-دخلت ونظرت للفستان بفرحه وسمعت صوت جعل قلبها يرقص فرحا :-
-عجبك ..
-التفت لتراه يجلس علي فراشها وقال لها :-
تعالي اقعدي .. ده انا زي جوزك يعنى ..
-جلست على بعد مسافه منه وقالت بصوت خافت :-
دخلت هنا ازاي ..
-نظر لها قائلا :-
لا انا محدش يسألني السؤال ده .. جاسر الهواري محدش يقوله ازاي ..
-ثم اقترب منها وهمس بقرب عنقها :-
ماشى .. ؟
-التفت له ليصبح وجهها امام وجهه وقالت بصوت هامس :-
ج..جاسر ابعد شويه ..
-نظر لها رافعا حاجبه اليسري :-
والنبى ..اُمال مين اللى كان بتغرغر بيا الصبح ..
شهقت هى قائله :-
بلاش قله ادب ايه اتغرغر دي.. انا بس كنت بغيظ عروسه المولد دي ..
-ابتسم من زاويه فمه عندما سمع حديثها وعيناه مصوبه ناحيه شفتاها وابتلع ريقه بصعوبه وهي تتحدث بعفويه وضع يده خلف عُنقها وقرب وجهها منه مُلتهما شفتاها بجوع حقيقى وعشق جارف شعر بعودته للحياه وكأنه يريد المزيد والمزيد اما عن حالها ففتحت عيناها بصدمه لثواني ثم تحولت ل اعين مغمضه مستسلمه لا تعلم فهي ما مجرد الا طفله في ذلك العالم شعرت بيداه تعبث بظهرها اسفل التيشرت اشتغلت انظارات عقلها وابعدته عنها طالبه للهواء وابتعد عنها قائلا بصوت عادي :-
-مبروك يا عروستى ..
-لم تفهم حديثه ولكنها اجابته مبتسمه فسمع صوت طرقات علي الباب وقف هو وفتح بالباب وجد اخته فقالت هي بخبث :-
-اوبس شكلى جيت في وقت غلط يا جسور ..
جاسر باشمزاز :-
جسور .. ادخلي يا ليله ادخلي ..
-دخلت وهى تضحك عليه وجدت حور جالسه قالت لها :-
يلا يا قطه عندنا فرح تحت ..
حور بضحك :-
يلا يا حب نلبس ..
-خرج جاسر واغلق الباب عليهم وبدأ الفتاتان باللبس ..
•• •• •• •• •• •• •• •• •• •• •• •• •• •• •• •• •• •• •• •• •• •• ••
-فى اليوم التالى ..
-فى قاعه كبيره تقف حور بيد والدها وهو يقف بنهايه السلم ينتظرها تقف بطلتها الملائكيه بفتسانها المتطرز من اعلى ل اسفل وضيق من ناحيه الصدر وواسع من اسفل وطرحتها التى تزيدها جمالا بدأت بالنزول مع يوسف وناهد وامانى خلفهم ترمى عليهم الورود وبجانبها من الناحيه الاخري ليله تساعدها علي النزول ..
-وقفت امامه ومازالت انظارها بالارض وضع هو يده اسفل ذقنها ورفعها له نظرت له باعين وبها نظرات ذات معنى مُحب كان الجميع يظنون انه سيقبل قمه رأسها ولكنه انحني ولاثما شفتاها برقه جعلت الجميع ينظر له باعين مصدمه انه بتلك هذه الجرأه ولكن سليم ابتسم عندما التقطت صوره بهذا الوضع ويبدو انه سيزيد الموضوع اهتماما ابتعد عنها وكان حظه السعيد ان الروج ثابت تأبطت هي بذراعه عقب جمله والدها له ضاحكا :-
-گُلها ساعات يا واد انت وهتبقى فى شقتك .. المهم حطها في عينيك ..
-ابتسم هو قائلا :-
فى عينا يا عمى ..
-كادت ان تسقط ولكنه ساعدها على المشي بهدوء بعد تلك الصدمه ودخلا الى القاعه ..
-تقف واضعه يديها حول عُنقه وهو يحيط خصرها بيده القويه .. وحملها يلف بها بعض دقائق ثم انزلها ..
~~ ~~ ~~ ~~ ~~ ~~ ~~ ~~ ~~ ~~ ~~
:- فى ڤيلا الهواري ..
-يقف الجميع امام منزل العرسان وقال فارس بخبث :-
شد حيلك يا حاوي ..
جاسر ناظرا له بطرف عينه واضاف بمرح :-
عيب عليك .. اخوك اسد ..
ليله بضحك :-
ادعو ل اخوكو ابو جبل .. الله يكون في عونك يا بت يا حور ..
-كادت سوف تموت من الخجل ضحكت اماني قائله :-
بس بقا يلا يا حبايبي ادخلو عشان ترتاحو ..
-اومأ لها جاسر وانحنى حاملا حور بين يديه ودخل بها المنزل واغلق الباب بقدمه وانزلها في الصاله تنحنح قائلا :-
ادخلى غيري في الاوضه وانا هغير في اوضه تانيه ..
-دخلت الغرفه ودخل خلفها واخذ ملابسه من الدولاب ..
~~ ~~ ~~ ~~ ~~ ~~ ~~ ~~ ~~ ~~ ~~
-تقف فى الشرفه هادئه تماما ووجدت من يعطيها الموبايل قائلا :-
-شوفتى الصوره دي ..
نظرت له بنفي :-
لا صوره ايه ..
كين بسخريه :-
جاسر الهواري بيبوس مراته امام الجميع مواقع السوشيال ميديا كلها بتتكلم عنه عن جرأته ..
كارما :-
خليه فرحان شويه... هيشوف كتير على ايدي ..
كين بهدوء :-
هتظهري امتى ليهم ...
كارما بخبث :-
قريب قريب ..
-هكذا روح الانتقام الكاذب تجعل الحقد يملأ القلوب ..
~~ ~~ ~~ ~~ ~~ ~~ ~~ ~~ ~~ ~~ ~~ ~~ ~~
-خرج من الغرفه يرتدي بنطال قطني من اللون الاسود وتيشرت من اللون الابيض بيرز عضلات جسده القويه مصفف شعره بنظام و رائحه عطره تملأ المكان طرق عليها الغرفه واذنت له بالدخول وجدها ترتدي الاسدال ..
-بدأ هو بالصلاه بها وهو الامام لها .. بعد دقائق انتهي من الصلاه ووضع يده على رأسها قائلا الدُعاء المتزوجين ..
-نهض من الارض وبدأ بخلع تيشرته شعر بشهقتها خائفه اقترب منها وجد جسدها ينتفض .. ضمها الى صدره لعلها تشعر بالامان .. وهمس لها :-
-اهدي خالص .. مفيش داعى للخوف ..
-هو مقدر صغر سنها وفرق السن بينهم ساعدها علي خلع الاسدال وانصدمت عيناه وهو يراها ترتدي رداء من اللون الاحمر الحريري يصل لمنتصف فخذها وبحاملات رفيعه جدا وترتدي عليه روب احكمت اغلاقه هي ارتدت كما امرتها امها امرها بالجلوس بجانبه وجلس هو جوارها وصدره عاري كان يسبب من خجلها .. ضمها الى صدره لتستشعر الامان وليس الخوف .. همس لها :-
-حور انتى عارفه من قبل ما نتجوز فرق السن بينا كام ..؟
اومأت هي قائله :-
ااه ..
جاسر :-
ومش مأثر عليكى .. انا عارف ان علاقتنا قايمه علي الصداقه .. بس مش هتندمى في يوم من الايام ..
حور بعقلانيه :-
موضوع السن ده ميفرقش معايا خالص .. اهم حاجه تكون انت زوج صالح ليا ..
-نظر لها مبتسمها ورفع ورأسها له ليقبلها برقه لتسترخى له وتتجاوب معه واضعه يديها حول عنقه ابتعد عنها رافعا زراعه لتصبح رأسها علي الفراش اسفله وهو فوقها وعاد تقبليها مره اخري بنهم شديد ..
(صمت شهرزاد عن الكلام المباح )
°° °° °° °° °° °° °° °° °° °° °° °° °° °° °° °° °° °° °° °° °° °°
:- فى اليوم التالى ..
-اتسيقظ من نومه بتملل وجذب انتباهه تلك الحوريه النائمه جواره وخصلاتها تغطي وجهها ازاحها وبدأ بتأملها وقال بهمس خافت :-
" مش عايز اظلمك معايا .. انتى لسه صغيره "
-وجذب انتباهه صوت طرقات وكأنها طبل بلدي علي الباب وقال هو بسره :-
"………………………"
~~ ~~ ~~ ~~ ~~ ~~ ~~ ~~ ~~ ~~ ~~ ~~ ~~
تكملة الرواية من هناااااااا
تعليقات
إرسال تعليق