رواية صغيره على الحب الفصل السادس والسابع والثامن والتاسع والعاشر بقلم ندى احمد
رواية صغيره على الحب الفصل السادس والسابع والثامن والتاسع والعاشر بقلم ندى احمد
البارت: السادس .. رواية ( صغيره على الحب )
~~~~~~~~~
:-بعد مرور شهرين ...
:-في منزل سليم الهواري ...
-ركن هو سيارته ونزل منها هو وصديقه دخل الاثنان المنزل واستقبلهم سليم وقال: -
-واد يا مطاوع اطلع هات الشنط البيه ....
-خرج مطاوع وتقدم جاسر ليحتضن سليم بحب وتبعه فارس ...واطلقت ناهد زغروطه قويه في المنزل حيث انها كانت فرحه في جميع المنزل ... وقال جاسر بضحك :-
-ربنا يخليكي ليا يا ست الكل ...
ناهد بحب: -
ويخليك ليا يا بن عمري ...
ليله بسخريه: -
يعني انا بنت البطه البلاك ...
فارس: -
بلاك ...
ليله بغرور: -
دكتوره بئااا ...
قال سليم :-
يلا ادخلوا وانت يا مراد كلم اخوك شوفه وصل لحد فين ...
اومأ له مراد وبالفعل كلم اخيه
مراد: -
الو يا حبيبي ازيك
يوسف: -
تمام يا مراد وانت ...
مراد: -
تمام اوي .. انت فين دلوقتي ...
يوسف: -
احنا داخلين اسكندريه اهو ...
مراد: -
توصل بالسلامه ...
يوسف بحب: -
الله يسلمك ...
-اغلق مراد مع يوسف واخبر العائله
~~~~~~~~~~~~~~~~~~~~~~~
:-بعد مرور سااعه ....
-دخل مطاوع وقال: -
يا سليم بيه البيه يوسف وصل اني شوفته بيركن العربيه ...
سليم وقد نهض من مكانه: -
حمد لله علي سلامته ...
-دخل يوسف واماني وبيدها حور رفعت حور نظارتها ودخلت الي المنزل الذي لم تدخله ولا مره بحياتها ... تقدم يوسف من والده وانحني ليقبل يديه قائلا بحب: -
-واحشني يا بابا ...
سليم وبدأت دموعه تترقرق بعينه: -
وانت كمان يا قلب ابوك ...
قال يوسف: -
اماني تعالي سلمي علي الحاج. ...
وبالفعل سلمت اماني عليه اما عن حور فكانت خائفه من هيبه ذلك الرجل ولكنها حاولت الثبات وامرها ابيها ان تسلم علي جدها قال سليم: -
-سبحان الله كبرتى يا حور وبقيتى عروسه ...
حور بابتسامه: -
ازيك يا جدو ...
سليم: -
كويس لما شوفتك يا قلب جدو ...
-وبعد قليل دخل جاسر ومعه فارس الي المنزل وقال سليم: -
-كنت فين يا جاسر ...
جاسر: -
نسيت موبايلي في العربيه يا جدي ...
يوسف: -
ماشاء الله بقيت راجل اهو يا جاسر وانت كمان يا فارس ربنا يحميكو ...
-سلم جاسر وفارس علي يوسف بينما التفت حور اليه وقال هو بصدمه: -
-انتي ...
حور ولم تستغرب فهي كانت تشعر بذالك: -
جاسر الهواري صح ...
جاسر بغرور : -
زاكرتك قويه جدا ...
حور وقد نظرت لفارس: -
ازيك يا بشمهندس ...
فارس بابتسامه: -
كويس ... بس صدفه غريبه ...
حور بثقه: -
مش غريبه ولا حاجه .. حضرتك قولتلي انتي شكلك مش محتاجه الشغل وكلامك صح ...
-دخلت ليله وقالت: -
ازيكم ...
ناهد بحب: -
تعالي يا ليله .. سلمي علي عمك ومراته ..
-سلمت ليله ووقفت امام حور وقالت: -
انتي بقا مين...
قالت حور بابتسامه: -
انا حور ...
-جلست ليله وكان الجميع مندهش ايضا من الصدمه وقال يوسف بهدوء: -
-حور انتي واضح ان ليكي سبق معرفه مع جاسر وفارس ...
حور بهدوء مماثل :-
بالنسبه للاستاذ جاسر فهو سوري واحد معندوش ذوق ...
جاسر ببرود:-
لمي لسانك يا طفله انتي ...
تجاهلت حور حديثه واكملت: -
كنت خارجه من السوبر ماركت وماشيه في امان الله واحد طلعلي مش عارفه منين وخبط فيا... اكيد اي حد مكاني هيضايق ... وقولتله مش تفتح ... الباشا مش هان عليه يعتذر لا ده بجح وقال عليا طفله عندي 15 سنه ...
جاسر ببرود: -
كدبت انا...
سليم: -
جاسر اسكت .. ده جاسر وبالنسبه لفارس ...
حور: -
كنت رايحه اقدم لشغل وعملت انترفيو كان المحاور بتاعي الاستاذ فارس .. الصراحه انا مش زعلانه منه بالعكس ده نصحني ..
مراد بضحك: -
صحيح عيال ...
ناهد :-
يلا ياجماعه الغدا جاهز ...
-نهض الجميع من مكانه لتناول الغداء كانت حور طول الوقت بعيده عن جاسر تتعمد عدم حديثها له .. اندمجت كثيرا مع ليله وشعرت بجو عائله ودفء كبيران ... بعد انتهاء الغداء ... استاذنت ليله منهم لتخرج هي وحور قليلا للجنينه بناء علي طلب حور ...
~~~~~~~~~~~~~~~~~~~~~~~
:- في الجنينه ...!!
-تسير وتطلق لخصلاتها العنان لترفرف بفعل تيارات الهواء استنشقت الهواء وقالت بارتياح:-
-الجو هنا جميل اوي ...
ليله بتأكيد: -
اسكندريه كلها جميله اصلا ... لعلمك بابا كان عايز يوديني جامعه القاهره بس انا رفضت .. مبحبش اطلع منها ...
حور بتعجب: -
انتي في في سنه كام اصلا ...
ليله بضحك: -
انا اولي صيدله .. وانت بقا يا جميل ...
حور بضحك ايضا: -
اولي هندسه .. نفس السن اهو ...
-ضحكت ليله واردفت قائله: -
كان نفسي ادخل هندسه بس بعيد عنك انا والرياضه مبنتفقش خاالص ...
-ضحكت حور وشاركتها ليله ايضا بينما سألت حور قائله: -
-ليله عايزه اسأل سؤال والفضول هيموتني ...
ليله بمرح: -
لا وعلي اي اسألي اوختشي ...
ضحكت حور واكملت: -
فارس .. قالي في الشركه ان اسمه فارس الشناوي .. ولما جيت لاحظت انه بيقول لعمو مراد يا بابا وطنط ناهد يا ماما ده كمان بيقول لجدو يا جدي ...
تنهدت ليله قائله: -
فارس ابوه وامه ماتوا في حادثه وهو عنده 7 سنين ... وابوه كان صاحب بابا جدا وجده دياب الشناوي كان صاحب جدو جدا..... وشريكه كمان ولما مات ابو فارس بابا اخد فارس.... بابا هو اللي رباه كان هو وجاسر متعلقين ببعض جدا وفارس كبر وهو عارف ان اهله متوفين بس ماما اللي قالتله قول زي جاسر انت اخوه وكانوا ديما اخوات في كل حاجه بابا عمره ما فرقه عن جاسر ...
حور بتأثر: -
عمو مراد ده حنين اوي ...
ليله بابتسامه: -
جدا ..يلا ندخل بقا ...
-دخلت حور الي المنزل لتقابل ذلك " الحاوي " كما يطلقون عليه ...
~~~~~~~~~~~~~~~~~~~~~~~
:- في الداخل ..
ضحك يوسف وقال: -
صدفه غريبه والله....
جاسر بثبات: -
لا يا عمى مش صدفه .. جدو مرتبها صح يا جدي ....
سليم بنظره ذات معني: -
صح يا بن الهواري ...
-خلت حور وليله جلست حور واردف سليم قائلا: -
انتي في سنه كام يا حور ...
حور وهي تنظر لجدها: -
اولى هندسه يا جدو ...
سليم بصدمه: -
فكرتك في اولي ثانوي ...
جاسر ببرود: -
مش فرقت يا جدي اهي برضو طفله ...
حور باستحقار: -
طفله .. مش هرد عليك اصلا ..
جاسر: -
عشان متقدريش اصلا ...
مال فارس علي ليله قائلا: -
هتولع صح....
ليله: -
نلحق نطفيها بقا ...
حمحم فارس وقال بابتسامه: -
ولسه برضو عايزه تشتغلي يا حور ...
حور بهدوء: -
اه بابا قالي هتشتغلي معايا ...
جاسر بسخريه: -
علي اخر الزمن هنشغل عيال ...
حور بابتسامه صفراء :-
هو انا شغلاك اوي كده ...
جاسر بضحك وسخريه: -
انا ....جاسر مراد الهواري اتشغل بيكي انتي ...
حور بثقه: -
قول لنفسك ...
يوسف بحنق:-
اللهم طولك يا روح .. هو انتو مولودين فوق روس بعض ده انتو لسه اول مره تقابلو بعض ...
-كانت النظرات مشتعله بين حور وجاسر وتحدث مراد اخير قائلا: -
-ايه رأيك يا بابا في شغل حور ...
سليم بابتسامه: -
معنديش مشاكل وجاسر اللي هيدربها ...
جاسر بسخريه: -
ده اللي هو ازاي ...
سليم بحنق: -
هتسيب بنت عمك تشتغل لوحدها ...
جاسر بحنق: -
فارس يدربها ...
حور بصوت عال نسبيا: -
انت تطول اصلا .. جدو انا مش عايزه حد يدربني. ... اقولك انا عايزه فارس اصلا ...
-نهض سليم وضرب بعصاته في الارض قائلا بصوت جهوري: -
-بس هي كلمه جاسر هيفهمك نظام الشغل يا حور وبس .. واظن كلامي واضح ... يلا كله علي اوضته ... وانت يا يوسف هتفضل هنا لحد بكره الخدم يفرشو شقتك ..
يوسف: -
يلا يا اماني ...
-ذهب كل واحد الي غرفته واخذ مراد عائلته وصعد الي شقته ...
ش
~~~~~~~~~~~~~~~~~~~~~~~
:- في مكان مجهول ...
-تشعل افخم انواع السيجار بيديها وتنظر للملفات .. دخل هو عليها قائلا بحنق: -
-وبعدين انا زهقت عايز انزل مصر بقا ..
قالت هي بخبث واضح في حديثها: -
اهدي يا كين .. خلاص مش باقي غير شهور ...
كين بضيق واضح: -
احنا هنا بنخطط وهما هناك بيتمتعو .. زهقت يا كارما ..
كارما بضحك: -
اهدي بس وانا هنتقم منهم واحد ورا التاني مش هيفضل في عيله الهواري حد ...
كين بملل: -
اعملي اللي انتي عايزاه .. انت الكبير بتاعنا ...واكمل ايضا:
انا رايح مكتبي .. عايزه حاجه ...
كارما: -
سلامتك يا اخويا ...
-خرج كين وقالت هي في نفسها: -
هانت يا جاسر خلاص .. هرجعلك واخسرك كل حاجه .. انما سليم بقا ف ده لازم يموت .....
``````````````````````````````````````````````````
التفاعل ي قمرات ♥️ ♥️
البارت : السابع رواية ( صغيره على الحب )
°°°°°°°°°°°°°°°°°°°
:- بعد مرور اسبوع ...
- بقيت الاحوال كما هي وانتقل يوسف وزوجته للعيش بشقه تقابل شقه مراد وزوجته وفارس وجاسر يعيشون مع " سليم " ... بدأت حور بالشغل في شركه جدها وابيها وكان مدربها هو جاسر ولم يخلو الاثنان من شجارهم عناد جاسر وتحدي حور ...
:-في شركه الهواري ....!!
:-فتحت هي الباب ولم تطرق اولا .. رفع هو نظره لها وقال ببرود: -
-ايه اللي انتي ماسكاه في ايدك ده ..!؟
حور باستغراب: -
اوكره الباب ....
جاسر بسخريه: -
ايوه يعني عندك باب ... والمفروض انه اتعمل عشان نخبط عليه قبل ما ندخل ... صح ولا لا يا بشمهندسه ....
-قال جملته الاخيره بصوت عال نسبيا ولكنه ارعبها هي مهما كان صوتها عالي الا انها ترهبه وبشده ... تقدمت نحوه ووضعت الملف علي مكتبه وقالت بدموع مهدده: -
-اتفضل الملف اهو راجعه .. عن اذنك ...
-خرجت ولم تغلق الباب خلفها حينما شعر هو بالذنب لعلو صوته عليها هكذا وشعر بالاختناق . .
•• •• •• •• •• •• •• •• •• •• •• •• •• •• •• •• ••
-بينما هي خرجت من مكتبه دخلت وبدأت تخترف بالكلام الغير مفهوم .. وهي تشتمه في سرها حقا هو متعجرف مغرور ... بينما دخلت احدهم قالت هي بصدمه وفرحه معا: -
- ليله .. بتعملي اي ..
ليله بمرح: -
مكانش عندي محضرات كتير جيت الشركه قولت اعدي عليكي نروح سوا.. اه صح روحتي جامعتك ...
حور بملل :-
لا مع ان بابا حولي جامعه اسكندريه ...
ليله باستغراب: -
طيب دي حاجه كويسه تيجي معايا بقا ...
حور بضحكه: -
طيب يلا نمشي بقا ريحه اكل مامتك في بطني من امبارح ...
ليله بمرح: -
ما شاء الله بتشمي من بطنك ...
حور بغرور: -
انا حاله شاذه يا بت ... كنتي فين بقا ومن غير لف ودروان ...
ليله بخجل: -
كنت في الجامعه والله ...
حور بخبث: -
ياراجل يعني مش فارس اللي وصلك الشركه ...
ليله بصدمه: -
انتي بتراقبيني ...
ضحكت حور بشده وقالت :-
لا بس لمحت عربيته من الشباك وانا بكلمك من شويه ...
ليله بتمتمه: -
نظرك 7علي 6 يا اختي
حور بتنهيده: -
يلا يا بت انتي خلينا نخلص ....
-خرج البنتان من المكتب .. ركبت حور سيارتها وبجوارها ليله
•• •• •• •• •• •• •• •• •• •• •• •• •• •• •• •• ••
:-في غرفه سليم ...
سليم بصدمه: -
انت متاكد يا حسين من كلامك ...
حسين: -
.........................
سليم: -
كده العب علي المكشوف ... كلمني وقولي هيبقي يوم اي بالظبط ...
حسين: -
......................
سليم: -
لا مش عايز جنس مخلوق يعرف حاجه ...انا هقولهم في الوقت المناسب ....
حسين: -
.....................
سليم: -
تمام .. مع السلامه ....
اغلق سليم وقال في داخله: -
لازم انفذ في اسرع وقت قبل المزاد ...
•• •• •• •• •• •• •• •• •• •• •• •• •• •• •• •• ••
:-في المساء ...
كانت تجلس في الجنيه وهي تتحدث بالهاتف قائله: -
- متتاخرش لازم ترجع ...
المتصل: -
...................
ليله بتذمر: -
لا بقا مليش دعوه عايزه شوكلت هعدي عليك اخدها بكره ...
المتصل بضحك: -
...................
ليله بحب: -
وانا بعشقك وربنا .....
المتصل: -
...................
ليله: -
اوك ... باي
-اغلقت والتفت خلفها لتري اعين تنظر لها بتشتعال واعين ستحرقها وقال وهو يجز علي اسنانه: -
-كنتي بتكلمي مين ياليله ...
ليله من خوفها لا تقدر علي الحديث: -
ده .. ده ... ده ...
فارس بصراخ لها: -
بتكلمي مين انطقي ..
كانت تبكي ولم تستطيع الحديث بينما هو كان يجن جنونه وقال بهدوء لانه يعلم انها لا تستطيع الحديث وهي تبكي: -
-اهدي كده واحكيلي ....
حاولت هي ان تخفف من بكائها وقالت بغضب: -
انت مالك انت انا بكلم مين تسألني بصفتك اي ...
فارس وهو يمسح علي شعره: -
وطي صوتك...
ليله بعناد: -
مش هوطي .. ومش هجاوب ...
-كاد فارس ان يجن ايعقل ان تكون تكلم احد .. قال هو: -
-مين اللي بيكلمك يا ليله ...
ليله ببكاء: -
ده جاسر ارتحت ...
تنفس هو الصعداء وحاول ان يخفف من غضبه وقال بهدوء وحنو: -
-انا اسف عشان زعقتلك بس فكره انك تكلمي راجل جننتني ..
ليله باستغراب: -
وده ليه بقا ...
فارس بتوتر :-
عش ... عشان انتي اختي ...
-نظرت له بغيظ وقالت: -
طيب متشكره علي خوفك يا ... اخويا
اقترب فارس من اذنها وهمس لها: -
اتكلمي معايا ب اسلوب احسن من كده
وخرج قبل ان يسمع جوابها كانت هي سوف تنفجر من الغيظ بينما ظهر احدهم من خلفها وقالت لها: -
-اركب الهواء يا ليلو ...
ليله بخضه: -
يا جزمه يا حقيييييره ...
حور بخبث: -
احكيلي كنتو بتقولو اي ...
كادت ليله ان تحكي لها ولكن جاسر وصل وكأنه انقذها من تحقيق حور اقترب منهم بابتسامته الرائعه كان يرتدي قميص اسود وبنطلون اسود حقا كان وسيم جدا ... سرحت حور للحظه به ولكنها افاقت علي صوته قائلا: -
-ازيكوا ...
ليله بمرح: -
تومام يا كاابير ...
ولكن حور لم تعيره اي اهتمام بينما هو مال علي ليله قليلا: -
ما تطرقينا شويه....
اومأت ليله ودخلت المنزل لانها تعلم ان اخيها يريد تحسين الاحوال بينه وبين ابنه عمه ...
حمحم جاسر واردف قائلا: -
ممكن نتكلم شويه ..
حور بسخريه :-
اه طبعا .. اهو تكمل تهزيئك ليا ...
تجاهل جاسر سخريتها وقال بابتسامه وهدوء: -
اولا كده انا مبحبش حد يدخل من غير ما يخبط ... ثانيا عايز اسألك سؤال ...
حور باهتمام :-
اوك ..
سألها جاسر قائلا: -
ليه ديما لما بتشوفيني بنتخانق ....
حور بحيره مصطنعه: -
اه صح ليه ... اكيد انا السبب .. انا الي بارده وبحدف كلام زي الطوب ...
جاسر في سره: -
انتي اكتر من كده اصلا ...
ثم حمحم وقال بهدوء: -
مش بتريق .. انا ممكن اكون بغلس عليكي بالكلام بس صدقيني انا معرفش ليه .. وبالنسبه اني زعقتلك الصبح انا اسف عليه ...
حور وقد ملت من خناقهم وقالت بابتسامه: -
محصلش حاجه ...
جاسر بضحك: -
خلاص انا قررت اوقف خناق .. اي رأيك نبقي صحاب ...
حور بطفوليه: -
اوك ..
-صافحته وهو ايضا صافحها وتعهد الاثنان علي الصداقه .. لتقف فقره الخناق وتبدأ فقره الصداقه ....
~~~~~~~~~~~~~~~~~~~~~~
:-في الداخل ...
-دخل الاثنان وقالت حور بابتسامه: -
انا شامه ريحه حاجه بعشقها ..
اماني وهي تخرج بضحك: -
الكنافه بالمانجه ...
صفقت حور بطفوليه وقالت: -
واااو كنافتي ... طيب خلصت ولا لا ..
ليله: -
في الفرن يا اختي ....
ضحك جاسر وقال: -
وربنا انا قولت طفله ...
حور بابتسامه: -
لا لا يا بشهمندس ميغركش شكلي انا عندي 18 سنه ونص ها ونص ...
نزل فارس من غرفته وقال بضحك: -
عايز اقولكم علي حاجه كده ...
جاسر وهو يميل عليه: -
عايز اي ...
فارس بابتسامه: -
عايز اشترك في سباق الموتسكلات اللي هنا ...
جاسر بصدمه: -
هو هنا في سباق الموتسكلات ..
فارس بسخريه: -
اكيد طبعا .. دي اسكندريه يا عمنا ...
جاسر بجمود مزيف :-
لسانك يا روح امك .. وبعدين من امتي بتستأذن عشان تعمل الجنان بتاعك ..
قال فارس بغرور: -
ومين قالك اني بستأذن انا .. بس بعرفكم ....
-صدم الجميع من حديث فارس ولكن مراد ابتسم وقال: -
- فيك الخير والله يا حبيبي ...
فارس بضحك: -
حبيبي امراد ...
تسألت حور بحماس: -
وامتي السباق يا فارس ..!!؟
فارس وقد وجه حديثه لها: -
الجمعه الجايه ...
جاسر: -
امممم يعني كمان 4 ايام .. كويس ...
سليم باستغراب: -
حور انتي هتشتركي ...!!
يوسف: -
حور بتعرف تسوق المتوسكل كويس جدا ...!!
سليم بدهشه: -
حور مختلفه شويه بس دماغها عاجباني زيك يا يوسف ...
يوسف بهدوء: -
حور عندها طموح عاليه ....
ليله بمرح: -
المهم انا عايزه اروح ...
فارس باندفاع :-
لا طبعا .. انتي متعرفيش تسوقي ...
ليله بتذمر: -
حور هتشترك ...
سليم بهدوء: -
يا ليلو انتي زي ما بيقولو فراشه البيت حاجه خفيفه مش بنسمع لها صوت .. في فراشه تسوق متوسكل ... انتي دكتوره رقيقه وجميله ...
جاسر بضيق نوعا ما :-
حور .. السباق ده للرجاله ...!!
حور باستغراب: -
امممم لا معنديش كده انا بعرف اسوق المتوسكلات كويس جدا .. ونزلت سباق قبل كده كتير وكنت ديما بكسب ...
جاسر بعدم اهتمام: -
براحتك .. انا حذرتك ...
حور بهدوء تام: -
ايوه طبعا براحتي ...
-كانت الحرب علي وشك الانفجار ولكن ناهد تمالكت الموقف قائله: -
-يلا الكنافه جهزت ...
-اخذت حور طبقها وبدات في التهامها بنهم فهي تعشق تلك الوصفه جدا ...
انتهي اليوم بمرحهم ، عنادهم ، وغضبهم
•• •• •• •• •• •• •• •• •• •• •• •• •• •• •• •• ••
:- بعد مرور اربعه ايام ..
-في ساحه واسعه يقف جاسر بشكله الجذاب كعادته رفع نظارته الشمسيه فوق شعره وقت اتي له فارس قائلا :-
- دقايق ونبدأ ..
-اومأ له جاسر حين قالت حور :-
-تمام ..
-سمعو صوت يعلن عن ابتداء المسابقه .. بدأ كل واحد يركب الموتسكل الخاص به وعليه رقمه .. في بدايه الامر كان جاسر هو الفائز ولكن حور لن تسمح له وبدات في زياده السرعه ..
- استمر الحال بينهم وروح التحدي بينهم مشتعله كا براكين النار وكان في المركز الاول " جاسر " والمركز الثانى " حور" والمركز الثالث " فارس "
•• •• •• •• •• •• •• •• ••
:- في المنزل " سليم الهواري "
-كانت ضحكاتهم تملئ المكان وقالت حور بنبره عاديه :-
- مبروك يا جاسر ..
جاسر مبتسما :-
شكرا .. مبروك ليكي ..
-اومأت له مبتسمه بينما فارس يجلس ينظر لهم قائلا بغيظ :-
-وربنا انا شاكك انكم بتخمو اصلا ..
جاسر :-
بنخم .. فى مهندس محترم يقول كده ..
فارس بغيظ :-
اه انا .. اناااا ..
ليله مواسيه له :-
متزعلش يا ضانيا .. تعوضها ..
فارس :-
ضانيا ايه انتي كمان هو انا ابنك ..
سليم مبستم :-
ربنا يحميكى يا حور .. رغم انك بنت بس ب 100 راجل ..
يوسف بفخر :-
طبعا دي حور يوسف الهواري ..
امانى بدعاء :-
ربنا ما يحرمنا من لمتنا دي ..
-امن الجميع علي دعائها وقالت ناهد :-
طيب يلا بقي انتم خسيتوا اوي في السباق ده ..
مراد ضاحكا :-
غذيهم كويس يا ناهد ..
-نظر كل من جاسر وحور وفارس لبعضهم بدهشه وما الا لحظات حتي انفجرو في الضحك .. وقضي اليوم العائلي بدون مشاكل وهل ستدوم تلك السعاده ....؟
°° °° °° °° °° °° °° °° °° °°
البارت الثامن. رواية ( صغيره على الحب )
°°°°°°°°°°°°°°°°°°°°
:-في المكان المجهول ..
دخل لها وقال: -
عرفتي اخر الاخبار ...
كارما باهتمام: -
لا .. حصل اي ...
جلس هو علي المقعد الجليدي وقال بهدوء: -
يوسف رجع ...
كارما بصدمه: -
ورجع لوحده ...
كين: -
لا التحريات اثبتت انه رجع هو ومراته وبنته ...
كارما: -
امممم كده كويس ...
كين: -
بس يا كارما لو رجعتي هتكلمي جاسر ازاي ...
كارما بخبث: -
هكلمه عادي جدا .. انت ناسي اني مراته ولا اي ...
كين بصدمه: -
نعم هو مش طلقك ... وسافرتي ازاي اصلا من غير موافقته ....
كارما بضحك: -
لا مطلقنيش ولسه مكتشفه الحكايه دي من اسابيع بس .. انما سافرت ازاي هو ووافق علي سفري بس مش عارفه بقا مطلقنيش ليه ...
كين: -
اكيد سليم ورا الحكايه دي ... بس انتي مرفعتيش قضيه خلع ليه ...
كارما: -
عشان عايزه ارجع وانا مراته .. واستحاله هيطلقني عشان مسافرش تاني ... هما عايزينا نرجع ... وانا عايزه اخلص منهم كلهم ... لازم ارجع حق ابويا وانتقم من سليم ..
كين بخبث: -
يخربيت دماغك ...
°° °° °° °° °° °° °° °° °° °° °° °° °° °° °° °°
:-في شركه الهواري ....
-تقدمت هي نحو مكتبه بتذمر وقالت بحنق لها: -
جاسر جوه ...
قالت هي لها: -
وانت مين ان شاء الله ....
اجابتها حور بثقه: -
حور يوسف الهواري ....
قالت لها بسخريه: -
استني لما ادخل الاول انا....
تجاهلت حور حديثها فهي غير فائقه لخناقها .. دخلت الفتاه وخلفها حور تقدمت الفتاه من جاسر الذي كان مشغول في احد الملفات وقالت بدلال: -
-بشمهندش جاسر البنت دي عايزاك ...
جاسر بصرامه وقد مسك يديها التي علي كتفه: -
-لما تتكلمي معايا او تدخلي مكتبي تقفي عند الباب .. فاهمه ...ولو اللي حصل ده اتكرر تاني هرميكي بره الشركه ....
-اومأت له بخوف وتنبه هو لحور التي قالت بثقه: -
اه ولما تحبي تتكلمي عني او معايا تقولي المهندسه حور الهواري...
-خرجت لمار وهي في قمه غضبها وتقدمت حور منه وقالت بمرح: -
تحب اجي اقعد ولا اكلمك من عند الباب ...
ضحك جاسر وقال بخفه: -
لا ازاي بقا حور الهواري تقف عند الباب ...
-جلست حور وقالت: -
اتفضل بقا شوفلي حل في الملف ده ...
-امسك جاسر الملف وقال: -
خلاص سيبيه وانا هخلصه ... بس مش معقول ده اللي مضايقك يعني ...
حور وكادت ان تبكي: -
لا بس كليه الهندسه دي صعبه وانا مش فاهمه حاجه ...
جاسر بضحك: -
بالعكس دي جميله جدا .. انا عندي حل ...
حور باهتمام: -
حل اي ...
جاسر: -
اي رأيك كل يوم ساعه في الجنينه .. اشرحلك الماده اللي انتي مش فاهماها ...
حور بنصف عين :-
هتعرف ..
جاسر بثقه: -
جربيني ...
حور بفرحه: -
ايوه بئااا .. خلاص هستناك انهارده ااساعه 8 ...
جاسر: -
اوك...
نهضت حور قائله: -
همشي انا بقا عالجامعه ...
جاسر باستغراب: -
دلوقتي ...
حور بضحك:-
اه دلوقتي ...
-خرجت حور من المكتب بينما هو انهمك في اعماله .. تأمل خفه ظلها صداقتهم الجديده الغير معهوده عليه ولكنه نفض تلك الافكار قائلا " جاسر فوق لنفسك دي طفله لسه ماتمتش 18 سنه "
~~~~~~~~~~~~~~~~~~~~~~~
:-في الجامعه ...
-تجلس مع اصدقائها يتقدم منها شاب ويقول بهدوء: -
-ازيك يا انسه ليله ...
ليله بترحاب : -
تمام يا دكتور رامى ...
رامى : -
ممكن اتكلم معاكى شويه ..
اجابت ليله قائله: -
اكيد يا دكتور اتفضل ...
جلس رامى وبدأ بالحديث قائلا: -
بصراحه كده وبدون مقدمات ... عايز اعرف اذا كنتي مرتبطه ولا لا ...
استغربت ليله كثيرا من جرأته واردفت قائله: -
مرتبطه .. لا طبعا يا دكتور ....
تنحنح رامى وقال: -
اوك ممكن بقا رقم والدك ...
ليله باستغراب: -
ليه يا دكتور ...
رامى: -
بابا عايزه في حاجه مهمه ...
قالت ليله بهدوء:-
اتفضل يا دكتور....
-اعطته هي رقم والدها وهي مستغربه بشده وقال هو لها: -
-شكرا يا دكتوره ...
-نهض رامى من المقعد وذهب ناحيه بوابه الجامعه حين وصول حور قائله لها وهي تجلس: -
-خير كنتي بتعملي اي مع الواد رامى....
ليله بشرود: -
كان عايز رقم بابا ...
حور بضحگ: -
هو الLove ولع في ال corn ولا ايه ...
ليله بضيق: -
بس يا زفته انتي اكيد عايزه في حاجه تانيه ...
حور بضحگ: -
طيب خلاص متزعليش يا خبر بفلوس بكره يبقي ببلاش ...
ليله وهي تقف: -
علي رأيگ ...
•• •• •• •• •• •• •• •• •• •• •• •• •• •• •• •• ••
:-في المساء
-كانت هي تجلس علي الارض الخضراء وحولها كتب كثيره تمتمت هي بحتق قائله: -
اوف بقا انا كان مال ومالك يا هندسه ...
-ضحك علي مظهرها الطفولي وقال من خلفها: -
يلا عشان نبدأ ..
التفت هي وقالت: -
اوك ...
تقدمت ناهد نحوهم وقالت بابتسامه: -
عملتلكم كابتشينو...
حور بضحك: -
الله عليكي يا هدهد ي جاامد ..
-وضعت ناهد الصنينه وقالت بضحك: -
يلا يا جاسر عا الله تطلع فاكر حاحه بس ...
-دخلت هي بينما هو جلس بجوار "حور" تسألت هي قائله: -
-ليه طنط بتقول كده ..!
جاسر بضحك: -
عشان مخلص جامعه من زمان وكده ...
حور بدهشه: -
ليه انت عندك كام سنه ...
اجابها جاسر متعجبا: -
29 سنه وداخل علي التلاتين ...
-دهشت حور بشده وقالت: -
هو انت جسمك ضخم اوك .. بس عمري ما توقعت ان عندك 29 سنه ...
جاسر بضحگ: -
ليه كنتي متوقعه عندي كام سنه ...
حور بضحگ ايضا: -
يعني 25 او 26 كده يعني ....
اردف جاسر قائلا: -
طيب يلا بقا نبدأ ...
-اومأت حور له .. بينما هو بدأ في الشرح واعجبت حور به كثيرا فهي قد فهمت منه اكتر من دكتور الجامعه ... له اسلوب جذاب.. ولكنها نفضت تلك الافكار من رأسها لتركز بشده فهي دائما الاولي ويجب ان تكون الاولي في الجامعه ايضاا ...........................
يتبع .................
التفاعل بيقل 😥 😥
البارت: - التاسع رواية ( صغيره على الحب )
•• •• •• •• •• •• •• ••
:-في صباح يوم جديد ..
:-في شركه الهواري ...
طرق باب مكتبه وقال بهدوء: -
-اتفضل ...
-دخل فارس وجلس امامه قائلا: -
-ارض احمد النصري هتنزل في المزاد ..
جاسر بهدوء :-
كنت متوقع كده ...
فارس بسرعه: -
المهم لازم المزاد يرسي علينا ..
قال جاسر بهدوء مخيف: -
المزاد امتي ..
فارس بتذكر: -
كمان اربع شهور تقريبا ...
جاسر باستغراب: -
انت بتهزر ..
ليه المده دي كلها ...
فارس بجهل: -
معرفش ... المهم دلوقتي هتنزل بنفسگ ولا لا ...
كاد فارس ان يتحدث ولكن قاطعه صوت طرقات الباب وسمح بالدخول ; دخلت هي قائله :-
-سليم بيه عايزك في مكتبه يا بشمهندس...
اومأ جاسر وقال بجمود : -
اوك يا لمار انا هروحله ....
دخلت حور ايضا قائله: -
جاسر جدو قال عايزني متعرفش ليه ...
نظرت لها لمار بحقد وقالت بمضض: -
لسه باعتني عشان انادي البشمندس ...
تجاهتلها حور وقالت: -
طيب يلا بينا نشوف في اي ...
قال فارس موضحا: -
متقلقوش يا جماعه اكيد عشان المزاد ..
-خرج الجميع من مكتب جاسر .. توجه كلا من "حور وجاسر " الي مكتب "سليم"
~~~~~~~~~~~~~~~~~~~~~~~
:-في مكتب سليم ..
طرق الاثنان الباب حتي اذن لهم بالدخول قائلا: -
-اتفضلوا ...
جلس الاثنان امام بعضهم حينما قال سليم: -
طبعا عرفتوا ان ارض احمد النصري دخلت المزاد ...
حور بتذكر: -
مش دي يا جدو اللي حضرتگ عايز تبني عليها مشروع المباني الجديد ...
قال سليم مؤكدا: -
ايوه هي .. دلوقتي هي دخلت المزاد ومستعد ادفع فيها ملايين الدنيا واخدها ...
جاسر بثبات: -
والمطلوب مني ايه ...؟
سليم بنظرات ذات معني: -
انت وحور اللي هاتروحوا المزاد ده .. في اشحاص مهمه كتير هتبقي هناك ..
حور بموافقه: -
اوگ معنديش مانع ...
جاسر بنصف عين: -
شخصيات زي مين يعني ... "حامد العُرابى" وعارفينه" مهاب العزاوي " محترم جدا ....
ضحگ سليم واجاب قائلا: -
طول عمرك بتهتم بادق التفاصيل يا بن الهواري ... بس متقلقش هاتروح وتشوف ...
حور باستغراب: -
هو انا ليه حاسه ان الموضوع في حاجه غريبه ...
قال جاسر وهو مصوب نظره ناحيه سليم: -
لا مش تحسي اتأكدي ...
سليم. بضحگ وسخريه ايضا :-
ما غريب الا الشيطان يا بنتي ... يلا روحوا علي اشغالكم ...
-نهض كلا من حور وجاسر وكلا منهما باله مشغول ...بينما سليم يبتسم بخبث واضح ..
•• •• •• •• •• •• •• •• •• •• •• •• •• •• •• •• ••
:-في الخارج ...
حور تسير بجوار جاسر: -
جاسر ..
جاسر بانتباه: -
نعم ...
حور بخبث: -
هو جدو كان قصده اي جوه ب انگ ديما بتهتم بادق التفاصيل ...
ضحگ جاسر ضحكه رجوليه ابرزت وسامته. وتقدم نحو مكتبه ةدخلت هي خلفه وقال هو : -
بقيتي فضوليه جدا ...
حور بتذمر: -
اي يا عم في اي عايزه اعرف ...
جاسر بتنهيده قويه:-
هتعرفي كل حاجه في وقتها .. بس بلاش فضولك الزياده ده هاا ...
حور بمضض :-
طيب انا هاروح. البيت... وانت ...
جاسر: -
اممم .. اوگ هاروح معاكي ... ولا انتي معاكي عربيتگ ...
حور: -
لا ده بابا جابني الصبح وهو جاي ... وانا مبسوقش العربيه خالص اليومين دول عشان موضوع الرُخص وكده ...
-قاطع حديثهما صوت هاتف جاسر يعلن عن اتصال احد وكان المتصل ابيه يدعوه لمكتبه ...
حور باستغراب: -
طيب روح انت وانا هعدي علي بابا واروح معاه ...
اومأ لها جاسر ونهض من مقعده الخاص متوجها نحو مكتب ابيه ...
~~~~~~~~~~~~~~~~~~~~~~~
:- في مكتب مراد الهواري ...
-طرق جاسر الباب ودخل لابيه قائلا: -
خير يا بابا حضرتگ قلقتني جدا ...
مراد بهدوء: -
اقعد كده عشان ده موضوع مهم ...
مسح جاسر علي شعره وجلس قائلا: -
خير اي بقا الموضوع المهم ..
مراد بثبات: -
ليله جايلها عريس ....
جاسر باستغراب: -
وحضرتگ رأيگ اي ...
مراد: -
ودي محتاجه رأي يا بشمهندس .. معقوله هجوز البنت الصُغيره والراجل لا ...
ضحگ جاسر وقال ساخرا: -
هو انا بنت يا بشمهندس مراد ....
مراد بنظره ذات معني: -
جاسر بلاش تعمل الشويتين دول عليا انت داخل علي التلاتين اللي في سنگ عندهم عيل واتنين ....
جاسر بضحگ: -
ربنا يخلي ... بس انا لسه ملاقتش البنت المناسبه ... وبعدين حضرتگ جايبني هنا عشان ليله ولا عشان تقولي الكلام ده ....
تنهد مراد قائلا: -
لا عشان ليله يا بشهمندس ...
جاسر باهتمام: -
اي العريس مش عجبگ ليه ...
مراد موضحا: -
مش حكايه مش عاجبني بس لسه بيدرس ...
جاسر بثبات وهدوء: -
اسمه ايه ..!؟
مراد :-
رامى العرابى ...
جاسر متذكرا: -
ابن حامد العرابى ...
مراد بتأكيد: -
اه هو .. هو الولد كويس ومفيهوش عيب واخلاقه عاليه مش زي شباب اليومين دول ... بس مش عارفه ليه حاسس انها هترفض ...
جاسر باستغراب: -
دي حريتها ترفض او تقبل ... بس اعرض عليها الموضوع ده حقها ...
مراد بشرود: -
يوسف قالي نفس كلامگ ... لما كان معايا وانا بكلمه ...
جاسر باستغراب: -
طيب انت ليه مش مرحب بالموضوع ..
مراد: -
لسه صغيره يا جاسر مكملتش 20 سنه ...
نهض جاسر وقال: -
مش فارقه مسيرها هتتجوز المهم ان الولد يكون طيب وابن حلال ويصونها ..
ثم اكمل وهو متجه ناحيه الباب: -
سلام بقا يا بوب عشان مصدع جامد ...
-اومأ له مراد وخرج جاسر من المكتب ..
ظل شاردا في مستقبل ابنته هل سوف تقبل .. وكيف يزوجها قبل ابنه البكرى
....
~~~~~~~~~~~~~~~~~~~~~~~
:-في المساء....
:-في المنزل ....
ليله بصدمه: -
وحضرتگ موافق ..
مراد بهدوء: -
ليه انت مش موافقه الولد جاي بكره هو واهله ...
ناهد بفرحه: -
الف مبروگ يا لولو ...
امانى بضحگ: -
مبروگ يا دكتوره ...
يوسف بحب: -
الف مبروگ يا قلبي ...
ليله بدهشه: -
انتو بتباركولي ليه هو انا وافقت ...
حور محاوله تلطيف الجو: -
اهدي يا ليله كده .. كله بالخناق الا الجواز بالاتفاق ...
-دخل فارس وجاسر عقب جمله حور وجدوا الجميع يجلسون قال فارس بمرح: -
-متجمعين عند النبي ...
واكمل بتساؤل: -
خير يا ليله مالك قالبه وشك ليه كده ..
ناهد بضحك: -
تعالي يا فارس بارك ل اختگ جايلها عريس ...
فارس بصدمه: -
اختي وعريس .. يا نهار اسود ...
امانى: -
ليه بس كده ...
حور بخوف: -
ساكت ليه يا جدو ...
سليم: -
بتفرج عليكو محدش عامل حساب ان في كبير عيله ... مراد وبيدي مواعيد من غير ما ابوه يعرف واخوه كان عارف مع اني كنت معاكوا الصبح في الشركه ...
مراد مدافعا: -
يا حاج والله ما اقصد ربنا يديك الصحه وطوله العمر .. الولد كان مصمم ياخد ميعاد ..
سليم متجاهلا كلامه قائلا: -
تعالي يا ليله ..
-تقدمت ليله نحوه وجلست قائله: -
نعم يا جدو ...
سليم بهدوء :-
انتى بتحبي رامى ده ....!؟
ليله: -
~~~~~~~~~~~~~~~~~~~~~~
البارت: - العاشر ... رواية ( صغيرة على الحب )
***************
ليله: -
انا معرفوش عشان احبه يا جدو ...
سليم: -
طيب اسأل السؤال بصيغه تانيه ... انتي شايفه ان هو مناسب كزوج ليكي ..
ليله بخجل: -
معرفش يا جدو ....
فارس بذهول: -
هو انت موافقه علي العريس ده ..
ليله بهدوء: -
لا لسه موافقتش ..
جاسر بهدوء: -
ليله خدي وقتگ وفكري الولد جاي بكره مع اهله قابليه وبعدين حددي ....
فارس بصرامه : -
ده على جثتى ...
-القى جملته واتجه ناحيه غرفته ولم ييالي لنداء احد كان باله مشغول وفكره وخاطره مشغول ...
-اصدم الجميع من تصرف فارس وتحدث سليم قائلا: -
-العريس هايجى بكره وانتي هتقابليه يا ليله ... جاسر ...مراد.... عايزكو في المكتب شويه ...
انهى سليم الاجتماع ودخل الي مكتبه وتبعه مراد وجاسر .. بينما ذهب الجميع الي منازلهم ...
~~~~~~~~~~~~~~~~~~~~~~~
:- بعد وقت ليس بقليل ...
:- في غرفه جاسر بمنزل جده ....
-كان يجلس شارد يفكر في حديث جده كيف له ان
يفعل ذلك بعد تلك السنوات الطويله ...
-دخل سليم المكتب وجلس علي كرسيه وامر مراد وابنه بالجلوس وبعد قليل تحدث قائلا: -
- المزاد بعد اربعه شهور ...
مراد بتأكيد: -
اه عرفت .. وعلي حد علمى حضرتگ كلفت جاسر وحور ..
سليم بخبث: -
ومسألتش ليه حور بذات كان ممكن انزل فارس ...
مراد: -
اكيد عشان حور تاخد خبره اكتر ...
سليم موجها حديثه لجاسر: -
ساكت ليه يا جاسر ...
جاسر: -
بحاول افهم بتفكر في اي يا جدي ...
ضحك سليم وقال: -
كارما وكين في مصر ...
-صدم مراد ولكن جاسر لم يصدم كثيرا مثل ابيه واكمل سليم قائلا: -
-وكمان نازلين المزاد ...
جاسر بضحگ: -
عشان كده صممت اني اروح بنفسي ...
سليم بثبات: -
ومش بس كده .. وحور مش هتنزل معاك بنت عمك وبس ...
مراد بتساؤل: -
مش فاهم يعني اي مش بنت عمه وبس ...
سليم بنظرات ذات معني: -
يعني هتبقي مراته كمان ...
لم يتحمل جاسر اكثر من ذلك وهب واقفا واردف قائلا: -
-لا بقا كده كتيير .. يعني ايه مراتى دي حته طفله صغيره عايزني اتجوز طفله ...
سليم: -
طفله اي البنت عندها 18 سنه ...
مراد ماحولا تلطيف الجو: -
اهدي يا جاسر حور محترمه والف من يتمناها ...
جاسر بانفعال: -
الا انا .. انا شايفها طفله .. انت عارف فرق السن بيني وبينها 10 سنين واكتر ...
سليم بهدوء: -
هتعصي كلام جدك يا بن مراد ...
جاسر: -
جدي .. انتي جايني هنا اصلا عشان كده .. واي علاقه كارما ب اني اتجوز حور ...
سليم: -
لازم ترجع تلاقيك اتجوزت مش باقي عليها مش ترجع وتلاقيك زي ما انت ...
جاسر: -
جدي .. انا محتاج ارتاح بكره نكمل كلامنا....
-خرج جاسر من المكتب وهو حانقا من ونفسه ومن المحافظه باكملها ..
~~~~~~~~~~~~~~~~~~~~~~~
:- في صباح يوم جديد ...
:-في غرفه ليله ...
حور: -
يعني اي مصمم يجي .. ده اي البجاحه دي ...
ليله وهي تجلس بجوارها علي الفراش: -
والله بجح اوي ...
حور بضحك: -
واللي يطفشه ...
ليله: -
انتي بتقولي اي ...
حور بخبث: -
هطفشهولك ....
ليله باهتمام: -
ازاي هتعملي اي ... اوعي تعملي حاجه تحرجني او تحرجه ...
حور: -
لا طبعا .. احنا هنعدي المقابله علي الخير انما الباقي بقا سبيه عليا...
ليله بخفوت: -
ربنا يستر ...
•• •• •• •• •• •• •• •• •• •• •• •• •• •• •• •• ••
:- في اليوم التالى ...!!
كانت الترتيبات في المنزل ل استقبال العريس القادم حيث ان ليله كانت لا تريد الاستيقاظ من نومها ل استقبال الذي يسمي العريس ولكن حور لن تتركها ... دخلت بمرحها المعتاد اتجهت ناحيه النافذه وبدأت بفتح الستار واستدارت بجسدها ناحيه الفراش قائله بذهول: -
-انتى لسه نايمه ..
وبدأت باهتزاز جسد ليله واردفت بحنق: -
-ليلو مينفعش كده قومي يلا ...
ليله بنعاس: -
حور بلاش رخامه بقا عايزه انام ...
حاولت حور كتم ضحكتها وقالت بذهول مزيف: -
اي ده فارس نايم جمبگ ليه ...
-نهضت من الفراش ووجهها شاحب كيف .. كيف يغفل بجوارها واردفت بهلع: -
-يا نهار اسود ومنيل .. هو فين ...
-لم تتمالك حور نفسها من الضحگ وقهقهت بصوت عال نسبيا وهي تقول:-
-هيييه شربتي المقلب ...
نهضت ليله وهي ممسكه بالمخده: -
ده انا اللي هخلي ليلتگ سوده ...
حاولت حور التحدث بجديه قائله: -
يلا بقا احنا العصر العريس زمانه جاي ...
ليله بضيق: -
جاي بدري ليه كده ... ناس معندهاش زوق ولا احترام ...
-دخلت ناهد وهي تنظر ل ابنتها بدهشه: -
انتي لسه ملبستيش ...
-نهضت ليله من الفراش دون ان تقول كلمه واحده هي لم توافق علي اتمام تلك المقابله ولا الجواز من اساسه ولكن لا يجب ان تجعل ابيها امام الناس لا يستطيع فعل كلامه وتصغره ...
بينما قالت حور بابتسامه هادئه: -
-متقلقيش يا طنط انا معاها ... بس هاطع البس الاول ...
اومأت لها ناهد قائله بابتسامه حنونه :-
اطلعى يا حبيبتي ..
************************************
:- في غرفه فارس ...
-لا يستطيع التفكير مجرد فكره انها تكون لغيره تجعله يشعر بالدماء تغلي في عروقه هي التي تربت علي يده هو من اختار لها اسمها نعم هو يكبرها ب ست سنوات فقط اقيم في منزلهم وهي ابنه سنه واحده كان يرعاها دائما ويذاكر لها دروسها هو من شجعها علي دخول صيدله ولكن كان لا يشعر بتلك النعمه التي بيده لم يحافظ عليها حتي جاء غيره وسوف يأخذها منه بكل سهوله ولكنه لا يمهله فرصه واحده ل اخذها منه حتي اذا حسم الامر وقتلها وقتله ....
وقال هو :-
" مش هتاخدها مني ليله بتاعتي انا وبس "
قاطع تفكيره صوت طرقات الباب وسمح للزائر بالدخول دخل وغلق الباب خلفه تحدث قائلا :-
- اي يا عم فارس مش ناوي تنزل معايا بما انك ليك في الديكور وكده ...
ضحك فارس بسخريه صديق عمره يطلب منه ان ينزل معه ليزين ديكورات الصاله وقال هو بمرح مزيف: -
- اي يا عم دي لسه اول مقابله ...
تجاهل جاسر مرحه وقال بهدوء حذر: -
مالك يا فارس ... احكيلي يا صاحبي
فارس بمرح عكس ما بداخله :-
مفيش يا جاسر انت اللي اوفر شويه يا راجل. .. يلا انزل انت وانا هلبس واحصلك ...
اومأ له جاسر ولم يقتنع بكلام صديقه هو ليس بعبيط ... خرج من الغرفه تارك فارس مع نفسه يعيد حسباته ومشاعرن التي اكتشفها بعد فوات الاوان ولكن هل سيصلح ذلك الخطأ ويحصل علي صغيرته مره اخري.... ولما لا هي مازالت صغيره ولم تبدي اي موافقه علي العريس الذي اطلق عليه " عريس الغفله"
هي مازالت بعينيه صغيره بالعمر وصغيره علي الحب والزواج ...
~~~~~~~~~~~~~~~~~~~~~~~
:- في المساء ..
-الاستعداد كان علي اكمل وجه وتم تجهيز المنزل لمقابله رامي العرابي واهله خرجت ناهد من غرفتها متوجه للصاله وقالت ل امانى: -
-فين الرجاله يا امانى ...
امانى بابتسامه هادئه: -
في الصالون جوه ...
-عقب جمله امانى سمعو صوت جرس المنزل قالت ناهد بهلع :-
امانى ... شكلهم وصلوا ...
-توجه مراد ناحيه الباب وفتحه مرحب ب رامى واهله قائلا: -
-اتفضل يا رامى .. اتفضلو يا جماعه ...
-بعد كثير من الترحيب دخل رامى واهله استقبلهم سليم وعائلته وبعد قليل دخل الغرفه جاسر وتبعه فارس بعيون مشتعله قائلا: -
...............
~~~~~~~~~~~~~~~~~~~~~~
تكملة الرواية من هناااااااا
تعليقات
إرسال تعليق