رواية متى ينتهى عذابى الفصل الثالث والرابع بقلم إيه المهدى حصريه
رواية متى ينتهى عذابى الفصل الثالث والرابع بقلم إيه المهدى حصريه
البارت 3
وصل سيف للمنزل ووجد والدته في انتظاره كالعادة
سيف : ايه اللي مقعدك كده يا ماما
سمية بهدوء: مستنياك لما ترجع وافهم منك
سيف بعدم فهم: تفهمي ايه يا ماما
سمية : ريم اختك شافتك وانت معاك بنتين مين دول يا سيف
سيف بغيظ: هي البت دي مش هتبطل كل شوية تشوف حاجة وتيجي تحكيلك
سمية بزعل : كده يا سيف يعني عايزاها تخبي عليا زي ما انت بتعمل
سيف : يا ماما الموضوع بسيط وسهل مش زي ما انتي فاكرة دي بنت حصل معاها مشكلة وانا عرضت عليها اوصلها
سمية بفضول : حلوة عندها كام سنة عرفت بيتها
سيف بضحك : يا ماما دي أصغر من ريم وبعدين انا اول ما شوفتها حسيتها ريم يعني ارتاحي مش وقعت في حبها ولا حاجة ده كلام افلام يا ماما
سمية باحباط: دايما كده يا سيف مبلحقش افرح ده انا قلت بدال وصلتها يبقى اكيد حسيت بحاجة ناحيتها ولا عجباك
سيف بتفهم: يا ماما انا فاهمك بس انا مش حاطط في بالي الجواز ارجوكي افهميني
سمية : يا ابني افهمني انا الحياة لازم تمشي وليليان الله يرحمها اكيد كلنا هنفضل فاكرينها بس بنتك محتاجة ام محتاجة عيلة كاملة كل لما تكبر هتحس بالنقص وانها مش زي أطفال كتير
سيف : انا اقدر اكون ابوها وامها
سمية بتنهيدة: طب فكر علشان خاطري
سيف بكذب: حاضر يا ماما هفكر
سمية بداخلها : ربنا يهديك يا ابني
في مكان آخر
مجهول 1 : يا فندم انا بحاول اوصل ليه مش عارف اوصله
المجهول 2 :اتصرف يا استاذ انا عايز الليلة يكون عندي المهمة مش بتستنا حد وهو مطلوب بالاسم
المجهول 1: تمام يا فندم وخرج هذا المجهول لوجهته وبداخله يتمنى ان تنجح هذه المهمة
ومر الليل بطوله على الجميع وجاء صباح جديد
في منزل فجر استيقظت فجر على آذان الفجر واستغربت عدم وجود جدتها فهي من تفيقها معها لصلاة الفجر فقلقت كثيرا فذهبت لغرفة جدتها والقت نظرة عليها وهي متسطحة على الفراش فذهبت لها وهي بداخلها بعض الخوف وحاولت ايفاقها
فجر : تيتا تيتا قومي
سلوى بتعب : فجر مالك يا بنتي انتي كويسة
فجر بخصة : مالك يا تيتا وشك اصفر ليه كده
سلوى : مافيش حاجة يا بنتي انا كويسة
فجر : لا مش كويسة انتي اول مرة متقوميش لصلاة الفجر انا هاخدك الصبح ونروح للدكتور
سلوى : يا بنتي قولتلك مافيش حاجة اطمني
فجر بعند: لا هنروح يعني هنروح لازم اطمن عليكي
سلوى بتنهيدة: طيب روحي صحي شمس وتعالي اسنديني بس لحد الحمام
فجر : تعالي ادخلك الأول وبعدين اصحى غيبوبة هانم وساعدت فجر جدتها بحنان وذهبت لتفيق شقيقتها الكسولة
في قصر الصاوي
كان الجميع يجلس على سفرة الطعام ويتناولوا الطعام بصمت
معاذ : مالكوا يا جماعة ساكتين ليه
مروان بجدية : ما بلاش كلام على الاكل احسن
محمد :: بابا بالنسبة للي حصل امبارح اللواء جلال كلمني وقال انه في ظابط هيجي يقعد كام يوم هنا ويحقق في اللي حصل
ليلى باستغراب: هو ايه اللي حصل انا مش فاهمة
صفية : ولا انا
سالم بتفكير: في حد حاول يقتل عز امبارح وكمان بيجلنا تهديدات كتير ليا ولمحمد وبابا وعز
معاذ ومروان بصدمة : ايه ازاي
ليلى بقلق : ليه عز مالوش اعداء مين ممكن يعمل كده
الجد بنظرة ثاقبة: يمكن عز عارف ومش عايز يقول
عز بتوتر: اقول ايه يا بابا مافيش حاجة
الجد بهمس : ربنا يستر انا مش مطمن
في مكان آخر في إحدى المراكز السرية
اللواء جلال : الأمر يتنفذ يا حضرة الظابط انت هتروح بيت الصاوي كضيف قريب ليهم وتعرف كل حاجة
المجهول : طيب يا فندم ممكن حد غيري يستلم المهمة دي
اللواء بغضب : انا قلت انت يعني انت مش عايز كلام كتير اتفضل على شغلك المطلوب
المجهول بكتم لغضبه : تمام يا فندم السفر امته
اللواء : بعدين يومين ومتوقع منك النجاح زي كل مرة
المجهول : اكيد يا فندم الصقر عمره ما يخسر
اللواء : تمام يا بطل بالتوفيق
في منزل فجر
فجر : تيتا انا نازلة اشتري شوية طلبات
سلوي: طيب يا بنتي خلي بالك من نفسك
ذهبت فجر لإحدى الأماكن للتسوق وهي في طريقها خبطت في احدي السيدات
فجر باسف : انا اسفة يا طنط والله مكنتش اقصد
سمية بطيبة: ولا يهمك يا بنتي حصل خير وحاولت سمية المشي ولكن احست بتعب في إحدى ركبتيها
فجر : حضرتك كويسة
سمية بألم : اه كويسة
فجر : لا شكلك مش كويس خالص تعالي انا هوصلك معاكي عربية ولا تاخدي تاكس
سمية : العربية معايا يا بنتي اسنديني بس لحد هناك
فجر : طيب تمام وذهبت فجر مع السيدة سمية للخارج وظلت تبحث سمية عن السائق والسيارة لم تجده
سمية باستغراب: ده عم حسن كان هنا راح فين
فجر : فين السواق حضرتك
سمية : معرفش يا بنتي كان هنا انا قولتله نص ساعة وهاخلص
فجر : طب خلاص هاطلبلك اوبر وهوصلك بنفسي مينفعش تقفي كتير على رجلك
سمية بحب : معلشي يا بنتي تعبتك معايا ابتسمت لها فجر ابتسامة جميلة ونظرت سمية لها بحب واعجاب بها وباخلاقها
سمية بفضول: انتي مخطوبة يا حبيبتي
فجر : لا يا طنط مش مخطوبة
سمية : طب ده انتي قمر اسمك ايه بقا يا حبيبتي
فجر : اسمي فجر
سمية : اسمك حلو زيك يا فجر وانا يا حبيبتي اسمي سمية وعندي بنت قمورة زيك كده اسمها ريم
فجر : ربنا يباركلك فيها يا رب وصل السائق لوجهته ونزلت فجر سريعا وساعدت سمية بالنزول ونظرت أمامها لتجد فيلا رائعة وبسيطة للغاية دقت فجر الجرس وفتحت لهم الدادة ونظرت باستغراب لهذه الفتاة الجميلة
الدادة : سمية هانم مالك انتي كويسة ومين دي
سمية بارهاق : دخليني بس يا دادة وبعدين هقولك اتفضلي يا فجر يا بنتي
فجر باحراج: لا حضرتك انا وصلتك لحد باب البيت لازم امشي انا بقا علشان اتاخرت
سمية بعند :: ابدا مش هتمشي قبل ما تشربي حاجة
فجر بخجل : حاضر ودخلت فجر باحراج فهي لم تدخل منزل احد غريب من قبل ثواني ونظرت للدرج ورأت فتاة جميلة تحمل طفلة رضيعة وتنزل بها
ريم : ماما رجعتي بدري يعني مالك
سمية : ابدا يا بنتي رجلي تعبتني والبنت القمر دي ساعدتني
ريم بقلق :: ماما اطلب الدكتور
سمية : لا ابدا ده شوية الم بسيط هاتي كارما حبيبه جدتها دي وحشاني وأخذت الطفلة من أحضان ريم وذهبت ريم باتجاه فجر وشكرتها كثيرا على ما فعلته مع والدتها وجاءت الدادة وهي تحمل اكواب العصير الطازج وظلوا يتحدثوا في بعض المواضيع وفجأة بكت كارما بشدة
سمية بقلق : بس يا حبيبتي مالك
ريم : مالها يا ماما بتعيط كده ليه
فجر : يمكن عندها مغص
سمية بخوف : طب يلا نروح المستشفي
فجر : لا مش محتاجة مستشفى ممكن اخدها لو سمحتي اعطتها لها سمية بحذر وقلق وأخذت تهدئها فجر وتمسد لها بطنها بخفة وطلبت من الدادة إحدى الوصفات للأطفال واعطتها الطريقة واعطت فجر كارما الأعشاب وبعد مدة هدأت الطفلة تمام ونامت بين احضانها بهدوء
ريم بفرحة : دي مبقتش تعيط خالص عملتيها ازاي دي يا فجر
فجر : تيتا كانت بتعملها لشمس اختي لما يجليها مغص وكانت بترتاح بعدها على طول
سمية : ربنا يباركلك يا بنتي مش عارفة كنت هتصرف ازاي مع اني مربية تلاته
ريم : بجد يا ماما رغم انه فجر مش متجوزة بس تحسي انها ماما كده في نفسها شوفتي كارما سكتت معاها ازاي مع انه كارما مبتحبش اي حد غريب
فجر: طب انا لازم امشي بقا اتاخرت وذهبت لريم لتعطيها كارما بحذر ولكن تشبست كارما بها وهي نائمة
سمية : شكلها حبتك يا فجر
فجر بحنان : وانا كمان حبيتها وبحب كل الأطفال عامة
ريم : انتي تتحبي اصلا يا فجر بقولك ايه هاتي رقمك
فجر : تمام ماشي بس تعالي كده بالراحة وخوديها ذهبت ريم وأخذت كارما بهدوء شديد واعطتها فجر رقمها واستأذنت بالذهاب فهي تأخرت كثيرا
في منزل فجر كانت الجدة قلقة للغاية على حفيدتها
حتى استمعت لفتح باب المنزل ذهبت بلهفة ورات فجر أمامها
سلوى بقلق : كنتي فين يا فجر كل ده تآخير
فجر :: معلشي يا تيتا اصل حصل معايا موقف كده هاحكيهولك بعدين دلوقتي عايزة بس ارتاح شوية وانام لاني مرهقة معرفش ليه
سلوى : طيب يا بنتي روحي
في قصر الصاوي
الجد ضياء: امال فين عز يا محمد
محمد :: جاي يا بابا في الطريق خير في حاجة
ضياء : لما يجي خليه يجيلي على مكتبي عايزه ضروري
محمد باستغراب: حاضر يا بابا وذهب ضياء لغرفة مكتبه وهو يفكر في عدة أشياء
في منزل فجر
فجر : تيتا احنا عايزين نسافر كده كام يوم
سلوى : نسافر فين يا بنتي
فجر :: اي حته يا تيتا المهم نخرج من الجو الممل ده
سلوى : طيب وشمس والجامعة
فجر : انا هتصرف بس وافقي
سلوى : طيب أمري لله
وبعد مرور عدة ايام سافرت فجر وجدتها وشقيقتها وحان موعد وصول الشخص المجهول لعائلة الصاوي
نكمل البارت الجاي.......
يا تري مين الشخص المجهول؟؟؟؟؟
وفجر هتظهر أمته لعيلتها؟؟؟؟
بقلم أية المهدي...........
البارت 4
استعدت فجر هي وجدتها وشقيقتها للعودة لمنزلهم وطلبت فجر التحدث مع جدتها في أمر مهم للغاية
وصلوا لمنزلهم بخير وغفيت شمس سريعا دون أن تغير ملابسها فهي تشعر بالارهاق وطلبت فجر من جدتها ان تذهب وتستريح قليلا
فجر : يلا يا تيتا علشان ترتاحي شوية انتي اكيد تعبانة
سلوى : لا يا بنتي مش تعبانة ولا حاجة بس قوليلي ايه الموضوع المهم اللي عايزاني فيه
فجر : ارتاحي الأول وبعدين هقولك يلا يا تيتا بلاش عند وانا هروح اجهز الاكل لحد ما ترتاحوا شوية
سلوي: ما انتي كمان تعبتي يا حبيبتي مش لازم تعملي اكل نطلب من برة وروحي انتي كمان ارتاحي
فجر : بذمتك يا تيتا اكل برة ده اكل مافيش احسن من أكل البيت ولا اكلي مش عاجبك
سلوى بضحك : طب ده انتي بتطبخي احسن مني يا فجر انتي بقيتي خطر عليا كده ابتسمت فجر لجدتها بحب وذهبت الجدة لغرفتها وفجر لتحضير الطعام وظلت تفكر كيف تفاتح جدتها في الموضوع وبعد مرور عدة ساعات رتبت فجر المنزل وصار الطعام جاهز ذهبت لتفيق جدتها وشقيقتها
فجر بهدوء : شمس قومي يلا شمس
شمس بنعاس: شوية كمان يا فجر روحي
فجر : يلا يا بت شوية ايه قومي لو مقومتيش انتي عارفة هاعمل ايه
شمس : لا لا صحيت اهو خلاص
فجر بضحك : كان لازم اعمل الشوية دول علشان تقومي وذهبت لغرفة جدتها
فجر : تيتا تيتا قومي
الجدة : لا رد
فجر بقلق : تيتا مالك وصرخت باسم شمس
شمس بخوف : فجر في ايه
فجر : اطلبي الدكتور مراد بسرعة يا شمس
شمس بتوتر وخوف : حاضر وبعدة مدة من الوقت جاء الطبيب
مراد : فجر في ايه جدتك كويسة
فجر : بسرعة يا عمو معرفش تيتا مش بترد عليا ذهب مراد لغرفة الجدة سريعا وبدأ الكشف عليها ولكن بلا جدوى فقد ذهبت الروح لخالقها
خرج مراد من الغرفة وهي محني الراس ويحاول اخفاء دموعه
فجر بخوف : عمو مراد تيتا كويسة رد عليا
مراد : لا رد
شمس بدموع : في ايه رد علينا ارجوك
مراد بحزن عليهم : البقاء لله
فجر بجنون : لا انت كذاب تيتا قالت مش هتسيبنا ودخلت لغرفة جدتها بسرعة شديدة وظلت تنادي عليها بخوف
فجر : تيتا قومي الدكتور بيقول كلام اهبل قومي علشان يعرف انه غلطان انتي قولتي انك مش هتسيبنا وظلت تبكي بهسترية فهي ليست جدتهم هي والدتهم هي من اعطتهم الحنان الذي لم تلقاه من والدتها او والدها دخلت شمس سريعا واحتضنوا بعضهم ببكاء شديد وذهب مراد لهم وهو حزين للغاية فهم بالنسبة له بناته فهو لم ينجب هو وزوجته
مراد بحزن : فجر دي ارادة ربنا انا عايزك تشدي حيلك وانا هروح اخلص إجراءت الدفن وهابعت فاتن ليكوا انا جمبك يا بنتي انتوا بناتي اللي مخلفتهموش هزت فجر راسها بتوهان فهي لم تتوقع الفراق هكذا وحاولت التماسك قليلا حتى لا تنهار شقيقتها وتم إجراءت الدفن وظلوا الجيران معهم حتى اليوم التالي ومراد وفاتن لا يتركوهم ابدا
فاتن بحنان : شمس لازم تاكلي يا حبيبتي
شمس بحزن : مش عايزة اكل
فاتن بحزن : عايزة تزعلي ماما فاتن منك
شمس بتعب : مش قادرة اكل يا ماما ارجوكي مش تجبريني دخلت فجر لها فهي استمعت لحديثهم
فجر بجدية : شمس اسمعي كلام ماما فاتن لازم تاكلي انتي تعبانة اصلا وظلت شمس رافضة تمام الاكل احتضنتها فجر بحنان وظلت تهدئها واطعمتها بيديها قليلا ابتسمت فاتن على محبة فجر لشقيقتها ومر 20 يوما على وفاة الجدة ومراد وفاتن اصروا ان تاتي البنات للعيش معهم رفضت فجر بشدة فاصرت فاتن الا تتركهم ووافقها زوجها على ذلك
فجر : عمو مراد ماما فاتن عايزة اتكلم معاكوا في موضوع
فاتن : قولي يا حبيبتي
فجر : انا عارفة انكو تعبتوا معانا قوي ومش سيبتونا لوحدنا بس قبل ما تيتا تموت انا كنت عايزة افاتحها في موضوع مهم
مراد باستغراب: موضوع ايه يا فجر
فجر بقوة : انا قررت أزور والدي وعيلته
فاتن ومراد بصدمة : ايه
مراد : ازاي يا فجر ده ميعرفش عنكوا حاجة من وقت ما كنتوا أطفال دي حتى ميعرفش انتوا عايشين ولا لاء
فجر : وانا قررت ومافيش حاجة هتغير قراري في حاجات كتيرة عايزة اعرفها
فاتن بدموع : انتوا عايزين تسبوني يا فجر انا لو كنت خلفت مكنتش هحبهم قدكوا
فجر بحنان: وانتي مافيش احن واحلى ام زيك وانا مش هطول هي فترة وهرجع ليكوا تاني بس صدقوني ده كان هيحصل في يوم من الايام
مراد : طب وشمس انتي عارفة انها متعرفش حاجة دي مفكرة باباها متوفي هتفهميها ازاي
فجر بغموض : متقلقش يا عمو انا هتصرف وذهبت فجر للتحدث مع شقيقتها وفاتن حزينة للغاية فهي أصبحت اما بفضلهم كيف يبتعدوا عنها هكذا ومراد يعلم بما تفكر فيه
مراد : متخافيش مش هينسونا دول بناتنا وانتي ناسية اننا ربيناهم مع عمتي سلوى
فاتن بحزن : خايفة في يوم ينسونا انا مش هاستحمل يا مراد ده فوق طاقتي وظلت تبكي بشدة
في فيلا سيف الشناوي
كان سيف يجلس ويتحدث في الهاتف ولكن عقله منشغل بأمر ما ووالدته تراقب تصرفاته
سمية : سيف سيف
سيف بانتباه: نعم يا ماما في حاجة
سمية : انت كويس يا ابني
سيف : اه يا ماما كويس بس لينا هتوصل بعد يومين وهتفضل فترة معانا هنا
سمية :: تنور يا ابني انت عارف بحبها زي ريم اختك بالظبط بس قولي سرحان في ايه
سيف بارتباك: مافيش يا ماما امال فين كارما واحشتني قوي
سمية بخبث : مع ريم انت متعرفش حصل ايه معايا من كام يوم كده موقف غريب قوي قابلت بنت حلوة جدا ووصلتني لحد البيت وكارما حبتها قوي ومكانتش عايزة تسيبها والبت جمال وذوق وأخلاق واسمها جميل زيها فجر
سيف بنفاذ صبر : تحبي اروح اطلب ايديها يا ماما
سمية : بتتريق حضرتك
سيف : لا ابدا بس كل لما تشوفيني يا ماما بتعيدي نفس الكلام
سمية بزعل : خلاص انا غلطانة اني عايزة مصلحتك
سيف : خلاص يا ماما حقك عليا متزعليش انا مضغوط شوية في الشغل وذهب سريعا من أمامها وهو يحاول التذكر اين سمع اسم هذه الفتاة
سيف بتذكر : ايوة اخت شمس اللي وصلتها بس مش بالضرورة تكون هيا يعني مافيش بنات اسمهم زيها وبعدين ايه ده انا مهتم قوي كده ليه اخت شمس ولا غيرها وذهب لشركته
في منزل فجر ذهبت للتحدث مع شقيقتها
دقت فجر باب الغرفة بهدوء فسمحت لها شمس بالدخول
فجر : ممكن اتكلم معاكي في موضوع
شمس : اكيد يا فجر اتفضلي
فجر : انتي عارفة انه تيتا كانت كل حاجة لينا بعد ما ماما سابتنا وبابا كمان بس احنا خبينا عليكي حاجة
شمس باستغراب: حاجة ايه يا فجر
فجر بقوة : بابا عايش مماتش يا شمس زي ما انتي فاكرة بس انا كنت خايفة عليكي انا وتيتا
شمس برفض: انتي بتهزري بتضحكي عليا صح
فجر بتتهيد: لا مبضحكش عليكي بابا اتجوز ماما بس كان مفكر انها بتحبه بس هي بتحب فلوسه رغم انه وقتها كان متجوز بنت عمه واللي اعرفه انه كان بيحبها بس ماما عرفت تخليه يحبها ويتجوزها وبعدها بفترة خلفتني وبابا كان فرحان قوي وهو كمان اللي اختار اسمي وبعدها بمدة كبيرة ماما حملت فيكي وكنتي فرحتنا التانية لينا بس فجأة بابا بدأ يشك في تصرفات ماما واكتشف انها مكانتش بتحبه دي بتحبه فلوسه وكمان اكتشف انها بتخونه وفي علاقة حب مع شخص غيره ومش هتصدقي مين الشخص ده جوزها اللي سابتنا علشانه وعلشان اغني من بابا وبعدها شك في نسبه لينا وخلاص فكرة انها خانته يبقى اكيد دول مش بناته وسابنا ومشي وهي راحت تشوف الاغني منه انا حبيت اعرفك الحكاية لاني قررت هنزور عايلة الصاوي
شمس بغضب: انتي اتجننتي عايزة بعد ده كله نروح ليهم هناك علشان يرمينا برة وهو كل عيلته انا يستحيل اروح هناك طب علي الاقل كنتي خليني زي ما انا راسمة صورة حلوة ليه في خيالي لكن بعد اللي سمعته مقدرش اشوفه ولا اقابله
فجر ببرود: بكرة الساعة 10 تكوني جاهزة علشان نسافر ومش عايزة اعتراض مفهوم وذهبت قبل أن تنهار أمامها فهي شهدت كل هذا في طفولتها اهمال والدتها لهم وخيانتها لابيهم وانكار والدهم لهم
في اليوم التالي تحركت فجر وشمس بعد ما ودعوا مراد وفاتن بحزن شديد ووعدهم مراد انه سوف ينجز جميع أعماله ويذهب لهم هو وزوجته فاتن
شمس بخنقة: هو الاستاذ ده بيته فين
فجر : اولا اسمه بابا وكمان هو من اسكندرية فهمتي
شمس بتريقه: بابا انتي مصدقة نفسك قوي يا فجر
فجر : لا مش زي ما انتي فاكرة بس بحاول اتقبل الواقع يا شمس فعايزاكي الفترة اللي هنقعدها هناك تكوني لطيفة وبلاش مشاكل
شمس : على فكرة بقا انتي اجبرتيني اجي وكمان انتي ناسية الجامعة معرفش هي كانت جامعة اهلي علشان محضرش زي ما انا عايزة وبعدين انا طب يا ماما طب فمش لعب عيال هو
فجر ببرود شديد : عادي يا شمس
شمس بغضب : باردة اقسم بالله باردة انا عيشت معاكي ازاي الفترة دي كلها
فجر بضحكة : زي الناس يا حبيبتي اسكتي بقا علشان هنوصل اهو وبعد مرور بعض الوقت وصلوا لوجهتهم أوقفت فجر سيارة أجرة وطلبت منه الذهاب لهذا العنوان وبعد مدة وقفت السيارة امام أحدي القصور الجميلة نظرت شمس له بانبهار
شمس : ايه ده كل ده قصر هو رئيس الجمهورية عايش هنا ولا ايه
فجر : رئيس ايه يا هبلة انتي اسكتي هتفضحينا
شمس : صحيح نسيت اسالك عرفتي العنوان منين وانهم ساكنين في اسكندرية على حد علمي كنتي طفلة وقتها عرفتي ازاي بقا
فجر بهروب : بعدين اقولك يلا ندخل وذهبوا لحارس البوابة وطلبوا منه اللقاء بضياء وعز الصاوي طلب منهم الحارس الانتظار قليلا وذهب لأخبار ضياء الصاوي
الحارس : ضياء بيه في بنتين برة عايزين حضرتك والاستاذ عز
عز باستغراب: مين دول طب دخلهم يا جمال
الحارس جمال : تحت امر حضرتك وذهب الحارس لمنادات البنات
ليلى : هيكون مين دول يعني
صفية ومروة : هنشوف دلوقتي ودخلت فجر وورائها شمس ونظروا الجميع لهم باستغراب وتردد عز كثيرا وهو ينظر لفجر بدقة وقلق بداخله
فجر بخبث: ايه ياعز بيه معرفتنيش
ضياء : انتي مين يا بنتي وتعرفي عز ابني منين
شمس بكره : اساله وهو يجاوبك
ليلى : مين دول يا عز وانت ساكت ليه
فجر : اقولك انا لانه واضح انه عز بيه مصدوم شوية انا فجر عز الدين ضياء الصاوي ودي شمس عز الدين ضياء الصاوي
الجميع بصدمة : نعم مين
فجر............................
عز بغضب: لا مش ممكن
نكمل البارت الجاي؟؟؟
تكملة الرواية من هناااااااا
تعليقات
إرسال تعليق