 |
● الجزء الخامس ●
حكاية_قمر 💕
بقلم_ياسمين_علي ••
نسترجع مع بعض آخر أحداث الجزء اللي فاات
احمد : كويس اوي انا كنت متأكد انها مش بتكدب ... طيب سيب الملف هنا هشوفوا بنفسي
رأفت : اتفضل يافندم .. عن اذنك
احمد بيفتح الملف .. اول حاجة عينه جت عليها اسمها .. قمر عبد الحميد صالح
احمد بصدمة : عبد الحميد صالح !!!! .. معقولة تكون دي قمر اللي بدور عليها من سبع سنين
فلاش باك □
احمد : اهلا اهلا ياعبدالحميد .. نورت الشركة
عبد الحميد : منورة بيك ياصاحبي
احمد : انا مصدقتش لما بلغوني انك عاوزني .. اخيرا افتكرتنا ياراجل فينك
عبد الحميد بحزن : اهو موجود
احمد : مالك ياعبد الحميد في حاجة .. اتكلم
عبدالحميد : انا ف مصيبة يااحمد .. وملقتش غيرك اقولو انت الوحيد اللي بثق فيك من زمان .. صحيح الزمن بعدنا بس انا عارف انك متغيرتش
احمد : وانا قد الثقة دي .. احكي ياعبد الحميد وان شاءالله اساعدك ع قد مقدر
* عبد الحميد حكاله اللي حصل زمان *
احمد بضيق : معقولة ياعبد الحميد انت تعمل كدا.. تسيب مراتك وبناتك ..
عبد الحميد : كان نفسي ف حتة عيل يشيل اسمي ..
احمد : مش مبرر انك تسيب بناتك علشان العيل .. ماكنت صبرت كان ممكن ربنا كرمك بيه
عبد الحميد : الشيطان غلبني .. من وقت ماسبتهم معرفش عنهم حاجة
احمد : لو دي المصيبة اللي بتتكلم عليه .. ف حاول توصلهم
عبد الحميد: مش دي المصيبة .. انا بعد ما طلقت غادة وسبتلها البنات .. روحت اتجوزت .. ع امل تجيبلي حتة عيل .. ودا اللي حصل جابت العيل .. الفرحة مكنتش سيعاني ..
احمد : كمل ايه حصل
عبد الحميد : اكتشفت من قريب ان الولد مش ابني .. ومراتي ضحكت عليا وكانت بتخوني ونسبت الولد ليا علشان تورثني ..
احمد : انت متأكد ان هو مش ابنك !! عرفت منين
عبد الحميد : سمعت مكالمة بينها وبين الحيوان اللي بتخوني معاه .. عاوزة تخلص مني .. شكيت ف ابني عملت تحليل DNA *بدء يعيط* مطلعش ابني يااحمد
احمد: طيب اهدا بس وقولي تحب اساعدك في ايه واعملوا
عبد الحميد عطاله ظرف كبير : خد دا يااحمد دي كل الحاجات اللي امتلكها .. كتبتها باسم قمر بنتي الكبيرة .. ودا نتيجة التحليل .. ودي الصورة الوحيدة الي معايا ل قمر وهي صغيرة .. انا عاوزك تدور ع بنتي بنفسك ... لما تلقيها تديها كل الورق دا .. وتطلب منها انها تسامحني هي وغادة وبنتي التانية .. حتي معرفش اسمها ايه ..
احمد : طيب وانت هتعمل ايه مع مراتك ..
عبد الحميد : هاخد منها حقي
احمد : طلقها وخلاص ياعبد الحميد .. متأذيش نفسك
عبد الحميد : مبقتش باقي ع حاجة .. انا ضيعت كل حاجة كويسة ف حياتي .. واديني بتعاقب عليه .. بس حقي مش هسيبوا يااحمد
* بعد فترة وصل لاحمد خبر موت عبد الحميد ع ايد مراته وعشيقها واتقبض عليهم واتحكم عليهم بالاعدام واللي ساعد ف كدا احمد و قدم التحليل والولد اتحط ف دار أيتام واحمد فضل سنين يدور ع غادة وقمر معرفش يوصلهم وموت مراته نساه الموضوع *
________
احمد اتصل بالسكرتيرة : اطلبي سامح بسرعة .. خلي يجيلي المكتب
السكرتيرة: حاضر يافندم
_________________________________
ليل ماشية طول الطريق تعيط قعدت ع الرصيف وبتعاتب نفسها : ليه كدبتي ياليل ليه .. بتقولي انك بتكرهي الكدب وبتكدبي .. زعلانة علشان كدبوا عليكي كلهم وانتي بتكدبي .. عاوزة تبقي شبههم .. ليه عملتي كدا ...انتي غبية غبية ..
وبدءت تفتكر
فلاش باك
فاطمة : هتعملي ايه مع ليل ياقمر .. هتقوليلها ايه ع غادة
قمر : هقولها ماتت ياستي .. مافيش حل غير دا علشان ليل تنساها.. مش عاوزة اشوف قلبها موجوع وتسأل نفسها مليون سؤال علشان تعرف ليه امنا سابتنا
فاطمة : هتكدبي عليها زي ماامك عملت زمان وقالتلها ان ابوها مات .. ليل لازم تعرف انهم مماتوش .. هتكدبوا لحد امتا .. مصيرها هتعرف
قمر : قوليلي طيب انتي حل تاني .. حل ميوجعهاش زي مانا اتوجعت .. اقولها ابوكي سابنا علشان كان عاوز ولاد .. ولا اقولها امك سابتنا علشان هتتجوز راجل تاني ؟؟؟ اقولها ايه . . انا تعبت ياستي تعبت .. كل حاجة اتحطت عليا انا لوحدي علشان الكبيرة.. انا مش كبيرة انا صغيرة اووي مش حمل كل اللي بيحصلي دا ..
فاطمة: اهدي ياقمر ياحبيبتي متعمليش ف نفسك كدا
قمر : قوليلي طب انتي هقولها اييه.. غير انهم ماتوا .. ع الاقل متكرههمش زي ما كرهتهم
فاطمة: اعملي الي يريحك يابنتي .. مش هقولك لا
قمر حضنت فاطمة وقعدت تعيط
وليل واقفة برا وسمعت كلامهم وجريت ع اوضتها تعيط.. واللي كانت خايفة منه قمر ليل عرفته للأسف
___________________________________
سامح : خير يا احمد
احمد : اقعد يااسامح اقعد .. امسك .. فاكر الصورة دي
سامح بص ف الصورة : أيوة طبعا دا ياما دورنا ع البنت الي ف الصورة وملقنهاش .. انت ايه فكرك بيها
احمد : فاكر البنت دي كان اسمها ايه ياسامح
سامح : مش متذكر الصراحة .. بس ليه الأسئلة دي
احمد : البنت دي كان اسمها قمر .. قمر عبد الحميد صالح .. صاحبي الله يرحمه
سامح : أيوة صح كان اسمها قمر مالها بقا
احمد : الاسم مش بيفكرك بحد !
سامح بيفكر : مين ..
احمد : قمر اللي ف الصورة دي .. تبقا هي قمر اللي انقذت نور بنتي ياسامح
سامح : بتقول اييه .. وانت عرفت ازاي
احمد : انا كنت عامل بحث عن قمر دي .. علشان قعدة ف بيتي ولازم اعرف مين دي .. واكتشفت أن اسمها قمر عبد الحميد صالح
سامح : ماجايز تشابه أسماء ..
احمد : بص ف الصورة كويس نفس شكلها قريب من قمر وكل حاجة منطبقة عليها.. معادا حاجة واحدة بس
سامح : ايه هي ؟
احمد : عبد الحميد كان معرفني ان هو عنده قمر وبنت تانية ميعرفش اسمها .. علشان هو سابهم يوم لما اتولدت .. يعني هو عنده بنتين بس .. ع حسب التواريخ ف بنات عبد الحميد قمر وليل .. البنت الصغيرة دي مولودة بعد موت عبد الحميد !! يعني مش بنته وهما بيقولو انها اختهم .. ازاي اختهم
سامح بيفكر : ما يمكن تكون امهم اتجوزت راجل تاني
احمد : جايز .. بس انا مش هاخد أي خطوة اني افاتح قمر ف الموضوع دا .. غير لما اتأكد ان فتون مش اختهم .. انا عاوزك ياسامح انت بنفسك تنزل الحارة اللي كانت ساكنة فيها قمر .. تسأل ع ام قمر فينها وماتت امتا وهل اتجوزت ولالا .. كل حاجة تعرفها وتقولهالي
سامح : حاضر يااحمد .. ان شاءالله تكون هي .. علشان تديها الأمانة اللي عندك
احمد : يارب ياسامح تكون هي دي البنت
سامح موبايله رن : عن اذنك يااحمد ارد ع البنت
احمد : اتفضل يا سامح
سامح : أيوة ياحبيبتي.. عاملة ايه
كنزي : مش كويسة خالص يابابا .. انت وماما وحشني اووووي ..
( كنزي بنت سامح ونجلاء الوحيدة .. عايشة ف المنصورة عند عمتها .. آخر سنة ف تجارة .. )
سامح : وانتي يا حبيبتي وحشانا اكتر .. كنت بكلم مامتك امبارح وبقولها اننا هنجيلك نزورك
كنزي : تزوروني اه مانا مش بنتكم بقا .. رميني هنا لوحدي ..
سامح : انتي عارفة شغلنا ياكنزي ..
كنزي : مااليش دعوة انا عاوزكم جنبي .. ياما انا اجي اعيش معاكم
سامح بيوطي صوته: تعيشي فين ياكنزي احنا ف الفيلا علشان شغلنا بس
كنزي بتعيط : وانا مش عاوزة افضل لوحدي يابابا ..
سامح : طب خلاص متعيطيش هنشوف كدا ونجيلك نقعد كام يوم كدا
كنزي : لا بردك انا عاوزة افضل معاكم
سامح: وبعدين معاكي ياكنزي مش هينفع نتقل ع احمد بيه يا بنتي
احمد سمعه : دي كنزي ياسامح
سامح : أيوة يااحمد
احمد : طيب هاتها
سامح : خدي عمك عاوز يكلمك
احمد : ازيك ياكنزي ياحبيبتي .. عاملة ايه ف دراستك
كنزي بزعل : الحمدالله ياعمو كويسة
احمد : الكلية هناك عجباكي ولا تحبي تنقلي ف القاهرة هنا
كنزي بتمسح دموعها : تقصد ايه ياعمو
احمد : أقصد انك تحضري هدومك كلها وانا هبعتلك حد يجيبك لحد الفيلا .. وهخليهم ينقلوا ورقك هنا .. وتفضلي جنب نجلاء وسامح علطول ايه رايك
كنزي بفرحة : بجد ياعمو .. ربنا يخليك يارب .. حالا هحضر هدومي .. انا متشكرة اووووي اوي
احمد : يلا ياحبيبتي هستناكي.. يلا سلام
سامح : انت بتقول ايه يا احمد .. كدا هنتقل عليك .. خليها عند عمتها هناك .. هبقا انا وامها وهي
احمد : والله عيب عليك تقول كدا ياراجل انت صاحبي واخويا .. وعشرة عمري .. دايما واقف معايا حتي نجلاء ربنا يكرمها مبتسبش عيالي وكلهم بيحبوها .. مش عاوزني افرح كنزي شوية بوجودها معاكم .. وبعدين اهو وجودها هنا مش هيخليك تحتاج تروح المنصورة تاني
سامح : كتر خيرك يااحمد والله مش عارف اقولك ايه .. انا هروح افرح نجلاء عن اذنك
احمد : اتفضل
_________________________________
حكاية_قمر 🌜💕
بقلم_ياسمين_علي ••
اسر رايح جاي قدام وليد
وليد : ماتقعد يااخي خيلتني
اسر بعصبية : انا تكدب عليا اناا .. مااشي ياليل
وليد : هو ايه اللي انا تكدب عليا .. ما عادي ما كلنا بنكدب جت ع البت يعني
اسر : تكدب ع أي حد الا انا
وليد : لا والله مانت ع كلامك انت كمان كدبت ومقولتش انك ابن الالفي من الأول
اسر : كنت عاوز افجائها بوجودي هناك .. واكسرها علشان متفكرش تكدب تاني واعرف ايه سبب كدبها
وليد : لا والله .. وعرفت بقا كدبت ليه
اسر : لا وجهتني بمنتهي البجاحة .. ومقالتش كدبت ليه بردك ومشيت وسابتني
وليد ضحك : تستاهل والله ..
اسر : متعصبنيييش بضحكك دااا
وليد : الله عاوزني اعمل ايه يعني .. اروح امدها ع رجلها واقولها اوعي تكدبي تاني... وانت شاغل بالك اوي كدا بكدبها ليه . . مايام عدي علينا بنات كدابة .. مش اول واحدة يعني
اسر : علشان حطتني انا وعيلتي ف كدبتها
وليد : مش مقتنع بالسبب بصراحة .. بس قولي بقا امها وأبوها طلعوا عايشين برا ولا دي كمان كدبة
اسر : عايشين برا ايه يابني بقولك مش لاقيين يأكلوا .. وجايين يعيشوا عندنا ف الفيلا
وليد : اومال فين اهلها
اسر : بتقول ماتوا
وليد : ياحبت عيني .. تلقيها ناقصها حنان الاب .. ماتشوفها كدا انت عندك حنان كتير اديها شوية
اسر حدفه بكتاب ف وشه : تصدق انا غلطان اني بحكيلك اصلا
وليد بيضحك : اهدي خلاص بهزار .. عاوز اخرجك من المود اللي انت فيه دا
اسر : نقطني بسكاتك وانا هكون كويس
وليد : طيب انا هسكت اهو .. بس مفتكرش الاتنين اللي جايين دول هيسكتوا
اسر بيبص لقي صافي وسارة وصافي بتشاورله من بعيد ..
اسر : مش ناقصها خاااالص
وليد: اتعامل عادي علشان متسألكش ماشي
سارة : هاي ياشباب عاملين ايه
وليد : تمام كويسين
صافي : اسر عامل ايه وحشتني
اسر : انا كويس وانتي
صافي: كويسة طلما شوفتك
وليد : أيوة ياسيدي مين قدك
اسر بصله بغيظ وسكت
سارة: حد قابل ليل خد منها المحاضرات
اسر بتسرع : لا ومش عاوز منها حاجة
البنات استغربت طريقته
وليد خبطه ف رجله وبصوت واطي : ركز هتشككهم فيك
سارة : مش عاوز حاجة منها ليه
صافي بغيظ : هي البت دي عملتلك حاجة يااسر
اسر : لا معملتش بس مش عاوز حد غريب يبقا صاحبنا .. كفاية احنا بس .. وان كان ع المحاضرات كل يوم واحد يجي يكتبها ويديها للباقي
صافي بفرحة : اهو دا الكلام .. انا اساسا مكنتش مرتاحة للبت دي ولا حبتها .. بنت مستفزة
سارة : انا شايفة ان البنت لا مستفزة ولا وحشة.. وبعدين احنا اللي طلبنا منها مش هي اللي جت قالت عاوزة اصاحبكم .. ومظنش يااسر ان احنا يعتمد علينا أن كل يوم واحد فينا يجي لو انت جيت غيرك مش هيجي
وليد : بصراحة سارة عندها حق انا مش هاجي .. ولو جيت مش هحضر
سارة: وانتي ياصافي بزمتك هتكتبي محاضرات ؟؟؟
صافي : اه عادي مكتبش ليه طلما اسر معايا موافقة
سارة : لا ماهو هيكون يوم لوحدك محدش معاكي فيه
صافي : لا طبعا اسر هيكون معايا صح يااسر
اسر : لا انا اقصد كل واحد لوحده
سارة : قولتي ايه ؟؟؟
صافي بترردد : موافقة (رضيت باي حل المهم ليل تبعد عنها)
اسر : خلاص يبقا كدا مافيش غيرك انتي الي معترضة ياسارة
سارة : تمام همشي ع كلامكم بس انا لو غيبت يوم او حد فيكم غاب .. هاخد المحاضرات منها ومحدش يزعل طلما انتو مضربين عنها كدا ومش حابينها
الكل : تمام اتفقنا
_______________________________
نور : اهو ياستي مارشميلو كتير اهو زي ماطلبتي
تونة : طعمه حلو اووي الشماليلو دا يانور .. خدي حتة كدا
نور بتضحك : اسمو مارشميلو ياتونة .. وبعدين انا مش عاوزة انا جايبة كل دا ليكي انتي لوحدك .. بس هطلب منك طلب صغنن قد كدهو
تونة بقها مليان : اولوبي براحتت
نور : بصي بعد ماتخلصي المارشميلو هتيجي معايا تاخدي شاور وهلبسك فستان حلو اوي .. واظبطلك شعرك الحلو دا .. بس كدا .. علشان اونكل زين لما يشوفك يحبك
تونة برقت : انتي عاوزني اعمل كووووول داهون علشان ابو طويلة داا يحبني .. دا لا ممكن اتخلي عن تسرحتي من أجله
نور : طب مش علشان خاطر زين ..علشان خاطري انا .. وبعدين فين التسريحة دي يا تونة بزمتك دي تسريحة
تونة برقتلها : تقصدي ايه يانور
نور بخوف: لا لا مقصدش متزعليش نفسك .. انا عاوزكي تكوني حلوة
تونة : وهو انا في ف حلاوتي
نور : انا عاوزكي تكوني حلوة اكتر واكتر
تونة : خلاص اديني وقت كدا اقلبها ف دماغي .. روحي انتي هاتيلي فستق وتعالي
نور : فستق !
تونة : ايه معندكوش فستق اومال فيلا وسلم وانتو معكوش ٥ جني تجيبوا فستق بيهم
نور : لا عندنا فستق وبنتق كمان
تونة : طب قومي هاتيلي يلا
نور : حاضر
تونة : استني .. افتحيلي التلافزيوه دا عاوزة اتفرج
نور : حاضر .. اهو سندريلا شغال اتفرجي عليه
تونة : تعالي هنا .. ايه سندريلا دا شايفني عيله صغيرة ولا ايه
نور بصيتلها باستغراب
تونة : عاوزة فيلم محمد رمضان .. انتي هتفضلي متنحالي يللاا
نور : حاضر اهو
تونة بترقص : أيوة عبتو موته أيوة غنو معايا أيوة أيوة قولو ورايا عبتو موتة
نور متنحلها
تونة : يلا روحي هاتيلي الفستق والبنتق
نور : انتي بتعامليني ليه كدا
تونة : علشان تبقا تتريقي ع تسريحتي تاني .. يلا روحي
نور : حاضر
تونة : عبتو موتة أيوة أيوة.. عبتو موتة
____________________________
قمر : ليل ايه رجعك بدري كدا
ليل : مافيش حاجة
قمر مسكتها من ايدها : استني انتي مدرية وشك ليه
ليل زقت ايدها: قولتلك مافيش بقا سبيني
قمر : انتي معيطة.. فيه ايه حد عملك حاجة .. قوليلي وانا اجيبلك حقك تالت ومتلت.. مالك ياليل
ليل : قولتلك مافيش لو سمحتي ابعدي عني مش عاوزة اتكلم مع حد
قمر : لا ماهو انا مش هقف اتفرج عليكي وانا شايفكي كدا قوليلي ماالك .. الولا دا عملك حاجة انطقي .. فين عنوانه وانا اروح اطربقها ع دماغه ودماغ اهله
ليل : محدش عملي حاجة ياقمر .. ممكن تسبيني بقا
قمر : ياليل ريحيني انتي عارفة انا مبقدرش اشوفك كدا .. طب محدش جه جنبك .. زعلانة ليه .. علشان مجبتيش الهدوم اللي وعدتك بيها .. حاضر والله هروح للولية اخد منها الجمعية واجبلك اللي انتي عاوزة بس متزعليش .. اضحكي يلا ياليل علشان خاطري
ليل ابتسمت : خلاص ياقمر انا كويسة
قمر : أيوة كدا ياحبيبتي.. اوعي تزعلي تاني .. انا هروح دلوقتي اخد الجمعية ولا تزعلي نفسك ابدا .. ومشيت
ليل انفجرت من العياط تاني
_______________________________
كريم نزل متعصب ع صوت التليفزيون عالي وتونة بترقص ع الاغنية .. راح خد الريموت وطفي التلفزيون
تونة بعصبية بصيتله : انت بتطفي التلفزيووووه لييييه
كريم بصلها بقرف و لسه بيلف ضهره راحت تونة نطت ع قفاه وراحة تعضه
تونة: انا بكررهك ياوللااا انت ونعمة لشوهلك قفاك
نور ونجلاء جم يجروا ع الصوت: انتي بتعملللي اييه
نور شدتها ومسكتها : ليه كدا يا تونة عملك ايه
نجلاء ماسكة كريم وكريم عاوز يضرب تونة : اهدي ياكريم .. عيب كدا يا تونة.. مينفعش تعملي كدا عيب
تونة بعصبية : هو اللي قفلي التلفزيوووه .. هو مش بيحبني
نور : دادة خدي كريم ع اوضته
كريم بيشد نفسه مش عاوز يطلع
نور : علشان خاطري ياكريم اطلع يلا
تونة : غور
نور بتتكلم جد : فتون مش عاوزة مشاكل مع كريم تاني لو سمحتي .. كريم وضعه مختلف عن باقي البيت .. متقربيش لكريم تاني لو بتحبيني مفهوم
تونة هزت رأسها .. ومشيت وهي زعلانة وبتعيط
____________________________________
نجلاء : كريم ياحبيبي اهدا .. متزعلش منها دي ضيفة عندنا .. عيب نعامل الضيوف وحش
نور دخلت حضنت كريم : حبيبي انت كويس .. متزعلش خلاص مش هتقرب منك .. وانت كمان متجيش جنبها يا كريم وتزعلها .. تونة طيبة بس هي اتولدت ف مكان غير اللي احنا فيه .. ممكن تستحملها علشاني انا
كريم هز راسه بالموافقة
نور : حبيب اختك انت
عايدة : نجلاء كنزي بنتك جت تحت
نجلاء بفرحة : كنزي جت .. عن اذنكم هروحلها
نور : واحنا كمان هنيجي معاكي نسلم عليها .. يلا يا كريم
كنزي طلعت تجري حضنت نجلاء: وحشتينييي اووي اووي ياماما
نجلاء: وحشتيني اكتر ياحبيبتي .. انا مصدقتش لما ابوكي قالي انك جاية .. خلاص هتعيشي معانا
كنزي : أيوة عمو احمد هو اللي قالي اعيش هنا .. وهينقل ورق كليتي هنا كمان
نجلاء: الحمدالله يارب .. كدا ابقا مطمنة عليكي وانتي جنبي
نور : اهلا ياكنزي .. عاملة ايه
كنزي : الحمدالله يانور كويسة ..
نور : سمعت انك هتقعدي معانا فرحيني وقولي الكلام صح
كنزي بفرحة : أه اه هعيش معاكم
نجلاء : انتي مكلتيش ياحبيبتي طول الطريق تعالي معايا المطبخ اجبلك اكل
كنزي : يلا
كريم بيبص لمح تونة قعدة بعيد بتعيط .. بصلها ومشي
_________________________________
حكاية_قمر 💕
بقلم_ياسمين_علي ••
_________________________________
قمر راجعة مبسوطة ومعاها كياس كتير ف ايدها ودخلت لقيت تونة وليل نايمين
قمر : ايه دا نايمين ليه دول غريبه .. قومي يابت انتي وهي شوفوا جبتلكم ايه يلا
ليل صحيت وهي عينها ورمة .. قمر شافتها اتضايقت بس عملت كأنها مشفتهاش
قمر : بصي يالولو جبتلك ايه ياحبيبتي .. بصي الفستانين دول هيبقوا عليكي حلوين اوي .. وجبتلك البلوزة دي و السلوبتا دي عجبتني اوي قولت مش خسارة فيكي .. وشوية ميكياچ علشان تدلعي نفسك .. بصي اتفرجي الحاجات حلوة ازاي .. كل دول ليكي ولو عوزتي تاني قولي بس متزعليش ابدا
ليل حضنتها وعيطت
قمر : بس لو تقوليلي ايه اللي جواكي ياحبيبتي
ليل مسحت دموعها: متقلقيش انا هبقا كويسة
قمر : طيب الحاجة عجبتك
ليل : حلوين اوي اوي ياقمر .. ربنا يخليكي ليا
تونة بزعل : وانا مجبتليش حاجة
قمر : وانا اقدر أنساك ياصغير انت تعالي .. بصي الفستان دا حلو ازي وجبتلك تيشيرتين وشورت وبنس لشعرك وجبتلك اللعبة دي كمان مع اني عارفة انها هتتكسر
تونة : انا عاوزة مايوهه انزل بيه بالبسين
قمر: حاضر هجبلك بس مش هتنزلي هنا.. انا هوديكي بسين تاني تنزلي فيه براحتك
تونة : امتا
قمر : قريب بس اصبري عليا شوية
تونة : حاضر
ليل : انتي مجبتيش لنفسك حاجة
قمر : جبت عبايتين
ليل : عباية ليه ماتشتري هدوم عادي زي اللي جبتهملي
قمر : لا طبعا انا خدت ع العباية خلاص .. ملبسش غيرها
ليل: ع راحتك
_____________________________
اسر راجع وبيبص ع المكان اللي قعدة في ليل وبعدين دخل ع الفيلا ..
احمد : حماتك بتحبك تعالي اتعشي معانا
اسر بيبص ملقاش ليل
زين بخبث : تعالي كل وهنخلي عايدة تناديلك ع تونة تفتح نفسك ع الاكل
اسر : لا مش عاوز انا طالع انام
احمد : عملت ايه ف الكلية يااسر ... لو محتاج حاجة اطلب من ليل هتساعدك ..
زين : اه صح دي ليل معاه ف نفس الكلية .. *غمز لأسر* اكيد هتساعدك
اسر بضيق : ماشي .. تصبحوا ع خير
زين : وانت من اهله ياحبيبي
احمد ونور بصوا لزين
زين : في ايه كلوا كلوا
_________________________________
احمد : صباح الخير ياخليل .. ابقا اسقي الزرع اللي ورا متنسهوش
خليل : تحت امرك يابيه ..
احمد : سامح جهز العربية
خليل : أيوة يابيه مستنيك برا من نص ساعة
احمد : طيب شوف شغلك انت
اسر رايح جاي عند المكان الي ف ليل ومستنيها تخرج للكلية
قمر : هو ماله الجدع دا مش واقف ع حيله ليه وبيلف حوالين نفسه
ليل بتبص : فين دا ..
قمر : اهو ياختي .. دا اخو نور التالت شكله ..
ليل شافت اسر سكتت
قمر : الوو روحتي فين
ليل : في ايه ياقمر.. ماعرفهوش الله.. ومشيت
قمر باستغراب: دي مالها دي هو انا قولتلها تعرفوا ولالا ..
انتي ياابت استني
ليل : نعم
قمر : مالك كدا مش عجباني
ليل : ماليش .. ماتعمليلي حاجة اكلها هموت من الجوع
قمر: اه بتسرحي بيا صح .. ماشي هعملك تأكلي بس علشان عندك كلية
ليل : مش هروح
قمر رجعت خطوتين : مش هتروحي ليه ياختي
ليل : عادي عاوزة اخد اجازة يوم
قمر : مش مرتحالك يابت انتي
ليل : يلا بقا بقولك جعانة
قمر : ماشي ياختي ..
ليل راحت تبص تاني علي اسر لقيته لسه ممشيش : خليك لف حوالين نفسك كدا .. مش هروح الكلية بردك ها
________________________
ف أوضة زين موبايله رن
زين بنوم : أيوة .. مين
.... : مين ايه انت مش مسجلني ولا ايه يابني
زين بص الموبايل: اه حازم .. عامل ايه
حازم : الحمد الله يازين .. شكلك نايم
( حازم صديق زين الوحيد .. و ظابط .. )
زين : اه والله لسه مصحتش
حازم: طب فوق كدا علشان انا ف الطريق وجيلك
زين : تنور ياحبيبي مستنيك
____________________________
احمد : وصلت لحاجة ياسامح
سامح : اه روحت الحارة اللي كانت ساكنة فيها واستفسرت عن ام قمر
احمد : ها وعرفت ايه
سامح : في ناس قالو انها طفشت وفي ناس قالو انها ماتت .. معرفتش اتأكد من ان الست دي عايشة ولالا .. بس الاكيد ان الست دي اختفت قبل ظهور فتون
احمد : يعني فتون مش اختهم زي ماتوقعت
سامح : الله اعلم يمكن اختفائها دا اتجوزت وخلفت
احمد : ماهو ف الحالتين تبقا البنت دي مش بنت عبد الحميد
سامح : الله اعلم ويمكن هما التلاتة مش بناته وتشابه أسماء
احمد : بس انا عندي احساس انها بنته
سامح : انا من رأي تفاتح قمر ف الموضوع دا .. وهي اللي تاكدلك ..
احمد : هو دا اللي كنت هعملوا
_______________________________
زين : اهلا الحكومة في بيتنا
حازم حضن زين : وحشني والله يازين ..
زين : وانت كمان والله ... تعالي اتفضل
حازم : حبيبي والله انت عامل ايه . . وكريم وأسر وحشني العيال دي
زين : اهو كويسين كلنا .. عامل ايه انت ف شغلك
حازم : الشغل كويس بس انا زهقت من قلة الاجازات .. دانا واخد الاجازة النهاردة وحاسس انهم هيكلموني
زين بيضحك: مش انت اللي عاوز تبقا ظابط اشرب بقا
حازم : دا ع أساس انك مكنتش معايا يعني
زين أتضايق: ع رايك بس نقول ايه ع ابويا بقا .. يلا مش مهم
حازم : متزعلش كل واحد بياخد نصيبه .. وبعدين انت المفروض تفرح .. الشغل بتاعك يعني حر نفسك.. لا حد يقولك تعالي في مأمورية ولا حاجة
زين : يلا مش مهم بقا .. المهم انت اخبارك ايه
تونة عدت وهما قعدين منكوشة ومغسلتش وشها حتي وراحت قعدت قدام التلفزيون
حازم : ايه دا انت اتجوزت من ورايا ولا ايه ...مين الصغيرة دي
زين بيبص شافها اتعصب : دي ابتلاء بعيد عنك .. وقام راحلها
زين : انتي يابتاعة انتي روحي عند اخواتك
تونة مبتردش عليه
زين : ايه اتخرستي
تونة : بتقول حاجة ان شاءالله
زين : اه بقولك قومي من هنا
تونة بتبص حواليها
زين : بتبصي ع ايه
تونة : بدور ع راسك يمكن اكون قعدة عليها ولا حاجة
حازم ضحك جامد
زين : بقولك ايه ياشبر ونص انتي.. اطلعي برا يلا
تونة وقفت ع الكرسي وحطيت ايدها ف وسطها : مش طالعة هتعمل ايه يعني
زين جه يشيلها
تونة بعلو صوتها : الحقوووووناااي بيتحمرش بياااا
زين حدفها : بتحمرش ايه ياامفعوصة انتي انا جيت جنبك
تونة : ابو طويلة طلع متحمررش .. ابو طويلة طلع متحمرش
زين حط ايده ع بقها : اسكتي يخربيتك خلاااص اقعديي
تونة: ناس متجيش غير بالعين الحمرة
حازم ميت من الضحك
زين : اضحك .. اضحك ع آخر الزمن يتقالي متحمرش .. و بمين .. بامنا الغولة دي
حازم : عسل اوي والله البت دي
تونة : ونبي انت اللي عسل وقشطاا ياقشطاا
حازم بيضحك : الله يخليكي
زين : عجبتك اوي .. خدها معاك وانت مروح بقا
حازم : دي امي هتفرح بيها اوي .. قولي بقا مين دي
زين : قولتلك ابتلاء .. تعالي اقعد
_________________________________
كنزي : هو عمو احمد مقالش هروح الكلية امتا
نجلاء : لا لسه ليه
كنزي : كان نفسي افضل ف كليتي
نجلاء : وبعدين معاكي يعني عاوزة تكوني هناك ولا معانا
كنزي بتضحك : انا عاوزة الاتنين ✌
نجلاء : قولي لابوكي كدا ..
كنزي : مانتي عارفة ان هو روحه هنا .. ومبيعرفش يشتغل ف حتة تانية .. يعني مش هيوافق ترجعوا معايا
نجلاء: كويس انك عارفة .. بتتكلمي كتير ليه بقا
كنزي : يوة ياماما الواحد ميعرفش يفضفض معاكي فضفوضتين شوية
نجلاء : طيب يام فضفوضتين .. خدي العصير دا طلعيه لزين برا
كنزي : عصير ايه لا ماليش دعوة .. فين عايدة
نجلاء : عايدة مشغولة .. خدي يلا العصير طلعيه
كنزي : مش بعرف انا اشيل الصنية هقع بيها ياماما
عايدة: تقعي بصنية فيها كاسين بس .. دانا وانا ف سنك كنت اشيل الصنية يكون فيها بالخمستاشر كأس ع راسي وصنية تانية في ايدي .. ولا اشتكي ولا اقول بم .. بنات آخر زمن
كنزي بعصبية : طيب روحي وديهم انتي .. مش دا شغلك انا مالي .. دا قرف ايه دا
نجلاء : بس يابت عيب .. خدي الصنية طلعيها زي ماقولت يلا .. اعملي بلقمتك ياختي
كنزي : اوووف بقا ياريتني ماجيت اصلا ..
_________________________________
حازم : مش ناوي تفرحنا بيك بقا
زين : انت ابويا مصلتك عليا صح
حازم : يابني ابوك عاوز مصلحتك
زين: انا عارف مصلحتي كويس .. وبعدين انت محسسني انك متجوز يعني
حازم : لا انا انسي .. انا مافيش واحدة هتستحمل شغلي ولا تستحملني شخصيا
زين بيضحك : عندك حق والله انت لا تطاق
كنزي ماشية براحة والصنية بتتهز منها وبتبرطم : يلهوي هتقع هتقع .. عجبك كدا ياماما ..امسكي نفسك ياكنزي .. يارب اوصل اهو اهو قربت
زين : اهو العصير جه .. تعالي ياكنزي حطي هنا
كنزي لسه بتوطي تحطه الكاسين وقعوا .. علشان تتفادي ميجيش حاجة عليها حدفتهم ع حازم كلهم بالصنية ..
كنزي بتبص ع هدومها : الحمد الله مجاش عليا حاجة ...بتبص ع هدوم حازم صرخت : اعااااا انا اسفة والله مااقصد ...
حازم : متقصديش ايه وانتي حدفتيهم كلهم عليا
كنزي عيطت : والله غصب عني انا قولت لماما مش بعرف اشيل الصنية .. وهي صممت تطلعني بيها علشان ست عايدة مش فاضية ...وعايدة اتريقت عليا وقالت اني بنات آخر زمن و انا والله مابعرف أشيل حاجة اعااا انا .......
حازم : خلاص خلاص ياستي انا اللي اسف اهدي
زين : خلاص ياكنزي روحي انتي وخلي حد يجي ياخد هدومه يغسلها
كنزي عيطت اكتر : لا لا لو ماما عرفت هتزعقلي وعايدة هتقول عليا خايبة و..
حازم : خلاصص والله انا همشي كدا وحيات عيالك ياشيخة لتسكتي
زين : تمشي كدا ازاي استني هنا .. تعالي معايا ياكنزي انا هقولهم ..
تونة جت تجري عند حازم قعدت جنبه .. وبتبص حواليها
حازم : في ايه مالك
تونة بتتكلم بصوت واطي : قرب كدا
حازم قرب عليها : ايه قولي
تونة : البت دي كانت قصده تقلب العصير عليك
حازم واخدها ع قد عقلها : بجد
تونة : أيوة ياعبيط افهم .. دي بتوقعك ..
حازم : لا لا يا تونة حرام الظلم
تونة : انا اظلم حد دا عمري عمري عمري ..
حازم : انتي في زيك
تونة : انا قولت انصحك .. بس انا ماليش دعوة بقا .. وقامت مشيت وسابته
حازم باستغراب : ايه البت دي
_________________________________
زين داخل المطبخ وماسك كنزي
زين : نوجه حبيبتي
نجلاء حسيت ف مصيبة : خير
زين : عاوزين بس عايدة خمسة كدا برا
نجلاء: عايدة مشغولة .. انا جاية
زين : لا خليكي انتي ..
نجلاء : مش مرتحالكم انتو الاتنين .. وهاجي انا مش عايدة .. قدامي
كنزي لسه هتعيط .. زين قفل بقها : شششش
نجلاء : عاوزين ايه بقا برا .. وبتبص لقيت حازم هدومه متبهدلة .. يلاهووووي مين عمل فيك كدا .. وبتلف تبص ع كنزي
كنزي بتعيط : مش انا مش انا .. دا هو قلبوا ع نفسه ياماما
حازم : انا
زين غمزله : اه انت ياحازم قلبتوا ع نفسك.. واقلع يلا واديهم لنوجه تغسلهم يلا
تونة : مش عيب عليك واحد ف طولك كدا ويكون كداب .. انوجة البت بتك هي اللي قلبت ع الواد الموز دا العصير .. وقالتله بحبك
حازم : اللللللللللله
نجلاء : اييييييه
كنزي : والله ماحصل والله وقعت العصير بس والله...وطلعت تجري ونجلاء وراها
زين : ابلييس مستخبي ف بقك...الله يخربيتك ياشيخة .. قوم يابني لما نروح نصلح اللي هببته دي
تونة بتتنطط وتطلع لسانها لزين : احسن احسن ياكداب
_______________________________
قمر طالعة شافت كريم قاعد بعيد بيرسم .. راحتله
قمر : ممكن اقعد معاك
كريم بصلها ومردش
قمر قعدت : لما قالولي انك مش بتتكلم .. قولت والله عنده حق .. الواحد ساعات بيزهق من الكلام .. بيبقا عاوز يسكت .. انا نفسي اعمل زيك كدا .. بس مش بعرف بصراحة.. ايه دا وريني كدا .. رسمتك جميلة .. انت موهوب حقيقي .. ع فكرة انا كمان بعرف ارسم ..
كريم بصلها
قمر : اه والله بعرف ارسم .. وانا ف الإعدادية ف حصة الرسم بتاعتنا .. كانت الميس تحبني اووي .. وتقولي انتي أشطر واحدة عندي .. كان رسمي حلو .. بس مش زيك يعني
كريم ساكت .. وزين شافهم قعدين مع بعض وهو ف اوضته واستغرب
قمر بصت ف الرسمة : دي مامتك صح .. كانت حلوة اوي زيك .. عارف ياكريم انا كمان مامتي مشيت وسابتني .. بس في فرق بينا .. انت مامتك سابتك غصب عنها .. انما انا كانت بارادتها ..
كريم وقف رسم وبقا يسمعها
قمر سرحت : كان نفسي تفضل معايا .. انا كنت بحبها اوي .. لما سابتني زعلت جدا جدا .. *بصيتله* بس ممتنعتش عن الكلام .. عارف ليه ؟
كريم كمل رسم ومبصلهاش
قمر : علشان كل واحد في ايده يختار حياته تمشي ازاي .. ومفتكرش ان منعك للكلام دا راحه ليك .. انا عارفة وحاسة بيك انت قد ايه موجوع ونفسك تتكلم .. انا موجودة ف أي وقت حابب تتكلم فيه هسمعك .. يلا بقا انا هقوم علشان شكلي صدعتك ..
هو انا كمان ممكن لما اكون مخنوقة اجي احكيلك
كريم ساكت
قمر : السكوت علامة الرضا طبعا .. يلا اسيبك بقا علشان متضربنيش ..ومشيت وكريم بصلها وابتسم وزين متابعهم من فوق وهيموت ويعرف قالتله ايه خليته يبتسملها كدا
_________________________________
احمد رجع البيت
حازم : ازيك ياعمي عامل ايه
احمد : الحمد الله ياحبيبي .. انت اخبار شغلك ايه
حازم : اهو كويس الحمدالله
زين : جاي بدري يعني في حاجة ولا ايه
احمد : اه .. انا طالع ع المكتب خلي عايدة تنادي قمر تجيلي ع المكتب
زين : نعم !! عاوزها في ايه دي
احمد : بعدين هبقا افهمك اعمل اللي قولتلك عليه بس .. علشان مستعجل وهرجع الشركة تاني
زين واقف متعصب : عااااايدة
عايدة جاية تجري: خير يازين بيه
زين : نادي ع الزفتة اللي اسمها قمر .. وخليها تطلع لبابا ف المكتب
عايدة: حاضر يابيه
حازم : مالك في ايه يمكن عاوزها علشان حوار بيتها
زين : مش حوار بيت .. محدش بيدخل المكتب غير لما يكون الموضوع مهم ياحازم
حازم : طيب اهدي وهو قال هيفهمك
______________________________
قمر : خير يااعايدة
عايدة: احمد بيه عاوزك ف مكتبه
قمر بقلق : متعرفيش عاوزني في ايه
عايدة: لا والله ياقمر..
قمر : ربنا يستر ..
ليل : في ايه
قمر : الأستاذ احمد عاوزني
ليل : وانتي قلقانة من ايه .. هو مش قال هيصلح البيت . . يمكن عاوزك علشان كدا
قمر : تصدقي صح ..
ليل : طيب يلا روحي
____________________________
نجلاء : بقا كدا ياكنزي عجبك اللي عملتي ف الراجل دا
كنزي : والله ياماما غصب عني انا قولتلك مش بعرف
عايدة: اتعلمي ياختي اومال هتتجوزي ازاي
كنزي : ماهو من نبرك دا مش هتجوز
نجلاء : لا دا من خيبتك ياموكوسة
كنزي : اعااا انتي بتنصريها عليا ياماما .. * عيطت * طب والله مانا قعدة معاكم ف المطبخ بقا ها .. وهقول لبابا لما يجي ها بقا .. *ورجعت تاني خطوتين* .. وهتجوز غصب عنك يام أربعة وأربعين انتي ماشي ماشي
نجلاء : البت اتجننت
عايدة : عاملة شبه العيال الصغيرة
نجلاء : ماتبس ياختي انتي كمان .. نازلة تهزيق ف البت من الصبح وساكتة
عايدة: هو انا قولت حاجة
نجلاء : اسكتي طب وشوفي بتعملي ايه
__________________________________
قمر داخلة وزين واقفلها ع السلم
قمر بتتكلم ف سرها : يارب اديني الصبر ومتعاركش مع الجدع دا
زين : ع فين
قمر : الأستاذ احمد طلبني ف مكتبه .. ف حاجة
زين : وهو عاوزك في ايه
قمر بتريقة : اديني خمسة انجم واقولك
زين : انتي هتهزاري معايا
قمر : أستغفرك ربي واتوب اليك .. بقولك ايه علشان انا مافيش خلق اتخانق معاك .. عاوز تعرف عاوزني في ايه اتفضل اطلع واعرف غير كدا متسألنيش ماشي .. عن اذنك بقا
زين واقف متغاظ
تونة شديته من البنطلون: يابو طويلة .. ياابو طويلة
زين بعصبية : عاوزة ايه انتي كمان
تونة : عاوز تعرف هو عاوزها في ايه
زين : حتي لو عاوز اعرف مش عاوز اعرف منك .. اخلعي بقا من قدامي
تونة : خلاص انت حر .. دانا كنت هقولك ان سمعته بيقول هيكتبلها الفيلا باسمها .. خلاص بقا مالكش ف الطيب نصيب
زين شدها وهو متعصب : عرفتي الكلام دا منين يابت انتي
تونة : سيب ايدي طب واقولك
زين سابها راحت طلعت تجري بسرعة وطلعت برا الفيلا خالص
وزين الكلام اللي قالته هيجننه
_________________________
الباب خبط
احمد : ادخلي ياقمر
قمر داخلة متوترة : عايدة قالتلي ان حضرتك عاوزني
احمد : أيوة ياقمر اقعدي
قمر : خير يااستاذ
احمد : خير ان شاءالله .. *طلع صورة* دي صورتك يا قمر صح
قمر مسكت الصورة اتصدمت : أيوة دي صورتي .. جبتها منين
احمد : قبل مااقولك جبتها منين .. عاوز اسألك كام سؤال
قمر بقلق : اتفضل
احمد : فتون اختك انتي وليل ؟
قمر بتوتر : اه يااستاذ هو في حاجة
احمد : طيب .. انتي والدك ووالدتك متوفين صح
قمر : استاذ احمد خش ف الموضوع ع طول لو سمحت
احمد : ردي ع السؤال طيب
قمر : اه اتوفو
احمد : امتا
قمر : بعد اذنك ..
احمد : استني .. انا مخلصتش كلامي
قمر : وانا مش فاهمة كلام حضرتك هيوصلنا لايه .. انا عاوزة اعرف وبعدين ارد ع الأسئلة
احمد : ماشي ياقمر هفهمك ..
*حكالها الحوار الي دار بينه وبين عبد الحميد وان عبد الحميد يكون صاحبه وكل اللي حصل *
وقمر سمعت اللي حصل لابوها وان هو مات وهي كانت عايشة وعندها امل يجي ف يوم وتشوفوا .. وكانت هتعيط اتملكت أعصابها
قمر : وحضرتك عاوز مني ايه دلوقتي
احمد : كل حاجة بتقول ان انتي البنت دي .. بس اللي مستغربوا ان عبد الحميد مقاليش ان عنده بنت تالتة .. عاوز افهم فتون دي بنت مين وازاي اختك
قمر سرحت : فتون تبقا ....
_________________________________
ياتري فتون هتطلع بنت مين .. هنعرف ف الاجزاء الجاية تابعوا ..🤍
حكاية_قمر 🌜💕
بقلم_ياسمين_علي ••
●الجزء السادس●
حكاية_قمر 🌜💕
بقلم_ياسمين_علي ••
نسترجع مع بعض آخر أحداث الجزء اللي فات ..
قمر سمعت اللي حصل لابوها وان هو مات وهي كانت عايشة وعندها امل يجي ف يوم وتشوفوا .. وكانت هتعيط اتملكت أعصابها
قمر : وحضرتك عاوز مني ايه دلوقتي
احمد : كل حاجة بتقول ان انتي البنت دي .. بس اللي مستغربوا ان عبد الحميد مقاليش ان عنده بنت تالتة .. عاوز افهم فتون دي بنت مين وازاي اختك
قمر سرحت : فتون تبقا ....
احمد : تبقا بنت مين ؟
قمر : معرفش
احمد : متعرفيش ازاي
قمر : صدقني معرفش اهلها مين ..
احمد : انا مش فاهم حاجة
قمر : من حوالي ٧ سنين .. كنت شغالة ف بيت كبير .. وف يوم صاحبة البيت اتهمتني اني سرقتها وطردتني من الشغل .. والشغل دا كان بنسبالي كل شئ .. بقيت ماشية ف الشارع اعيط ع حالي وع الظلم اللي حصلي .. وافكر هصرف ازاي ع ليل .. هاكلها منين دا مصدر رزقي الوحيد الشغل .. رجلي جابتني لحد جامع .. دخلت اصلي وادعي ربنا ان يكرمني ويظهر الحقيقة .. ويقدرني واصرف ع اختي خرجت وانا عندي امل كبير اوي ف ربنا .. لقيت بنت صغيرة لسه مولودة و بتعيط بحرقة .. لقيت نفسي بجري عليها باخدها ف حضني .. حسيت ان ربنا بعتهالي تطبطب عليا واطبطب عليها .. صعبت عليا رميتها ف الشارع .. خدتها البيت غيرتلها وجبتلها لبن ... ونمت وسلمت امري لله.. تاني يوم ربنا ظهر الحقيقة وصاحبة البيت كلمتني واعتذرتلي ورجعتني الشغل .. فرحت وقولت دي وش الخير عليا ..
احمد : طيب ومودتهاش ملجأ ليه ؟
قمر : كنت هعمل كدا والله .. بس مقدرتش استغني عنها .. مكنتش هرتاح لما احطها ف ملجأ وامشي واسيبها .. مش عارفة مين الجبروت اللي رميت بنتها ف الشارع ومشيت .. دانا اللي لا من لحمي ولا دمي مقدرتش استغني عنها !!
احمد : ازاي سجلتيها وطلعتلها شهادة ميلاد
قمر بتوتر : بصراحة خليت واحد معرفة شغال ف السجل المدني .. هو اللي يعملهالي حكيتله الحكاية واترجيته .. صعبت عليه انا و البنت عملهالي
احمد : يعني انا كان معايا حق لما قولت انك بنت عبد الحميد
قمر بضيق : أيوة للاسف انا بنت الراجل دا
احمد : آخر مرة شوفتوا فيها كان ندمان
قمر : وهيفيد بايه الندم بعد اللي حصلنا بسببه .. ربنا يرحمه ويسامحه
احمد : وانتي هتسامحيه !
قمر : اسمحه ! ع ايه ولا ع ايه .. انا شوفت كتير منه .. مهما كان ايه اللي حكهولك دا 1 % من اللي عملوا فيا وانا صغيرة ..
احمد : كلنا بشر وبنغلط .. وهو ندم ع اللي عمله وحس بغلطه .. هو محتاج منك تسامحيه بس
قمر : غلط عن غلط يفرق يااستاذ احمد .. عن اذنك .. اه صح ياريت اللي حكيته محدش يعرفه
احمد : اكيد مش هقول .. استني خدي الأمانة بتاعتك
قمر : امانة ايه ؟
احمد : عبد الحميد سايبلك الورق دا .. كل حاجة تخص املاكه
قمر : بس انا مش عاوزة حاجة منه
احمد : دي امانة عندي من سنين .. ياريت تاخديها علشان تريحيني .. الواحد مش ضامن عمره ..
قمر : بس
احمد : مبسش خديها مني واللي عاوزة تعمليه فيها اعمليه .. بس ابقا اديتك امانتك .. اتفضلي
قمر خدت الورق ومشيت
_____________________________
كنزي واقفة بتعيط برا وحازم طالع شافها
حازم : انتي لسه بتعيطي .. خلاص حصل خير ..
كنزي بعياط : اهئ اهئ بيعايروني ويقولو عليا خايبة .. وماما بتنصر ام أربعة واربعين عليا وانا والله ماكان قصدي محدش مصدق ليه .. انا غلطانة اني جيت هنا انا كنت عايشة مع عمتي ... اهئ اهئ حتي عمتي كانت تقول عليا فاشلة ... يارب ريحني من الناس دي بقا .. انا غلطانة اني جيت الدنيا اصلا
حازم : دانا غلطان اني جيت هنا .. دا كان يوم ازرق لما قولت اشوف زين .. انتي ايه مبتفصليش .. قنواتك الدمعية مبتتعبش .. مبتصدعيش طيب .. في ايه مش كدا ياماما ..
كنزي بعياط اكتر : اعااا وانت كمان بتقول عليا كدا .. كلكم متفقين عليا اهئ اهئ .. انا همشي من هنا كمان .. اروح فين بس ياربي اهئ اهئ *ومشيت تعيط وتكلم نفسها*
حازم باستغراب : لا دي مش طبيعيةة !!
_______________________________
زين رايح جاي .. وقمر نازلة ماسكة الورق وسرحانة
زين : قمرر
قمر ماشية سرحانة و مش سامعة
زين راح شدها من ايدها جامد : انا مش بكلمك .. ردي عليا
قمر زقته : انت ازاي تشدني كدا ..
زين : بنادي عليكي مبترديش
قمر : وانت تنادي عليا ليه اصلا !! .. ابعد عن طريقي
زين : ايه الورق اللي ف ايدك دا
قمر بعصبية : وانت مالك ياخي .. حاشر نفسك ليه
زين : انتي هنا في بيتي .. ولازم اعرف ايه اللي ف ايدك دا .. وريني
قمر بعدت الورق عنه : قولتلك مالكش دعوة ..
زين بعصبية وبيشد الورق : ورريني ايه الورق دااا بقولك
الورق وقع ف الأرض .. زين نزل يجيبوا بسرعة ..
والكل جه ع صوتهم
زين بابتسامة: الللله .. شيك ب 10 مليون جنية باسمك وياتري بقا دا لييه !!!
قمر اتصدمت
احمد : ايييه بيحصل هنا !!
زين : كويس انك نزلت .. عاوز افهم ايه داا
احمد : وطي صوتك وانت بتكلمني ..
زين بعصبية : انا عاااوز افهمم الأول ايه دااا
احمد : دا ميخصكش .. اديها حاجتها .. واتفضل روح ع شغلك
زين : شغل ايه بقا .. وانت جايب واحدة من الشارع تديها حقنا..
احمد : اخررررس .. انت مش فاهم حاجة ..
زين بعصبية : فاااااهمني
احمد : طول مانت متعصب كدا مش هفهمك .. اديها حاجتها .. وبليل نتكلم
"زين رمي الشيك ف وش قمر ومشي وهو متعصب "
قمر لمت الورق والكل بيبصلها وبتحاول تداري نفسها من عيونهم .. وخرجت برا الفيلا خالص وانفجرت من العياط
__________________________________
زين وصل الشركة متعصب والموظفين و اقفين كلها بيبصولو
سهر بصيت للموظفين : كل واحد يركز ف شغله ممكن
.. وراحت ورا زين ع مكتبه
سهر : خير يازين مالك ؟
زين بعصبية: لو سمحتي يا سهر اخرجي
سهر : اهدي طيب قولي في ايه بس
زين بعصبية اكتر : بقولك اخرررجيييي
سهر خرجت وهي بتعيط
_____________________________
وليد : ايه يااسر فينك
اسر : انا لسه مخلص آخر محاضرة اهي .. هبعتهالكم
وليد : مبسوط يعني بقرارك دا
اسر : اه مبسوط .. مش هناخد منها حاجة تاني
وليد : طيب انت روحت النهاردة.. مين هيروح بكرا
اسر : صافي
وليد : انت بتلبسها
اسر : اه بصراحة .. مش هي مبسوطة ان ليل مبقتش صاحبتنا .. تشرب بقا
وليد : مافيش غيركم مبسوطين .. انما انا والبت الغلبانة التانية مش موافقين ع القرار دا ..
اسر : لا والله .. هترجع ف كلامك
وليد : لا ياحبيبي انا من الأول قولت مش هحضر .. الليلة دي انا براها
اسر : بقا كدا .. طب مالكش محاضرات عندي بقا
وليد بيضحك : ولا يفرق معايا .. اروح اخدها من لولو
اسر : طب غور يلا بقا .. سلام سلام
__________________________________
حكاية_قمر 🌜💕
بقلم_ياسمين_علي ••
قمر رجعت من برا وبتمسح دموعها .. شافت كريم قاعد وباصصلها راحتله تقعد معاه .. وهو عمل نفسه بيرسم ومش مركز معاها
قمر : انا اتفقت معاك اني لما اتخنق هحكيلك صح
كريم مردش
قمر عيطت : انا متضايقة اوي اوي .. ليه اخوك بيعاملني كدا مع ان والله بحاول متقابلش معاه .. بس هو مصمم يحشر مناخيره ف كل حاجة.. لحد ما هيخليني اكسرهالو ف مرة ..
*كريم ضحك من غير صوت*
قمر ابتسمت : ضحكتك حلوة ياكريم .. عارف انت اكتر حد ارتحتله ف البيت دا .. واقدر احكيلك أي حاجة وانا ضامنة انك مش هتتكلم ..
كريم ساكت
قمر : طيب انت كمان ارتحتلي .. ولا شبه بوز الأخص اخوك .. اللي لما يشوفني يركبه ميت عفريت .. مش عارفة حاطت نقره من نقري ليه .. كأني مرات ابوه .. لا داهية يكون فاكر ابوه كان عاوز يتجوزني !!!
*كريم قام وسابها ومشي يضحك ع كلامها*
قمر : يوووة انت رايح فين .. ماتستنا انا مخلصتش فضفضة ..
_______________________________
زين راح ع مكتب سهر
زين : ممكن ادخل
سهر بتمسح دموعها : اتفضل
زين : احم احم انا جاي اعتذر ع الي حصل .. انا بس كنت متعصب شوية
سهر : محصلش حاجة .. انا اللي مكنش المفروض اتدخل ف خصوصيتك
زين : مش دي الفكرة .. بس انا كنت عاوز ابقا لوحدي
سهر : حقك .. انا اللي اسفة
زين : متعتذريش .. انا اللي المفروض اعتذر
انتي مالكيش ذنب ف اللي حصل علشان اتعصب عليكي .. هي اللي المفروض اطلع كل عصبيتي عليها واكسر دماغها
سهر باستغراب : هي مين
زين : واحدة من الشارع .. بابا جابها تعيش معانا هي وأخواتها
سهر : لا واحدة واحدة علشان مش فاهمة .. اونكل احمد جايب ناس من الشارع تعيش معاكم فهمني ازاي
زين : هحكيلك ..
_________________________________
قمر داخلة براحة تخبي الورق من غير ما حد يشوفها
تونة : بتعملي ايييه
قمر اتخضت : يخربيتك طلعتي منين انتي
تونة بتضحك : كنت قعدة مستنياكي .. لقيتك داخلة تتسحبي روحت استخبيت علشان افجعك .. فجعتك صح
قمر : انتي قطعتي خلفي ياشيخة
تونة : المهم كنت بتخبي ايه بقا
قمر : كنت.. كنت بشيل ورق ليل شكلها كانت بتذاكر ونسيته قولت اشيلهولها
تونة : امممم طب واللي يشيل ورق ليل يدخل يتسحب ليه بقا ياست قمر
قمر : روحي نامي يا تونة
تونة ضيقت عينها : اظاهر ان ف سر كبييير اوي .. بس ع مين ..
قمر : روحي نامي يابت
تونة : ماشي ياقمر .. *وشاورت بصوبعها الاتنين ع عين قمر * ... عيني عليكي خليبالك
قمر مستغربة وبتكلم نفسها : يلهوي 7 سنين ايه دانا اللي عندي سبع سنين مش هي
__________________________________
احمد : نجلاء زين جه ولا لسه
نجلاء : اه من نص ساعة ودخل ع اوضته
احمد : كويس .. عاوزك تبعتي عايدة للولاد علشان ينزلوا يتعشوا كلهم .. وتنبهه عليهم ينزلوا علشان عايز اتكلم معاهم
نجلاء : حاضر
________________________________
فاروق : ممكن ادخل
صافي : اتفضل يابابا
فاروق : بنتي حبيبتي مبتنزلش تقعد معايا ليه .. من ساعة ما جيت من السفر مشوفتكيش
صافي : والله يابابا مشغولة .. اصل بقيت اروح الكلية
فاروق : ع كدا بتحضري المحاضرات
صافي : اه طبعا مبفوتش محاضرة .. اصل ناوية اخد السنادي جد .. علشان ع الاجازة كدا اسر يجي يخطبني
فاروق : بجد .. هو قالك كدا
صافي : لا هو مقالهاش بطريقة مباشرة .. بس حسيت ان هو عاوز ينجح السنادي اوي .. إحساسي ان ف خطوة هتحصل بينا بعد النجاح دا .. ادعيلي يابابا
فاروق : يارب يابنتي .. انا مش عاوز حاجة غير اشوفك فرحانة .. تعالي ف حضن بابا
سهر داخلت فجأة : صافي انا كنت عاوزة . ..
فاروق : انتي جيتي .. عملتي اللي قولتلك عليه
سهر : هعملوا
فاروق : يعني اقتنعتني دلوقتي بكلامي
سهر : مقتنعتش بحاجة ..بس اهو امر زي أي أمر كنت باخده منك
فاروق : جدعة وعارفة مصلحتك ..
صافي : كنتي عايزة حاجة يا سهر
سهر : لا كنت هطمن عليكي .. عن اذنكم
صافي : بابا انت ليه بتعاملها كدا .. دي سهر طيبة اوي
فاروق : مالكيش دعوة انتي يا صافي بالشغل .. احنا اخوات وفاهمين بعض
صافي : ماشي .. انا هنام بقا تصبح ع خير
فاروق : وانتي من اهله ياحبيبتي
__________________________________
الكل قاعد ع السفرة .. وزين قاعد مش طايق نفسه
احمد : انا جمعتكم كلكم علشان عاوز اوضحلكم حاجات .. مش عاوز حد فيكم ينساها
نور : اتفضل يابابي
اسر : خير يابابا
احمد موجه كلامه لزين : اولا البيت دا بيتي .. مش من حق أي حد غيري يقول مين يقعد ومين يمشي .. او اي حد يتدخل ف حاجة متخصهوش
زين : ولو الحاجة دي تخصه !!!!
احمد : قولت متخصهوش يبقا متخصهوش
اسر : اهدوا ياجماعة هو في ايه انا مش فاهم !!
زين : اقولك ياحبيبي في ايه .. ابوك كتب شيك للست زفتة اللي اجبرنا ع وجودها معانا هنا .. ب 10 مليون جنية
اسر : اييه ؟؟؟
احمد بعصبية : انا مكتبتش لحد حاجة .. دي فلوسها
زين : لا والله واحدة كانت عايشة ف حارة .. تمتلك المبلغ دا ازاي
احمد : اللي بتتكلم عنها دي وتغلط فيها دي تبقا بنت صاحبي .. والفلوس دي ابوها كان سايبهالها هي وأخواتها معايا .. وكنت بدور عليها والصدفة خلتني اوصلها .. فهمت بقا
زين : وانا ايه اللي يخليني اصدق
احمد : الشيك اللي انت مسكته كان بتاريخ قديم .. لو كنت ركزت كنت عرفت قبل ماتحكم ع البنت وتظن فيها وتتهمها بالباطل ..
اسر بفرحة : يعني ليل تبقا بنت صاحبك ..
الكل بصله
اسر : اقصد ليل وقمر وكلهم يعني
نور : بابي هو دا عبد الحميد صاحبك اللي كنت حكيتلي عنه زمان ؟
احمد : اه يانور هو .. شوفتي الصدف .. تبقا عايشة معايا ومعرفهاش
نور : الحمدالله .. كدا بقوا من اهلنا
احمد : اه يانور واستحالة ارجعهم الحارة دي تاني .. وانت ساكت ليه دلوقتي
زين : معنديش حاجة اقولها
احمد : بس انا عندي .. انت لازم تروح تعتذرلها علي اللي قولتو الصبح
زين : مش هعتذر لحد انا . . عاوزني اشوفها نازلة بشيك من مكتبك .. واسكت
احمد : اه تسكت .. طلما مش فاهم يبقا تسكت .. مش تجرح ف الناس وخلاص .. ويكون ف علمك من هنا ورايح تعاملهم باحترام
زين : مش هتعامل معاهم اصلا .. عن اذنكم
احمد : يكون احسن بردك
نور : بابي متنساش ان عيد ميلادي كمان يومين يعني مش عاوزة شغل اليوم دا ماشي
احمد: ودي حاجة تتنسي بردك يا حبيبتي.. متقلقيش مش هنزل شغل اليوم دا .. علشان خاطر عيونك
نور حضنت احمد : ربنا يخليك ليا يااحلي بابي ف الدنيا .. انا هطلع بقا علشان اكلم صحابي .. وانت يا اسر اعزم وليد وصافي وسارة
اسر : حاضر هعزمهم .. وانتي ابقا اعزمي قمر وليل وتونة
نور : دول مش محتاجين عزومة اصلا .. رجعت تاني خطوتين .. غريبة يعني انت مهتم اوي بيهم كدا مع انك متعاملتش معاهم ؟
اسر بتوتر : عادي مش ضيوف عندنا .. لازم نهتم بيهم ولا ايه يابابا
احمد بمكر : اكيد طبعا .. وبص لنور وضحك
اسر : ممم طب انا اطلع انام احسن .. تصبحوا ع خيير
______________________________
ليل : قمر .. قمر .. اصحي
قمر بنوم : هي الساعة بقيت كام
ليل : الساعة ١٢
قمر : انا نمت كل دا ازاي.. وانتي مصحتنيش
ليل : كان شكلك تعبان قولت اسيبك نايمة .. المهم دلوقتي انا عاوزة المصروف علشان راحة الكلية
قمر : البوك عندك خدي اللي عاوزة .. هي فين البت تونة
ليل : قعدة برا تقريبا
قمر : اما اقوم اشوفها.. احسن دي متقعدش ف حتة غير وتجبلي مصيبة فيها ..
ليل : طيب انا راحة الكلية سلام
قمر : خليبالك من نفسك
ليل : حاضر
_____________________________
نور : عم خليل .. عم خليل .. تعالي ساعدني
خليل : تحت امرك ياست نور
نور : خد الحاجات دي طلعها اوضتي
خليل : حاضر ياست نور
تونة جاية تجري ع نور : الله ايه كل الحاجات دي يانور .. انتي هتعملي فرح ولا ايه
نور : لا مش فرح دا عيد ميلادي بكرا
تونة نطت وسقفت : هييييييه .. اخيرا الفرحة هتدخل بيتكم الكئيب دا
نور بتضحك : طيب يا تونة مش هتساعديني بقا .. دانا عملالك مفاجأة حلوة اوي
تونة : موفجأة ايه موفجأة ايييه
نور : تعالي ورايا وهقولك
تونة : ف ديلك اهو
قمر : بت ياتوونة .. راحة فين
نور : هتيجي معايا ..
تونة : هطلع اشوف الموفجأة
قمر : مفاجأة ايه
نور : هتعرفي لما تنزل
قمر : مابلاش تدخل الفيلا علشان محدش يضايق
نور : متقلقيش زين مش جوا .. مافيش ف الفيلا غير كريم واهو قاعد بيرسم هناك اهو وأسر نايم .. يعني مش هتحصل مشكلة
تونة : ونبي يااقمر سبيني اشوف الموفجأة .. ونبيييي ونبييي
قمر : خلاص ياتوونة بطلي زن .. روحي
تونة : هيييييييه .. وطلعت تجري ع فوق
قمر : شوفي البت مصدقت
نور : متقلقيش عليها ياقمر .. تونة غلاوتها من غلاوة كريم .. وانا كان نفسي من زمان ف اخت صغيرة .. بس محصلش نصيب
قمر : ان شاءالله ياحبيبتي نفرح بيكي .. وتجبلنا انتي البنت ..
نور : ان شاءالله .. صح بكرا عيد ميلادي طبعا هتكوني موجودة
قمر : اعذريني يانور انا مش هينفع احضر .. انتي شوفتي اللي حصل امبارح وانا بصراحة مش طايقة ابص ف خلقة اخوكي
نور : والله بابي دافع عنك وجبلك حقك وطلب منه يعتذرلك .. بس طبعا زين دماغه ناشفة ومبيعتذرش
قمر : انا لا عاوزة منه اعتذار ولا أي كلام بيني وبينه اصلا ..
نور : طيب والعيد ميلاد
قمر : ليل وتونة هيحضروا بس ونبي ياختي اعذريني انا ومتزعليش مني ..
نور : ماشي ياقمر هسيبك ع راحتك
تونة طلعت من بلكونة أوضة نور : ماتخلصونا بقا ف الليلة دي عاوزة اشوف الموفجأة
نور بتضحك : طالعة اهو متزعليش نفسك
تونة : روحي يا قمر الله يسهلك وسبيها تطلع
قمر : ماشي يام لسان طويل ..
نور : انا هطلع بقا قبل ماتنزل تضربنا .. عاوزة حاجة
قمر : لا ياحبيبتي سلامتك
____________________________
حكاية_قمر 🌜💕
بقلم_ياسمين_علي ••
ليل خلصت محاضرات وبتدور ع حد تديهالوا .. لمحت صافي قعدة
ليل : ييييه هو مافيش غير البومة دي .. هروحلها وامري لله
ليل : ازيك ياصافي
صافي بعدم اهتمام : اهلا
ليل : دي المحاضرات بتاعت النهاردة .. علشان امبارح ...
صافي قطعت كلامها : مالهاش لزوم خلاص مش محتاجنها
ليل : مش فاهمة ؟
صافي : ايه الصعب ف اللي قولتو .. بقول مش محتاجين منك محاضرات سهلة اهي
ليل : دا من امتا .. ومين قال كدا اصلا
صافي : من امتا من يومين .. مين قال كدا بقا ف هو اسر .. بصراحة كدا قال ان هو مش حبك ومش عاوز واحدة غريبة تدخل الشلة وكلام كتير قالوا عنك .. مش عاوزة اقولو علشان متضايقيش .. ف وفري ع نفسك المحاضرات دي مش محتاجنها
"ليل اتغاظت من كلامها وحبيت تحرق دمها هي كمان "
ليل بابتسامة : اسر هو قال كدا .. بصراحة مش مصدقة كلامك
صافي : ومتصدقيش ليه ان شاءالله ..
ليل : لا ولا حاجة .. ع العموم انا لما اشوفوا النهاردة هبقا اسألوا .. سلام ياحبيبتي
صافي : استني عندك .. تشوفي فين.. انتو هتخرجوا مع بعض !!!!
ليل : مين جاب سيرة الخروج دلوقتي
صافي : اومال ايه لما تشوفي دا
ليل : اشوفوا ف الفيلا هيكون فين يعني .. ايه دا هو اسر مقالكيش اننا عايشين مع بعض ف نفس الفيلا ؟ ازاي ينسا يقولك
صافي بعصبية : فيلا ايه .. انتي عايشة مع اسر .. انتي واحدة كدابةة
ليل : تؤ تؤ وهكدب ليه بس .. اونكل احمد يعرفنا وجبنا نعيش عنده ف الفيلا .. انتي اتضايقتي ولا ايه .. لو عاوزني اكلم اونكل احمد تيجي تعيشي معانا انا موافقة .. بس هدي اعصابك
صافي بعصبية : غوررري من وشي
ليل بابتسامة : انا كدا كدا كنت ماشية انتي اللي وقفتيني .. يلا بااااي
"صافي بعصبية قلبت الطربيزة و مشيت و الناس واقفة تتفرج "
_________________________________
حكاية_قمر 🌜💕
بقلم_ياسمين_علي ••
_________________________________
نور : انا جيت اهو يا تونة
تونة : اخيرا .. ها فين الموفجأة بقا ها
نور بتدور ف الكياس : استني ..
تونة : ها
نور : اهم .. ( فساتين أشكالها مختلفة وشيك اوي لتونة ) بصي ايه رايك ف دول
تونة برقت عينها : الللله كل دوول علشانني .. دول حلوينن اووووي اووي .. هاتي البسهم
نور : استني بس .. مش المفروض تاخدي شاور حلو كدا ونظبط شعرنا الجميل دا وبعدين نلبس الفساتين دي
تونة : يعني عاوزني علشان اللبس الفستان .. استحما واسرح الاتنين
نور : اه الاتنين
تونة : لا ياستي يفتح الله .. مش عاوزة
نور : استني بس يا تونة . . مش انا اتفقت معاكي
تونة : انا مبتفقش ع الحاجات اللي تفرهد دي
نور : فرهدة ايه بس يا تونة استني .. دادة نجلااء يادادة
كنزي : ايه يانور ف حاجة
نور : دادة نجلاء فين
كنزي : خرجت تشتري حاجات . . لو محتاجة حاجة اعملها انا
نور : عاوزكي تساعدي تونة وهي بتاخد شاور
تونة :.. نور انا مش عاوزة الموفجأة خلاص خديها انتي ياكنزي
نور : لا يا تونة دي ليكي انتي . . مفاجأة كنزي هتاخدها هي كمان ..
تونة : ايه هتحميها هي كمان .. هو العيد جه ولا ايه
نور بتضحك: اه عيد ميلادي بكرا
تونة : طب ياستي استحمي انتي احنا مالنا
نور : لا انتي كمان لو بتحبيني روحي مع كنزي ع الحمام يلا
تونة : ماشي يانور علشان خاطرك .. وقربت من كنزي بصوت واطي .. عارفة لو الماية جت عليا هفقعلك عينك
كنزي : ياماما لا ونبي يانور استني ماما لما تيجي تحميها هي
نور : وبعدين بقا يا تونة يلا بلاش دلع
تونة بتتصنع الزعل : حاضر .. حاضر
_______________________________
موبايل اسر بيرن
اسر بنوم : أيوة ياصافي في حاجة
صافي بعصبية : انت ازاي متقوليش ان ليل عايشة معاك
اسر : اتكلمي عدل بس الأول .. وانتي عرفتي منين
صافي: كل اللي همك عرفت منين ومش همك النار اللي جوايا.. بقا هي عايشة معاك . . وعامل قدامنا انك مش طايقها
اسر : علشان دي الحقيقة
صافي : لا والله وطلما مش طايقها .. سايبها ف البيت ليه .. حالا تطرد من عندك حالا
اسر : والله بابا هو اللي جايبها ومش هيطردها علشاني
صافي : وهو باباك يعرفها منين اصلا وايه حكايتها
اسر : ليل تبقا بنت صاحب بابا وفي مشكلة ف بيتهم وبابا جابهم عندنا.. ( مرداش يقولها ع حاجة تخص ليل علشان صافي متمسكهاش عليها )
صافي : تمام يااسر .. يبقا انت اللي تروح تقعد عند وليد لحد ماتغور
اسر : انتي هتحكمي عليا اقعد فين ..
صافي بعصبية : اه هحكم عليك .. علشان انت بتاعي انا يااسر مش هسيبك ليها
اسر : انتي اتجننتي رسمي.. لما تعقلي وتفهمي اللي بتقوليه ابقا كلميني .. سلام
صافي بعصبية حدفت الموبايل كسرته : مااشي ياليل .. انا هوريكي
_____________________________
"فقرة حُما تونة "
تونة : اوعي بقا كفاية كدا
كنزي : انا لسه عملت حاجة
تونة : خلاص ياستي انا رجعت ف كلامي مش عاوزة
كنزي : انا هقوم انادي ع نور
تونة : خلاص خلاص اقعدي .. يباي عليكي بت
كنزي : أيوة كدا
تونة : اعملي وانتي ساكتة بدل مااغرقك ف البانيو دا
كنزي: انا ايه الي خلاني اتدخل ماكانت نور استنت ماما
تونة : حظك تقعي فيا .. اخلصي بقا يلا
__________
" فقرة الشعر "
تونة لابسة بورنص ع قدها وقعدة كنزي ماسكة شعرها
تونة : اي اي برااحة شوية يابت انتي
نور : براحة عليها ياكنزي
كنزي: والله يانور براحة بس هي شعرها مكلكع خالص .. انتي مبتسرحهوش
تونة : ماهي دي التسريحة ياجاهلة .. اي متشديش والله هلفلك اكلك قلم
كنزي : لالا دي لسانها طويل اوي يانور .. خدي اعملي شعرها انتي
نور : معلش ياكنزي كملي جميلك .. وانتي يا تونة احترمي كنزي علشان هي أكبر منك
تونة : طب خليها متشدش طيب
كنزي : مش هشد اهو ... كدا كويس
تونة : اه خلصي يلا
_______
" تونة لبست و سرحت شعرها وبقا شكلها حلو اوي "
كنزي : اخييررراا ..
نور بفرحة: ايه رايك يا تونة
تونة بصة ف المرايا وفرحانة وبتلف بالفستان : شكلي حلو اووي .. انا مبسوطة وراحت حضنت نور وباستها وحضنت كنزي وطلعت تجري بالفستان في الفيلا
وكنزي ونور بيتفرجوا عليها وفرحانين لفرحتها
تونة نازلة تجري ع السلم شافت نجلاء
تونة راحت عليها : بصي يانوجة كنزي عملتلي ايه ..
نجلاء : بجد كنزي اللي عملت كدا .. شكلك حلو اوي يا تونة .. اوعي تبهدلي هدومك بقا
تونة : مش هبهدلها خالص .. وطلعت تجري ع برا وهي طايرة بالفستان
__________________________________
اسر : أيوة ياسي زفت
وليد : ايه دا مالك يابني
اسر : بقا احكيلك حاجة .. تروح تقول لصافي عليها ما هو انا غلطان اني حكيتلك حاجة اصلا
وليد : حاجة ايه دي والله ماقولت حاجة
اسر : اومال عرفت منين ان ليل عندي
وليد : والله يابني ماقولتلها حاجة
اسر : ولا قولت لسارة .. ممكن تكون قالتلها
وليد : سارة ايه لا طبعا مقولتش لحد
اسر : اومال عرفت منين !!!
وليد : تفتكر قابلت ليل وقالتلها
اسر : اه صح دول كانوا ف الكلية النهاردة . . يبقا هي ليل .. طيب اقفل وانا هشوف الموضوع دا .. سلام
وليد : سلام
____________________________
تونة بتخبط .. قمر فتحت
قمر بفرحة : ايه الحلاوة دي يابت يا تونة
تونة بتلف : بصي بصي الفيونكة اللي ف الفستان حلوة ازاي
ليل : اش اش اش ايه الشياكة دي كلها يابت .. معرفتكيش
تونة : دا اقل حاجة عندي .. انا محبتش ازود ف الحلاوة لاحسن اكل الجو منك
قمر بتضحك : لا انتي كدا كلتي الجو مننا كلنا
ليل : هتاخد قلم ف نفسها كدا
تونة مسكت الفستان و بتغني : لولا الملامة ياولا لولا الملامةةة .. لافرد جناحي ع الولا زي الحمامة
ليل : ولا مين اللي تفرضي جناحك عليه
تونة : واطششيرر وارفرف ف الفطااار
ليل : فطااار !!!! اسكتي خالص متغنيش
قمر : بس يا ليل سبيها . . غني يا تونة
تونة : وكفااايييعع عووومرري كففااية عوووومرري كفاااايةة عووومرري .. كففااية عومررري ... كفاااااايه عووومرري
ليل : الشريط سف ولا ايه
قمر بتضحك : باينه كدا
تونة : يوة مش فاكرة الباقي .. غني معايا ياقمر
قمر : لا قمر مين اللي تغني
ليل : أيوة ياقمر غني انتي .. ارحم من الجعورة دي
تونة : هرزعك قلم
ليل : خلاص انا اسفة ياستي .. يلا ياقمر غني انتي
قمر : لا غنوا انتو وانا قعدة اسمعكم
ليل : طيب ابدئي انتي واحنا هنغني معاكي
تونة : أيوة أيوة ونبي يلا ياقمر
قمر : خلاص ماشي متزنوش
_
قمر بدءت تغني :
لولا الملامه يا هوى لولا الملامه ... لافرد جناحي عالهوا زي اليمامه
ليل وتونة : لولا الملامه يا هوى لولا الملامه ... لافرد جناحي عالهوا زي اليمامه
قمر : واطير وارفرف بالفضا
... واهرب من الدنيا الفضا
وكفايه عمري .. كفايه عمري اللي انقضى
وانا بخاف الملامه .. وانا بخاف الملامه
وآه من الملامه
---
" زين معدي وسمع الصوت وقرب يشوف مين بيغني "
قمر : سالوني كتير .. سالوني كتير سالوني سالوني عليه
ليل وتونة : بتحبيه ..؟
قمر : ايوا ايو وهنكر ليه ..
ليل وتونة : لييه
قمر : بصولي ملام .. وقالولي كلام جراح
ليل وتونة : اااااه اااه
قمر : فرشولي الارض .. فرشولي الارض دموع .. والشمس جراح
كل دا كله عاشان حبيت
.. ولا عاشان قلت انا حبيت
" زين واقف بيسمع ومستغرب الرقة ف الغني والصوت دا طالع ازاي من قمر "
لولا الملامه يا هوى لولا الملامه
لافرد جناحي عالهوا زي اليمامه
واطير وارفرف بالفضا ..واهرب من الدنيا الفضا
وكفايه عمري .. كفايه عمري اللي انقضى
وانا بخاف الملامه .. وانا بخاف الملامه
وآه من الملامه
---
تونة بتسقف جامد وليل بتصفر : أيوة ياست قولييي كمان قولي
ليل : عظمة ع عظمة والله
قمر بتضحك : بس هتفضحونا اسكتوا .. انا هروح مشوار بسرعة واجي
ليل : ع فين يافنانة
قمر : عيد ميلاد نور بكرا هروح اجبلها هدية .. مش هتأخر
لسه بتخرج .. زين استخبي بسرعة علشان متشفهوش .. اطمن انها مشيت بيطلع .. لقي كريم ف وشه ورافع حاجبه
زين بارتباك : انا.. انا كنت جاي لقيت
كريم ابتسم و راح يكمل رسم
زين : اوووف امشي بسرعة قبل ماحد تاني يشوفني
________________________________
اسر بعت رسالة ل ليل
( عاوز اشوفك ضروري .. اطلعي مستنيكي )
ليل ابتسمت و فهمت ان صافي اتعاركت معاه
تونة : متضحكيني معاكي كدا ياليل ..
ليل : تونة انا هطلع اتمشي برا مش هتأخر متتحركيش
تونة : راحة ع فين كدا ان شاءالله ..
ليل : اتفرجي ع التلفزيون وانتي ساكتة .. يلا بااي
تونة ضيقت عينها : بتخبي عليا .. ماشي والله لأعرف وافضحك .. وقامت راحت وراها
________________________________
ليل : افندم
اسر : انتي شوفتي صافي انهاردة
ليل : كنت متوقعة انك عاوزني علشان كدا
اسر : يعني انتي اللي قولتلها انك عايشة معايا
ليل : اه قولتلها فيه حاجة !
اسر بيتعمد يضايقها : وعلي كدا بقا قولتلها كمان انك تبقا منين وجاية تعيشي هنا ليه ؟
*ضحك* ولا تكوني كدبتي عليها وقولتي ان احمد الالفي يبقا عمك انتي .. وبيشاور عليها من فوق لتحت
ليل اتعصبت : انت واحد ...
تونة : اللله الللله .. بقا هو دا اللي بيضحكك ياهانم
اسر : بضحكها !!
ليل حطيت ايدها ع بوق تونة : اسكتي .. انتي ايه جابك ورايا
تونة عضتها : جاية علشان اقفشك متلبسة انتي والموز دا .. انا مكنتش مرتحالك.. قدااامي ع جوا امشي .. دانتي ليلتك سودة قدااامي
" ليل مشيت مع تونة قبل ماتفضحها وأسر واقف بيضحك ع اللي تونة عملته ف ليل وانقذته قبل ما ليل تنفجر فيه "
__________________________________
سهر : مسا الخير ياهدي
هدي : مسا النور
سهر : ايه الصوت دا جاي منين
هدي : من اوضه صافي .. شكلها متعاركة مع اسر ومبهدلة الدنيا فوق .. انا تعبت معاها
سهر : طيب اهدي انا هطلع اشوفها
" صافي قعدة متغاظة ومتعصبة ف الأوضة وعمالة تكسر ف الحاجة "
سهر : في ايه ياصافي مالك
صافي : اطلعوووا برررا ... مش عاوزة اشوف حد ..
سهر : فهميني طب حصل ايه ..ونحل الموضوع
صافي : مافيش حل .. انا هموتت نفسي .. سبيني واخررجي بقولك
سهر : ياصافي طيب اهدي .. انا سهر حبيبتك هعملك اللي عاوزة .. بس فهميني اسر عمل اييه بس
صافي بعياط : بيحب غيري .. ومش بس كدا دا جابها تعيش معاه ف الفيلا .. انا هتجنن منه
سهر : مين دي اللي جابها تعيش معاه .. وازاي اونكل احمد يوافق
صافي : اونكل احمد نفسه هو اللي جابها .. بيقولي بنت صاحبه .. انا ماليش دعوة يا سهر البت دي لاااازم تمشييي اتصرفي
سهر : انتي متأكدة ان اونكل احمد هو اللي جابها
صافي بعصبية : هو دا كل اللي همك ..
سهر بتربط كلامها بكلام زين : ماهو لو اللي ف دماغي صح .. يبقا مالكيش حق تزعلي خالص
صافي : هو ايه اللي ف دماغك بقا
سهر : هحكيلك ياستي
_____________________________
تونة : قدااامي.. ان ما فضحكتك .. ياليل مبقاش انا تونة
ليل : تونة انتي فاهمة غلط .. دا كان بيعزمني ع عيد ميلاد نور
تونة مسكتها من شعرها: بتكدبي تااانييي .. دانا سمعكم بوداني دول ..
ليل : خلاص يا تونة ياحبيبتي مش هتتكرر تاني .. مش هتقولي لحد طبعا
تونة : حد واحد .. دانا همشي احكي للكل واحط التوابل بتاعتي كمان
ليل : لا ونبي بلاش توابلك لاحسن تطلعيني متجوزة عرفي .. طيب نتفق
تونة : ولو ولو لازم افضحك
ليل : هجبلك شيكولاتة كبيرررة اوي فيها مكسرات . .
تونة : بالفستق والبنتق ؟
ليل : أيوة بالحاجات دي .. ها قولتي ايه
تونة : اديني شوية كدا اقلبها ف دماغي
ليل : ماشي ياستي بس المهم متتكلميش
تونة مدت ايدها : بوسي
ليل : نعم ياختي
تونة : انا قايمة اقولهم انك حامل
ليل مسكتها : ايييه لااااا .. هاتي * باست ايدها * اهو اهو .. ابوس رجلك كمان
تونة : لا كفاية بوس .. قومي حطيلي اكل
ليل : ربنا ع الظالم
تونة : بتقولي حاجة
ليل : لا بكح ..
_______________________________
صافي بفرحة : بتهززززاريي يعني ليل دي فقيرة ..
سهر : دي من مستنقع يابنتي .. وزين بيحكيلي قد ايه اختها بيئة اووي .. انتي ازاي تتغاظي من واحدة زي دي
صافي : مكنتش اعرف.. ميبانش عليها .. وأسر كمان كدب عليا وال ايه بنت صاحب بابا
سهر : لا طبعا دا اونكل احمد جابهم عنده شفقة كدا ... انتي عارفة طيب
صافي : طب انا عاوزة افضحها و اخليها تحرم تقرب من حاجة بتاعتي
سهر : بكرا عيد ميلاد نور .. ظبطيها براحتك ..
صافي : وانتي ساعديني يا سهر ونبي ..
سهر : انا اساعدك ..
صافي : اه نجيب مناخيرها الأرض ونعرفها مقامها
سهر : موافقة بس عندي شرط صغير خالص لو نفذتيه .. هساعدك
صافي : ايه هو
سهر بتتصنع الزعل : تكلمي فاروق تقوليلوا يخليني هنا .. يرضيكي ياصافي اترمي هناك لوحدي .. اعيش ازاي من غيركم .. انا روحي فيكم ..
صافي : بس كدا حالا .. يابابااا .. يابابا
سهر : استني طب ...
فاروق : في ايه ياحبيبت بابا
صافي : بابا ونبي خلي سهر عايشة معانا هنا . . متسفرهاش برا .. وحضنت سهر انا مقدرش استغني عنها.. علشان خاطري
فاروق : طيب وشركاتنا اللي برا
صافي : بيعها تجيب حد يديرها أي حاجة .. بس سهر متمشيش
فاروق : علشان خاطر عيونك مش هسفرها .. اي اومر تاني يا حبيبت بابا
صافي : متشكرة اووووي يابابا .. ها يا سهر مبسوطة
سهر مستغربة سرعة قراره .. ابتسمت: طبعا طبعا ياحبيبتي .. هو انا اطول افضل عايشة معاكم
صافي غمزتلها : ع اتفقنا بقا
سهر بتتصنع الابتسامة : اكيد ياحبيبتي . . اسيبكم انا بقا
خرجت وقفت ورا الباب بصه عليهم والغضب ماليها : بقا حتة مفعوصة زي دي مصيري يتغير بقرار منها !!! لسه زي مانت ياافاروق .. حسابك تقل اووي معايا .. بكرا ادفعك تمن كل حاجة عملتها معايااا .. هدوقك من نفس الكاس يافااروق .. لاززم تدوق يافاروق لازم ..
______________________________
ياتري ايه اللي فاروق عملوا مع سهر خلي جواها كل الكرهه دا من ناحيته ؟
هنعرف ف الاجزاء الجاية .. تابعوا
حكاية_قمر 💕🌜
بقلم_ياسمين_علي ••
تعليقات
إرسال تعليق