سكريبت ترميم الفصل الثالث عشر 13بقلم حبيبه منصور حصريه
Part 13
ليلى بصت للصوره بذهول
ليلى : ما اكيد دي مش صدفه ، الاتنين ف نفس المكان
و المحفظه والساعه لا اكيد دي مش صدفه
اتصلت ب يوسف
مره ....
اتنين......
تلاته .......
و اخيرا رد
ليلى : في ايه يا يوسف كل ده عشان ترد
يوسف بنبره حاده: انتي بتكلميني كده ليه يا ليلى في ايه
ليلى هديت: اصل بحاول اكلمك اطمن عليك مش بترد
يوسف ببرود: معلش ، شغال
ليلى : شغال.؟؟ ، انت مش بتفضى؟؟
يوسف : هعمل ايه مش بجمع الفلوس اللي استلفناها من الراجل دي
ليلى : هو حولهم على حساب مين صح
يوسف بتوتر: يعني ايه حساب مين
ليلى: يعني وصلولك ازاي
يوسف : على حساب الراجل بتاع الشقه
ليلى بضحكه مزيفه: شقة مين
يوسف: شقتنا يا ليلى في ايه
ليلى بتجاهل ل كلامه : انت فين يوسف
يوسف: في الشغل يا ليلى في ايه
ليلى : ف الشغل الساعه ١ بالليل ؟!
يوسف : اه
ليلى : شغال فين
يوسف : ايه لازمتها الاسئله دي يا ليلى مالك النهارده كده
ليلى : هو انا اما اسأل خطيبي اللي هيبقى جوزي على مكانه يبقى انا كده غلطانه
يوسف : لا انتي طريقتك مش طبيعيه
ليلى : متوهش يا يوسف ، انا بسألك انت فين، ف بلد ايه يعني , ايه الصعب ف اللي بقوله
يوسف : هو فيه ايه يا ليلى ما انا قايلك أن انا ف الامارات
ليلى: و دينا ؟!
يوسف بتوتر: مالها دي كمان
ليلى : معاك هناك
يوسف: هتبقى معايا ليه ، كتر خيرها جابتلي الشغل و خلصنا وانا ببات ف سكن
ليلى : تمام يا يوسف سلام
يوسف: انتي متعصبه ليه دلوقت
ليلى حاولت تخبي عنه أنها شاكه فيه: زعلانه انك مسألتش فيا
يوسف: حقك عليا معلش
ليلى بجمود : هتنزل امتى بقى
يوسف : قريب ، نازل قريب
ليلى بدموع : مش عايز تقولي حاجه يا يوسف
يوسف اتوتر: حاجه؟؟ ، حاجه زي ايه
ليلى غيرت الموضوع: انك بتحبني مثلا
يوسف : لا يا ليلى انتي شكلك تعبانه النهارده فعلا ، و اسئلتك غريبه
ليلى : هو انت لو قولت اه بحبك هتموت؟؟, ولا انت مبقتش تحبني
يوسف : لا بحبك طبعا مش محتاجه كلام
ليلى: سلام يا يوسف
يوسف: سلام
« قفل معاها من غير ما يسألها مالك حتى ، مع انه حاسس انها زعلانه بل متأكد كمان ، بس اختار انه يسكت وخلاص مش مهتم لمشاعرها، هو خد اللي محتاجه و بس »
قفلت ليلى معاه وهي متضايقه و لأول مره متدهوش مبرر للي بيعمله، كفايا خلاص خد مبررات كتير و اكتشفت انها هتروح ف مصيبه بجد بسبب الفلوس مش بعيد تقضي عمرها كله ف السجن
فتحت فيسبوك
حساب مجهول:
«مساء الخير، محتاجة مساعدة من مبرمج شاطر في استرجاع بيانات تليفون ومعرفة الخيارات القانونية المتاحة لو تليفون عليه معلومات مهمة اتسرق. ياريت اللي عنده خبرة حقيقية يتواصل معايا.»
ونامت وهي ماسكه الفون من التعب والعياط
وشها كان شاحب، وعينيها وارمة من العياط، ومش مصدقة إن الشخص اللي كانت بتخطط تعيش معاه عمرها كله هو نفسه اللي بقى سبب خوفها و هيبقى سبب حبسها
======================================
برا في الصاله »
هند : البت دي فيها حاجه
ساره : يمكن تعبانه ف الشقه فعلا يا ماما
هند : لا الموضوع مش تعب شقه
ساره : يمكن كانت عايزه يوسف يجهز معاها الشقه عشان متحسش انها لوحدها
هند : طب ما احنا قولنالها وهي اللي مش راضيه نروح
ساره : فرحانه يا ماما وعايزه تعملها على ذوقها ، سيبيها براحتها
هند : مانا سيباها اهو اما نشوف اخرتها ، ده حتى يوسف منزلش عمل معاها اي حاجه ، سايبها لوحدها كده ولا حتى نزل اجازه وسايبها بقاله ٤ شهور اهو من غير حتى ما يشوفها ولا ينزل يشوف الناس اللي شغاله ولا نيله
ساره : معلش يا ماما ان شاء الله ينزل
هند : هو كان نزل فرح أخته اما ينزل يشوف البت اللي معلقها
ساره زعلت و سكتت
علي : ايه لازمته الكلام ده يا امي
هند : من حرقة دمي منو ، هعمل ايه يعني
علي : طب ما هو كمان غصب عنه ، ما انتوا اللي طالبين شقه
هند : ده حقها زي اي بنت انها تقعد ف شقه ملكها ، بس هو لازم يعلقها كده جمبه وخلاص ، حاجه تقرف
علي : طب ما الراجل جاب ، ييجي يقعدلك جمب الصنايعيه ومين يسدد فلوس الشقه
هند : بقولك ايه هي مش ناقصه حرقة دم منك انت كمان
علي : انا طالع انام يا امي لا حرقة دم ولا غيرو
اطلعي يا ساره حضريلي الحمام عشان اخد دش و انام
ساره طالعه وعنيها مدمعه من الكلام على اخوها
هند : تعالي يا ساره اقولك
ساره: نعم يا ماما
هند : متزعليش مني يا بنتي ، بس انا محروقه على بنتي انتي شايفه اخوكي مشيل البت الهم ازاي
ساره: ولا يهمك يا ماما
هند حضنتها: متزعليش يا بنتي حقك عليا، يلا روحي مع جوزك اطلعوا نامو
ساره: حاضر يا ماما
=====================================
في ورشة مراد
مراد : ما تخلص ياض الحم الشباك ده
و شوفلي حد ف الحسابات عشان تصفيات الشهر ده
دخل يونس الورشه عند مراد
يونس: ازيك يا عمي عامل ايه
مراد : اهلا يا ابن الغالي عامل ايه يا حبيبي
يونس: الحمد لله يا حج. والله
مراد : خير يا ابني
يونس: بصراحه يا حج كنت عايز اشتغل معاك
مراد : والله يا ابني دي الورشه تنور ، بس عشان دراستك وانت ف سنه مهمه دلوقت
يونس: لا مانا عايز اشتغل عشان اعرف اصرف
مراد : هو يوسف مش بيبعتلكم فلوس
يونس بابتسامه مكسوره: هو فاكرنا اصلا
مراد : يا ابني الفلوس كلها تحت رجلك بس ركز ف دراستك
يونس : الله يخليك يا حج بس انا مش صغير ، لازم اعتمد على نفسي
مراد : راجل زي ابوك ، بص انا مش هخليك تعمل حاجه ف الورشه ، ممكن اخليك تمسك الحسابات عشان تروح بدري تذاكر
يونس: حبيبي يا حج الله يخليك
======================================
في اوضة تمارا
تمارا بتكلم صاحبتها ف التليفون
تمارا : هعمل ايه يا جنه يعني ، هو حر ، انا شيلته من دماغي اساسا
جنه : ما اللي سمعه مكنش عادي بردو
تمارا : ما خلاص بقى ، انا خلاص لا هو ف دماغي ولا اخوه ولا اي حد خلاص ، دماغي ف المذاكره وبس
جنه : طيب خلاص سيبينا من السيره دي ، قوليلي
عرفتي تحلي الأسئلة بتاعت فصل الدينامو
تمارا : بصي بقى عشان انا على اخري من الفصل ده ، قربت اجيب دينامو بجد عشان اشوف بيحلوا ازاي عليه
جنه بضحك : لا دي الحاله صعبه اوي
تمارا : و لسه مراكمه محاضرات الكهربيه ، اقفلي اقفلي عشان معيطش
جنه بضحك: ماشي يا اختي سلام
-----------------------------------------------------------------
في بيت دينا »
يوسف : مش طبيعيه ليلى دي خالص
دينا : ما انا قولت كده من بدري بس انت مكنتش بتصدق
يوسف بتفكير : بس شكلها شاكه فيا على فكره
دينا : دي عبيطه ، تشك ف مين يعم
يوسف : عماله تسألني مش عايز تحكيلي حاجه ؟ ، انت بتحبني ولا لا ، انت فين
دينا ببرود : تلاقي هرموناتها طافحه عليها
يوسف : يمكن
دينا : طب ايه هتحجز امتى التذاكر
يوسف : بكره
دينا : طيب عايزين يبقى ننزل سوا عشان نجيب هدوم حلوه كده
يوسف: اه ان شاء الله
==================================
تاني يوم الصبح
«السلام عليكم ورحمة الله وبركاته، أنا اللي كنت منزلة إني محتاجة مساعدة بخصوص تليفون عليه بيانات مهمة. حضرتك قلت إنك ممكن تساعدني.»
بعد دقايق، رد عليها.
زين: وعليكم السلام ورحمة الله وبركاته. ممكن أعرف تفاصيل أكتر عن المشكلة؟
ليلى شرحتله إن خطيبها كان طرف في تحويل مبلغ كبير، وإنها محتاجة تفهم اللي حصل، وإن عندها رسائل وبيانات مرتبطة بالموضوع، لكنها خايفة تكون اتورطت في حاجة مش فاهمها.
زين: بصي يا أستاذة، أنا أقدر أساعدك تراجعي البيانات اللي معاكي، ونشوف إيه اللي ممكن يتعمل بشكل قانوني. لكن مش هقدر أوعدك إني أرجع فلوس أو أدخل على حساب حد من غير إذن.
ليلى: أنا مش عايزة أعمل حاجة غلط، أنا كل اللي عايزاه أعرف الحقيقة، وأحمي نفسي.
زين: تمام. الأفضل نتقابل في مكان عام، تجيبي معاكي أي رسائل أو مستندات عندك، وأنا هفهم منك الموضوع بالتفصيل.
ليلى: تمام، ممكن العنوان
« بعتها العنوان ، وهي قامت ، لبست ، خدت الشنطه ونزلت بسرعه قبل ما حد يسألها مالك أو رايحه فين »
راحت على العنوان ، مكتب شيك ف اوضه صغيره من شقه على الشارع
دخلت ليلى ....
ليلى: استاذ زين؟
زين : ايوا مين
ليلى: انا ليلى مراد
زين : هو مش انتي الله يرحمك
ليلى بابتسامه سخيفه: يااا خفيف الظل ، ياا لطيف الملامح ده تشابه اسماء ، هو انت شايف يعني اننا نفس الشكل
زين: ايوا ايوا ايوا ايوا ، انتي ليلى بتاعت شركة وي
ليلى باستغراب: انت تعرفني؟
زين بعشم : ياااه يا ليلى ده انا كان بيتقفل ف وشي منك كل يوم و شركتك قاطعه النت عني
ليلى افتكرته: ده انا كنت باخد خصومات بسببك كل يوم
زين : قلبك ابيض يا استاذه، المهم نخدم الفنانه ازاي
ليلى : المهم يا استاذ ، انا تليفوني عليه حساب أمريكي فيه دولارات انا عايزه احول الفلوس دي على تليفوني ده اللي معايا دلوقت وحساب مصري زي ما كانوا
زين : بصي يا استاذه مفيش حاجه اسمها كده اني احولك فلوس من حساب ل حساب ، دي حاجات محتاجه تمشي بالقانون لان لو نسيت عكس كده هتحبس ، وبعدين مش اي حد يقولي هكر وهات الفلوس اعمل كده ،الأمر مش بالساهل كده
ليلى : اومال انت هكر ازاي
زين : يا ست الكل اخري اهكر تليفونات ارجعلك تليفون مسروق من اللوكيشن مش حساب بنك
الفلوس اللي بتبقى ف البنك الأمريكي بتبقى محتاجه حاجات كتير اوي ووقت عشان يدخل فلوس هناك أو تتسحب ده لو الحوار بجد اصلا
ليلى بعياط: طب والعمل ، هتحبس كده ، ؟؟
زين : طب فهميني الموضوع وانا هشوفلك حل تاني ، انتي كده مش بتحكي الصراحه وانا مش هعرف اساعدك
ليلى ابتدت تحكيله باختصار ع الفلوس و أن يوسف خدها واتحولت بالدولار وهي مش فاهمه بالظبط الموضوع تم ازاي وان لازم الفلوس ترجع لانها مضت على وصولات بمبالغ كبيرة
زين : طب ما الأمر سهل ، طالاما تليفونه مفتوح وعارفين هو ف محافظة ايه نقدر نجيب اللوكيشن بتاعه بالتحديد
ليلى : طب ما انا هاخد ازاي الفلوس حتى لو شوفته ممكن ميرضاش
زين : متخافيش هنتصرف
بس طالاما عرفنا أنه ف اسكندريه لازم نروح بدري لحد ما نحدد المكان بالظبط فين هناك
==================================
ليلى كلمت مامتها
ليلى : ماما ، انا النهارده هبات عند واحده صاحبتي ف المستشفى عشان تعبانه اوي ومش هينفع اسيبها
هند: صاحبتك مين ، وانا هاجي ازورها
ليلى : مش هينفع يا ماما، مش هيدخلوكي ، هما دخلوني بالعافيه عشان هي طلبتني
هند : طيب يبقى طمنيني عليكي كل شويه يا حبيبتي
ليلى : حاضر يا ماما ، سلام يا قلبي
جالها رساله من زين: عرفت المكان بالظبط يا فنانه عايزن نتحرك بدري
=====================================
في بيت زين
زين : و ليلى مراد جاتلي الشغل
امه بصدمه: يلهويي؟؟ ، هي ماتت يا ولااا
زين بضحك: لا يا امي مش دي ، دي البت بتاعت فرع we
اللي جننتني ف حوار النت ده
امه : وكانت عايزه ايه ، جايه تصلح الراوتر بنفسها؟
زين : لا جت ف حاجه كده ف التليفون
بس حتة قمر يا امي ، شكلها غير صوتها اللي بتزعق بيه ف التليفون ده
امه: والله يا ابني ضغط الشغل يعمل اكتر من كده
زين : هروح انام انا عشان هنزل٥ الفجر بكره
امه : بدري اوي كده ليه
زين : الشغل وحلاوة الشغل يا بطوط بقى
==================================
في بيت دينا
يوسف صحي لبس و جهز الشنطه بالسكت و دينا نايمه
ماشي يتسحب بالراحه
دينا : رايح فين يا يوسف
يوسف بتوتر : رايح اجيب فينو
دينا : رايح تجيب فينو الساعه ٩ الصبح بالبدله و شنطة السفر
يوسف ابتسم بتوتر بعد ما اتقفش خلاص ......
دينا قامت من السرير، وملامحها اتغيرت.
دينا: إنت مسافر؟!
يوسف سكت.
دينا بصوت عالي: إنت عايز تخلع بالمليون جنيه لوحدك وتسيبني أنا هنا؟!
يوسف ببرود: وطي صوتك يا دينا.
دينا: أوطي صوتي؟! إنت فاكرني هسيبك تمشي بالفلوس وتخلع؟!
دينا بعصبية : عاايز تخلع بالمليون جنييه لوحدك و تسيبني انااااااا هنااااااا
ده لا يمكن يحصل ابدا
دينا: إنت كنت واعدني إننا هنسافر سوا!
يوسف: وكنت ناوي، بس انتي اللي مش عايزة تفهمي إن وجودك معايا دلوقتي هيعطلني.
دينا بصدمة: يعطلك؟! أنا اللي وقفت جنبك وساعدتك، وفي الآخر ترميني هنا؟!
يوسف: انتي اللي دخلتي نفسك في الموضوع ده.
دينا: لأ، أنا مش هسيبك تمشي!
يوسف ببرود: هتعملي ايه يعني
دينا : هطربق الدنيا فوق دماغك
يوسف: لو لحقتي طربقيها، انا كده كده عندي طياره كمان
ساعه واللي يعرف يوقفني يوريني
دينا : مش هتمشي لوحدك يا يوسف
يوسف ببرود اكتر : لأ همشي ، ولوحدي ، وانتييييي مش هتقدرررررري تمنعيني
دينا : لا اقدر امنعك
فضلت تشد فيه وتزقه وتضربه بعصبية
خدت من ايده الباسوورد ولسه هتقطعه
عمالين يشدوه من بعض
يوسف اتعصب: خده من أيدها بالعافيه ومسك دماغها خبطها ف الحيطه كذا مره بجنون لحد ما وقعت على الأرض سابها مرميه ف الاوضه وسابها ومشي
خد نفس وفتح باب الشقه وماشي
ليلى : مفاجأة مش كده ؟!!
يتبع.......
تكملة الرواية بعد قليل
الرواية الكاملة من هناااااااا
تعليقات
إرسال تعليق