 |
اغتصاب في صمت
الحلقة الاولي:والثانيه
طفلة صغيرة لا تكاد تتجاوز الخامسة من العمر تصرخ باكية ويعتليها شاب في الثالثة والعشرين من العمر يقبلها ويضحك ضحكات سخيفة وخبيثة وصراخها لا يكف.
استيقظت نورين مفزوعة من ذلك الحلم واخذت تلهث بشدة وحبات العرق تغرق وجهها نظرت حولها في قلق لتتاكد انه كان مجرد حلم لا اكثر اخذت تستعيد انفاسها ثم اتجهت الي المرحاض اغتسلت وتوضات ثم ادت فرضها وجلست علي سجادة الصلاة عندما دق الباب لتقول نورين:ادخل.
تدلف فتاة قصيرة ذات بشرة خمرية وعينين بنيتين وشعر اسود قصير يصل لاسفل كتفيها وفي الواحد والعشرين من عمرها لتقول:يلا يا نورين الفطار جاهز.
نورين بابتسامة:حاضر يا نوران انا جاية اهو.
خرجت نوران لتطوي نورين سجادة الصلاة وتذهب للخارج وتجلس مع عائلتها المكونة من والديها امير ونيهال وشقيقتها الكبري نوران وشقيقها الاصغر نور.
(تعريف نورين:فتاة في الثامنة عشر من العمر قصيرة لكن اطول من نوران بقليل ذات شعر بني متموج يصل لمنتصف ظهرها وعينان بندقيتان يسحران من يراهما وانف صغير وفم كرزي مرسوم وهي ذات بشرة خمرية كشقيقتها)
امير:نورين النتيجة هتظهر انهرده؟
نورين بابتسامة:اه ان شاء الله يا بابا.
نوران:ربنا معاكي ويدخلك اللي نفسك فيه يا قلبي.
نورين:ربنا يحفظك يا حبي.
نيهال:انا مش عارفة عاوزة تدخلي علم نفس ليه ليه متبقيش زي بنت خالتك وتبقي دكتورة مخ واعصاب.
نورين بضيق:ماما انا قلت متين مرة انا مش زي حد وانا اللي اختار مش حد تاني مش عشان سوزان بنت خالتي سمر دخلت مخ واعصاب انا كمان ادخله انا مستقلة بذاتي وهدخل اللي انا حباه وبس.
قامت نورين من علي المائدة وذهبت الي غرفتها ليقول نور:هو كل شوية كدا يا ماما سوزان سوزان سوزان هي نورين ملهاش حق تختار ولا ايه؟!
نيهال بغضب:بس يا ولا وكمل اكلك وانت ساكت.
نور بضيق:مش واكل.
دفع نور طبقه واتجه هو ايضا لغرفته بينما قامت نوران لغرفة نورين لرؤيتها ليقول امير:مينفعش كدا يا نيهال.
نيهال ببرود:هو ايه دا اللي مينفعش؟
امير بضيق:مش كل شوية كدا يا نيهال ارحمي البنت شوية حرام عليكي وخلي في علمك مهما البنت تدخل انا موافق عليه بس المهم تكون حباه ومش هسمح لحد يضايقها تاني حتي لو كان مين وانتي فاهماني.
نهض امير ليغادر المنزل وتبقي نيهال وحدها علي المائدة تنظر لمقاعدهم في حسرة ودموع وتقول بصوت مختنق:انا كل اللي كنت عوزاه ان سوزان متعايركيش انك دخلتي مجال اقل منها وعايزاكي تسلمي من سمها هي وامها.
في غرفة نورين:
تجلس علي السرير محتضنة عروستها الصغيرة بين يديها وتذرف دموعها المتلالئة في عينيها البندقية وتقول بالم:هي عاوزاني ادخل زي سوزان لكن انا مش مشكلة في ستين دهية.
دلفت نوران لتمسح نورين دموعها سريعا وتنظر لها بابتسامة شاحبة لتضع نوران يدها علي كتف نورين بحنية قائلة:متزعليش من ماما انتي عارفة ان هي بتحبك وعوزاكي احسن من سوزان.
نورين:عارفة يا نوران بس مش كل شوية كدا وبعدين منا ممكن لما ادخل علم نفس اساعد ناس كتير بردو وابقي احسن منها.
نوران بحنية:عارفة يا حبيبتي بس انتي عارفة ان ماما وعيلتها مبيمشوش المواضيع كدا لما تكوني اعلي من سوزان في المجال هو دا الاحسن عندهم فاهمة يا قلبي؟
نظرت نورين للارض لتقول بخفوت:فاهمة.
بعد اربع ساعات:
نورين بسعادة:يس يس نجحت هيه هيه ايوه بقا(صعدت علي الاريكة واخذت تقفز في سعادة).
اتت والدتها نيهال:في اي يا بت؟
هبطت نورين ووقفت امام والدتها بابتسامة وامسكتها من كتفيها :نجحت يا ماما ب 99%يا ماما هييييه.
نيهال احتضنتها بسعادة:الف مبروك يا حبيبتي الف مبروك.
اتت نوران لتقول بسعادة :الف مبروك يا نوري عقبال الجامعة.
نورين بسعادة:يارب يا قلبي يا رب.
في هذه اللحظة يدق الباب وتذهب نوران لتفتح لتجده والدها الذي دلف بسعادة باتجاه نورين:الف مبروك يا حبيبة بابا.
عانقته نورين لتقول بسعادة:اي دا يا بابا انت عرفت؟
امير:طبعا دا انا عارف من الصبح دا انا كنت موصي واحد معرفة يجبلي درجتك.
نظرت له نورين بسعادة لتقدم كفها امامه قائلة :فين بقا هديتي ؟
امير بابتسامة:بس كدا البسي اسدالك وتعالي اوريك هديتك.
نورين بتعجب:ليه!هي الهدية فين؟
امير:في البدروم اللي جنب البيت.
نورين بدهشة:مع اني مش فاهمة حاجة بس ماشي هلبس واجي معاك.
ارتدت نورين ونوران ونيهال ملابسهم وهبطوا لاسفل مع امير ليفاجاوا ان الهدية ما هي الا كلبة صغيرة.
حالما راتها نورين حتي ركضت نحوها بسعادة وهبطت لمستواها واخذت تمسد علي فروها في سعادة لتقول:الله يا بابا حلوة اوي.
نيهال باشمئزاز:جيبلها كلبة يا امير بدل ما تجبلها عربية تروح بيها الجامعة.
نوران مسرعة ملطفة الجو:مانتي عارفة يا ماما ان نورين بتحب الكلاب.
اعطتهم نيهال ظهرها لتقول بضيق:انا طالعة احضر الغدا لما تخلصوا مع البتاعة دي ابقي اطلعوا كلوا.
غادرت نيهال وبعد دقيقتين يدلف نور بمرحه المعتاد :نوري يا قلبي الف الف مبروك عقبال يارب اشوفك دكتورة قد الدنيا.
عانقته نورين بسعادة:الله يبارك فيك يا حبيبي عقبال ما اشوفك ظابط قد الدنيا.
نور بمرح:يارب يا نانو يا رب ايه دا(اختبا خلف نورين) دي دي كلبة.
نوران بمرح:دي كلبة يا جبان.
نور بخوف:منا شايف انها كلبة ايه جابها هنا؟
امير:انا اللي جبتها عشان نوري بمناسبة نجاحها.
نور بدهشة:نعم ياختي هي دي هدية تتعاز جتك القرف فيكي انتي وذوقك.
امسكته نورين من ياقته الخلفية كاللصوص لتقول:مين دي اللي جتها القرف ياض؟
نور بخوف مصطنع:محدش يا نوري عيب كدا اعمليلي احترام حتي قدام البت اختك.
نوران بضحكة:بقا كدا يا معفن.
تركته نورين لتقول بمرح:ماشي اطلع فوق بقا.
نور بعناد:لا اش طالع.
هنا نبحت الكلبة ليقول نور بخوف :انا ماشي بقا سلام.
ضحك الجميع ليقول امير بابتسامة:هتسميها ايه يا نوري؟
نورين بتفكير:هسميها..امم..... هسميها لورين.
(ملحوظة:نورين تعشق الكلاب بينما نور يخاف منهم كثيرا.
نور:اخ نورين الاصغر يصغرها بعامين فقط ولكنه مرح ويحب اختيه كثيرا وامنية حياته ان يصبح ضابطا هو طويل حتي اطول من والده وشعره كستنائي وعينيه عسليتين وبشرته بيضاء ذا انف صغير وفم بني صغير)
بعد ثلاثة اشهر في كلية الطب :
تمشي نورين باتجاه غرفة شئون الطلبة عندما تسمع اسمها فتلتفت لتجدها سوزان ابنة خالتها سمر:هاي يا نور ازيك.
نورين باشمئزاز:وعليكم السلام ورحمة الله وبركاته الحمدلله يا سوزان ازيك انتي؟
سوزان بدلع:انا كويسة انتي كنتي راحة شئون الطلبة تقدمي صح؟
نورين بابتسامة صفراء:اه.
سوزان بغرور:اكيد هتقدمي في علم النفس مش كدا طبعا مش اي حد يدخل مخ واعصاب.
نورين بغضب:لا انا هدخل جراحة قلب طبعا عارفة ان المجال دا صعب جدا واكتره رجالة عشان البنت لازم يكون قلبها قوي.
سوزان بارتباك:طيب اسيبك انا عشان تلحقي.
نورين بابتسامة نصر:ليه ما تقعدي شوية.
سوزان مسرعة:لا شكرا.
غادرت سوزان لتبتسم نورين وتباشر مسيرتها نحو غرفة شئون الطلبة المتكدسة بالطلبة الملتحقين الجدد وقفت نورين حوالي ساعة ونصف ولم يجد جديد ولقصرها كان يتجاوزها بعض الشباب وهذا اغضب نورين كثيرا وجعلها تتجاوز الجميع حتي تفعل ما اتت لفعله.
بعد ساعتين من دخولها لغرفة شئون الطلبة اخيرا خرجت نورين ولكنها كانت في اشد مراحل الغضب كانت تمسك اوراقها بيديها لتضعها في حقيبتها وهي تسير عندما يصطدم بها شخص يسير بظهره ويقع الورق منها علي الارض بل يتطاير مع نسمات الهواء ايضا لتصرخ نورين :لا.
الشاب بسرعة:هجبهم حالا.
اسرع الشاب خلف الورقات المتطايرة ويقفز حتي استطاع الامساك بهم جميعا وذهب الي نورين التي كانت تشتعل غضبا.
الشاب بابتسامة:اتفضلي.
اخذتهم نورين وهي تنظر له بغضب ولم تعلق ووضعتهم في حقيبتها وجاءت لتمشي ليمزح الشاب:مفيش شكرا؟
التفت له نورين بغضب لتقول:شكرا علي ايه ما انت اصلا اللي موقع الورق يعني انت لو كنت ماشي عدل زي بقية خلق الله كان زمان الورق موقعش ولا طار ولا انت جريت وراه بس اقول ايه بقا.
كان الشاب فقط ينظر لعينيها البندقيتين وعلي وجهه ابتسامة صافية وعندما انتهت نورين قال بعدم وعي:انا آسر.
نورين بعدم فهم:افندم!
آسر بابتسامة:انا آسر وانتي؟
نورين بغضب:انت غبي يا بني ايه دا اوووووف.
تركته نورين بينما نظر لها بابتسامة ثم وضع يده علي خصلات شعره بابتسامة اكبر.
بعد ساعة عادت نورين للمنزل وسلمت علي الجميع ولكن لم تخبر احدا بما حدث مع سوزان وانها اختارت جراحة قلب ولم تختر علم النفس وكانت متجهة لغرفتها لابدال ملابسها ولكن جرس الباب اوقفها لتذهب لتفتح لتفاجا ب
اكمل ولا
اغتصاب في صمت
الحلقة الثانية:
تفاجات نورين بان الطارق ليس الا آدم صديق والدها القديم الذي قال بابتسامة:نورين؟
اومات نورين براسها دليل الموافقة بينما قال آدم:انا آدم صاحب باباكي فاكراني؟
اومات نورين ايضا براسها وهي في دهشة لاجمة لسانها لتقول سيدة تقف بجوار آدم بهمس:هي مالها؟
لم يجب آدم بل جاء ليضع يده علي كتفها ليفيقها ولكن نورين ابتعدت للخلف وقالت بخفوت:اتفضلوا.
دلف آدم وزوجته السيدة يارا وعلي يدها صغيرتها جودي.
نيهال من المطبخ:مين يا نورين؟
نورين بصوت مرتفع وهي تنظر بقوة لآدم:دا انكل آدم يا ماما.
نظر لها آدم بتعجب بينما لم تبدي يارا اي رد فعل جاءت نيهال من المطبخ وسلمت عليهم بحفاوة ولكنها لاحظت ان الباب غير مغلق فقالت :نورين اقفلي الباب.
آدم بسرعة:لا انا اخويا كان بيركن العربية وزمانه طالع.
نيهال بتفهم:ماشي.
آدم :دي يارا مراتي ودي جودي بنتي.
نيهال بابتسامة:اهلا يا حبيبتي.
نورين:ممكن اشيلها.
يارا بابتسامة:طبعا.
ذكرت نورين اسم الله ثم حملت الطفلة الصغيرة كانت لا تتجاوز الخمسة اشهر ولكنها تشبه والدتها كثيرا بعينيها البنيتين وبشرتها الداكنة قليلا ووجهها المستدير وانفها الصغير وشفتيها البنيتين الصغيرتين بينما كان والدها ذات بشرة بيضاء وشعر بني مائل للاصفر وعينان بنيتان ووجهه طويل وانف طويل وفم وردي كبير.
سمعت نيهال طرقات علي الباب فقامت لتجد شاب فتقول بابتسامة:اتفضل.
لمحته هناك بجوار والدتها يقف بابتسامة قائلا:شكرا .
لتقف نورين مسرعة وتقول في دهشة:انت!
آسر بابتسامة:انتي.
وقف آدم ليقول:انتم تعرفوا بعض؟
آسر:اه دي.....
قاطعته نورين:شفته في الجامعة عن اذنكم هروح اتصل ببابا.
اعطت جودي ليارا وذهبت الي غرفتها لتتصل بوالدها ثم خرجت اليهم مرة اخري قائلة :بابا علي وصول عن إذنكم ثم دخلت الي غرفتها مرة اخري.
(آسر هو شاب في الثامنة عشر من العمر طويل ذات عيون فيروزية ورثها من والدته وشعر بني مائل للاصفر وبشرة بيضاء وانف طويل وفم وردي كبير).
نيهال بابتسامة:وانت بقا يا آسر عندك كام سنة؟
آسر بابتسامته المعهودة:١٨
نيهال بسعادة :قد نورين يعني؟
تذكر آسر عيناها البندقية ووجهها الاحمر من صراخها فقال بحالمية:ايوه.
نيهال:وناوي تدخل ايه بقا؟
آدم بمرح:آسر عايز يبقي دكتور مجدي يعقوب التاني.
نظرت له نيهال باستفهام فقال آسر موضحا:جراحة قلب.
نيهال بحسرة:حلوة جراحة قلب مش علم نفس اللي بنتي عايزة تدخلها.
آسر بتعجب :علم نفس ازاي يا طنط انا شفت ورقها داخلة جراحة قلب.
نيهال بدهشة:ايه!لا يا بني انت اكيد غلطان نورين كانت عايزة علم نفس.
آسر بإصرار :لا يا طنط انا شفت الورق بتاعها كانت داخلة جراحة قلب انا متاكد.
نيهال بسرعة:طب عن اذنكم.
واتجهت الي غرفة نورين.
قبل دقائق في غرفة نورين:
كانت تريد ان تنزع ثيابها ولكن ضيوفهم منعوها من ذلك فجلست علي سريرها وامسكت عروستها الصغيرة واخذت تحدثها :هم ايه اللي جابهم هنا اصل انا كنت ناقصاه هو ولا اخوه اوووف بقا اما اروح للبت نوران اقولها علي جراحة القلب اللي انا اتهببت فيها دي.
خرجت نورين من غرفتها وكانت ستائر غرفة الجلوس منسدلة فلم يروها وهي ذاهبة ولكنها سمعت آسر وهو يقول انه في مثل عمرها ولم تسمع الباقي اذ ذهبت الي غرفة نوران وجدتها تقف خلف الباب تتصنت علي حديثهم وعندما دخلت نورين جلست نوران علي السرير مصطنعة انها تلعب في هاتفها فقالت نورين:لا والله؟
نوران:ايه؟
جلست نورين بجوارها:مفيش.
اعتدلت نوران في جلستها قائلة:نوري هو مين اللي برا؟
نورين بعدم اهتمام:آدم ويارا وجودي وآسر.
نوران بتذكر:مش آدم دا اللي هو صاحب بابا؟
نورين:اه ياختي.
نوران:علي الرغم من انه كان صغير الا انه كان ذكي وشاطر في شغله.
نورين:سيبك منه دلوقتي عاوزة اقولك حاجة.....
قاطعتها نوران:اما آسر دا مين؟
نورين بنفاذ صبر:اخوه الصغير.
نوران بسعادة :عنده كام سنة؟
نورين:١٨.
نوران بحزن مصطنع:يا خسارة مش علي مقاسي بس علي مقاسك ابت.
نورين:يا شيخة الهي يقطع الجواز علي سنينه علي اللي عايزين يتجوزوا.
دفعتها نوران بمرح:ملكيش دعوي باللي عايزين يتجوزوا.
نورين:طب اسمعي بقا الكلمتين اللي عايزة اقولهملك.
نوران:قولي.
كادت نورين تقول ما ارادت ولكن اوقفها دخول والدتها المفاجئ وقولها:نورين صحيح انك دخلتي جراحة قلب ؟
وقفت نورين قائلة بهدوء:ايوه يا ماما.
نوران بصدمة:خربيتك دخلتي جراحة قلب؟
نظرت لها نورين قائلة:ما انا لسه قايلة اه يا متخلفة.
نظرت نورين لنيهال التي قالت بسعادة:حلوة يا حبيبتي اهو دا احسن من علم النفس الف مرة ثم عانقتها.
نوران ببلاهة:حلوة ايه يا حجة بتقولك جراحة قلب دا ممكن تموت الناس.
ضربتها نورين بخفة علي ذراعها قائلة:ليه فكراني فاشلة زيك خليكي في الاعلام بتاعك.
نوران باعتراض:لا لا لو سمحتي متغلطيش في الاعلام دول الصحفيين عاملين ثورة في البلد.
نيهال:وبعدين ياختي ما هم بيموتوا .
نوران :ما خلاص بقا يا حجة.
نيهال:طب يلا البسوا عشان تيجوا تقابلوا الضيوف.
نوران:اشي.
نورين:وهلبس ليه منا لابسة اهو.
نيهال بابتسامة مغزي:لا يا حبيبتي عارفة الدريس النبيتي اللي انا جيبهولك هو دا بقا البسيه.
نورين بعدم فهم:ليه؟
امالت عليها نوران هامسة:بينها عايزة تجوزك.
نورين بفهم:امممممم.
نيهال:ماشي يا حبيبتي؟
نورين بابتسامة مصطنعة:ماشي.
خرجت نيهال لتقول نوران:بت انا مش مستريحالك انتي ناوية تعملي ايه؟
رفعت نورين كتفيها قائلة:هغير هدومي سلام.
خرجت نورين فقالت نوران:ربنا يستر.
انتهت نوران من ارتداء ملابسها وخرجت سلمت علي الجميع وجلست بجوار يارا حاملة جودي حتي اتي نور الذي فتح الباب وقال وهو يغلقه معطيا ظهره لهم بصوت مرتفع:يا اااامممم نوووور الاكل بسررررعة.
نظر له الجميع وحالما التف ووجدهم ينظرون اليه قال باحراج:احم احنا عندنا ضيوف منورين.
آسر بضحكة:دا نورك يا نور صح؟
نور باحراج:اه.
آسر:تعال تعال اقعد انا آسر.
نور وقد زال حرجه قليلا:منور يا اسورة.
آسر بمرح:طب بذمتك ادلعك انا أقولك ايه؟
نور:يا عم اي حاجة كل اللي يجي منك حلو.
آسر:تسلم يا حبيبي استني اعرفك دا......
نور سريعا:دا اخوك مش كدا شبهك اوي ودي اكيد مرات اخوك ودي بنتهم بسم الله ما شاء الله.
آسر بتعجب:انت عرفت ازاي؟!
نور:مش محتاجة يا اسورة اخوك شبهك اوي ومراته مش شبهكم فبالتالي هتكون مرات حد فيكم وانت مش لابس دبلة بس اخوك لابس يبقي هي مراته واكيد القمورة دي بنته.
يارا:بسم الله ما شاء الله انت بينك هتطلع ظابط.
نور بسعادة وترجي:من فمك لباب السما يارب.
ضحك الجميع بينما قال آسر:طيب دا آدم اخويا زي ما انت قلت ودي يارا مراته ودي جودي بنته.
نور:تشرفنا جميعا واكيد انتم اتشرفتم بيا.
نيهال بغيظ:يا واد بطل لماضة.
نور:طب بصوا عشرية اغير هدومي وارجعلكم تاني.
الجميع:اتفضل.
خرج نور من الغرفة ليجد نورين فيقول:ايه دا نوري راحة فين؟
التف الجميع لنورين التي كانت ترتدي
يتبع
البارت الثالث والرابع من هنا هنا
تعليقات
إرسال تعليق