اغت،صاب في صمت
الحلقة الثالثة:والرابعه
التف الجميع ليروا نورين مرتدية بنطال بني واسع وعليه بلوزة بني في ازرق تصل لاسفل الركبتين وحجاب كحلي وممسكة حقيبة يد صغيرة.
انطلقت نوران بجوارها هامسة:ايه اللي انتي مهببة في نفسك دا؟
نورين ببرود:عاملة ايه منا لابسة اهو.
نيهال بغيظ:راحة فين يا نورين؟
نورين ببرود:راحة افسح لورين.
آسر بتدخل:لورين مين؟!
نظرت له نورين ببرود:الكلبة بتاعتي.
وقف آسر سريعا قائلا بسعادة:طب هاجي افسحها معاكي.
نورين ببلاهة:نعم!
آسر بابتسامة:اصل انا بحب الكلاب اوي ويلا جت فرصة العب مع كلبتك لورين شوية يلا هي فين صحيح؟
نوران وهي تحاول كتم ضحكتها :في البدروم اللي جنب البيت.
آسر سريعا:طب يلا.
اتجه آسر الي الباب وفتحه بينما ظلت نورين تنظر اليه في ذهول ونوران بجوارها تضحك.
آسر:مش يلا؟
نورين بغيظ:ماشي.
هبط آسر ولحقت به نورين بينما همست يارا لآدم :من امتي آسر بيحب الكلاب دا بيموت منهم.
آدم:وانا ايه عرفني يمكن حبهم.
مطت يارا شفتيها في تعجب ولكنها سرعان مش فهمت وحلت الابتسامة محل التعجب.
دلفت نورين الي القبو وخلفها آسر الذي حدث نفسه قائلا:انا ايه اللي هببني الهباب دا دا انا لما بشوف كلب في الشارع بطلع اجري دي بقا اموت فيها ولا ايه انا اللي ورط نفسي انا حمااار ربنا يستر.
ذهل آسر من القبو فقد كانت جدرانه ملونة باللون الوردي وعلي الحوائط صور للورين بالحجم الطبيعي وسرير صغير باللون الوردي ومغطي بفراء ناعم وهناك سجادة ذات فراء ابيض في منتصف الارض واواني نظيفة للماء والطعام وهناك لورين البيضاء الفراء وهناك فيونكة وردية علي اعلي راسها وحالما رات نورين حتي انطلقت نحوها وهبطت نورين لمستواها واخذت تداعبها ولورين تتحرك مع يديها وحالما رات آسر حتي شرعت بالنباح.
آسر مدعيا الثبات:احم.....هو في ايه؟
التفت له نورين:هو انت بتخاف من الكلاب؟
آسر بخوف مخفي:انا!هههههه انتي اكيد بتهزري دا انا بموت في الكلاب.
نظرت نورين الي لورين مرة اخري ثم قالت بابتسامة خبث:هنشوف لورين،attack.
قامت لورين بالركض خلف آسر وهي تنبح وقام آسر بالركض سريعا خارج القبو ونورين لم تستطع منع نفسها من الضحك.
عادت لورين وبعدها بقليل عاد آسر وهي يقول بخوف :انتي مش هتخرجيها ولا ايه!
نورين بضحكات:ههههههه هخرجها هههههههههههه.
آسر بغيظ:بتضحكي علي ايه؟
نورين وهي تضع يدها علي معدتها:شكلك كان مسخرة الصراحة.
آسر:طب بطلي بقا.
نورين وهي تحاول كتم ضحكتها:حاضر حاضر.
ثم انفجرت في الضحك مرة اخري فنظر اليها آسر بنفاذ صبر ثم نظر الي الناحية الأخرى وعاود النظر اليها وهي تضحك وقال بحب:شكلك حلو اوي وانتي بتضحكي.
نظرت اليه نورين بصمت ثم نظرت للارض بخجل قبل ان تلتف لتقول:لورين،picnic.
نبحت لورين مرتين ثم احضرت ماسكها في فمها الذي علقته نورين في الطوق الذي حول رقبة لورين ثم اتجهت للباب قائلة بهدوء:يلا يا آسر.
آسر بابتسامة بعد انا خرجت نورين:حلوة اوي آسر منك يا..... يا نوري.
في شقة امير السميري:
آدم:هو استاذ امير هيتاخر؟
نيهال:لا زمانه جاي.
نوران:انا هقوم اتصل عليه تاني.
الجميع:اتفضلي.
قامت نوران بالاتصال علي امير الذي اخبرها ان سيارته قد تعطلت في بداية الطريق وانه الآن علي الطريق وسيتاخر ذهبت نوران واخبرت الجميع بذلك وقرر آدم ان يذهب ﻻحضاره بعد ان اتصل به وعرف منه مكانه.
عند نورين وآسر:
آسر:وانتي بقا بتحبي حاجة غير الكلاب؟
نورين:اه الفئران.
آسر:ايه يا بنتي عالم الحيوان اللي انتي عايشة فيه دا!
نظرت له نورين بتعجب فهذه اول مرة يتحدث فيها احد معها بهذه الطريقة فقالت بهدوء بعد ان اشاحت بنظرها عنه:انت قلتلي بتحب حاجة غير الكلاب فاللي هيفهم انك بتسالني عن حيوان تاني فانا جاوبتك(نظرت له) ابقي حدد سؤالك.
وقف هو بينما اتجهت هي الي كرسي استراحة وجلست عليه وهي تطعم لورين وبعد ثانيتين اتجه آسر اليها وجلس بجوارها ولكن كان بينهما مسافة جيدة فقال آسر:طيب هحدد سؤالي أكتر لون بتحبيه؟
اجابت نورين دون ان تنظر اليها وهي منشغلة في إطعام لورين:الاسود.
آسر بهمس :دا ايه الكآبة دي!
نورين :بتقول حاجة ؟
آسر:لا بكح كح كح.
نورين بعدم اهتمام:طيب.
آسر:عارفة اكتر لون بحبه ايه؟
نظرت له نورين بهدوء ثم اشاحت بنظرها عنه قائلة بهدوء:مش عايزة اعرف.
آسر بمرح:هقولك اكتر لون بحبه هو(نظر لعينيها) البندقي.
توقفت نورين لبرهة عن اطعام لورين ولكنها لم تلتفت له ثم عاودت اطعام لورين قائلة:طيب.
علم آسر انها لن تتحدث فصمت حتي انتهت من اطعام لورين ونهضت لتكمل مسيرتها معه.
لم يحتمل آسر الصمت فقرر التحدث عن شيئ تحبه نورين اي وانه علم النفس.
آسر:انا قرات عن الانفصام الشخصي بس اللي مش فاهمه ازاي الشخصية التانية بتبقي عارفة كل حاجة عن الاولي والاولي لا.
اثار هذا نورين فاخذت تحدثه عن كل شيئ عن الانفصام ثم احب آسر حديثها فحدثها عن السيادية واخذت هي تشرح كل شيئ له حتي عادا مع لورين الي المنزل وصعدا ليتناولا الغداء مع العائلتين.
(السيادية هي مرض نفسي بينقسم لقسمين السيادة والضحية في السيادة بيكون الشخص شايف نفسه الملك والآخرين هم العبيد وممكن يعذبهم عشان يشفي غليله اللي اصلا بيكون من غير سبب وبيكون المتحكم في كل حاجة حواليه اما الضحية فهو شخصية بتحب تتاذي وانه يكون الكل شايفه غلطان وانهم يهينوه ويعذبوه ولو حد اشفق عليه ممكن يكرهه والضحية مبتكنش في وعيها يعني ممكن متحسش بالالم او في فترة الضحية مبتكونش حاسة انها بتتعذب لانها زي اللي بيكون مغيب ذهنيا)
بعد الغداء جلس آدم واسرته مع امير ونيهال ونور بينما نورين ونوران يحضران الشاي والحلويات بالمطبخ بينما في الخارج :آسر:لو سمحت يا عمي هو الحمام فين؟
امير:بص هتعدي المطبخ هتلاقيه في وشك علي طول.
(طبعا هتسالوا ازاي بيسال علي الحمام امال غسل ايده فين بعد الأكل والاجابة هي ان جنب السفرة فيه زي اوضة صغيرة فيها حوض للغسيل وفوطة بس دول للي بياكلوا اما الحمام فبعد المطبخ)
وقف آسر قائلا:طيب هروح الحمام ثانية واجي.
كان ذاهبا عندما اوقفه نور بكلمته :استني اجي معاك لتتوه ولا حاجة.
التف له آسر وكان مكملا السير بظهره قائلا:لا متخافش هعرف اوصل وفيمتو ثانية هتلاقوني هنا.
كانت نورين خارجة من المطبخ ممسكة بصينية الشاي لهم عندما كان آسر يسير بظهره ليصطدم وتقع كافة الاكواب منكسرة علي الارض وينظر آسر بعينين قلقتين لنورين التي كانت تنظر له بعينين متقدتين غضبا و
اغتصاب في صمت
الحلقة الرابعة:
ظلت نورين تنظر له في غضب دقيقتين والجميع ينظر لها باهتمام منتظرا رد فعلها حتي بدات هي في الضحك بهيستيريا وصوت مرتفع واضعة يدها علي فمها وهي تضحك بشدة نظر لها آسر بذهول شديد بينما قامت نوران بوضع الصينية علي المائدة بسرعة وهي تقول بهلع:يا لهوي يا لهوي.
نور بقلق:ابعد يا آسر.
لم ينتبه له آسر بل كان مستكينا معها وهي تضحك وكان تائها في عينيها البندقيتين ولم ينتبه ليدها اليمني التي تكورت وكانت موجهة لوجهه لولا اثناه نور معه في حركة سريعة وقامت نوران بامساك يدها.
رفع نور وآسر جسديهما ليقول آسر بفزع: يا بنت المجانين(نظر لامير ونيهال باحراج) آسف.
لم يجيبا بينما كانا ينظران لنورين بتعجب فهذه ليست ابنتهما الهادئة بل شخص آخر بينما آدم ويارا كانا ينظران بصدمة الجمتهما.
نوران مهدئة:خلاص يا نورين بالله عليك.
نورين بغضب شديد ومهلك وهي تتقدم من آسر بقوة بينما نوران تسحبها للخلف وقد ساعدها نور:غبي دايما راجع بضهرك افرض كان حصلك حاجة يا متخلف.
لم ينطق آسر بشيئ بل كان يتامل ملامحها الغاضبة بهدوء شديد.
نورين:واحد متخلف وغبي.
تخلصت منهما ثم توجهت لغرفتها بخطوات غاضبة سريعة ليقول نور بحرج:معلش يا آسر هي بس احيانا بتتضايق بسرعة.
ابتسم آسر ابتسامته الجذابة ليقول بهدوء:ولا يهمك ثم اردف بمرح:المهم فين الحمام عشان انا علي اخري.
ابتسم نور ابتسامة صغيرة ثم اشار له ناحية الحمام بينما اعتذر امير لآدم بشدة عن تصرف ابنته الغير لائق بالمرة وقبل آدم الاعتذار ومرت الليلة حتي غادر آدم مع عائلته علي وعد بالمقابلة مجددا.
بعدما غادر آدم وعائلته دلفت نوران لغرفة شقيقتها لتجدها ما زالت بملابسها وصافنة بشيئ ليقطع الشرود:نورين.
نظرت نورين للارض برهة قبل ان تنظر لشقيقتها بابتسامة صغيرة تحثها علي الدخول فدلفت نوران وجلست بجوارها وهي تجذب يدها اليسري بهدوء علي قدمها ليظهر اثر احتراق علي معصمها وكفها إثر وقوع الشاي الساخن.
احضرت نوران مرهم الحروق وبدات تعالج شقيقتها واثناء ذلك قالت بهدوء:زعقتيله ليه؟
نظرت لها نورين بتعجب غير ملحوظ ولم تجب وعندما انتهت نوران اتجهت للباب وقالت بهدوء:حاسبي.
نظرت نورين لطيف شقيقتها ثم زفرت بغضب ونهضت لتبديل ملابسها ثم اندثرت بالفراش محاولة النوم.
في الصباح التالي بعد الافطار خرجت نورين مع لورين للتنزه ومقابلة صديقتها ناريمان وبعدما ابتعدت عن المنزل بخطوات قليلة فاجاها صوته:صباح الفل والياسمين علي احلي عيون.
التفت ناظرة له بغضب قليل من خلف نظاراتها الشمسية البيضاء لتقول بغضب:خير؟
اقترب منها بابتسامة قائلا بمرح:بصبح عليك يا جميل.
نورين بغضب:ما تحترم نفسك.
رد قائلا:خلاص خلاص متضايقيش كدا بس.
اصبح قبالتها فقالت بنظرة تحدي:عايز ايه؟
رد بمرحه المعتاد وابتسامته المعهودة:حابب امشي مع اجمل بنت في المنصورة.
ردت بتهكم:واجمل بنت في المنصورة مش عايزة تمشي معاك.
لم يهتم لكلماتها وقال متقدما:شكرا انك قبلت الدعوة يلا بينا.
نظرت له بصدمة بعدما ازاحت نظاراتها فهو لا يحرجه شيئ بل يفعل ما يريده فقط ارتدت نظاراتها مجددا وهي تتوعد له.
وصلا الي المتنزه وهو لم يكف عن الكلام عن ما يحب وما يكره وماذا كان يفعل مع سفره مع شقيقه آدم تقريبا قد قص عليها كل شيئ يخصه بينما هي كانت تستمع بملل وتزفر من حين لآخر.
عندما وصلا قاطعت كلامه:نيموووو.
شاهدها وهي تنطلق نحو فتاة متوسطة الطول وتعانقها بحب وتتبعها لورين وهي تنبح علي صديقتها الاخري وتقفز باتجاهها.
وقف آسر يتامل ضحكاتها وكيف تغلق عينيها وهي تعانق صديقتها بشوق ثم تبتعد عنها في عتاب قائلة :بقي كدا يا دزمة شهرين ونص متكلمنيش خالص يا دزمة.
ناريمان بابتسامة:اعمل ايه بقي الله يسامحها زهرة مرات اخويا.
جلست نورين ساحبة يدها لتجلس بجوارها غافلة تماما عن الذي يقف بعيدا ينظر لها بحب وشغف وهي تقول:عملت ايه تاني؟
تنهدت ناريمان قائلة:كانت واخدة مني الفون ومانعة عني اللاب وكانها بتعاقبني.
نورين بغضب:ومقلتيش لنائل ليه؟
ناريمان بحزن:مكنتش بتخليني اقعد معاه هو بيجي الساعة ٨ بالليل تقوم حبساني في الاوضة لحد اما ينام وتقوله اللي انا نمت دا انا جاية اقابلك انهرده وانا مفهماها اني راحة اشوف الكلية.
نورين وقد تملكها الغضب من براءة وطيبة صديقتها ووقاحة وحقارة زوجة شقيقها لتنهض بانفعال وهي تضغط علي يد صديقتها ساحبة اياها خلفها لتقول:يلا
ناريمان بتعجب:يلا فين؟
نورين محاولة الهدوء:علي بيتك.
لم تعلق ناريمان فهي تعلم ان صديقتها الآن في حالة انفعال تام واي كلمة صغيرة سوف تودي بها الي الهلاك وبالطبع تبعتهم لورين وآسر الذي لاحظ احمرار وجنتي نورين والغضب المحدق بعينيها البندقية الآسرة وضغطها علي يد صديقتها فهي الآن غاضبة بلا شك.
في منزل نائل الطوخي:
كانت تدق الباب بغضب ثم تضغط علي الجرس بغضب ونفاذ صبر حتي سمعت صوتها البشع:طيب ياللي بتخبط ايه هي القيامة قامت.
حالما فتحت الباب حتي باغتتها نورين بدفعة للخلف وتقدمت هي وصديقتها وخلفهما آسر الذي سار خلفهما بكل هدوء حتي لا تغضب نورين اكثر.
نورين بغضب وبصوت كفحيح الافاعي:ممكن افهم ايه اللي كنتي بتعمليه مع ناريمان دا ازاي تتجرئي تحبسيها في اوضتها كدا(قالت بصوت مرتفع) هي حيوان بتعذبيه!
زهرة بغضب:انتي كمان قلتلها آه ما انتي مش متربية يا قليلة الادب.
امسكتها نورين من تلابيبها بغضب وهي تقول:مين دي اللي قليلة الادب يا تربية الشوارع يا طفح المجاري انتي انتي بتتكلمي عن نفسك ولا عليها يا بت انتي دا انتي مكنتيش لاقية اللقمة يا شحاتة لولاها هي واخوها كنتي فضلتي في الشارع يا هبابة البرك يا زبالة.
خلصت زهرة نفسها بغضب قائلة:ايه يا بت انتي هو انتي مفيش حد قادرلك ولا ايه ولا عشان دخلتي بيتي غصب عني فاكرة اني مش هقدرلك لا دا انا ادبح عشرة زيك.
نورين:تدبحي مين يا بت انتي فاكرة نفسك مين دا انا ادفنك حية ولا حد يعرفلك طريق يا تربية الزرايب.
ناريمان بقلق:خلاص يا نورين حصل خير بقي اهدي مش كدا.
زهرة بغضب:ايوه يا ختي اعمليهم عليا وانك خايفة عليا هو مش انتي اللي عاملة كل دا يا مقصوفة الرقبة.
قالت ناريمان بانفجار ونفاذ صبر:هو فيه ايه بقي انا عملتلك ايه عشان تعملي معايا كل دا دا انا عمري ما اعترضتلك علي حاجة ودايما واقفة جنبك ولما كنتي بتزعلي نائل كنت باجي معاكي عليه في ايه انتي كرهاني ليه دا انتي حقودة وزبالة مبتحبيش الا نفسك وميملاش عينك الا التراب.
زهرة بغضب:وكمان بتشتميني يا حيوانة!
وهمت لتصفعها لتجد نورين ممسكة معصمها بقوة مزيحة ناريمان المصدومة الي الخلف لتقف قبالة زهرة قائلة بهدوء سابق لعاصفة غضب:لو مديتي ايدك عليها تاني هزعلك.
جذبت زهرة معصمها بغضب قائلة بسخرية:هتعملي ايه يعني؟
نظرت لها نورين قليلا قبل ان تبدا في الضحك بهيستيريا لتنظر لها زهرة بذهول بينما ينظر لها ناريمان وآسر بترقب ليقول آسر:لو ينفع يا آنسة ناريمان ترجعي ورا شوية.
نظرت له ناريمان بدهشة فهي لم تلاحظه الا الآن ولكنها فعلت كما قال وتراجعت عدة خطوات للخلف فهي تعلم ماذا تفعل صديقتها عندما تضحك هكذا بعد غضب شديد.
لم تلاحظ زهرة تكور قبضة نورين الضاحكة وبسرعة اصابتها لكمة في وجهها جعلتها ترتد علي الاريكة خلفها ممسكة فكها السفلي بالم وجاءت لتنقض عليها ولكن قبضة آسر حول خصرها اعاقت حركتها اخذت هي تحاول التخلص من قبضته وتحاول الوصول لزهرة الراقدة علي الاريكة ولكن قبضته اقوي.
كانت تحاول التقدم للامام قائلة بغضب :عرفتي هزعلك ازاي يا زبالة ها عرفتي اقسم بالله لو عرفت انك اتعرضتيلها باي حاجة اقسم بالله لادفنك فاااهمة؟
لم يكن من زهرة الا انها اومات براسها في خوف فهدات نورين قليلا ولاحظت موضعها هي وآسر فقالت بارتباك مخفي:اوعي انت كمان.
همس آسر بحب:ليه ما كدا حلو.
الآن قد نفذ صبرها فقامت بضربه بذراعها في معدته فتاوه مبتعدا عنها وذهبت باتجاه صديقتها بعد ان رمقته بنظرة انتصار وامسكت يديها قائلة بهدوء:هجيلك بكرا وياريت تبشريني بحجات حلوة ونظرت لزهرة بتوعد.
كانت ذاهبة باتجاه الباب عندما نظرت للورين بابتسامة خبيثة قائلة :لورين..... enjoy
نظرت لها لورين ثم ما لبثت ان كشرت عن انيابها وهي تنظر لزهرة الخائفة التي قالت لنورين المغادرة:في ايه!!!!!
لحق آسر بنورين واستوقفها علي الدرج ليسالها بحذر:لورين هتعمل ايه؟
كادت تجيب عندما استوقفها صرخة زهرة فقالت بابتسامة سخرية:خلاص عملت ثم هبطت علي الدرج بخفة وآسر ينظر لها بذهول فهي صديقة مخلصة واحيانا فتاة هادئة ولكن عند الغضب تصبح قطة شرسة تجرح جميع من في طريقها.
اوصل آسر نورين الي المنزل وانتظر معها حتي وضعت لورين بالقبو وصعدت علي الدرج الي شقتها وهمت لتفتح الباب لتجده ينظر اليها منتظرا فقالت بسخرية:ما تتفضل يا كابتن.
آسر بابتسامة حمقاء:اه منا جاي.
فتحت فاهها ببلاهة قائلة:نعم!
ضحك آسر علي منظرها وقال بابتسامة جذابة:عاوز عمي امير في كلمة.
قالت بتفهم:آه طيب.
فتحت الباب وانتظر هو قليلا بالخارج لتقول بصوت مرتفع:ماااماااا عندنا ضيوف.
نيهال :ضيوف مين يا نوري؟
نورين:آسر اخو انكل آدم.
نيهال بسعادة:طب هو فين؟
قالت نورين وهي تضع قطعة حلوي في فمها بعدم اهتمام:علي الباب برا بيقول عاوز بابا.
وقفت نيهال سريعا قائلة:طب روحي دخليه بسرعة علي ما اجيب ابوكي.
نورين بعدم اهتمام:وادخله انا ليه روحي انتي دخليه وانا هنده بابا.
نيهال بحزم:روحي اعملي زي ما قلت.
نورين باستسلام:يوووه طيب.
دلفت نيهال لتنادي امير بينما اتجهت نورين لتنادي آسر الذي كان يقف واضعا عينيه في الارض لتقول نورين بهدوء:اتفضل.
فيرفع هو وجهه بهدوء ويقول بابتسامة:شكرا.
هنا لاحظت نورين عيناه الفيروزية الجميلة كيف لم تلاحظها من قبل انه بالفعل وسيم وابتسامته الجذابة التي لا تفارقه ابدا كم هو لطيف ومحب.
لم تلاحط نورين انها كانت شاردة فيه وهذا لاحظه آسر وابتسم ابتسامة جانبية علي بداية الانجذاب بينهما فهو يعشقها منذ رآها ويتمني ان تحبه ايضا.
استفاق كل منهم من احلامه علي صوت امير وجلس الجميع بينما ذهبت نورين ونوران لاحضار الحلوي والضيافة وبدا آسر حديثه :عمي احنا باذن الله انا وآدم ويارا وجوري طالعين اسكندرية بعد بكرا ويشرفنا ان حضرتك والعائلة الكريمة تطلعوا معانا.
امير بتفكير:اممم طب آدم مكلمنيش ليه؟
آسر سريعا:هو كان عايز يقول لحضرتك بس انا اصريت اني اقول لحضرتك وانا متاكد ان شاء الله ان حضرتك مش هتكسفني.
امير بتفكير:مش عارف انتي ايه رايك يا نيهال؟
نيهال بسعادة وابتسامة غامضة:وماله يا امير نروح عشان نبسط العيال قبل الدراسة.
امير بابتسامة:طب علي خيرة الله يا آسر يا بني ان شاء الله هنبقي جاهزين بعد بكرا ان شاء الله.
آسر بسعادة غامرة:ان شاء الله يا عمي.
حضرت نورين ونوران وجلس آسر قليلا ثم غادر واخبر امير الجميع برحلة الاسكندرية هناك من سعد وهناك من تضايق وهناك من هو خائف من الذهاب.
بعد يومين :
استلقيتا علي الفراش بارهاق لتقول نورين بارهاق:هموووت وانااام يلا تصبحي علي خير.
نوران بتوتر:وانتي من اهله.
بعد ثلاث ساعات استيقظت نورين من نوم عميق لتلاحظ عدم وجود شقيقتها دلفت الي المرحاض فلم تجدها ايضا زادت ضربات قلبها خوفا وقلقا وارتدت ملابسها سريعا واتجهت الي غرفة والديها المجاورة لغرفتها في الفندق لتقول بخوف لوالدها:نوران مش موجودة في الاوضة.
يتبع
تعليقات
إرسال تعليق