رواية متى ينتهى عذابى الفصل الخامس والسادس بقلم إيه المهدى حصريه
رواية متى ينتهى عذابى الفصل الخامس والسادس بقلم إيه المهدى حصريه
البارت 5
عز بغضب : مستحيل
فجر ببرود: عادي مش جديد عليك انك تنكر اننا ولادك بس انت متعرفش انه بقا في حاجة اسمها تحليل الdNa ولا مش سمعت عنه قبل كده
عز بصراخ : برة اطلعوا برة اكيد الهانم اللي رميتكوا عليا
شمس بعصبية: لا احنا مش ملهوفين قوي نجري عليك بالاحضان ونقولك يا بابا انا بجد مصدومة فيك وقبل ان تستكمل حديثها فقدت ليلى وعيها من الصدمة
معاذ بخوف : ماما ماما فوقي انس اطلب الدكتور بسرعة وحملها وذهب لغرفتها
ضياء بتفكير متضارب : ادخلوا جوا هنتكلم في مكتبي
مروة بغضب: يا بابا دول اكيد نصابين عز ميعملش كده اكيد
ضياء بنظرة ثاقبة: ما تتكلم يا عز جاوب على مرات اخوك وتذكر حديثه هو وابنه عز
فلاش باك
ضياء: مالك يا عز يا ابني في ايه
عز بدفعة واحدة: بابا انا كنت متجوز على ليلى بنت من القاهرة بس صدقني انا عمري ما خونت ليلى ابدا بس معرفش اتشديت ليها ووقعت وصدقني ندمت على اللي عملته واخدت عقابه
الجد بصدمة : بتقول ايه انت
عز بخزي: انا عارف اني غلطان بس صدقني يا بابا انا اتعاقبت للأسف طلعت واحدة خاينة َكمان بناتي اللي مطلعوش بناتي اكيد ولاده الخاينة دي انا طلقتها يا بابا وسيبت ليها ولادها
الجد بذهول : وكمان مخلف منها
عز برفض: دول مش ولادي دول اكيد ولاد عشيقها وتحمد ربنا اني معملتش ليها فضيحة وقتها
الجد بسخرية : وانت عرفت منين انهم مش ولادك
عز بكرة دفين: انا متأكد انهم مش بناتي
الجد بغضب : بعد عملتك السودة دي جاي بكل وقاحة تقولي لا وكنت مخلف كمان منها كنت مستني ايه يا عز لما الاقيك داخل بيها هي وولادك
عز بعصبية : قولتلك يا بابا مش ولادي انا متأكد
الجد بداخله : وانا هاعرف يا عز ووقتها مش هارحمك لو اللي في بالي طلع صح والتفت له بجمود مش عايز حد يعرف بعملتك دي ولا ليلى ليلى دي بنتي مش بنت اخويا وصدقني هندمك يا عز على اللي عملته ده
عز بحزن: انا اسف يا بابا بس صدقني انا ندمان وذهب عز بحزن شديد وندم علي ما فعله بنفسه وبعائلته
عودة للواقع
الجد لفجر : تعالي يا بنتي اقعدي انتي واختك هنا دخلت فجر ببرود ولكن بداخلها خوف شديد من القادم
شمس بتذمر: انا عايزة امشي من البيت ده دلوقتي
فجر بحدة : بس اخرسي بقا وخليني هادية احسن ما ازعلك يا شمس مش وقت لعب عيال
شمس بغضب منها : لعب عيال شايفني عيلة انتي مش شايفة بيعاملونا ازاي دول طردونا يا فجر من بيتهم وبعد ده كله عايزة نقعد
فجربشرود :: متخافيش بكرة تتكشف كل حاجة ووقتها هيعرفوا الحقيقة وكرامتنا هتترد لينا تاني
لم تتحدث شمس ابدا وكانت غاضبة من طريقة اختها ولا تدري ما الذي يدور في بالها فهي غامضة بالنسبة لها
في الأعلى بغرفة ليلى وعز كان الطبيب يكتب لها بعض الأدوية نتيجة تعرضها لصدمة وأبلغهم ان لا تنفعل كتير وتبتعد عن الصدمات وذهب الطبيب للخارج وظل ينظر لها معاذ بحزن وفجأة تذكر الفتاتين بعين غاضبة وذهب للاسفل بسرعة شديدة
معاذ لفجر بغضب : انتي مين يا بت مين اللي زقك علينا دفعولك كام
فجر بكتم غضبها: انا مش هرد عليك علشان جدك لولا كده كنت عرفتك ازاي تكلمني كده
مروان بسخرية : مش ناقص الا بنت تعلمنا ازاي نتعامل ونتكلم
شمس بهمس : كان طيب الواد يلا في داهيه
عمر : بتقولي ايه انتي كمان
شمس : مبقولش انت عايز تتهزق يعني وتاخد كلمتين مني مثلا لا بقولك ايه انا مش فجر اختي لا انا اجن منها فاظبط كده معايا
عز : واضح انه تربية كامليا جايبة نتيجة
فجر باستفزاز: ما حضرتك مكنتش موجود علشان تربينا بقا وقاطع حديثها دخول شاب مفتول العضلات ووسيم لحد ما
ليث: خير يا جماعة انا جيت في وقت مش مناسب
ضياء : لا ابدا يا بني مافيش حاجة بس دول فجر وشمس ضيوف هنا
ضياء لفجر : ده المقدم ليث العناني ضيف عندنا لفترة
فجر بغموض: اهلا وسهلا يا سيادة المقدم
ليت باعجاب: اهلا بيكي يا فجر
الجد ضياء: عز مروان معاذ بكرة هنروح نعمل تحاليل لفجر وشمس وعز علشان نقطع الشك ده
معاذ : تحت امرك يا جدي
ضياء::يلا كله على اوضته وانتي يا مروة دخلي شمس ومروة اوضة اسما بنتي لحد ما الأوض تتنضف دلوقتي
مروة : حاضر يا عمي
شمس بتأفف: يا ربي أمته اخلص من الوقعة دي ربنا يسامحك يا فجر
فجر بصوت عالي: بتقولي ايه سمعيني كده
لم تتحدث شمس خوفا من غضبها
مر اليوم على الجميع وكل منهم يفكر بطريقة مختلفة لما حدث بالأمس
آية : انا متحمسة قوي اعرف دول ولاد عمي ولا لاء
ندى بغباء : انتي فرحانة كده ليه
آية : يا بنتي دول لو طلعوا بنات عمو عز هنبقى فريق وكمان علشان محدش من الشباب يتريق علينا بعد كده وواضح انه فجر واختها اقوياء
ندى بهمس: يخربيتك انتي هتفرحي لو طلعوا ولاد عمك ده هتقوم حريقة في البيت انتي مش شايفة معاذ ومروان وعمر دول شوية وممكن يرتكبوا جريمة في البيت
الجد : يلا يا عز انت والبنات علشان هنروح المستشفي
فجر : دقيقة من فضلك انا عايزة بس اقول كلمة لعز بيه ضروري والتفت له بوجه بارد لو التحاليل اثبت اننا ولادك هتعمل ايه وقتها
عز بارتباك: مش هيحصل انا متأكد انكم مش بناتي
شمس بصوت عالي : والله اتمنى هابقي مبسوطة انا
الجد : يلا بلاش تضيع وقت وذهبوا جميعا للمستشفى وأثناء هذا الوقت فاقت ليلى بارهاق وتذكرت كل ما حدث بالأمس وظلت تبكي كثيرا
ليلى بداخلها: ليه كده يا عز انا عملت معاك ايه انا عمري ما قصرت معاك في حاجة بعد العمر ده كله تطلع متجوز عليا ومخلف كمان الصبر من عندك يا رب
على الناحية الأخرى في أحدي المدن الاوربية
تتسحب فتاة في عمر 17 عشر من عمرها للمنزل وفجأة احد ما يوقفها
الام : كنتي فين يا هانم لحد دلوقتي وقافلة موبيلك ليه
الفتاة : ارجوكي ماما انا مصدعة وعايزة انام مش وقته
الام بصراخ : تعالي هنا انا بكلمك وكمان شاربة خمرا يا هنا انتي مش عارفة انه ده غلط وحرام بس دي مش غلطتك دي غلطت ابوكي اللي دلعك بزيادة
الفتاة ببرود: بلاش تعملي فيها الام المثالية يا ماما الدور مش لايق عليكي انتي شكلك نسيتي الماضي وذهبت من أمامها سريعا فهي تشعر بالارهاق كثيرا
نظرت الام لطيفها بحزن
الام : شكلي بتعاقب على غلطة زمان اللي عملتها يا ربي اعمل ايه انا
بعد مرور يوم كامل احرق أعصاب الجميع وانتظار طويل بالنسبة لهم ذهب ضياء باتجاه الطبيب واخذ الظرف واخذ نفسا عميقا ولكن بداخله يشعر ان فجر لا تكذب وانهم أحفاده ذهب أنس بتوتر له
آنس : هات يا جدي انا هافتحه اعطي الجد الظرف له فتح انس التحليل بتوتر ونظر بابتسامة بلهاء لفجر
عز : مالك يا ابني في ايه
آنس بداخله : يا نهار اسوح دول طلعوا اخواتي افرح طيب ولا ازعل ولا اعمل ايه
معاذ بانفعال:: هات يلا الورقة دي ونظر بداخلها بغضب وفجأة تحول كل هذا لصدمة فلم يتوقع ان يفعل والده هذا ويكذب عليهم
ضياء : ولادك يا عز ولادك
عز بجنون : لا مش صحيح اكيد في حاجة غلط
سالم بصوت عالي : خلاص بقا يا عز دول ولادك ولا انت مش قادر تتحمل انه امهم خدعتك وخانتك بس البنات ملهمش ذنب يا عز انت حرمتهم من حاجات كتير قوي بسبب اوهام في دماغك
عز برفض : لا مش صحيح ده اكيد حلم اكيد وظل يهمس بهذه الكلمات لنفسه حتى ضرب الجد عكازه بالأرض وانتبه له الجميع
الجد : يلا الكل على البيت هناك هنعرف نتفاهم يلا يا عز قوم ولينا كلام انا وانت نظر عز لبناته بصدمه وخجل ولكن بداخله كره شديد لوالدتهم ولا يدري ماذا يفعل فهو كان يتمنى ان ينجب ابنة ولكن رزقه الله باثنين وهو اضاعهم بغبائه هل سيحبهم كما يفعل كل الاباء ام ان والدتهم ستقف دائما بينهم كل هذا يدور في مخيلته يشعر بالتشتت
آنس بحماس: انا فرحان قوي يا معاذ طلعوا اخواتنا طول عمرنا كنا بنتمني اخت بس الحمد لله بقا عندنا اتنين
معاذ :: انت اهبل يلا امال لو مكانتش امك تعبت بسبب ده كله وجواز ابوك عليها
آنس بتفكير: ماما طيبة وهتحب البنات جدا بكرة تشوف وتقول آنس قال
معاذ بتوجيه لفجر وشمس: مش معنى انكم اخواتي يبقى هاتقبل الموضوع عادي لا هيبقا في حدود ومش عايز حد يتجاوزها وشاور لشمس وانتي قصري لسانك شوية
شمس بخبث : من عنيا يا اخويا يا حبيبي انت تؤمر
فجر بهمس لها : النبرة دي مش مريحاني يا خوفي منك يا بنت الصاوي
شمس بضحك : بكرة تشوفي هاعمل ايه بس اصبري ان ما خليت كل واحد يحترم نفسه مبقاش انا شمس
نكمل البارت الجاي؟؟؟؟
يا تري مين الام المجهولة والبنت؟؟؟؟؟
بقلم أية المهدي............
البارت 6
جاء يوما جديدا باحداث جديدة تغير الكثير بالنسبة للجميع وهناك من تقبل حقيقة انهم أحفاد الصاوي وهناك من شعر بنفور وكره تجاههم
تجمعت العائلة حول سفرة الإفطار وبدأ الجميع الاكل بهدوء تام حتى تحدثت شمس
شمس باستغراب: ايه الجو الصامت ده انتوا مش بتتكلموا ليه
معاذ باستهزاء: اظن تعرفي انه مافيش كلام على الاكل
شمس : طب ما انت اتكلمت اهو وبعدين انا مش بسألك انت تمام خلي جوابك لحد تاني
ضياء بحدة : شمس ده اخوكي الكبير عيب تكلميه كده
فجر بهدوء : شمس اعتذري من معاذ
شمس بتذمر: بس يا فجر انا مغلطتش
فجر بتماسك: قولتلك اعتذري حالا
شمس بحزن واحراج : انا اسفة وتركت الاكل بحزن ودموع في عينها
آنس بحزن عليها : ليه كده يا فجر زعلتيها
باسم بهمس له : حنين قوي بص شوف امك شوية هتقوم تولع فيك وفينا الأحسن بلاش تزعل وتدافع عنهم قوي كده ولم يبدي احد ردة فعل لما حدث وذهبوا لاعمالهم ولكن شعرت ليلى بحزن بداخلها رغم كرهها الشديد لهم ولا تدري لما هذا الشعور
في غرفة فجر وشمس ظلت شمس تمشي كالمجنونة في الغرفة وهي تحدث نفسها
شمس : كده يا فجر كده تزعقيلي قدامهم وتخليني اعتذر للبني ادم ده طيب يا معاذ انا هوريك هاعمل ايه ومش هيهمني حد ابدا وذهبت لتنفيذ خطتها
في فيلا المنشاوي
سمية : يا سيف دول هما كام يوم بس هنروح نزور خالتك
سيف : يا ماما معنديش وقت انا طيب شغلي في الجامعة ممكن اخد اجازة منه بس الشركة مينفعش اسيبها مش هآمن اي حد عليها
سمية : صاحبك عمران ما هو ليه اسهم في الشركة وصاحبك المقرب وبتثق فيه خليه يمسك الشركة مكانك كام يوم
عبدالله : خلاص بقا يا سيف كلم عمران وكده كل حاجة اتظبطت انا ما صدقت اخدت اجازة مع اني مش بحب الاجازات بس كله علشان عيون سمية حبيبة قلبي
سمية بضحك : سمية كده لوحدها يا قليل الادب
وظل الجميع يضحك على مداعبتهم
على الناحية الأخرى في أحدي الدول الأوربية
الفتاة :: ماما انا خارجة
الام بغضب : مافيش خروج يا هنا انتي ثانوية عامة واذا ابوكي دلعك انا هعرف اربيكي من اول وجديد
هنا باستهزاء: بجد طيب كنتي صلحتي غلطك الأول وبعدين تعالي كلميني
الام بعصبية : انتي بنت قليلة الادب
هنا ببرود: انا خارجة باي وخرجت هنا من المنزل والام تنظر لها بذهول من قسوة وبرود ابنتها وآثناء شرودها آتي فتى في عمر ال15 عام
كريم : ماما انا عايز اوريكي حاجة
الام : توريني ايه يا حبيبي
كريم : انا لقيت السجارة دي وكيس البودرة دي في اوضة هنا
الام بصدمة :: يا مصيبتي
هي حصلت لكده انا لازم افكر في حل الوضع لو فضل كده هاخسر بنتي وانا مش مستعدة لخسارة تانية لازم اتصرف بأقرب وقت
في قصر الصاوي كان الجميع علي قدم وساق
صفية : يلا يا مروة تعالي ساعديني
مروة بعدم فهم : طب افهم بس في ايه مين جاي لده كله
صفية باشتياق: اختي جاية يا مروة اخيرا هاشوفها بعد الوقت ده كله
ليلى : بجد يا صفية انا فرحت ليكي قوي خصوصا لما كنتي تحكيلنا قد هي وحشتك وبتتمني تتجمعوا تاني
صفية بفرح : صح يا ليلي يلا بقا ساعدوني قبل ما توصل مافيش وقت وأثناء انشغالهم جاءت فجر لهم
فجر بهدوء : تحبوا اي مساعدة
مروة بتسرع : لا يا حبيبتي مش عايزين اطلعي ربي اختك قليلة الادب دي اللي مش بتحترم الأكبر منها
صفية : مروة خلاص وانتي يا فجر يا حبيبتي احنا خلاص خلصنا روحي انتي ارتاحي مش عايزين نتعبك
ذهبت فجر بهدوء فهي لا تريد اي مشكلة الان فهي تعلم أن لا أحد يتقبل وجودهم وبعدة مدة من الوقت انتهى الجميع من اعمالهم وجلسوا معا يتحدثون
آية لفجر : امال انتي دراستك ايه يا فجر
فجر بغموض: إدارة أعمال
آية لشمس : وانتي يا شمس
شمس بتفاخر: انا في كلية الطب
الجد بفخر : هما دول أحفاد الصاوي وانتي يا فجر مش بتشتغلي يا حبيبتي
شمس : لا بتشتغل يا جدو في شركة في مصر
عز بسخرية : امال الهانم فين تعرف انكم هنا عندي ولا سايبكوا كده
فجر بحزن بداخلها: الهانم اتجوزت بعد ما انت سيبتها بكام شهر وخلفت كمان ومن وقتها مش شوفناها ولا شوفناك يعني انتوا الاتنين شوفتوا حياتكوا وسيبتوا وراكو طفلتين صغيرين كانوا محتاجين اهلهم جمبهم لكن لا كل واحد منكوا عنده غرور وحب لنفسه مش عند حد فمش تلوم عليها لانك انت كمان غلطان وغير كده كمان محدش بيختار اهله وعايز تعرف اتربينا ازاي تيتا هي اللي ربتنا كانت مش بتنام غير لما تطمن علينا ولما واحدة فينا تتعب كانت بتفضل سهرانة بيها لحد الصبح كبرنا واتعلمنا وانا اشتغلت وحياتنا كانت جميلة قوي لحد ما تيتا راحت متفكرش في يوم يا عز بيه اني كنت هارجع ليك بحب مني لا ده علشان مبقاش لينا حد وكمان علشان أهلنا يتعرفوا علينا وانا فترة هاظبط اموري وهامشي من البيت ده نهائي استأذنت بالذهاب لغرفتها قبل أن يرى احد دموعها
آية بحزن : شمس دي شكلها زعلت قوي ممكن اروحلها
شمس : لا سبيها لوحدها فجر بتحب تقعد لوحدها لما تزعل شوية وهتلاقيها عادي
آنس بحزن : طب وانتي
شمس بقهر : انا مالي انا كويسة اهو بس انا مكنتش اعرف انه فجر شايله ده كله في قلبها وساكته فجر عمرها ما اتكلمت قدامي على أهلنا وحش بالعكس كانت دايما تحلي صورة بابا وماما قدامي لحد ما انا كنت راجعة مبسوطة علشان نجحت في الثانوية العامة وكنت مبسوطة اني دخلت طب لقيت تيتا وفجر بيتكلموا سمعتهم وهما بيقولوا انه ماما ستبتنا واتجوزت وانها اساسا مكانتش بتحب بابا ولا بتحبناوقبل ما يكلموا كلامهم انا دخلت عليهم وكنت مصدومة فيها وفجر حاولت تشرحلي وقتها بس انا زعقت فيها اتعصبت عليها وهي مزعلتش بالعكس خدتني في حضنها ووقتها هي وعدتني انها عمرها ما هتتكلم في الموضوع ده وكنت شايفة انه بابا اتظلم بسببها ومكنتش اعرف انه عايش لأنهم اقنعوني وقتها انه بابا اتوفى كنت راسمة ليه صورة حلوة في خيالي وكنت بتمنى لو الزمن يرجع وبابا يفضل معانا بس اتصدمت فيه وفي كره لينا انا مش هاحس باللي فجر عاشته ابدا وذهبت شمس لغرفة شقيقتها والجميع يتابعها بحزن لما حدث لهم واحس معاذ بالذنب تجاههم فهو شقيقهم الأكبر ولم يفهم معاناتهم ولم ينتبه احد لسمية التي اتت واستمعت لحديث شمس هي وأولادها وانصدم سيف كثيرا فهذه شمس طالبته فهو كان يبحث عنها ولا يدري لما ولكن حزن بداخله لما عاشته فجر واختها
صفية بانتباه: سمية انتي جيتي واحشتيني
سمية : وانتي كمان يا صافي
صفية : لسه فاكرة الاسم ده
سمية : طبعا انا عمري ما نسيت طفولتنا ابدا
الجد بترحاب: يا اهلا وسهلا بالغاليين ازيك يا سيف يا ابني اخبارك ايه
سيف : كويس يا جدي اخبار حضرتك ايه طمني عنك
الجد : انا كويس يا ابني امال فين ليليان مراتك
صفية : اه صح فين ليليان
ريم بحزن : ليليان اتوفت يا خالتو من 10 شهور
صفية بصدمة : انتي بتقولي ايه
سمية بزعل : صفية انا هشرحلك
صفية بعتاب: تشرحي ايه ازاي مش تقوليلي حاجة زي دي هو احنا مش عيلتك ولا احنا غرب
عبد الله : مافيش الكلام ده يا خالتو انتي وجدي والكل على راسنا بس احنا وقتها كنا في صدمة وسيف اللي اقترح اننا منقولش ليكوا حاجة
الجد : خلاص يا صفية خليهم يرتاحوا وبعدين نتكلم
صفية بحزن : حاضر يا عمي وأخذت الطفلة كارما وأخذت تقبلها بحزن
ندى : بسم الله ما شاء الله جميلة قوي ممكن اشيلها
هزت صفية راسها بموافقة واعطتها الطفلة وظلت تضحك معهم بطفولة واستغراب فهي لا تذهب لاحد غريب وفجأة بدأت تبكي ولم تهدأ حتى حملها ابيها بين احضانه فنامت سريعا بين يديه
نكمل البارت الجاي؟؟؟؟
يا تري ردة فعل فجر لما تشوف سيف ايه؟؟؟؟؟؟
ومين هنا ومين امها ومين المقدم؟؟؟
تكملة الرواية من هناااااااا
تعليقات
إرسال تعليق