اغت،صاب في صمت
الحلقة العاشرة:
استنشق نفسا عميقا قبل ان يجيب ثم ضغط زر الموافقة وأجاب :الو
اتاه صوتها:الو آسر انا نوران.
آسر بابتسامة احباط:ايون يا نوران ازيك عاملة ايه؟
نوران بسرعة:الحمدلله آسر انا عيزاك في حاجة مهمة جدا كدا ركز معايا.
آسر بقلق :في ايه يا نوران قلقتيني؟
نوران:انت لازم ترجع مصر قريب.
آسر:ليه؟
نوران بارتباك:عشان عشان نورين بتحبك.
آسر بصدمة:ايه!!!!
نوران:ايوه والله بص انا هفهمك نورين فاكرة انك لما تبعد عنها كدا احسن ليك وليها معرفش ليه بس هي مفكرة كدا بس هي بتحبك والله وعندي اثبات لكدا.
آسر:اثبات ايه؟
نوران:نورين بتكتب مذكراتها وهي للاسف وقعت انهرده من علي السلم ولما احنا خرجنا من عندها هي فاقت بس الدكتور كان عاطيها مهدئ عشان دماغها يوقف عن التفكير فهي صحيت شوية طلعت الدفتر كتبت فيه انها بتحبك ومستنياك ترجع ونامت من المهدئ وسابت الدفتر جنبها وانا لما دخلت اطمن عليها قراته(هي كمان قرات كلمات الاعتداء علي نورين بس هي مش قالت لآسر) وصورتها وممكن ابعتهالك.
آسر بسرعة:ايوه ابعتيها.
قامت نوران بارسال الصورة الي آسر الذي قراها ولم يصدق عينيه فقال بسرعة:ايوه دي بتحبني بجد وعيزاني ارجع.
نوران:ايوه ها هترجع ولا ايه؟
آسر بسرعة وسعادة:طبعا هرجع بس بصي الترم قرب يخلص وانا كدا يعتبر خلصت الكلية هنا بسبب كورسات المتميزين هنا وانا هنقل باقي اوراقي وارجع اشتغل في مصر.
نوران بحفاوة:ماشي تمام شكرا جدا يا آسر والله.
آسر بسعادة:والله انتي اللي شكرا انك ساعدتينا بالطريقة دي.
نوران:ربنا يسعدكم يارب.
آسر:اللهم آمين.
اغلقت نوران الهاتف ثم قالت بحزن:انا عارفة ان دا هيسببلك مشاكل يا نورين بس لو آسر بيحبك فعلا هيستحمل معاكي.
اما عند آسر فوقف علي السرير واخذ يرقص ويقفز بسعادة حتي صاح جاستن:رويدك يا صاح هل تنوي ان تحطم السرير؟!
قفز آسر عن الفراش وامسك كتفي جاستن قائلا بسعادة غامرة:ساتزوج جاستن ساتزوج بمن احب يا رجل.
جاستن بانزعاج:ولِم انت سعيد هكذا هذا زواج وليس رحلة حول العالم.
آسر بشك:ولِم لا اسعد انا احبها وهي تحبني ايضا والزواج سيربطنا حتي نهاية العمر.
جاستن:لا تحب كثيرا حتي لا تُجرح عميقا.
نظر له آسر مطولا حتي رحل جاستن من امامه فجلس آسر علي الفراش محدثا نفسه:هو ممكن فعلا مبقاش سعيد مع نورين لا ازاي انا بحبها يوووه انا بجد مش فاهم حاجة يارب يسرلي الامور يارب.
في منزل امير السميري وخاصة في غرفة نورين:
استيقظت نورين ووجدت الدفتر بجوارها نهضت بفزع ووجدته مغلق وتوجست في نفسها خيفة ان يكون قد قراه احد فاسرعت الي خارج الغرفة لتر اذا كان احد مستيقظا ولكن الساعة كانت قد تجاوزت الخامسة صباحا والجميع الآن نيام اطمئنت قليلا وذهبت الي المطبخ لتشرب فهي تشعر بجفاف حلقها وشربت زجاجة كاملة ثم اكلت بعض العسل وذهبت الي المرحاض توضات وادت فرضها وجلست تقرا بعض القرآن ثم قاطع القراءة وصول رسالة علي هاتفها فجلبته لرؤيتها لتجد المضمون"صباح الخير يا نوري".
نظرت نورين بتعجب الي الهاتف فهو ليس رقم مصري ولكنها تداركت الامر سريعا لابد انه رقم آسر لم تضع له بالا فهو قد تخلي عنها ولكن لحظة هل تخلي هو عنها ام هي من تخلت عنه ايا يكن هي لن تحادثه فهي غاضبة منه ولكن لحظة مرة اخري لِم هي غاضبة الانه سافر وتركها ام لانها تعتقد انه يمكث عند صديقة مقربة؟
وضعت كتاب الله علي المكتب بجوارها وامسكت هاتفها تتصفح المواقع الإلكترونية خاصة الفيس بوك لتجد رسالة"ليه سهرانة لحد دلوقتي؟"اغاظتها الرسالة فمن هو ليسالها وعزمت علي الرد:اظنه ميخصكش خليك في سفريتك.
آسر بسعادة:اخيرا ردت بس لسه شرسة وبترفض الاعتراف بس ماشي يا نوري انا هخليكي تعترفي فاجاب عن الرسالة:اصلي فاضي وقلت اتكلم معاكي شوية.
نورين:مش عايزة اتكلم.
آسر:ها تحبي تتكلمي في ايه بقي؟
علمت نورين انه سيفعل ما براسه لا محالة فسالت:انت قاعد فين في لندن؟
آسر بتعجب:في السكن الجامعي ليه؟
نورين:مفيش مجرد فضول.
آسر:اممم وانتي بتعمل ايه ناو؟
نورين:قاعدة علي السرير هعمل ايه يعني؟
آسر:بتذاكري؟
نورين:اه وبرتب علي الدفعة كمان.
آسر:شطوووة يا نوري.
نورين بحدة:ايه نوري دي احنا مش اصحاب عشان تقولي كدا.
آسر بخبث:ايه دا بجد مش اصحاب امال ليه بتكلميني الساعة ٦ الصبح لو مكناش اصحاب؟!
نورين بتهرب:عادي فاضية وبتسلي وبعدين انت مين قالك اني صاحية ؟
آسر بحب:قلبي قالي.
نورين بتهرب:تصبح علي خير. (اغلقت الهاتف)
آسر لنفسه:وانتي من اهلي يا قلب قلبي.
اما عند نورين:اوووف بقي هو ايه اللي فكره بيا بعد خمس سنين يااارب انا مش عايزة اتكسر ولا اعاني في حياتي يارب ارحمني وعينني.
سريعا سريعا مر الفصل الدراسي علي آسر وقرر ان يعود الي مصر للعمل واقنع يارا بان تقنع آدم الذي اقتنع وسعد بعودة شقيقه وكان آسر يتابع مع نوران اخبار نورين ويخططان كيف يجعلانها تعترف بحبها له كما يحدث نورين بالرسائل كل يوم ولكن في حدود االصداقة واذا جاء ان يتعدي هذه الحدود قليلا اوقفته نورين بحدة ولكنها عادت لبعض من طبيعتها واصبحت تاكل اكثر.
في منزل امير السميري:
كانت نورين تدرس في غرفتها تاركة الباب مفتوح عندما رن جرس الباب لتسمع صوت نوران من الخارج:نورين معلش افتحي الباب مشغولة.
نورين:حاضر.
ارتدت نورين ملابس الصلاة وذهبت لتفتح الباب لتجد شاب ابيض طويل ذو عضلات مفتولة بارزة وذو عيون فيروزية جميلة لتهتف بصدمة :آسر!
آسر بابتسامة اكثر جاذبية:ازيك يا نوري عمي امير موجود؟
نورين ومازالت في الصدمة:هه!
آسر بتعجب:هاي نورين عمي امير موجود؟
نورين بتدارك:اه بس نايم اتفضل ثواني وهناديه.
آسر وهو يدلف بابتسامة :شكرا.
جلس آسر بغرفة الاستقبال وذهبت نورين لتنادي امير بينما استقبلت نيهال آسر بسعادة وحفاوة وعندما حضر امير اتجهت نورين ونوران الي المطبخ ليحضرا الضيافات فقالت نوران:ياااه آسر بقي شكله مز اوي لو كان قدي او اكبر مني كان زماني اتجوزته.
لم تنظر نورين ولم تجيب فقط احمرّ وجهها من الغضب فاردفت نوران وهي تشعر بنجاح خطتها:دا بقي ياااي والله اكيد فيه بنات كتير مترمية عليه وهو بصراحة يستحق.
نورين بغضب مكبوح:انا هروح اقدم الشاي وانتي هاتي الفواكه.
نوران بهمس:حاضر
خرجت نورين فامسكت نوران هاتفها وبعثت رسالة لآسر مضمونها"تم"
دلفت نورين غرفة الاستقبال ووضعت الشاي لتسمع والدها يقول:الراي راي نورين يا آسر يا بني وهي قدامك اهي اسالها نورين يا بنتي آسر متقدملك انتي ايه رايك؟
نظرت نورين بصدمة الي كلا امير وآسر ولكن سرعان ما تحولت نظرات الصدمة الي نظرت ذات مغزي وقالت:موافقة.
ثم هربت سريعا الي غرفتها حتي لا تصطدم بنظرات آسر العاشقة.
نيهال بسعادة:مكسوفة بقي يا آسر.
نظر آسر للارض فقال امير بابتسامة:ان شاء الله نبقي نناقش باقي الحجات مع آدم.
آسر بسعادة:ان شاء الله يا عمي.
دلفت نوران وهي تنظر لآسر بترقب فغمز لها آسر بعينه دليل علي نجاح الخطة فابتسمت له نوران واتجهت لغرفة نورين تهنئها.
في منزل آدم الرابي:
آدم بغضب:ازاي تروح تتقدملها من غير ما تقولي؟
آسر بخجل:انا آسف يا آدم انا كنت قاصد بس موافقة مبدئية.
آدم بغضب:انسي البنت دي مستحيل تتجوزها.
آسر بصدمة :ليه!
آدم:انا بقولك اهو انسي ومن غير سبب.
آسر بغضب مهلك:وانا بقولك يا آدم انا مش هنسي لو عندك سبب قوله وانا هدرسه واشوف يتوافق ولا لا غير كدا انا آسف انا هتجوز نورين ولو انت مجتش تتفق مع عمي أمير انا هتفق معاه وورثي من امي وابويا وفلوسي اللي في لندن كفيلة انها تجهزلي شقتي.
آدم بذهول وغضب :انت ناسي انت بتكلم مين ولا ايه يا آسر؟!
آسر بهدوء طفيف:لا طبعا منستش بس بدام مفيش عيب يعيب نورين انا مش هسيبها عن اذنك المعاد مع عمي امير يوم الاتنين الجاي بعد العشاء لو حبيت تحضر.
غادر آسر غرفة المكتب بينما جلس آدم بحسرة فآسر يفعل ما يريد... دائما.
امام منزل امير السميري:
نائل:حبيبتي هبقي اجي اخدك الساعة ٩ ماشي؟
ناريمان:ماشي يا حبيبي.
كاد يغادر نائل ولكن صوت انثوي رقيق نادي علي اخته جعله يتوقف وينظر لها باهتمام.
نوران بسعادة وهي تعانق ناريمان:وحشتيني اوي يا نيمو.
ناريمان:وانتي كمان يا قلبي انتي عاملة ايه وراحة فين كدا؟
نوران:راحة الجريدة.
ناريمان:ربنا معاكي يا قلبي.
نوران:يارب يا حبي لاحظت نوران نظرات نائل لها فقالت نوران:مش دا اخوكي يا ناريمان؟
نظرت له ناريمان ثم قالت بهمس:اه(نادت عليه) في حاجة يا نائل واقف كدا ليه؟
نائل بتدارك:هه مفيش حاجة بس كنت بفتكر حاجة كدا سلام.
غادر نائل فقالت ناريمان بتعجب:سلام.
نوران:اطلعي انتي بقي لنورين وانا شوية وهرجع.
ناريمان:اوك سلام.
في منزل نائل الطوخي:
بعدما عاد الاثنين وتناولا العشاء ويجلسان امام التلفاز.
نائل بهدوء:هي نوران دي اخت نورين يا ناريمان صح؟
ناريمان:اه يا حبيبي.
نائل:هي عندها كان سنة؟
ناريمان باهتمام:26 ليه؟
نائل بابتسامة:هي متجوزة او مخطوبة؟
ناريمان بابتسامة فهم:لا.
نائل:طب علي خيرة الله.
باختصار للاحداث حضر آدم ويارا مع آسر علي الرغم من تعارض آدم علي نورين الا انه ذهب للحفاظ علي الشكل العام ومرت الايام وتمت خطبتهما ونذهب الآن الي غرفة نورين حيث تدون يومياتها:
"آسر علي الرغم من حبي لك وسعادتي بخطبتنا ولكن هذا ليس فقط سبب موافقتي لقد قررت ان اعيش حياة طبيعية كبقية الفتيات ولكن اولا عليّ ان انتقم ممن فعل بي ذلك وهو ليس الا اخوك آدم فبعد زواجي منك سانتقم منه اشد انتقام"
اغلقت دفتر اليوميات وقالت محدثة نفسها:بس لازم اروح مشوار الاول.
ارتدت ملابسها وحملت حقيبتها ثم اتجهت خارج المنزل واتجهت الي بناية وخاصة عيادة"الطبيبة مني الالفي اخصائي نساء وتوليد" ابدلت نورين خاتم الخطوبة من يدها اليمين الي يدها اليسار ثم دلفت الي الممرضة واملتها بيانتها ثم انتظرت قليلا حتي جاء دورها ودلفت وجلست قائلة بابتسامة حرج:انا متزوجة من شهرين ولحد دلوقتي متفضش حاجة فكنت عايزة اتاكد اذا كنت سليمة ولا لا؟
الطبيبة مني بتفهم:طب اتفضلي.
تسير في الطرقات بصدمة شديدة جعلتها غير قادرة علي السير فجلست علي احدي الاستراحات وهي تتذكر كلمات الطبيبة بصدمة"لا انتي لسه سليمة"
قالت محدثة نفسها:يعني آدم معتداش عليا بشكل كلي طب انا اكمل حياتي مع آسر طبيعي ومنتقمش ولا اكمل انتقامي بسبب اعتداءه عليا؟!
اغتصاب في صمت الحلقة الحادية عشر:
عادت نورين للمنزل وهي في غاية السعادة وكان لا يوجد بالبيت الا نوران فقط فامسكتها نورين من كتفيها وهي تدور بسعادة:اخيراااا يا نوران فرحانة اووي فرحانة.
نوران بابتسامة:ربنا يديم فرحتك يارب.
نورين:اللهم آمين.
نوران:آسر اتصل هنا علي البيت وقال انه بيتصل عليكي مبترديش.
نورين :ماانتي عارفة يا نوران اني بعمل الفون صامت طب هبقي اكلمه.
نوران:اوك يا قلبي اه صحيح فيه ضيوف جايلنا انهرده.
نورين بتعجب:مين؟
نوران:ناريمان ونائل اخوها.
نورين:طب نيمو ماشي لكن نائل جاي يعمل ايه؟
مطت نوران شفتيها في تعجب واجابت:معرفش.
نورين :طب هروح اكلم آسر بقن.
نوران:ماشي وابقي تعالي ساعديني في الشقة لحد اما ماما ترجع من عند خالتي سمر اصل سوزان هتتجوز.
نورين:ربنا يتمملها علي خير.
نوران:يارب.
دلفت نورين غرفتها وقبل ان تتصل بآسر كان يتصل هو:الو.
آسر:ايوه يا قلبي فينك؟
نورين:سوري كنت في مشوار وكنت عاملة الفون صامت.
آسر:ماشي يا قلبي فاضية انهرده بالليل؟
نورين:اه ليه؟
آسر:ناوي اخرج اميرتي في احلي حتة في المنصورة.
نورين بسعادة:احلي حتة احلي حتة؟
آسر:احلي حتة.
نورين:ماشي هبقي جاهزة علي الساعة ٩ بالليل بس احنا عندنا ضيوف.
آسر:ضيوف مين؟
نورين:ناريمان واخوها نائل.
آسر بانزعاج:وجايين ليه؟
نورين :معرفش بس انا ههرب منهم ونخرج.
آسر:اشي يا قلبي هستناكي سلام.
نورين :سلام.
اغلقت نورين الهاتف ثم اسرعت الي فراشها واخرجت دفتر اليوميات ودونت:
"لقد تاكدت اليوم انني ما زلت بكرا الآن استطيع ان اعيش معك بقية حياتي مثل باقي الفتيات احبك كثيرا آسر"
ابدلت ملابسها ثم خرجت لمساعدة شقيقتها وبعد ساعتين من التنظيف المتواصل انتهيتا وذهبتا للاستحمام وتجهزت نورين لمقابلة آسر بينما تجهزت نوران لمقابلة ناريمان ونائل.
في الساعة ٩ بالضبط حضر آسر بسيارته الفارهة الجديدة واتصل بنورين التي همت بالنزول قبل ان يسال امير:رايحة فين يا نورين؟
نورين بسرعة:خارجة مع آسر يا بابا.
نيهال بانزعاج:كدا من غير ما تقوليلنا.
نورين بتافف:منا قلتلكم اهو سلام.
غادرت نورين لتقول نيهال بغضب:عجبك كدا من ساعة ما اتخطبت لسي آسر دا وهي مطنشاني ومبتسمعليش كلمة.
أمير:مش انتي اللي كنتي عاوزة تجوزهاله من بدري عشان فلوس اخوه.
نيهال بحزن:يعني انا كنت غلطانة لما حبيت اجوزها واحد غني عشان تعيش حياة سعيدة.
أمير بنفاذ صبر:لا انا اللي غلطان نوران انا داخل اوضتي ولما نائل وناريمان يجوا ابقي اندهي عليا.
نوران:حاضر يا بابا.
دلف أمير غرفته بينما ساد الصمت حتي قطعه رنين جرس الباب تعلن حضور نائل وناريمان.
في المطعم:
كان المطعم فارغا تماما الا من النادلون وآسر ونورين اللذين يجلسان علي طاولة في منتصف حديقة خضراء جميلة ويتحدثان بحب ويمطر آسر علي نورين بعض كلماته العاشقة لها التي لا تقابلها الا بالخجل واحمرار وجنتيها.
انتهيا من تناول العشاء وهم الآن يتمشون قليلا بعدما رفضت نورين ركوب السيارة وفضّلت السير مع آسر ولكن تشتت جوهما بسبب عناق احدي الفتيات لآسر فجاة اثناء سيرهما والآن الدم يغلي في عروق نورين.
الفتاة بدلال :آسر ازيك وحشتني مووت.
آسر بارتباك:وانتي كمان يا سيرين.
نورين بحدة وغضب مكبوح:مش تعرفنا يا آسر ولا ايه؟
سيرين:اووه مين دي آسر؟
نورين بغضب:انا خطيبته يا اختي.
سيرين بتعجب:آسر هي ليه تتكلم كدا؟
نورين بغيرة:امال اتكلم ازاي وانا ضربالك سلام.
سيرين :باي آسر اكلمك بعدين.
آسر:باي.
غادرت سيرين لتسير نورين بهدوء اثار تعجب آسر فاقترب منها مداعبا:ايه غيرتي عليا؟
نورين بهدوء:لا بس لما واحدة تجي تحضن خطيبي كدا عادي وانا واقفة دا بيقلل من احترامي(نظرت له واقفة قبالته) ياريت تبقي تحترم وجودي شوية.
ابتعدت نورين فقال آسر:دايما فهماني غلط ومبترضيش تعترفي بمشاعرك يا نورين بس انا وراكِ وراكِ.
عادت نورين للمنزل وكان نائل وناريمان غادرا وكل فرد في غرفته فاتجهت نورين الي غرفة نوران لتجدها شاردة فاقتربت منها نورين واضعة يدها علي قدمها قائلة بتعجب:في ايه؟
نوران بهدوء:نائل متقدملي.
نورين بسعادة:وااو بجد طب وانتي اي رايك؟
نوران بحيرة:مش عارفة بابا قاله انه هيرد عليه بكرا وانا مش عارفة ارد عليه بايه؟
نورين :يبقي صلي استخارة يا حبيبتي وان شاء الله ربنا هيوفقك.
نوران:يارب المهم عملتي ايه مع آسر؟
نورين:الحمدلله انا هقوم انام بقي اصلي تعبانة ومرهقة يلا تصبحي علي خير.
نوران:وانتي من اهله.
قامت نوران لاداة صلاة الاستخارة بينما غطت نورين في نوم عميق.
في اليوم التالي:
هاتف نائل أمير ليستعلم منه علي قرار نوران الذي كان بالموافقة بعدما حلمت بعد صلاة الاستخارة بانها كانت تصلي ونائل يؤمها في الصلاة ونائل وناريمان موجودان بمنزل أمير يناقشان الصداق والاشياء الاخري المتعلقة بالزفاف.
نائل:بس يا عمي زي حضرتك عارف ناريمان هتقعد معانا في الشقة ان شاء الله لحد اما تتجوز والشقة تحت امر نوران لو حبيت تغير اي حاجة فيها.
أمير:طبعا يا بني انت ونوران هتتناقشوا في الحجات دي بس الفرح هيبقي مع فرح نورين وآسر ان شاء الله.
نائل:باذن الله يا عمي.
تمر الأيام ويتجهز الجميع من اجل الزفاف ويزيد حب آسر ونورين ويزداد تقرب نوران ونائل.
في قاعة الزفاف:
كانت حديقة خضراء جميلة يتوجها ضوء القمر حيث يرقص كل ثنائي رقصة هادئة:
آسر:اه يا نورين فرحان اوي انك بقيتي حلالي انا بحبك اوووي اوووي وربنا يقدرني واسعدك.
نورين بخجل:وانا بحبك اكتر يا حبيبي.
آسر بسعادة:يا ايه انتي قلتي ايه؟
نورين بخجل وحب:حبيبي.
عند نوران ونائل:
نائل:ان شاء الله يا نوران انا هعمل كل اللي في وسعي عشان اقدر اسعدك وربنا يوفقني.
نوران:يارب يا حبيبي وانا مش هسيبك ابدا وافضل اساعدك.
انتهي الزفاف وعاد كل منهم الي منزله نوران مع نائل ونورين مع آسر في منزل آدم الواسع بعدما اعطاه آدم موافقة مغصوبة من يارا.
يمر شهران لا يحدث فيهم شيئ سوي حمل نوران وازدياد حب نورين وآسر وفي يوم كان آسر وآدم في العمل ويارا عند والدتها مع جودي وليس في البيت سوي الخادمة عفاف واثناء جلوس نورين بغرفتها سمعت اصوات شجار مرتفعة فهبطت لاسفل لتجد......
اغتصاب في صمت
الحلقة الثانية عشر :
هبطت نورين لاسفل لتجد سيدة في مقتبل الثلاثينات تتشاجر مع الخادمة عفاف فتصيح نورين:في ايه يا عفاف ؟
عفاف باحترام:مدام نورين الست دي جاية بتقول انها عايزة تشوف استاذ آدم او اي حد.
نورين للسيدة:اتفضلي عايزة ايه؟
السيدة باحراج :علي انفراد لو سمحتي.
نورين:طيب عفاف هاتي اثنين عصير برتقان علي اوضتي وحضرتك اتفضلي معايا.
عفاف:حاضر يا مدام
صعدت نورين مع السيدة لغرفتها وبعد ان احضرت عفاف العصير بدآ بالتحدث:
السيدة :انا اسمي سامية يا ست هانم عندي ٣٥ سنة وابني تامر عنده ٦ سنين وآدم بيه يعرفني وقال انه هيساعدني.
نورين بشك:يعرفك منين؟
سامية:هقولك يا ست هانم بس بالله عليكي ما تجبيله سيرة اني قلتلك.
نورين:حاضر متقلقيش.
قصت سامية علي نورين كيفية معرفة آدم بها وهذا ما سنعرفه لاحقا.
نورين:اممم طيب متقلقيش انا هساعدك واجبلك حقك وحق ابنك وجوزك.
سامية:تسلمي يا ست هانم.
قامت نورين واتجهت للمكتب واخرجت بعض النقود واعطتها اياها قائلة:هتقابليني كل شهر علي الكوبري عشان اديكي فلوس ليكي ولابنك ومتجيش لآدم تاني انا من انهرده هساعدك.
سامية:ربنا يخليكي يا ست هانم.
نورين بابتسامة:يلا روحي لابنك.
سامية:حاضر يا ست هانم.
غادرت سامية لتتجه نورين الي عفاف آمرة:محدش يعرف ان الست دي جت هنا يا عفاف فاهمة؟
عفاف بانصياع:حاضر يا مدام.
نتجه لنور قليلا فقد اهملناه لفترة(نور الآن في اكاديمية الشرطة يتم تدريبه وهو من اكفا الطلاب في الاكاديمية وسيتخرج العام القادم واكتسب بنية قوية واصبح اكثر طولا ونمت لحية خفيفة له جعلته اكثر جاذبية)
في المطعم:
وائل:ها يا نور قلت ايه؟
نور:قلت لا اله الا الله.
وائل بنفاذ صبر :يا عم بقي دي مجرد حفلة عيدميلاد بنت المدرب وعازمنا كلنا مفيهاش حاجة لو جيت يعني.
نور:طيب يا وائل بطل زن بقي هشوف اموري واجيلك.
وائل:ماشي اما تظبط امورك كلمني.
نور:ماشي سلام.
وائل:سلام.
غادر نور المطعم واتجه لمنزل نوران لتفتح له ناريمان :ازيك يا نور عامل ايه؟
نور:الحمدلله نوران موجودة ؟
ناريمان:اه طبعا اتفضل.
نور بابتسامة:شكرا.
دلف نور وجلس مع شقيقته الحامل بينما خرجت ناريمان لتتركهم بمفردهما قليلا.
نور:ازيك يا نوران قلبي عاملة ايه ونور الصغنن عامل ايه؟
نوران بمرح:تاعبني زي نور الكبير بالظبط.
نور بضحكة:حلو طالع لخاله الخلبوص دا.
نوران:ههههه ماشي المهم عامل ايه في دراستك ؟
نور:الحمدلله متعبة بس القلب وما يريد بقي.
نوران:ربنا معاك يا حبيبي.
نور:يارب احم نوران كنت عايز خدمة منك وياريت مش تكسفيني.
نوران بتعجب:قول يا حبيبي خير.
نور باحراج:المدرب بتاعنا عامل حفلة لبنته بمناسبة عيد ميلادها وكدا والكل هيبقي لابس بدلة وانتي عارفة هدومي كلها كاجوال بناطيل وتي شيرتات وكنت عاوز بدلة من بدل نائل يعني عشان لو جيت اطلب من بابا حق البدلة هينفضني.
نوران:بس كدا يا حبيبي حاضر ثواني هقول لنائل واجبلك احلي واحدة.
نور بابتسامة:تسلميلي يا قلبي.
نوران:الله يسلمك يا حبيبي.
قامت نوران بمهاتفة نائل:ايوه يا حبيبة قلبي ازيك.
نوران:الحمدلله يا حبيبي وانت اخبارك ايه؟
نائل:انا بخير طول ما انتي بخير يا قلبي.
نوران:تسلم يا قلبي معلش يا نائل كنت عايزة منك طلب.
نائل:خير يا قلبي؟
قصت عليه نوران قصة نور فقال نائل:ماشي يا حبيبتي خليه ياخد اي بدلة تعجبه بس الا بتاعة الفرح ماشي يا قلبي؟
نوران:ماشي يا حبيبي سلام.
نائل:سلام يا قلبي.
اغلقت نوران الهاتف مع نائل وشرعت في اختيار حلة مناسبة لنور واختار نور حلة سوداء ذات كرفات كحلي انيق وحذاء كحلي ايضا وقام بقياسه فقالت نوران باعجاب:واااو دا انت هتذهلهم كلهم.
نور بسعادة:بجد يا نوران؟
نوران:بجد يا قلب نوران.
ابدل نور ملابسه واخذ الحلة وعاد للمنزل ليقنع والده بحضور الحفلة.
في منزل آدم :
كانوا مجتمعين علي المائدة آدم متراس المائدة وعلي اليمين يارا وجودي وعلي اليسار آسر ونورين.
يارا بابتسامة:نورين حبيبتي هتروحي للدكتورة مني بكرا؟
نورين بسرعة:لا انا هروح لدكتورة صاحبتي اسمها سارة.
آدم:ليه دكتورة مني شاطرة ويارا كانت متابعة معاها.
قالت نورين بحدة دون ان تنظر له:اعتقد ان دي حاجة تخصني انا وانا اللي احدد انا اروح عند مين واستريح مع مين.
آسر بحدة:نورين.
نورين بانزعاج:عن اذنكم.
صعدت نورين سريعا الي غرفتها بينما قال آسر بحزن:انا آسف عن اذنكم.
وصعد آسر خلفها بينما قالت يارا بتعجب:هي نورين مالها بقت بتتكلم كدا ليه مع انها هادية وطيبة.
آدم بغضب:ملناش دعوي هي مالها اهم حاجة تحترمني في كلامها شوية وياريت تفهميها كدا بدل ما اتخذ موقف مش كويس.
يارا بسرعة:حاضر.
في غرفة نورين وآسر:
دلف الغرفة فوجدها مستلقية علي السرير تبكي فاقترب منها وضمها الي صدره:خلاص يا قلبي انا آسف سامحيني.
نورين ببكاء:انت تزعقلي زي ما انت عاوز بس مش قدام اخوك ومراته.
آسر باعتذار :حاضر يا قلبي معتش هزعقلك خالص ولا قدام اي حد يلا امسحي دموعك مبقدرش اشوفها.
رفع وجهها ومسح دموعها بيديه ثم بدا يقبلها في كل انش من وجهها وشفتيها ثم(نسيبهم لوحدهم عشان كدا عيب)
في الحفلة:
كان يجلس مع اصدقائه يتناول الطعام بنهم بينما هي كانت تهبط علي الدرج كالملائكة فهي فعلا كما يُقال عليها اجمل الفتيات بعينيها الزرقاء كلون البحر وخدودها الحمراء ورموشها الكثيفة وشعرها البني المائل للاشقر فهي فعلا جنية من عالم الخيال.
كانت تهبط بغرور وكبرياء وهي تنظر الي الحضور وفي عينيهم نظرات الاعجاب ولكن لحظة من هذا الذي ينشغل بالطعام ولا ينظر الي جمالها من هذا؟!
وائل:نور نور روجيدا بنت المدرب اهي.
نور وهي ياكل بشراهة:وفيها ايه يعني ما هي بنت زي اي بنت.
وائل باعجاب:لا يا بني دي قمر.
نور بلا مبالاة:مش مهم.
انتظرت ان ينظر اليها ولكن بلا جدوي نعم هي في التاسعة عشر من عمرها ولكن يتملكها غرور غريب بسبب اعجاب الناس بجمالها وثناءهم عليها.
هبطت من علي الدرج ووقفت بجوار والدها وبعد انتهاء قطع التورتة بدا كل ثنائي في الرقص واكثر من شاب يعرض عليها الرقص ولكنها ترفض بابتسامة جميلة منتظرة ذلك الشخص الذي لم يتمعن في جمالها ويثني عليه بالتقدم ولكن بلا فائدة حتي قررت هي ان تتخذ الخطوة الاولي وتذهب :ممكن ترقص معايا؟
نور باندهاش:انا؟
روجيدا:ايوه.
نور:آسف انا مش بعرف ارقص.
روجيدا بابتسامة سالبة العقول والقلوب:هعلمك.
نور:آسف انا مبرقصش خالص عن اذنك.
غادر نور تاركا اياها في غضب شديد وهي اسرعت لوالدها:بابي من الولد اللي هناك دا؟
علاء:دا اه دا نور احد تلاميذي ليه ماله ضايقك في حاجة؟
روجيدا بخبث:لا يا بابي كنت بسال بس اصل معرفوش.
علاء بشك:ماشي يا قلبي يلا عشان تفتحي الهدايا.
روجيدا بابتسامة:يلا يا بابي.
انتهت الحفلة وعاد كل فرد الي منزله.
تمر الايام وفي منزل امير السميري يخيم الحزن فقد فارقهم احد الاحباب منذ يومين انه امير قد توفي بسرطان المعدة المرحلة الاخيرة ونوران ونورين الجميع حزين عليه لمدة شهر اصبحت نوران في الشهر الثاني من الحمل ونورين لم تحمل بعد ويارا حامل في الشهر الاول وآسر يزداد تفوقا في عمله واقترابا من تحقيق هدفه وحلمه بينما نور قد خيم عليه الحزن فلم يكن احد بجواره ليخفف عنه حمل فراق والده كما كان نائل وآسر مع نوران ونورين كما ان والدته أصبحت اكثر حزنا وهذا جعله يحزن اكثر ولا يحضر اية حفلة او يخرج مع اصدقائه وهذا اغضب روجيدا كثيرا فهي تريد رؤيته تريد ان تتحداه في الثناء علي جمالها ولكنه لم يكن متحمسا لاي شيئ في الحياة.
في منزل آسر تجاوزت الساعة الحادية عشر مساء ولم تعد نورين الي الآن كما ان هاتفها مغلق وقد بحث عنها آسر في كل مكان و لم يجدها كانوا متجمعين في منزل آسر قلقين عليها فهي لم تتاخر هكذا ابدا حتي سمعوا نباح لورين وكان آسر اول من خرج وعندما راته لورين قامت بجذب قميصه وفهم آسر انها تريده ان يلحق بها وسبقته لورين وهو يلحق بها الي طريق مظلم مهجور ليجد نورين فاقدة الوعي ممزقة الملابس.
البارت 13_14من هنا هنا هنا هنا
تعليقات
إرسال تعليق