 |
لايك قبل القراءه وكومنت بعدها ورأيكم💜💋😍
ليلي يلا اصحي
حاضر ي ماما هقوم اهو
*ليلي ف ال16 م عمرها تمتلك بشره بيضاء وشعر بني ووجه طفولي ممتليء*
والدتها: صباح الخير يلا عشان تفطري معايا
ليلي: حاضر ي حبيبتي اومال فين بابا
والدتها: نزل الشغل.. انتي عليكي دروس النهارده
ليلي: لا بس هنزل ل ريماس بنت عمي هقعد معاها
والدتها: ماشي
.................
ف الدور الاسفل بتخبط ع بيت عمها
مرات عمها: لولا عامله ايه
ليلي: الحمدلله فين ريماس
مرات عمها: جوا نايمه ادخلي صحيها
ليلي: حاضر
ليلي: انتي ي زفته اصحي يلا
ريماس: عاوزه اي ي نيله
*ريماس نفس سن ليلي اقرب حد ليها ف العيله كلها وبتحبها زي اختها تمتلك بشره قمحاويه ووجه مقارب ل ليلي*
ليلي: جايه اخد منك الملزمه ي استاذه عاوزه اذاكر شويه
ريماس: ي مشاء الله ودا م امتا
ليلي: م النهارده ي خفيفه ها هي فين
ريماس: هتلاقيها ف الشنطه خوديها
ليلي: حاضر يلا باي
ريماس: ايه دا انتي بتصحيني وتمشي وتسبيني
ليلي: اه هستغل ان مفيش دروس وهقعد ع النت شويه يلا انا طالعه
ريماس: ماشي ي حبيبتي
........
طلعت ليلي ونقلت ملاحظات من الملزمه ودخلت خدت دش وخرجت قعدت علي الكمبيوتر فتحت فيس تقرأ روايه زي عادتها وجتلها مسدج من اكونت
=ازيك عامله اي
ليلي: الحمدلله مين
=انا وليد وانتي ليلي صح
ليلي: اهه
وليد: حابب اتعرف عليكي ممكن
ليلي خافت شويه لانها اول مره تتعامل مع واحد متعرفهوش
ليلي: لا انا مبكلمش حد معرفهوش
وليد: م انتي هتعرفيني اهوxD
ليلي: والله
وليد: اه تخيلي..المهم انا وليد زي م قولتلك عندي 22 سنه من الجيزه بدرس ف كليه تجاره جامعه القاهره ف سنه تالته
ليلي: ماشي
وليد: ايدا مش هتعرفيني عليكي
ليلي: مش عارفه بس هتعرفني ليه
وليد: حابب
ليلي: اممم ماشي انا عندي 16 سنه وبدرس ف اعدادي لسه من حلوان
وليد: ي عسل انتي صغنونه خالص ع العموم احسن ناس
ليلي: شكرا
وقفلت الاكونت وقامت وفضلت تفكر ف الموضوع كتير لحد م مامتهت نادت عليها تتغدي
مامتها: مالك سرحانه ف ايه
ليلي: لا مفيش ي حبيبتي بس بفكر ف الامتحانات اللي قربت دي انتي عارفه بنتك مشاء الله عليها بتعيد السنه سنتين
مامتها بضحك: ذاكري كويس وانتي هتنجحي
ليلي: حاضر هعمل اللي عليا ادعيلي بس
مامتها: عيوني
ليلي: الحمدلله انا هقوم انام شويه بقا
مامتها: ماشي
نامت وصحيت علي الساعه 2 بليل فتحت الاكونت لقت مسدج من وليد
وليد: بتعملي ايه؟ روحتي فين يابنتي..!
ليلي: نعم
وليد: روحتي فين
ليلي: عادي كنت نايمه
وليد: ماشي ي قمر قوليلي بقا
ليلي: نعم
وليد: ممكن نبقي صحاب انا وانتي
ليلي: اصحاب ازاي انا مليش اصحاب ولاد
وليد: ادا طب حلو انا اول صاحب ليكي اهو ومش هخيب ظنك متقلقيشXD
ليلي: اممم خلاص ماشي بس بحدود
وليد: اكيد
ليلي: ماشي يا وليد
وليد: احكيلي حياتك ماشيه ازاي بقا
ليلي: عادي يومي عباره عن دروس ونت بس
وليد: ليكي اخوات
ليلي: اه عندي نهي الكبيره متجوزه وسميره اللي بعدها وبعدين محمد و انا وف ايات الصغيره
وليد: ربنا يخليهوملك
ليلي: شكرا وانت
وليد: اه عندي ساره وشهيناز ومحمد
ليلي: اها ربنا يخليك ليهم
وليد: ويخليكي ي سكر
فضلت تتكلم معاه وارتاحت شويه والتوتر اتشال من عليها حبه صغيرين لحد م نامت
ف اليوم التالي
سميره: ياليلي يخربيتك فين التي شيرت بتاعي قومي
ليلي بنعاس: عاوزه اي ي سميره علي الصبح كدا
سميره: متاخره علي الشغل
ليلي: يعني اليوم اللي بتمشي فيه متاخر وبشوفك الصبح فيه تصحيني بالطريقه دي
سميره بضحك: معلش ياختي قومي يلا شوفيلي التي شيرت
ليلي: حاضر
*سميره اخت ليلي الاكبر منها ف ال 21 من عمرها تعتبر اقرب واحده ل ليلي ف اخواتها*
ليلي: خودي اهو ياستي يلا امشي
سميره: بنت عيب اختك الكبيره..م تعدي عليا بعد الدرس النهارده اقعدي معايا
ليلي: خلاص ماشي
قامت ليلي غسلت وشها و خرجت غيرت هدومها وكلمت ريماس علشان يروحوا الدرس
ريماس: ي ليلي انزلي يلاا
ليلي: حاضر اهو
ريماس: ماشي لما اتأخر عليكي بعد كدا متزعليش
ليلي: اديني جيت يلا ي بومه حياتي
ريماس: حيوانه والله
راحوا الدرس قابلت صحابها هناك واندمجت معاهم جدا وخلصت علي المغرب وخرجت
ليلي: ياربي انا دماغي صدعت اوي
ولاء صديقتهم: اه وانا كمان جدا تعالوا نشرب عصير
ريماس: يلا مش ورانا حاجه
ليلي: طيب بس بسرعه عشان متأخرش وماما تزعقلي
ريماس: لا مرات عمي طيبه ومش هتزعقلك
ليلي بضحك: اه ي حبيبتي طبعا
ولاء: بقولكوا ايه شوفتوا المدرس اللي اسمه مراد علي زي القمر
ريماس: بس ي حبيبتي اكبري الاول
ليلي: مش فاهمه البت اللي مش بتسيب حد ف حاله دي
ولاء: ياربي واحده معقده وواحده مسترجله
ليلي: معلش نصيبك
راحوا شربوا العصير والقاعده كانت ضحك من خفه دم ريماس ومناقره ليلي ل ولاء وخلصوا وريماس روحت وليلي راحت لسميره
.........
سميره: خلصتي دروسك
ليلي: اه وجيتلك علي طول
سميره: طب اقعدي يلا
قعدت معاها شويه وقامت علشان تروح البيت
سميره: م تقعدي ونروح سوا
ليلي: لا مش قادره تعبانه
سميره: ماشي ي حبيبتي
.........
ليلي: ي ناس يالي ف البيت
محمد: اي ي خدودو
*محمد اخو ليلي اكبر منها ب سنتين ف ال 18 من عمره دمه خفيف وليلي بتحبه جدا بس دايما ف خناق بسبب تقارب سنهم
ليلي: ايه ي خفيف ماما فين
محمد: نامت شويه وبابا نزل وسميره لسا مجاتش من الشغل
ليلي: انا سألت علي ماما بس علي فكره
محمد: م انا بوفر عليكي وعليا الاسأله الجايه يلا انا هنزل لصحابي
ليلي: ماشي
غيرت هدومها وقعدت علي النت فتحت الاكونت ولقت مسدج من وليد
وليد: عامله ايه
ليلي: الحمدلله وانت
وليد: انا تمام كنتي فين كدا
ليلي: كنت ف الدرس
وليد: ربنا يوفقك يارب
ليلي: تسلم
وليد: طيب مش هشوفك
ليلي: ازاي يعني
وليد: اي حاجه صوره اشوفك اقابلك عادي زي م تحبي يعني
ليلي: لا مش هينفع معلش ومتجادلش معايا ف الموضوع دا
وليد: ماشي المهم اني مرتاح لكلامك جدا وبجد طريقتك حلوه واكبر من سنك
عدي 5 شهور ووليد وليلي بقوا اصحاب جدا وبيتكلوا يوميا وعرفوا بعض اكتر....يتبع
الحلقه 2
عدت امتحانات ليلي ونجحت هي وريماس وبقي عندها 17 سنه
وف يوم بتكلم وليد
وليد: ي ليلي متعصبنيش بقا
ليلي: بقولك ايه متكلمنيش كدا يا وليد ماشي
وليد: كل دا عشان بقولك متهزريش معاه
ليلي: قولتلك مهزرش انت سمعت غلط هو بيتكلم عادي وبعدين دا مدرس يعني
وليد: خلاص يا ليلي براحتك
ليلي: انت اي اللي بتعمله دا مش فاهمه ليه كل دا
وليد: عشان انا بحبك يا ليلي
ليلي: .....
وليد: ردي
ليلي: بتحبني ازاي
وليد: ايوا بحبك ونتي كمان مرتحالي اكيد وانا مش بتسلي ولا الكلام دا
ليلي: بس انت حتي مشوفتنيش
وليد: حبيت روحك وطيبتك وجمال قلبك
ليلي: والله
وليد: اهه والله وهشوفك قريب
ليلي: ونبي كمان هتشوفني
وليد: اه بس عاوز اعرف انتي بتحبيني زي م بحبك ولا لا
ليلي سكتت
وليد: طب مرتحالي علي الاقل او ف اعجاب
ليلي: بص ممكن اه مرتحالك ومرتاحه لكلامك
وليد: طب الحمدلله طمنتي قلبي
اتكلموا وبعد فتره ليلي بدأت تتشد ل وليد اكتر وحست انها مرتحاله اوي واتفقوا انهم هيتقابلوا ف يوم وحددوا مع بعض
*يوم المقابله*
ليلي كانت متوتره اوووي ومكنتش عارفه تلبس ايه ف الاخر لبست تي شيرت نبيتي وبنطلون اسود وطرحه سودا وكوتشي ابيض
ونزلت قالت لمامتها انها رايحه درس وكانت خايفه عشان اول مره تعمل حاجه زي كدا وتكدب علي مامتها
راحت استنته ف المحطه
رن عليها
وليد: الو
ليلي بصوت متوتر: ايه يا وليد
وليد: فينك دلوقتي
ليلي: انا ف المحطه اهو
وليد: وانا كمان ف المحطه انتي لابسه ايه طيب علشان اعرفك ولف وراه لمح واحده بتتكلم ف التليفون وباين عليها التوتر
وليد: هيبقي ماما دعيالي لو فعلا دي انتي
ليلي: لفت ولقت شاب واقف قدامها وعرفته عشان شافت صوره ليه ف مره
قفل وقرب عليها
وليد: احم م احنا زي القمر اهو
ليلي مكنتش عارفه تتكلم ولا تعمل اي حاجه وخايفه ومتوتره ف نفس الوقت ولا عارفه تبصله حتي
وليد: طب تسلمي عليا
ليلي: ازيك
وليد: بقييت كويس يا ليلتي
ليلي بصتله ب استغراب: ليلتك..!!!
وليد: اه ليلتي
ليلي: هه ماشي انا عاوزه اروح بقا
وليد: ايدا انا لسا شايفك
ليلي: معلش عشان متاخرش بس
وليد بتنهيده: ماشي زي م تحبي تعالي هوصلك يلا
ليلي: مش مشكله انا هركب المترو
وليد: اسمعي الكلام يلا مينفعش اسيبك لوحدك
استسلمت لكلامه ومشيت جمبه وركب معاها ونزلها ف المحطه بتاعتها ونزلت وبصتله قبل م الباب يقفل
وليد بهمس: هتوحشيني ي قمر
ليلي: سلام وشاورتله ومشيت
روحت البيت وكانت مبسوطه دخلت غيرت وقعدت علي السرير لحد م لقته بيرن عليها
ليلي: الو
وليد: القمر روح
ليلي: اه م شويه
وليد: حمدلله علي السلامه هسألك سؤال وتردي عليا بصراحه
ليلي: اه طبعا اتفضل
وليد بقلق: هو انا معجبتكيش
ليلي استغربت سؤاله لان وليد كان شكله وسيم شعره الاسود الطويل وعنيه الضيقه شويه بشرته القمحاويه كان حلو بالنسبالها
ليلي: لا ليه بتقول كدا
وليد: حسيت كدا وكمان مشيتي بسرعه ومتكلمتيش معايا
ليلي: اه عشان ماما هتزعقلي ومتقلقش لو اتاخرت
َليد: ماشي مصدقك
اتكلموا شويه وقفلت معاه ونامت
بعد شهرين كانت ليلي عند سميره ف الشغل
سميره: يعني ايه بتحبيه فهميني
ليلي: ايوا ومرتحاله جدا وهو كويس اوي
سميره: ي ماما انتي لسا صغيره وكمان مين قالك انه بيحبك دا واحد ف جامعه يعني بيشوف وبيقابل بنات قد كداا اي هيخليه يحب واحده يعرفها من النت
ليلي بدمع بسيط: بس انا مصدقاه
سميره: مصدقاه ازاي ليلي انتي لازم تبطلي كلام معاه
ليلي: لا هفضل اكلمه
سميره: طب لو مبطلتيش انا هقول لماما
ليلي عارفه ان سميره بتقول كدا وخلاص عشان تخوفها بس ليلي فعلا خافت م الاصرار اللي كان ف عنيها
ليلي: نا همشي
سميره: استني هاتي تليفونك
ليلي: ليه
سميره: هاتيه
اديتها تليفونها
سميره: روحي يلا والتليفون هيفضل معايا
بصلتها ليلي وسكتت ومشيت روحت البيت
اول م دخلت جريت ع الاوضه تعيط ومش عارفه تعمل ايه قامت فتحت الاكونت وكلمت وليد قالتله وفهمته ان سميره خايفه عليها
وليد: خلاص قوليلها
ليلي: اقول لمين
وليد: مامتك روحي احكيلها
ليلي!!!!
وليد: يلا جمدي قلبك واتكلمي معاها ولو عاوزاني ابقي اكلمها هكلمها حاضر
ليلي: ماشي
قامت خرجت لمامتها
ليلي: ماما هتكلم معاكي ف حاجه
مامتها: قولي ف ايه
ليلي بخوف: انا اعرف واحد
مامتها: نعم!!! واحد ازاي
ليلي: ي ماما واحد يعني اعرفه
مامتها: مين هو وازاي وفين وعنده قد اي
ليلي: واحده واحده اي ي ماما بصي هحكيلك
حكت لمامتها م اول م كلمت وليد لحد م سميره قالتلها انها تبطل تكلمه ب استثنا انها قابلته عشان متفقدش ثقتها فيها
مامتها: طيب بصي ي ليلي انا مامتك واكتر واحده هتخاف عليكي بس لو فعلا بتحبيني اعملي اللي هقولك عليه
ليلي: حاضر
مامتها: هاتي رقم الشاب دا وهتوعديني متكلمهوش تاني فتره بس
ليلي: ماشي وعد
ادت لمامتها الرقم وقامت دخلت اوضتها لحد م سميره جت
مامتها: سميره ادي لاختك تليفونها
سميره: لا ي ماما ف مشكله بيني وبينها والتليفون معايا انتي متعرفيش حاجه
مامتها: ليلي حكيتلي كل حاجه خلاص يلا اديهولها
سميره ادت ل ليلي التليفون بس فضلوا متخاصمين فتره وف يوم مامت ليلي كلمت وليد بس مقالتلهاش اي حصل
ليلي: ي ماما قوليلي بقا اي حصل
مامتها: قولتلك حاجه بيني وبينه الله
ليلي: كدا ي ماما هزعل والله
مامتها: خلاص ي ستي وليد هيكلم باباكي بكرا وهيقوله انه شافك وعاوز يتقدملك
ليلي بصدمه: هاا ازاي
مامتها: زي م قولتلك هو قالي كدا والولد شاريكي فعلا ومحترم
ليلي بفرحه: شوفتي ي ماما انه مش بيضحك عليا اهو عشان تصدقوا
مامتها بضحك ع شكلها: ايوا ي ستي شوفت يلا ادخلي روقي الاوضه ونامي
ليلي: حاضر
دخلت الاوضه وروقتها وقعدت ع السرير وهي مبسوطه وبتفكر ف اللي حصل ومش مصدقه لحد م سميره جت
ليلي: سميره وليد هيكلم بابا بكرا انا مبسوطه اوي
سميره بدهشه وفرحه: بتهزري اي حصل
حكتلها اللي حصل كله
سميره: طب حلو اوي هنخطط للي جاي بقا ونقنع بابا
ليلي: ان شاء الله
........
تاني يوم وليد كلم ابو ليلي وقاله انه شافها صدفه وهو ف حلوان عند واحد صاحبه بيزوره وانه سأل عليها لحد م جاب رقمه عشان يكلمه وابو ليلي قاله انه ليلي لسه صغيره بس هو صمم انه يشوفه ويتكلم معاه ووافق انه يقابله لوحدهم
..........
ف بيت ليلي
باباها: ايوا زي م بقولك كدا واحد كلمني وقالي انه متقدم ل ليلي
مامتها: طب ماشي شوفه ولو كويس يبقي يجي وتشوفه هي واللي ف الخير يقدمه ربنا
باباها: بس ليلي لسا صغيره دي لسا ف اعدادي
مامتها: م هي مش هتتجوز بكرا اكيد لسا ف خطوبه سنتين ع الاقل وبعدين متعرفش الخير فين
باباها بحيره: خير ان شاء الله ربنا يسهل
سمعتهم ليلي وحست ان ممكن باباها يرفض بس دعت ربنا يقدملها الخير ونامت..يتبع
الحلقه 3❤ لايك وكومنت ورأيكوااا💛
وليد قابل باباها واتكلم معاه وحكاله حياته ماشيه ازاي وانه ف اخر سنه ليه ف الكليه وانه بياخد كورسات ولما يتخرج هيقدم وهيشتغل محاسب ف بنك
ورده عليه انه هيفكر ويرد عليه
روح البيت وحكالهم اللي حصل
مامت ليلي: شكله شاب كويس
سميره: خلاص ي بابا م تخليه يجي ونشوفه
والدها: مش عارف
مامتها: لا فعلا سميره كلامها صح خليه يجي وليلي تشوفه وبعدين نقرر نعمل ايه
كل دا وليلي ساكته بتسمعهم بس وجواها خوف متعرفش ايه سببه
دخلت الاوضه ودخلت وراها سميره
سميره: ان شاء الله بابا هيخليه يجي متقلقيش
ليلي: يارب ي سميره بس انا خايفه مش عارفه ليه وف حاجه مقلقاني
سميره: لا دا توتر متقلقيش يلا ننام
......
عدي اسبوع وابو ليلي مردش ع وليد لسا
وليد: ي ليلي طب اكلمه تاني
ليلي: لا استني لما يجي هخلي ماما تتكلم معاه
وليد: ماشي وطمنيني حصل ايه
ليلي: ماشي باي
وليد: باي
دخلت مامتها عليها
مامتها: اي ي ليلي بتعملي اي
ليلي بحرج: كنت بكلم وليد
مامتها: اممم طيب باباكي مكلمهوش لسا
ليلي: لا ي ماما كنت عاوزه اقولك يعني لما بابا يجي تتكلمي معاه وتقوليله يرد عليه
مامتها حاضر هو زمانه جاي اصلا عشا..
باباها دخل
مامتها بصوت خافت: شوفتي لسا مكملتش اهو وجه
ليلي ضحكت وسكتت
مامتها خرجت وقعدت مع باباها
مامتها: ها هتعمل اي مع وليد
باباها: هكلمه شويه كدا وهقوله ان مفيش نصيب
مامتها: ايه.!! ليه كدا ايه اللي حصل
باباها: مش مرتاح عادي
مامتها حاولت تقنعه انه يجي وف نفس الوقت مش عاوزه تبينله انها موافقه عليه عشان ميستغربش
خرجت ل ليلي
ليلي: اي حصل
مامتها: كلمي وليد قوليله يكلم باباكي دلوقتي يقوله انه جاي هو ومامته الخميس الجاي يقعد معاكي وتتعرفوا
ليلي بدهشه: ازاي بابا قال كدا
مامتها: لا باباكي قال هيكلمه يقول مفيش نصيب ف لما وليد يكلمه ويقوله كدا باباكي مش هيقوله لا اكيد ولما يجي انا متأكده انه مش هيرفضه
ليلي بقلق: يعني اعمل ايه؟
مامتها: زي م قولتلك يلا
ليلي كلمت وليد وفهمته زي م مامتها قالت وقالها انه هيكلمه دلوقتي وكلمه وقاله وحصل اللي متوقع باباها وافق يجي بس لسا قرار الرفض ف دماغه
......
يوم الخميس جه وليلي كانت خايفه جدا من المقابله دي
سميره: يلا البسي زمانهم جايين
ليلي: حاضر هقوم اهو
لبست ليلي دريس خروج لونه اسود وفيه ورد خفيف م تحت وعليه طرحه بينك واكتفت بكحل وملمع شفايف
ليلي: شكلي حلو
سميره: قمر 14 ياخواتي
ليلي ضحكت ع طريقتها ودخلت مامتها
مامتها: خلصتوا
ليلي: اه هما فين
مامتها: ع اول الشارع اهو
الباب خبط
مامتها: اهم جم يلا انا هدخل
سميره دخلت المطبخ وخرجت بصينيه عليها بيبسي
سميره: يلا ادخلي ب دي
ليلي: يوهه وافرضي اتدلقت
سميره: م انا هبقي وراكي ي فالحه يلا
دخلت ليلي وكانت مكسوفه جدا وبصت قدامها لقت واحده ست منتقبه والاكيد ان دي مامته ووليد قاعد
سلمت ع مامته وقعدت جمبها
مامت وليد: مشاء الله عليكي زي القمر
ليلي بخجل: شكرا
كانوا بيتكلموا كتير وليلي كل دا سرحانه ومش واخده بالها م اي حاجه وفاقت ع كلمه باباها
مشاء الله يعني انت حافظ 19 جزء من القرأن
مامت وليد: اه وليد بيحفظ من وهو صغير وبعد م باباه مات بقا هو المسئول عنهم ف كل حاجه وعنده شقته ف البيت عندنا وواحده واحده كله هيبقي جاهز وعروستنا تنور
ابو ليلي: انتوا نورتونا والله وان شاء الله يبقي ف نصيب
مامت وليد: ان شاء الله اكيد واحنا دلوقتي هنستأذن بقا وهنستني تليفون ترد علينا وخير بإذن الله
ابو ليلي: شرفتونا والله
وقاموا كلهم وابو ليلي نزل معاهم يوصلهم
ليلي: انا هدخل اغير هدومي
مامتها: ماشي
سميره دخلت وراها
سميره: وليد جابلك شيكولاته برا قد كدا وضحكت
ليلي: اه شوفتها
سميره: بابا هيوافق كدا انا متأكده
ليلي: ان شاء الله
......
بعد يومين وليد كلم ابو ليلي عشان يعرف رده ورد عليه انه موافق واتفق معاه هيجي يوم الجمعه يتفقوا ويحددوا معاد للخطوبه
......
يوم الجمعه
ليلي: ماشي ي وليد انا هقفل معاك عشان هشوف ماما
وليد: ماشي ي حبيبتي وانا ع الساعه 7 هنكون عندكوا
ليلي: ماشي تيجي بالسلامه
قفلت معاه وواحت لمامتها خلصت معاها ترويق وتنضيف ودخلت خدت دش ولبست وجه الوقت اللي جم فيه وكان وليد ومامته وكام شخص معاه غالباً اخوات مامته
فضلت واقفه ورا الباب هي وسميره بتحاول تسمع بيقولوا اي
ليلي: ي سميره ابعدي هتوقعيني وهنتفضح
سميره: استني بس انا بسمع احسن منك
مامتهم خرجت
ايه دا انتوا بتعملوا ايه
سميره: بنسمع ي ماما
مامتها: طب ادخلي ياختي انتي وهي عشان محدش يشوفكوا
دخلوا الاوضه وخلصوا القاعده واتفقوا ان هيبقي قرايه فاتحه وخطوبه بعد اسبوعين
..........
ليلي ووليد كان كلامهم طول الاسبوعين بيتكلموا يوم ويوم يطمنوا ع بعض ويقفلوا وعدي الاسبوعين بسرعه وليلي جهزت للخطوبه فستان نبيتي
وجه يوم الخطوبه
كان البيت كله بيحضر وكل واحد بيشوف هيعمل اي وليلي كانت قاعده ع السرير وكل تفكيرها ف ان النهاردا خطوبتها طب ليه هي مش فرحانه!! مش دا اليوم اللي كانت مستنياه بس طردت كل الافكار دي م دماغها وقامت تقعد مع اخواتها سميره ونهي
نهي: ايوا مهو برضوا انتي هتلبسي الجزمه دي يعني هتلبسيها كوتشي اي ي متخلفه اللي هتلبسيه
ليلي: مش بعرف البس جزم انا الله سيبوني ع راحتي
سميره: سيبك منها دي متخلفه فعلا وهنلبسهالها
نهي: ايوا واياكي تقولي لا
ليلي بصتلهم وحست انها خلاص لو جادلت كمان هتبقي معركه واكيد كالعاده هتطلع مضروبه ف سكتت
.......
ليلي لبست ولا لسا
سميره: لسه ي دودو بتلبس جوا
*داليا بنت عم ليلي واخت ريماس*
داليا: ماشي وريم طالعه هي وريماس وماما دلوقتي
*ريم اخت داليا وريماس*
سميره: اشطا
خرجت ليلي بعد م لبست
ليلي: انا شكلي وحش كدا ليه
داليا بضحك: والله شكلك جميل ي لولا
سميره: تعالي ياسطا احطلك الميك اب عشان نبقي خلصنا كله
ليلي قامت بعد م سميره خلصتلها الميك اب ولفتلها الطرحه
ليلي ب استغراب لشكلها
ليلي: شكلي ايه
زي القمر طبعا ي كوكو
ليلي لفت لقت ريم ووراها ريماس
سميره بغرور: اكيد مش انا اللي مظبطاها
ريم: اتنيلي بقا هي قمر اصلا
ريماس: ايوا بقا الصغنن بقا عروسه
ليلي اندمجت ف الكلام معاهم وحست ان حاجه جديده عليها بتحصل
شويه وسمعوا صوت برا عرفوا انهم وصلوا
خرجت ليلى والبنات الاوضه التانيه وسلمت ع مامته واخواته البنات وعرفت ان وليد تحت مع قرايبه بيقرأو الفاتحه مع عمها وباباها
......
اتفضل ي عريس
دخل وليد وكانت ليلي قاعده ف موقف كانت بتتمني ان كل دا يطلع محصلش وتكون نايمه دلوقتي ف اوضتها في سلام..:-|
قعد جمبها
وليد: اي العسل دا بس
ليلي سكتت ومتكلمتش
وليد: النهارده خطوبتنا هاه يعني ملكيش حجه اهو والمفروض تتكلمي معايا براحتك
ليلي مفيش رد برضوا
وليد حس انها مكسوفه ف سكتت ومتكلمش تاني عشان ميحرجهاش اكتر
دخلوا اصحابها عليها واول م شافتهم نسيت كل حاجه وقامت جريت عليهم وفضلت تضحك معاهم وشدوها ترقص معاهم وكانت خلاص هترقص بس افتكرت وليد اللي قاعد وراها ف اتكسفت وشدتهم يقعدوا جمبها
سهيله: ايوا ي عم اتخطبنا بقاا ومحدش قدناا
ولاء: خطيبك عسول ي بت ولايقين ع بعض اووي
ريماس: ايوا فعلا ربنا يخليكوا لبعض ي روحي
ليلي: انا فرحت اوي بجد بوجودكوا دا
نور: ياسطا عيب علييك لازم نكون جمبك
عدي اليوم وخلص ووليد مشي هو واهله وليلي دخلت غيرت هدومها وخرجت لقت مامتها واخواتها قاعدين
محمد: ايوا ي عم بقاا خلاص اتخطبنا
نهي: عقبال اللي ف بالي
سميره: سمعاكي ع فكرا
نهي: م انا عاوزاكي تسمعيني
ضحكت عليهم وفضلوا يتكلموا ع اللي حصل ف اليوم لحد م ناموا.....
................
سميره: ها ايه رأيك تنزلي
ليلي: خلاص ماشي انا موافقه جدا بس الدروس هعمل ايه فيها
سميره: متقلقيش م الشغل هيبقي من 6 لحد 10 يعني هتعرفي تظبطي الدنيا
ليلي بفرحه: ماشي حلو
سميره: خلاص بكرا تعدي عليا بعد الدرس نروح تبصي ع المكان
........
تاني يوم خلصت دروسها وطلعت ع سميره وراحوا مكان الشغل سوا
.....
سميره: دا ياستي المكان ف واحد جوا اسمه ماجد هو صاحب المكان هتتعاملي عادي جدا ماشي
ليلي: حاضر هو لوحده
سميره: لا ف واحده معاه بتيجي الصبح وبتمشي ع 8
ليلي: طيب يلا ندخل
........
سميره: ماجد ازيك
ماجد: الحمدلله ايه اخبارك
سميره: الحمدلله...دي ليلي اختي اللي قولتلك عليها
ماجد: ازيك ياليلي منوره الدنيا كلها
ليلي: ربنا يخليك
ماجد: خلاص ي سميره سيبي ليلي معايا تتعامل الشويه دول وتبدأ م بكرا ان شاء الله
........
ليلي كانت متوتره جدا بس حاولت تتعامل عادي لحد م روحت واتفقت معاه انها هتنزل من بكرا
........يتبع
الفصل 4
وليد: وليه شغل ي ليلي
ليلي: عادي عشان زهقت م روتين الدروس والبيت ف هغير
وليد: ليلي انا مش حابب الفكره ولو ف حاجه ناقصاكي هتجيلك لحد عندك بس انا مقلق من فكره الشغل
ليلي: وليد بس كلامك دا انت عارف اني مش دي دماغي وبالله عليك انا مبسوطه بلاش تضايقني
وليد بتنهيده: حاضر ي ليلي بس لو ف اي حاجه حصلت او ضايقتك انسي الشغل دا
ليلي: طيب
.......
بدأت شغلها وحاولت توفق بينه وبين دروسها واتعودت شويه علي الشغل والمكان وبدأت تفهم واحده واحده وعدي اسبوع
......
ماجد: ليلي زميلتك ف الشغل مشيت عشان ظروف بيتها وولادها ف تنزلي معايا من 12 لحد 10
ليلي بتفكير: مش عارفه هشوف عشان دروسي
ماجد: متقلقيش ممكن وقت الدروس تروحيه عادي وترجعي ع هنا
ليلي: ماشي فكره هقولهم ف البيت وهرد عليك
........
مامت ليلي: يعني اي ودروسك هتعملي اي فيهم
ليلي: ي ماما هوفق بينهم ان شاء الله متقلقيش وبعدين كدا هروح وهرجع مع سميره
مامتها: ماشي بس متعيديش السنه بس عشان مش هينفع وانا هبقي اقول لابوكي
ليلي: حاضر
..........
وليد: روحتي
ليلي: اه ي حب من شويه
وليد: كان عندك دروس النهارده
ليلي: اه وتعبت منهم بجد امتا اخلص بقا
وليد: حبيبي الشاطر هينجح ويدخل الثانوي وبعدين يختار الكليه اللي ييحبها
ليلي: عاوزه ادخل كليه تجاره وابقي محاسبه
وليد بضحك: عاوزه تبقي زيي
ليلي: لا انا حباها وبعدين اي يعني لما ابقي زيك
وليد: احسن مني كمان ي ليلتي
ليلي: ماشي هصدقك المره دي...ممكن انام بقا عشان اصحي فايقه شويه
وليد: ماشي ي حبيبتي تصبحي ع خير
ليلي: وانت من اهله
............
ماجد: ياسمينا زميلتك الجديده ف الشغل ي ليلي
ليلي: ازيك عامله ايه
ياسمينا: الحمدلله وانتي
ليلي: الحمدلله
ماجد: طيب هسيبكوا بقا تتعاملوا سوا
......
بعد اسبوعين ليلي خدت ع ياسمينا اوي وبقوا صحاب شغل كويسين جدا ومرتاحه ف الشغل معاها عن الاول
.......
وانتي مخطوبه
ليلي: اه
ياسمينا: ع حب بقي وكدا
ليلي فكرت ف سؤالها شويه هي فعلا حبت وليد الحب اللي يخليها تتجوزه ولا عشان هو اول راجل يدخل حياتها ومعوضها ع حاجاات كتير
ليلي بعد تفكير: اه ع حب
ياسمينا: ربما يخليكوا لبعض ي حب
ليلي: حبيبتي .. يلا انا هخرج اجيب بيبسي وجايه
خرجت وهي ماشيه حست ان ف حد بيبص عليها ف بصت جمبها لقت واحد واقف وبيبصلها جامد زي م يكون بيشبه عليها ف بصت قدامها ومشيت وجابت حاجتها وهي داخله بصت ناحيته تاني لقته نفس البصه بيبصهالها ف استغربته بس قالت عادي ممكن بيشبه
عدي اليوم وتاني يوم
وليد: ليلي انتي فين
ليلي: ف الشغل هكون فين
وليد: ماشي طيب انا مروح من الشغل هروح واكلمك
ليلي: ماشي ي حبيبي باي
ياسمينا: انا جعانه انتي مجوعتيش
ليلي: اه شويه هروح طيب اطلب اكل واجي
خرجت ولسه هتمشي لقت وليد قدامها
ليلي بصدمه: وليد..انت بتعمل ايه هنا
وليد: جبت لحبيبي ايس كريم وشيكولاته واكل وجاي اديهومله
ليلي: انت بتهزر صح طب انت مروحتش لسا
وليد: لا بس صوتك كان تعبان ف حبيت اطمن عليكي
ليلي بفرحه: ربنا يخليك ليا ي وليد طيب تعالي نقعد شويه
وليد: لا هسيبك بقا لشغلك وهمشي عشان الحق اروح
ليلي: ماشي خلي بالك ع حالك
......
عدي اسبوع وليلي امتحاناتها قربت وكانت خايفه شويه واللي زاد خوفها الشخص اللي بيقف كل يوم وتشوفه بيبصلها وبصته مش بتتغير وحست انها بقت بتتوتر كل م تخرج من المحل وتلاقيه واقف
.........
ريماس: اصحي ي حلوه البسي عشان ننزل الامتحان قرب
ليلي: حاضر ماشي 10 دقايق وهنزلك
لبست وخلصت ولقت مسدج من وليد *ركزي ف امتحانك كويس مرضيتش اصحيكي اكلمك عشان متتوتريش وبالتوفيق ل ليلتي*
ليلي اتنهدت ونزلت
ريماس: ماشاء الله عمري م شوفتك خايفه من امتحان ولا اي حاجه
ليلي بضحك: اخاف وانت معايا ي حبيبي ازاي بس
ريماس: صح المفروض انا اللي اخاف
ليلي: مهزأه ماشيه معاها فين ولاء
ريماس: هتقابلنا عند السلم هي ويارا وسلمي
ليلي: ماشي
خلص الامتحان وليلي خرجت هي وريماس
ريماس: استني هراجع
ليلي: ع اساس لو راجعتي هتعرفي تصححي وبعدين انتي عندك امل انك حليتي صح اساسا
ريماس بخوف: ربنا يولع فيكي ياشيخه انا لو سقط السنادي تاني ابويا هيقطعني وهبات عندكوا
ليلي: طب كويس نشوفلنا مكان سوا بقا
ضحكوا وقابلوا اصحابهم وطلعت ع شغلها
.......
ياسمينا: ف ايه يابنتي مالك
ليلي: مش عارفه الشخص اللي بيقف هناك دا دايما باصص ع المحل
ياسمينا: عادي يمكن معجب وضحكت
ليلي: بيكي اكيد
ياسمينا: لا انتي اللي خدتي بالك يبقي بيكي
ليلي بضحك: لا انا مخطوبه وف حالي
ياسمينا: خلاص يبقي شكله م الشباب اللي بتقف وتعاكس دي وباين عليه كدا اساسا
ليلي: فعلا تحسيه سوسه اوي كدا وبعدين بيدخل يصلي ف الجامع ويخرج يبص ع البنات
ياسمينا: ادا ادا م احنا واخدين بالنا بقي
ليلي اتحرجت وسكتت
.......
بعد يومين
ليلي: ماما انا خرجت اهو
مامتها: بدري كدا ليه الساعه لسا 5
ليلي: هشوف وليد شويه وهروح ع البيت
مامتها: طب متتأخريش
ليلي: حاضر
........
وليد: ها تحبي تروحي فين
ليلي: تعالي نشرب عصير الاول
وليد: عنيا ي عسل
ليلي بضحك: انت مش هتبطل كلمه عسل وقمر والحاجات دي ولا اي
وليد: بعاكس خطيبتي
ليلي: ماشي
وليد: حلوه الصوره اوي اللي وريتهالي عجبتني
ليلي: بجد اتصورتها امبارح
وليد: واللي محليها اوي طبعا انتي اولا ثانيا الدبله اللي باينه فيها
ضحكت ليلي وقضت معاه باقي اليوم وفرحت ووصلها ومشي
......
سميره: انا اجازه هخرج مع اصحابي وهبقي اعدي عليكي وانا مروحه نروح سوا
ليلي: ماشي
خلصت يومها وكلمت سميره
ايه ي سميره انتي فين
سميره: انا جايه عليكي اهو
ليلي: طيب انا واقفه ف الشارع الجانبي دا ومستنياكي متأخريش باي
سميره: سلام
قفلت وواقفه مستنياها وباصه ف التليفون لقت عربيه وقفت قدامها بتبص لقيته الشخص اللي بيقف قدام المحل عندها قلبها دق وخافت بصلها ومشي
فضلت باصه ناحيه م مشي وحست بحاجه غريبه وفاقت م سرحانها ع صوت سميره
سميره: اي هنفضل سرحانين يلا
ليلي: يلا
...........
ليلي: وليد اقسم بالله انا زهقت بجد
وليد بصوت عالي: انا اللي تعبت م الشغل دا انتي مش واخده بالك انك اتغيرتي م ساعه م اشتغلتي
ليلي: قولي ايه اتغيرت فيه ي وليد هااا
وليد سكت
ليلي: بص اعمل اللي انت عاوز تعمله
وليد: ليلي انا هكلم مامتك وهنهي معاها
ليلي بدموع بسيطه: ماشي سلام وقفلت وفضلت تعيط عشان حست انها فعلا معملتش حاجه
بعد 10د لقيته بيرن عليها
ليلي: ايوا ي وليد
وليد: متزعليش مني اني اتعصبت عليكي حقك عليا
ليلي: كل مره ي وليد هتقولي كدا
وليد: خلاص متزعليش ي لولا بقا
ليلي: ماشي ي وليد
....
روحت البيت وغيرت هدومها ودخلت تنام لقت وليد بيرن عليها بصت للتليفون شويه وعملته صامت ونامت
..................
ياسمينا: هتعملي الباترينه ي ليلي ولا ايه
ليلي: خلاص ماشي
ياسمينا: بس خودي المرايه دي اي رايك نحطها ف الباترينه
ليلي: استني كداا.... شكلها حلو وحطت المرايه وبصت فيها وبتظبط الروج حست ب حد بيبص عليها بصت لبرا لقيت الشخص الغريب دا واقف جمب اتنين صحابه وباصص عليها ومبتسم لقت نفسها تلقائي بتبتسمله وبعدين فاقت لنفسها ودخلت جوا وهي متضايقه ومتوتره
ياسمينا: مالك دخلتي بسرعه كدا ليه
ليلي: انا غبيه شافني وانا بظبط الروج شكلي ايه دلوقتي
ياسمينا بضحك ع شكلها: هبله والله
ليلي: ماشي ي عاقله
......
روحت البيت مع سميره لقيت مامتها قاعده سابتهم ودخلت غيرت هدومها ونامت ع السرير وفجأه ظهر قدامها شكل ابتسامته بس ليه ابتسمت يمكن عشان دي اول مره تلاحظ ان بصته الغريبه اتغيرت ولا يمكن عشان الموقف كان محرج ومضحك
نفضت كل التفكير دا م دماغها وكلمت وليد تطمن عليه عشان لقيته رانن عليها ونامت
.........
عدي شهر ونص وعدي رمضان ومفيش جديد حصل ف حياتها ب استثنا خناقتها مع وليد وجملته اللي بينهي بيها الخلاف * اسف مكنش قصدي ازعلك *
وتاني يوم عيد......
سميره: م تيجي ننزل نتمشي شويه
ليلي: ماشي قولي لبابا ع م البس
نزلوا سوا يتمشوا
ليلي بضحك: يخربيت كدا بجد بس كويس اننا نزلنا عشان لو قعدت اكتر كنت هتخنق
سميره: اه وعاوزين نروح لنهي
ليلي: ماشي تعالي نجيب بيبسي عشان دماغي هتول...
سكتت واتوترت وقلبها دق بخوف لما بصت جمبها وهي بتتكلم ولقت عربيه سودا راكنه وجواها نفس الشخص وباصص عليها
سميره: اي ف ايه
ليلي: كان جوا العربيه دي
سميره: هو مين
ليلي: واحد بيقف عند المحل عندي كتير وبيفضل باصص ع المحل بس بخاف منه مش عارفه ليه
سميره: عادي كبري دماغك
ليلي: امممم صح
........
عدي العيد ونزلت شغلها عادي
......
ليلي: ماشي متتكلمش معايا بالطريقه دي
ماجد: طريقه اي ي ليلي انتي مغلطاني بردو
ليلي: انا هسيب الشغل
ماجد: نعم
..........
سابت الشغل واشتغلت ف مكان تاني مع واحده تعرفها بس مكنتش مرتاحه اوي لكن قررت انها هتتعامل عادي وانها مسأله تعود مش اكتر...
.........
كانت قاعده ف الشغل سرحانه وفاقت ع صوت تليفونها
ليلي: الو
وليد: اي ي ليلي اخبارك
ليلي: الحمدلله
وليد: اي صورتك اللي انتي حطاها ع الفيس دي
ليلي: بتزعق لييه
وليد: ردي عليا
ليلي بتعب: مش انا اللي حطاها وبعدين انا تعبانه جدا ومش ناقصه مشاكل
وليد: طب حلو اوووي اللي انتي بتعمليه دا انا هك
ليلي بمقاطعه: هتكلم ماما عشان تشتكيلها مني ك العاده وابقي انا الوحشه الزباله اللي بتغلط دايما لكن انا اروح احكيلها مشكله مينفعش عيب بقولك اي ي وليد كلم ماما وانهي خالص عشان انا فعلا جبت اخري
وليد: انا فعلا هعمل كدا وهنهي خالص
ليلي بملل: ماشي يلا باي
.......
تليفونها رن تاني وكانت مامتها
اي ي ماما
مامتها: مزعله وليد ليه
ليلي: ماما انا مش مزعله حد وياريت نتكلم ف الموضوع دا لما اروح
مامتها: ماشي
..........
دخلت البيت لقت مامتها قاعده وسميره
مامتها: وليد بيقول انك عاوزه تنهي الخطوبه
ليلي بضحك: فعلا انا عاوزه انهي
مامتها: مش دا وليد اللي كنتي هتموتي وتتخطبيله
ليلي: اه ي ماما
مامتها: اي جد بقا وبعدين صوره اي اللي حطاها
ليلي: مش انا ي ماما دي صاحبتي هي اللي حطاها وانا معاها ف الصوره وصفحتها مقفوله وبانتله عشان هو عندي مش اكتر لكن ازاي مينفعش يسمع مني الاول
مامتها: يعني خلاص اي خلاكي تبقي مش عاوزاه اي الشغل غير تفكيرك
ليلي: ماما كفايه انتي ليه مش متخيله اني زهقت فعلا زهقت من مشاكله ومشاكل عيلته وزهقت اني اكلم مامته وتكلمني ب اسلوب ع مزاجها وزهقت اني استحمل خنقته عشان شغله ويجي عليا ويرجع يقولي معلش مقصدش انا سني قد ايه عشان استحمل منه واسكت يعني
مامتها: وانتي ليه مبتحكليش كل دا
ليلي: عشان مينفعش شكله يتغير ف عنيكوا وعشان مسمعش منك الكلمه اللي قولتيلها م شويه *مش دا اللي كنتي هتموتي وتتخطبيله*
مامتها: طيب انا هكلمه وهقوله قرارك وهقول لباباكي
ليلي: ماشي
مامتها: انا رايحه بعد بكرا انا واخواتك نهي وايات ومحمد اسكندريه
ليلي: هقعد انا وسميره عشان شغلنا
مامتها: اه
ليلي دخلت نامت ع السرير وبصت للسقف حست بخنقه وانها عاوزه تعيط جدا ولقت دموعها بتنزل منها غمضت عنيها شويه وفاقت ع صوت مسدج فتحت التليفون لقت وليد باعتلها *انا اسف حقك عليا ي ليلتي وهتغير عشانك والله وعشان استاهلك* ضحكت ب استهزاء وغمضت عنيها تاني لقت مسدج ع الفيس م واحد اسمه محمود!!!!!!..يتبع
تفاعل يبنااات🙂❤
الفصل 5🌸
مسكت التليفون لقت مسدج من واحد اسمه *محمود*!!!
*بصراحه المكان ملوش طعم من بعد م مشيتي*
اي الهبل دا بصت ف الصوره بتاعته قلبها وقف لما لقيته نفس الشخص اللي كان بيبصلها تنحت شويه وبعدين قالت عادي دي مجرد مسدج طب اعمله بلوك لا هيفتكر اني خوفت منه
خلاص انا هرد عليه
ليلي: والمفروض اعمل ايه
= انتي اتضايقتي اني كلمتك
ليلي: وانت تكلمني ليه يعني
= عاوز اتعرف عليكي وتعرفيني واعرفك
ليلي: وانت مين قالك اني عاوزه اعرفك
= احساسي
متعرفش ليه اتخيلت انه بيضحك وهو بيقول الكلمه دي بس اتعصبت اوي وافتكرت وليد ومزاجها قلب اكتر
ليلي: طب بعد اذنك متكلمنيش تاني
= انتي بتعامليني كدا ليه محسساني اني يهودي
ليلي: عشان معرفكش ومش بتعرف ع حد
= ع العموم انا اسف مقصدش اني اضايقك وانا اول مره ادخل واكلم واحده كدا وبصراحه انتي ندمتيني
ليلي: انا فعلا مينفعش اكلمك
= انا عارف ان الوقت اللي اتكلمت فيه غلط بس انا رايح الجيش ومش عارف هرجع امتا ومش هينفع اوقفك ف الشارع اكيد ف ملقتش غير الاكونت اللي اكلمك عليه وفرصه سعيده
ليلي: انا اسعد وربنا يوفقك
............
حست انها رخمت ف طريقتها وانها قليله الذوق كان ممكن تقوله مينفعش بطريقه غير كدا وبعدين مقولتلهوش ليه انك مخطوبه عشان ميفتكرش اني مش عاوزه اكلمه عشان مخطوبه مش اكتر ايوا عادي
سابت التليفون وغمضت عنيها ونامت
.........
تاني يوم نزلت شغلها وحاولت متفكرش ف اللي بيحصل لقت تليفونها بيرن محمد اخوها
محمد: اي ي ليلي
ليلي: ايوا
محمد: ممكن تحكيلي اي حصل م الاول مع وليد
ليلي بتنهيده: حاضر
حكتله حاجات اساسيه وف حاجات مرضيتش تحكيها عشان وليد ميتحرجش
محمد: وانتي ليه مقولتليش كل دا
ليلي: عادي يابني مشاكل خطوبه وبقول هتتحل
محمد: طيب انهاردا وليد هيجي يقعد معاكي كلم بابا وقاله ف هتخرجي بدري ساعه
ليلي: حاضر
...........
ف البيت عندها دخلت لقت باباها ووليد ومحمد ومامتها قاعدين
ليلي:سلام عليكم
باباها: وعليكم السلام تعالي ي ليلي
دخلت وقعدت
باباها: وليد ي ليلي حكالي اللي حصل وعاوز يصلح الموضوع
ليلي: وهو مقلكش ي بابا انه زهق ومش عاوز يكمل هو كمان
وليد: محصلش
ليلي: انت بتكدب ليه
باباها: ليلي عيب اتكلمي معاه كويس
ليلي: ي بابا بيكدبني
باباها: طب خلاص اخرجي وانا هتكلم معاه
خرجت ليلي وخرج وراها محمد
محمد: عاوزاه ولا لا
ليلي: لا
محمد: خلاص محدش هيقدر يجبرك ع حاجه بس اي رأيك تديله فرصه
ليلي: ابدا انا هفضل ادي ف فرص وانا فرصتي فين معلش
محمد: طيب خلاص هتتحل متقلقيش
.....
شويه وباباها ندهه عليها
ليلي: نعم
باباها: انا قولت لوليد ان يسيبك تفكري شويه وتهدي واللي ف الخير يقدمه ربنا
ليلي بضيق: ماشي ي بابا
مشي وليد ودخلت غيرت هدومها علشان تنام
.......
اي ي ماما
مامتها: هتعملي ايه وليد كلمني
ليلي: قوليله مش هتقدر تكمل ي ماما
مامتها: قولتله قالي هيكلم ابوكي وعاوز يقعد معاه
ليلي: يوهه بقا هو مش بيزهق هو كل حاجه بمزاجه يسيب بمزاحه ويرجع بمزاجه
مامتها: طب استني ابوكي بيكلمني
...........
اي ي ليلي
ليلي: نعم ي ماما
مامتها: وليد جاي دلوقتي وابوكي قالي انك تخرجي دلوقتي عشان تروحي وتنهي بقا
ليلي: حاضر
.....
روحت البيت
ليلي: بابا انا جيت
ابوها: تعالي ي ليلي حضري حاجه وليد ولما يجي هقوله كل شيئ نصيب بس انتي متأكده
ليلي: اه ي بابا
حضرت حاجته كلها
وسمعت الباب بيخبط عرفت انه هو
شويه وباباها نده عليها
ابوها: والله ي وليد اتكلمنا معاها وهي فكرت وكله نصيب وربنا يرزقك بالي تستاهلك يابني
وليد: طب ادينا انت فرصه ي عمي ولو حصل اي حاجه هيبقي الكلام معاك
ابوها: هي قدامك اهي.. موافقه ي ليلي
ليلي: لا ي بابا الموضوع انتهي
وليد: قرر انت ي عمي
ابوها: مش انا اللي هتجوزك وانا مش عاوز يجي يوم وتتجوز وتحصل اي مشكله بينكوا وتقولي انت اللي جوزتني غصب مش هينفع يابني
حاول وليد بس حاول متأخر اوي يمكن الفرصه دي كان ممكن تديهاله قبل م يكدبها قدام باباها ويطلع شكلها وحش قدام مامتها او يحسسها انه بايع والموضوع عادي كل شويه يقولها انه ينهي
....
مشي وليد وليلي حست براحه غريبه وافتكرت يوم خطوبتها والخنقه اللي كانت بتجيلها م غير سبب
بدأت تركز ف شغلها وتلهي وقتها وكان بيجي ف بالها كتير الشخص اللي كان بيقف عند المحل وحست انها اتعودت ع وجوده وانها تشوفه كل يوم وكانت مستغربه هي بتفكر ف لي بدأت تعد ايام الجيش بعد م سألت واحده صاحبتها ع اول ايام الجيش بتبقي قد ايه وفضلت مستنيه اليوم اللي هيخرج فيه لحد م جه وشافته قدام شغلها الجديد كان واقف وساند ع العربيه فضلت متنحه شويه وبعدين اتعاملت عادي عشان مياخدش باله انها بصتله كتير بس بصته ليها اتغيرت زي م يكون متضايق منها او ف حاجه ويبص ويرجع يبص الناحيه التانيه شويه ومشي وهي يومها خلص وروحت البيت وهي بتفكر ف بصته ليها وحست انها متضايقه اوي ولقت نفسها بتقول *ادا هو نسيني ولا اي*
دخلت غيرت وقعدت شويه لقت تليفونها بيرن *ماجد*
الو
ماجد: ليلي اخبارك اي
ليلي: الحمدلله وانت
ماجد: تمام مبتسأليش ولا اي حاجه ي بنتي احنا عشره وبينا عيش وملح
ليلي: معلش ي ماجد كان ف مشاكل معايا وكدا الحمدلله اي الدنيا معاك
ماجد: لو ف اي حاجه قولي وانا اخوكي ي بنتي
ليلي: تسلم ي ماجد
ماجد: طب مش ناويه تنزلي تاني معايا ولا اي
ليلي ب استغراب: الشغل؟ ازاي
َماجد: عاوزك تنزلي معايا تاني وانتي عارفه انا بعزك ازاي وغلاوتك عندي اي ومفيش غيرك هأمنها ع شغلي
ليلي: مش عارفه اقولك اي ي ماجد بس انا بشتغل ف مكان تاني
ماحد: انا عارف بس اخوكي محتاجك معاه ف الشغل
ليلي: طب هشوف
ماجد: هستناكي م بكرا يلا سلام
................
فكرت شويه بس حست انها كانت مرتاحه اكتر عند ماجد ف كلمت مامتها قالتلها ومامتها كان ردها *ماجد كويس وانتي بترتاحي لشغله ف انزلي معاه*
نزلت مع ماجد الشغل وياسمينا مشيت بس لسا ع تواصل معاها ولقت بنتين تانيين ف المكان *رحاب&غاده*
ارتاحت لرحاب جدا وحبيتها وغاده كان شكلها طيبه شويه
ف يوم وهي خارجه م الشغل شافت محمود معدي بس هو مشفهاش افتكرت لما كلمته ب اسلوب رخم بس كان غصب عنها عشان هي كانت ف مشاكل ومكانتش ناقصه وهي ردت عليه ب قله ذوق حست انها عاوزه تعتذرله فضلت تفكر لحد م روحت وقعد ع السرير وفضلت تفكر كتير لحد م لقت نفسها بتبعتله
*استاذ محمود*
=استاذه ليلي
ابتسمت وقالتله مبتجيش ليه
اي اللي انا قولته دا
محمود: عشان ف الجيش
ليلي: بتعمل ايه
هو اكيد بيقول اي الغبيه دي هو مش بيلعب يعني هناك
فضلت تكلمه واعتذرت انها كلمته وحش وفهمته انها كانت ف مشاكل مع خطيبها واستغرب انها مخطوبه وكلامهم بقي هزار وحست انها اندمجت معاه اوي عكس اي حد بتكلمه
محمود: ابقي اكلمك اسلم عليكي ولا هتكسفيني زي المره اللي فاتت
ضحكت وبعتتله
هفكر
وبعدين بعتتله خلاص ماشي مفيش مشكله
قفلت معاه ونامت وهي مبسوطه لاول مره م شهور
............
ليلي ومحمود بقوا صحاب وبقوا يتكلموا عادي جدا وبقي حاحه اساسيه ف يومها
وعدي اسبوعين وعرفت من الفيس بوك ان عيد ميلاده بعد عيد ميلادها ب 3 ايام وكانت محتاره تجيبله ايه وكمان عشان هي لسا عارفاه متعرفش هو بيحب ايه
محمود: بقولك ايه عندكوا مكنه تنعيم عشان الجيش وكدا عاوز اشتري واحده
ليلي: مش عارفه هبقي اسألك ماجد
.....
جه ف بالها وفكرت تجبهاله وجابتله المكنه وكانت مستنيه اقرب فرصه تديهاله......
.......
قبل عيد ميلادها بيوم قالت لماجد انها هتاخد اليوم وصحابها قرروا يتجمعوا كلهم ف بيت واحده منهم
تليفونها رن وكان محمود
كل سنه وانتي طيبه
ليلي: وانت طيب ي محمود بس لسا بكرا
محمود: اول واحد يقولهالك
ليلي: اه فعلا
.........
تاني يوم نزلت من البيت وقابلت صحابها وعملولها عيد ميلاد مفاجأه ف البيت وفرحت جدا ولمتهم خلتها مبسوطه جداا
خلص اليوم وروحت ومحمود كلمها بعد م خلصت
محمود: تعالي طيب اجبلك تورته
ليلي بضحك: لا واكله كتير
محمود: يعني مش هيبقي تورته ولا هديه
ليلي: م قولتلك مش بعرف والله اخد حاجه م حد
محمود: والله انتي بتضايقيني علي فكرا بس براحتك
.......
.............
عدي اليومين عادي ويوم عيد ميلاده كلمته تقوله كل سنه وانت طيب وكانت عاوزه تديله الهديه بس مش عارفه تقوله ازاي
محمود: مش هاخد حاجه وانتي مخدتيش مني
ليلي: ي محمود وايه يعني
محمود: والله وانتي شايفه انه عادي اخد منك وانتي مخدتيش مني
ليلي: اه عادي
محمود: مش هينفع ي ليلي
ليلي: نعم انا جبت خلاص هعمل ايه فيها
محمود: مش عارف
ليلي: خلاص ماشي شكرا
محمود سكت شويه وبعدين قالها
طب انا عاوز الهديه بتاعتي
ليلب: والله
محمود: اه بس بشرط اني لما اجبلك حاجه تاخديها
ليلي بتفكير: خلاص مش مشكله
محمود: ماشي هشوفك ازاي
ليلي: هسيبهالك ف المحل اللي جمبي
محمود: نعم!!! يعني اخد هديه منك وحد تاني يديهالي انتي بتهزري صح
ليلي: واي المشكله *هي عارفه انه اتضايق بس اتحرجت جدا انها تقابله وتقف معاه وحست انها مش هتعرف تاخد الخطوه دي*
محمود: مش هاخد حاجه انتي مش هتديهالي ب ايدك
ليلي: طب وبعدين
محمود: زي م قولتلك
ليلي: خلاص هشوف يوم كدا وهبقي اشوفك وانا مروحه
محمود: ماشي
روحت وغيرت هدومها وقعدت تكلمه قبل م تنام ك العاده
وبعد 4 ايام
كلمت محمود وقالتله انها نص ساعه وهتخرج من الشغل وهتقابله ف شارع جانبي
وهي مروحه كان معاها سميره
سميره: يلا روحي ومتأخريش
ليلي بتوتر: ماشي
راحت وكان واقف والشارع ضلمه شويه وقفت قدامه حست انها مش عارفه تبصله ومتعرفش ليه كل دا حصل لما وقفت قدامه
ازيك
ليلي: احم الحمدلله.. خد كل سنه وانت طيب
ومدت ايدها بشنطه فيها البوكس بالهديه
محمود: تسلمي وانتي طيبه
وابتسم وسكتوا
ليلي: انا همشي بقا عشان سميره اختي مستنياني ع اول الشارع
محمود: ماشي ابقي كلميني لما تروحي
ليلي: حاضر باي
......
مشيت وقلبها دق المره دي بس مش خوف لا ^^°°°°
......
وانتي طيبه
نعم!
لسه شايف الورقه
ليلي: اها عجبتك؟
محمود: جدا..
ليلي: ماجد كان عاوز يجربها بس مرضيتش
محمود: انتي عسل ي ليلي اوي
ليلي: كويس انها عجبتك
اتلكموا لحد م نامت
..............
ماجد: مبقناش مركزين ي معلم
ليلي: ها.. ف ايه
ماجد: اووه دا الموضوع كبير
ليلي: لا مفيش حاجه
ماجد بضحك: واضح هنبقي نشوف الموضوع دا بعدين
ليلي ضحكت وسكتت
.......
سميره: هنروح عند نهي يوم رأس السنه اشطاا
ليلي: ماشي حلو دا
سميره: اه كلمتني وهنبات معاها كام يوم عشان ف حاجات هتعملها ونقعد مع ولادها بس لسا لما رأس السنه يجي يعني
........
ي بابا مش هينفع اسيب الشغل
لا قولت مفيش شغل تااني خلاص انتي واختك
ليلي بعياط: لا انا مش عاوزه اقعد
ابوها: قولت خلاص وبعدين وجع الضهر اللي بيجيلك دا من الشغل واي يعني لما تقعدوا
سميره: ي بابا كدا كل واحده ف حاجات بتبقي عاوزه تجيبها لنفسها حاجات شخصيه
ابوها: لا لو حاجه احتجتوها ومجتش ابقوا اتكلموا
ليلي فضلت تعيط عشان اتعودت ع الشغل ف يومها ومبقتش حابه قعده البيت
كلمت محمود وقالتله انها هتقعد من الشغل
محمود: خلاص مش مشكله وبعدين عادي يعني
ليلي: لا انا هزهق من القاعده
محمود: انا هفضل اكلمك كل شويه عشان متزهقيش
ليلي: يعني مش هتزهق مني!
محمود: عمري م ازهق منك ي ليلي
ليلي بعتتله قلوب كتير
محمود: ايدا
ليلي بضحك: قلب واحد مش كفايه ف حبي لييك
محمود بضحك: والله
ليلي بضحكه: اها
.................
راحت مع سميره عند نهي وف يوم...
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
2019/12/4
كانت بتكلمه وقالها انه عنده حاله وفاه وسافر مع باباه وهيرجع متأخر كان بيكلمها كل شويه وف الاخر قالها تنام عشان قدامه كتير قالتله عادي وهتستني لحد م يخلص
استغربت نفسها جدا انها بتستني محمود ووليد اللي كان خطيبها مكنتش بتستناه بس قالت عادي ممكن عشان مش ورايا شغل
ع الساعه 4 الا ربع كانت بدأت خلاص تنام لقت تليفونها بيرن ردت وحاولت متبينش ف صوتها انها عاوزه تنام
ليلي بنعاس: الو
محمود: منمتيش لسا
ليلي: لا قولتلك هستناك
محمود: انا لسا اهو مروح
ليلي: حمدلله ع السلامه
محمود: هو انتي ليه مكنتيش بتطمني عليا وانا ماشي يعني والجو دا
ليلي فهمت كلامه بس مبينتش
ليلي: ازاي يعني
محمود: ليلي هسألك سؤال ولو مردتيش هقفل و مش هكلمك وهزعل
ليلي بقلق: ف اي طيب
محمود: انا بالنسبالك ايه
ليلي بغباء: محمود
محمود: ليلي متستعبطيش
ليلي: فهمني
محمود: فهميني انتي انا بالنسبالك ايه او بتعتبريني ايه
ليلي بحرج: اصحاب
محمود: متاكده اصحاب بس
ليلي: اه عادي
محمود: ليلي
ليلي: احم يعني بص هو انا
محمود: ايوا انتي ايه
ليلي بكسوف: انا وانت وو انت محمود
محمود: ايوا وانتي ليلي يلا اي تاني
ليلي: بص انا مبسوطه بكلامي معاك وانت يعني ممكن ف اعجاب او كدا
محمود: ليلي جمعي
ليلي: محمود انا بحبك
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
قفلت ف وشه وفضلت تشتم ف نفسها ازاي قالتله كدا وكانت هتعيط.. ايدا بيرن
ردت وسكتت
محمود: احم اي ي كوكو
ليلي: ايه
محمود: ايه انتي
ليلي: مفيش
محمود هزر معاها عشان تنسي الموقف وترجع تتكلم عادي من غير كسوف
................
2019/12/7
*ومكنتش اعرف قلبي هيحبك كدا وكنت فين انت وكل الحب دا*
سرحت ف كلام الاغنيه وحست ان قلبها دق معاها
فاقت ع صوت سميره
ها هناكل ايه
نهي: تعالوا نعمل مكرونه بسرعه وخلاص
ليلي: ماشي يلا
كلت مع اخواتها واتفرجت معاهم ع فيلم وقامت تكلم محمود
°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
وبعدين
محمود: بس ف حاسس بملل شويه
ليلي: لا متحسش بملل وبعدين انا معاك اهو
محمود: بجد
ليلي: اه بجد
محمود: ليلي
ليلي بنعاس: ها
محمود: انا بحبك
ليلي فاقت وقامت قعدت ع السرير مكنتش حاسه ب البرد ولا حاسه ب اديها اللي اتخبطت وهي قايمه كل اللي حاسه بيه هو بس
.....
محمود: بحبك من اول مره شوفتك فيها لما كنتي خارحه من عند اختك ولابسه لبس المدرسه انا مش اول مره اشوفك فيها لما كنتي ف المحل لا انا شوفتك قبلها وكنت عارف انك مخطوبه
ليلي: كنت عارف
محمود: اه كنت عارف بس كنت عارف انك ليا وان هيجي يوم وهتبقي معايا
ليلي مش عارفه تتكلم ساكته وبتسمعه بس
محمود: ليلي انتي معايا
ليلي: احم ايوا
محمود: ساكته ليه
ليلي: بسمعك
محمود: طب ايه
ليلي: ايه
ضحكوا الاتنين وسكتوا شويه
ليلي: بس انت سوسه يعني ضحكت عليا
محمود بضحك: ايوا
............
سميره: يلا ي ليلي اصحي عشان نلحق نفطر مع نهي ونمشي
ليلي: حاضر قايمه اهو
قامت غسلت وشها و قامت فطروا سوا ولبسوا ونزلوا روحوا البيت
ليلي: سميره انا عاوزه اشوف محمود
سميره: اشمعنا
ليلي: هشوفه عادي وهو مستني اقوله امتا
سميره: ماشي ممكن ننزل سوا وانا هروح لصحابي وانتي تروحي بس متأخريش
ليلي: ماشي خلاص
............
هبقي اشوفك بس مش هأخر
محمود: ماشي امتا
ليلي: يعني ممكن بعد بكرا كدا
محمود: ماشي ي بابا
..........
يوم المقابله
هاي ازيكوا
رحاب: ليلي
وحضنو بعض
ليلي: وحشتوني والله
غاده: وانتي والله اوي مبتجيش ليه تسملي حتي
رحاب: اه ي بنتي خلاص نسيتنا
ليلي: والله ابدا مش بنزل وكدا بس عديت عليكوا النهاردا لما نزلت
رحاب بغمزه: رايحه فين
ليلي: لا نزلت مع اختي هتشتري حاجات وهنروح امهم ماجد فين
انا هنا ي استاذه
ليلي: اي اخبارك ي باشا
ماجد: لا زعلان مبتسأليش عليا
ليلي ضحكت: نفس الكلمتين والله لسا سمعاهم بس مش فاكره من مين
ضحكوا وقعدت معاهم شويه وراحت لمحمود
ليلي: ازيك
محمود: الحمدلله وانتي
ليلي: كويسه.. رايحين فين
محمود: عادي زي م تحبي
ليلي: ممكن نلف بس عشان منأخرش
ركن ف مكان هادي وبصلها
اي بقا عملتي اي لما نزلتي
حكتله اللي حصل وسكتت شويه
محمود: حلوه الساعه دي وريهالي كدا
قلعت الساعه واديتهاله
محمود: هديها لعمتي
ليلي ضحكت: والله
محمود: اه وطلع علبه فيها انسيال
هاتي ايدك
ليلي اتحرجت ومدتله ايدها
مسك ايدها ولبسهولها
محمود: دا احلي
ليلي: شكرا
محمود: استني لسا وطلع علبه تاني فيها سلسله
محمود: دا انا هخليكي ام الجواهر
ليلي بضحك: ايدا ف ايه
اداها السلسله
محمود بغمز: البسهالك
ليلي: لا ياخويا تسلم
فرحت جدا بيهم وحست ان دي احسن حاجه جتلها
محمود: احم وقرب ايده ومسك اديها
ليلي قلبها دق واتوترت
محمود: اديكي ساقعه
ليلي: اه م الجو وكدا.....
...... روحت البيت وكانت كل تفكيرها ف الوقت اللي قعدته معاه دا وقد اي الحبه دول خلوها كدا
*حبيت ي قلبي ولا ايييه*
مامتها: ولا اييه
ليلي: ايدا ماما بتخضيني ليه
مامتها: لا انتي اللي سرحانه ياختي ومين بقا اللي حبيت ولا ايه
ليلي: لا دا عمرو دياب ي ماما عادي
مامتها: ماشي ماشي حلو عمرو
ليلي ضحكت ودخلت الاوضه قعدت مع سميره
................... بعد اسبوع
سميره: تنزلي معايا ي ليلي
ليلي: فين؟
سميره: هروح عند صاحبتي
ليلي: لا ممكن هنزل هشوف محمود
سميره: ماشي
كلمت محمود وقالتله انها هتنزل مع سميره بكرا وهتشوفه
بس قبل م تنام
خلاص ي محمود شكرا
محمود: العفو ي ليلي وانا مش هتكلم تاني
ليلي بضيق: سلام
قفلت وهي متضايقه انهم اتخانقوا
صحيت تاني يوم وقالت هتشوف صاحبتها بدل م تقعد ف البيت نزلت وقابلتها
منه: بيبي
ليلي: حبيبي عامله ايه
منه: الحمدلله قوليلي مخرجتيش ليه مع محمود
ليلي: اتخانقنا عادي وبس ف افتكرت انك قولتيلي ف يوم تنزلي ونتقابل ف كلمتك
منه: طب كويس جداا يلا نتمشي
قعدت معاها شويه ولقت تليفونها بيرن محمود
منه: اوعي تروحي وتقابليه وتسبيني
ليلي: عيب عليكي بقولك متخانقين
الو
محمود: الو.. انتي فين
ليلي: مع صاحبتي
محمود:طيب انا هقوم اخد دش وهلبس وهنزل
ليلي: ليه؟
محمود: هشوفك..مش عاوزه تشوفيني؟
ليلي: لا مش قصدي.. طيب ماشي
قفلت معاه وبصت لمنه
ليلي: طب الحق بقا اوصلك
منه بضحك: اقسم بالله كنت حاسه
ليلي: القلب وم يريد يلا اوصلك ونتكلم واحنا ماشيين شويه
........
شافت محمود وقعدت معاه
ليلي: بس انا زعلانه انت امبارح قولتلي مش هتكلمني تاني
محمود: مقدرش
ليلي: والله
محمود: اه والله وانا بحبك
ليلي اتكسفت
محمود: ايه
ليلي: وانا كمان
محمود: انتي ايه
ليلي: محمود خلاص بقا.. امهم انا كنت فاكره انك مش هتنزل
محمود: عيب يعني ازاي مشوفكيش
قضوا اليوم وقبل م تمشي محمود نزل وقالها خليكي ثواني
ونزل وجه وكان معاه شنطه ادهالها
ليلي: ادا
محمود: حطيها ف شنطتك واسكتي
ليلي: لا مش هينفع
محَود: ليلي اسمعي الكلام وبطلي الحركات دي
وحطهم ف شنطتها روحت البيت كانت مبسوطه واتأكدت انه فرحه ف حياتها كبيره
فتحت الشنطه لقيته جايبلها بسكويت وشيكولاته فرحتها بيهم كأنها اول مره تشوف الحاجه دي
سميره: ايوا بقا
ليلي: انا مبسوطه اوي..
سميره: يارب ع طول مبسوطه...يتببع
تعليقات
إرسال تعليق