مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

مابين الحلم والحقيقة (دار الايتام 2) 

البارت الثالث...

أحساس مخيف اوي أنك تحس بالحاجه قبل ما تحصل أنك تشوف حلم وتصحى منه ويتحقق احساسه صعب خصوصا لو الحلم كان يخص حد قريب منك ساعتها بس بتحس انك كارهه النوم وخايف تنام لا تحلم بكارثه أنت نفسك مش حملها ساعتها وجعك بيكون الضعف لان المشهد بيتكرر ادامك مرتين ويمكن عشان كده ربنا خلانا منعرفش اي حاجه عن الغيب ودي في حد ذاتها نعمه كبيره اوي ......👌👌

..................

ليل....انا مش فاهم حاجه 

عشق...ارجوك مش وقته ارجعوا لورا بسرعه.

تمارا....بخوف مستر ليل اسمع كلام عشق ارجوك

رجع الجميع على الرصيف الفاصل بين الشارع والشركه وفي اقل من ثواني كان صوت اصطدام العربيه وصرخة عملت صدى صوت في المكان 

تمارا....بابااااااااااااا

اصطدمت العربيه بحاج محمد وسط زهول الجميييييع من الكلام اللي سمعوه من عشق ومن منظر عم محمد اللي واقع على الارض...

أما عشق..فكانت في دنيا تانيه خالص دوامة كبيرة بتحصل في عقلها وفي اقل من ثواني كانت سألت نفسها مية سؤال أزاي مقدرتش امنع اللي حصل؟؟ ازاي بابا اتخبط بالعربيه؟؟ طيب بابا هيموت؟؟ طيب بعد ما قولتلهم كل ده ومقدرتش اغير اللي حصل هقولهم ايه لو سألوني على اللي حكيته؟؟؟ طيب ازاي كلهم رجعوا إلا بابا؟؟ طيب معناه أيه ده 

معناه ان كل حاجه حصلت هتحصل تاني استحاله استحاله...ملقتش عشق اي إجابه عن اي سؤال لغبطه وتوتر ووجع وخوف من المجهول المعلوم بالنسبالها...فاقت عشق على أيد ليل وهو بيشدها للعربيه عشان تركب بعد ما ركبوا عم محمد ومشيوا بسرعه على المستشفى....طول الطريق هي في حاله صمت مخيفه رغم سؤال تمارا وليل ليها إلا أنها كانت ساكته تماما......

بعد شويه وصلوا المستشفى وخدوا الدكاتره حاج محمد على اوضة العمليات بسرعه وفي التوقيت ده كانت تمارا بلغت زهره ونور عن اللي حصل ونزلوا راحولهم بسرعه حاله من الفوضي والدموع والاسئله كانت موجودة بينهم وعشق زي ماهي الصمت هو اللي مسيطر عليها او بمعنى اصح هي كانت في عالم تاني لسه مخرجتش منه من تأثير الحادثه.......

بعد شوية كانت وصلت نور وزهره

 نور كانت منهاره بتحاول تعرف اللي حصل ومحدش فيهم بيرد الكل مصدوم مش عارفين يقولوا ايه..

نور....ابوس ايديكم حد فيكم يرد عليا متسبونيش كده بابا جراله ايه..

نوح....اهدي يانور متقلقيش أن شاء الله خير الدكاتره كلهم معاه. والوقت حد يخرج يطمنا

نور....اهدى ايه يانوح بابا بقاله ساعتين جوه ومحدش خرج حتى طمني عليه وكلكم مبتتكلموش ولا اي حد فيكم بيقول اللي حصل كل اللي بتقولوه انها حادثه طيب عشق راحت عندكم ازاي قابلتوها ازاي محدش فيكم بيتكلم وشكلكم مخوفني اكتر...

نوح.....صدقيني يانور احنا مصدومين مش اكتر كل الحكايه اننا اتفاجئنا بأنسه عشق في الشركه قالت انها كانت بتشوف شغل وانها نسيت المفتاح فاجت عشان متفضلش واقفه عي السلم لحد ما تروحوا وبعدها خرجنا من الشركه كانوا واقفين يركبوا شكلها اتغير فجأه وقالت حاجات غريبه ابعدوا من الطريق في عربيه هتخبط تمارا عايزه تموتها وجاسر هيشدها بس العربيه هتخبط عم محمد والغريب ان اللي قالته حصل كلنا بعدنا وسمعنا كلامها حتى عم محمد شوفته بيبعد بس ازاي اتخبط وبالسرعه دي مش عارف انا مش قادر استوعب اللي حصل...

نور....انت بتقول ايه انا مش فاهمه حاجه بصت نور لعشق اللي ساكته وراحت ادامها..

نور...عشق ردي عليا ارجوكي قوليلي ايه اللي حصل الكلام اللي نوح بيقوله ده بجد طيب انتي ازاي عرفتي ومين دول اللي خبطو بابا طيب انتي عارفه اللي عمل كده سمعتيهم بيتفقوا على بابا وتمارا اتكلمي متسكتيش طيب انتي ازاي بتقولي ان مكنش معاكي مفتاح وانتي عارفه اني راجعه من قبل ماتنزلي الساعه 9تقريبا وقولتلك اني رجعت عشان المحاضرات اتلغت  بسبب الجو.

تمارا....بزهول...عشق انتي قولتي مفيش حد في البيت عشق قولي في ايه انتي من اول ما جيتي وانتي مش طبيعيه...

في اللحظه دي جه لليل تليفون من الشخص اللي مكلفه يعرف تمارا ايه الصله اللي بينها وبين حاج محمد وعرف كل حاجه منه وعرف ان عشق وزهره وتمارا متربين في دار أيتام....وملهمش اي علاقه بحاج محمد...

اتصدم ليل من الكلام اللي سمعه اما عشق كانت ساكته وعينها عليه وفنفس الوقت مش متحمله أسألة تمارا ونور

غمضت عشق عينها بوجع وكأنها بتهرب من أسألتهم اللي هي مش عارفه ترد عليها..واتصدمت من كلمه ليل

ليل....انا هبلغ البوليس وهما يجو يتصرفوا ويعرفوا منها اللي هي مش عايزه تقوله

زهره....ارجوك بلاش 

ليل...وبلاش ليه الانسه عشق قالت كلام غريب و اتحقق في نفس الوقت ايه اللي ضمني ان هي مش ورا اللي حصل ده.....

نور....لا يا مستر ليل استني بعد اذنك يمكن انا مستغربه اللي سمعته بس عشق استحاله تعمل كده حضرتك متعرفهاش 

ليل...وانتي متأكده انك تعرفيها يانور؟؟؟؟

نور....تقصد ايه يامستر ليل؟؟؟

نطقت عشق اخيرا..بهدوء

عشق....يقصد يا نور ان شهرين ونص مش كفايه انك تعرفي البني الادم اللي بتتعاملي معاه....صح يا مستر ليل ده اللي تقصده.....ولا تقصد يعني ان بعد الكلام اللي سمعته في التليفون ده اننا ممكن نكون مصدر شك.

ليل...بزهول كلام  وتليفون ايه تقصدي ايه؟؟؟

عشق....اقصد الشخص اللي كنت مكلفه يعرف كل حاجه عن تمارا وعن صلتها ب بابا واللي قالك كل حاجه الوقت عننا احنا التلاته..

ليل..بصلها بصدمه مختلفتش عن كل اللي واقفين..

ليل...انتي بتقولي ايه وعرفتي ازاي..

عشق....ارجوك اعفيني من اي سؤال الوقت لان مش هتلاقي عندي اي اجابه حتى لو بلغت البوليس صدقني مش هقدر اتكلم مش خوف من اي حاجه اد ما هو ثقه ان مفيش اي حد هيصدق اللي هقوله...وصدقني لو حصل وطلبت البوليس انت مش هتستفاد اي حاجه غير انك هتخلي كل حاجه تحصل وانا مش هقدر امنعه‍ا 

ليل...حاجه ايه وتخريف ايه اللي انتي بتقوليه ده انتي مين وازاي عرفتي اللي كان بيكلمني انتي اكيد سمعتيني وحابه بس تعملي الشو ده عشان تخرجي من الموقف اللي حطيتي نفسك فيه

ابتسمت عشق بهدوء..أسمعك وانا اعده في مكاني هنا يمكن بس انت كنت بتسمع بس ومرددتش اي حاجه تتسمع...

بصت على اوضة العمليات بهدوء ورجعت بصت لليل بكل قوه وثبات....تقريبا اوضة العمليات بعيده عننا كلنا يعني اللي بيحصل جوه الوقت محدش فينا عارفه ولا حتى سامعه الدكتور هيخرج الوقت ويطلب دم لبابا لانه محتاج اربع اكياس المستشفي فيها كيسين بس ولان الفصيله نادره فالدم مش موجود يعني فاضله كيسين هيسألكم على فصيلتكم ومفيش غيري اللي فصيلة الدم بتاعتها مطابقه لبابا...

الجميع كانوا باصينلها بزهول ومفيش اي كلمه بيقولوها..

في اللحظه دي اتفتح الباب بتاع اوضة العمليات خرج منها الدكتور بسرعه عليهم

المريض محتاج دم حالا محتاج اربع اكياس المستشفى كلها مفيهاش غير اتنين بس وده للاسف عشان فصيلة دمه نادره محتاجين اتنين حالا عشان فقد دم كتير...

الكل باصص لعشق بزهول

تجاهلتهم عشق تماما وبصت للدكتور...انا ممكن اتبرعله

الدكتور...لازم الاول نشوف فصيلة بتاعتكم واللي مطابق ليه هناخد منه مين فيكم o-

عشق.....انا o - ومن فضلك يلا بسرعه عشان منضيعش وقت

الدكتور... تمام اتفضلي معايا

مشي بسرعه الدكتور 

بصت عشق لليل ومشيت ورا الدكتور بهدوء..

جاسر....هو ايه اللي بيحصل ده

ادم....مش عارف في حاجه غريبه

زهره....ازاي عشق عرفت كل ده

تمارا...معرفش

نور....انا مش فاهمه حاجه

نوح....هي دي اختك يا تمارا

تمارا...ايوه اختي

نوح ..طيب هي كويسه 

تمارا...معرفش بس في حاجه عشق ديما تحس بالحاجه قبل ما تحصل تحلم وحلمها يتحقق لكن كده لا طبعا عمرها ماحصلت

جاسر....وانت ايه حوار التليفون ده

ليل...بعدين يا جاسر بعدين

نوح...هو ايه اللي بعدين بس انت مشوفتش نفسك اتصدمت ازاي وهي بتقولك عالتليفون اللي معاك دي كأنها فعلا عارفه.

ليل...حد فيكم سمعني وانا بتكلم صوتي عالي يعني

الجميع لا..

نوح...ولو سمعتك طيب هتسمع ازاي الدكتور..

ليل...مش عارف انا هتجنن.

عدى الوقت بسرعه خرجت عشق براحه مع ممرضه مسنداها جريت عليها تمارا وزهره ونور...

تمارا...عشق انتي كويسه

عشق...متقلقيش انا بخير 

الممرضه اتفضلي اعدي

اعدت عشق عالكرسي ورجعت راسها لورا وغمضت عينيها

زهره....انا هروح اجبلك عصير بسرعه شكلك تعبانه اوي

ليل....نوح بسرعه هات عصير

ابتسمت عشق وهي شايفه كل حاجه بتحصل زي ماهي لكن اللي كان مسيطر عليها هو خوفها من بكره ولحظه موت عم محمد

الوقت كان بيعدي ببطئ فظيع كل واحد جواه كوم من الاسئله بس مش عارف يبدأ بأيه والاغلب مكنش مصدق اصلا اللي بيحصل وواثقين ان في حاجه ورا كلام عشق...

نور.....اتأخروا اوي من وقت ما خدوا الدم محدش خرج عايزه اطمن عليه...ارجوك يا مستر ليل حاول تعرف اي حاجه وتطمني.

ليل...بهدوء ادعيله يا نور ان شاء الله خير...بص لعشق بسخريه ايه يا انسه عشق متعرفيش ايه اللي بيحصل جوه تطمنينا على حاج محمد

لفت عشق راسها براحه وعدلت نفسها وهي حاسه بدوخه وتعب 

عشق...يمكن سؤال في تريقه بس صدقني انا عذراك ولو انا في نفس مكانك هعمل زيك

نوح...بصوت واطي لليل اهدى يامعلم بدل ما تسخطك وتسخطنا قرود 😒🙄

ليل...اتلهي قرود ايه انت مصدق كل ده...

نوح...ليل ميقصدش يا انسه عشق متزعليش

ليل....مين قال اني مقصدش لا اقصد وعايز اقولك اني بردو مش مصدق مش يمكن انتي متفقه مع الدكتور يقول الجملتين دول

ضحكت عشق عليه بسخريه

عشق...يمكن بردو مع العلم ان المستشفى دي حضرتك اللي جبتنا عليها واظن من ساعة ماجينا وخدوا بابا محدش فينا قام ولا اتحرك من مكانه...ومع ذلك انت بردو شايف اني متفقه معاه تمام....

مستر جاسر ممكن حضرتك ومستر ادم ومستر نوح شويه على انفراد

بص ليل ليها بغضب...نعم يعني ايه على انفراد قولي اللي انتي عيزاه هنا ولا فكراني مش هعرف منهم

عشق...ومين قال اني مش عيزاك تعرف بالعكس شويه بسيطه وهتعرف..

راح جاسر ونوح وادم عندها فضلوا يسمعوا عشق في صمت وبعدها رجعوا

ليل...في ايه.😡

جاسر....شويه يا ليل وهقولك

ليل...هو سر ما تقول

ادم...اصبر ياليل هنتأكد من حاجه

عدى حوالي نص ساعه ليل بيبص لعشق بغيظ وهي متجاهله نظراته

في اللحظه دي خرج الدكتور لتاني مره لكن المرادي كل حرف كان بيتقال كان جاسر وادم ونوح مترقبينه 😱🙄

فتح الدكتور باب الاوضه

جريو عليه كلهم اما عشق قامت براحه كانت حاسه بدوخه وفنفس الوقت مستنيه الحوار اللي هيحصل

نور...بابا عامل ايه يادكتور

الدكتور.انا عملت اللي اقدر عليه

ليل.بغضب تقصد ايه 

الدكتور..العمليه نجحت بس هو حالته حرجه جدا للاسف حصله ارتجاج بسيط في المخ نتيجة صدمته بالارض عنده كسر في فقرات في الضهر وكسر في الحوض للاسف هو سنه كبير واكيد مش مستحمل

نور..بانهيار وهي بتمسك ايد ليل عشان خاطري اعمل حاجه انت عارف بابا بيحبك اد ايه ابوس ايدك انا مليش حد في حياتي غيره بصت لنوح نوح انت عارف بابا بيحبكم اد ايه صح عشان خاطري اعملو حاجه بابا هيروح مني

نوح..قلبه وجعه على نور وفنفس الوقت كان في ذهول تام

نوح..مسك ايدها اهدي يانور من فضلك

ليل..بص للدكتورطيب لو محتاج يسافر بره اسفره حالا بطياره خاصه وتكون مجهزه

جاسر ونوح وادم...😳😳😳😳

الدكتور..للاسف الحركه غلط عليه جدا خصوصا الوقت وصدقني برده مش هيعملو اكتر من اللي ممكن نعمله احنا معاه هنا

ليل...يعني ايه

الدكتور...يعني ادعوله يعدي الكام يوم دول على خير وان شاء الله حالته تتحسن

وخلال ال24ساعه دول لو عدو من غير اي مضاعفات فنقدر ساعتها نرتاح

وطبعا هو الوقت واخد منوم قوي

وعايز بس اقولكم ان اعدتكم هنا مش هتقدم فالاحسن انكم تروحو ترتاحو وترجعوله بكره هو عموما مش هيصحي الوقت خالص

نور...انا مش همشي واسيب بابا والنبي يادكتور اشوفه طيب حتى لو من بعيد

الدكتور...تقدرو تشوفوه بس من بره ياريت محدش يدخل عشان التعقيم.

ليل...تمام شكرا يا دكتور.

مشي الدكتور

ليل...تعالي يا نور نروح نشوفه.

جاسر....ليل كنت عايز تعرف انسه عشق عيزانا في ايه

بصله ليل وسكت

جاسر....تقريبا كل اللي حصل الوقت هي قالته

ليل...وانا قولتلك عادي يمكن متفقه معاه

ادم....بس هي مقالتش اللي دكتور هيقوله وبس ياليل هي قالت اللي انت ونور قولتوه

ليل....🙄مش فاهم

نوح....يعني لو هي متفقه مع الدكتور يا ليل مش هتتفق معاك انت ونور على اللي هتقولوه..

نور.....عشق ممكن أسألك سؤال ولو ليا غلاوه عندك ردي عليا

عشق....أسالي يانور

نور....بابا هيعيش ياعشق صح😭😭😭😭😭😭😭

سؤال اخرس الجميع والكل وجهه نظره على عشق اللي اتصدمت من سؤال نور 

عشق...حاولت تجمع نفسها بسرعه

بلعت ريقها بصعوبه وبتحاول تتماسك......هيعيش يانور هيبقى كويس اوي...هو صحيح حالته هتبقى حرجه بس هيعيش ويقوم وسطنا من تاني.

نور....بجد

عشق ...خلي ثقتك في الله كبيره وادعيله يقوم بالسلامه

نور....يارب.

بصلها ليل بغموض وكأنه أبتدا شويه يصدق كلامها بعد ما جاسر وادم ونوح صدقوها...واللي خلاه شك نظرتها وهي بتحاول تطمن نور..

راحوا مع بعض يشوفوا عم محمد اتصدموا من منظره مفيش مكان فيه سليم خراطيم واسلاك خارجه من جسمه شكله كأنه ميت انهارت نور وحاولو يهدوها....البنات كلهم كانوا بيعيطوا معادا عشق اللي بتحاول تنماسك وفنفس الوقت مصدومه من الحلم اللي بيتكرر 

ليل....يلا بينا عشان نوصلكم

نور...عشان خاطري سيبوني معاه

ليل...يلا يانور اعدتنا ملهاش لزمه بكره هنيجي ان شاء الله يلا بينا.

مشيوا كلهم ورا بعض

ومشيت عشق بتعب وهي باصه على حاج محمد كأنها بتودعه اتفاجئت من ايد ليل اللي مسكت كف ايدها

بصتله عشق بصدمه وضربات قلبها كانت بتتصارع بمجرد ما لمسها وكانها بتقوله وحشتني وحشني قربك وريحتك ولمستك.

ليل.....انتي كدبتي صح؟؟

عشق....مش فاهمه

ليل...عم محمد مش هيعيش صح؟

عشق...لا هيعيش

ليل...بس نظرتك لنور قالت غير كده

عشق...ابتسمت بوجع غريبه شكلك صدقتني

ليل...معنديش حل تاني مضطر اصدقك ردي عليا كدبتي على نور

عشق...نزلت دموعها غصب عنها...مش يمكن نفسي ده اللي يحصل🥺🥺🥺

ليل...تقصدي ايه؟؟هيموت؟؟

عشق...بكره هنعرف كل حاجه 

ليل...انا عايز اعرف ايه اللي بيحصل الوقت وعرفتي كل ده ازاي.

عشق...صدقني هعرفك ويمكن اكون مستنيه طول الفتره دي عشان اشوفك واحكيلك كل حاجه عشان تعبت من كتر ما انا محتاجه احكي ومش عارفه 

ليل...فتره ايه ومستنيه ايه انا مش فاهم انتي تعرفيني ؟؟

عشق....صدقني بكره هقولك حاجات كتير اوي بس نطمن على بابا وبعدها هقولك على حجات كتير لازم تعرفها عشان توقفها من قبل ما تحصل.....ااااه على فكره

بكره مهره هتولد والبواب بتاعك هيكلمك واحنا هنا في المستشفى عشان يبلغك وهيقولك انه بيحاول يتصل بالدكتور مش بيرد وانت هتتصل ومش هيرد عليك...

ليل...باصصلها بصدمه......انتي تعرفي مهره 

عشق...اه اعرفها ومش بابا اللي قاللي عليها على فكره..المهم تروح تاكلها كويس عشان متبقاش تعبانه

ليل...طيب هي هتموت

عشق...لا

ليل...يعني الدكتور هيجيلها.

عشق...بأبتسامه بكره هتعرف الرد يلا بينا

ابتسم ليل غصب عنه للملاك اللي بيبتسم ادامه..يلا

😉😉😉😉😉😉

مش هريحكم برده غير بكره 😝😝😝😝😝

ومن بكره هنبتدي الاحداث الجديده 👌👌👌👌

البارت الرابع والخامس من هنا