 |
قلبي ولكن 💞
( الجزء الثاني والعشرون ) 22_23
بقلمي مآآهي آآحمد
رحمه فتحت عنيها بتبص لاقيت نفسها نايمه في حضن غيث
ولاقيت الدم نازل ما بين رجليها وعرفت وقتها انها خلاص كده فقدت عذريتها وبقت مدام
اول حاجه قربت من غيث وابتسمت لغيث وبعدها ابتدت تحس بفظاعه اللي حصل وان ازاي يحصل حاجه زي كده قامت بسرعه من جنب غيث
غيث حس برحمه وهي بتقوم من جنبه
غيث شدها لحضنه مره تانيه من ايديها وقلها
غيث: ( بابتسامه ) رايحه فين ؟
رحمه : أنا .. انا مش عارفه عملت كده ازاي .. ازاي فرطت في نفسي بالسهوله كده وانا معاك
غيث: صبا اهدي في ايه انا مش عيل مراهق بلعب بيكي وخدت اللي انا عايزه وهمشي صبا انا بحبك ❤️
رحمه : ( بعصبيه ) انا مسميش صبا ياغيث ماسميش صبا
اسمي رحمه بنت اللواء عبد القادر اللي فرطت في نفسها لواحد ارهابي
رحمه ( في نفسها ) : معقول انا حبيته اوي كده معقول حبيته للدرجه دي
غيث: رحمه سكوتك ده مش مطمني في ايه ما انتي عارفه من الاول ان ارهابي
رحمه : سيبني دلوقتي ياغيث انا مخنوقه
غيث: مسك رحمه من ايديها وضمها لحضنه وبقي حاطط جبينه علي جبينها بقوا قريبين من بعض لدرجه ان رحمه بقت تغمض عنيها عشان تتنفس النفس اللي غيث بيطلعه وبعد كده غيث قلها
غيث: انا مش هسيبك يارحمه .. عمرى ما هسيبك
رحمه : غيث انت مش فاهم انا في الحالتين ميته لو مخفتش من المرض ده هموت ولو خفيت ابويا هيموتني لو عرف اني سلمت نفسي ليك ياغيث 💔
ومره واحده رحمه حست بدوخه فظيعه مابقيتش قادره تقف
غيث مسك رحمه بيبص لقاها مغم عليها ومابتنطقش والنفس بتتنفسه بالعافيه
بقلمي مآآهي آآحمد
غيث: رحمه .. رحمه .. فوقي يارحمه
رحمه : ___________________
غيث شال رحمه بسرعه وحطها في العربيه واخدها بسرعه علي المستشفي ورجعها اوضتها
رحمه كانت تعبانه جدا ومش قادره تتكلم حرفيا غيث بقي واقف من بعيد ورا الازاز والدكتور معاه
راحت رحمه بصيتله وهي تعبانه وحالتها اتدهورت اكتر من الاول وحصلها انتكاسه
رحمه اول ما فاقت راح غيث ضحكلها بضحكته اللي اتجنن
رحمه راحت ضحكت لغيث وقالتله
رحمه : ضحكتك حلوه اوي ياغيث
رحمه : اوعدني .. او .. اوعدني انك تبطل ..وبلعت ريقها بالعافيه وكملت كلامها وقالت
رحمه : انك تبطل كل اللي كنت بتعمله زمان ياغيث
وتساعد بابا وتعرفه فين مكان القنبله
غيث: صبا مش وقته الكلام ده
رحمه : مافتكرش ان في وقت تاني ياغيث خلاص
غيث دموعه نزلت منه وهو شايفها كده قدامه رحمه ابتدت تكح اكتر وتتعب اكتر راح غيث بص للدكتور وقاله
غيث: حالتها بتسوء اكتر مش هقدر اشوفها كده مافيش طريقه تانيه للعلاج
الدكتور بص لغيث وحط وشه في الارض وسكت
رحمه بصيتله مره تانيه وقالتله
رحمه : امنيتي الاخيره انك توعدني ياغيث .. اوعدني انك تسيب كل الحاجات اللي كنت بتعملها دي وتبقي شخص كويس
غيث: اوعدك ياصبا اوعدك اني هتغير وابقي شخص مختلف بس كل ده مش هيبقي لي قيمه من غيرك لازم تخفي ياصبا لازم
رحمه ابتدت تكح اكتر والدكاتره دخلت بسرعه عليها وحطيتلها جهاز التنفس الصناعي عليها بسرعه وعبدالقادر جه هو وعزيزه بعد ما غيث اتصل بيهم بقوا واقفين وهما شايفين بنتهم كده ومش قادرين يتحركوا او يعملوا حاجه حرفيا ماما رحمه بقت قاعده تصلي جنبها وتدعيلها وبس عبدالقادر ماسك المصحف بيقرا قران جنبها
غيث قرب من اللواء عبدالقادر وقاله
غيث: انا لازم ارجع مصر
اللواء عبد القادر كان زعلان جدا من غيث عشان اللي عمله مع مروان وقاله
اللواء عبد القادر: اللي يريحك
غيث: انا محتاجك معايا
اللواء عبد القادر: انا مش فاهم حاجه محتاجني معاك ليه ؟
غيث: انا للاسف مشغل timer القنبله علي ميعاد تصفيات كاس العالم بكره ولازم اوقفها انا الوحيد اللي اعرف اوقفها ازاي
عبد القادر: وايه اللي غير تفكيرك كده ياغيث
غيث: انا اتغيرت انا مابقيتش زي الاول ومش معني كده اني ماليش ذنب في حاجه عملتها زمان بس كل اللي عايز اعرفهولك اني بقيت مستعد اني اقولك علي كل المعلومات اللي عايز تعرفها
عبد القادر: انت مقتنع باللي انت بتقوله ياغيث
غيث: عمرى ما كنت مقتنع بحاجه زي دلوقتي ياسياده اللواء انا كنت معمي واخيرا بصيرتي رجعتلي انا تحت امرك في اي حاجه انت عايزها
عبد القادر: لازم نوقف القنبله بكره تصفيات كاس العالم وزي ما السياح دخلوا في امان لازم يخرجوا منها بسلام
غيث: انا تحت امرك
غيث راح لصبا وقلها
غيث: انا هبعد عنك شويه بس عايزك توعديني وعد ياصبا
رحمه هزت راسها لغيث من كتر ما مش قادره تتكلم
غيث: اوعديني اني لما ارجع الاقيكي احسن من الاول
انا عارف انك قدها وانك هتهزمي المرض ياصبا اتفقنا
بيت الشجره لسه موجود عايزين نملاه اطفال كلهم يبقوا شبهك ياصبا
رحمه : ( ابتسمت لغيث وهزت راسها بمعني موافقه ):
المشهد ده حلو اوي مهما اوصفه مش هعرف عشان كده عملته فيديو عندي علي البيدج بتاعتي حكآآيآآت مآآهي ابحثي عنها علي الفيسبوك هتظهرلك علي طول اتمني الفيديو يعجبكم
عبدالقادر طلع مع غيث
عبدالقادر: هنعمل اي دلوقتي
غيث: انا هبدأ بعمي وهجيبهولك حي
عبد القادر: مش وقت عمك خالص ياغيث اهم حاجه ننقذ الاااف اللي هييجوا بكره الاستاد
بقلمي مآآهي آآحمد
غيث: انت شايف كده
عبد القادر: انا مش شايف غير كده
غيث: تمام وانا موافق وانا هجيبلك عمي حي ماتقلقش وكلنا هندفع تمن اللي عملناه انا مابقولش اني برىء بالعكس انا لازم اتعاقب على كل اللي عملته
عبدالقادر طبطب علي غيث وقاله
عبدالقادر: انا فخور بيك ياغيث
غيث اذستأذن من عبد القادر هيروح الشقه يجيب حاجات وهيرجعلوا علي طول وعبد القادر وافق علي طول
غيث كذب علي عبدالقادر هو مش كان رايح الشقه هو كان رايح لعدي وورد في اوضتها بس مكانش عايز عبد القادر يعرف حاجه عن عدي وورد خالص
--------------------------------------------------
عدي: انا مش مصدق انك اخيرا فتحتي عنيكي ياورد
ورد : عملوا فيك ايه وشك ماله ازرق كده ليه
عدي: ماتشغليش بالك بأي حاجه ياورد المهم انك معايا واحنا بعيد عن ابوكي وعن اللي خلفوكي كمان
ورد : هههه
ورد : نفسي نبعد عن كل المشاكل دي بقي ياعدي نفسي نبقي ناس طبيعيه من غير اي مشاكل من غير سلاح وضرب نار نعيش في حالنا وانت تصحي الصبح تروح شغلك وانا افضل استناك لحد ما تيجي من شغلك ولو ربنا اراد في يوم نخلف طفل او اتنين ونعلمهم ونطلعهم احسن مننا
عدي : عايز اقولك علي حاجه ياورد
ورد : قول ياعدي
عدي: ( بابتسامه ودموع بتلمع في عيونه ) انتي حامل
ورد : عدي انت بتتكلم جد
عدي مسك ايد ورد وباس ايديها وقرب منها وقلها
عدي: وحياتك بجد
ورد : بقت تلمس بطنها بأيديها وتقوله
ورد : يعني انا جوايا حته منك
عدي: انتي جواكي حته مني ومنك وهتفضل تربطنا ببعض طول العمر
ورد : انا ابتديت اخاف عليه من دلوقتي
عدي: ماتقلقيش ياورد خفي انتي بس وانا اوعدك هنبعد عن كل ده هنعيش في مكان بعيد محدش يعرفنا فيه وهنبدأ حياه جديده مع ابننا ياورد
ورد فتحت ايديها لعدي واخدته في حضنها وبقت عنيها بتلمع من دموعها وهي مش مصدقه ان ممكن تعيش في سلام اخيرا
غيث كل ده كان موارب الباب بتاع اوضه ورد وسمع كل كلامهم راح ابتسم وفرحلهم اوي وقال في نفسه
غيث: مع السلامه ياصحبي اتمنالك حياه جديده نضيفه تعيشها انت وعيلتك في سلام
غيث بعدها راح للواء عبد القادر واخده ورجعوا علي مصر
عبد القادر: مين اللي بيمولكم ياغيث
غيث: جماعه في قطر .. قطر هو المقر الرئيسي للتمويل بتاعنا كل اللي اعرفه ان امير الجماعه اسمه الامير شاكر هو الوحيد اللي اعرفه هناك ومسؤول عن تمويل اي عمليات ارهابيه حصلت في مصر
عبدالقادر: هو مصري اكيد
غيث: محدش يعرف جنسيته بس اللي اعرفه انه هو كمان بيتمول من مجموعه اكبر كل همهم ان بلدنا تخرب واهلها يعيشوا في حرب ما بين بعض
عبد القادر : والقنبله
غيث: الامير شاكر من كل جماعه بيثق في شخص واحد بس منها انا عمرى ما شوفته حقيقي دايما بشوفه من الكاميرا وبيبقي وشه مضلم بس في مره فضولي اخدني وصورته وبقيت اوضح ملامحه لحد ما شوفت ملامحه كويس اوي
عبدالقادر: يعني تقدر تكلمه ونعرف طريقه
بقلمي مآآهي آآحمد
غيث رجع مقر المخابرات من تاني
وبقي معاه مجموعه من اهم الظباط اللي حواليه
اللواء عبد القادر: اسمعني ياغيث انا مش هقدر اني اكون لوحدي لازم تتعاون معانا
غيث: انا عارف ده كويس
عبد القادر: يعني انا مش هكون لوحدي احنا لازم نرجع المخابرات ياغيث
غيث: انا فاهم ده كويس انا مبقاش يهمني حاجه في الدنيا دي كلها انا وعدت صبا وعد ولازم انفذه الحياه من غير صبا صعبه وانت شايف نهايه صبا ممكن تكون ازاي ياسياده اللواء
انا خلاص مابقيتش عايز اعيش في دنيا ممكن صبا ماتكونش فيها
بقلمي مآآهي آآحمد
غيث رجع مقر المخابرات مره تانيه بأرادته وابتدي يساعد المخابرات والعميل محمد بكل سؤال هو بيسأله ومن اللحظه دي وصلوا لمعلومات عمرهم ما كانوا يقدروا يوصلولها في يوم بقلمي مآآهي آآحمد
العميل محمد ابتسم لغيث وبقي يبصله نظره رضا واخد المعلومات اللي غيث قاله عليها وبعدها غيث طلع علي الاستاد كانت الساعه ٤ الفجر تقريبا يوم تصفيات كاس العالم
راح بسرعه لمكان القنبله
غيث : ياريت تحفروا مكان الكرسي هنا
الرجاله اللي من الشرطه بسرعه جدا حفروا لحد ما بيبصوا حسوا بحاجه تحتهم
غيث : كفايه كده
غيث بقي بيحفر بأيديه لحد ما طلع صندوق فتح الصندوق لقي فيه القنبله
بص علي الوقت وكان ناقص علي الوقت ٨ ساعات علي انفجار القنبله
بقلمي مآآهي آآحمد
غيث : ابتدي يدوس علي الزراير وعلي timer بتاع القنبله عشان توقف العد التنازلي بتاعها بس العد التنازلي مابيقفش
عبدالقادر ابتدي يقلق وقاله
عبدالقادر: في ايه ياغيث
غيث: اديني وقتي مش اكتر
عبد القادر : ماشي خد وقتك ياغيث
غيث ابتدي يحاول مره والتانيه لو كتب الباسورد في المره التالته غلط القنبله هتنفجر قبل ميعادها
غيث بقي يحط ايده علي شعره وبقي يعصر دمااغه وبقي يقول في نفسه
غيث: ( ايه اللي حصل ) انا متأكد ان الرقم السري صح اكيد في حاجه غلط
واخيرا افتكر لما كان عدي معاه وقاله
عدي: ماتحط حرفي في الرقم السري معاك
غيث: ( ابتسم) والله ما انا مزعلك
غيث افتكر بسرعه ان بعد الرقم السري لسه هيحط حرف عدي بيبص
لقي ضرب نار جاي من بعيد وابو عمار كان من ضمنهم ورجاله حوالين الاستاد كتيييير جدا بيضربوا نار علي رجاله الشرطه
العميل محمد اتكلم في اللاسلكي بتاعه : احنا بنتعرض لهجوم محتاجين دعم حالا ..
العميل محمد : بكرر كلامي بنتعرض لهجوم محتاجين الدعم فورا
اللواء عبد القادر كان نزل ورا كرسي من كراسي الاستاد وبيضرب نار من وراه ومره واحده ار بي جي كان جاي ناحيته غيث بسرعه شاف كده جري بسرعه ناحيه عبد القادر وبعده بعيد عنه
غيث: ( بنهجه ) انت كويس
عبدالقادر: خليك معاهم ياغيث ماتسيبهمش انا كويس
غيث: اخد المسدس من عبد القادر وبقي مع العميل محمد كتف بكتف وبقي يضرب نار عليهم
العميل محمد قال لغيث: القنبله ياغيث اهم حاجه توقف القنبله بسرعه وانا هحميك
العميل محمد بقي يضرب نار عليهم
وغيث جري بسرعه راح ناحيه القنبله
ومره واحده والعميل محمد بيضرب علي الارهابيين نار جت طلقه فيه للاسف جت في صدره غيث رجع للعميل محمد واخده وبقي يشده من المكان اللي هو فيه
العميل محمد : والدم طالع من بوقه قاله
وقفت .. ال.. القنبله
غيث: هوقفها ماتقلقش
العميل محمد : وقفها ياغيث .. وقفها
ومره واحده العميل محمد اتشاهد وقابل وجه كريم
غيث غمض عنين العميل محمد وسابه وطلع يجرى علي القنبله في وسط ضرب النار ده كله
وكان في ظباط تانيه بتحميه عشان مايجيش فيه رصاص
واول ما راح اخيرا للقنبله حط الرقم السري ووقفها وبعدها بلحظه بيبص لقى ابو عمار واقف وحاطط المسدس علي راس غيث
ابو عمار: ياخساره يا ابن اخويا بعت اهلك وناسك عشان اي ده كله حته بت مالهاش اي تلاتين لازمه ضحكت عليك هي وابوها وفهمتك انها تعبانه عشان تيجي انت زي الاهبل برياله واتعرفهم مكان القنبله
غيث: انت بتقول ايه
ابو عمار راح جاب رحمه ومربطه من ايدها وحاطط شاش اسود علي وشها وقاله
ابو عمار : لو ماقلتلهووش الحقيقه شايفه ابوكي اللي هناالك ده
رحمه بصت وراها بتبص لاقيت في واحد حاطط المسدس علي راس ابوها
ابو عمار كمل كلامه : انا هقتله لو ما قولتيش الحقيقه حالا
رحمه : ___________
ابو عمار بص للي ماسك باباها راح ضربه طلقه في رجله
رحمه : بصت لغيث وهي بتبكي كل كلمه ابو عمار قالها صح ياغيث انا عمرى ما كنت تعبانه
غيث: 🙂😳😳
قلبي ولكن 💞
( الجزء الثالث والعشرون )
بقلمي مآآهي آآحمد
رحمه : كل كلمه ابو عمار قالها صح ياغيث انا عمرى ما كنت تعبانه
غيث:🙂😳😳
ابو عمار ضرب رحمه في بطنها وشال الشاشه السودا من عليها وقلها
ابو عمار: كملي كلااامك احسنلك 😡
رحمه : احنا .. احنا عملنا كده .. عملنا كده ياغيث عشان نقدر نخليك تعترف والمخابرات اتفقوا مع والدي انهم يطلعوك ويهربوك عشان .. ( والدموع نازله منها ) عشان نقدر ننقذ الاااف الارواح اللي كانت هتموت من غير ذنب
غيث:😳😳
ابو عمار ( بزعيق وشخط) كملي كلامك
رحمه سكتت وماتكلمتش كانت بتبص في عيون غيث مش اكتر.. وهي شيفاه مصدوم حرفيا ومابيتحركش
ابو عمار : كده ماشي المره دي الطلقه هتبقي في راس ابوكي
ولسه هيشاور للراجل اللي حاطط المسدس علي راس اللواء بأنه يقتله راحت رحمه كملت كلامها بسرعه وقالت
رحمه : ولما .. لما جربوا معاك كل اساليب التعذيب وبرضوا مش عايز تنطق فكروا في حكايه مرضي وان .. ( بنهجه ) وان انا الوحيده اللي اقدر اخليك تقولهم علي كل حاجه وخصوصا لما وقفت القنبله عشاني في مقر المخابرات
بقلمي مآآهي آآحمد
ابو عمار : هااااا .. كملي كلامك 😡
رحمهة: كل حاجه حرفيا .. حرفيا كانت كذب امي كانت عارفه كل حاجه وبتمثل معانا الدكاتره متفقين معاهم الكيماوي ده كان مجرد كلوجوز شعري اللي وقع انا اللي قصيته .. الترجيع كنت باخد برشام عشان ارجع كل حاجه ياغيث كانت كذب حتي صوره ابو عمار مع الظابط كانت مجرد فوتوشوب
غيث قام وقف وقرب خطوات من رحمه وقلها
غيث: حتي نومك معايا كان كذب
رحمه حطت وشها في الارض وماتكلمتش
غيث داس علي سنانه وشر الدنيا كله بقي في عنيه ولسه هيتكلم بيبص لقي الدعم اللي طلبه العميل محمد قبل ما يموت وصل وبقوا يضربوا نار علي غيث وابو عمار
وضرب النار بقي في كل حته وبعد ما ابو عمار ورجالته هما اللي كانوا مسيطرين بقي المخابرات المصريه هي اللي مسيطره ورجاله ابو عمار بتقع راجل ورا التاني
ابو عمار: شغل القنبله تاني بسرعه ياغيث
غيث واقف مكانه مابيتحركش كان باصص لرحمه وبس
ابو عمار: ياغيييييييث فوووء بقي
غيث: مش هرحمك يارحمه 😡
بقلمي مآآهي آآحمد
ابو عمار شاف غيث كده مش همه لا موت ولا ان رجاله المخابرات جت وهيقتلوهم راح أمر رجالته بسرعه وقالهم هاتوا غيث مافيش وقت هاتووه )
غيث : مش همشي من غيرها
ولسه جاي يمسكها من ايديها رحمه زقت ايده بسرعه وسابته وجريت وضرب النار بقي علي العربيه ولحسن الحظ انهم راكبين في عربيه ضد الرصاص ابو عمار بسرعه اخد غيث لان ده اللي يهمه ومشيوا بالعربيه وطبعا بقيت الرجاله بتاعت ابو عمار ركبوا عربيات نفس الموديل وكل العربيات شبه بعض بقي البوليس مش عارف انهه عربيه اللي فيها غيث وابو عمار
وبعد مناورات كتيره جدا ابو عمار وغيث قدروا يهربوا
بقلمي مآآهي آآحمد
رحمه وقتها جريت علي اللواء عبد القادر باباها عشان تشوفوه لاقيت رجليه متصابه اصابه كبيره اخدته بسرعه وبقت تقول
رحمه : الاسعااااااااااف حد يجيب الاسعاااااااف بسرعه
وفي لحظه اخدوا اللواء عبد القادر علي عربيه الاسعاف
وركبت مع باباها العربيه وهي شيفاه قدامها كده سايح في دمه بقت تعيط عليه واخيرا وصلوا المستشفي
بقلمي مآآهي آآحمد
الدكاتره بسرعه اخدوا اللواء عبد القادر منها وابتدوا يقوموا باللازم
الدكتور طلع لرحمه
الدكتور : للاسف نزف دم كتييير محتاج نقل دم فورا
رحمه : انا نفس فصيله دمه يادكتور
الدكتور اخد رحمه بسرعه عشان تتبرع بالدم لباباها
وهي بتنقل دم بقي مافيش حاجه شاغله دماغها وتفكيرها قد
نظره غيث ليها لما عرف الحقيقه
-------------------------------------------------------
( في نفس الوقت )
غيث بسرعه هو وابو عمار طلعوا علي مركب بضايع تبعهم ورجع البحر مره تانيه ودخل كابينته وبقي بيضرب ايده في الحيط بكل عزمه ومش مصدق اللي حصل
بقي ينفس كل غضبه في الكابينه اللي هو فيها بقي يكسر كل حاجه قدامه حرفيا ومن كتر ما هو مصدوم في ان كل اللي حسه مع رحمه ده كذب بقي يحط ايده علي شعره ويمسح بأيديه علي وشه ويضرب راسه في الحيطه ويقول لنفسه
غيث: فوووووء ياغيث فووووء ده اكيد حلم وانت هتصحي منه
بقلمي مآآهي آآحمد
ابو عمار دخل عليه وبصله كده وقاله
ابو عمار: لا ده مش حلم ياغيث دي حقيقه وانت اتخدعت في اللي اسمها رحمه دي انا مش زعلان منك انك شكيت فيا وخونتني لاء خالص انا زعلان عليك مش اكتر يا ابن اخويا
غيث شاف الشماته في عيون عمه راح طرده وقاله
غيث: اطلع بره .. اطلع بره مش عايز اشوفك انت فاهم 😡
ابو عمار طلع بره وغيث رزع الباب وراه
---------------------------------------------------------
( تاني يوم الصبح)
رحمه : ها .. يادكتور بابا عامل ايه دلوقتي
الدكتور : الحمدلله هو بخير دلوقتي بقي احسن كتيير احنا طلعناله الرصاصه اللي في رجله ما تقلقيش عليه
رحمه كلمت مامتها في الفون
رحمه : الووو
ماما رحمه: __________
رحمه : ماتقلقيش عليه ياماما هو كويس مافيش داعي انك تيجي
ماما رحمه: ___________
رحمه : خلاص ياماما ماتعيطيش عشان خاطرى
ماما رحمه: ______________
رحمه : احنا في مستشفي السلام العسكري
ماما رحمه: ____________
رحمه : خلاص مستنياكي
رحمه قفلت الفون من هنا بتبص لاقيت مروان قدامها
رحمه: مروان انت .. انت عرفت منين
مروان : انتي ناسيه ان ليا ناس في امن الدوله ولا ايه
رحمه : عندك حق نسيت
مروان : هو عامل اي دلوقتي يارحمه
رحمه : الحمدلله يامروان كويس
مروان : حمدالله علي سلامه سياده اللواء
رحمه : الله يسلمك يامروان احنا تعبينك معانا فعلا
مروان : ماتقوليش كده يارحمه تعبك راحه
الايام عدت وتصفيات كاس العالم اخيرا انتهت بسلام وسياده اللواء بقي احسن بكتييير وابتدي يقف علي رجله من جديد بس بعكاز
الدكتور دخل علي سياده اللواء
الدكتور : اخبارك اي النهارده ياسياده اللواء
سياده اللواء عبد القادر: انا مابتحركش غير بالعكاز
الدكتور : ماتقلقش ده امر طبيعي اسبوعين او شهر بالكتير علاج طبيعي وترجع احسن من الاول
-----------------------------------------------------------
غيث كل الفتره دي كان في السفينه لا بياكل ولا بيشرب طول اليوم حرفيا بيحرق في سجاير وبس
غيث واقف علي طرابزين السفينه وبيشرب سيجارته كالعاده
ابو عمار جه ووقف جنبه وقاله
ابو عمار: الامير شاكر اتكشف وطبعا احنا عارفين مين اللي كشفه
غيث: هات اخرك يا ابو عمار 😏
ابو عمار: انا عايز ابدأ معاك بدايه جديده ونرجع زي الاول محدش يهزمنا ايد واحده انا من غيرك ولا حاجه وانت من غيري حته بت مالهاش لازمه ضحكت عليك
غيث: البت اللي ضحكت عليا دي مش عايزك تحطها في دماغك انا هعرف اجيبها واحطها تحت رجلي ازاي
بس لو عايزنا نبدأ بدايه صح قولي الحقيقه الاول
ابو عمار : حقيقه ايه
غيث: حقيقه انك انت اللي قتلت ابويا وامي
ابو عمار : ااااه .. فهمت
غيث: دي اخر فرصه ليك تقول فيها الحقيقه يا ابو عمار
ابو عمار: ابوك كان ضعيف .. ضعيف وغبي وكان دايما بيودينا في داهيه بضعفه وقله حيلته كان كل همه في الدنيا انه يعيش جنب الحيط مكانش في حد بيعمله حساب وفي يوم جت علينا كتيبه عسكريه عشان عرفوا ان ليا يد في عمليه تفجير الكتيبه التاسعه كانت لسه أول عمليه ليا وكنت مخبي سلاح وذخيره في بيت ابوك من غير ما يعرف دخلت بسرعه ابوك بقي يسألني جاي في الوقت ده بتعمل ايه هنا
بقيت اجيب السلاح والذخيره اللي شايلهم
ابوك وقتها بقي يقولي انت ازاي تخبي السلاح ده عندي من غير ما اعرف وبعدها الباب خبط وقتها انت كنت نايم وانا اتخبيت بسرعه فوق العشه الظابط دخل واول وانت من كتر الخبط علي الباب صحيت روحت انا اول ما شوفت الظابط ضربت نار عليه ابوك بسرعه خباك وانا بصوب علي الظابط جت رصاصه في ابوك وامك جت تجري عليه جت رصاصه طايشه من الظابط فيها وانت كنت عيل وكل ده كنت شايف اللي بيضرب نار قدامك وبس ووقتها شوفت الظابط وهو بيقتل امك
ابو عمار: انا قولتلك كل حاجه من غير ما اكدب عليك في حرف وقتل امك وابوك كان غصب عني مكانش بأرادتي ومدد ايدي وبقولك نرجع مع بعض زي الاول
غيث: مش دلوقتي لسه في دماغي حاجه لازم تحصل الاول
ابو عمار : وانا عارف ايه اللي في دماغك وعايز اقولك انا بعدت عن ورد وعدي وكل ده عشان اثبت حسن نيتي مش اكتر
غيث اخد اخر نفس من سيجارته ورمي سيجارته في البحر ودخل كابينته مره تانيه
-----------------------------------------------------
مروان : ازيك يارحمه
رحمه : اهلا ازيك يامروان
مروان حط بوكيه الورد اللي جايبه معاه لسياده اللواء وقاله
مروان : اتمني انك تكون بخير النهارده ياسياده اللواء
عبد القادر: الحمدلله احسن بكتيييير
مروان : يارب دايما
ماما رحمه : ما تاخدي مروان يارحمه وتمشوا بره شويه بعيد عن جو المستشفي والخنقه ده
رحمه : ايوه ياماما بس
مروان : سبيها براحتها ياطنط
رحمه : لا ابدا لو حابب ننزل تحت اتفضل
رحمه نزلت هي ومروان سوا
ماما رحمه: لايقين علي بعض اوي ياعبدالقادر نفسي اشوفها في بيتها بقي
عبد القادر: عندك حق اهوه ده العريس اللي يشرف
رحمه بتتمشي تحت مع مروان في الجنينه
مروان : مكنتش اعرف ان كل اللي حصل ده تمثيل يارحمه مكنتش اعرف انك بتضحي بنفسك للدرجه دي عشان تنقذي غيرك بالشكل ده وتقابلي ارهابيين ومجرمين وقتالين قتله
رحمه : عندك حق غيث واللي زيه مايستهلووش يعيشوا بس للاسف هرب
مروان : العثور علي غيث مابقاش مهمتك يارحمه
رحمه : انا عارفه
مروان : انا خايف لا يأذيكي
رحمه : ما تخافش عليا انا بعرف احافظ علي نفسي كويس اوي
بقلمي مآآهي آآحمد
رحمه الايام عدت عليها وطلع باباها من المستشفي وبقي احسن من الاول ورمى العكاز وكل يوم بقي مروان يجيلها ويخرج معاها ورحمه تخرج معاه وكانت الليام مابينهم حلوه جدا وفي يوم ومروان بيوصل رحمه زي كل يوم لبيتها مروان دخل معاها وقلها
مروان : تتجوزيني يارحمه
رحمه : مروان انت فاجأتني انت بتقول ايه
مروان : لاء مش مفاجئه ولا حاجه يارحمه انتي اكيد عارفه اني بحبك من زمان
ماما رحمه سمعت كده كانت هتموت من الفرحه
ماما رحمه: طيب اتفضل يابني هنتكلم من علي الباب كده
مروان : انا عاوز اتكلم مع سياده اللواء ياطنط
سياده اللواء: وسياده اللواء مستنيك من بدرى عشان تتكلم معاه يامروان
مروان : انا عارف اني اتأخرت في الطلب ده بس كان لازم اتأكد ان رحمه فعلا مابقيتش تحب غيث
سياده اللواء: رحمه عاقله زي ابوها وعمرها ما تفكر تعمل حاجه تزعل ابوها
رحمه : غيث ده ارهابي كان مجرد عمليه وانتهت بالنسبالي
مروان : انا مكنتش اعرف انها عمليه يارحمه تمثيلك كأنه حقيقه بالظبط
رحمه : كان لازم عشان اقدر انقذ الارواح دي كلها
بقلمي مآآهي آآحمد
مروان : طيب ممكن اعرف انتي موافقه ولا لاء
رحمه وهي بتبتسم
رحمه : اكيد موافقه
مروان اتبسط جدا وبقت الفرحه مش سيعاه وحددوا الخطوبه علي الخميس اللي جاي
رحمه نامت وكانت مبسوطه جدا اليوم ده
( تاني يوم الصبح)
رحمه بتبص في التاريخ لاقيت ان عدى عن ميعاد البريوت بتاعتها اكتر من اسبوع وهي مش واخده بالها
بقت هتتجن وبقت تروح في الاوضه يمين وشمال
اتصلت بندا بسرعه
ندا جاتلها بسرعه وفيصل اوب ما شاف ندا جرى عليها وحضنها
ندا: فيصل وحشتني
فيصل : انتي كمان وحشتيني اوي
رحمه : معلش يافيصل ممكن تسيبنا شويه هنتكلم كلام كبار فيصل ساب رحمه وندا لوحدهم
ندا : في ايه ياعروسه خضتيني
رحمه : البريوت ما جاتش ياندا
ندا : يعني ايه
رحمه : يعني زي ما بقولك كده .. ياندا ماجاتش
ندا: وايه اللي حصل عشان ماتجيش
رحمه ابتدت تحكي لندا علي كل حاجه
ندا : يخربيت فقرك وانتي ازاي هتتخطبي لمروان وافرضي طلعتي حامل
رحمه : انا كنت هتكلم مع مروان الاول وكنت هقوله ان غيث نام معايا بالغصب بس دلوقتي انا حاسه اني ممكن اكون حامل كمان
ندا :بس ده محلش يارحمه
رحمه : وتفتكرى لو قولتله اني بقيت معاه بمزاجي هيسامحني
ندا : انتي متأكده انك مابتحبيش غيث يارحمه
رحمه : ايوه طبعا متأكده
رحمه : انا هكلم مروان
رحمه كلما مروان انها تقابله وحاكيتله علي كل حاجه
مروان : يعني ايه .. يعني انتي مش بنت 😳😳
رحمه : غيث كان معايا بالغصب وماقدرتش اقاومه يامروان كان ممكن وقتها يرجع في كلامه لانه كان زعلان جدا لما شافني انا وانت في المستشفي
مروان : انتي متأكده انك حامل
رحمه : مروان انا لسه هعمل تحليل حمل بس انا مش هغصبك علي حاجه ابدا لو حابب نكمل انا معنديش مانع ولو مش حابب برضوا ده حقك انا مش هغصبك علي حاجه
رحمه جت تسيب مروان وتمشي
مروان : رحمه ماتسبنيش انت متأكد ان اللي حصل ده كان غصب عنك وحتي لو طلعتي حامل هيبقي ابني عشان حته منك رحمه انا بحبك .. بحبك اوي ولا يمكن استغني عنك تحت اي ظرف
رحمه ابتسمت لمروان وقالتله
رحمه : ربنا يخليك ليا يامروان
وبعدها نزلوا يشتروا الدبل سوا وحددوا ميعاد الخطوبه الخميس اللي جاي وبقت تختار الفستان وفرحانه جدا بالفستان
--------------------------------------
غيث : هاا عملت ايه
واحد من الرجاله: عرفت ان خطوبتها بكره علي واحد اسمه مروان غيث وقتها اتصدم اكتر واتأكد ان فعلا كل اللي مابينهم كان كدب والانتقام من رحمه بقي في قلبه اكتر
غيث : جمع الرجاله هناخد اللانش بكره وهننزل علي مصر
-----------------------------------------------------------
رحمه : اي رايك ياندا كده حلو
ندا : زي القمر يا احلي عروسه قوليلي حددتوا كتب الكتاب امتي
رحمه : كمان شهر بالظبط قبل ما بطني تكبر وهنقول ان البيبي ابن سبعه
ندا : انا ماشفتش حد بيحب حد زي ما مروان بيحبك يارحمه
رحمه : انا ربنا رازقني بمروان ياندا
ميعاد الخطوبه جه والمعازيم جت اخيرا ومروان اخد رحمه في ايده وكانت زي القمر
والخاتم كان مع عبد القادر راح اداه لمروان عشان يلبسه لرحمه واول ما مروان لبس الخاتم لرحمه مره واحده النور قطع والدنيا ضلمت حرفيا وضرب النار اشتغل ومجموعه من الرجاله حاطين وشوش بلاستيك علي وشهم وش الجوكر وكلهم معاهم رشاشات وطربقوا الفرح وجابووه عليه واطيه ومره واحده حد ضرب مروان افقده الوعي وحط منديل فيه منوم علي وش رحمه وراحت في النوم صحيت لاقيت نفسها متربطه من ايديها ورجليها في كابينه في مركب وعلي راسها شاشه سودا
رحمه : حد يطلعني من هنااااااا
رحمه : سااااااااااعدوني .. انا فين
مره واحده لاقيت الباب بيتفتح ودخل عليها حد وسمعت صوت رجليه
رحمه : انت مين 😳..في حد هنا
وبعدها حست بحد جنبها راحت قالت
رحمه : فكني .. سيني امشي من هنا
ومره واحده شال القماشه من علي راسها بتبص لاقيته غيث وماسك في ايده سكينه
رحمه: غيث 😳😳
رحمه بصت لغيث وبقي قلبها يدق بسرعه من الخوف وقالتله
رحمه : غيث .. غيث انت بتعمل ايه
غيث: قعد جنبها وعنيه كلها شرار قلها
غيث: لاول مره حد يخدعني بالشكل ده
رحمه : غيث فكني
غيث : انا هفكك بس بشرط تقوليلي ليه عملتي كده
غيث فك رحمه راحت رحمه قامت بسرعه وجريت ناحيه الباب عشان تهرب منه غيث جرى وراها وجابهاا
رحمه : بتبص لغيث نظره احتقار وقالتله
رحمه : انت ارهابي ياغيث .. وانا لايمكن احب ارهابي .. كل اللي حصل بينا ده عشان نعرف مكان القنبله مش اكتر .. انا عمرى ما حبيتك .. وحتي لو كنت حبيتك احنا عمرنا ما هنكون لبعض ..
غيث بقي بيسمع كلامها وكأنها بتجيب خنجر وبتقتله بي
غيث والدموع في عنيه قلها
غيث : انتي كدابه ياصبا
صبا : لو كنت بتحبني فعلا سلم نفسك ياغيث
سلم نفسك وانساني ارجوك .. سيبني ياغيث انا عمرى ما كنت ليك
غيث: تمام .. انا هبعد عنك .. بس الاول تقوليلي انتي ليه سلمتيلي نفسك وانتي بتكرهيني كده
غيث بقي يقرب من رحمه
غيث: ما هو مش معقول كل اللي حصل بينا ده كدب .. انتي بتكدبي يابنت اللواء انتي حبتيني
رحمه : بقت بتشاور براسها شمال ويمين بمعني لاء محصلش
ومره واحده لاقيت صناره سنها مسنون زي السكينه راحت مسكتها في ايديها وقالتله
رحمه : ماتقربش مني ياغيث
( بس غيث كان بيقرب )
رحمهة: ( بزعيق ) قولتك ماتقربش مني
غيث : اضربي عليا ياصبا اضربي في قلبي
غيث فضل يقرب اكتر والسكينه خلاص هتدخل في قلبه
رحمه ( بعياط ) : غيث انا مش هقدر اتحمل اكتر من كده عشان خاطر ربنا ابعد عني
غيث: لو عايزاني ابعد عنك فعلا اضربيني بالقوس اللي في اسدك ده ياصبا خللي السهم يدخل في قلبي دي الطريقه الوحيده اللي هتخليني ابعد عنك
ومره واحده السفينه اتحركت ورحمه غصب عنها داست علي القوس والسهم طلع في قلب غيث
وقتها غيث مبقاش قادر يتنفس والسهم جوه قلبه رحمه سابت القوس بسرعه ورمته علي الارض ومسكت غيث وبقي نايم علي رجلها ودمه كله علي ايديها
راح غيث رفع ايده ومسح دموعها علي خدها وبقي خدها كله دم وقلها
غيث : نظره الخوف اللي في عنيكي دي عليا ياصبا تستاهل اني اموت عشان اشوفها ومره واحده غيث غمض عنيه وقابل وجه كريم
رحمه : غييييييث ... غييييييييييث
يتبع
البارت 24_25 الأخير من هنا هنا
 22_23 بقلمي مآآهي آآحمد رحمه فتحت عنيها بتبص لاقيت نفسها نايمه في حضن غيث ولاقيت الدم نازل ما بين رج…){kind=link}
تعليقات
إرسال تعليق