رواية ابن قلبى ( الجزء الاول)الفصل الأول والثاني والثالث والرابع بقلم علياء كامله
رواية ابن قلبى ( الجزء الاول)الفصل الأول والثاني والثالث والرابع بقلم علياء كامله
الحلقه 1.2.3.4 من قصه°°ابن قلبي°°
"حياء...يا حياااااااء...اصحي بقا يا بنتي هتتاخري علي كليتك"
حيا: هي فتاه ذات العشرون عاما...خمريه البشره...ذات عيون بنيه واسعه..لديها غمازتين يجملان وجنتيها...وترتدي حجابا يزيدها جمالا..طالبه في كليه تربيه"قسم انجليزي"،،الفرقه التانيه
حياء: ايه بس يا ماما سيبيني انام بقا
الام(هدي) يا بنتي قومي بقا كفايه نوم هتفوتك محاضرتك
حياء :طيب ياماما ..بس سيبيني شويه
الام:مفيش ولا شويه ولا نص في ظرف 10 دقايق لو مصحيتيش من السرير ...هصحيلك كبير الفخايده وهو بقا بيعرف يتعامل معاكي
حياء وهي تنهض مسرعه من السرير : وع ايه انا خرجت قبلك فوريره اهو
"توضأت حياء وصلت ثم جلست لتناول وجبه الفطار" وعقب انتهاءها طبعت قبله علي وجنتي والدتها قائله:اتكل انا بقا يا نواره البيت علشان الحق المحاضره
الام:في امان الله يابنتي...ربنا يوقفلك ولاد الحلال
"ذهبت حياء الي كليتها بصحبه صديقه طفولتها" تسنيم"
تسنيم "في عمر حياء وبنفس الفرقه ..هي فتاه ذات بشره خمريه..وذات عيون عسليه فاتحه وحجابها يزيدها جمالا"
"داخل الجامعه"
تسنيم:ياااااه اخيرا خلصنا المحاضرات ..كل محاضره 3 ساعات يا ساتر قطعوا نفسنا
حياء وهي تضحك بشده علي طريقه تسنيم الطفوليه: معلش هانت كلها كام اسبوع ونخلص من التيرم الممل دا.... الا صحيح امال فين البت مي
تسنيم:مجاتش اول مره اشوف واحده ف السكن الجامعي ومبتنزلش المحاضرات
حياء: ياختي اتنيلي ماهي لو نزلت بتنام ف المحاضرات وبتعديني بالايحاء وبنام جنبها
"ضحت الفتاتان سويا ثم ذهبت كل واحده الي بيتها"
"في صباح اليوم التالي"... استيقظت حياء باكرا توضأت وصلت..ثم خرجت من غرفتها لتعد طعام الافطار مع والدتها لان الاسره كلها تتجمع علي الافطار يوم الجمعه"
حياء:صباح الخير يانواره البيت...امال فين بابا وعمر ويوسف
الام: ابوكي في الاوضه بيقرأ قرآن...البشوات لسه نايمين.
"يوسف هو الاوسط لحياء ..طالب بالصف الثالث الثانوي...عمر هو الاخ الاصغر لها،،طالب بالصف السادس الابتدائي،، وحياء هي الاخت الاكبر لهم"
"احضرت حياء الافطار مع والدتها ..ثم ذهب والدها واخواها لاداء صلاه الجمعه بالمسجد القريب من البيت"
حياء وهي تلتفت الي والدتهاوقد ارتسمت علامات التردد علي قسمات وجهها:ماما ..انا...ككككنت ع ع عوزاكي في موضوع
الام: مالك يا هبله بتقطعي كدا ليه زي العربيه اللي مخلصه بنزين..قولي عاوزه ايه يا اخر صبري قلقتيني؟!
حياء:ماما انا كنت عاوزه......
يتبع
*****************
الحلقه الثانيه°°
حياء:ماما انا كنت عاوزه اشتغل.
الام: تشتغلي؟!... ودا ليه؟! احتاجتي حاجه ومجبنهالكيش
حياء:لا والله ابدا يا مامتي،، ربنا يخليكوا لينا...بس انا هفضل كدا لحد امتي افضل خايفه اني اتعامل مع الناس..ومن الكليه للبيت ومن البيت للكليه😑،،لازم اكسر حاجز الخوف دا عندي،، واتعلم المسئوليه وازود ثقتي بنفسي،،علشان خاطري يا مامتي..اقنعي بابا... بليييييز
الام:طيب طيب خلاص هحاول اقنعه وربنا يقدم اللي فيه الخير،، بس بشرط تسمعي الكلام اللي هقوله😈،،عوزاكي تعملي جاوله طريفه في الشقه... والمطبخ بيناديكي
حياء: انتي بتستغليني يا غاليه
الام: ايوه يا ختي كلي،،عيش وانتي ساكته والا مفيش شغل،، وشوفي مين اللي هيقنع ابوكي
حياء: لا خلاص وعلي ايه ،،هتشوفي النحله الدواره ف قلب الشقه،، بس اروح اطمن علي يوسف الاول...واشوف وصل لفين في معاناته مع الثانويه العاميه
الام:ماشي يا مشمشتي
حياء: مبحبش الاسم دا يا ماما ،،هفضل اقولك كدا لامتي
الام: خلاص يا ا....
حياء مقاطعه،، يا اخر صبري ،، عارفه والله يا حجه دودو .. اقولك خليها مشمشه وامري لله زي الفل
"اتجهت حياء الي غرفه اخيها"
حياء: ازيك يا بشمهندس يوسف
يوسف: زي الفل يا مشمشه
حيتء: حتي انت كمان ياض،، احترمني دا انا اختك ولا علشان انت اطول مني
يوسف: بالظبط كدا
حياء: بتذاكر ايه كدا
يوسف :بعبع علمي"الفيزياء"
حياء:هههههههه بعبع ،،ربنا يوفقك يسطي،،بقولك ايه؟!😈،،ماتيجي ناخدلنا دور بلاي ستاشن ،،قبل دودو ما تطب علينا
يوسف: اشطا ،،يلا بينا
"الام وهي تدخل عليهم فجأه :بلاي ستاشن دا انا هطين عيشتك قدامي يا دزمه ع المطبخ
حياء:حاضر جايه
" انتهت حياء من تنظيف المنزل ثم جلست علي الاريكه لتسترح"
حياء: حياء بصوت مرهق وانفاس متقطعه: حياء:حرام عليكي يا ماما ...نفسي اتقطع
الام:ليه بس دا انا خليتك عملتي ريجيم وببلاش كمام،،قال وعاوزه تشتغل
حياء: مش عارفه بتعامليني معامله مرات الاب كدا ليه بس
الام:انجري من هنا يا هبله
"ضحكت حياء ووالدتها سويا وانقضي اليوم"
"في صباح اليوم التالي استيقظت حياء باكرا وذهبت الي جامعتها"
"استيقظت الام واحضرت الفطار ثم ايقظت زوجها والد حياء (عبد السلام)
الام: ياحج،، قوم بقا ..حضرتلك الفطار
عبد السلام (الاب): حاضر يا دودو هتوضا واصلي تكوني حضرتي الفطار
" هدي اثناء جلوسهما لتناول الافطار"
تنحنحت هدي قائله: كنت عوزاك ف موضوع كدا يا حج.
الاب: قولي يا دودو عاوزه فلوس؟!
الام: لا يا حج تسلملي..بس كنت عاوزه اقولك ان حياء ..عاوزه تشتغل.. وطلبت مني اقنعك
الاب:هو انا مخليها محتاجه لحاجه
الام: لا طبعا... بس البنت كبرت ومحتاجه تعتكد علي نفسها .. مش هنفضل طول العمر خايفين عليهم.. احنا مش هنعيشلهم العمر كله
الاب وهو يفكر: ماشي موافق.. بس لو مواعيد شغلها متاخره ،، مش موافق من اولها
الام: لا ان شاء الله خير
الاب: عنيده من يومها بس ربنا يسعدها ويهديها
الام : يااارب يا حج ،، ويخليك لينا،، اقوم بقا اعملك كوبايه شاي
"داخل الجامعه"
"داخل الجامعه"
"دخلت الفتايات الثلاثه الي المحاضره ،،وقام الدكتور بالشروع في الشرح"
مي: الدكتور دا رغاي مبيبطلش لوكلوك يا ساتر،،وانا بصراحع زهقت،، انا بقول اخد قيلوله ساعتين كدا يكون خلص رغي
تسنيم:يا بنتي انتي مبتبطليش نوم في المحاضرات،، ركزي مع الدكتور عندنا ميد تيرم في الماده دي الاسبوع الجاي
مي:ما انتي الخير والبركه يا غاليه.. انقلي وابعتيهملي واتس😈
حياء وهي تكتم ضحكتها:تعرفي يا سمسمتي ان الناس اللي زي مي دول بيناموا طول المحاضرات ويجيبوا اعلي التقديرات...بس للاسف مي ..عقدت صفقه مع المقبول دا ..وجالها مناعه وبقا عندها تناحه
"ضحكوا جميعا علي حديث حياء وانتهت المحاضره وذهبوا في طريقهما للبيت..واثناء سيرهما اخبرتهم حياء بقرارها "
حياء: علي فكره يا بنات..انا كلمت ماما ف موضوع الشغل واقنعتها وهي بقا تكلم بابا..وربنا يستر وميعترضش"
تسنيم:ان شاء الله يوافق ولو موافقش ...انا هكلمهولك وهقنعه،،اصحاب مع بعض😛
"في بيت تسنيم"
تسنيم:ماما ... ماماااااا
الام(فاطمه) من داخل المطبخ: تعالي يا سمسم انا ف المطبخ
"تسنيم وهي متجهه للمطبخ "
تسنيم:ماما حبيبتي انا مش قولتلك انا هاجي اعمل الاكل علشان رجلك
الام: انا بخير يا حبيبتي ..غيري هدومك وبابا زمانه جي وهناكل كلنا
تسنيم: حاضر يا ماما
"في منزل حياء"
حياء:ماما...يا نواره البيت...اين انتي؟!...ولكن لم تجيبها والدتها.
حياء وهي متجهه لغرفه والدتها:ماما
"وجدتها تصلي... ف انتظرتها حتي انتهت"
حياء:ماما وحشتيني اوووووي
الام:وانتي اكتر يا مشمشتي
حياء :بقولك يا ماما عملتي ايه في موضوع الشغل...كلمتي بابا؟!.. اقنعتيه.. ها ها؟!
الام:حيلك عليه يا هبله...ههههههههههه،،بصي ياستي عندي ليكي خبرين حلوين
حياء:هييييييييه...لولولولولولوي... كبير الفخايده وافق؟!
الام وهي تنفجر من الضحك: هههههههه اهدي يا هبله.. ايوه وافق يا حبيبتي
حياء: طيب وايه الخبر التاني؟!
الام: انا .......
يتبع
الحلقه الثالثه°°ابن قلبي°°
الام وتبدو عليها السعاده : انا وباباكي هنطلع عمره
حياء : ايه ده بجد ياماما
الام :ايون ياحبيبتي وكمان هيبقي ميعادها في الاجازه بتاعتكوا عشان انتي واخواتك هتيجوا معانا
حياء وهي تنظر لوالدتها :هو انا واخواتي هنروح معاكوا
الام:ايون ياحبيبتي منقدرش نسيبكوا هنا لوحدك انتي واخواتك
حياء:بس انا ياماما مش هقدر اسافر معاكوا اصل عندي مقابله الاسبوع الجاي
الام باستغراب :مقابله ايه
حياء بتوتر :اصل ياماما..
الام :اصل ايه يا زفته انطقي
حياء وهي تتكلم سريعا :اصل انا ياماما قدمت علي شغل من فتره والمقابله هتكون الاسبوع الجاي
قالت هذا ثم ركضت لتختبئ وراء الكرسي كالطفله الصغيره
الام :بتقولي ايه يابت انتي سمعيني كده تاني يعني حضرتك روحتي تدوري علي شغل قبل ما تقوليلنا
حياء وهي تضحك:الله بقا يامامتي ياحبيبتي ما انا كنت عارفه ان انتي وبابا هتوافقوا من الاول وقولت عشان مضيعش وقت وكده بقا ياجميل انتي
الام:ايون كلي بعقلي حلاوه يازفته انتي ما انتي دايما كده عنيده ومبتعمليش غير اللي في دماغك مش عارفه جايبه العند ده كله منين
حياء :وهي تحتضن والدتها منك يا جميل
الام :طب يلا يا اخره صبري ادخلي نامي عشان تصحي بدري ومتغلبنيش معاكي الصبح
حياء :حاضر يا جميل
الام وهي تضحك : ربنا يهديكي يا مجنونه
ثم تركت حياء والدتها ودخلت غرفتها ثم جلست علي السرير وامسكت بهاتفها لتتصل بصديقتها تسنيم
حياء:سمسمتي
تسنيم:ايوه يا مشمشتي
حياء:بت متقوليش مشمشتي دي
تسنيم:لا هقول بالعند فيكي بقا
حياء:ماشي يارخمه المهم شوفتي ماما وبابا هيطلعوا عمره
تسنيم:طب وانتي واخواتك
حياء :هياخدوا اخواتي معاهم بس انا هقعد هنا
تسنيم:ايوه بقا وانا هقنع ماما وهاجي اقعد معاكي عشان متقعديش لوحدك
حياء:وهنخربها يا سمسمتي
تسنيم وهي تضحك:اشطا يلا تصبحي علي خير
"وبعد مرور اسبوعين،،استعدت حياء للمقابله...وكانت قد اتمت امتحاناتها"
"حياء وهي خارجه من غرفتها وتستعد للذهاب"
حياء: ماما انا خارجه عاوزه مني حاجه؟
الام: بردو هتعملي اللي في دماغك
حياء: يا ماما انا مرتاحه كدا،، بس انتي ادعيلي
الام:ربنا يسعدك يا بنتي ويوقفلك ولاد الحلال
"امام شركت عبد العزيز فهمي للمقاولات "
حياء وهي جالسه في غرفه الاستقبال..تستعد لدورها لتقابل مدير الشركه .. وفي انتظار سماع اسمها السكرتيره وهي تنادي
"حياء عبد السلام"
حياء وهي تتيقظ لسماع اسمها قائله: افندم
السكرتيره: ممكن ال cv الخاص بيكي
اعطتها حياء الcv وبدأت السكرتيره تقرأ ما بداخله وتقوم بوضع بعض التوقيعات،،وبعد دقائق قليله اعطتها السكرتيره ال cv وسمحت لها بالدخول
"طرقت حياء غرفه المكتب وهي خائفه وبنتابها توتر شديد ولكنها حاولت ان تبدو طبيعيه.. فسمعت صوت يأذن لها بالدخول": اتفضل
"دخلت حياء المكتب وسمح لها المدير بالجلوس"
المديرعبد العزيز فهمي وهو يقلب في ال cv الخاص " حياء عبد السلام"
حياء ويظهر في نبرتها ثبات شديد: ايوه يا فندم
المدير: ال cv بتاعك كويس جدا،، والكورسات تمام ..وعندك ثقه بالنفس عاليه
حياء : شكرا يا فندم
المدير :طيب يا انسه حياء ،، انا موافق علي وجودك معانا..نظرا لثبات شخصيتك والثقه اللي انا شايفه في لمعه عينك وان شاء الله ،، نبدا شغل من بكرا وهتكوني تحت التدريب
حياء: حياء: ان شاء الله هكون عند حسن ظن حضرتك.
المدير: تمام جدا.. بس انتي مش هتكوني السكرتيره الخاصه ليا انا
حياء باستغراب: امال لمين يا فندم
المدير:.....
الحلقه الرابعه°°ابن قلبي°°
المدير : ابني هو اللي مسئول عن تدريب المتدربين الجداد وهو هيفهمك طبيعه شغلك وهتدربي معاه
واثناء حديثهم دخل احمد (احمد عبد العزيز فهمي شاب في الخامسه والعشرون من عمره خريج كليه التجاره... طويل القامه عريض البنيه ذو اعين سوداء وشعر اسود وبشره بيضاء ..شاب لعوب يحب لفت انظار الفتيات )
عبد العزيز :تعالي يااحمد اقدملك الانسه حياء .. وده يكون احمد ابني وهو اللي هيدربك
احمد وهو يمد يده لكي يصافحها اهلا يا انسه حياء
حياء :ولم تمد يدها...اهلا يا استاذ احمد
تنحنح احمد بحرج وسحب يده والغيظ يملأه
عبد العزيز :يلا اتفضلي انتي يا انسه حياء والسكرتيره برا هتعرفك مكان مكتبك
حياء :حاضر يافندم
وخرجت حياء بينما ظل احمد وعبد العزيز سويا
عبد العزيز :احمد حياء دي متدربه جديده وهتشتغل تحت ايدك
احمد وهو يبتسم بخبث :تمام يا بابا
خرج احمد من مكتب والده وهو يفكر في حياء وكيف اعجبته ......
وبعد ان تعرفت حياء علي المكان الذي ستعمل به خرجت من الشركه وتوجهت الي المنزل
"في بيت حياء"
الام :احكيلي بقا يا مشمشه عملتي ايه انهارده في المقابله
حياء:وقد قصت علي والدتها كل ما حدث معها ثم ذهبت ودخلت غرفتها لتحدث صديقتها
تسنيم :امممم يعني هتشتغلي مع ابن صاحب الشركه
حياء:ايوه يا سمسمتي
تسنيم: قوليلي بقا يا مشمشتي ابن صاحب الشركه ده موز وامور كده ولا لا
حياء وهي تضحك:هو من ناحيه موز فهو جامد بس شكله اتغاظ مني انهارده عشان جه يسلم عليا وممدتش ايدي
تسنيم:هههههه ايون بقا من اولها كده يابنتي
حياء : هههه اها يلا بقا ياسمسمتي اروح انام واشوفك بكرا
"ثم مع مرور الايام يذهب والدا حياء لاداء العمره وتذهب صديقتها تسنيم للمكوث معها"
"في شركه عبد العزيز فهمي "
*بينما كانت حياء جالسه في مكتبها وتتابع عملها يرن هاتف المكتب واذا به رئيسها احمد يطلبها لتأتي ببعض الاوراق ليطلع عليها*
..حياء وهي تطرق الباب ..يأذن لها احمد بالدخول
احمد:اتفضلي يا انسه حياء
حياء:وهي تمد يدها بالاوراق لاحمد ...اتفضل يا استاذ احمد دي الاوراق اللي حضرتك طلبتها مني
احمد وهو يمسك بيدها وهو يأخد الاوراق
صدمت حياء مما يفعله احمد وسحبت يدها بسرعه :طب انا هستاذن حضرتك اروح اكمل شغلي
احمد وهو يبتسم بخبث :اتفضلي
"وخرجت حياء من مكتب احمد وهي غاضبه وتكلم نفسها "
حياء لنفسها: ايه الغبي ده ازاي يمسك ايدي كده ده انا كان هاين عليا الطشه بالقلم علي وشه افوقه ..اممم بس ممكن ميكنش قصدوا بردوا ..لا مش قصده ازاي ده مكنش عايز يسيب ايدي ..يووه بقا انا هقعد افكر كتير كده انا هروح اكمل شغلي احسن "وفي مكتب احمد"
احمد لنفسه :البت دي شكلها مش سهله بس علي مين ده انا احمد عبد العزيز
"وبعد ان انهت حياء عملها توجهت الي البيت"
"في بيت حياء"
حياء جالسه مع صديقتها تسنيم
تسنيم :قوليلي بقا يا مشمشتي مرتاحه ف الشغل
حياء:هو الشغل كويس والمدير انسان محترم،،بس
تسنيم :بس ايه؟!
حياء: الكائن المتخلف..ابنه ..مش عارفه حاططني في دماغه ليه...والنهاردا حاول يمسك ايدي
تسنيم:نعم!!!!،،وانتي عملتي ايه... اوعي تكوني فضحتيه ولا خبطتيه بحاجه ع دماغه...اصل انا عرفاكي
حياء: لا سحبت ايدي بسرعه ،،وخرجت من مكتبه.. بس وربنا لو فكر يكلمني تاني ما انا سيباه
تسنيم: انا ابتديت اقلق دا شكله مش تمام
حياء: انا بعرف اتعامل كويس مع الاشكال دي
تسنيم: اه يا خوفي منك...ربنا يستر
"واثناء حديثهما.. رن هاتف تسنيم"
الام:الو يا سمسمه
تسنيم : ايوه يا ماما ،، اخبارك ايه
الام: الحمدلله.. انتي وحياء عاملين ايه؟!
تسنيم: بخير يا حبي
الام:طيب ما تيجوا تتغدوا معانا،، انا عملالكوا ..اكل زي الفل.. احسن عرفاكوا خايبين
تسنيم: الله يسامحك يا حجه.. طيب هقول لحياء ومسافه السكه.. يلا سلام
الام: سلام يا بنتي
** ثم ذهبت حياء مع تسنيم الي منزلها
"في منزل تسنيم"
تقف والده تسنيم في المطبخ وتحضر لهم الغداء بينما تجلس حياء مع تسنيم في غرفتها
حياء :بصي يا سمسمتي احنا نتغدي ونروح عشان عايزه اخلص شويه ورق كده عشان اخدهم معايا الشركه بكرا
تسنيم :ماشي ... وبمناسبه الشركه دي خلي بالك من مديرك ده لو حاول يعمل اي حاجه كده ولا كده عوزاكي تطلعي البلطجي اللي جواكي يابت
حياء:ههههههه بس كده من عنيا
*وتضحك الفتاتان سويا
*وتنادي والده تسنيم عليهم
الام(فاطمه) :تعالوا يابنات ساعدوني احط الاكل علي السفره
تسنيم وحياء : حاضر جايين
وتناولت حياء وتسنيم الغداء..................................... ثم ذهبوا الي بيت حياء
جلست حياء لتنهي اوراق عملها بينما دخلت تسنيم المطبخ
تسنيم لنفسها :عقبال ما حياء تخلص هعملنا كيكه ...بس انا مش بعرف اعمل كيكه ..اممممم انا هعمل زي ما بشوف ماما بتعمل ..واحضرت تسنيم كل مستلزمات الكيكه وعقب انتهائها
..تسنيم وهي تكلم نفسها : كده ايه خلصت كل حاجه مش ناقص غير تدخل الفرن ....ايون كده اشطا عليا ما انا نافعه اهو امال ماما بتزعقلي ليه ...ثم ذهبت لتري صديقتها وسرحت تسنيم في الكلام مع حياء وبينما الفتاتان جالستان
حياء :ايه الريحه ديه يا تسنيم هو في حاجه بتتحرق
تسنيم وهي تصرخ :عاااااااا ديه الكيكه نسيتها
ثم ذهبت الي المطبخ واخرجتها وكانت احترقت
حياء: ايه ده يا تسنيم
تسنيم بابتسامه بلهاء :دي كيكه حلوه صح ...عارفه اني بعرف اعمل ههههه
حياء وهي تضحك : ديه فحمه مش كيكه هههههه مامتك عندها حق لما بتقول مش نافعين
ثم انقضي يوم الفتيات وهم يتضاحكون
"في الصباح استعدت حياء وذهبت الي الشركه"
حياء وهي تجلس علي مكتبها تقول لها زميلاتها ان مدير الشركه عبد العزيز يريدها في شئ هام وطلب حضورها فور مجيئها
حياء: يعني متعرفيش عايزني في ايه
زميلتها(حنان): مش عارفه هو طالبك بالاسم وكل شويه كان بيسأل عليكي شكلك نيلتي حاجه
حياء بتوتر : طب انا هروح اشوف عايز ايه
حياء لنفسها: ياتري هو عايزني في ايه انا معملتش حاجه استر يارب
*حياء وهي تطرق باب المكتب *
عبد العزيز : اتفضل
حياء : ايون يا فندم قالولي ان حضرتك عايزني
عبد العزيز : اتفضلي اقعدي يا انسه حياء
حياء تجلس وهي مازالت متوتره
عبد العزيز : بصي يا انسه حياء انا كنت عاوز.............
يتبع
تكملة الرواية من هناااااااا
الفصل الأول والثاني والثالث والرابع بقلم علياء كامله رواية ابن قلبى ( الجزء الاول)الفصل الأول والثاني والثالث…){kind=link}
تعليقات
إرسال تعليق