 |
🌹البارت الخامس عشر 🌹
🌹ظلمت نفسي🌹بقلم ✍️ سلطان زماني
فضلت اكل في نفسي ومستنيه اتصاله بفارغ الصبر ولقيته
بيتصل بيا بليل من اول رنه فتحت عليه
قالي مش عوايدك يعني ده انتي كنتي بتكنسلي وبتنشفي
ريق امي علشان تردي ..اي قلبك اخيرا حن
فاطمة ..أسامة ممكن اقولك حاجه
أسامة ..قولي أنا سمعك
فاطمة .. وحياة عيالي ورحمة بابا أنا مش ست من إياهم ولا
تربيتي ولا أخلاقي يسمحولي اني اعمل كده بالله عليك
اعتبرني زاي اختك وبلاش كلامك ده
أسامة ..تصدقي بقا وتأمني ب ايه
فاطمة ..بالله
أسامة ..والله الي اغلي من عيالك وابوكي الله يرحمه
أنا كنت الاول عايز اوصلك علشان انام معاكي
وكنت فكرك شمال
افتكرتك زاي منه مرته الاوله
لما كلمتك ولقيتك بتصديني في كل مره وكمان من كلامك
وانك لسه بتحبيه
عرفت انك هبله وع نياتك وعلي الفطرة لسه ..هو انتي
يافاطمة
مسالتيش نفسك هو حن وجر ناعم معاكي ليه وهيرجعك
فاطمة ..ليه يا اسامه
اسامه ..انتي يابت ع الابيض اوي كده 😂
فاطمة ..يعني ايه دي كمان
اسامه ..ما علينا مش انتي قولتيله اني نصيبك في حقك من
أرض ابوكي شيلاه مع امك هو بقا حن علشان ياخدهم
هو هيبيض واخته تبعتله فلوس يشتري تاكس بدال الي باعه
لما كان متجوز منه ومن وقت ما باع التاكس الي أخته
جبتهوله
واخته بقت تبعتله فلوس يدوب تكفيه يأكل ويشرب
ويجيب سجاير وبس
بعد ما اتاكدت أنه فاشل ومش نافع في حاجه
فاطمه ..والله يا اسامة أنا مكنتش بساله عن حاجه ولا اعرف
عنه حاجه واخويا لما سال عنه في الاول قالوله أنه عاطل
وسمعته وحشه وانا الي وقفت ليهم وقولتلهم عايزاه
اسامه ..هو نصيب علشان تخلفي الطفلين دول ربنا يخليهم
والله هما دول الي صعبانين عليا إنما انتي بصراحه تستاهلي
الي جرالك
فاطمة..لدرجادي شيفني وحده بشعه كده وتبكي
اسامه ..علشان مسمعتيش كلام اهلك يافاطمة
أنا الي راجل اهو. لما ابويا ولا امي بيقولولي ع حاجه لا
تبقا لا
مش علشان اهبل ولا متحكمين فيا ..علشان هما اكتر ناس
فعلا بتخاف عليا وعارفين مصلحتي
وهما بس الي عايزين اني ابقي احسن منهم
المهم ياستي
منه عملت لهيثم هسهس في دماغه لعبت بدماغ وبيه البخت
فاطمه ..ايه ياعم انت الكلام الغريب ده
اسامه ..😂😂اه نسيت معلش مش بتفهمي لغات ...هيثم
حبها والبت ركبت ودلدلت رجليها ع الاخر وكانت بتنزله زاي
الكلب يشتغل ع التاكس وهي تقابل حبيايبها في شقته والي
يجبلها برشام والي يديها حشيش وفلوس وسجاير
وكل ده في شقته وهو ولا هنا ومحدش في الجيران بيكلمه
علشان بيخافو منها هي
هو لما بيطلع يضربها والجيران يسمعو
صوتهم في الاخر بقا بتاخده علي حجرها وتقرره وهما علي
السرير
وتعرف منه مين الي قال وفتن عليها
ولو سكته نومه بتنام معه زاي اشرف كده وبتخرسه ومش
بعيد كمان تخليه يحكي ويقنع هيثم أنها شيخة الأزهر وانها
من العشرة المبشرين بالجنه
ولو محترم
تنزل ب امه واخواتها يفضحوه ويقلو ادبهم عليه في الشارع
فالكل بقا شايف وساكت وخايفين من الفضائح
المهم
فاطمه ..مهم ايه وزفت ايه هو انت الي بتقوله ده بجد
أسامة .. عيب عليكي يافاطمة ياستي أنا خلاص مش عايز
انام معاكي ولا في حاجه في دماغي وحشه من نحيتك أنا
بفهم وبوعي اختي فاهمه
فاطمة ..كتر خيرك والله فاهمه فاهمه كمل
أسامة ..هيثم لما كانت منه تسيبه وتغضب بتجنن
حزن العالم كله يبان ع وشه
ترجعله تلاقيه ينور ويضحك ويبقا طبيعي وفريش
فاطمه ..زاي ما بيعمل معايا يعني
أسامة ..اخيرا شغلتي مخك هو كده فعلا بظبط
هو بينتقم من رجولته وكرامته فيكي ..نقص بقا
فاطمة ..حسبي الله ونعمه الوكيل فيه ربنا ينتقم منه
أسامة ..فضلت تغضب وترجعله وكل مره يجبلها غويشة
تمضيه وصل امانه ب20 الف باع التاكس وقعدت معه لحد
ما صرف فلوسه كلها وخلعته
وحب بقا يلم صحابه ويروحو يعملو خناقة اتفاجي انهم كلهم
عارفين انها شمال وكل البلاوي بتاعتها
والكل بيعامله أنه حد مهزق وناقص واريل
اخوكي مكدبش لما قالك أنه سمعته وحشه
فاطمة ..يعني هي كمان الي خلعته
أسامة ..اه ومش بس كده كانت بتتصل بيه تسمعه صوتها
وهي نايمه مع راجل بعد ما أطلقوا هي بصراحه بنت حرام
فاطمة ..يانهار اسود هو في ستات كده
أسامة ..اه في وابشع من كده المهم خدي بالك من الي جاي
وحرصي من هيثم علشان هو ناوي ياخد فلوسك ويشتري
التاكس ويرمي عيالك قبل منك في الشارع
هطير أنا بقا ولو
عوزتي حاجه مني كلميني
وخلاص من النهارده لا هبعت رسايل ولا هتصل كتير زاي
الاول سلام
فاطمه ..سلام ايه استنا استنا عايزاك اصبر
يتبع
رايكم ياجماعة علشان محسش بملل ومكتبش تاني 🥴 قولو
رأيكم توقعاتكم كده عيشوني الحظة يالي تنشكو 👊😂
تعليقات
إرسال تعليق