سكريبت رووووعه كامله إيه الجويلي
سكريبت رووووعه كامله إيه الجويلي
كنت قاعدة قدام الشباك بصة على السما و سرحانه إزاي عدى على جوازي 45 سنة، وبقيت أم وجدة وأحفادي قدامي زي الورد.
كنت قاعدة قدام الشباك بصة على السما و سرحانه إزاي عدى على جوازي 45 سنة، وبقيت أم وجدة وأحفادي قدامي زي الورد.
أخدت نفس طويل وقلت في سري يااه العمر عدى يا حياة. افتكرت يوم ما شفت جوزي حسام في السوبر ماركت اللي على أول الشارع، وإزاي حصل نصيب وبقى جوزي و افتكرت لما توفى جوزي وسابلي الذكريات الحلوة عايشة عليها.
_ مسكت المصحف وجيت أقرأ لقيت الباب بيخبط. قمت بفتح الباب لقيتها بنتي نور الصغيرة آخر العنقود، لسه متجوزة جديد..
_ قولتلها ازيك يا بنتي، مالك في إيه وشك باين عليه العياط ليه.
_ لقيتها بتحضني جامد وهي بتعيط وتقول أنا عاوزة أتطلق يا ماما.
_ قولتلها بخضة طلاق إيه يا بنتي، أنتِ ماعداش على جوازك سنة، هو خراب البيوت بسهولة كدا، استهدي بالله.
قالت بدموع لا مش قادرة أستحمل معاه، أنا مش طايقاه يا ماما، أنا هحكيلك وأنتِ احكمي عشان تعرفي إني مش غلطانة.
_ قولتلها بتحذير إياكي تعيبي في جوزك قدام حد غريب، أو تتكلمي عليه بالوحش قدام حد حتى لو كانت أمك.
_ قالت بس يا ماما هحكيلك اللي حصل، بس أقول لمين يعني.
قولتلها متقوليش لحد، أنتِ وجوزك عكاز لبعض وسند، أنتِ السكينة اللي بيرجع يرمي نفسه في حضنها بعد التعب والهم اللي شافهم برة، وهو سندك وقت الزعل والحزن.
اتنهدت و قلت الجواز يبنتي على الحلوة والمُرة يا بنتي، إزاي عاوزة تطلعي جوزك وحش قدام حد حتى لو هو غلطان. مينفعش، بكرة أنتِ وهو هتنسوا لكن اللي برة مش هينسى وهيعايرك بيها في يوم من الأيام وساعتها هتندمي أكبر ندم.
ولو عليا يا بنتي عشان أنتِ بنتي هبقى مش عاوزة حاجة تزعلك وعشان كدا هكره جوزك وهبقى فاكرة ليه الموقف مع إنه عدى، سرك في بيتك لو طلع برة ميبقاش سر.
قالتلي اعمل إيه بس يا ماما لما بكون زعلانة ومعرفش أحكي لمين وبحس إني هنفجر كدا.
_ ابتسمت وقولتلها افرشي سجادتك وفوضي أمرك لله، احكي لخالقك وادعي لجوزك مش عليه، استغفري وسبحي واذكري الله، ولو دخل عليكِ متعصب مترديش عليه بعصبية، استغفري الله عشر مرات قبل ما تتكلمي، أنتِ السكينة لجوزك.
اعرفي يا بنتي إن خراب البيوت مش بسهولة كدا، أنتِ غالية وأنا مش برخصك، جوزك ابن أصول وعلى خُلق متخليش للشيطان يخرب بيت مسلم.
هقولك حديث عن جابر بن عبد الله رضي الله عنهما عن النبي ﷺ قال: إن إبليس يضع عرشه على الماء ثم يبعث سراياه، فأدناهم منه منزلة أعظمهم فتنة، يجيء أحدهم فيقول فعلت كذا وكذا، فيقول ما صنعت شيئًا، ويجيء أحدهم فيقول ما تركته حتى فرقت بينه وبين أهله، فيدنيه منه ويقول نعم أنت.
والمقصود إنه ما تركه حتى جعل الزوج يطلق زوجته أو تطلب الخلع منه، وهدم الألفة والمودة اللي كانت بينهم بإلقاء العداوة والبغضاء.
بلاش تكوني عون للشيطان يا بنتي، وخلي دايما بيتك معمور بذكر الله والأذكار وسورة البقرة عشان ربنا يحفظكم.
قالت عندك حق يا ماما أنا اتسرعت فعلا، إبراهيم بيحبني ومستاهلش مني كدا.
خلصت جملتها ولقينا الباب بيخبط، قامت بتفتح
مين اللي على الباب يا نور.
لقيت إبراهيم جوزها داخل وهو مكسوف وبيقول ازيك يا طنط، أخبار صحتك إيه.
رديت عليه بابتسامة تسلم وتعیش يا ابني، أنت عامل إيه.
_ الحمد لله والله، بس محرج من حضرتك ومش عارف أقول إيه.
قولتله متقولش حاجة يا ابني الله يكون في عونك، خد مراتك واتصالحوا في البيت، انتوا عكاز لبعض، وحياتكم متخرجش برة عتبة البيت، لا ليا ولا لغيري ولا حتى لوالدتك يا إبراهيم.
قال حاضر يا أمي، نور هي نور عيوني ومقدرش أزعلها أبدا والله
قولتله ربنا يحفظكم لبعض يا ابني، يلا بقى خد مراتك وامشوا، عاوزة أقعد لوحدي.
ردت نور بضحك يوه زهقتي مننا بسرعة كدا.
قولتلها أيوة يا يختي، ويلا خدي جوزك وامشي.
قالت حاضر يا ستي بس هجيلك تاني.
قالت كدا ومشت هي وجوزها، ابتسمت ودعيت ليهم ربنا يهدي سرهم ويصلح حالهم.
ساعات كتير بتبقى مشاكل حياتنا بسبب تسرعنا، الزواج مش سباق ولا هي خناقة مين اللي هيكسب ولا مين اللي صح،
ربنا سبحانه وتعالى قال: ﴿وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً﴾..
#آيــة_الجـويـلي
عزيزي القارئ العسول سيبلنا أثرك الجميل في كومنت ♥🫶
تعليقات
إرسال تعليق