 |
#الحلقه_الثالثه_والرابعه
#الزوجه_التانيه
#موسوعة_القصص_والروايات
ظابط شرطي :
: معانا اذن من النيابه بالقبض عليك بسبب تهمه التعدي بالضر*ب المبالغ فيه علي مراتك خدوه
صالح بخوف : والله ما جيت جمبها ولا ضرب**تها يا حضره الظابط ده انا شايلها فوق راسي
يسرا بصريخ : يلاهوي دي كذابه يا باشا دي عايزه تنتقم من جوزي حسب الله ونعم الوكيل مش كفايه انها مش بتخلف
الظابط بزعيق : الكلام ده مش هنا في النيابه خدوه على البوكس
العسكري اخد صالح غصب عنه لأنه كان عمال يزعق ورافض تماماً يركب البوكس ويسرا فضلت تصرخ وركبت عربيه بسرعه ومشيت ورا البوكس
____________بقلمي الاء فرج
في قسم الشرطه
بعد ساعه وصل البوكس قدام القسم ودخل صالح والعسكري ماسكه ويسرا نزلت من التاكسي ودخلت القسم علطول
في مكتب الظابط
دخل صالح ومعاه يسرا والعسكري خرج، بص صالح لقا فاطمه وشها منفوخ وايدها عليها علامات ضر*ب ووشها كله كدمات وجمبها صاحبتها ساره
يسرا بصدمه : يا نهار أسود اي اللي في وشك ده
صالح بزعيق: بتكذبي يا فاطمه وعايزه توديني في داهيه ده أنا هطلع عينك اصبري بس
ساره ببرود :شايف يا حضره الظابط بيهددها قدام حضرتك ومش عامل حساب ليك
وكمان بينكر انه ضر**بها كده الحيو*ان اكتب عندك عايزه تعمل فيه محضر سب وقذف
صالح بزعيق :اسكتي خالص يا وش المصايب اكيد انتِ اللي قولتلها تعمل كده انا همو*تك
ساره بصوت عالي :لو راجل ا
زرع الظابط إيده علي المكتب : بس..... سكوت مش عايز اسمع صوت وانتَ بتهددهم قدامي انتَ مجنون
صالح بخوف : أسف أسف بس بردوا انا ما عملتش حاجة ولا ضرب**تها
الظابط بزعيق : انتَ هتستعبط انتَ لسه مهددها قدامي وبعدين لو مش انتَ هيبقى مين
صالح بغضب : اكيد ضرب*ت نفسها او بنت ***** صاحبتها ضرب**تها ولبست التهمه فيا
ساره بزعيق : انتَ بتشتمني ليه يالا
الظابط بصوت عالي : شششش اللي هيتكلم تاني هبعته للحجز
يسرا بخوف :هو كده صالح هيتحبس
الظابط : اه هيتحبس لأنه ضرب*ها بالشكل المبالغ ده
اتكلمت فاطمه أخيراً وهي بتعيط : يا حضره الظابط أنا مش عايزه انه يتحبس مهما كان ده جوزي وبينا عيش وملح
أنا عايزه بس يطلقني ويرحمني من العذاب اللي كنت فيه انا عيشت أسوأ سنه في حياتي معاه انا بس عايزه انه يطلقني ويدفعلي المؤخر ومش عايزه اشوفه تاني وانا متنازله عن المحضر اللي عملته فيه
صالح بزعيق : نعم يا ختي مش كفاية انك مش بتخلفي عايزه كمان ادفعلك حق المؤخر ١٠٠ الف جنيه؟!!
الظابط بزعيق : اقسم بالله كلمه كمان وهقوم انفخك علقه علي طريقتك الزباله في الكلام احترم نفسك
يسرا بخوف : حقك عليا انا
خلاص يا صالح ادفع المؤخر وطلقها احسن ما تتحبس
صالح بغضب : خلاص هدفع الزفت المؤخر بس كمان شهر وهي ترجع معايا البيت دلوقتي
ساره : لأ مش هترجع البيت معاك تاني الفلوس تدفع النهارده حالاً والطلاق دلوقتي أنا مش ضامنه لما ترجع البيت معاك تعمل فيها أي... حضره الظابط من فضلك خليه يطلقها دلوقتي
الظابط : ارمي عليها يمين الطلاق وأنا هتصل بالمأذون يجي يخلص إجراءات الطلاق ونخلص بقا
صالح بغضب : انتِ طالق طالق طالق بالتلاته
#يتبع
#إسكريبت_الزوجه_التانيه
#سلسله_حواديت_حكايتي
#الاء_فرج
استنوا هنزل حلقه كمان عشان تفاعلكم القمر ده 💙💙
صالح بغضب : انتِ طالق طالق طالق بالتلاته
ساره بسعاده :الف الف مبروك يا فاطمه دي كانت جوازه زي الزفت
مسحت فاطمه دموعها وابتسمت وتحركت ووقفت قدام صالح : ما كنتش حابه نوصل لكده ونقف قصاد بعض، انتَ كنت حبيبي وكل حاجة حلوه في حياتي بعد موت اهلي الله يرحمهم عيشت معاك أجمل قصه حب في الكليه ولكن بعد الجواز قبل حتى ما تعرف اني مش بخلف كنت بتضر*بني وبتشت*مني بأسوء الألفاظ وتخليني امسح واروق الشقه لاختك عشان هي بتشتغل ومش فاضيه لما كنت بقولك يا صالح حرام عليك انا ذنبي اي عشان انضف شقه اختك هناء تقوم وتزعق فيا وتضرب*ني وتنكد عليا وانا اللي اروح اصالحك، واختك كانت تيجي من الشغل تقعد تزعق فيا وتتريق عليا وعلى لبسي كنت اقعد بليل لوحدي على سجاده الصلاه واقعد اعيط وادعي ربنا انه يهديك ويهدي اختك هناء ويرزقني بالذريه الصالحه
كملت فاطمه كلام وهي بتعيط : ولما حملت وعرفت ان في بطني ولد ولقيتك اتغيرت معايا وبقيت بتعاملني معامله حلوه اوي فضلت اشكر ربنا ولكن اختك لما عرفت اني حامل في ولد وهيورث كل فلوسك والشركه بتاعتك وقعتني من فوق السلم وانتَ في الشغل، ولما فوقت عرفت ان الولد مات في بطني من قبل ما اشوفه وإن شالوا الرحم عندي ومش هخلف تاني قلبي وجعني اوي ما كنتش حتى عارفه اعيط من الصدمه
واختك سافرت على برا بسرعه بعد ما سقطتني واتطلقت مع جوزها
بعدها بقيت بتعاملني أسوأ معامله معامله وحشه اوي انا شوفت كتير اوي في حياتي والحمد لله ان أطلقت منك
قريت فاطمه من ودن صالح وقالت بصوت واطي ولكن صالح سمعه : وعلى فكره انا اللي ضرب*ت تفسي بالشكل ده ولبست التهمه دي فيك
ومش هبقي قليله الأصل وارميك في السجن بتهمه كذب ولكن لان ده مش من أخلاقي انا عملت كده بس عشان تحس على دمك واطلقك منك سلام كانت جوازه زي الزفت وما اشوفش وشك تاني وحسب الله ونعم الوكيل فيك وفي اختك هناء
*الناس اللي قالت إن فاطمه غلطانه عشان لبست التهمه في صالح انا مش شايفه انها غلطانه ولو واحد في الميه هي شافت كتير اوي وده جزء صغير اوي مقابل اللي عمله فيها، هي عملت كده بغرض انه يطلقها وانا شايفه انها مش غلطانه *
____________بقلمي الاء فرج
بعد ساعات
خرجت فاطمه من القسم ومعاها ساره صاحبتها وبكده ساره أطلقت رسمي واخدت المؤخر بتاعها
في عربيه ساره
ساره بسعاده : انا فرحانه ليكي اوي يا فاطمه الحمد لله يارب احمدي ربنا وإن شاء الله ربنا هيعوضك
فاطمه بأبتسامه :الحمد لله يارب
ساره : بصي بقا في شركه عقارات كبيره عامله اعلان وصاحبه الشركه بنت لسه جايه من امريكا، صاحبتي قالت ليا على الشغل ده لأنها بتشتغل هناك، هوصلك الشركه وهروح اقابل خطيبي وحماتي عشان نشتري الاجهزه الكهربائيه، وسيبك كده من اللي فات وركزي في اللي جاي
بقلمي الاء فرج
بعد ساعتين
دخلت فاطمه الشركه بعد ما وصلتها ساره ومشيت
فاطمه : احم السلام عليكم ورحمة الله وبركاته ممكن اقابل المديره عشان عاملين انكم عايزين سكرتيره
موظفه الاستقبال :عليكم السلام ورحمة الله وبركاته، ثانيه واحده هكلم المديره وادخلك
قعدت فاطمه علي الكرسي وبعد دقايق دخلت للمديره
في مكتب المديره
فتحت فاطمه الباب ودخلت بهدوء وقعدت على الكرسي والمديره كانت قاعده على الكرسي وبتبص ناحيه الشارع من الشباك
فاطمه : السلام عليكم انا فاطمه عماد وجا
لفت المديره بالكرسي وفاطمه قامت وقفت من الصدمه : هناء؟!!!!
يا تري اي اللي هيحصل هناء دي تبقي اخت صالح ويا تري فاطمه هتعمل اي؟ اسئله كتير اجابتها الحلقه الجايه والاخيره إن شاء الله
أنا كتبت حلقتين تعويضاً عن امبارح عشان ما نزلتش تفاعل كبير وكومنتات اكتر عشان الحلقه الاخيره تنزل بسرعه وما تنسوش تقولوا رايكم في الحلقه عشان تعبت فيها اوي والله انا كتبتها في المواصلات وانا جايه من الدرس؛
#إسكريبت_الزوجه_التانيه
#الاء_فرج
تعليقات
إرسال تعليق