مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

رواية خليك فاكرني  كامله بقلم بســــمه أبو العلا 

رواية خليك فاكرني  كامله بقلم بســــمه أبو العلا 

(1)

_ لو عملت إللي في دماغك يا ياسين هتظلم مراتك 

فاق من ذكرياته على صوتها ، إللي فيه حنية الدنيا كلها . 

غمض عيونه بوجع لثواني ، و بعدين فتحهم و بص لها:

_ نعم يا سلمى 

سلمى بابتسامة:

_ يلا قوم ، أنا عملت فشار و اخترت فيلم نتفرج عليه 

_ مش عايز يا سلمى 

قربت منه أكتر ، و بتشد أيده:

_ لأ يا حبيبي مافيش الكلام ده... تعالي يا تي نِقوّم بابا 

جت تقى جري و نطت على ياسين و هي بتضحك ، فـ سلمى و ياسين ضحكوا معاها 

_ يلا يا تي شدي معايا 

سلمى و تقى مسكوا أيده ، و فضلوا يشدوه لحد ما قام معاهم ، و بعدها خرجوا كلهم و قعدوا على الكنبة . 

قعد ياسين في النص ، و سلمى جمبه على اليمين ، بقلمي بسمه أبو العلا و تقى جمبه على اليسار 

غمزت له بعينها اليمين ، و قالت بمزح:

_ جبتلك الفيلم إللي أنت بتحبه أي خدمة يعم 

ابتسم ياسين ابتسامة صغيرة و قال:

_ على ما أتذكر أنك مش بتحبي الممثل إللي فيه 

بصت أوي في عيونه البني و حاولت تفهم إللي جواهم ، و هو بص في عيونها إللي مليانة حب و حنان، قالت بحب:

_ بس أنت بتحبه . 

بعد عيونه عنها ، و رجع بص للشاشة تاني. 

تقى بضحك:

_ بابا شوف الراجل وقع 

ضحك ياسين ، و خدها في حضنه ، سلمى ربعت أيدها و بصت له بزعل طفولي 

ياسين باستغراب:

_ في ايه 

قالت و هي بتشاور على تقى:

_ أحضني زي تقى 

ابتسم ياسين ،و خدها في حضنه 

سلمى :

_ بحبك أوي 

ــــــــــــــــــــــــــــــــــــــــــــــــــــــــ 

اللهم صلِ و سلم على سيدنا محمد 

|الصبح في لبنان| 

تقى وقفة بتحضر الشنط ، و سرحانة 

سليم دخل يتسحب بقلمي بسمه أبو العلا و زغزغها  تقى صوتت و سليم و ميراي فضلوا يضحكوا 

_ أخص عليك يا سليم خضيتني 

سليم مش قادر يمسك نفسه من الضحك:

_ سلامتك من الخضة... بنهزر معاكي ، و على فكرة دي فكرة ميراي 

ميراي برقت عينيها لـ سليم لأن دي فكرته أصلا، و تقى ضيقت عينيها و بصت لهم و مافيش ثواني و مسكت  ميراي و فضلت تزغزغها ، و ميراي بتضحك بصوت عالي

قالت ميراي ، و هي بتضحك جامد :

_ بابي ... قولها خلاص 

سليم شاور لها بأيده لأ ، بعد شوية سابتها 

_ عشان حلو تقولي له على الفكرة أوي . 

_ على فكرة بقى يا مامي الفكرة د

سليم كتم بوقها قبل ما تقول ، بصت له بشك و قالت:

_ في اي أنت كاتم بوقها ليه 

سليم سابها ، و قال : 

_ مافيش يا حبيبتي يلا بقى خلصي 

قالت و هي بتقفل آخر شنطة : 

_ أنا خلصت هي الطيارة الساعة كام 

_ الساعة 2 

هزت راسها ، و قال سليم وهو بيلبس الكوتش 

_ طب أنا هنزل أجيب حاجة عقبال ما تلبسي أنتِ و ميراي و لين 

_ تمام 

ــــــــــــــــــــــــــــــــــــــــــــــــــــــــ 

لا اله إلا الله وحده لا شريك له له الملك وله الحمد وهو على كل شيء قدير 

|بليل|في شقة ياسين|

_ ياسين تعالى خد الأكل 

دخل ياسين و شال الأطباق و خرجها بره على السفرة ، قعدوا هما التلاتة بقلمي بسمه أبو العلا 

_ الأكل حلو أوي تسلم ايدك يا ميمي 

سلمى بابتسامة:

_ تسلمي يا قلب ميمي 

سلمى سابت الشوكة و بصت لــ ياسين و قالت:

_ و أنت ايه رأيك ؟ 

رد من غير ما يبص لها:

_ حلو 

_ بجد 

_ اممم 

رفعت وشه ليها و قالت:

_ طب ايه مافيش تسلم ايدك 

أبتسم ياسين ابتسامة صغيرة و قال :

_ تسلم ايدك يا حبيبتي 

_ مش هنخرج ولا اي انهاردة تاني يوم العيد 

ياسين بهدوء:

_ تمام شوفي عايزة تخرجي أمتى  

_ بكره 

_ تمام 

_ هتوديني الملاهي يا بابا ؟ 

ياسين بحب:

_ هوديكي يا روحي 

تقى صفّقت بأيدها بفرحة:

_ حبيبي يا بابا 

ابتسم ياسين علي فرحتها ،و سلمى بصت عليهم بحب ،و بتدعي ربنا يديمهم . 

ـــــــــــــــــــــــــــــــــــــــــــــــــــــــــ

سبحان الله وبحمده ، سبحان الله العظيم 

|الصبح في مصر|في شقة سليم|

صحيت تقى على صوت عياط لين ، لقت سليم شايلها 

_ هاتها هتلاقيها جعانة 

ادهلها ،و راح يكمل لبس 

_ ماكنتش عايز اصحيكي بس هي إللي بت عيوطه 

أبتسمت تقى و قالت:

_ شكراً بجد أنك بتحاول تساعدني 

راح عندها و باس رأسها ،و خد تليفونه و المفاتيح 

_ رايح فين كده 

_ هشوف كام حاجة في الشغل كده 

_ إحنا لسه جايين من كام ساعة مالحقتش ترتاح 

_ للأسف لازم أنزل إن شاء الله مش هتأخر

_ أنا هنزل مع سارة في الحديقة القريبة مننا دي 

سليم بابتسامة:

_ تمام و لما أخلص هعدي عليكي و نتعشى بره 

تقى بحب:

_ ماشي يا حبيبي 

بص في ساعته و قال بجدية مصطنعة:

_ سلام يا هانم اخرتيني عشر دقايق بحالهم 

ضحكت و قالت:

_ سلام 

ـــــــــــــــــــــــــــــــــــــــــــــــــــــــــ 

لا حول ولا قوة إلا بالله العلي العظيم 

ياسين و سلمى قاعدين على مقعد في الحديقة و تقى بتلعب حواليهم 

_ فاكر يا ياسين أول مرة شوفنا بعض فيها كانت هنا 

_ اممم 

سلمى بابتسامة و حب:

_ حبيتك من أول نظرة زي ما بيقولوا و جيت في الأسبوع اللي بعديه في نفس اليوم و الساعة عشان أشوفك تاني بس مالقيتكش و قعدت شهرين اجي في نفس اليوم و الساعة على أمل إني أشوفك ولو لثواني ،و لما يأست دعيت ربنا إني أشوفك تاني و تكون من نصيبي حتى و أنا ماعرفش أسمك ولا أعرف أنت متجوز ولا خاطب و سبحان الله ربنا استجاب لدعواتي لما روحت كتب كتاب حنان بنت خالتك و شوفتك ساعتها كنت طايرة من الفرحة ،و فرحت أكتر لما حنان جت و قالتلي إنك عايز تتقدملي صليت و حمدت ربنا كتير أنه استجاب لدعواتي . 

ياسين مسك أيدها و قال:

_ أنتِ طيبة و حنينة أوي يا سلمى 

سلمى بابتسامة:

_ و أنت جميل أوي 

تقى:

_ بابا أنا هروح ألعب في الملاهي 

_ استني شوية و هوديكي عشان ماتوهيش 

تقى برجاء :

_ عشان خاطري يا بابا 

_ خليها تروح يا ياسين المكان هنا أمان 

اتنهد ياسين:

_ ماشي روحي بس خليكي قريبة مننا 

تقى بفرحة:

_ حاضر يا بابا 

راحت تقى على الملاهي ،و سلمى شافت بتاع غزل البنات معدي 

_ ياسين عايزة غزل بنات 

_ حاضر 

"على الجانب الآخر"

تقى شايلها لين و ماسكه ايد ميراي ،و سارة ماسكه ايد أبنها و بيتمشوا 

_ ماكنتش متخيلة إنك ترجعي مصر 

_ ولا أنا بصراحة ماكنتش عايزة اجي أصلا بس سليم إللي أصر 

_ لسه فاكراه 

تقى باستغراب:

_ هو مين 

سارة بخبث:

_ إللي ماكنتيش عايزة تيجي عشانه 

تقى فهمت قصدها و قالت بحده:

_ سارة الموضوع ده أتقفل من زمان أوي و ياريت ماتفتحهوش تاني 

سارة بهمس:

_ كدابة 

تقى سمعتها و بصت لها بمعنى تسكت فضلوا ماشين لحد ما لقوا مقعد قدام الملاهي قعدوا 

عدت كام دقيقة ،و لقوا بنت صغيرة جاية عليهم 

تقى لــ ميراي :

_ ممكن تلعبي معايا 

_ ماشي بس هقول لمامي " و بصت لــ تقى" ينفع يا مامي ألعب معاها 

تقى بابتسامة:

_ ينفع يا حبيبتى أسمك ايه يا قمر 

_ تقى 

_ الله أنا كمان اسمي تقى أنتِ جاية لوحدك هنا 

"عند ياسين و سلمى" 

كانوا قاعدين بيلعبوا كوتشينه 

سلمى بانتصار:

_ و كسبت مش قولتلك هكسبك ما صدقتنيش 

_ عاش عليكي حريفة 

سلمى بضحك:

_ طبعاً يا بني ... هي الساعة كام صح 

_ الساعة 7 

_ ياااه قعدنا كتير أوي روح هات تقى و أنا هروح الحمام و نمشي 

_ ماشي 

قاموا و هو راح لــ تقى الملاهي ،و هي راحت الحمام 

ياسين بيدور على تقى لحد ما شافها واقفة مع بنت صغيرة جري عليها 

_ بقى أنا بدور عليكي و أنتِ واقفة هنا 

_ بلعب مع ميراي 

تقى شافت واحد واقف معاهم قامت تشوف مين ده 

_ مين حضرتك 

لف ياسين و اتصدم و تقى كذالك 

يتبع...

ـــــــــــــــــــــــــــــــــــــــــــــــــــــــــ

تفاعلوا + كومنت عشان رأيكم يهمني+ شير+ توقعاتكم 

هل تقى و ياسين يعرفوا بعض ؟ 

البارت الاول 

رواية خليك فاكرني 

(2)

_ ياااه قعدنا كتير أوي روح هات تقى و أنا هروح الحمام و نمشي 

_ ماشي 

قاموا و هو راح لــ تقى الملاهي ،و هي راحت الحمام 

ياسين بيدور على تقى لحد ما شافها واقفة مع بنت صغيرة جري عليها 

_ بقى أنا بدور عليكي و أنتِ واقفة هنا 

_ بلعب مع ميراي 

تقى شافت واحد واقف معاهم فقامت تشوف مين ده 

_ مين حضرتك 

لف ياسين واتصدم وتقى كذالك فضلوا باصّين لبعض لثواني 

ياسين مصدوم وقلبه بيدق جامد وهو مش مصدق إنها قدامه بعد السنين دي كلها 

_ تقى ؟! 

ابتسمت بوجع، وقالت:

_ ايوا تقى .... عامل إيه 

_ الحمدلله " بص بحزن على ميراي و لين إللي تقى شايلها" بناتك ؟ 

تقى بابتسامة:

_ أيوا ميراي و لين 

ياسين لسه هيرد لقه سلمى وعلى وشها الابتسامة إللي مش بتفارقها ابدًا 

_ السلام عليكم ورحمه الله وبركاته 

الكل :

_ وعليكم السلام ورحمه الله وبركاته 

سلمى بصت لــ ياسين بمعنى مين دول ، فقال ياسين بتوتر:

_ دي تقى جارتنا عند ماما يا سلمى 

سلمى مدت ايديها وقالت بابتسامة:

_ أهلاً وسهلاً يا تقى  

تقى مدت ايديها هي كمان :

_ أهلاً بيكي 

سلمى ابتسمت لــ سارة وسارة كذالك ، وبصت لعيالها وقالت بحنية:

_ ربنا يحفظهم لك 

_ آمين يا رب ، تسلمي 

_ عايزين نشوفك تاني بقى 

_ بإذن الله 

سلموا عليهم ومشيوا ، تقى بتبص عليهم بحزن وحسرة ، دمعة نزلت من عينيها لأنها المفروض تبقى مكان سلمى . 

هي كانت متوقعة أنها هتشوفه بقلمي بسمه أبو العلا، بس مش بالسرعة دي 

ــــــــــــــــــــــــــــــــــــــــــــــــــــــــ

استغفر الله العظيم الذي لا اله إلا هو الحي القيوم 

|في شقة ياسين|

دخلوا وياسين رمى تليفونه ومفاتيحه على الترابيزة وقعد 

_ تقى عسولة أوي وطيبة و إن شاء الله أنا و هي هنكون صحاب ... هي صح ماحضرتش فرحنا ليه 

ياسين ماكنش مركز، وسلمى لاحظت قربت منه وقعدت جمبه وقالت وهي بتهز كتفه 

_ ياسين 

ياسين أنتبه:

_ إيه 

سلمى باستغراب:

_ مالك إحنا من ساعت ما مشينا من الحديقة و أنت في دنيا غير الدنيا 

_ عندي شوية مشاكل في الشغل بس 

سلمى طبطت على كتفه بحنية وقالت بابتسامة:

_ ماتقلقش كل حاجة هتتحل بإذن الله 

ابتسم وهي قامت تغير لــ تقى ، ياسين رجع رأسه لورا بألم وافتكر آخر مرة اتقابلوا فيها 

فلاش باك 

_ حاولي تاني يا تقى

_ حاولت والله حاولت 

ياسين بلع ريقه بصعوبة و قال: 

_ هتتجوزي مين والفرح امتى 

_ سليم إبن عمتى .... والفرح بعد شهرين 

تقى الكلام كان بيطلع منها بصعوبة ودموعها بدأت تنزل، وياسين دمعة نزلت منه بوجع و بياخد نفسه بالعافية، تقى مسكت أيده وقالت بعياط:

_ أنت أحسن شخص دخل حياتي و أنا بحبك أوي و هفضل أحبك  

ياسين عينه مثبتة على أيديهم و دموعه بتنزل بصمت ، تقى رفعت وشه عشان يبص لها 

ياسين بص لها و وشه متجمد و دموعه لسه بتنزل ، تقى غمضت عينيها بألم 

كملت وفي وجع في قلبها:

_ هفضل أحبك لآخر يوم في عمري" تقى ضغطت على أيده" ياسين خليك فاكرني 

باك 

ياسين دمعه نزلت منه غصب عنه ، مسحها بسرعة لما شاف سلمى و تقى جايين وهما بيضحكوا 

ــــــــــــــــــــــــــــــــــــــــــــــــــــــــ

اللهم صلِ و سلم على نبينا محمد 

|في مطعم على النيل|

الضوء هادي حواليهم وصوت مزيكا هادية في المطعم بس من بعيد ، سليم وتقى قاعدين على ترابيزة بعيدة عن الناس 

سليم ملاحظ إن تقى متغيرة من ساعت ما خدها من الحديقة ، مسك أيدها و باس هم وقال بحب:

_ مالك يا توتي 

تقى بجمود:

_ عايزة أروح عند ماما 

سليم باستغراب:

_  تمام ماشي بس مالك بتتكلمي بقفش ليه 

_ مافيش 

ــــــــــــــــــــــــــــــــــــــــــــــــــــــــ

سبحان الله ، الحمدلله ، الله أكبر ، لا اله إلا الله 

|بليل في شقة ياسين|

سلمى بتكلم يارا أخت ياسين في التليفون، وتقى قاعدة جمبه بتلعب 

_ لأ قولي دلوقتي 

سلمى بضحك:

_ يا بت اتهدي بقى قولت بكره إن شاء الله 

_ طب هتيجوا بكره أمتى 

_ مش عارفة والله 

_ تيجوا بدري 

_ يلهوي عليكي ده أنتِ بنت فضولية أوي

ضحكت يارا، وقالت :

_ طلعلك يا قلبي 

_ أنا 

يارا بضحك:

_ أيوا فاكرة يوم الرحلة لما كنتي هتموتي وتعرفي الموضوع إللي ياسين قالهولي 

سلمى افتكرت اليوم وضحكت، اتكلموا شوية، ياسين جه فقالت سلمى لــ يارا:

_ بقولك يا يويو سلام دلوقتي عشان ياسين جه 

_ ماشي يا قلبي سلام 

قال ياسين وهو بيدي لــ تقى شنطة الحاجات الحلوة:

_ كنتي بتكلمي مين 

_ يارا ... غمض عينيك 

ياسين باستغراب:

_ ليه 

_ غمض بس 

_ مفاجأة يعني 

سلمى بابتسامة:

_ أيوا يلا 

غمض ياسين عينيه و سلمى طلعت شريط اختبار حمل من ورا المخدة و رفعته قدام عينيه قالت ولسه الابتسامة على وشها :

_ فَتح

فتح ياسين عينيه وبص على الشريط وبص على سلمى وهو مش فاهم حاجة 

سلمى بفرحة:

_ أنا حامل 

يتبع... 

ــــــــــــــــــــــــــــــــــــــــــــــــــــــــ

تفاعلوا+ كومنت عشان رأيكم يهمني+شير+ توقعاتكم 

ليه ياسين و تقى ماتجوزوش مع أنهم بيحبوا بعض ؟ 

رد فعل ياسين هيكون إيه لما عرف إن سلمى حامل ؟ 

البارت الثاني 

(3)

_ أنا حامل 

سكت ياسين شوية، وسلمى بص له والفرحة لسه على وشها

ضيق ياسين عينيه، وقال بشك:

_ إزاي ده مش أنتِ بتاخدي برشام 

_ ما بصراحة بطلت اخده من تلات شهور 

ياسين بهدوء مخيف:

_ و ماقولتيش ليه 

سلمى بخوف:

_ كنت هترفض 

سكت ياسين لثواني، وبعدين قال بزعيق جامد خلاه سلمى وتقى يتنفضوا:

_ طالما أنتِ عارفة إني هرفض بتتصرفي من دماغك ليه .... هاااه ردي 

تقى استخبت بخوف في حضن سلمى، سلمى مش عارفة تتكلم من الخوف بس دموعها بتنزل 

دخل ياسين الأوضة بخطوات سريعة تشبه الجري، و رزع الباب جامد خلاه الشقة وهما يتنفضوا 

سلمى مسحت دموعها، وطلعت تقى من حضنها بالعافية لأن تقى كانت مسكه فيها أوي 

وقالت، وهي بتحاول ترسم الابتسامة :

_ متخافيش ماشي 

تقى هزت راسها، وسلمى خدتها في حضنها تاني 

_ تيجي ننام 

هزت راسها بأه، وقاموا دخلوا اوضة تقى، وسلمى نامت وخدت تقى في حضنها 

تقى نامت، وسلمى صاحية بتعيط بصمت وصعبان عليها نفسها إنها هانت عليه بالشكل ده 

حتى مافكرش يجي يصالحها ، الليل عدى عليها ببطء شديد 

ــــــــــــــــــــــــــــــــــــــــــــــــــــــــ 

اللهم صلِ و سلم على نبينا محمد 

|تاني يوم في شقة ياسين|

صحيت سلمى على صوت العصافير والشمس 

لقت هدومها مبلولة استغربت بصت جمبها مالقتش تقي بس لقيتها قاعدة في آخر السرير بخوف وضمه رجليها

فهمت سلمى إنها عملت حمام على نفسها وخايفة منها زعلت على الحالة اللي وصلت لها 

سلمى بابتسامة:

_ تعالي يا تي تعالي متخافيش 

جت تقى ببطء وسلمى حضنتها بحنية وقالت :

_ تيجي نغير 

تقى هزت راسها وقامت تغير لها وغيرت لنفسها، وشالت الملاية وحطت واحده تانيه ،وعملت سندوتشات ليها ولــ تقى

في نفس الوقت إللي كانوا بيفطروا فيه ياسين قام ودخل الحمام، سلمى حضرت فطار لــ ياسين و سابته على السفرة 

ودخلت الاوضة تاني، خرج ياسين وابتسم عشان حتى وهما متخاصمين بتهتم 

خلص أكل ودخل اوضة تقى، أول ما دخل تقى استخبت بسرعة ورا سلمى 

سلمى قلبها وجعها، وبتبص له مستنيه يتكلم، فقال هو بهدوء:

_ اجهزي عشان نروح لــ ماما 

مارديتش عليها، خرج ودخل الاوضة يلبس وهي برضو قامت تلبس 

ــــــــــــــــــــــــــــــــــــــــــــــــــــــــ

سبحان الله ، الحمدلله ، الله أكبر ، لا اله إلا الله 

تقى كانت قاعدة بتتكلم مع مامتها قامت بسرعة لما سمعت حركة على السلم بصت من العين السحرية شافت سلمى وتقى طالعين فتحت الباب، سلمى لفت تشوف مين 

 أبتسمت سلمى، وقالت:

_ عاملة اي يا تقى 

تقى بابتسامة:

_ الحمدلله يا حبيبتي، أومال ياسين فين 

سلمى استغربت سؤالها بس قالت عادي 

_ تحت بيركن العربية 

_ ماشي يا حبيبتي تعالي اتفضلي شوية

 

سلمى بابتسامة :

_ حبيبتي تسلمي هطلع أنا بقى 

_ تمام يا قلبي 

طلعت سلمى وتقى وخبطت ، فتحت يارا الباب وحضنت سلمى جامد 

_ وحشتيني وحشتيني أوي يا ميمي 

_ أنتِ أكتر يا بت 

دخلوا وسلمت على حماتها وحماها وقعدت شوية و أول ما ياسين جه دخلت الاوضة مع يارا 

يارا بفضول:

_ ايه المفاجأة بقى 

_ أنا حامل 

صرخت يارا بفرحة:

_ ألف مبروك يا قلبي 

عيطت سلمى، فقالت يارا بقلق وهي بتخدها في حضنها:

_ في اي أهدي يا حبيبتي أهدي بس

سلمى حكت لها، قالت يارا وهي متعصبة من أخوها:

_ هو اتجنن ولا اي أنا هقوم أقول لــ بابا 

سلمى مسكت أيدها بسرعة، وقالت وهي لسه بتعيط:

_ لأ عشان خاطري

اتنهد يارا بعصبية وخدت سلمى في حضنها تاني 

ـــــــــــــــــــــــــــــــــــــــــــــــــــــــــ

لا اله إلا الله وحده لا شريك له له الملك وله الحمد وهو على كل شيء قدير 

|تاني يوم في الشركة|

ياسين ساند رأسه على الكرسي ومغمض عينيه بضيق، دخل إبراهيم وقعد 

إبراهيم بابتسامة:

_ صباح الخير 

_ صباح النور 

إبراهيم أستغرب حالته، وقال:

_ مالك قالب وشك على الصبح ليه ؟ 

خد نفس طويل، وقال:

_ رجعت 

إبراهيم باستغراب:

_ هي مين 

_ تقى 

_ أنت شوفتها 

اتعدل ياسين في القعدة، وقال:

_ أيوا كنت خارج أنا وسلمى وقابلناها 

_وسلمى حست أن كان بينكم حاجة 

نفخ وقال:

_ متخانق معاها 

_ ليه

_ حامل 

_ طب وهي دي حاجة تضايقك " سكت إبراهيم ثانيتين وضيق عينيه، وقال" أوعى يكون إللي في صح 

ماردش ياسين، وقال إبراهيم بعصبية:

_ لأ تبقى أكيد اتجننت رسمي مش عايز تخلف من مراتك تاني عشان لو حبيت تطلقها مايبقش غير بنت واحده اللي معاكو عشان تروح تتجوز ست تقى لما جوزها يموت أو يطلقها " اتنهد تنهيدة طويلة، وقال" يابني أفهم لو ليكوا نصيب في بعض كنتوا هتتجوزو غصب عن الكل بلاش تخسر سلمى يا ياسين 

ياسين ماردش وبيفكر في كل كلمة 

ـــــــــــــــــــــــــــــــــــــــــــــــــــــــــ

استغفر الله العظيم و اتوب اليه 

|بليل في شقة ياسين|

رجع ياسين من الشغل متأخر رمى تليفونه ومفاتيحه على السفرة، دخل اوضة تقى لقه سلمى نايمة و واخدة تقى في حضنها 

بص لها شوية ملامحها هادية وجميلة وبص على تقى إللي شبه سلمى بالظبط 

اتنهد، وقال بهدوء:

_ سلمى .... أنا عارف أنك صاحية ومعترف إني غلطان بس أنتِ كمان غلطتي لما ماقولتليش لو كنتي جيتي وقولتي ماكنتش هرفض حتى لو كنت رفضت كنا هنقعد ونتكلم تاني وهوافق بس أنتِ اعتبرني مش موجود أنا لما زعقتلك عشان اتفاجئت أنك بطلتي تاخدي البرشام من ورايا أنا مش رافض أننا نخلف تاني أنا بس مش عايز نخلف غير لما تقى تكبر شوية بس أنا غلطي كان أكبر أنا .... أنا آسف حقك عليا يا حبيبتي 

باس رأسها، وخرج، قامت سلمى لما ياسين قفل الباب أبتسمت بحب ونامت تاني بس وهي مبسوطة أوي 

يتبع... 

ــــــــــــــــــــــــــــــــــــــــــــــــــــــــ 

تفاعلوا+كومنت عشان رأيكم يهمني+شير 

البارت الثالث 

(4)

_ سلمى .... أنا عارف أنك صاحية ومعترف إني غلطان بس أنتِ كمان غلطتي لما ماقولتليش لو كنتي جيتي وقولتي ماكنتش هرفض حتى لو كنت رفضت كنا هنقعد ونتكلم تاني وهوافق بقلمي بسمه أبو العلا بس أنتِ اعتبرني مش موجود أنا لما زعقتلك عشان اتفاجئت أنك بطلتي تاخدي البرشام من ورايا أنا مش رافض أننا نخلف تاني أنا بس مش عايز نخلف غير لما تقى تكبر شوية بس أنا غلطي كان أكبر أنا .... أنا آسف حقك عليا يا حبيبتي 

باس رأسها، وخرج، قامت سلمى لما ياسين قفل الباب أبتسمت بحب ونامت تاني بس وهي مبسوطة أوي

ــــــــــــــــــــــــــــــــــــــــــــــــــــــــ 

لا اله إلا أنت سبحانك إني كنت من الظالمين 

|تاني يوم بليل في شقة ياسين|

سلمى بتكلم يارا في التليفون 

_ طب ولما شوفتيه الصبح قولتيله ايه 

_ لما صحيت ماكنش موجود 

يارا:

_ ربنا يسعدكم يارب 

_ اللهم آمين أومال ماما فين 

_ نايمة ، بقولك صح أنتِ روحتي كشفتي ولا لسه 

_ هو أنا لحقت يختي ما أنتِ عارفة إللي حصل لما يجي هقوله ونروح بكره كده 

_ ماشي يا قلبي 

فضلوا يتكلموا شوية، وبعدين قفلوا 

_ ميمي العبي معايا 

سلمى بابتسامة:

_ ماشي يا روحي 

قعدوا يلعبوا، سلمى حست بــ ياسين بيفتح الباب، قامت هي وتقى عشان يدخلوا الاوضة 

_ سلمى 

وقفت سلمى هي وتقى لما سمعوا صوته، استخبت تقى في سلمى بسرعة، ياسين راح لها ووقف قدامها 

_ وحشتيني 

سلمى لفت وشها الناحية التانية ، ياسين فهم أنها لسه زعلانة منه

اتنهد، وقال:

_ أنا آسف .... خلاص بقى يا سوسو 

_ هتعمل كده تاني 

_ لأ والله 

سلمى بابتسامة:

_ خلاص ماشي سامحتك .... اه صح هنروح بكره لدكتورة نطمن على البيبي 

_ حاضر من عيوني 

بص على تقى إللي لسه مستخبيه في سلمى نزل ياسين على ركبته، وقرب منها ومسك أيدها، قربت منه بخوف 

قال وهو بيملس على شعرها بحنية:

_ أنا كنت متضايق شوية عشان كده زعقت ووعد مني مش هزعق كده تاني .... لسه خايفة 

هزت راسها بــ لأ، قال بابتسامة:

_ هاتي بوسه بقى 

تقى قربت واديته بوسه في خده 

_ الله أحلى بوسه دي 

أبتسمت سلمى، وقالت:

_ يلا قوم غير هدومك على ما احط الأكل 

قام يغير هدومه، وهي دخلت على المطبخ وتقى وراها 

ـــــــــــــــــــــــــــــــــــــــــــــــــــــــــ

لا اله إلا الله وحده لا شريك له له الملك وله الحمد وهو على كل شيء قدير 

|في اليوم التالي الصبح|

ياسين وسلمى في العيادة مستنيين دورهم، وسايبين تقى مع يارا 

_ هنعرف انهاردة ولد ولا بنت 

ضحكت سلمى، وقالت:

_ لأ طبعاً لسه بدري على فكرة بقى لو بنت أنا اللي هسميها 

_ ولو ولد 

_ للأسف أنت إللي هتسميه 

_ طب هتسمى إيه 

سلمى فكرت شوية، وقالت:

_ تولين وأنت 

_ تميم 

قعدوا شوية وبعد كده الممرضة نادت عليهم، دخلوا وسلمى طلعت على السرير والدكتورة بدأت تكشف عليها

قعدت الدكتورة، وقالت بابتسامة:

_ مدام سلمى حامل في الشهر التاني والحمدلله صحتها كويسة بس نهتم برضو بــ الأكل عشان حامل في تؤام 

سلمى شهقت بفرحة، وياسين سكت شوية لحد ما استوعب الكلام وبعدين قال بفرحة:

_ بجد يا دكتورة 

أبتسمت الدكتورة على فرحتهم، وقالت:

_ بجد هكتب لها بقى على أدوية وتاخدهم بانتظام بقلمي بسمه أبو العلا وأهم حاجة ابعدي عن اي حاجة تضايقك أو تزعلك عشان غلط و ألف مبروك 

ياسين خد منها الروشتة، وقال:

_ الله يبارك في حضرتك 

خرجوا من العيادة والفرحة مش سايعاهم، ركبوا العربية . 

ــــــــــــــــــــــــــــــــــــــــــــــــــــــــ

لا حول ولا قوة إلا بالله العلي العظيم 

|في شقة أهل ياسين| 

سلمى راحت لهم وقالت لهم على إنها حامل في تؤام وفرحوا أوي 

طبطت كريمة على ضهر سلمى بحنية وقالت:

_ ربنا يقومك بالسلامة يابنتي ويحفظ لك تقى 

سلمى بابتسامة:

_ حبيبتي ياماما 

_ تيتا هي ميراي تحت 

كريمة باستغراب:

_ ميراي مين 

يارا بقرف:

_ بنت تقى 

_ أممم هي رجعت  

سلمى باستغراب:

_ رجعت منين 

_ كانت مسافرة لبنان 

سلمى بابتسامة:

_ اه دي عسولة و طيبة أوي 

يارا بهمس:

_ والله أنتِ اللي طيبة  

_ بتقولي ايه 

قالت يارا وهي بتقوم:

_ ولا حاجة أنا هشوف الحاجة إللي في الفرن 

سلمى استغربتها، وقعدت تتكلم مع حماتها 

ــــــــــــــــــــــــــــــــــــــــــــــــــــــــ

اللهم صلِ و سلم على نبينا محمد 

|في شقة سليم|

تقى قاعدة بتتفرج على صور ياسين وسلمى وهي بــ حاسة بنار في قلبها، بقلمي بسمه أبو العلا قفلت التليفون ورمته على السرير جامد وقع على الأرض . 

وطت جابته من على الأرض، فتحت الواتس، وقعدت تقلب لحد ما لقت الشات، بعتت رسالة وابتسمت، دخل سليم وهو مبتسم قعد جمبها 

_ حبيبي عامل إيه 

_ كويسة الحمدلله 

_ مالك يا تقى من ساعت ما نزلنا مصر وأنت متغيرة 

تقى بتوتر: 

_ ما ... مافيش أنا مش متغيرة ولا حاجة 

_ متأكدة 

_ أيوا طبعاً 

بص لها بشك، وقال:

_ تمام يا تقى 

ـــــــــــــــــــــــــــــــــــــــــــــــــــــــــ

سبحان الله وبحمده ، سبحان الله العظيم 

| في شقة ياسين|

دخلوا الشقة وتقى كانت نامت حطها ياسين على سريرها، وخرج قعد جمب سلمى 

_ سلمى غمضي عينيكي 

سلمى بابتسامة:

_ ماشي 

غمضت سلمى عينيها وياسين طلع من جيبه سلسلة عليها إسمها 

_ شيلي إيدك 

شالت سلمى إيدها وبصت على السلسلة إللي في إيد ياسين 

سلمى بفرحة:

_ الله شكلها تحفة 

حضنت ياسين، وقالت بحب:

_ بحبك أوي 

ابتسم ياسين، وقال:

_ لفي بقى البسها لك 

لفت سلمى بفرحة وهو لبسها لها 

_ هقوم بقى أغير هدومي عقبال ما تشغلي فيلم 

_ من عيوني 

قام ياسين، وسلمى فتحت الشاشة، جه صوت إشعار من تليفون ياسين بيعلن عن رسالة جديدة، بصت سلمى على الموبايل بفضول، اترددت ثانية قبل ما تمسكه .... دخلت على الواتس وفتحت الشات .... وشهقت بصدمة 

يتبع.... 

ــــــــــــــــــــــــــــــــــــــــــــــــــــــــ 

تفاعلوا+ كومنت عشان رأيكم يهمني+ شير+ توقعاتكم 

آسفة جدا على التأخير و عارفة إن البارت صغيرة بس على قد الأحداث وإحتمال بكره مايبقاش في بارت 

البارت الرابع 

(5)

_ من عيوني 

قام ياسين، وسلمى فتحت الشاشة، جه صوت إشعار من تليفون ياسين بيعلن عن رسالة جديدة، بقلمي بسمه أبو العلا بصت سلمى على الموبايل بفضول، اترددت ثانية قبل ما تمسكه .... دخلت على الواتس وفتحت الشات .... وشهقت بصدمة 

سلمى فتحت الشات إللي متسجل بــ نور عيني، بعت له " وحشتني أوي لو وحشتك نتقابل في الكافيه إللي كنا بنتقابل فيه على طول "، اتصدمت أكتر لما لقت صورة خليفة الشات صورة ياسين وتقى . 

قعدت تقلب في الشات وبدأت تضحك بهستيريا، خرج ياسين من الاوضة ... على صوت ضحكها الجامد 

ضم ياسين حواجبه، وقال باستغراب:

_ في إيه مالك بتضحكي كده ليه ؟ 

بصت له وماردتش ولسه بتضحك، شد  الموبايل من إيدها واتصدم، سلمى قامت وقفت قدامه وبطلت ضحك 

_ شوفت طلعت أكبر مغفلة .... مسمي بنتنا على إسمها ولسه بتحبها والحياة حلوة .... عايزة أسأل سؤال . 

سكتت ثانية، وقالت ودموعها بتنزل غصب عنها:

_ ليه تعمل كده ؟ ليه ده أنا بحبك أكتر من نفسي... 

بخاف عليك أكتر من نفسي... 

ده أنا بقول يا رب يجعل يومي قبل يومك. 

متجوزين بقالنا سبع سنين ولا مرة فكرت تحبني فيها ليه ؟...  ده عمرك ما قولتلي كلمة حلوة حتى ... فيا ايه عشان ماتحبنيش ؟ ...  طب أنا ذنبي ايه 

ياسين حاول يقرب منها عشان يهديها، سلمى بعدت بسرعة وصرخت بعياط:

_ هاااه ذنبي ايه في كل القرف ده ؟ ... ذنبي إني حبيتك ولا ذنبي إني اتجوزتك ولا ايه بظبط ؟ رد قول ذنبي ايه 

سلمى ضربته على صدره بإيدها، ياسين رجع خطوة لورا 

_ ممكن تهدي عشان خاطري 

ضحكت بسخرية:

_ أهدى اه 

صرخت وقالت وهي بتزق فيه:

_ امشي... أطلع برا مش عايزة أشوفك أطلع برا 

خرج ياسين برا الشقة، وهي قفلت الباب وراه وقعدت بانهيار على الأرض وفضلت تخبط دماغها في الباب وهي بتعيط بوجع 

ــــــــــــــــــــــــــــــــــــــــــــــــــــــــ 

اللهم صلِ و سلم على نبينا محمد 

|تاني يوم الصبح في الشركة| 

_ الورق ده مش مظبوط في حاجات عايزة تتعدل 

اتنهد ياسين بتعب وخد منه الورق تاني وبدأ يشوف الحاجات إللي عايزة تتعدل 

إبراهيم:

_ دي أول مرة الورق يرجع 

_ عشان ما نمتش كويس بس 

ساب إبراهيم القلم وبص له  :

_ يبقى في مشكلة ... مالك في إيه 

ساب الورق من إيده وسند ضهره على الكرسي وقال بضيق :

_ شكلي كده خسرت سلمى 

اتخض إبراهيم وقال:

_ ليه حصل ايه ؟ 

_ تقى بعتتلي امبارح وهي فتحت التليفون وشافت كل حاجة 

_ وأنت عملت إيه 

_ أنا اتصدمت ماكنتش عارف اقول ايه 

_ بصراحة يا ياسين دي غلطتك من الاول ياما قلت لك قول لها وقولتلك برضو أعمل لــ زفتة دي بلوك بس أنت إللي ماكنتش بتسمع غير نفسك 

غمض ياسين عينيه بوجع ودمعة نزلت منه، اتنهد إبراهيم وقام راح لعنده وطبطب على كتفه 

_ معلش بإذن الله كل حاجة تتصلح 

ــــــــــــــــــــــــــــــــــــــــــــــــــــــــ

لا اله إلا أنت سبحانك إني كنت من الظالمين

خبطت سلمى على الباب، فتح معتز بص لوشها إللي غرقان بالدموع وعلى الشنطة الكبيرة، سلمى اترمت في حضنه 

معتز بقلق:

_ في ايه ... طب أهدي يا حبيبتي تعالي 

دخلت سلمى وتقى وراها وهو شال الشنطة ودخلها ... سلمى اترمت في حضن امها 

أمها اتخضت من شكلها وقالت:

_ في إيه 

سلمى طلعت من حضنها وحكت لهم، امها خبطت بإيدها على صدرها، قال معتز بعصبية:

_ والله ما هسيبه 

سلمى بعياط:

_ عايزة أطلق طلقني منه يا معتز 

معتز مسح دموعها وخدها في حضنه بحنية وقال:

_ حاضر يا حبيبتي هعملك كل إللي أنتِ عايزاه بس أهدي عشان خاطري

وأمها بتطبطب عليها وقلبها بيقطع عليها 

ــــــــــــــــــــــــــــــــــــــــــــــــــــــــ

لا اله إلا الله وحده لا شريك له له الملك وله الحمد وهو على كل شيء قدير 

|بليل في شقة أهل ياسين|

رجع ياسين من الشغل على أمة وحكه ليهم كل حاجة

يارا شهقت بصدمة، وقالت كريمة:

_ أول ما عرفت أنها رجعت قولت ربنا يستر قلبي كان حاسس طب وسلمى حالتها ايه دلوقتي 

_ ماعرفش يا ماما ماروحتش ليها قالت لي مش عايزه أشوفك عشان كده جيت على هنا 

كريمة ضربته على كتفه:

_ بقى مابتحبش سلمى الجمال والحلاوة والنظافة وبتحب تقى يا موكوس قوم يلا نروح لــ سلمى 

_ إيه يماما ده في حد يروح لحد الساعة 10 وبعدين استني لما نتصل بيها نشوفها في البيت ولا عند أهلها  

_ يارا عندها حق 

_ ماشي يا موكوس 

ــــــــــــــــــــــــــــــــــــــــــــــــــــــــ

استغفر الله العظيم الذي لا اله إلا هو الحي القيوم 

|في شقة سليم|

_ مامي ينفع ألعب بــ التاب 

تقى بابتسامة:

_ ينفع يا روحي 

_ حضري نفسك هنسافر آخر الأسبوع 

اتصدمت تقى، وقالت:

_ ليه خلينا قاعدين شوية

_ مش هينفع 

تقى قربت منه ولفت أيدها حولين رقبته وقالت بدلع:

_ عشان خاطري يا سولي خلينا قاعدين شوية دي مصر جميلة أوي 

سليم بحب:

_ حاضر يا قلب سولي نقعد شهر حلو كده 

تقى بفرحة:

_ حلو أوي 

ــــــــــــــــــــــــــــــــــــــــــــــــــ 

سبحان الله وبحمده ، سبحان الله العظيم 

|تاني يوم بعد المغرب في شقة أهل سلمى|

كريمة قاعدة وهي محرجه من إللي ابنها عمله 

سعاد بابتسامة:

_ نورتينا والله يا ست كريمة 

_ البيت منور بصحابه الأول كده إحنا آسفين جدا وشوفوا انتوا عايزين إيه واحنا نعمله بس إلا الطلاق والله أنا زعلت أوي لما سلمى قالت لــ يارا أنها عايزة تطلق 

_ بس يا خالتي الموضوع كبير وده قرارها

_ يا حبيبي الموضوع ده أتقفل من زمان بس هي البنت بنت الجزمة إللي عايزه تخرب عليهم وهو بيحب سلمى واحنا كمان والله 

_ طالما أتقفل ماعملش بلوك ليها ليه 

سكتت كريمة عشان مش عارفة تقول إيه، فقالت:

_ طب ممكن تنادي سلمى عايزة أتكلم معاها 

قام معتز يناديها بعد شوية خرجت سلمى وعينيها حمرا من كتر العياط قعدت جمب أخوها 

_ كده يا سلمى عايزة تسيبينا 

قالت سلمى بصوت مبحوح:

_ مش هقدر أعيش مابيحبنيش 

_ مين قال كده ده بيحبك أوي 

_ لأ بيحبها هي ومعلش يا ماما أنا مش هاجي على كرامتي تاني عشانه 

كريمة بحزن:

_ يعني ده آخر قرار 

سلمى بجمود:

_ أيوا 

كريمة قعدت شوية ونزلت لــ ياسين إللي كان مستنيها في العربية، ركبت وياسين بص لها مستنيها تتكلم 

_ عايزة تتطلق آخر الأسبوع وده آخر قرار 

سكت ياسين بحزن شديد، قالت كريمة:

_ منك لله يا تقى يا خرابة البيوت 

ــــــــــــــــــــــــــــــــــــــــــــــــــــــــ 

لا حول ولا قوة إلا بالله العلي العظيم 

|في اليوم التالي|في الكافيه| 

تقى قاعدة فرحانة عشان هتشوف ياسين إللي بعت لها امبارح أنه هيقابلها، كل شوية تطلع التليفون وتبص على شكلها 

_ والله وحشتيني أوي يا توتو 

لفت تقى على الصوت واتصدمت 

يتبع....

ـــــــــــــــــــــــــــــــــــــــــــــــــــــــــ 

تفاعلوا+ كومنت عشان رأيكم يهمني+ شير+ توقعاتكم 

البارت الخامس

(6) والأخير 

تقى قاعدة فرحانة عشان هتشوف ياسين إللي بعت لها امبارح أنه هيقابلها، كل شوية تطلع التليفون وتبص على شكلها 

_ والله وحشتيني أوي يا توتو 

لفت تقى على الصوت واتصدمت لما شافت يارا قدامها، قامت وقفت 

قعدت يارا وحطت رجل على رجل وقالت بابتسامة باردة:

_ اتصدمتي ؟ أنا كمان اتصدمت لما عرفت أنك رجعتي ... اقعدي يا توتو 

قعدت تقى ببطء، قالت يارا بنفس الابتسامة الباردة:

_ معلش بقى يا توتو ياسين مش هيعرف يجي عشان مع مراته حبيبته 

قالت تقى وهي بتجز على سنانها:

_ عايزة إيه بظبط يا يارا 

يارا حطيت إيدها على الترابيزة وقربت وقالت وهي بتبص في عينيها قوي :

_ أقسم بالله لو شفتك قربتي من ياسين تاني لهبعت لجوزك وأنتِ أكيد عارفة جوزك لو عرف هيعمل ايه ... ارجعي مكان ما جيتي يا تقى أحسن لك

قامت يارا وبصت لــ تقى من فوق لتحت وقربت من ودنها وهمست:

_ سلام يا خاطفة الرجالة 

تقى الدموع كانت محبوسة في عيونها وأول ما يارا قالت كده إنفجارت في العياط 

يارا خرجت من الكافيه اتنفست براحة كأن جبل واتزاح وافتكرت 

فلاش باك 

دخلت كريمة المطبخ ويارا بصت لــ ياسين إللي كان قاعد والحزن في عيونه 

اتنهدت يارا، وقالت:

_ هات تليفونك 

_ ليه 

_ هات بس 

اداها ياسين التليفون وهي دخلت على الواتس وفتحت شات تقى وبعتت رسالة 

_ ليه عملتي كده 

ابتسمت بخبث، وقالت:

_ هقولك 

باك 

ـــــــــــــــــــــــــــــــــــــــــــــــــــــــــ

لا اله إلا أنت سبحانك إني كنت من الظالمين 

|بليل في شقة أهل سلمى|

ياسين قاعد مع معتز وبيتكلموا في الموضوع 

_ طب لما الموضوع أتقفل من قبل ما تتجوزو ليه مسمي بنتك على إسمها 

اتوتر ياسين، وقال وهو بيفرك في أيده:

_ عادي يعني الإسم كان طالع موضة ساعتها 

ضيق معتز عينيه وبص له بشك، وقال:

_ أممم هي عموماً كده كده خدت القرار 

_ طب ممكن أشوفها بس 

معتز لسه هيرد جت تقى جري وحضنت ياسين

_ بابا وحشتني أوي 

ياسين بحب:

_ وأنتِ كمان وحشتيني أوي 

_ ماما بتقول هنقعد هنا مع خالو وتيتا على طول الكلام 

_ لأ يا حبيبتي مش هتقعدوا على طول انتوا هتقعدوا شوية صغيرين عشان ماما تعبانة بس شوية 

خرجت سلمى من الاوضة وقالت بتحدي:

_ لأ يا تي هنقعد على طول 

قام ياسين، وقال:

_ سلمى ممكن نتكلم 

ربعت أيدها، وقالت بحدة:

_ لأ وياريت ما تجيش هنا تاني إلا ومعاك المأذون 

فتح ياسين الباب وبص لها بندم وخرج، سلمى عيونها دمعت أول ما خرج 

ــــــــــــــــــــــــــــــــــــــــــــــــــــــــ

لا اله إلا الله وحده لا شريك له له الملك وله الحمد وهو على كل شيء قدير

|في شقة سليم| 

_ عايزة أمشي 

سليم باستغراب:

_ ليه 

تقى بدأت تعيط:

_ كده عايزة أمشي ومش عايزة اجي هنا تاني 

راح لعندها وحط إيده على كتفها وقال بقلق:

_ حصل إيه طيب 

تقى شالت إيده، وقالت بعياط:

_ مافيش عايزة أمشي بكره لو سمحت  

اتنهد سليم، وقال :

_ حاضر أهدي بس 

ـــــــــــــــــــــــــــــــــــــــــــــــــــــــــ

لا حول ولا قوة إلا بالله العلي العظيم 

|بعد مرور ثلاث أيام|في شقة أهل سلمى| 

المأذون قاعد وسلمى وسعاد ومعتز ويارا وكريمة قاعدين مستنيين ياسين، سعاد وكريمة ويارا زعلانين وسلمى كل شوية دمعة تنزل منها وتمسحها بسرعة 

المأذون:

_ فاكرتي يا بنتي 

_ أيوا، عايزة أطلق منه 

_ طب هو فين 

سلمى بصت لــ كريمة، فقالت كريمة بحزن لــ يارا :

_ اتصلي بــ ياسين شوفيه فين

_ حاضر 

قامت يارا دخلت البلكونة واتاخرت، سلمى كانت بتبص عليها كل شوية، خرجت يارا وقالت وهي بصه في الأرض:

_ ياسين 

سلمى بقلق:

_ حصل له حاجة 

كريمة:

_ في اي يا بنتي اتكلمي سيبتي اعصابنا 

يارا بصوت واطي:

_ ياسين مش جاي 

سلمى وقفت وقالت بعصبية:

_ هو لعب عيال ولا اي 

مسكت تليفونها واتصلت بيه لقيته مقفول، ضغطت على التليفون جامد وقالت:

_ بقى كده ماشي يا ياسين 

ــــــــــــــــــــــــــــــــــــــــــــــــــــــــ

اللهم صلِ و سلم على نبينا محمد 

|بعد مرور خمس شهور|في المستشفى|

خبط ياسين على الاوضة ودخل، سلمى كانت نايمة بس أول لما خبط صحيت، قامت بصعوبة قعدت، قعد ياسين على الكرسي إللي جمبها 

_ حمد لله على السلامة 

سلمى بتعب:

_ الله يسلمك 

_ هما فين 

_ تولين وتميم في الحضّانة عشان اتولدوا بدري

أبتسم ياسين، وقال بهدوء:

_ طب ممكن نتكلم 

مارديتش، فقال بنفس الهدوء:

_ أنا وتقى كنا بنحب بعض من واحنا أطفال ولما كبرنا روحت اتقدمت لها أهلها رفضوا عشان ماحدش بيتجوز من برا العائلة طبعاً الموضوع كان صعب عليا جدا هي اتجوزت إبن عمتها،وانا أبويا كان بيزن عليا اتجوز وأنا برفض لحد ما شوفتك في الحديقة شوفت الحنية في عيونك الجميلة قولت دي إللي هتجوزها بس قولت هشوفها إزاي تاني لحد ما شوفتك في كتب كتاب حنان بنت خالتي كلمت حنان قولت لها أنا اه ماكنتش بحبك بس كنت معجب بشخصيتك وكنت بعاملك بما يرضي ربنا بس دلوقتي أقدر أقول إني بحبك أوي لما بعدتي عني حياتي ملهاش طعم أقسم بالله يا سلمى مافيش غيرك في قلبي ممكن تديني فرصة... فرصة واحدة بس عشان خاطري 

سكتت سلمى شوية، وقالت:

_ ماشي يا ياسين 

مسك أيدها وباسهم وقال بحب:

_ بموت فيكي 

تمت 

ـــــــــــــــــــــــــــــــــــــــــــــــــــــــــ

السلام عليكم ورحمه الله وبركاته يا حبايب قلب بسومه 

دي رابع رواية ليا وحبيتها زي ما انتوا حبيتوها زعلت جداً أنها خلصت شكراً جداً لكل إللي دعموني أشوفكم في رواية جديدة بإذن الله بحبكم في الله 

ــــــــــــــــــــــــــــــــــــــــــــــــــــــــ

تفاعلوا+ كومنت عشان رأيكم يهمني+ شير 

البارت السادس والأخير 

رواية خليك فاكرني 

بقلمي: بســــمه أبو العلا