 |
البارت السابع
عفوا ايها الشبح احببتك
بقلمي aya Elkhwaga
بعد مافقت علي الايد اللي لمستني بالطريقه المعززة والصوت اللي قالي اني حلوة وخسارة في الموت واني خسارة ماابقاش ملكه حاولت افتح عيني عشان اشوف هو مين لكن ماقدرتش لاني كنت دايخه جدا كأني كنت متخدرة ماكنتش قادرة افتح عيني ولا حتي قادرة أميز الصوت اللي بيكلمني كنت حاسه اني في عالم تاني وفاقدة القدرة علي السيطرة ع حواسي واتزاني وحتي ع صوتي لاني ماقدرتش اصرخ حتي واستغيث بأهلي عشان ينقذوني وبدأ يجردني من ملابسي وانا مش قادرة ادافع عن نفسي حتي بصرخه استغاثة كنت مشلوله تماما وعرفت اني داخله ع كارثه هتدمرلي حياتي ماقدرتش اعمل اي حاجه غير اني اطلب من ربنا ينجدني من الهلاك المحتم اللي انا داخله عليه ولقيت الشخص ده بيقرب مني وبيقولي انا عارف انك لو قادرة تتكلمي كنتي سألتيني ليه بعمل فيكي كدة وايه ذنبك بس انا سالت السؤال ده لنفسي قبلك ومالقتلوش اجابه ليه اهلك عملوا فيا كدة وذنبي كان ايه وذنب امي كان ايه وزي مادفعت انا وعيلتي ذنب حاجه ماعملنهاش لازم تدوقوا من نفس الكأس وقبل حتي مافكر في كلامه لقيته حط منديل ع بوقي وغيبت تماما عن الدنيا ومافوقتش غير تاني يوم الصبح وكنت فاكرة ان اللي حصل كان كابوس وخصوصا اني لما صحيت لقيتني بهدومي لكن وانا بقوم من السرير شوفت اللي اكدلي ان الكابوس اتحول لحقيقه عارفين شوفت ايه شوفت بقعه دم ع السرير عارفين ده معناه ايه معناه اني اتعرضت للاغتصاب في بيتي من شخص مجهول فضلت اعيط زي المجنونه من اللي حصلي ومابقتش عارفه هعمل ايه في المصيبه اللي حصلتلي وكنت هتجنن مين اللي عمل فيا كدة وليه ومين ممكن يدخل بيتنا ويغتصبني ويخرج عادي وكأنه من اهل البيت ايوا صح فعلا محدش هيقدر يعمل كدا الا لو من اهلي واول حد جه في بالي هو أول حد جه في بالكم بالظبط كدة رامي وقررت اقوم اواجهه وافضحه في البيت كله لكن قبل مااقوم افتكرت الكلام اللي قالهولي الشخص اللي اعتدي عليا قبل مايعمل فيا كدة كان بيقول اني ماليش ذنب بس هو وأهله كمان ماكانش ليهم ذنب في اللي اهلي عملوه فيهم مستحيل يكون رامي لان رامي اخويا واحنا اهله مين اللي عمل فيا كدة وايه علاقته بأهلي وياترا اهلي اذوه هو وعيلته في ايه وليه شوفت شبح يونس وليه كان بيحذرني وايه علاقه يونس بالمغتصب قطع صوت تفكيري صوت ماما وهي بتنده عليا وبتقولي اصحي عشان تحضري الفطار لاخوكي عشان نازل الجامعه مسحت دموعي بسرعه وقولتلها حاضر وقومت بسرعه غيرت ملايه السرير ودخلت غسلت وشي عشان كان باين اني بعيط واتصرفت كان ماحصلش اي حاجه لاني كان لازم افهم واعرف مين اللي عمل فيا كدة واحاسبه ع ضياع مستقبلي وفضلت طول اليوم بفكر انا هعمل ايه عشان اعرف مين اللي اغتصبني وعاوز يقتلني كمان وحطيت احتمالين للي حصلي عشان اقدر امشي عليهم واشوف انهي احتمال فيهم اللي هيوصلني للي عمل فيا كدة عارفين ايه هما الاحتمالين ؟! وهل وصلوني للشخص ده فعلا🤔 هجاوبكم في البارت التامن من عفوا ايها الشبح احببتك ولو البارت نال استحسان حضراتكم رجاء ادعموني فضلا
البارت التامن من عفوا ايها الشبح بقلميaya Elkhwaga بعد اللي حصلي قررت افهم ليه حصل فيا كدا وقررت انتقم لشرفي من المجهول اللي هتك عرضي بدون وجه حق حتي لو كان ليه حق عند اهلي وأهلي دمروله حياته هو وأهله فده مش هيشفعله ابدا ولازم انتقم منه بعد مادمر مستقبلي بس عشان ده يحصل لازم اهدي وافكر بالراحه في كل اللي حصلي من البدايه واراجعه واحدة واحدة عشان امسك اي طرف خيط يوصلني لحقيقه الجاني بس كان لازم الاول احط قدام عيني احتمالين للي حصلي ولسه بيحصل الاحتمال الاول هو اني مريضه نفسيه فعلا وكل اللي بيحصل دي تهيؤات وهلاوس ومالهاش اي وجود غير في عقلي انا بس وكدة هكون محتاجه اتعالج ويمكن مصيري يكون مستشفي المجانين واقضي فيها بقيه عمري وحتي لو كدة انا لازم اساعد نفسي عشان مااوصلش للمصير المرعب ده اما بقي الاحتمال التاني ٠٠٠٠بالظبط كدة ان كل اللي بيحصل ده حقيقي وان فيه سر كبير في حياه اهلي لازم اكتشفه عشان اقدر اوصل للجاني واقدر انتقم لشرفي وأثبت لأهلي اني تم اغتصابي وقررت امشي ورا الاحتمال الاول واتأكد من قواي العقليه والنفسيه الاول استنيت لما الكل نام ودخلت اوضه أكرم واخدت اللاب بتاعه بالراحه ودخلت اوضتي وقفلتها كويس وحطيت كرسي ورا الباب عشان لو حد حاول يدخل الاوضه الكرسي يعمل صوت والحق اخبي اللاب المهم قعدت عملت سيرش عن اعراض الانفصام والهلاوس وماشابه لكن ولا عرض فيهم عندي بس ماكانش ينفع اسلم باني كويسه الا لما اتأكد تماما فاخدت ارقام اكتر من عيادة نفسيه واكتر من دكتور نفسي من اللي ظهروا في الإعلانات وانا بسيرش وقررت احتفظ بيهم للصبح عشان اكلم اي دكتور يقدر يقيم حالتي لان الوقت كان اتأخر فعلا وانسحبت بالراحه بعد ماحذفت سجل البحث ورجعت اللاب مكانه ولا من شاف ولا من دري ورجعت طفيت نور اوضتي ودخلت السرير وغمضت عيني في محاوله مني للاسترخاء وتهدئه دماغي من شبح التفكير واللخبطه والإرهاق والصداع اللي كنت فيهم عشان اقدر اوصل لاجابه واضحه ع اسئلتي ولقيتني وانا في حاله الاسترخاء دي بدأت استرجع المواقف واتخيلها كأني بتفرج ع فيلم سينما لكن برضه ماوصلتش غير لاحتمالين الاول اتي اطلع مجنونه فعلا لاني شفت شبح واحد ميت وده مستحيل لا ومش بس كدة ده سافر ورايا من الصعيد للقاهرة وجه عشان ينقذني من المغتصب لا وكمان امه الشيخه سكينه ماشافتوش مستحيل حد يصدق اني عاقله بعد كل ده ولا حتي انا مش مصدقه وع رأي شويكار شئ لا يصدقه عقل او٠٠٠٠٠٠٠او اهلي مخبيين عليا سر كبير ولو اكتشفته هقدر اوصل للشخص اللي اذاني وانتقم منه وانقذ نفسي من الموت لان الشخص اللي اغتصبني قال اني خسارة في الموت يعني في الحالتين انا في خطر ولازم اساعد نفسي
فجأة قطع صوت تفكيري صوت بيقولي انا اسف يالين وهو بيبكي اسف ماقدرتش اساعدك غصب عني والله٠ فضلت مغمضه عيني وانا بحاول اكتشف صاحب الصوت هو الصوت مش غريب عليا لكن كمان مش مألوف بالنسبالي وفجأة اتجمد الدم في عروقي لما افتكرت الصوت ده صوت صوت اللهم احفظنا شبح يونس وكنت ميته من الرعب لكن ماكانش ينفع افتح عيني يمكن افهم اي شئ لكن فجأة لقيت يونس مسك أيدي وباسها بحنيه عمري ماحسيتهاوحط في صباعي خاتم وقالي سامحيني ياحبيبتي فاتخضيت من الكلمه بس حسيت احساس غريب بحلاوة الكلمه ونسيت خالص الرعب اللي كنت حاساه والحاله السيئه اللي كنت فيها وكأني انفصلت عن العالم وحسيت بأمان وحنيه عمري ماحسيتها قبل كدة ولقيت صوت عقلي بيردد الجمله وراه بتعجب حبيبتك وكأني كنت مستنياه ياكدلي الجمله لقيته بيرد عليا وكأنه سمعني وقالي ايوا حبيبتي يالين حبيتك من لحظه عيني ماجت في عينك عينك جميله وبريئه اوي يالين انتي كلك جميله ماتخافيش ياحبيبتي انا جمبك ومش هسمح انك تتعرضي لاذي تأني انا لازم الاقي حل واطلع من سجني عشان اقدر احميكي ياحبيبتي سجن سجن ايه هما العفاريت كمان عندهم سجن لا انا لسعت فعلا اكيد كل ده وهم وقررت افتح عيني عشان اتأكد لكن ازاي كده انا شيفاه فعلا ده موجود وبيبصلي بحنيه اهوه وقالي ارجوكي يالين ماتخافيش مني قولتله انت يونس صح اقصد شبح يونس قالي انه مش عارف هو مين بالظبط ومش فاكر حاجه عن نفسه لكن قالي انا مش شبح يالين انا بني آدم زيك بالظبط وكمان انا ٠٠٠قطعت كلامه قولتله ازاي انت بني آدم وقر بت أيدي منه لكن أيدي عدت من الناحيه التانيه وكأنه دخان متشكل او مرسوم وفي لحظه اختفي وفضلت انده عليه لكن لا ظهر ولا سمعت صوته وفي اللحظه دي أدركت اني مجنونه مستحيل يونس يكون موجود بس ازاي ازاي يكون وهم واحس بلمسه ايده ازاي يكون وهم ويلبسني خاتم ٠٠٠خاتم ايوا صح بصيت ع أيدي بسرعه ولقيت فيها خاتم رجالي شيك جدا وكمان غالي عارفين ده معناه ايه معناه ان اللي بيحصل ده مش وهم وان اجابه كل اسالتي هلاقيها في أسرار ماضي اهلي لكن طرف الخيط هيبتدي من عند امي لاني لازم اوصل للست سكينه الاول واعرف قصه غرق يونس ولازم أوري الست سكينه الخاتم ولو الست سكينه شافت الخاتم وطلع بتاع يونس هتكون هي مفتاح اللغز وبما ان ماما بتثق في قدراتهم اوي كدة يبقي يااما تعرف عن ماما كتير يااما تقدر تعرف بالبصيرة او حتي اعرف منها ماما زارتها قبل كدة ليه لان اكيد ماما مش هتقول عليها صاحبه كرامات الا لو اتعامل معاها قبل كدة وحلتلها اكتر من مشكله لكن هعمل كدة ازاي بس وفضلت افكر لكن حسيت ان عقلي اتشل من كتر التفكير وماوصلتش لطريقه اوصل بيها للست سكينه وقررت انام والصباح رباح وبكرا استخدم الحيله مع امي واستدرجها باي شكل عشان اقدر اجيب رقم تليفون للست سكينه لاني طبعا مستحيل اعرف اسافرلها🤷♀️ تفتكروا هقدر أنجح في اني اقدر اوصل للست سكينه ولا هفشل ؟!استنوا البارت التاسع من روايه عفوا ايها الشبح احببتك بقلمي aya Elkhwaga
تكملة الروايه من هنا هنا
تعليقات
إرسال تعليق